ᔮᓱᐊᑉ ᐊᒡᓚᖏᑦ 3
3
ᐃᓴᕆᐊᓕᒥᐅᑦ ᐃᑳᕐᓂᖓ ᔪᐊᕐᑕᓂᒃᑯᑦ
1ᐅᓪᓛᒻᒪᕆᒃᑯᑦ ᔮᓱᐊᓗ ᐃᓴᕆᐊᓕᒥᐅᓪᓗ ᒪᑭᓚᐅᕐᐳᑦ, ᐊᐅᓪᓚᕐᓗᑎᒡᓗ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ ᔪᐊᕐᑕᓂᒧᐊᓕᕐᓗᑎᒃ, ᑕᕝᕗᖓᓗ ᔪᐊᕐᑕᓂᒧᑦ ᑎᑭᓐᓇᒥᒃ, ᑕᖕᒫᓚᐅᕐᐳᑦ ᐃᑳᕆᐊᓚᐅᖏᓐᓂᕐᒥᖕᓂ. 2ᐅᓪᓗᑦ ᐱᖓᓱᑦ ᓈᖕᒪᑕ ᐊᖓᔪᖅᑳᖏᑦ ᐃᓄᓕᒫᓄᑦ ᐅᐸᒍᑎᕗᑦ ᑕᖕᒫᕐᓯᒪᔪᓄᑦ. 3ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ. 4ᑕᒫᓃᓚᐅᕐᓯᒪᖏᓐᓇᑦᓯ, ᑖᒃᑯᓇᓐᖓᑦ ᖃᐅᔨᑎᑕᐅᓂᐊᕐᐳᓯ ᓇᐅᒃᑰᕆᐊᖃᕐᒪᖔᑦᓯ, ᑭᓯᐊᓂᓕ ᖃᒡᓕᔭᕆᐊᖃᕐᓂᐊᓐᖏᓚᓯ ᑖᓐᓇ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ, ᑭᖑᓂᖓᓂ 1,000 ᖃᓂᒋᔮᓂ ᐃᑎᒐᖕᓂᒃ ᓯᕕᑐᓂᖃᕐᓗᓯ ᒪᓕᖕᓂᐊᕐᐳᓯ.”
5ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ; ᖃᐅᒃᐸᑦ ᐊᑕᓂᖅ ᑲᒪᓇᕐᑐᒥᒃ ᐱᓇᓱᐊᕐᓂᐊᕐᒪᑦ ᐃᓕᑦᓯᓐᓂ.” 6ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.
7ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐃᓄᖕᓄᑦ ᐃᓴᕆᐊᓕᒥᐅᓄᑦ ᐅᐱᒋᔭᐅᑎᑦᓯᐊᕐᓂᐊᕐᐸᒋᑦ ᐊᖏᔪᕈᕐᑎᑕᐅᓗᑎᑦ, ᖃᐅᔨᓂᐊᕐᒪᑕ ᐃᓕᖕᓂ ᓇᔫᑎᓂᓐᓂᒃ ᒨᓯᓯᒥ ᓇᔫᑎᓂᕆᓚᐅᕐᑕᑦᑐᑦ. 8ᑐᓂᕐᕈᓯᕐᑎᑦᓯᔩᑦ ᐅᖃᐅᑎᓂᐊᕐᐸᑎᑦ ᐊᒡᔭᕐᓯᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ, ᑰᖕᒧᑦ ᔪᐊᕐᑕᓂᒧᑦ ᑎᑭᑐᐊᕈᑎᒃ, ᔪᐊᕐᑕᓂᐅᑉ ᓯᓈᓂ ᐅᑕᕿᖁᓪᓗᒋᑦ ᓇᖏᕐᓗᑎᒃ.”
9ᔮᓱᐊᓗ ᐅᖃᓕᕐᐳᖅ ᐃᓄᖕᓄᑦ, “ᒪᐅᖓ ᕾᒋᑦᓯ, ᑐᓴᕐᓗᓯᓗ ᐊᑕᓂᐅᑉ ᒎᑎᑦᓯ ᐅᖃᐅᓯᖏᓐᓂᒃ.” 10ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ, 11ᑕᑯᒋᑦ, ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐊᑕᓂᖓᑕ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓯᕗᓪᓕᐅᓗᓂ ᐃᓕᑦᓯᓐᓂᑦ ᐃᑳᕐᓂᐊᕐᐳᖅ ᔪᐊᕐᑕᓂᐅᑉ ᑰᖓᒍᑦ. 12ᒫᓐᓇ ᑍᒤᒻᒪᑦ ᓂᕈᐊᓕᕆᑦᓯ ᐊᖑᑎᓂᒃ 12ᓂᒃ ᐃᓴᕆᐊᓕᒥᐅᑦ ᑭᖑᕚᖏᓐᓂᑦ, ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ. 13ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᖏᖃᑎᖏᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᑕᓂᐅᔫᑉ ᓄᓇᕐᔪᐊᕐᒥᐅᓕᒫᓄᑦ ᐱᖓᓂᒃ ᐃᑎᒐᖏᑦ ᐃᒫᓄᑦ ᐊᒃᑐᑐᐊᕐᐸᑕ ᔪᐊᕐᑕᓂᐅᑉ ᑰᖓ ᓄᖅᑲᕐᓂᐊᕐᐳᖅ, ᑲᖏᐊᓂᓪᓗ ᑰᒃᑐᑦ ᓄᖅᑲᖓᓗᑎᒃ ᐊᑕᐅᓯᕐᒧᑦ ᑲᑎᓐᓂᐊᕐᐳᑦ.”
14ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ, 15ᑖᒃᑯᐊ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᑎᑭᐅᑎᖕᒪᑕ ᔪᐊᕐᑕᓂᒧᑦ, ᑐᓂᕐᕈᓯᕐᑎᑦᓯᔩᑦ ᐃᑎᒐᖏᑦ ᐊᒃᑐᑐᐊᕐᒪᑕ ᑰᖕᒧᑦ; ᑍᑦᓱᒪᓂ ᔪᐊᕐᑕᓂᐅᑉ ᑰᖓ ᑕᑕᑦᓯᐊᓚᐅᕐᐳᖅ ᑰᒃᑐᒻᒪᕆᐊᓘᓪᓗᓂ ᐱᕈᕐᑐᓂᒃ ᑲᑎᕐᓱᐃᕕᒃ ᓇᓪᓕᐅᑎᓯᒪᑎᓪᓗᒍ, 16ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ. 17ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.
Currently Selected:
ᔮᓱᐊᑉ ᐊᒡᓚᖏᑦ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔮᓱᐊᑉ ᐊᒡᓚᖏᑦ 3
3
ᐃᓴᕆᐊᓕᒥᐅᑦ ᐃᑳᕐᓂᖓ ᔪᐊᕐᑕᓂᒃᑯᑦ
1ᐅᓪᓛᒻᒪᕆᒃᑯᑦ ᔮᓱᐊᓗ ᐃᓴᕆᐊᓕᒥᐅᓪᓗ ᒪᑭᓚᐅᕐᐳᑦ, ᐊᐅᓪᓚᕐᓗᑎᒡᓗ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ ᔪᐊᕐᑕᓂᒧᐊᓕᕐᓗᑎᒃ, ᑕᕝᕗᖓᓗ ᔪᐊᕐᑕᓂᒧᑦ ᑎᑭᓐᓇᒥᒃ, ᑕᖕᒫᓚᐅᕐᐳᑦ ᐃᑳᕆᐊᓚᐅᖏᓐᓂᕐᒥᖕᓂ. 2ᐅᓪᓗᑦ ᐱᖓᓱᑦ ᓈᖕᒪᑕ ᐊᖓᔪᖅᑳᖏᑦ ᐃᓄᓕᒫᓄᑦ ᐅᐸᒍᑎᕗᑦ ᑕᖕᒫᕐᓯᒪᔪᓄᑦ. 3ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ. 4ᑕᒫᓃᓚᐅᕐᓯᒪᖏᓐᓇᑦᓯ, ᑖᒃᑯᓇᓐᖓᑦ ᖃᐅᔨᑎᑕᐅᓂᐊᕐᐳᓯ ᓇᐅᒃᑰᕆᐊᖃᕐᒪᖔᑦᓯ, ᑭᓯᐊᓂᓕ ᖃᒡᓕᔭᕆᐊᖃᕐᓂᐊᓐᖏᓚᓯ ᑖᓐᓇ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ, ᑭᖑᓂᖓᓂ 1,000 ᖃᓂᒋᔮᓂ ᐃᑎᒐᖕᓂᒃ ᓯᕕᑐᓂᖃᕐᓗᓯ ᒪᓕᖕᓂᐊᕐᐳᓯ.”
5ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ; ᖃᐅᒃᐸᑦ ᐊᑕᓂᖅ ᑲᒪᓇᕐᑐᒥᒃ ᐱᓇᓱᐊᕐᓂᐊᕐᒪᑦ ᐃᓕᑦᓯᓐᓂ.” 6ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.
7ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐃᓄᖕᓄᑦ ᐃᓴᕆᐊᓕᒥᐅᓄᑦ ᐅᐱᒋᔭᐅᑎᑦᓯᐊᕐᓂᐊᕐᐸᒋᑦ ᐊᖏᔪᕈᕐᑎᑕᐅᓗᑎᑦ, ᖃᐅᔨᓂᐊᕐᒪᑕ ᐃᓕᖕᓂ ᓇᔫᑎᓂᓐᓂᒃ ᒨᓯᓯᒥ ᓇᔫᑎᓂᕆᓚᐅᕐᑕᑦᑐᑦ. 8ᑐᓂᕐᕈᓯᕐᑎᑦᓯᔩᑦ ᐅᖃᐅᑎᓂᐊᕐᐸᑎᑦ ᐊᒡᔭᕐᓯᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᓂᒃ, ᑰᖕᒧᑦ ᔪᐊᕐᑕᓂᒧᑦ ᑎᑭᑐᐊᕈᑎᒃ, ᔪᐊᕐᑕᓂᐅᑉ ᓯᓈᓂ ᐅᑕᕿᖁᓪᓗᒋᑦ ᓇᖏᕐᓗᑎᒃ.”
9ᔮᓱᐊᓗ ᐅᖃᓕᕐᐳᖅ ᐃᓄᖕᓄᑦ, “ᒪᐅᖓ ᕾᒋᑦᓯ, ᑐᓴᕐᓗᓯᓗ ᐊᑕᓂᐅᑉ ᒎᑎᑦᓯ ᐅᖃᐅᓯᖏᓐᓂᒃ.” 10ᔮᓱᐊᓗ ᐅᖃᕐᐳᖅ, “ᖃᐅᔨᒪᓂᐊᕐᐳᓯ ᒎᑎᐅᑉ ᐆᒪᔪᑉ ᐃᓚᒋᖕᒪᓯ, ᑖᑦᓱᒪ ᑲᔪᓯᑦᓯᐊᕐᓗᓂ ᐱᕙᓪᓕᐊᑎᓐᓂᐊᕐᐹᓯ ᓯᖏᑦᓯᖁᓪᓗᓯ ᑬᓇᓂᒥᐅᓂᒃ, ᕼᐃᑍᑎᒥᐅᓂᒃ, ᕼᐃᕔᑎᑎᒥᐅᓂᒃ, ᐱᕆᔧᑎᒥᐅᓂᒃ, ᒋᕐᒐᓮᑎᒥᐅᓂᒃ, ᐊᒧᕅᑎᒥᐅᓂᒃ, ᔨᐳᓮᑎᒥᐅᓂᒡᓗ, 11ᑕᑯᒋᑦ, ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐊᑕᓂᖓᑕ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓯᕗᓪᓕᐅᓗᓂ ᐃᓕᑦᓯᓐᓂᑦ ᐃᑳᕐᓂᐊᕐᐳᖅ ᔪᐊᕐᑕᓂᐅᑉ ᑰᖓᒍᑦ. 12ᒫᓐᓇ ᑍᒤᒻᒪᑦ ᓂᕈᐊᓕᕆᑦᓯ ᐊᖑᑎᓂᒃ 12ᓂᒃ ᐃᓴᕆᐊᓕᒥᐅᑦ ᑭᖑᕚᖏᓐᓂᑦ, ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ. 13ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᖏᖃᑎᖏᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᑕᓂᐅᔫᑉ ᓄᓇᕐᔪᐊᕐᒥᐅᓕᒫᓄᑦ ᐱᖓᓂᒃ ᐃᑎᒐᖏᑦ ᐃᒫᓄᑦ ᐊᒃᑐᑐᐊᕐᐸᑕ ᔪᐊᕐᑕᓂᐅᑉ ᑰᖓ ᓄᖅᑲᕐᓂᐊᕐᐳᖅ, ᑲᖏᐊᓂᓪᓗ ᑰᒃᑐᑦ ᓄᖅᑲᖓᓗᑎᒃ ᐊᑕᐅᓯᕐᒧᑦ ᑲᑎᓐᓂᐊᕐᐳᑦ.”
14ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ, 15ᑖᒃᑯᐊ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᑎᑭᐅᑎᖕᒪᑕ ᔪᐊᕐᑕᓂᒧᑦ, ᑐᓂᕐᕈᓯᕐᑎᑦᓯᔩᑦ ᐃᑎᒐᖏᑦ ᐊᒃᑐᑐᐊᕐᒪᑕ ᑰᖕᒧᑦ; ᑍᑦᓱᒪᓂ ᔪᐊᕐᑕᓂᐅᑉ ᑰᖓ ᑕᑕᑦᓯᐊᓚᐅᕐᐳᖅ ᑰᒃᑐᒻᒪᕆᐊᓘᓪᓗᓂ ᐱᕈᕐᑐᓂᒃ ᑲᑎᕐᓱᐃᕕᒃ ᓇᓪᓕᐅᑎᓯᒪᑎᓪᓗᒍ, 16ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ. 17ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.