ᔮᓱᐊᑉ ᐊᒡᓚᖏᑦ 21
21
ᓕᕔᑎᒃᑯᑦ ᐃᒡᓗᒐᓴᖏᑦ
1ᑕᕝᕙ ᓕᕔᑎᑦ ᑭᖑᕚᖏᓐᓂ ᓯᕗᓕᕐᑏᑦ ᐃᓕᓯᕆᒧᐊᕐᐳᑦ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐊᖓᔪᖅᑳᕆᔭᐅᔪᓄᓪᓗ ᐃᓴᕆᐊᓕᒥᐅᑦ ᑭᖑᕚᖏᓐᓄᑦ. 2#ᒨᓯᓯ ᓯᑕᒪᖏᑦ 35:1-8.ᑕᕝᕙᓂ ᓮᓗᐊᒥ ᑬᓇᓂᐅᑉ ᓄᓇᖓᓂ ᐅᖃᐅᑎᓚᐅᕐᐰᑦ, “ᐊᑕᓂᖅ ᑎᓕᓯᓚᐅᕐᒪᑦ ᒨᓯᓯᒃᑯᑦ ᐃᒡᓗᒐᓴᖕᓂᒃ ᑐᓂᓯᕕᐅᖁᓪᓗᑕ ᓇᔪᒐᒃᓴᑦᑎᓐᓂᒃ, ᐱᕈᕐᓰᕕᖃᕐᑐᒥᒃ ᐆᒪᔪᖁᑎᕗᑦ ᐃᓂᖃᕈᓐᓇᖁᓪᓗᒋᑦ.” 3ᑕᕝᕙ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᐃᓴᕆᐊᓕᒥᐅᑦ ᑐᓂᓯᕗᑦ ᓕᕔᑎᓄᑦ ᐃᒡᓗᒐᓴᖕᓂᒃ ᐱᕈᕐᑐᓕᖕᓂᒃ ᓄᓇᒥᒃ ᓄᓇᖁᑎᒥᑕ ᐃᓚᖏᓐᓂᒃ.
4ᓇᓚᐅᑦᑖᕈᑎᒧᑦ ᓇᓚᐅᑕᐅᓚᐅᕐᐳᑦ ᓕᕔᑎᑦ ᑭᖑᕚᖏᑕ ᐃᓚᖏᑦ ᑯᕼᐋᑎᐅᑉ ᑭᖑᕚᖏᑦ. ᑖᒃᑯᐊ ᓕᕔᑦ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᑦ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᒡᓗᒐᓴᖕᓂᒃ 13ᓂᒃ ᔫᑕᐅᑉ, ᓯᒥᐅᓂᐅᓪᓗ, ᐱᓐᔭᒥᓂᐅᓪᓗ ᓄᓇᖁᑎᖓᑕ ᐃᓚᖏᓐᓂᑦ. 5ᑯᕼᐋᑎᐅᑉ ᑭᖑᕚᖏᑕ ᐃᓚᖏᑦ ᐃᒡᓗᒐᓴᖕᓂᒃ 10ᓂᒃ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᕗᕅᑎᐅᑉ, ᑖᓐᓗ, ᒫᓇᓯᒃᑯᓪᓗ ᓄᓇᖁᑎᖓᑕ ᐃᓚᖏᓐᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓂᒃ.
6ᒌᕐᓲᓂᐅᑉ ᑭᖑᕚᖏᑕ ᐃᓚᖏᑦ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᓴᑳᕆᐅᓪᓗ, ᐋᓱᕆᓗ, ᓈᑉᑕᓕᐅᓪᓗ ᒫᓇᓯᐅᓪᓗ ᓄᓇᖁᑎᖏᑕ ᐃᓚᖏᓐᓂᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓂᒃ ᐹᓴᓂᒥ, 13ᓂᒃ ᐃᒡᓗᒐᓴᖕᓂᒃ. 7ᒥᕋᕆᐅᑉ ᑭᖑᕚᖏᑦ ᑐᓂᔭᐅᕗᑦ ᕉᐱᓂᐅᑉ, ᒑᑦᓗ ᓯᐳᓗᓂᐅᓪᓗ ᓄᓇᖁᑎᖏᑕ ᐃᓚᖏᓐᓂᒃ, ᐃᒡᓗᒐᓴᖕᓂᒃ 12ᓂᒃ.
8ᑖᒃᑯᐊ ᐃᒡᓗᒐᓮᑦ ᐱᕈᕐᓰᕕᖏᓪᓗ ᐃᓴᕆᐊᓕᒥᐅᓂᑦ ᑐᓂᔭᐅᓚᐅᕐᐳᑦ ᓇᓚᐅᑦᑖᕈᑎᒃᑯᑦ ᓕᕔᑦ ᑭᖑᕚᖏᓐᓄᑦ, ᐊᑕᓂᖅ ᒨᓯᓯᒃᑯᑦ ᑍᒫᒃ ᑎᓕᓯᓯᒪᓂᖓ ᒪᓕᒡᓗᒍ.
9ᐅᑯᐊ ᑕᕝᕙ ᐃᒡᓗᒐᓮᑦ ᐊᑎᖏᑦ ᔫᑕᐅᓪᓗ ᓯᒥᐅᓂᐅᓪᓗ ᓄᓇᖁᑎᖓᓂᑦ ᑐᓂᔭᐅᓚᐅᕐᑐᑦ, 10ᐂᕉᓂᐅᑉ ᑭᖑᕚᖏᓐᓄᑦ, ᑯᕼᐊᓯᐅᓪᓗ ᐃᓚᒌᖏᓐᓄᑦ ᓕᕔᑦ ᑭᖑᕚᖏᓐᓄᑦ ᐃᓚᒋᔭᐅᔪᓄᑦ; ᑖᒃᑯᐊ ᓯᕗᓪᓕᕐᐸᐅᓪᓗᑎᒃ ᓇᓚᐅᑦᑖᕈᑎᒧᑦ ᓇᓚᐅᑕᐅᓚᐅᕐᐳᑦ. 11ᑐᓂᔭᐅᕗᑦ ᐃᒡᓗᒐᓴᖕᓂᒃ ᑭᕆᐊᑦ-ᐊᕋᐸᒥᒃ (ᑖᓐᓇ ᐋᕐᐸ ᐋᓇᑭᐅᑉ ᐊᑖᑕᒋᓚᐅᕐᑕᖓ), ᒫᓐᓇ ᑍᔭᐅᔪᖅ ᕼᐃᐸᕋᓐᒥᒃ, ᔫᑕᐅᑉ ᓄᓇᖓᓂ ᖃᖅᑲᓃᑦᑐᖅ, ᓄᓇ ᐱᕈᕐᑐᓕᒃ ᐊᕙᑖᓃᑦᑐᖅ ᐃᓚᒋᔭᐅᑎᓪᓗᒍ. 12ᐃᒡᓗᒐᓮᓪᓕ ᐱᕈᕐᓰᕕᖏᑦ ᑕᕝᕙᓃᑦᑐᖅ ᓄᓇᓖᓪᓗ ᑐᓂᔭᐅᔭᕇᕐᓯᒪᕗᑦ ᑬᓚᐱᐅᑉ ᐃᕐᓂᖓᓄᑦ ᔨᐳᓂᐊᒧᑦ ᐱᖁᑎᒋᔭᐅᓪᓗᑎᒃ.
13ᐂᕉᓂᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᓐᓄᑦ ᑐᓂᔭᐅᕗᑦ ᕼᐃᐸᕋᓐ ᐱᖃᓯᐅᑎᓪᓗᒍ ᐃᒡᓗᒐᓮᑦ ᕿᒫᕖᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ, ᐱᕈᕐᓰᕕᖏᓪᓗ, ᓕᑉᓇ ᐱᕈᕐᓰᕕᖏᓪᓗ ᐱᖃᓯᐅᑎᓪᓗᒋᑦ, 14ᔮᑎᐊᕐ ᐱᕈᕐᓰᕕᖏᓪᓗ, ᐃᔅᑎᒧᐊ ᐱᕈᕐᓰᕕᖏᓪᓗ, 15ᕼᐅᓗᓐ ᐱᕈᕐᓰᕕᖏᓪᓗ, ᑎᐱᕆ ᐱᕈᕐᓰᕕᖏᓪᓗ, 16ᐂᓐ ᐱᕈᕐᓰᕕᖏᓪᓗ, ᔫᑦᑕ ᐱᕈᕐᓰᕕᖏᓪᓗ, ᐱᑦ-ᓯᒥᔅ ᐱᕈᕐᓰᕕᖏᓪᓗ ᐱᕈᕐᑐᓖᑦ: ᐃᒡᓗᒐᓮᑦ 9ᖑᕗᑦ ᔫᑕᒥᑦ ᓯᒥᐅᓂᒥᓪᓗ ᑐᓂᔭᐅᔪᑦ. 17ᐱᓐᔭᒥᓂᐅᑉ ᓄᓇᖓᓂᑦ ᐃᒡᓗᒐᓮᑦ ᓯᑕᒪᐅᕗᑦ: ᒋᐱᐅᓂ ᐱᕈᕐᓰᕕᖏᓪᓗ, ᒋᐸ ᐱᕈᕐᓰᕕᖏᓪᓗ, 18ᐊᓇᑑᑎ ᐱᕈᕐᓰᕕᖏᓪᓗ, ᐊᓪᒪᓐ ᐱᕈᓰᕕᖏᓪᓗ ᐱᖃᓯᐅᑎᓪᓗᒋᑦ: 19ᐂᕉᓂᐅᑉ ᑐᓂᕐᕈᓯᕐᑎᑦᓯᔨᑉ ᑭᖑᕚᖏᓐᓄᑦ ᑐᓂᔭᐅᔪᑦ ᐃᒡᓗᒐᓮᑦ ᐊᑕᖏᕐᓗᒋᑦ 13ᖑᕗᑦ ᐱᕈᕐᓰᕕᖏᑦ ᐱᖃᓯᐅᑎᓪᓗᒋᑦ.
20ᑯᕼᐋᑎᐅᑉ ᑭᖑᕚᖏᓐᓂ ᓕᕔᑎᒃᑯᑦ ᐃᓚᖏᑦ, ᓇᓚᐅᑦᑖᕈᑎᒃᑯᑦ ᐃᒡᓗᒐᓴᖕᓂᒃ ᑐᓂᔭᐅᕗᑦ ᐃᕗᕅᒥᐅᑉ ᑭᖑᕚᖏᑕ ᓄᓇᖓᓂᑦ. 21ᑖᒃᑯᐊ ᑐᓂᓯᕕᐅᕗᑦ ᓯᑭᒻᒥᒃ, ᖃᖅᑲᓃᑦᑐᒥᒃ ᐃᒡᓗᒐᓴᖕᓂᒃ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕖᑦ ᐱᕈᕐᓰᕕᖏᓐᓂᒃ ᐃᕗᕅᒥᒥ, ᒋᔨᕆᓗ ᐱᕈᕐᓰᕕᖏᓪᓗ, 22ᑭᑉᔭ-ᐂᒻ ᐱᕈᕐᓰᕕᖏᓪᓗ, ᐱᑦ-ᕼᐅᕋᓐᓗ ᐱᕈᕐᓰᕕᖏᓪᓗ: ᑖᒃᑯᐊ ᐃᒡᓗᒐᓮᑦ ᓯᑕᒪᑦ; 23ᑖᓐ ᓄᓇᖓᓂᑦ, ᐃᐅᓪᑎᑭ ᐱᕈᕐᓰᕕᖏᓪᓗ, ᒋᐱᑖᓐ ᐱᕈᕐᓰᕕᖏᓪᓗ, 24ᐂᔭᓚᓐ ᐱᕈᕐᓰᕕᖏᓪᓗ, ᒑᑎ-ᕆᒪᓐᓗ ᐱᕈᕐᓰᕕᖏᓪᓗ ᐃᒡᓗᒐᓮᑦ ᓯᑕᒪᑦ; 25ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓂᑦ, ᑖᓇᒃ ᐱᕈᕐᓰᕕᖏᓪᓗ, ᒑᑎ-ᕆᒪᓐ ᐱᕈᕐᓰᕕᖏᓪᓗ ᐃᒡᓗᒐᓵᒃ ᒪᕐᕉᒃ ᑐᓂᔭᐅᕘᒃ. 26ᑖᒃᑯᐊ ᐃᓚᒌᑦ ᑯᕼᐋᑎᐅᑉ ᑭᖑᕚᖏᑦ ᐃᒡᓗᒐᓴᖕᓂᒃ ᖁᓕᓂᒃ ᑐᓂᔭᐅᕗᑦ ᑲᑎᓪᓗᒋᑦ ᐱᕈᕐᓰᕕᖏᓪᓗ ᐃᓚᒋᓗᒋᑦ.
27ᒌᕐᓲᓂᐅᑉ ᑭᖑᕚᖏᑦ ᑐᓂᔭᐅᓚᐅᕆᕗᑦ, ᓕᕔᑉ ᑭᖑᕚᖏᑕ ᐃᓚᖏᑦ, ᒫᓇᓯᐅᑉ ᑭᖑᕚᒋᑕ ᐃᓚᖏᓐᓂᑦ ᓄᓇᖁᑎᑖᕐᑎᑕᐅᒋᕗᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑑᖕᓂᒃ ᐃᒡᓗᒐᓵᖕᓂᒃ ᒪᕐᕉᖕᓂᒃ; ᒎᓚᓐ ᐹᓴᓂᒦᑦᑐᖅ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕖᑦ ᐱᖃᓯᐅᑎᓪᓗᒋᑦ, ᐲ-ᓯᑏᕋ ᐱᕈᕐᓰᕕᖏᓪᓗ; 28ᐃᓴᑳᕆᐅᑉ ᑭᖑᕚᖏᑕ ᓄᓇᖓᓂᑦ ᑐᓂᔭᐅᕗᑦ ᑭᓯᐊᓐ ᐱᕈᕐᓰᕕᖏᓪᓗ, ᑕᐱᕋᑦ ᐱᕈᕐᓰᕕᖏᓪᓗ, 29ᔭᕐᒨᑎ ᐱᕈᕐᓰᕕᖏᓪᓗ, ᐃᓐ-ᒐᓂᒻᓗ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᓯᑕᒪᓂᒃ; 30ᐋᓱᕆᐅᑉ ᑭᖑᕚᖏᑕ ᓄᓇᖓᓂᑦ ᑐᓂᔭᐅᕗᑦ ᒥᓴᐅᓪᒥᒃ ᐱᕈᕐᓰᕕᖏᓂᒡᓗ, ᐊᑉᑖᓐᒥᒃ ᐱᕈᕐᓰᕕᖏᓐᓂᒡᓗ, 31ᕼᐃᐅᓪᑲᔅ ᐱᕈᕐᓰᕕᖏᓪᓗ, ᕅᕼᐊᑉᓗ ᐱᕈᕐᓰᕕᖏᓪᓗ, ᓯᑕᒪᓂᒃ ᐃᒡᓗᒐᓴᖕᓂᒃ. 32ᓈᑉᑕᓕᐅᑉ ᑭᖑᕚᖏᑕ ᓄᓇᖓᓂᑦ, ᑐᓂᔭᐅᕗᑦ ᑭᑎᔅ ᒐᓕᓕᐊᒦᑦᑐᖅ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕕᒃ ᐱᖃᓯᐅᑎᓪᓗᒍ, ᕼᐊᒪᑕ-ᑐᐊᕐ ᐱᕈᕐᓰᕕᖏᓪᓗ, ᑳᕐᑖᓐᓗ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᐱᖓᓱᓂᒃ. 33ᑖᒃᑯᐊ ᐃᓚᒌᑦ ᒌᕐᓲᓂᐅᑉ ᑭᖑᕚᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᑲᑎᓪᓗᒋᑦ 13ᓂᒃ ᐱᕈᕐᓰᕕᖏᓐᓂᒡᓗ.
34ᒥᕋᕆᐅᑉ ᑭᖑᕚᖏᑦ ᑐᓂᔭᐅᕗᑦ, ᑖᒃᑯᐊ ᓕᕔᑎᑦ ᐃᓚᖏᑦ, ᓯᐳᓗᓂᐅᑉ ᓄᓇᖓᓂᑦ ᐅᑯᓂᖓ: ᔫᒃᓂ-ᐊᒻ ᐱᕈᕐᓰᕕᖏᓪᓗ, ᑳᕐᑕ ᐱᕈᕐᓰᕕᖏᓪᓗ, 35ᑎᒻᓇ ᐱᕈᕐᓰᕕᖏᓪᓗ, ᓇᕼᐊᓚᐅᓪ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᓯᑕᒪᓂᒃ; 36ᕉᐱᓂᐅᑉ ᓄᓇᖓᓂᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᓯᑕᒪᓂᒃ ᐅᑯᓂᖓ: ᐱᔮᕐ ᐱᕈᕐᓰᕕᖏᓪᓗ, ᔧᕼᐋᓯ ᐱᕈᕐᓰᕕᖏᓪᓗ, 37ᑭᑎᒫᑎ ᐱᕈᕐᓰᕕᖏᓪᓗ, ᒥᕚ-ᑕᓗ ᐱᕈᕐᓰᕕᖏᓪᓗ. 38ᒑᑦ ᑭᖑᕚᖏᓐᓂᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᓯᑕᒪᓂᒃ ᐅᑯᓂᖓ: ᕌᒪᑦᒥᒃ ᒋᓕᐊᑎᒦᑦᑐᒥᒃ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕕᒃ ᐱᖃᓯᐅᑎᓪᓗᒍ, ᒪᕼᐊᓁ ᐱᕈᕐᓰᕕᖏᓪᓗ, 39ᕼᐃᓴᐸᓂ ᐱᕈᕐᓰᕕᖏᓪᓗ, ᔧᔨᕆ ᐱᕈᕐᓰᕕᖏᓪᓗ ᐱᖃᓯᐅᑎᓪᓗᒋᑦ; ᑖᒃᑯᐊ ᓯᑕᒪᐅᕗᑦ ᐃᒡᓗᒐᓮᑦ ᑲᑎᓪᓗᒋᑦ. 40ᒥᕋᕆᐅᑉ ᑭᖑᕚᖏᑦ ᓇᓚᐅᑦᑖᕈᑎᒃᑯᑦ ᑐᓂᔭᐅᕗᑦ ᑲᑎᓪᓗᒋᑦ ᐃᒡᓗᒐᓴᖕᓂᒃ 12ᓂᒃ, ᑖᒃᑯᐊ ᑕᕝᕙ ᓕᕔᑦ ᑭᖑᕚᖏᑕ ᐊᒥᐊᒃᑯᖏᑦ.
41ᓕᕔᑦ ᑭᖑᕚᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑦ ᓄᓇᖓᓂᑦ ᑲᑎᓪᓗᒋᑦ 48ᓂᒃ ᐱᕈᕐᓰᕕᖏᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ. 42ᐃᒡᓗᒐᓴᓕᒫᑦ ᑖᒃᑯᐊ ᐊᑐᓂᑦ ᐱᕈᕐᓰᕕᖃᐅᕐᐳᑦ ᖃᓂᒋᔭᒥᒃᑎᒍᑦ; ᐊᑕᖏᕐᓗᒋᑦ ᑕᕝᕙ ᑍᒤᑦᑑᓚᐅᕐᐳᑦ ᑖᒃᑯᐊ ᐃᒡᓗᒐᓮᑦ.
ᐃᓴᕆᐊᓕᒥᐅᑦ ᓄᓇᒥᒃ ᐱᕙᓪᓕᐊᓂᖏᑦ
43ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ. 44ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ. 45ᐅᖃᐅᓯᕐᒥᒃ ᐊᑕᐅᓯᕐᒥᒡᓘᓐᓃᑦ ᐊᖏᕈᑕᐅᓯᒪᔪᒥᒃ ᑲᔪᓯᖏᑦᑐᕐᑕᖃᓚᐅᓐᖏᓚᖅ; ᐊᑕᓂᐅᑉ ᐅᖃᐅᓯᕆᓚᐅᕐᑕᓕᒫᓂ ᓇᓚᐅᑦᓯᑎᓚᐅᕐᐰᑦ ᐃᓴᕆᐊᓕᒥᐅᓄᑦ.
Currently Selected:
ᔮᓱᐊᑉ ᐊᒡᓚᖏᑦ 21: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔮᓱᐊᑉ ᐊᒡᓚᖏᑦ 21
21
ᓕᕔᑎᒃᑯᑦ ᐃᒡᓗᒐᓴᖏᑦ
1ᑕᕝᕙ ᓕᕔᑎᑦ ᑭᖑᕚᖏᓐᓂ ᓯᕗᓕᕐᑏᑦ ᐃᓕᓯᕆᒧᐊᕐᐳᑦ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐊᖓᔪᖅᑳᕆᔭᐅᔪᓄᓪᓗ ᐃᓴᕆᐊᓕᒥᐅᑦ ᑭᖑᕚᖏᓐᓄᑦ. 2#ᒨᓯᓯ ᓯᑕᒪᖏᑦ 35:1-8.ᑕᕝᕙᓂ ᓮᓗᐊᒥ ᑬᓇᓂᐅᑉ ᓄᓇᖓᓂ ᐅᖃᐅᑎᓚᐅᕐᐰᑦ, “ᐊᑕᓂᖅ ᑎᓕᓯᓚᐅᕐᒪᑦ ᒨᓯᓯᒃᑯᑦ ᐃᒡᓗᒐᓴᖕᓂᒃ ᑐᓂᓯᕕᐅᖁᓪᓗᑕ ᓇᔪᒐᒃᓴᑦᑎᓐᓂᒃ, ᐱᕈᕐᓰᕕᖃᕐᑐᒥᒃ ᐆᒪᔪᖁᑎᕗᑦ ᐃᓂᖃᕈᓐᓇᖁᓪᓗᒋᑦ.” 3ᑕᕝᕙ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᐃᓴᕆᐊᓕᒥᐅᑦ ᑐᓂᓯᕗᑦ ᓕᕔᑎᓄᑦ ᐃᒡᓗᒐᓴᖕᓂᒃ ᐱᕈᕐᑐᓕᖕᓂᒃ ᓄᓇᒥᒃ ᓄᓇᖁᑎᒥᑕ ᐃᓚᖏᓐᓂᒃ.
4ᓇᓚᐅᑦᑖᕈᑎᒧᑦ ᓇᓚᐅᑕᐅᓚᐅᕐᐳᑦ ᓕᕔᑎᑦ ᑭᖑᕚᖏᑕ ᐃᓚᖏᑦ ᑯᕼᐋᑎᐅᑉ ᑭᖑᕚᖏᑦ. ᑖᒃᑯᐊ ᓕᕔᑦ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᑦ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᒡᓗᒐᓴᖕᓂᒃ 13ᓂᒃ ᔫᑕᐅᑉ, ᓯᒥᐅᓂᐅᓪᓗ, ᐱᓐᔭᒥᓂᐅᓪᓗ ᓄᓇᖁᑎᖓᑕ ᐃᓚᖏᓐᓂᑦ. 5ᑯᕼᐋᑎᐅᑉ ᑭᖑᕚᖏᑕ ᐃᓚᖏᑦ ᐃᒡᓗᒐᓴᖕᓂᒃ 10ᓂᒃ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᕗᕅᑎᐅᑉ, ᑖᓐᓗ, ᒫᓇᓯᒃᑯᓪᓗ ᓄᓇᖁᑎᖓᑕ ᐃᓚᖏᓐᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓂᒃ.
6ᒌᕐᓲᓂᐅᑉ ᑭᖑᕚᖏᑕ ᐃᓚᖏᑦ ᑐᓂᔭᐅᕗᑦ ᓇᓚᐅᑦᑖᕈᑎᒃᑯᑦ ᐃᓴᑳᕆᐅᓪᓗ, ᐋᓱᕆᓗ, ᓈᑉᑕᓕᐅᓪᓗ ᒫᓇᓯᐅᓪᓗ ᓄᓇᖁᑎᖏᑕ ᐃᓚᖏᓐᓂᒃ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓂᒃ ᐹᓴᓂᒥ, 13ᓂᒃ ᐃᒡᓗᒐᓴᖕᓂᒃ. 7ᒥᕋᕆᐅᑉ ᑭᖑᕚᖏᑦ ᑐᓂᔭᐅᕗᑦ ᕉᐱᓂᐅᑉ, ᒑᑦᓗ ᓯᐳᓗᓂᐅᓪᓗ ᓄᓇᖁᑎᖏᑕ ᐃᓚᖏᓐᓂᒃ, ᐃᒡᓗᒐᓴᖕᓂᒃ 12ᓂᒃ.
8ᑖᒃᑯᐊ ᐃᒡᓗᒐᓮᑦ ᐱᕈᕐᓰᕕᖏᓪᓗ ᐃᓴᕆᐊᓕᒥᐅᓂᑦ ᑐᓂᔭᐅᓚᐅᕐᐳᑦ ᓇᓚᐅᑦᑖᕈᑎᒃᑯᑦ ᓕᕔᑦ ᑭᖑᕚᖏᓐᓄᑦ, ᐊᑕᓂᖅ ᒨᓯᓯᒃᑯᑦ ᑍᒫᒃ ᑎᓕᓯᓯᒪᓂᖓ ᒪᓕᒡᓗᒍ.
9ᐅᑯᐊ ᑕᕝᕙ ᐃᒡᓗᒐᓮᑦ ᐊᑎᖏᑦ ᔫᑕᐅᓪᓗ ᓯᒥᐅᓂᐅᓪᓗ ᓄᓇᖁᑎᖓᓂᑦ ᑐᓂᔭᐅᓚᐅᕐᑐᑦ, 10ᐂᕉᓂᐅᑉ ᑭᖑᕚᖏᓐᓄᑦ, ᑯᕼᐊᓯᐅᓪᓗ ᐃᓚᒌᖏᓐᓄᑦ ᓕᕔᑦ ᑭᖑᕚᖏᓐᓄᑦ ᐃᓚᒋᔭᐅᔪᓄᑦ; ᑖᒃᑯᐊ ᓯᕗᓪᓕᕐᐸᐅᓪᓗᑎᒃ ᓇᓚᐅᑦᑖᕈᑎᒧᑦ ᓇᓚᐅᑕᐅᓚᐅᕐᐳᑦ. 11ᑐᓂᔭᐅᕗᑦ ᐃᒡᓗᒐᓴᖕᓂᒃ ᑭᕆᐊᑦ-ᐊᕋᐸᒥᒃ (ᑖᓐᓇ ᐋᕐᐸ ᐋᓇᑭᐅᑉ ᐊᑖᑕᒋᓚᐅᕐᑕᖓ), ᒫᓐᓇ ᑍᔭᐅᔪᖅ ᕼᐃᐸᕋᓐᒥᒃ, ᔫᑕᐅᑉ ᓄᓇᖓᓂ ᖃᖅᑲᓃᑦᑐᖅ, ᓄᓇ ᐱᕈᕐᑐᓕᒃ ᐊᕙᑖᓃᑦᑐᖅ ᐃᓚᒋᔭᐅᑎᓪᓗᒍ. 12ᐃᒡᓗᒐᓮᓪᓕ ᐱᕈᕐᓰᕕᖏᑦ ᑕᕝᕙᓃᑦᑐᖅ ᓄᓇᓖᓪᓗ ᑐᓂᔭᐅᔭᕇᕐᓯᒪᕗᑦ ᑬᓚᐱᐅᑉ ᐃᕐᓂᖓᓄᑦ ᔨᐳᓂᐊᒧᑦ ᐱᖁᑎᒋᔭᐅᓪᓗᑎᒃ.
13ᐂᕉᓂᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᓐᓄᑦ ᑐᓂᔭᐅᕗᑦ ᕼᐃᐸᕋᓐ ᐱᖃᓯᐅᑎᓪᓗᒍ ᐃᒡᓗᒐᓮᑦ ᕿᒫᕖᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ, ᐱᕈᕐᓰᕕᖏᓪᓗ, ᓕᑉᓇ ᐱᕈᕐᓰᕕᖏᓪᓗ ᐱᖃᓯᐅᑎᓪᓗᒋᑦ, 14ᔮᑎᐊᕐ ᐱᕈᕐᓰᕕᖏᓪᓗ, ᐃᔅᑎᒧᐊ ᐱᕈᕐᓰᕕᖏᓪᓗ, 15ᕼᐅᓗᓐ ᐱᕈᕐᓰᕕᖏᓪᓗ, ᑎᐱᕆ ᐱᕈᕐᓰᕕᖏᓪᓗ, 16ᐂᓐ ᐱᕈᕐᓰᕕᖏᓪᓗ, ᔫᑦᑕ ᐱᕈᕐᓰᕕᖏᓪᓗ, ᐱᑦ-ᓯᒥᔅ ᐱᕈᕐᓰᕕᖏᓪᓗ ᐱᕈᕐᑐᓖᑦ: ᐃᒡᓗᒐᓮᑦ 9ᖑᕗᑦ ᔫᑕᒥᑦ ᓯᒥᐅᓂᒥᓪᓗ ᑐᓂᔭᐅᔪᑦ. 17ᐱᓐᔭᒥᓂᐅᑉ ᓄᓇᖓᓂᑦ ᐃᒡᓗᒐᓮᑦ ᓯᑕᒪᐅᕗᑦ: ᒋᐱᐅᓂ ᐱᕈᕐᓰᕕᖏᓪᓗ, ᒋᐸ ᐱᕈᕐᓰᕕᖏᓪᓗ, 18ᐊᓇᑑᑎ ᐱᕈᕐᓰᕕᖏᓪᓗ, ᐊᓪᒪᓐ ᐱᕈᓰᕕᖏᓪᓗ ᐱᖃᓯᐅᑎᓪᓗᒋᑦ: 19ᐂᕉᓂᐅᑉ ᑐᓂᕐᕈᓯᕐᑎᑦᓯᔨᑉ ᑭᖑᕚᖏᓐᓄᑦ ᑐᓂᔭᐅᔪᑦ ᐃᒡᓗᒐᓮᑦ ᐊᑕᖏᕐᓗᒋᑦ 13ᖑᕗᑦ ᐱᕈᕐᓰᕕᖏᑦ ᐱᖃᓯᐅᑎᓪᓗᒋᑦ.
20ᑯᕼᐋᑎᐅᑉ ᑭᖑᕚᖏᓐᓂ ᓕᕔᑎᒃᑯᑦ ᐃᓚᖏᑦ, ᓇᓚᐅᑦᑖᕈᑎᒃᑯᑦ ᐃᒡᓗᒐᓴᖕᓂᒃ ᑐᓂᔭᐅᕗᑦ ᐃᕗᕅᒥᐅᑉ ᑭᖑᕚᖏᑕ ᓄᓇᖓᓂᑦ. 21ᑖᒃᑯᐊ ᑐᓂᓯᕕᐅᕗᑦ ᓯᑭᒻᒥᒃ, ᖃᖅᑲᓃᑦᑐᒥᒃ ᐃᒡᓗᒐᓴᖕᓂᒃ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕖᑦ ᐱᕈᕐᓰᕕᖏᓐᓂᒃ ᐃᕗᕅᒥᒥ, ᒋᔨᕆᓗ ᐱᕈᕐᓰᕕᖏᓪᓗ, 22ᑭᑉᔭ-ᐂᒻ ᐱᕈᕐᓰᕕᖏᓪᓗ, ᐱᑦ-ᕼᐅᕋᓐᓗ ᐱᕈᕐᓰᕕᖏᓪᓗ: ᑖᒃᑯᐊ ᐃᒡᓗᒐᓮᑦ ᓯᑕᒪᑦ; 23ᑖᓐ ᓄᓇᖓᓂᑦ, ᐃᐅᓪᑎᑭ ᐱᕈᕐᓰᕕᖏᓪᓗ, ᒋᐱᑖᓐ ᐱᕈᕐᓰᕕᖏᓪᓗ, 24ᐂᔭᓚᓐ ᐱᕈᕐᓰᕕᖏᓪᓗ, ᒑᑎ-ᕆᒪᓐᓗ ᐱᕈᕐᓰᕕᖏᓪᓗ ᐃᒡᓗᒐᓮᑦ ᓯᑕᒪᑦ; 25ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓂᑦ, ᑖᓇᒃ ᐱᕈᕐᓰᕕᖏᓪᓗ, ᒑᑎ-ᕆᒪᓐ ᐱᕈᕐᓰᕕᖏᓪᓗ ᐃᒡᓗᒐᓵᒃ ᒪᕐᕉᒃ ᑐᓂᔭᐅᕘᒃ. 26ᑖᒃᑯᐊ ᐃᓚᒌᑦ ᑯᕼᐋᑎᐅᑉ ᑭᖑᕚᖏᑦ ᐃᒡᓗᒐᓴᖕᓂᒃ ᖁᓕᓂᒃ ᑐᓂᔭᐅᕗᑦ ᑲᑎᓪᓗᒋᑦ ᐱᕈᕐᓰᕕᖏᓪᓗ ᐃᓚᒋᓗᒋᑦ.
27ᒌᕐᓲᓂᐅᑉ ᑭᖑᕚᖏᑦ ᑐᓂᔭᐅᓚᐅᕆᕗᑦ, ᓕᕔᑉ ᑭᖑᕚᖏᑕ ᐃᓚᖏᑦ, ᒫᓇᓯᐅᑉ ᑭᖑᕚᒋᑕ ᐃᓚᖏᓐᓂᑦ ᓄᓇᖁᑎᑖᕐᑎᑕᐅᒋᕗᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑑᖕᓂᒃ ᐃᒡᓗᒐᓵᖕᓂᒃ ᒪᕐᕉᖕᓂᒃ; ᒎᓚᓐ ᐹᓴᓂᒦᑦᑐᖅ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕖᑦ ᐱᖃᓯᐅᑎᓪᓗᒋᑦ, ᐲ-ᓯᑏᕋ ᐱᕈᕐᓰᕕᖏᓪᓗ; 28ᐃᓴᑳᕆᐅᑉ ᑭᖑᕚᖏᑕ ᓄᓇᖓᓂᑦ ᑐᓂᔭᐅᕗᑦ ᑭᓯᐊᓐ ᐱᕈᕐᓰᕕᖏᓪᓗ, ᑕᐱᕋᑦ ᐱᕈᕐᓰᕕᖏᓪᓗ, 29ᔭᕐᒨᑎ ᐱᕈᕐᓰᕕᖏᓪᓗ, ᐃᓐ-ᒐᓂᒻᓗ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᓯᑕᒪᓂᒃ; 30ᐋᓱᕆᐅᑉ ᑭᖑᕚᖏᑕ ᓄᓇᖓᓂᑦ ᑐᓂᔭᐅᕗᑦ ᒥᓴᐅᓪᒥᒃ ᐱᕈᕐᓰᕕᖏᓂᒡᓗ, ᐊᑉᑖᓐᒥᒃ ᐱᕈᕐᓰᕕᖏᓐᓂᒡᓗ, 31ᕼᐃᐅᓪᑲᔅ ᐱᕈᕐᓰᕕᖏᓪᓗ, ᕅᕼᐊᑉᓗ ᐱᕈᕐᓰᕕᖏᓪᓗ, ᓯᑕᒪᓂᒃ ᐃᒡᓗᒐᓴᖕᓂᒃ. 32ᓈᑉᑕᓕᐅᑉ ᑭᖑᕚᖏᑕ ᓄᓇᖓᓂᑦ, ᑐᓂᔭᐅᕗᑦ ᑭᑎᔅ ᒐᓕᓕᐊᒦᑦᑐᖅ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕕᒃ ᐱᖃᓯᐅᑎᓪᓗᒍ, ᕼᐊᒪᑕ-ᑐᐊᕐ ᐱᕈᕐᓰᕕᖏᓪᓗ, ᑳᕐᑖᓐᓗ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᐱᖓᓱᓂᒃ. 33ᑖᒃᑯᐊ ᐃᓚᒌᑦ ᒌᕐᓲᓂᐅᑉ ᑭᖑᕚᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᑲᑎᓪᓗᒋᑦ 13ᓂᒃ ᐱᕈᕐᓰᕕᖏᓐᓂᒡᓗ.
34ᒥᕋᕆᐅᑉ ᑭᖑᕚᖏᑦ ᑐᓂᔭᐅᕗᑦ, ᑖᒃᑯᐊ ᓕᕔᑎᑦ ᐃᓚᖏᑦ, ᓯᐳᓗᓂᐅᑉ ᓄᓇᖓᓂᑦ ᐅᑯᓂᖓ: ᔫᒃᓂ-ᐊᒻ ᐱᕈᕐᓰᕕᖏᓪᓗ, ᑳᕐᑕ ᐱᕈᕐᓰᕕᖏᓪᓗ, 35ᑎᒻᓇ ᐱᕈᕐᓰᕕᖏᓪᓗ, ᓇᕼᐊᓚᐅᓪ ᐱᕈᕐᓰᕕᖏᓪᓗ; ᐃᒡᓗᒐᓴᖕᓂᒃ ᓯᑕᒪᓂᒃ; 36ᕉᐱᓂᐅᑉ ᓄᓇᖓᓂᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᓯᑕᒪᓂᒃ ᐅᑯᓂᖓ: ᐱᔮᕐ ᐱᕈᕐᓰᕕᖏᓪᓗ, ᔧᕼᐋᓯ ᐱᕈᕐᓰᕕᖏᓪᓗ, 37ᑭᑎᒫᑎ ᐱᕈᕐᓰᕕᖏᓪᓗ, ᒥᕚ-ᑕᓗ ᐱᕈᕐᓰᕕᖏᓪᓗ. 38ᒑᑦ ᑭᖑᕚᖏᓐᓂᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᓯᑕᒪᓂᒃ ᐅᑯᓂᖓ: ᕌᒪᑦᒥᒃ ᒋᓕᐊᑎᒦᑦᑐᒥᒃ ᐱᕈᕐᓰᕕᖏᓪᓗ, ᐃᒡᓗᒐᓮᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ ᕿᒫᕕᒃ ᐱᖃᓯᐅᑎᓪᓗᒍ, ᒪᕼᐊᓁ ᐱᕈᕐᓰᕕᖏᓪᓗ, 39ᕼᐃᓴᐸᓂ ᐱᕈᕐᓰᕕᖏᓪᓗ, ᔧᔨᕆ ᐱᕈᕐᓰᕕᖏᓪᓗ ᐱᖃᓯᐅᑎᓪᓗᒋᑦ; ᑖᒃᑯᐊ ᓯᑕᒪᐅᕗᑦ ᐃᒡᓗᒐᓮᑦ ᑲᑎᓪᓗᒋᑦ. 40ᒥᕋᕆᐅᑉ ᑭᖑᕚᖏᑦ ᓇᓚᐅᑦᑖᕈᑎᒃᑯᑦ ᑐᓂᔭᐅᕗᑦ ᑲᑎᓪᓗᒋᑦ ᐃᒡᓗᒐᓴᖕᓂᒃ 12ᓂᒃ, ᑖᒃᑯᐊ ᑕᕝᕙ ᓕᕔᑦ ᑭᖑᕚᖏᑕ ᐊᒥᐊᒃᑯᖏᑦ.
41ᓕᕔᑦ ᑭᖑᕚᖏᑦ ᑐᓂᔭᐅᕗᑦ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑦ ᓄᓇᖓᓂᑦ ᑲᑎᓪᓗᒋᑦ 48ᓂᒃ ᐱᕈᕐᓰᕕᖏᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ. 42ᐃᒡᓗᒐᓴᓕᒫᑦ ᑖᒃᑯᐊ ᐊᑐᓂᑦ ᐱᕈᕐᓰᕕᖃᐅᕐᐳᑦ ᖃᓂᒋᔭᒥᒃᑎᒍᑦ; ᐊᑕᖏᕐᓗᒋᑦ ᑕᕝᕙ ᑍᒤᑦᑑᓚᐅᕐᐳᑦ ᑖᒃᑯᐊ ᐃᒡᓗᒐᓮᑦ.
ᐃᓴᕆᐊᓕᒥᐅᑦ ᓄᓇᒥᒃ ᐱᕙᓪᓕᐊᓂᖏᑦ
43ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ. 44ᐊᑕᓂᐅᑉ ᒥᕐᖑᐃᕐᓯᕐᑎᓕᓚᐅᕐᐰᑦ ᓄᓇᒥ ᐊᕙᑎᓕᒫᒥᖕᓂᑦ ᐸᕕᓴᒃᑕᐅᔪᓐᓃᕐᓗᑎᒃ ᑍᒫᒃ ᑕᒪᓐᓇ ᓯᕗᓕᖏᓐᓄᑦ ᐊᖏᒻᒪᕆᒍᑎᒋᓚᐅᕋᒥᐅᒃ; ᐊᑭᕋᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᓄᖅᑲᕐᑎᑕᐅᔪᓐᓇᓚᐅᓐᖏᓚᑦ; ᐊᑕᓂᐅᑉ ᓵᓚᖃᕐᑎᖃᑦᑕᓚᐅᕐᒪᒋᑦ ᐊᑭᕋᓕᒫᖏᓐᓂᒃ. 45ᐅᖃᐅᓯᕐᒥᒃ ᐊᑕᐅᓯᕐᒥᒡᓘᓐᓃᑦ ᐊᖏᕈᑕᐅᓯᒪᔪᒥᒃ ᑲᔪᓯᖏᑦᑐᕐᑕᖃᓚᐅᓐᖏᓚᖅ; ᐊᑕᓂᐅᑉ ᐅᖃᐅᓯᕆᓚᐅᕐᑕᓕᒫᓂ ᓇᓚᐅᑦᓯᑎᓚᐅᕐᐰᑦ ᐃᓴᕆᐊᓕᒥᐅᓄᑦ.
Eastern Arctic Inuktitut Bible © Canadian Bible Society, 2012, 2021-2023.