ᔮᓱᐊᑉ ᐊᒡᓚᖏᑦ 18
18
ᓄᓁᑦ ᐊᓯᖏᑦᑕ ᐊᕕᒃᑐᕐᑕᐅᓂᖏᑦ
1ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ. 2ᐃᓚᒌᓪᓕ ᓱᓕ ᐃᓴᕆᐊᓕᒥᐅᑦ ᑭᖑᕚᕇᖁᑎᖏᑦ 7 ᑐᓂᔭᐅᓚᐅᓐᖏᓚᑦ ᓄᓇᐅᑉ ᐃᓚᖓᓂᒃ ᓄᓇᑖᕆᓗᒍ ᑭᖑᕐᖑᑎᓂᐊᕐᑕᖏᓐᓂᒃ. 3ᑕᕝᕙ ᔮᓱᐊᑉ ᐃᓄᐃᑦ ᐃᓴᕆᐊᓕᒥᐅᑦ ᐅᖃᐅᑎᕔᑦ, “ᖃᓄᖅ ᓱᓕ ᐊᑯᓂᐅᑎᒋᔪᒥᒃ ᐅᑕᖅᑭᓂᐊᕐᐱᓰ ᓄᓇᑖᕐᑍᓕᓗᓯ ᐊᑕᓂᐅᑉ ᓯᕗᓕᑦᓯ ᒎᑎᖓᑕ ᑐᓂᔭᕇᕐᓯᒪᔭᖓᓂᒃ ᐃᓕᑦᓯᓐᓄᑦ? 4ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ ᐊᖑᑎᓂᒃ ᐱᖓᓱᓂᒃ ᑐᓂᓚᐅᕐᓯᓐᖓ, ᑖᒃᑯᐊ ᑎᓕᓂᐊᕋᒃᑭᑦ ᖃᐅᔨᓴᖁᓪᓗᒋᑦ ᓇᓗᓁᕐᓯᑦᓯᐊᖁᓪᓗᒋᓪᓗ ᓇᓪᓕᐊᓐᓂᒃ ᓄᓇᑖᕈᒪᖕᒪᖔᑕ ᑭᖑᕐᖑᑎᔭᒃᓴᒥᖕᓂᒃ, ᖃᐅᔨᓴᕇᕈᑎᒡᓗ ᐅᕙᓐᓄᑦ ᐅᑎᖁᓪᓗᒋᑦ. 5ᓄᓇ ᐊᕕᒃᑐᕐᑕᐅᔪᓐᓇᕐᐳᖅ 7ᐅᓕᓗᒍ; ᔫᑕᐅᑉ ᑭᖑᕚᖏᑦ ᓅᓐᓂᐊᓐᖏᓚᑦ ᓄᓇᒥᖕᓂᑦ ᓯᕿᓂᐅᑉ ᓇᓛᓃᑦᑐᒥᑦ, ᔫᓯᐱᐅᓪᓗ ᑭᖑᕚᖏᑦ ᓄᓇᒥᖕᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᓅᓐᓂᐊᖏᓐᓂᕗᑦ. 6ᓄᓇ ᕿᒥᕐᕈᐊᕐᓗᒍ ᓄᓇᓐᖑᐊᓕᐅᕐᓗᒍᑦ ᓇᓗᓁᕐᓂᐊᕐᐸᓯ ᐊᕕᒃᑐᕐᓗᒋᑦ 7ᓄᑦ ᕾᓪᓗᓯᐅᒡᓗ ᐅᕙᓐᓄᑦ; ᓇᓚᐅᑦᑖᕈᑎᒃᑯᑦ ᐊᑕᓂᐅᑉ ᒎᑎᑦᑕ ᓵᖓᓂ ᖃᐅᔨᒋᐊᕈᒫᕐᐸᒃᑲ ᐃᓕᑦᓯ ᐱᑦᔪᑎᒋᓗᓯ. 7ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”
8ᑕᕝᕙ ᐊᖑᑏᑦ ᖃᐅᔨᓴᕆᐊᓕᕐᐳᑦ ᓄᓇᓐᖑᐊᓕᐅᕆᐊᕐᑐᕐᓗᑎᒃ; ᔮᓱᐊᑉ ᐅᖃᐅᑎᓚᐅᕐᒪᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ, “ᓄᓇ ᕿᒥᕐᕈᐊᕆᐊᕐᑐᓕᕐᓯᐅᒃ, ᓄᓇᓐᖑᐊᓕᐅᕐᓗᒍ ᓇᓗᓁᕐᓂᐊᕐᐸᓯ, ᕾᓪᓗᓯᐅᒡᓗ ᐅᕙᓐᓄᑦ, ᑕᕝᕙᓂᓗ ᓮᓗᐊᒥ ᐊᑕᓂᖅ ᖃᐅᔨᒋᐊᕈᒫᕐᐸᕋ ᖃᓄᐃᓕᐅᖁᔨᖕᒪᖔᑦ ᓇᓚᐅᑦᑖᕈᑎᒃᑯᑦ.” 9ᑕᕝᕙ ᐊᖑᑏᑦ ᖃᐅᔨᓴᕆᐊᕐᐳᑦ ᓄᓇᓐᖑᐊᓕᐅᕐᓗᑎᒡᓗ ᐊᕕᒃᑐᕐᓗᒍ ᓄᓇ 7ᐅᓕᖅᑲᖓᓪᓗᒍ, ᓄᓇᓖᑦ ᑎᑎᕋᕐᑕᐅᕗᑦ ᐊᒡᓚᖕᓄᑦ ᑲᑎᑕᐅᓪᓗᑎᒃ, ᐅᑎᕐᐳᓪᓗ ᔮᓱᐊᒧᑦ ᑕᖕᒫᕐᓯᒪᕕᖕᒦᑦᑐᒧᑦ ᓮᓗᐊᒥ. 10ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.
ᓄᓇ ᑐᓂᔭᐅᔪᖅ ᐱᓐᔭᒥᓂᒧᑦ
11ᓄᓇ ᓇᓚᐅᑕᐅᔪᖅ ᓯᕗᓪᓕᕐᐹᒥ ᑐᓂᔭᐅᕗᖅ ᐱᓐᔭᒥᓂᐅᑉ ᑭᖑᕚᖏᓐᓄᑦ, ᔫᑕᐅᓪᓗ ᔫᓯᐱᐅᓪᓗ ᓄᓇᖁᑎᖓᑕ ᐊᑯᓐᓂᖓᓃᑦᑐᖅ. 12ᐅᓐᓄᐊᓪᓗᐊᑉ ᓇᓛᓃᑦᑐᖅ ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᔪᐊᕐᑕᓂᐅᑉ ᑰᖓᓂᑦ; ᑲᔪᓯᓪᓗᓂ ᖃᖅᑲᔮᓄᑦ ᔨᕆᑯᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᐊᒻᒪ ᓯᕿᓂᐅᑉ ᓂᐱᕕᐊᓄᑦ ᖃᖅᑲᔮᓕᒃᑎᒍᑦ; ᐃᓄᖃᔪᐃᑦᑐᖅ ᐱᑦᐂᕕᓐ ᑎᑭᓪᓗᒍ. 13ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᓚᔾᒥᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ (ᑍᔭᐅᓚᐅᕐᒥᔪᖅ ᐱᑎᓕᒥᒃ), ᑕᐅᓄᖓᓗ ᐊᑕᕉᑎ-ᐊᑕᕆᒧᑦ, ᖃᖅᑲᒧᑦ ᐊᒃᐸᓯᖕᓂᕐᓴᒧᑦ ᐱᑦ-ᕼᐅᕋᓐᒧᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ. 14ᓄᓇᐅᓪᓗ ᑭᒡᓕᖓ ᐃᒡᓗᐊᓄᑦ ᑎᑎᕐᓯᒪᒋᕗᖅ ᐅᓪᓗᓪᓗᐊᑉ ᓇᓛᓄᑦ, ᑕᕝᕙᓐᖓᑦ ᖃᖅᑲᐅᑉ ᓯᕿᓂᖓᑕ ᓂᐱᕕᐊᒍᑦ ᑍᑯᖓ ᑭᕆᐊᑦ-ᐰᓕᒧᑦ (ᑍᔭᐅᕙᖕᒥᔪᖅ ᑭᕆᐊᑦ-ᔨᕆᒻᒥᒃ), ᐱᑦ-ᕼᐅᕋᐅᑉ ᐊᑭᐊᓃᑦᑐᒧᑦ, ᑕᒪᓐᓇ ᔫᑕᐅᑉ ᑭᖑᕚᖏᓐᓄᑦ ᐱᒋᔭᐅᕗᖅ. ᑕᒪᓐᓇ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᓄᓇᖁᑎᖓᑕ ᑭᒡᓕᒋᓚᐅᕐᐹ. 15ᐅᓪᓗᓪᓗᐊᓪᓕ ᓇᓛᓃᑦᑐᖅ ᐱᒋᐊᕐᓂᖃᕐᐳᖅ ᑭᕆᐊᑦ-ᔨᕆᒻ ᑭᒡᓕᖓᓂᑦ; ᑕᒫᓐᖓᑦ ᐱᒋᐊᕐᓗᓂ ᑎᑭᓯᒪᕗᖅ ᐃᐸᕋᓐᒧᑦ, ᓂᑉᑐᐊᑉ ᐃᒥᕐᑕᕐᕕᖓᓄᑦ ᓄᓇᐅᑉ ᐃᓗᐊᓂᑦ ᑰᒃᑐᒧᑦ. 16ᑕᕝᕙᓐᖓᑦ ᑕᐅᓄᖓ ᖃᖅᑲᐅᑉ ᓇᑎᕐᓇᖓᓄᑦ ᓄᓇ ᑭᒡᓕᖃᕐᐳᖅ ᐅᔭᐅᒪᔪᒧᑦ ᕼᐃᓇᒻ ᓇᕐᓴᖓᓄᑦ, ᕆᐰᒻ ᓇᕐᓴᖓᑕ ᐅᓐᓄᐊᓪᓗᐊᖓᑕ ᐃᓱᐊᓄᑦ, ᐅᓪᓗᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᕼᐃᓇᒻ ᓇᕐᓴᖓᒍᑦ, ᔨᐳᓮᑎᑦ ᐱᖑᖓᑕ ᐅᓪᓗᓪᓗᐊᖓᑕ ᓇᓛᒍᑦ, ᑕᐅᓄᖓ ᐊᒻᒧᐊᒃᓯᒪᓪᓗᓂ ᐃᓐ-ᕈᒋᐅᓪ ᓇᓛᓄᑦ. 17ᑕᕝᕙᓐᖓᑦ ᓴᖑᓪᓗᓂ ᐅᓐᓄᐊᓪᓗᐊᒧᑦ ᐃᓐ-ᓯᒥᔅᒧᑦ, ᑕᕝᕙᓐᖓᑦ ᑲᔪᓯᒋᓪᓗᓂ ᒋᓕᓛᔅᒧᑦ, ᐊᑐᒻᒥᐅᑉ ᐊᑭᐊᓃᑦᑐᒧᑦ; ᓄᓇᐅᑉ ᑭᒡᓕᖓ ᑲᔪᓯᕗᖅ ᑕᐅᓄᖓ ᐊᒻᒧᐊᒃᓯᒪᓪᓗᓂ ᐴᕼᐊᓐ ᓄᓇᖁᑎᖓᑕ ᓇᓗᓁᒃᑯᑕᖓᓄᑦ ᐅᔭᕋᖕᒧᑦ; ᑖᓐᓇ ᐴᕼᐊᓐ ᐃᕐᓂᕆᔭᐅᕗᖅ ᕉᐱᓂᒧᑦ. 18ᑕᕝᕙᓐᖓᑦ ᐅᓐᓄᐊᓪᓗᐊᒧᑦ ᐱᖑᕐᒧᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑕᑯᒃᓴᐅᔪᒧᑦ ᑲᔪᓯᓯᒪᕗᖅ ᐱᑦ-ᐊᕋᐸᒧᑦ, ᑕᕝᕙᓐᖓᑦ ᑕᐅᓄᖓ ᐊᒻᒧᐊᒃᓯᒪᓪᓗᓂ ᓇᕐᓴᒧᑦ ᐊᕋᐸᒧᑦ. 19ᑕᕝᕙᓐᖓᑦ ᐅᓐᓄᐊᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᐱᑦ-ᕼᐅᒡᓚᐅᑉ ᐱᖑᖓᓄᑦ; ᐃᓱᖃᕐᓗᓂ ᑕᓯᐅᔭᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑕᓯᕐᒧᑦ ᑕᕆᐅᕐᒧᑦ, ᔪᐊᕐᑕᓂᐅᑉ ᐅᓪᓗᓪᓗᐊᖓᑕ ᓇᓛᓃᑦᑐᖅ: ᑕᒪᓐᓇ ᐅᓪᓗᓪᓗᐊᑉ ᓇᓛᓃᑦᑐᒥ ᓄᓇᖓ ᑭᒡᓕᖃᕐᐳᖅ. 20ᔪᐊᕐᑕᓂᐅᑉ ᑰᖓᓄᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ ᑭᒡᓕᖃᕐᐳᖅ. ᑖᒃᑯᐊ ᐱᓐᔭᒥᓂᐅᑉ ᑭᖑᕚᖏᑕ ᓄᓇᖁᑎᖓᑕ ᑭᒡᓕᒋᕔᑦ ᑭᖑᕐᖑᑎᔭᐅᔪᑦ, ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.
21ᐃᒡᓗᒐᓮᑦ ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ ᓄᓇᒋᔭᐅᕗᑦ ᐅᑯᐊ, ᔨᕆᑯ, ᐱᑦ-ᕼᐅᒡᓚ, ᐃᒥᒃ-ᑭᔨᔨ, 22ᐱᑦ-ᐊᕋᐸ, ᔨᒪᕅᒻ, ᐱᑎᓕ, 23ᐊᐅᐃᒻ, ᐸᕋ, ᐅᐸᕋ, 24ᓯᑉᕼᐊᕋᐊᒨᓂ, ᐆᑉᓂ, ᒋᐸᓗ: ᑖᒃᑯᐊ ᐃᒡᓗᒐᓮᑦ 12ᕗᑦ, ᓄᓇᓕᖕᓂᒃ ᖃᓂᒋᔭᖏᓐᓃᑦᑐᓂᒃ ᐃᓚᖃᕐᓗᑎᒃ. 25ᐅᑯᐊᓗ ᒋᐱᐅᓂ, ᕌᒪ, ᐱ-ᐊᕌᔅ, 26ᒥᔅᐱ, ᓯᐱᕋ, ᒨᔭ, 27ᕆᑭᒻ, ᐃᕐᐱᐅᓪ, ᑕᕋᓚ, 28ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.
Currently Selected:
ᔮᓱᐊᑉ ᐊᒡᓚᖏᑦ 18: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᔮᓱᐊᑉ ᐊᒡᓚᖏᑦ 18
18
ᓄᓁᑦ ᐊᓯᖏᑦᑕ ᐊᕕᒃᑐᕐᑕᐅᓂᖏᑦ
1ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ. 2ᐃᓚᒌᓪᓕ ᓱᓕ ᐃᓴᕆᐊᓕᒥᐅᑦ ᑭᖑᕚᕇᖁᑎᖏᑦ 7 ᑐᓂᔭᐅᓚᐅᓐᖏᓚᑦ ᓄᓇᐅᑉ ᐃᓚᖓᓂᒃ ᓄᓇᑖᕆᓗᒍ ᑭᖑᕐᖑᑎᓂᐊᕐᑕᖏᓐᓂᒃ. 3ᑕᕝᕙ ᔮᓱᐊᑉ ᐃᓄᐃᑦ ᐃᓴᕆᐊᓕᒥᐅᑦ ᐅᖃᐅᑎᕔᑦ, “ᖃᓄᖅ ᓱᓕ ᐊᑯᓂᐅᑎᒋᔪᒥᒃ ᐅᑕᖅᑭᓂᐊᕐᐱᓰ ᓄᓇᑖᕐᑍᓕᓗᓯ ᐊᑕᓂᐅᑉ ᓯᕗᓕᑦᓯ ᒎᑎᖓᑕ ᑐᓂᔭᕇᕐᓯᒪᔭᖓᓂᒃ ᐃᓕᑦᓯᓐᓄᑦ? 4ᑭᖑᕚᕇᓂᑦ ᐊᑐᓂᑦ ᐱᓯᒪᔪᓂᒃ ᐊᖑᑎᓂᒃ ᐱᖓᓱᓂᒃ ᑐᓂᓚᐅᕐᓯᓐᖓ, ᑖᒃᑯᐊ ᑎᓕᓂᐊᕋᒃᑭᑦ ᖃᐅᔨᓴᖁᓪᓗᒋᑦ ᓇᓗᓁᕐᓯᑦᓯᐊᖁᓪᓗᒋᓪᓗ ᓇᓪᓕᐊᓐᓂᒃ ᓄᓇᑖᕈᒪᖕᒪᖔᑕ ᑭᖑᕐᖑᑎᔭᒃᓴᒥᖕᓂᒃ, ᖃᐅᔨᓴᕇᕈᑎᒡᓗ ᐅᕙᓐᓄᑦ ᐅᑎᖁᓪᓗᒋᑦ. 5ᓄᓇ ᐊᕕᒃᑐᕐᑕᐅᔪᓐᓇᕐᐳᖅ 7ᐅᓕᓗᒍ; ᔫᑕᐅᑉ ᑭᖑᕚᖏᑦ ᓅᓐᓂᐊᓐᖏᓚᑦ ᓄᓇᒥᖕᓂᑦ ᓯᕿᓂᐅᑉ ᓇᓛᓃᑦᑐᒥᑦ, ᔫᓯᐱᐅᓪᓗ ᑭᖑᕚᖏᑦ ᓄᓇᒥᖕᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᓅᓐᓂᐊᖏᓐᓂᕗᑦ. 6ᓄᓇ ᕿᒥᕐᕈᐊᕐᓗᒍ ᓄᓇᓐᖑᐊᓕᐅᕐᓗᒍᑦ ᓇᓗᓁᕐᓂᐊᕐᐸᓯ ᐊᕕᒃᑐᕐᓗᒋᑦ 7ᓄᑦ ᕾᓪᓗᓯᐅᒡᓗ ᐅᕙᓐᓄᑦ; ᓇᓚᐅᑦᑖᕈᑎᒃᑯᑦ ᐊᑕᓂᐅᑉ ᒎᑎᑦᑕ ᓵᖓᓂ ᖃᐅᔨᒋᐊᕈᒫᕐᐸᒃᑲ ᐃᓕᑦᓯ ᐱᑦᔪᑎᒋᓗᓯ. 7ᓕᕔᒃᑯᓪᓕ ᑭᓯᐊᓂ ᓄᓇᑖᕐᓂᐊᓐᖏᓚᑦ ᐊᑯᓐᓇᑦᓯᓐᓂ, ᐱᔭᒃᓴᖃᕐᒪᑕᓕ ᐊᑕᓂᕐᒥᒃ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑕᒪᓐᓇ ᑭᖑᕐᖑᑎᔭᒃᓴᕆᖕᒪᒍ; ᐅᑯᐊᓗ ᐃᓚᒌᑦ ᒑᑦ, ᕉᐱᓂᓗ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᑖᕇᕐᓯᒪᓕᕐᒪᑕ ᓄᓇᒥᒃ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓯᕿᓂᐅᑉ ᓄᐃᕕᐊᓃᑦᑐᒥᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑐᓂᓚᐅᕐᑕᖓᓂᒃ.”
8ᑕᕝᕙ ᐊᖑᑏᑦ ᖃᐅᔨᓴᕆᐊᓕᕐᐳᑦ ᓄᓇᓐᖑᐊᓕᐅᕆᐊᕐᑐᕐᓗᑎᒃ; ᔮᓱᐊᑉ ᐅᖃᐅᑎᓚᐅᕐᒪᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ, “ᓄᓇ ᕿᒥᕐᕈᐊᕆᐊᕐᑐᓕᕐᓯᐅᒃ, ᓄᓇᓐᖑᐊᓕᐅᕐᓗᒍ ᓇᓗᓁᕐᓂᐊᕐᐸᓯ, ᕾᓪᓗᓯᐅᒡᓗ ᐅᕙᓐᓄᑦ, ᑕᕝᕙᓂᓗ ᓮᓗᐊᒥ ᐊᑕᓂᖅ ᖃᐅᔨᒋᐊᕈᒫᕐᐸᕋ ᖃᓄᐃᓕᐅᖁᔨᖕᒪᖔᑦ ᓇᓚᐅᑦᑖᕈᑎᒃᑯᑦ.” 9ᑕᕝᕙ ᐊᖑᑏᑦ ᖃᐅᔨᓴᕆᐊᕐᐳᑦ ᓄᓇᓐᖑᐊᓕᐅᕐᓗᑎᒡᓗ ᐊᕕᒃᑐᕐᓗᒍ ᓄᓇ 7ᐅᓕᖅᑲᖓᓪᓗᒍ, ᓄᓇᓖᑦ ᑎᑎᕋᕐᑕᐅᕗᑦ ᐊᒡᓚᖕᓄᑦ ᑲᑎᑕᐅᓪᓗᑎᒃ, ᐅᑎᕐᐳᓪᓗ ᔮᓱᐊᒧᑦ ᑕᖕᒫᕐᓯᒪᕕᖕᒦᑦᑐᒧᑦ ᓮᓗᐊᒥ. 10ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.
ᓄᓇ ᑐᓂᔭᐅᔪᖅ ᐱᓐᔭᒥᓂᒧᑦ
11ᓄᓇ ᓇᓚᐅᑕᐅᔪᖅ ᓯᕗᓪᓕᕐᐹᒥ ᑐᓂᔭᐅᕗᖅ ᐱᓐᔭᒥᓂᐅᑉ ᑭᖑᕚᖏᓐᓄᑦ, ᔫᑕᐅᓪᓗ ᔫᓯᐱᐅᓪᓗ ᓄᓇᖁᑎᖓᑕ ᐊᑯᓐᓂᖓᓃᑦᑐᖅ. 12ᐅᓐᓄᐊᓪᓗᐊᑉ ᓇᓛᓃᑦᑐᖅ ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᔪᐊᕐᑕᓂᐅᑉ ᑰᖓᓂᑦ; ᑲᔪᓯᓪᓗᓂ ᖃᖅᑲᔮᓄᑦ ᔨᕆᑯᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᐊᒻᒪ ᓯᕿᓂᐅᑉ ᓂᐱᕕᐊᓄᑦ ᖃᖅᑲᔮᓕᒃᑎᒍᑦ; ᐃᓄᖃᔪᐃᑦᑐᖅ ᐱᑦᐂᕕᓐ ᑎᑭᓪᓗᒍ. 13ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᓚᔾᒥᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ (ᑍᔭᐅᓚᐅᕐᒥᔪᖅ ᐱᑎᓕᒥᒃ), ᑕᐅᓄᖓᓗ ᐊᑕᕉᑎ-ᐊᑕᕆᒧᑦ, ᖃᖅᑲᒧᑦ ᐊᒃᐸᓯᖕᓂᕐᓴᒧᑦ ᐱᑦ-ᕼᐅᕋᓐᒧᑦ ᐅᓪᓗᓪᓗᐊᑉ ᓇᓛᓃᑦᑐᒧᑦ. 14ᓄᓇᐅᓪᓗ ᑭᒡᓕᖓ ᐃᒡᓗᐊᓄᑦ ᑎᑎᕐᓯᒪᒋᕗᖅ ᐅᓪᓗᓪᓗᐊᑉ ᓇᓛᓄᑦ, ᑕᕝᕙᓐᖓᑦ ᖃᖅᑲᐅᑉ ᓯᕿᓂᖓᑕ ᓂᐱᕕᐊᒍᑦ ᑍᑯᖓ ᑭᕆᐊᑦ-ᐰᓕᒧᑦ (ᑍᔭᐅᕙᖕᒥᔪᖅ ᑭᕆᐊᑦ-ᔨᕆᒻᒥᒃ), ᐱᑦ-ᕼᐅᕋᐅᑉ ᐊᑭᐊᓃᑦᑐᒧᑦ, ᑕᒪᓐᓇ ᔫᑕᐅᑉ ᑭᖑᕚᖏᓐᓄᑦ ᐱᒋᔭᐅᕗᖅ. ᑕᒪᓐᓇ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᓄᓇᖁᑎᖓᑕ ᑭᒡᓕᒋᓚᐅᕐᐹ. 15ᐅᓪᓗᓪᓗᐊᓪᓕ ᓇᓛᓃᑦᑐᖅ ᐱᒋᐊᕐᓂᖃᕐᐳᖅ ᑭᕆᐊᑦ-ᔨᕆᒻ ᑭᒡᓕᖓᓂᑦ; ᑕᒫᓐᖓᑦ ᐱᒋᐊᕐᓗᓂ ᑎᑭᓯᒪᕗᖅ ᐃᐸᕋᓐᒧᑦ, ᓂᑉᑐᐊᑉ ᐃᒥᕐᑕᕐᕕᖓᓄᑦ ᓄᓇᐅᑉ ᐃᓗᐊᓂᑦ ᑰᒃᑐᒧᑦ. 16ᑕᕝᕙᓐᖓᑦ ᑕᐅᓄᖓ ᖃᖅᑲᐅᑉ ᓇᑎᕐᓇᖓᓄᑦ ᓄᓇ ᑭᒡᓕᖃᕐᐳᖅ ᐅᔭᐅᒪᔪᒧᑦ ᕼᐃᓇᒻ ᓇᕐᓴᖓᓄᑦ, ᕆᐰᒻ ᓇᕐᓴᖓᑕ ᐅᓐᓄᐊᓪᓗᐊᖓᑕ ᐃᓱᐊᓄᑦ, ᐅᓪᓗᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᕼᐃᓇᒻ ᓇᕐᓴᖓᒍᑦ, ᔨᐳᓮᑎᑦ ᐱᖑᖓᑕ ᐅᓪᓗᓪᓗᐊᖓᑕ ᓇᓛᒍᑦ, ᑕᐅᓄᖓ ᐊᒻᒧᐊᒃᓯᒪᓪᓗᓂ ᐃᓐ-ᕈᒋᐅᓪ ᓇᓛᓄᑦ. 17ᑕᕝᕙᓐᖓᑦ ᓴᖑᓪᓗᓂ ᐅᓐᓄᐊᓪᓗᐊᒧᑦ ᐃᓐ-ᓯᒥᔅᒧᑦ, ᑕᕝᕙᓐᖓᑦ ᑲᔪᓯᒋᓪᓗᓂ ᒋᓕᓛᔅᒧᑦ, ᐊᑐᒻᒥᐅᑉ ᐊᑭᐊᓃᑦᑐᒧᑦ; ᓄᓇᐅᑉ ᑭᒡᓕᖓ ᑲᔪᓯᕗᖅ ᑕᐅᓄᖓ ᐊᒻᒧᐊᒃᓯᒪᓪᓗᓂ ᐴᕼᐊᓐ ᓄᓇᖁᑎᖓᑕ ᓇᓗᓁᒃᑯᑕᖓᓄᑦ ᐅᔭᕋᖕᒧᑦ; ᑖᓐᓇ ᐴᕼᐊᓐ ᐃᕐᓂᕆᔭᐅᕗᖅ ᕉᐱᓂᒧᑦ. 18ᑕᕝᕙᓐᖓᑦ ᐅᓐᓄᐊᓪᓗᐊᒧᑦ ᐱᖑᕐᒧᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑕᑯᒃᓴᐅᔪᒧᑦ ᑲᔪᓯᓯᒪᕗᖅ ᐱᑦ-ᐊᕋᐸᒧᑦ, ᑕᕝᕙᓐᖓᑦ ᑕᐅᓄᖓ ᐊᒻᒧᐊᒃᓯᒪᓪᓗᓂ ᓇᕐᓴᒧᑦ ᐊᕋᐸᒧᑦ. 19ᑕᕝᕙᓐᖓᑦ ᐅᓐᓄᐊᓪᓗᐊᑉ ᓇᓛᓄᑦ ᑲᔪᓯᓯᒪᕗᖅ ᐱᑦ-ᕼᐅᒡᓚᐅᑉ ᐱᖑᖓᓄᑦ; ᐃᓱᖃᕐᓗᓂ ᑕᓯᐅᔭᕐᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ ᑕᓯᕐᒧᑦ ᑕᕆᐅᕐᒧᑦ, ᔪᐊᕐᑕᓂᐅᑉ ᐅᓪᓗᓪᓗᐊᖓᑕ ᓇᓛᓃᑦᑐᖅ: ᑕᒪᓐᓇ ᐅᓪᓗᓪᓗᐊᑉ ᓇᓛᓃᑦᑐᒥ ᓄᓇᖓ ᑭᒡᓕᖃᕐᐳᖅ. 20ᔪᐊᕐᑕᓂᐅᑉ ᑰᖓᓄᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ ᑭᒡᓕᖃᕐᐳᖅ. ᑖᒃᑯᐊ ᐱᓐᔭᒥᓂᐅᑉ ᑭᖑᕚᖏᑕ ᓄᓇᖁᑎᖓᑕ ᑭᒡᓕᒋᕔᑦ ᑭᖑᕐᖑᑎᔭᐅᔪᑦ, ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.
21ᐃᒡᓗᒐᓮᑦ ᐃᓚᒌᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ ᓄᓇᒋᔭᐅᕗᑦ ᐅᑯᐊ, ᔨᕆᑯ, ᐱᑦ-ᕼᐅᒡᓚ, ᐃᒥᒃ-ᑭᔨᔨ, 22ᐱᑦ-ᐊᕋᐸ, ᔨᒪᕅᒻ, ᐱᑎᓕ, 23ᐊᐅᐃᒻ, ᐸᕋ, ᐅᐸᕋ, 24ᓯᑉᕼᐊᕋᐊᒨᓂ, ᐆᑉᓂ, ᒋᐸᓗ: ᑖᒃᑯᐊ ᐃᒡᓗᒐᓮᑦ 12ᕗᑦ, ᓄᓇᓕᖕᓂᒃ ᖃᓂᒋᔭᖏᓐᓃᑦᑐᓂᒃ ᐃᓚᖃᕐᓗᑎᒃ. 25ᐅᑯᐊᓗ ᒋᐱᐅᓂ, ᕌᒪ, ᐱ-ᐊᕌᔅ, 26ᒥᔅᐱ, ᓯᐱᕋ, ᒨᔭ, 27ᕆᑭᒻ, ᐃᕐᐱᐅᓪ, ᑕᕋᓚ, 28ᔨᓚ, ᕼᐊᓕᑉ, ᔩᐳᓯ (ᐅᕝᕙᓗ ᔨᕉᓴᓕᒻ), ᒋᐱ-ᐊ, ᑭᕆᐊᑦ-ᔨᕆᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ, ᑕᒪᓐᓇ ᓄᓇᑖᕆᔭᐅᕗᖅ ᑭᖑᕐᖑᑎᔭᐅᓪᓗᓂ ᐃᓚᒌᓄᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.
Eastern Arctic Inuktitut Bible © Canadian Bible Society, 2012, 2021-2023.