ᐃᓗᐊᕐᓮᔩᑦ ᐊᒡᓚᖏᑦ 7
7
ᒋᑎᐅᓂᐅᑉ ᓵᓚᖃᕐᓂᖓ ᒥᑎᐊᓂᒥᐅᓂᒃ
1ᐅᓪᓗᐃᑦ ᐃᓚᖓᓐᓂ ᔨᕈᐸᐅᓪ (ᑖᓐᓇ ᒋᑎᐅᓂ) ᐃᓄᐃᓪᓗ ᓇᔪᕐᑎᓕᒫᖏᑦ ᒪᑭᑉᐳᑦ ᐅᓪᓛᒻᒪᕆᒃᑯᑦ ᑕᖕᒫᕐᓗᑎᒡᓗ ᕼᐊᕉᑎᐅᑉ ᑰᖓᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᒨᕆᐅᑉ ᐅᖓᑖᓂ.
2ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓇᔪᕐᑎᒋᔭᑎᑦ ᐅᓄᓗᐊᕐᒪᑕ ᓵᓚᖃᕐᑎᓐᓂᐊᕈᒃᑭᑦ ᒥᑎᐊᓂᒥᐅᓂᒃ. ᐃᓴᕆᐊᓕᒥᐅᑦ ᐅᕙᓐᓄᑦ ᐃᓱᒪᑐᐃᓐᓇᕆᐊᖃᕐᒪᑕ ᐱᑦᔪᑎᔭᐅᔪᕆᖏᓪᓗᑎᒃ, ᐅᖃᕐᓗᑎᒃ, ‘ᐅᕙᑦᑎᓐᓂᒃ ᓵᓚᖃᓚᐅᕐᐳᒍᑦ.’ 3#ᒨᓯᓯ ᑕᓪᓕᒪᖏᑦ 20:8.ᐃᓄᐃᑦ ᑐᓵᑎᓪᓗᒋᑦ ᐅᖃᐅᑎᒃᑭᑦ, ‘ᓇᓪᓕᐊᑦ ᑲᑉᐱᐊᓱᒃᑯᓂ ᓴᔪᒡᓗᓂᓗ ᑖᓐᓇ ᐊᖏᕐᕋᓕᕐᓕ,’” ᒋᑎᐅᓂᐅᑉ ᐆᒃᑐᕋᓚᐅᕐᐰᑦ; ᑍᒤᒻᒪᑦ 22,000ᐃᓪᓗ ᐅᑎᓚᐅᕐᐳᑦ, 10,000ᐃᑦ ᕿᒪᒃᑕᐅᓪᓗᑎᒃ ᒋᓕᐊᑎᒥ.
4ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓲᓕ ᐅᓄᓗᐊᕐᒪᑕ ᐃᒪᐅᑉ ᓯᓈᓅᕐᑎᒃᑭᑦ ᑕᐅᕙᓂ ᐆᒃᑐᕋᕐᓂᐊᕋᒃᑭᑦ; ᓇᓪᓕᐊᑦ ᐃᓕᖕᓄᑦ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᕐᑐᖅ, ᑖᓐᓇ ᐃᓚᐅᔭᕆᐊᖃᕐᓂᐊᕐᐳᖅ; ᓇᓪᓕᐊᓪᓗ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᖏᑦᑐᖅ, ᑖᓐᓇ ᐃᓚᐅᔭᕆᐊᖃᕐᓂᐊᓐᖏᓚᖅ.” 5ᒋᑎᐅᓂᐅᑉ ᐃᓄᐃᑦ ᐃᒪᐅᑉ ᓯᓈᓅᕈᑎᕔᑦ ᑕᐅᓄᖓ; ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᓇᓪᓕᐊᑦ ᖃᓂᕐᒥᓄᑦ ᐃᒥᕐᑐᖅ ᕿᒻᒥᑎᑐᑦ, ᑖᓐᓇ ᓇᓗᓁᕈᒃ; ᑍᒫᒃᑕᐅᖅ ᓰᖅᑯᕐᓗᑎᒃ ᐃᒥᕐᑐᑦ ᓇᓗᓁᕐᓗᖏᑦ.” 6ᐊᖑᑎᑦ ᑖᒃᑯᐊ ᐃᒥᕐᑐᑦ ᐊᒡᒐᖕᒥᖕᓄᑦ ᖃᓗᓯᕙᒃᓗᑎᒃ 300ᐅᓚᐅᕐᐳᑦ ᐅᓄᕐᓂᖏᑦ; ᐊᓯᖏᓪᓕ ᐃᓄᐃᑦ ᓰᖅᑯᕐᓗᑎᒃ ᐃᒥᓚᐅᕐᐳᑦ. 7ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐊᖑᑎᓄᑦ 300ᓄᑦ ᖃᓗᓯᓪᓗᑎᒃ ᐃᒥᕐᑐᓄᑦ ᒥᑎᐊᓂᒥᐅᓂᒃ ᓵᓚᖃᕐᑎᓐᓂᐊᕐᐸᒋᑦ; ᐊᓯᖏᓪᓕ ᐊᖏᕐᕋᕐᑎᓕᒃᑭᑦ.” 8ᐃᓄᐃᓪᓗ ᒪᕐᕋᐅᔭᖁᑎᖏᓐᓂᒃ ᑎᑦᑐᓚᐅᑎᖏᓐᓂᒡᓗ ᑕᖁᐊᖏᓐᓂᒡᓗ ᐱᓪᓗᓂ; ᐃᓴᕆᐊᓕᒥᐅᑉ ᐊᒥᐊᒃᑯᖏᑦ ᐊᖏᕋᕐᑎᑉᐰᑦ, 300ᓂᒡᓕ ᐊᖑᑎᓂᒃ ᐱᓯᒪᓕᕐᓗᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᐊᒃᐸᓯᒃᑐᒥ.
9ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ; ᓵᓚᖃᕐᑎᑦᑕᕇᕋᒃᑭᑦ. 10ᑕᐅᓄᓐᖓᕆᐊᒃᓴᕐᓕ ᑲᑉᐱᐊᓱᒃᑯᕕᑦ, ᑕᖕᒫᕐᓯᒪᕕᖏᓐᓄᐊᓕᕆᑦ ᐱᔩᑦ ᐳᕋ ᐱᖃᑎᒋᓗᒍ. 11ᑐᓴᕐᓂᐊᕋᕕᑦ ᖃᓄᖅ ᐅᖃᐅᓯᖃᓕᕐᒪᖔᑕ, ᓯᕘᕋᔪᓐᓃᕐᓂᐊᕐᐳᑎ ᐅᓇᑕᕆᐊᓕᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ.” ᐊᓱᐃᓛᒃ ᒋᑎᐅᓂ ᐱᔨᓂ ᐳᕋ ᐱᖃᑎᒋᓪᓗᒍ ᑕᐅᓄᓐᖓᕐᐴᒃ ᐅᓇᑕᕐᑐᒃᓮᑦ ᐅᓇᑕᐅᑎᓖᑦ ᑕᖕᒫᕐᓯᒪᔪᑦ ᓯᓚᑖᓐᓄᑦ. 12ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.
13ᒋᑎᐅᓂᒃᑯᓪᓗ ᑎᑭᐅᑎᒐᒥᒃ, ᑐᓵᓚᐅᕐᐳᖅ ᐊᖑᒻᒥᒃ ᓯᓐᓇᒃᑐᒥᓂᒃ ᐅᓂᒃᑳᕐᑐᒥᒃ ᐱᖃᑎᒥᓄᑦ, ᐅᖃᓚᐅᕐᐳᖅ, “ᑕᑯᒋᑦ ᓯᓐᓇᒃᑐᓚᐅᕐᑐᖓ ᓂᐊᖂᔭᒥ ᐹᓕᒥᒃ ᐊᒃᓴᑳᔪᒥᒃ ᒥᑎᐊᓂᒥᐅᑦ ᑕᖕᒫᕐᓯᒪᕕᖓᓄᑦ ᑐᐱᕐᒧᑦ ᐊᐳᕐᑐᒥᒃ. ᑐᐱᕐᓗ ᐅᕐᕈᕗᖅ, ᐅᓕᓐᓇᒥ ᒪᓂᖅᑲᒥ ᐃᓯᕕᖓᓕᕐᐳᖅ.”
14ᐱᖃᑎᖓᑕ ᑭᐅᕚ, “ᐃᓐᓇ ᒋᑎᐅᓂᐅᑉ ᓴᕕᒡᔪᐊᖓ, ᔪᐊᓯᐅᑉ ᐃᕐᓂᖓᑕ, ᐃᓴᕆᐊᓕᒥᐅᑕᐅᑉ ᒎᑎᐅᑉ ᓵᓚᖃᕐᑎᒻᒪᒍ ᒥᑎᐊᓂᒥᐅᓂᒃ ᐅᓇᑕᕐᑐᒃᓴᖁᑎᓕᒫᖏᓐᓂᒡᓗ!”
15ᒋᑎᐅᓂᓕ ᑐᓴᕋᒥ ᓯᓇᒃᑑᑉ ᐅᓂᒃᑳᕆᔭᐅᓂᖓᓂᒃ ᖃᓄᕐᓗ ᑐᑭᖃᕐᒪᖔᑦ, ᐹᒻᒪᒃᑎᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ; ᐅᑎᕋᒥᒡᓗ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᖓᓄ ᐅᖃᐅᑎᕔᑦ, “ᒪᑭᓕᕆᑦᓯ, ᐊᑕᓂᐅᑉ ᓵᓚᖃᕐᑎᒻᒪᓯ ᒥᑎᐊᓂᒥᐅᑦ ᐅᓇᑕᕐᑐᒃᓴᕐᔪᐊᖁᑎᖏᓐᓂᒃ!” 16ᐊᕕᒃᑐᕐᐰᓪᓗ 300ᐃᑦ ᐃᓄᖁᑎᓂ ᐱᖓᓱᐃᓕᓪᓗᒋᑦ ᐊᑐᓂᓪᓗ ᐂᑦᑐᕐᐰᑦ, ᑎᑦᑐᓚᐅᑎᓂᒃ ᒪᕐᕋᕐᓂᒡᓗ ᐃᒪᖃᐅᑎᓂᒃ ᓇᓂᕈᐊᓂᒃ ᐃᓗᓕᓕᖕᓂᒃ. 17ᐅᖃᐅᑎᓪᓗᒋᓪᓗ, “ᑕᑯᓐᓈᕐᓗᖓ ᖃᓄᐃᓕᐅᕐᒪᖔᕐᒪ ᒪᓕᖕᓂᐊᕐᐸᑦᓯᓐᖓ, ᑕᖕᒫᕐᓯᒪᕕᖏᑕ ᓯᓚᑖᓄᐊᕈᒪ, ᖃᓄᐃᓕᐅᕐᒪᖔᕐᒪ ᖃᐅᔨᓴᑦᓯᐊᕐᓂᐊᕐᐳᓯ. 18ᑎᑦᑐᓚᐅᑎᒥᒃ ᓂᓪᓕᕐᑎᑦᓯᒍᒪ, ᐃᓚᒋᔭᓕᒫᒃᑲᓗ, ᐃᓕᑦᓯᑦᑕᐅᖅ ᑎᑦᑐᓚᐅᑎᑦᓯᓐᓂᒃ ᓂᓪᓕᕐᑎᑦᓯᓂᐊᕆᕗᓯ ᑕᖕᒫᕐᓯᒪᕕᖏᑕ ᐊᕙᑎᓕᒫᖓᓂ, ᕾᒐᓛᕐᓗᓯᓗ, ‘ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!’”
19ᑕᕝᕙ ᒋᑎᐅᓂ ᐃᓄᖁᑎᖏᓪᓗ 100ᐃᑦ ᑕᖕᒫᕐᓯᒪᕕᖏᑦᑕ ᑭᒡᓕᖓᓄᐊᕐᐳᖅ ᕿᑎᕋᓕᓚᐅᕐᑎᓐᓇᒍ ᐅᓐᓄᒃᑯᑦ, ᖃᐅᔨᓴᕐᑏᑦ ᐊᓯᑦᔨᕐᑕᐅᕋᑖᕐᑎᓪᓗᒋᑦ; ᐊᑕᐅᑦᓯᒃᑯᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᒪᕐᕅᓪᓗ ᐃᒪᖃᐅᑏᑦ ᑎᒍᒥᐊᕐᑕᑎᒃ ᓯᖁᒥᓪᓗᒋᑦ, 20ᐅᓇᑕᕐᑐᒃᓮᑦ ᐱᖓᓱᐃᓕᖅᑲᖓᔪᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᒋᕗᑦ ᐃᒪᖃᐅᑎᓂᒡᓗ ᓯᖁᒥᑦᓯᓪᓗᑎᒃ, ᓴᐅᒥᖕᒥᖕᓂ ᓇᓂᕈᐊᕐᒥᒃ ᑎᒍᒥᐊᕐᓗᑎᒃ, ᑕᓕᕐᐱᖕᒥᖕᓄᓪᓗ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᓪᓗᑎᒃ, ᕾᒐᓛᕐᓗᑎᒡᓗ, “ᓴᕕᒡᔪᐊᖅ ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!” 21ᑕᒪᕐᒥᒃ ᐃᓂᒥᖕᓂ ᓇᖏᕐᐳᑦ ᑕᖕᒫᕐᓯᒪᕕᖓᑦ ᐊᕙᓗᓯᒪᓪᓗᒍ, ᐅᓇᑕᕐᑐᒃᓴᓕᒫᓪᓗ ᕿᒫᓕᕐᐳᑦ ᕾᒐᓛᕐᓗᑎᒃ. 22ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.
23ᐊᖑᑎᓪᓕ ᐃᓴᕆᐊᓕᒥᐅᑦ ᕾᖁᔭᐅᓚᐅᕐᐳᑦ ᓈᑉᑕᓕᐅᑉ ᑭᖑᕚᖏᓐᓂᑦ, ᐋᓱᕆᐅᓪᓗ ᑭᖑᕚᖏᓐᓂᑦ ᒫᓇᓯᐅᓪᓗ ᑭᖑᕚᓕᒫᖏᑦ, ᑖᒃᑯᐊᓗ ᒪᓕᓚᐅᕐᐳᑦ ᒥᑎᐊᓂᒥᐅᓂᒃ. 24ᒋᑎᐅᓂ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᖃᖅᑲᓕᖕᓄᑦ ᐃᕗᕅᑎᒥ ᓄᓇᖃᕐᑐᓄᑦ ᐅᖃᐅᑎᓪᓗᒋᑦ, “ᐊᖅᑲᕐᑎᕐᓗᓯ ᕾᒋᑦᓯ ᐅᓇᑕᕆᐊᕐᓗᓯ ᒥᑎᐊᓂᒥᐅᓂᒃ. ᐃᑳᕐᕖᑦ ᓴᐳᒻᒥᓯᐅᒃ ᐱᑦ-ᐸᕋ ᑎᑭᓪᓗᒍ, ᔪᐊᕐᑕᓂᐅᑉ ᑰᖓ ᑎᑭᓪᓗᒍ.” ᐃᕗᕅᑎᒥᐅᑦ ᕾᖁᔭᐅᓚᐅᕐᐳᑦ ᓴᐳᒻᒥᒃᓯᓕᕐᓗᑎᒡᓗ ᐃᑳᕐᕕᖕᓂᒃ ᐱᑦ-ᐸᕋ ᑎᑭᓪᓗᒍ ᔪᐊᕐᑕᓂᐅᓪᓗ ᑰᖓᓂᒃ. 25ᑎᒍᓯᓪᓗᑎᒡᓗ ᒪᕐᕉᖕᓂᒃ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖓᑕ ᐃᕐᓂᖏᖕᓂᒃ, ᐅᕆᑉ ᔩᐱᓗ; ᐅᕆᑉᓗ ᑐᖁᓚᐅᕐᐹᑦ ᐅᕆᐅᑉ ᐃᓐᓈᕈᖁᑎᖓᓂ, ᔩᐱᓗ ᑐᖁᓚᐅᕆᕚᑦ ᔩᐱᐅᑉ ᕔᓂᓕᐅᕐᕕᖓᓂ. ᒪᓖᓐᓇᕐᓗᑎᒃ ᒥᑎᐊᓂᒥᐅᓂᒃ ᐅᕆᐅᑉᓗ ᔩᐱᐅᓪᓗ ᓂᐊᖁᖏᒃ ᒋᑎᐅᓂᒧᐊᕐᐰᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 7: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᓗᐊᕐᓮᔩᑦ ᐊᒡᓚᖏᑦ 7
7
ᒋᑎᐅᓂᐅᑉ ᓵᓚᖃᕐᓂᖓ ᒥᑎᐊᓂᒥᐅᓂᒃ
1ᐅᓪᓗᐃᑦ ᐃᓚᖓᓐᓂ ᔨᕈᐸᐅᓪ (ᑖᓐᓇ ᒋᑎᐅᓂ) ᐃᓄᐃᓪᓗ ᓇᔪᕐᑎᓕᒫᖏᑦ ᒪᑭᑉᐳᑦ ᐅᓪᓛᒻᒪᕆᒃᑯᑦ ᑕᖕᒫᕐᓗᑎᒡᓗ ᕼᐊᕉᑎᐅᑉ ᑰᖓᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᒨᕆᐅᑉ ᐅᖓᑖᓂ.
2ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓇᔪᕐᑎᒋᔭᑎᑦ ᐅᓄᓗᐊᕐᒪᑕ ᓵᓚᖃᕐᑎᓐᓂᐊᕈᒃᑭᑦ ᒥᑎᐊᓂᒥᐅᓂᒃ. ᐃᓴᕆᐊᓕᒥᐅᑦ ᐅᕙᓐᓄᑦ ᐃᓱᒪᑐᐃᓐᓇᕆᐊᖃᕐᒪᑕ ᐱᑦᔪᑎᔭᐅᔪᕆᖏᓪᓗᑎᒃ, ᐅᖃᕐᓗᑎᒃ, ‘ᐅᕙᑦᑎᓐᓂᒃ ᓵᓚᖃᓚᐅᕐᐳᒍᑦ.’ 3#ᒨᓯᓯ ᑕᓪᓕᒪᖏᑦ 20:8.ᐃᓄᐃᑦ ᑐᓵᑎᓪᓗᒋᑦ ᐅᖃᐅᑎᒃᑭᑦ, ‘ᓇᓪᓕᐊᑦ ᑲᑉᐱᐊᓱᒃᑯᓂ ᓴᔪᒡᓗᓂᓗ ᑖᓐᓇ ᐊᖏᕐᕋᓕᕐᓕ,’” ᒋᑎᐅᓂᐅᑉ ᐆᒃᑐᕋᓚᐅᕐᐰᑦ; ᑍᒤᒻᒪᑦ 22,000ᐃᓪᓗ ᐅᑎᓚᐅᕐᐳᑦ, 10,000ᐃᑦ ᕿᒪᒃᑕᐅᓪᓗᑎᒃ ᒋᓕᐊᑎᒥ.
4ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᐃᓄᐃᑦ ᓲᓕ ᐅᓄᓗᐊᕐᒪᑕ ᐃᒪᐅᑉ ᓯᓈᓅᕐᑎᒃᑭᑦ ᑕᐅᕙᓂ ᐆᒃᑐᕋᕐᓂᐊᕋᒃᑭᑦ; ᓇᓪᓕᐊᑦ ᐃᓕᖕᓄᑦ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᕐᑐᖅ, ᑖᓐᓇ ᐃᓚᐅᔭᕆᐊᖃᕐᓂᐊᕐᐳᖅ; ᓇᓪᓕᐊᓪᓗ ᐅᖃᐅᓯᕆᓕᕈᒃᑯ ᐊᖑᑦ ᐅᓇ ᐃᓕᑦᓯᓐᓄᑦ ᐃᓚᐅᓂᐊᖏᑦᑐᖅ, ᑖᓐᓇ ᐃᓚᐅᔭᕆᐊᖃᕐᓂᐊᓐᖏᓚᖅ.” 5ᒋᑎᐅᓂᐅᑉ ᐃᓄᐃᑦ ᐃᒪᐅᑉ ᓯᓈᓅᕈᑎᕔᑦ ᑕᐅᓄᖓ; ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᓇᓪᓕᐊᑦ ᖃᓂᕐᒥᓄᑦ ᐃᒥᕐᑐᖅ ᕿᒻᒥᑎᑐᑦ, ᑖᓐᓇ ᓇᓗᓁᕈᒃ; ᑍᒫᒃᑕᐅᖅ ᓰᖅᑯᕐᓗᑎᒃ ᐃᒥᕐᑐᑦ ᓇᓗᓁᕐᓗᖏᑦ.” 6ᐊᖑᑎᑦ ᑖᒃᑯᐊ ᐃᒥᕐᑐᑦ ᐊᒡᒐᖕᒥᖕᓄᑦ ᖃᓗᓯᕙᒃᓗᑎᒃ 300ᐅᓚᐅᕐᐳᑦ ᐅᓄᕐᓂᖏᑦ; ᐊᓯᖏᓪᓕ ᐃᓄᐃᑦ ᓰᖅᑯᕐᓗᑎᒃ ᐃᒥᓚᐅᕐᐳᑦ. 7ᐊᑕᓂᐅᓪᓗ ᒋᑎᐅᓂ ᐅᖃᐅᑎᕚ, “ᐊᖑᑎᓄᑦ 300ᓄᑦ ᖃᓗᓯᓪᓗᑎᒃ ᐃᒥᕐᑐᓄᑦ ᒥᑎᐊᓂᒥᐅᓂᒃ ᓵᓚᖃᕐᑎᓐᓂᐊᕐᐸᒋᑦ; ᐊᓯᖏᓪᓕ ᐊᖏᕐᕋᕐᑎᓕᒃᑭᑦ.” 8ᐃᓄᐃᓪᓗ ᒪᕐᕋᐅᔭᖁᑎᖏᓐᓂᒃ ᑎᑦᑐᓚᐅᑎᖏᓐᓂᒡᓗ ᑕᖁᐊᖏᓐᓂᒡᓗ ᐱᓪᓗᓂ; ᐃᓴᕆᐊᓕᒥᐅᑉ ᐊᒥᐊᒃᑯᖏᑦ ᐊᖏᕋᕐᑎᑉᐰᑦ, 300ᓂᒡᓕ ᐊᖑᑎᓂᒃ ᐱᓯᒪᓕᕐᓗᓂ; ᒥᑎᐊᓂᒥᐅᓪᓕ ᑕᖕᒫᕐᓯᒪᓚᐅᕐᐳᑦ ᓇᕐᓴᒥ ᐊᒃᐸᓯᒃᑐᒥ.
9ᑍᑦᓱᒪᓂ ᐅᓐᓄᒃᑎᓪᓗᒍ ᐊᑕᓂᐅᑉ ᒋᑎᐅᓂ ᐅᖃᐅᑎᕚ, “ᒪᑭᓕᕆᑦ ᐅᓇᑕᕆᐊᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ; ᓵᓚᖃᕐᑎᑦᑕᕇᕋᒃᑭᑦ. 10ᑕᐅᓄᓐᖓᕆᐊᒃᓴᕐᓕ ᑲᑉᐱᐊᓱᒃᑯᕕᑦ, ᑕᖕᒫᕐᓯᒪᕕᖏᓐᓄᐊᓕᕆᑦ ᐱᔩᑦ ᐳᕋ ᐱᖃᑎᒋᓗᒍ. 11ᑐᓴᕐᓂᐊᕋᕕᑦ ᖃᓄᖅ ᐅᖃᐅᓯᖃᓕᕐᒪᖔᑕ, ᓯᕘᕋᔪᓐᓃᕐᓂᐊᕐᐳᑎ ᐅᓇᑕᕆᐊᓕᕐᓗᑎᓪᓗ ᑕᖕᒫᕐᓯᒪᕕᖏᓐᓄᑦ.” ᐊᓱᐃᓛᒃ ᒋᑎᐅᓂ ᐱᔨᓂ ᐳᕋ ᐱᖃᑎᒋᓪᓗᒍ ᑕᐅᓄᓐᖓᕐᐴᒃ ᐅᓇᑕᕐᑐᒃᓮᑦ ᐅᓇᑕᐅᑎᓖᑦ ᑕᖕᒫᕐᓯᒪᔪᑦ ᓯᓚᑖᓐᓄᑦ. 12ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.
13ᒋᑎᐅᓂᒃᑯᓪᓗ ᑎᑭᐅᑎᒐᒥᒃ, ᑐᓵᓚᐅᕐᐳᖅ ᐊᖑᒻᒥᒃ ᓯᓐᓇᒃᑐᒥᓂᒃ ᐅᓂᒃᑳᕐᑐᒥᒃ ᐱᖃᑎᒥᓄᑦ, ᐅᖃᓚᐅᕐᐳᖅ, “ᑕᑯᒋᑦ ᓯᓐᓇᒃᑐᓚᐅᕐᑐᖓ ᓂᐊᖂᔭᒥ ᐹᓕᒥᒃ ᐊᒃᓴᑳᔪᒥᒃ ᒥᑎᐊᓂᒥᐅᑦ ᑕᖕᒫᕐᓯᒪᕕᖓᓄᑦ ᑐᐱᕐᒧᑦ ᐊᐳᕐᑐᒥᒃ. ᑐᐱᕐᓗ ᐅᕐᕈᕗᖅ, ᐅᓕᓐᓇᒥ ᒪᓂᖅᑲᒥ ᐃᓯᕕᖓᓕᕐᐳᖅ.”
14ᐱᖃᑎᖓᑕ ᑭᐅᕚ, “ᐃᓐᓇ ᒋᑎᐅᓂᐅᑉ ᓴᕕᒡᔪᐊᖓ, ᔪᐊᓯᐅᑉ ᐃᕐᓂᖓᑕ, ᐃᓴᕆᐊᓕᒥᐅᑕᐅᑉ ᒎᑎᐅᑉ ᓵᓚᖃᕐᑎᒻᒪᒍ ᒥᑎᐊᓂᒥᐅᓂᒃ ᐅᓇᑕᕐᑐᒃᓴᖁᑎᓕᒫᖏᓐᓂᒡᓗ!”
15ᒋᑎᐅᓂᓕ ᑐᓴᕋᒥ ᓯᓇᒃᑑᑉ ᐅᓂᒃᑳᕆᔭᐅᓂᖓᓂᒃ ᖃᓄᕐᓗ ᑐᑭᖃᕐᒪᖔᑦ, ᐹᒻᒪᒃᑎᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ; ᐅᑎᕋᒥᒡᓗ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᒋᔭᖓᓄ ᐅᖃᐅᑎᕔᑦ, “ᒪᑭᓕᕆᑦᓯ, ᐊᑕᓂᐅᑉ ᓵᓚᖃᕐᑎᒻᒪᓯ ᒥᑎᐊᓂᒥᐅᑦ ᐅᓇᑕᕐᑐᒃᓴᕐᔪᐊᖁᑎᖏᓐᓂᒃ!” 16ᐊᕕᒃᑐᕐᐰᓪᓗ 300ᐃᑦ ᐃᓄᖁᑎᓂ ᐱᖓᓱᐃᓕᓪᓗᒋᑦ ᐊᑐᓂᓪᓗ ᐂᑦᑐᕐᐰᑦ, ᑎᑦᑐᓚᐅᑎᓂᒃ ᒪᕐᕋᕐᓂᒡᓗ ᐃᒪᖃᐅᑎᓂᒃ ᓇᓂᕈᐊᓂᒃ ᐃᓗᓕᓕᖕᓂᒃ. 17ᐅᖃᐅᑎᓪᓗᒋᓪᓗ, “ᑕᑯᓐᓈᕐᓗᖓ ᖃᓄᐃᓕᐅᕐᒪᖔᕐᒪ ᒪᓕᖕᓂᐊᕐᐸᑦᓯᓐᖓ, ᑕᖕᒫᕐᓯᒪᕕᖏᑕ ᓯᓚᑖᓄᐊᕈᒪ, ᖃᓄᐃᓕᐅᕐᒪᖔᕐᒪ ᖃᐅᔨᓴᑦᓯᐊᕐᓂᐊᕐᐳᓯ. 18ᑎᑦᑐᓚᐅᑎᒥᒃ ᓂᓪᓕᕐᑎᑦᓯᒍᒪ, ᐃᓚᒋᔭᓕᒫᒃᑲᓗ, ᐃᓕᑦᓯᑦᑕᐅᖅ ᑎᑦᑐᓚᐅᑎᑦᓯᓐᓂᒃ ᓂᓪᓕᕐᑎᑦᓯᓂᐊᕆᕗᓯ ᑕᖕᒫᕐᓯᒪᕕᖏᑕ ᐊᕙᑎᓕᒫᖓᓂ, ᕾᒐᓛᕐᓗᓯᓗ, ‘ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!’”
19ᑕᕝᕙ ᒋᑎᐅᓂ ᐃᓄᖁᑎᖏᓪᓗ 100ᐃᑦ ᑕᖕᒫᕐᓯᒪᕕᖏᑦᑕ ᑭᒡᓕᖓᓄᐊᕐᐳᖅ ᕿᑎᕋᓕᓚᐅᕐᑎᓐᓇᒍ ᐅᓐᓄᒃᑯᑦ, ᖃᐅᔨᓴᕐᑏᑦ ᐊᓯᑦᔨᕐᑕᐅᕋᑖᕐᑎᓪᓗᒋᑦ; ᐊᑕᐅᑦᓯᒃᑯᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᒪᕐᕅᓪᓗ ᐃᒪᖃᐅᑏᑦ ᑎᒍᒥᐊᕐᑕᑎᒃ ᓯᖁᒥᓪᓗᒋᑦ, 20ᐅᓇᑕᕐᑐᒃᓮᑦ ᐱᖓᓱᐃᓕᖅᑲᖓᔪᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᒋᕗᑦ ᐃᒪᖃᐅᑎᓂᒡᓗ ᓯᖁᒥᑦᓯᓪᓗᑎᒃ, ᓴᐅᒥᖕᒥᖕᓂ ᓇᓂᕈᐊᕐᒥᒃ ᑎᒍᒥᐊᕐᓗᑎᒃ, ᑕᓕᕐᐱᖕᒥᖕᓄᓪᓗ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᓪᓗᑎᒃ, ᕾᒐᓛᕐᓗᑎᒡᓗ, “ᓴᕕᒡᔪᐊᖅ ᐊᑕᓂᐅᑉ ᐅᓇᑕᕐᓂᖓ ᒋᑎᐅᓂᐅᓪᓗ!” 21ᑕᒪᕐᒥᒃ ᐃᓂᒥᖕᓂ ᓇᖏᕐᐳᑦ ᑕᖕᒫᕐᓯᒪᕕᖓᑦ ᐊᕙᓗᓯᒪᓪᓗᒍ, ᐅᓇᑕᕐᑐᒃᓴᓕᒫᓪᓗ ᕿᒫᓕᕐᐳᑦ ᕾᒐᓛᕐᓗᑎᒃ. 22ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.
23ᐊᖑᑎᓪᓕ ᐃᓴᕆᐊᓕᒥᐅᑦ ᕾᖁᔭᐅᓚᐅᕐᐳᑦ ᓈᑉᑕᓕᐅᑉ ᑭᖑᕚᖏᓐᓂᑦ, ᐋᓱᕆᐅᓪᓗ ᑭᖑᕚᖏᓐᓂᑦ ᒫᓇᓯᐅᓪᓗ ᑭᖑᕚᓕᒫᖏᑦ, ᑖᒃᑯᐊᓗ ᒪᓕᓚᐅᕐᐳᑦ ᒥᑎᐊᓂᒥᐅᓂᒃ. 24ᒋᑎᐅᓂ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᖃᖅᑲᓕᖕᓄᑦ ᐃᕗᕅᑎᒥ ᓄᓇᖃᕐᑐᓄᑦ ᐅᖃᐅᑎᓪᓗᒋᑦ, “ᐊᖅᑲᕐᑎᕐᓗᓯ ᕾᒋᑦᓯ ᐅᓇᑕᕆᐊᕐᓗᓯ ᒥᑎᐊᓂᒥᐅᓂᒃ. ᐃᑳᕐᕖᑦ ᓴᐳᒻᒥᓯᐅᒃ ᐱᑦ-ᐸᕋ ᑎᑭᓪᓗᒍ, ᔪᐊᕐᑕᓂᐅᑉ ᑰᖓ ᑎᑭᓪᓗᒍ.” ᐃᕗᕅᑎᒥᐅᑦ ᕾᖁᔭᐅᓚᐅᕐᐳᑦ ᓴᐳᒻᒥᒃᓯᓕᕐᓗᑎᒡᓗ ᐃᑳᕐᕕᖕᓂᒃ ᐱᑦ-ᐸᕋ ᑎᑭᓪᓗᒍ ᔪᐊᕐᑕᓂᐅᓪᓗ ᑰᖓᓂᒃ. 25ᑎᒍᓯᓪᓗᑎᒡᓗ ᒪᕐᕉᖕᓂᒃ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᖓᑕ ᐃᕐᓂᖏᖕᓂᒃ, ᐅᕆᑉ ᔩᐱᓗ; ᐅᕆᑉᓗ ᑐᖁᓚᐅᕐᐹᑦ ᐅᕆᐅᑉ ᐃᓐᓈᕈᖁᑎᖓᓂ, ᔩᐱᓗ ᑐᖁᓚᐅᕆᕚᑦ ᔩᐱᐅᑉ ᕔᓂᓕᐅᕐᕕᖓᓂ. ᒪᓖᓐᓇᕐᓗᑎᒃ ᒥᑎᐊᓂᒥᐅᓂᒃ ᐅᕆᐅᑉᓗ ᔩᐱᐅᓪᓗ ᓂᐊᖁᖏᒃ ᒋᑎᐅᓂᒧᐊᕐᐰᑦ, ᔪᐊᕐᑕᓂᐅᑉ ᑰᖓᑕ ᐊᑭᐊᓂ.
Eastern Arctic Inuktitut Bible © Canadian Bible Society, 2012, 2021-2023.