ᐃᓗᐊᕐᓮᔩᑦ ᐊᒡᓚᖏᑦ 5
5
ᑎᐴᕋᐅᑉ ᐸᕌᑭᐅᓪᓗ ᐃᓐᖏᕈᑎᖓᒃ
1ᐅᓪᓗᒥᒃ ᑍᑦᓱᒪᓂ ᑎᐴᕋᓗ ᐸᕌᒃᓗ ᐊᐱᓄᐊᒻ ᐃᕐᓂᖓ ᐃᓐᖏᓚᐅᕐᐴᒃ ᐃᓐᖏᕈᓯᕐᒥᒃ ᐆᒥᖓ:
2ᓯᕗᓕᕐᑏᑦ ᓯᕗᓕᓚᐅᕐᐳᑦ ᐃᓴᕆᐊᓕᒥ.
ᐃᓴᕆᐊᓕᒥᐅᑦ ᐅᓇᑕᕈᒪᒻᒪᕆᓚᐅᕐᐳᑦ;
ᐃᕿᐊᓱᒐᑎᒃ ᐃᒻᒥᖕᓂᒃ ᑐᓂᓚᐅᕐᐳᑦ.
ᐊᑕᓂᖅ ᓂᕐᑐᕐᑕᐅᓕ.
3ᓈᓚᒋᑦᓯ ᐊᖓᔪᖅᑳᕐᔪᐊᖑᔪᓯ; ᑐᓵᒋᑦᓯᓗ ᐊᖓᔪᖅᑳᕐᔪᐊᑉ ᐃᕐᓂᖏᑦ;
ᐊᑕᓂᕐᒧᑦ ᐃᓐᖏᕐᓂᐊᕋᒪ,
ᑐᓴᕐᓂᔮᕐᓂᐊᕋᒪ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓐᓄᑦ.
4ᐊᑕᓃᖅ, ᐃᖏᕐᕋᓯᑎᓪᓗᑎᑦ ᖃᖅᑲᓂ ᓰᐊᕆᒥ,
ᐊᐅᓪᓚᕋᕕᓪᓗ ᐱᓱᒡᓗᑎᑦ ᐄᑐᒥᐅᑉ ᓄᓇᖓᓂᑦ,
ᓄᓇ ᓴᔪᓚᐅᕐᐳᖅ,
ᕿᓚᒃ ᑲᑕᓚᐅᕐᐳᖅ
ᐊᒡᓛᑦ, ᓯᓚᓗᒃ ᑲᑕᓚᐅᕐᐳᖅ ᓄᕗᔭᓂᑦ.
5 #
ᒨᓯᓯ ᐂᑉᐸᖏᑦ 19:18. ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ,
ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.
6ᓴᒻᒐᕆ ᐃᓅᑎᓪᓗᒍ, ᐊᓇᑎᐅᑉ ᐃᕐᓂᖓᑕ,
ᔧᓕᓗ ᐃᓅᑎᓪᓗᒍ, ᐃᓄᒋᐊᒃᑐᕐᔪᐊᑦ ᐊᖅᑯᓵᖃᑦᑕᕐᑐᑦ ᓄᖅᑲᓚᐅᕐᐳᑦ,
ᐊᐅᓪᓚᑲᑕᒃᑏᓪᓗ ᐊᖅᑯᑎᐅᒐᔪᖏᑦᑐᓂᒃ ᐊᑐᖃᑦᑕᓕᕐᓗᑎᒃ
7ᖁᕕᐊᓇᕐᑐᑦ ᐃᓱᓕᓚᐅᕐᐳᑦ ᐃᓴᕆᐊᓕᒥ, ᑭᓱᑐᐃᓐᓇᓕᒫᑦ ᓄᖅᑲᓚᐅᕐᐳᑦ
ᑭᓯᐊᓂ ᒪᑭᓐᓇᕕᑦ, ᑎᐴᕌ,
ᓄᓇᕋᕐᑐᑦ ᑕᑯᒥᓇᕐᑐᑐᑦ ᐃᓴᕆᐊᓕᒧᑦ ᐊᓈᓇᐅᔪᑐᑦ.
8ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ,
ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ
ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ
40,000ᓂ ᐃᓴᕆᐊᓕᑎᓂ?
9ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ
ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ
ᐊᑕᓂᖅ ᓂᕐᑐᕐᑕᐅᓕ!
10ᐅᖃᐅᓯᕆᓯᐅᒃ, ᐃᓕᑦᓯ ᓯᐅᑎᖅᑯᕐᑐᔪᓂ ᖃᑯᕐᑕᓂ ᐃᑭᒪᔪᓯ,
ᐃᓕᑦᓯᓗ ᐃᒃᓯᕙᔪᓯ ᓂᕈᒥᑦᓯᐊᕐᑐᓂ.
ᐃᓕᑦᓯᓗ ᐊᖅᑯᑎᒃᑯᑦ ᐱᓱᒃᑐᓯ.
11ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ,
ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ
ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ.
ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.
12ᑐᐸᓕᕆᑦ, ᑐᐸᓕᕆᑦ, ᑎᐴᕋ
ᑐᐸᓕᕆᑦ, ᑐᐸᓕᕆᑦ, ᐃᓐᖏᓕᕐᓗᑎᓪᓗ.
ᒪᑭᓕᕆᑦ ᐸᕌᒃ, ᐅᓇᑕᕐᓂᕐᒧᑦ ᑎᒍᓯᒪᔭᑎᑦ ᐊᐅᓪᓚᕈᑎᓕᒃᑭᑦ,
ᐃᕝᕕᑦ ᐊᐱᓄᐊᒻ ᐃᕐᓂᖓ.
13ᑕᐅᓄᖓ ᐱᓱᒃᐳᑦ ᐊᖓᔪᖅᑳᑦ ᐊᒥᐊᒃᑯᖏᑦ;
ᐊᑕᓂᐅᑉ ᐃᓄᖁᑎᖏᑦ ᑕᐅᓄᖓ ᐱᓱᒃᐳᑦ ᐊᑕᓂᑎᒃ ᐱᓪᓗᒍ
ᐅᓇᑕᕆᐊᕐᓗᑎᒃ ᐊᔪᖏᑦᑐᕐᔪᐊᓂᒃ.
14ᐃᕗᕅᒥᑦ ᐊᐅᓪᓚᕐᐳᑦ ᑕᐅᕗᖓ ᓇᕐᓴᒧᑦ,
ᐃᓕᖕᓂᒃ ᒪᓕᒡᓗᑎᒃ, ᐱᓐᔭᒥᓂᐅᑉ ᑭᖑᕚᖏᑦ, ᑭᖑᕚᖑᖃᑎᑎᑦ ᐃᓚᒋᓪᓗᒋᑦ.
ᒪᑬᕆᒥᑦ ᐱᓱᒃᐳᑦ ᑕᐅᓄᖓ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ,
ᓯᐳᓗᓂᒥᓪᓗ ᐱᓱᒃᐳᑦ ᐅᓇᑕᕐᑏᑦ ᑲᒪᔩᑦ ᐊᔭᐅᑉᐱᐊᓂᒃ ᑎᒍᒥᐊᕐᑐᑦ.
15ᐃᓴᑳᕆᐅᑉ ᐊᖓᔪᖅᑳᕐᔪᐊᖏᑕ ᑐᖏᓕᖏᑦ ᑎᐴᕋᒧᐊᓚᐅᕐᐳᑦ;
ᐃᓛᒃ, ᐃᓴᑳᕆᒃᑯᑦ ᓈᓚᑦᓯᐊᓚᐅᕐᐳᑦ ᐸᕌᒃᒥᒃ;
ᓇᕐᓴᒧᑦ ᑐᐊᕕᕐᓗᑎᒃ ᒪᓕᒃᐹᑦ ᑭᖑᓂᑦᓯᐊᖓᓂ.
ᕉᐱᓂᐅᓪᓕ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ
ᐊᖏᔪᒥᒃ ᐃᓱᒪᒃᓴᕐᓯᐅᓚᐅᕐᐳᑦ ᒪᓕᖕᓂᐊᕐᒪᖔᕐᒥᒃ.
16ᓱᖕᒪᓪᓕ ᓄᖅᑲᖓᑐᐃᓐᓇᓚᐅᕐᐱᓰ ᓰᐱᖁᑎᑦᓯ ᐊᑯᕐᖓᓐᓂ?
ᑐᓵᔪᒪᓪᓗᓯ ᓰᐱᓕᕆᔨᓂᒃ ᐆᒪᔪᖁᑎᒥᖕᓄᑦ ᓂᓪᓕᐊᑎᑦᓯᕕᖃᕐᑐᓂᒃ?
ᕉᐱᓂᐅᑉ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ
ᐃᓱᒪᒃᓴᕐᓯᐅᓚᐅᕐᒪᑕ ᐃᓚᒋᔭᐅᓂᐊᕐᒪᖔᕐᒥᒃ.
17ᒋᓕᐊᑎᒥᐅᑦ ᔪᐊᕐᑕᓂᐅᑉ ᐊᑭᐊᓃᖏᓐᓇᓚᐅᕐᐳᑦ;
ᑖᓐᓗ ᑭᖑᕚᖏᑦ ᓱᖕᒪᑦ ᐅᒥᐊᕐᔪᐊᓂᒃ ᓇᔪᕐᑎᖃᕋᓱᐊᓚᐅᕐᐹᑦ?
ᐋᓱᕆᐅᑉ ᑭᖑᕚᖏᑦ ᐃᒪᐅᑉ ᓯᓈᓂ ᓄᖅᑲᖓᓚᐅᕐᐳᑦ
ᐅᒥᐊᕐᔪᐊᑦ ᓄᓇᓕᐊᕐᕕᖏᓐᓂ.
18ᓯᐳᓗᓂᐅᑉ ᐃᓄᖏᑦ ᐃᓅᓯᕐᑎᒃ ᑐᖁᒧᑦ ᑐᓂᓯᒪᓚᐅᕐᐰᑦ;
ᓈᑉᑕᓕᐅᑦᑕᐅᖅ ᐃᓄᖏᑦ ᑍᒤᓕᐅᓚᐅᕆᕗᑦ, ᐅᓇᑕᕐᕕᖕᒥ ᓇᑎᕐᓇᒥ.
19ᐊᖓᔪᖅᑳᕐᔪᐊᑦ ᑎᑭᓚᐅᕐᐳᑦ, ᐅᓇᑕᖃᑕᐅᓪᓗᑎᒡᓗ;
ᐅᓇᑕᓚᐅᕐᐳᑦ ᑬᓇᓂᒥᐅᑦ ᐊᖓᔪᖅᑳᕐᔪᐊᖏᑦ,
ᑖᓇᒃᒥ ᒥᒌᑑᑉ ᐃᒪᖏᑕ ᓴᓂᐊᓂ
ᓯᐅᓪᕕᕆᒥᒡᓕ ᑎᒍᓯᓚᐅᓐᖏᓚᑦ ᓵᓚᖃᕐᑐᑦ ᑎᒍᕙᒃᑕᖏᓐᓂᒃ.
20ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ,
ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.
21ᑰᑉ ᑭᓲᓂᐅᑉ ᓴᕐᕙᐅᑎᓚᐅᕐᐰᑦ,
ᑰᑉ ᓴᓐᖏᔪᐊᓘᓂᖓᓄᑦ, ᑭᓲᓐ ᑰᒃᑐᐊᓘᓂᖓᓄᑦ
ᐱᓱᐃᓐᓇᕆᑦ, ᑕᕐᓃᖅ ᐊᒃᓱᕈᕐᓗᑎᑦ!
22ᕿᒻᒥᕐᔪᐊᑦ ᕾᕗᑦ ᐸᖓᓕᖕᓂᖏᑦ ᓂᐱᖅᑯᕐᑐᓪᓗᑎᒃ
ᐸᖓᓕᒡᓗᑎᒃ, ᕿᒻᒥᕐᔪᐊᑦ ᐊᖑᓴᓪᓗᐃᑦ ᐸᖓᓕᒃᐳᑦ.
23“ᐃᓱᒪᓂᕐᓗᒡᕕᐅᓕ ᒥᕉᔾ,” ᐊᑕᓂᐅᑉ ᐂᖏᓕᖓ ᐅᖃᕐᐳᖅ,
“ᐃᓱᒪᓂᕐᓗᒡᕕᐅᓕ ᕿᒃᓵᖕᓇᕐᑐᒥᒃ, ᑕᕝᕙᓂ ᓄᓇᖃᕐᑐᑦ.
ᕾᓚᐅᕐᒪᑕ ᐃᑲᔪᕐᑕᐅᒋᐊᕐᑐᕋᑎᒃ ᐊᑕᓂᕐᒧᑦ,
ᐊᑕᓂᐅᑉ ᐃᑲᔪᕐᓂᖓᓄᑦ ᐊᔪᖏᑦᑐᐊᓗᖕᓂᑦ ᐃᑲᔪᕐᑕᐅᔪᒪᓗᑎᒃ.”
24ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᓕ ᔧᓕ,
ᕼᐃᐸᕆᐅᑉ ᓄᓕᐊᖓ, ᑭᓁᑎ.
ᑐᐱᕐᓃᑦᑐᓂᑦ ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᕗᖅ.
25ᓯᓰᕋ ᐃᒥᕐᑎᑕᐅᔪᒪᑎᓪᓗᒍ, ᐃᒻᒧᖕᒥᒃ ᐃᒥᕐᑎᓚᐅᕐᑕᖓ.
ᐴᒍᑕᑦᓯᐊᒧᑦ ᐃᒻᒧᖕᒥᒃ ᐂᑦᑐᓚᐅᕐᑕᖓ.
26ᑐᐱᐅᑉ ᐸᐅᒍᐊᖓᓂᒃ ᑎᒍᓯᓚᐅᕐᐳᖅ,
ᑕᓕᕐᐱᖕᒧᓪᓗ ᓴᓇᔨᐅᑉ ᑲᐅᑕᖓ ᑎᒍᓪᓗᒍ;
ᑖᑦᓱᒪᓗ ᓯᓰᕋ ᓂᐊᖁᐊᒍᑦ ᑲᐅᒐᕐᐹ,
ᑖᑦᓱᒪ ᓂᐊᖁᐊ ᓯᖁᒥᑉᐹ
ᓂᐊᖁᐊ ᐊᖕᒪᕐᓗᒍ ᐳᑐᕚ ᐃᕐᓴᖓᒍᑦ.
27ᓄᑮᕐᐳᖅ ᐅᕐᕈᓪᓗᓂᓗ,
ᓇᓚᕗᖅ ᓄᖅᑲᖓᓪᓗᓂ ᐃᑎᒐᖏᓐᓂ;
ᐃᑎᒐᖏᓐᓂᓗ ᓄᑮᕐᐳᖅ ᐅᕐᕈᕕᖕᒥᓂ;
ᓄᑮᕐᕕᖕᒥᓂ ᐅᕐᕈᖓᕗᖅ ᑐᖁᓪᓗᓂ,
ᐅᕐᕈᕕᖕᒥᓂ ᑐᖁᖓᓕᕐᐳᖅ.
28ᐃᒐᓛᒃᑯ ᐊᕐᓇᖅ ᑕᑯᓇᓱᓚᐅᕐᐳᖅ;
ᓯᓰᕋᐅᑉ ᐊᓈᓇᖓ ᐃᒐᓛᑉ ᑖᓗᑕᖏᑕ ᐊᑯᓐᓂᖏᑎᒍᑦ ᑕᑯᓇᓱᓚᐅᕐᐳᖅ;
“ᓲᖕᒪᓪᓖᓐᓇ ᕿᒧᒃᓯᐅᑎᖓ ᐊᒃᓴᓗᐊᓕᒃ ᑎᑭᓐᓇᓵᕐᐸ?”
“ᓱᖕᒪᓪᓖᒃᑯᐊ ᕿᒻᒥᕐᔪᐊᖏᑕ ᐸᖓᓕᒡᕙᓗᖏᑦ ᑐᓴᕐᓴᐅᓇᓵᕐᐸᑦ?”
29ᓯᓚᑐᓂᕐᐹᖁᑎᖏᑦ ᐊᕐᓁᑦ ᑭᐅᓚᐅᕐᐳᑦ,
ᑍᒤᓐᖏᓚᖅ, ᓇᖕᒥᓂᕐᓗ ᑭᐅᑦᔪᑎᒥᓂᒃ ᐅᖃᕐᓗᓂ.
30“ᕿᓂᑐᐃᓐᓇᓐᖏᓛᑦ ᑎᒍᔭᒃᓴᒥᖕᓂᒃ ᐊᕕᒃᑐᒐᒃᓴᒥᖕᓂᒃ ᓵᓚᖃᕐᓂᕐᒥᖕᓄᑦ?
ᐊᕐᓇᒥᒃ ᒪᕐᕉᖕᓂᒡᓘᓐᓃᑉ ᐊᖑᒻᒧᑦ ᐊᑕᐅᓯᕐᒧᑦ ᑕᒤᓐᓄᑦ
ᐊᓐᓄᕌᒃᓴᓂᒡᓗ ᐱᐅᔪᓂᒃ ᓯᓰᕋᒧᑦ,
ᓄᕕᕐᓴᕐᓯᒪᔪᓂᒡᓘᓐᓃᑦ ᐊᖓᔪᖅᑳᕐᔪᐊᖅ ᓄᓕᐊᖓᑕ ᖁᖓᓯᖓᓅ.”
31ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ.
ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ!
ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 5: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᓗᐊᕐᓮᔩᑦ ᐊᒡᓚᖏᑦ 5
5
ᑎᐴᕋᐅᑉ ᐸᕌᑭᐅᓪᓗ ᐃᓐᖏᕈᑎᖓᒃ
1ᐅᓪᓗᒥᒃ ᑍᑦᓱᒪᓂ ᑎᐴᕋᓗ ᐸᕌᒃᓗ ᐊᐱᓄᐊᒻ ᐃᕐᓂᖓ ᐃᓐᖏᓚᐅᕐᐴᒃ ᐃᓐᖏᕈᓯᕐᒥᒃ ᐆᒥᖓ:
2ᓯᕗᓕᕐᑏᑦ ᓯᕗᓕᓚᐅᕐᐳᑦ ᐃᓴᕆᐊᓕᒥ.
ᐃᓴᕆᐊᓕᒥᐅᑦ ᐅᓇᑕᕈᒪᒻᒪᕆᓚᐅᕐᐳᑦ;
ᐃᕿᐊᓱᒐᑎᒃ ᐃᒻᒥᖕᓂᒃ ᑐᓂᓚᐅᕐᐳᑦ.
ᐊᑕᓂᖅ ᓂᕐᑐᕐᑕᐅᓕ.
3ᓈᓚᒋᑦᓯ ᐊᖓᔪᖅᑳᕐᔪᐊᖑᔪᓯ; ᑐᓵᒋᑦᓯᓗ ᐊᖓᔪᖅᑳᕐᔪᐊᑉ ᐃᕐᓂᖏᑦ;
ᐊᑕᓂᕐᒧᑦ ᐃᓐᖏᕐᓂᐊᕋᒪ,
ᑐᓴᕐᓂᔮᕐᓂᐊᕋᒪ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓐᓄᑦ.
4ᐊᑕᓃᖅ, ᐃᖏᕐᕋᓯᑎᓪᓗᑎᑦ ᖃᖅᑲᓂ ᓰᐊᕆᒥ,
ᐊᐅᓪᓚᕋᕕᓪᓗ ᐱᓱᒡᓗᑎᑦ ᐄᑐᒥᐅᑉ ᓄᓇᖓᓂᑦ,
ᓄᓇ ᓴᔪᓚᐅᕐᐳᖅ,
ᕿᓚᒃ ᑲᑕᓚᐅᕐᐳᖅ
ᐊᒡᓛᑦ, ᓯᓚᓗᒃ ᑲᑕᓚᐅᕐᐳᖅ ᓄᕗᔭᓂᑦ.
5 #
ᒨᓯᓯ ᐂᑉᐸᖏᑦ 19:18. ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ,
ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.
6ᓴᒻᒐᕆ ᐃᓅᑎᓪᓗᒍ, ᐊᓇᑎᐅᑉ ᐃᕐᓂᖓᑕ,
ᔧᓕᓗ ᐃᓅᑎᓪᓗᒍ, ᐃᓄᒋᐊᒃᑐᕐᔪᐊᑦ ᐊᖅᑯᓵᖃᑦᑕᕐᑐᑦ ᓄᖅᑲᓚᐅᕐᐳᑦ,
ᐊᐅᓪᓚᑲᑕᒃᑏᓪᓗ ᐊᖅᑯᑎᐅᒐᔪᖏᑦᑐᓂᒃ ᐊᑐᖃᑦᑕᓕᕐᓗᑎᒃ
7ᖁᕕᐊᓇᕐᑐᑦ ᐃᓱᓕᓚᐅᕐᐳᑦ ᐃᓴᕆᐊᓕᒥ, ᑭᓱᑐᐃᓐᓇᓕᒫᑦ ᓄᖅᑲᓚᐅᕐᐳᑦ
ᑭᓯᐊᓂ ᒪᑭᓐᓇᕕᑦ, ᑎᐴᕌ,
ᓄᓇᕋᕐᑐᑦ ᑕᑯᒥᓇᕐᑐᑐᑦ ᐃᓴᕆᐊᓕᒧᑦ ᐊᓈᓇᐅᔪᑐᑦ.
8ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ,
ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ
ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ
40,000ᓂ ᐃᓴᕆᐊᓕᑎᓂ?
9ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ
ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ
ᐊᑕᓂᖅ ᓂᕐᑐᕐᑕᐅᓕ!
10ᐅᖃᐅᓯᕆᓯᐅᒃ, ᐃᓕᑦᓯ ᓯᐅᑎᖅᑯᕐᑐᔪᓂ ᖃᑯᕐᑕᓂ ᐃᑭᒪᔪᓯ,
ᐃᓕᑦᓯᓗ ᐃᒃᓯᕙᔪᓯ ᓂᕈᒥᑦᓯᐊᕐᑐᓂ.
ᐃᓕᑦᓯᓗ ᐊᖅᑯᑎᒃᑯᑦ ᐱᓱᒃᑐᓯ.
11ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ,
ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ
ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ.
ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.
12ᑐᐸᓕᕆᑦ, ᑐᐸᓕᕆᑦ, ᑎᐴᕋ
ᑐᐸᓕᕆᑦ, ᑐᐸᓕᕆᑦ, ᐃᓐᖏᓕᕐᓗᑎᓪᓗ.
ᒪᑭᓕᕆᑦ ᐸᕌᒃ, ᐅᓇᑕᕐᓂᕐᒧᑦ ᑎᒍᓯᒪᔭᑎᑦ ᐊᐅᓪᓚᕈᑎᓕᒃᑭᑦ,
ᐃᕝᕕᑦ ᐊᐱᓄᐊᒻ ᐃᕐᓂᖓ.
13ᑕᐅᓄᖓ ᐱᓱᒃᐳᑦ ᐊᖓᔪᖅᑳᑦ ᐊᒥᐊᒃᑯᖏᑦ;
ᐊᑕᓂᐅᑉ ᐃᓄᖁᑎᖏᑦ ᑕᐅᓄᖓ ᐱᓱᒃᐳᑦ ᐊᑕᓂᑎᒃ ᐱᓪᓗᒍ
ᐅᓇᑕᕆᐊᕐᓗᑎᒃ ᐊᔪᖏᑦᑐᕐᔪᐊᓂᒃ.
14ᐃᕗᕅᒥᑦ ᐊᐅᓪᓚᕐᐳᑦ ᑕᐅᕗᖓ ᓇᕐᓴᒧᑦ,
ᐃᓕᖕᓂᒃ ᒪᓕᒡᓗᑎᒃ, ᐱᓐᔭᒥᓂᐅᑉ ᑭᖑᕚᖏᑦ, ᑭᖑᕚᖑᖃᑎᑎᑦ ᐃᓚᒋᓪᓗᒋᑦ.
ᒪᑬᕆᒥᑦ ᐱᓱᒃᐳᑦ ᑕᐅᓄᖓ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ,
ᓯᐳᓗᓂᒥᓪᓗ ᐱᓱᒃᐳᑦ ᐅᓇᑕᕐᑏᑦ ᑲᒪᔩᑦ ᐊᔭᐅᑉᐱᐊᓂᒃ ᑎᒍᒥᐊᕐᑐᑦ.
15ᐃᓴᑳᕆᐅᑉ ᐊᖓᔪᖅᑳᕐᔪᐊᖏᑕ ᑐᖏᓕᖏᑦ ᑎᐴᕋᒧᐊᓚᐅᕐᐳᑦ;
ᐃᓛᒃ, ᐃᓴᑳᕆᒃᑯᑦ ᓈᓚᑦᓯᐊᓚᐅᕐᐳᑦ ᐸᕌᒃᒥᒃ;
ᓇᕐᓴᒧᑦ ᑐᐊᕕᕐᓗᑎᒃ ᒪᓕᒃᐹᑦ ᑭᖑᓂᑦᓯᐊᖓᓂ.
ᕉᐱᓂᐅᓪᓕ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ
ᐊᖏᔪᒥᒃ ᐃᓱᒪᒃᓴᕐᓯᐅᓚᐅᕐᐳᑦ ᒪᓕᖕᓂᐊᕐᒪᖔᕐᒥᒃ.
16ᓱᖕᒪᓪᓕ ᓄᖅᑲᖓᑐᐃᓐᓇᓚᐅᕐᐱᓰ ᓰᐱᖁᑎᑦᓯ ᐊᑯᕐᖓᓐᓂ?
ᑐᓵᔪᒪᓪᓗᓯ ᓰᐱᓕᕆᔨᓂᒃ ᐆᒪᔪᖁᑎᒥᖕᓄᑦ ᓂᓪᓕᐊᑎᑦᓯᕕᖃᕐᑐᓂᒃ?
ᕉᐱᓂᐅᑉ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ
ᐃᓱᒪᒃᓴᕐᓯᐅᓚᐅᕐᒪᑕ ᐃᓚᒋᔭᐅᓂᐊᕐᒪᖔᕐᒥᒃ.
17ᒋᓕᐊᑎᒥᐅᑦ ᔪᐊᕐᑕᓂᐅᑉ ᐊᑭᐊᓃᖏᓐᓇᓚᐅᕐᐳᑦ;
ᑖᓐᓗ ᑭᖑᕚᖏᑦ ᓱᖕᒪᑦ ᐅᒥᐊᕐᔪᐊᓂᒃ ᓇᔪᕐᑎᖃᕋᓱᐊᓚᐅᕐᐹᑦ?
ᐋᓱᕆᐅᑉ ᑭᖑᕚᖏᑦ ᐃᒪᐅᑉ ᓯᓈᓂ ᓄᖅᑲᖓᓚᐅᕐᐳᑦ
ᐅᒥᐊᕐᔪᐊᑦ ᓄᓇᓕᐊᕐᕕᖏᓐᓂ.
18ᓯᐳᓗᓂᐅᑉ ᐃᓄᖏᑦ ᐃᓅᓯᕐᑎᒃ ᑐᖁᒧᑦ ᑐᓂᓯᒪᓚᐅᕐᐰᑦ;
ᓈᑉᑕᓕᐅᑦᑕᐅᖅ ᐃᓄᖏᑦ ᑍᒤᓕᐅᓚᐅᕆᕗᑦ, ᐅᓇᑕᕐᕕᖕᒥ ᓇᑎᕐᓇᒥ.
19ᐊᖓᔪᖅᑳᕐᔪᐊᑦ ᑎᑭᓚᐅᕐᐳᑦ, ᐅᓇᑕᖃᑕᐅᓪᓗᑎᒡᓗ;
ᐅᓇᑕᓚᐅᕐᐳᑦ ᑬᓇᓂᒥᐅᑦ ᐊᖓᔪᖅᑳᕐᔪᐊᖏᑦ,
ᑖᓇᒃᒥ ᒥᒌᑑᑉ ᐃᒪᖏᑕ ᓴᓂᐊᓂ
ᓯᐅᓪᕕᕆᒥᒡᓕ ᑎᒍᓯᓚᐅᓐᖏᓚᑦ ᓵᓚᖃᕐᑐᑦ ᑎᒍᕙᒃᑕᖏᓐᓂᒃ.
20ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ,
ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.
21ᑰᑉ ᑭᓲᓂᐅᑉ ᓴᕐᕙᐅᑎᓚᐅᕐᐰᑦ,
ᑰᑉ ᓴᓐᖏᔪᐊᓘᓂᖓᓄᑦ, ᑭᓲᓐ ᑰᒃᑐᐊᓘᓂᖓᓄᑦ
ᐱᓱᐃᓐᓇᕆᑦ, ᑕᕐᓃᖅ ᐊᒃᓱᕈᕐᓗᑎᑦ!
22ᕿᒻᒥᕐᔪᐊᑦ ᕾᕗᑦ ᐸᖓᓕᖕᓂᖏᑦ ᓂᐱᖅᑯᕐᑐᓪᓗᑎᒃ
ᐸᖓᓕᒡᓗᑎᒃ, ᕿᒻᒥᕐᔪᐊᑦ ᐊᖑᓴᓪᓗᐃᑦ ᐸᖓᓕᒃᐳᑦ.
23“ᐃᓱᒪᓂᕐᓗᒡᕕᐅᓕ ᒥᕉᔾ,” ᐊᑕᓂᐅᑉ ᐂᖏᓕᖓ ᐅᖃᕐᐳᖅ,
“ᐃᓱᒪᓂᕐᓗᒡᕕᐅᓕ ᕿᒃᓵᖕᓇᕐᑐᒥᒃ, ᑕᕝᕙᓂ ᓄᓇᖃᕐᑐᑦ.
ᕾᓚᐅᕐᒪᑕ ᐃᑲᔪᕐᑕᐅᒋᐊᕐᑐᕋᑎᒃ ᐊᑕᓂᕐᒧᑦ,
ᐊᑕᓂᐅᑉ ᐃᑲᔪᕐᓂᖓᓄᑦ ᐊᔪᖏᑦᑐᐊᓗᖕᓂᑦ ᐃᑲᔪᕐᑕᐅᔪᒪᓗᑎᒃ.”
24ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᓕ ᔧᓕ,
ᕼᐃᐸᕆᐅᑉ ᓄᓕᐊᖓ, ᑭᓁᑎ.
ᑐᐱᕐᓃᑦᑐᓂᑦ ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᕗᖅ.
25ᓯᓰᕋ ᐃᒥᕐᑎᑕᐅᔪᒪᑎᓪᓗᒍ, ᐃᒻᒧᖕᒥᒃ ᐃᒥᕐᑎᓚᐅᕐᑕᖓ.
ᐴᒍᑕᑦᓯᐊᒧᑦ ᐃᒻᒧᖕᒥᒃ ᐂᑦᑐᓚᐅᕐᑕᖓ.
26ᑐᐱᐅᑉ ᐸᐅᒍᐊᖓᓂᒃ ᑎᒍᓯᓚᐅᕐᐳᖅ,
ᑕᓕᕐᐱᖕᒧᓪᓗ ᓴᓇᔨᐅᑉ ᑲᐅᑕᖓ ᑎᒍᓪᓗᒍ;
ᑖᑦᓱᒪᓗ ᓯᓰᕋ ᓂᐊᖁᐊᒍᑦ ᑲᐅᒐᕐᐹ,
ᑖᑦᓱᒪ ᓂᐊᖁᐊ ᓯᖁᒥᑉᐹ
ᓂᐊᖁᐊ ᐊᖕᒪᕐᓗᒍ ᐳᑐᕚ ᐃᕐᓴᖓᒍᑦ.
27ᓄᑮᕐᐳᖅ ᐅᕐᕈᓪᓗᓂᓗ,
ᓇᓚᕗᖅ ᓄᖅᑲᖓᓪᓗᓂ ᐃᑎᒐᖏᓐᓂ;
ᐃᑎᒐᖏᓐᓂᓗ ᓄᑮᕐᐳᖅ ᐅᕐᕈᕕᖕᒥᓂ;
ᓄᑮᕐᕕᖕᒥᓂ ᐅᕐᕈᖓᕗᖅ ᑐᖁᓪᓗᓂ,
ᐅᕐᕈᕕᖕᒥᓂ ᑐᖁᖓᓕᕐᐳᖅ.
28ᐃᒐᓛᒃᑯ ᐊᕐᓇᖅ ᑕᑯᓇᓱᓚᐅᕐᐳᖅ;
ᓯᓰᕋᐅᑉ ᐊᓈᓇᖓ ᐃᒐᓛᑉ ᑖᓗᑕᖏᑕ ᐊᑯᓐᓂᖏᑎᒍᑦ ᑕᑯᓇᓱᓚᐅᕐᐳᖅ;
“ᓲᖕᒪᓪᓖᓐᓇ ᕿᒧᒃᓯᐅᑎᖓ ᐊᒃᓴᓗᐊᓕᒃ ᑎᑭᓐᓇᓵᕐᐸ?”
“ᓱᖕᒪᓪᓖᒃᑯᐊ ᕿᒻᒥᕐᔪᐊᖏᑕ ᐸᖓᓕᒡᕙᓗᖏᑦ ᑐᓴᕐᓴᐅᓇᓵᕐᐸᑦ?”
29ᓯᓚᑐᓂᕐᐹᖁᑎᖏᑦ ᐊᕐᓁᑦ ᑭᐅᓚᐅᕐᐳᑦ,
ᑍᒤᓐᖏᓚᖅ, ᓇᖕᒥᓂᕐᓗ ᑭᐅᑦᔪᑎᒥᓂᒃ ᐅᖃᕐᓗᓂ.
30“ᕿᓂᑐᐃᓐᓇᓐᖏᓛᑦ ᑎᒍᔭᒃᓴᒥᖕᓂᒃ ᐊᕕᒃᑐᒐᒃᓴᒥᖕᓂᒃ ᓵᓚᖃᕐᓂᕐᒥᖕᓄᑦ?
ᐊᕐᓇᒥᒃ ᒪᕐᕉᖕᓂᒡᓘᓐᓃᑉ ᐊᖑᒻᒧᑦ ᐊᑕᐅᓯᕐᒧᑦ ᑕᒤᓐᓄᑦ
ᐊᓐᓄᕌᒃᓴᓂᒡᓗ ᐱᐅᔪᓂᒃ ᓯᓰᕋᒧᑦ,
ᓄᕕᕐᓴᕐᓯᒪᔪᓂᒡᓘᓐᓃᑦ ᐊᖓᔪᖅᑳᕐᔪᐊᖅ ᓄᓕᐊᖓᑕ ᖁᖓᓯᖓᓅ.”
31ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ.
ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ!
ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.
Eastern Arctic Inuktitut Bible © Canadian Bible Society, 2012, 2021-2023.