ᐃᓗᐊᕐᓮᔩᑦ ᐊᒡᓚᖏᑦ 12
12
ᔨᑉᑕᓗ ᐃᕗᕅᒥᐅᓪᓗ ᑭᖑᕚᖏᑦ
1ᐃᕗᕅᒥᐅᑦ ᑭᖑᕚᖏᑕ ᐃᓄᖏᑦ ᐅᓇᑕᕆᐊᕐᓂᕐᒧᑦ ᐸᕐᓇᓚᐅᕐᐳᑦ, ᔪᐊᕐᑕᓂᐅᓪᓗ ᑰᖓᓂᒃ ᐃᑳᕐᓗᑎᒃ ᔭᐴᓂᐊᒧᐊᕐᐳᑦ ᐅᖃᕐᓗᑎᒡᓗ ᔨᑉᑕᒧᑦ, “ᓱᖕᒪᑦ ᐃᑳᕐᓗᑎᑦ ᐅᓇᑕᕆᐊᓚᐅᕐᐲᑦ ᐊᒧᓁᑎᒥᐅᓂᒃ ᐅᕙᑦᑎᓐᓂᒃᓗ ᐃᓚᖃᕈᒪᓗᑎᑦ ᕾᖁᔨᓇᑎᑦ? ᐃᒡᓗᐃᑦ ᐃᓂᒋᔧᑦ ᐃᑯᐊᓪᓚᖕᓂᐊᕐᐸᕗᑦ ᐃᑯᒪᒧᑦ.”
2ᔨᑉᑕᐅᑉ ᐅᖃᐅᑎᕔᑦ, “ᐃᓄᖁᑎᒃᑲ ᐊᑭᕋᕐᑑᑎᒃᓴᖃᓚᐅᕐᒪᑕ ᐊᒧᓁᑎᒥᐅᓂᒃ, ᕾᖁᔨᓚᐅᕋᓗᐊᕐᐳᖓ ᐃᓕᑦᓯᓐᓂᒃ ᓴᐳᑦᔨᓚᐅᓐᖏᓚᓯᓕ ᐅᕙᑦᑎᓐᓂᒃ ᑍᒃᑯᓇᓐᖓᑦ. 3ᖃᐅᔨᒐᒪᓕ ᓴᐳᑦᔨᓇᓱᐊᕐᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᓇᕐᑐᒦᑎᓚᐅᕐᐸᕋ, ᐃᑳᕐᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᕐᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᕐᑎᓚᐅᕐᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᕐᑐᕐᓗᖓ ᒫᓐᓇ?” 4ᔨᑉᑕᐅᑉ ᒋᓕᐊᑎᒥᐅᑦ ᐊᖑᑎᓕᒫᑦ ᑲᑎᑎᑉᐰᑦ, ᐅᓇᑕᕐᐰᓪᓗ ᐃᕗᕅᒥᐅᑦ ᓵᓚᒋᓪᓗᒋᓪᓗ. ᐃᕗᕅᒥᐅᑦ ᐅᖃᓚᐅᕐᒪᑕ, “ᒋᓕᐊᑦᒥᐅᖑᔪᓯ ᐃᕗᕅᒦᑦᑐᓯ ᒫᓇᓯᒃᑯᓪᓗ ᕿᒤᓯᒪᕗᓯ ᐃᕗᕅᒥᒃ!” 5ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᕐᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᕐᐸᓚᐅᕐᐳᑦ, “ᐃᑳᕐᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᕐᐰᑦ, “ᐃᕗᕅᒥᐅᖑᕖᑦ?” ᐅᖃᕐᐸᑦ, “ᐃᕗᕅᒥᐅᖑᓐᖏᓚᖓ,” 6ᐅᖃᐅᑦᔭᐅᖃᑦᑕᓚᐅᕐᐳᑦ ᐅᖃᕆᑦ, “ᓯᐳᓕᑎ.” ᐅᖃᖃᑦᑕᓚᐅᕐᐳᓪᓕ, “ᓯᐳᓕᑦ” ᐱᐅᓯᕐᒥᑐᑦ ᐅᖃᑦᓯᐊᕈᓐᓇᖏᓐᓇᒥᐅᒃ. ᑎᒍᔭᐅᕙᓚᐅᕐᐳᑦ ᑐᖁᑕᐅᓪᓗᑎᒡᓗ ᔪᐊᕐᑕᓂᐅᑉ ᑰᖓᑕ ᐃᑳᕐᕕᖏᓐᓂ. ᑍᑦᓱᒪᓂ 42,000ᐃᑦ ᐃᕗᕅᒥᐅᑦ ᑐᖁᑕᐅᓚᐅᕐᐳᑦ.
7ᔨᑉᑕ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ ᐊᕐᕌᒍᓂᒃ ᐱᖓᓲᔪᕐᑐᓂᒃ. ᒋᓕᐊᑎᒥᐅᑕᕐᓗ ᔨᑉᑕ ᑐᖁᖕᒪᑦ ᐃᓗᕕᕐᑕᐅᕗᖅ ᓄᓇᒥᓂ ᒋᓕᐊᑎᒥ.
ᐃᑉᓴᓐ, ᐃᓚᓐ, ᐊᑉᑑᓂᓗ
8ᔨᑉᑕᐅᑉ ᑭᖑᓂᖓᓂ, ᐃᑉᓴᓐ ᐱᑦᓕᐊᒥᐅᑕᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ. 9ᐃᕐᓂᖃᓚᐅᕐᐳᖅ 30ᓂᒃ, ᐸᓂᖃᕐᓗᓂᓗ 30ᓂᒃ. ᐸᓂᓕᒫᓂ ᐂᑦᑑᑎᒋᓚᐅᕐᐰᑦ ᓄᓕᐊᕐᑖᕆᔭᐅᓪᓗᑎᒃ ᐃᓚᖏᑕ ᐊᓯᖏᓐᓄᑦ, ᐊᕐᓇᓂᒡᓗ 30ᓂᒃ ᐃᓚᖏᑕ ᐊᓯᖏᓐᓂᒃ ᑎᑭᑎᑦᓯᓚᐅᕐᐳᒃ ᓄᓕᐊᕐᑖᕆᔭᐅᖁᓪᓗᒋᑦ ᐃᕐᓂᕐᒥᓄᑦ ᐃᑉᓴᓇᐅᓪᓗ ᐃᓴᕆᐊᓕᒥᐅ ᑕᓯᐅᓚᐅᕐᐰᑦ ᐊᕐᕌᒍᓂᒃ 7ᓂᒃ. 10ᐃᑉᓴᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᑦᓕᐊᒻᒥ.
11ᐃᑉᓴᓇᐅᑉ ᑭᖑᓂᖓᒍᑦ, ᐃᓘᓐ ᓯᐳᓗᓂᐅᑉ ᑭᖑᕚᖓᑕ ᐃᓴᕆᐊᓕᒥᐅᑦ ᑕᓯᐅᓚᐅᕐᐰᑦ ᐊᕐᕌᒍᓂᒃ ᖁᓕᓂᒃ. 12ᐃᓘᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐂᔭᓚᓐᓂᒥ ᓯᐳᓗᓂᐅᑉ ᓄᓇᖓᓂ.
13ᐃᓚᓐᓗ ᑭᖑᓂᖓᓂ, ᐊᑉᑖᓐ ᕼᐃᓕᐅᓕᐅᑉ ᐃᕐᓂᖓ ᐱᕋᑐᓁᑎᒥᐅᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ. 14ᐃᕐᓂᖃᓚᐅᕐᐳᖅ 40ᓂᒃ ᐃᕐᖑᑕᖃᕐᓗᓂᓗ ᐊᖑᑎᓂᒃ 30ᓂᒃ, ᑖᒃᑯᐊᓗ ᕿᒧᒃᓯᐅᑎᖃᓚᐅᕐᐳᑦ ᓯᐅᑎᖅᑯᕐᑐᔪᓂᒃ 70ᓂᒃ. ᐊᑉᑐᓐ ᑕᓯᐅᕐᓯᓚᐅᕐᐳᖅ ᐃᓴᕆᐊᓕᒥᐅᓂᒃ ᐊᕐᕌᒍᓂᒃ 8ᓂᒃ, 15ᐊᑉᑖᓐᓗ ᕼᐃᓕᐅᓕᐅᑉ ᐃᕐᓂᖓ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᕋᑐᓁᒥ ᐃᕗᕅᒥᐅᑦ ᓄᓇᖓᓂ ᖃᖅᑲᓕᖕᒥ ᐊᒪᓕᑬᑎᑦ ᓄᓇᖓᓂ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 12: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᓗᐊᕐᓮᔩᑦ ᐊᒡᓚᖏᑦ 12
12
ᔨᑉᑕᓗ ᐃᕗᕅᒥᐅᓪᓗ ᑭᖑᕚᖏᑦ
1ᐃᕗᕅᒥᐅᑦ ᑭᖑᕚᖏᑕ ᐃᓄᖏᑦ ᐅᓇᑕᕆᐊᕐᓂᕐᒧᑦ ᐸᕐᓇᓚᐅᕐᐳᑦ, ᔪᐊᕐᑕᓂᐅᓪᓗ ᑰᖓᓂᒃ ᐃᑳᕐᓗᑎᒃ ᔭᐴᓂᐊᒧᐊᕐᐳᑦ ᐅᖃᕐᓗᑎᒡᓗ ᔨᑉᑕᒧᑦ, “ᓱᖕᒪᑦ ᐃᑳᕐᓗᑎᑦ ᐅᓇᑕᕆᐊᓚᐅᕐᐲᑦ ᐊᒧᓁᑎᒥᐅᓂᒃ ᐅᕙᑦᑎᓐᓂᒃᓗ ᐃᓚᖃᕈᒪᓗᑎᑦ ᕾᖁᔨᓇᑎᑦ? ᐃᒡᓗᐃᑦ ᐃᓂᒋᔧᑦ ᐃᑯᐊᓪᓚᖕᓂᐊᕐᐸᕗᑦ ᐃᑯᒪᒧᑦ.”
2ᔨᑉᑕᐅᑉ ᐅᖃᐅᑎᕔᑦ, “ᐃᓄᖁᑎᒃᑲ ᐊᑭᕋᕐᑑᑎᒃᓴᖃᓚᐅᕐᒪᑕ ᐊᒧᓁᑎᒥᐅᓂᒃ, ᕾᖁᔨᓚᐅᕋᓗᐊᕐᐳᖓ ᐃᓕᑦᓯᓐᓂᒃ ᓴᐳᑦᔨᓚᐅᓐᖏᓚᓯᓕ ᐅᕙᑦᑎᓐᓂᒃ ᑍᒃᑯᓇᓐᖓᑦ. 3ᖃᐅᔨᒐᒪᓕ ᓴᐳᑦᔨᓇᓱᐊᕐᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᓇᕐᑐᒦᑎᓚᐅᕐᐸᕋ, ᐃᑳᕐᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᕐᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᕐᑎᓚᐅᕐᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᕐᑐᕐᓗᖓ ᒫᓐᓇ?” 4ᔨᑉᑕᐅᑉ ᒋᓕᐊᑎᒥᐅᑦ ᐊᖑᑎᓕᒫᑦ ᑲᑎᑎᑉᐰᑦ, ᐅᓇᑕᕐᐰᓪᓗ ᐃᕗᕅᒥᐅᑦ ᓵᓚᒋᓪᓗᒋᓪᓗ. ᐃᕗᕅᒥᐅᑦ ᐅᖃᓚᐅᕐᒪᑕ, “ᒋᓕᐊᑦᒥᐅᖑᔪᓯ ᐃᕗᕅᒦᑦᑐᓯ ᒫᓇᓯᒃᑯᓪᓗ ᕿᒤᓯᒪᕗᓯ ᐃᕗᕅᒥᒃ!” 5ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᕐᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᕐᐸᓚᐅᕐᐳᑦ, “ᐃᑳᕐᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᕐᐰᑦ, “ᐃᕗᕅᒥᐅᖑᕖᑦ?” ᐅᖃᕐᐸᑦ, “ᐃᕗᕅᒥᐅᖑᓐᖏᓚᖓ,” 6ᐅᖃᐅᑦᔭᐅᖃᑦᑕᓚᐅᕐᐳᑦ ᐅᖃᕆᑦ, “ᓯᐳᓕᑎ.” ᐅᖃᖃᑦᑕᓚᐅᕐᐳᓪᓕ, “ᓯᐳᓕᑦ” ᐱᐅᓯᕐᒥᑐᑦ ᐅᖃᑦᓯᐊᕈᓐᓇᖏᓐᓇᒥᐅᒃ. ᑎᒍᔭᐅᕙᓚᐅᕐᐳᑦ ᑐᖁᑕᐅᓪᓗᑎᒡᓗ ᔪᐊᕐᑕᓂᐅᑉ ᑰᖓᑕ ᐃᑳᕐᕕᖏᓐᓂ. ᑍᑦᓱᒪᓂ 42,000ᐃᑦ ᐃᕗᕅᒥᐅᑦ ᑐᖁᑕᐅᓚᐅᕐᐳᑦ.
7ᔨᑉᑕ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ ᐊᕐᕌᒍᓂᒃ ᐱᖓᓲᔪᕐᑐᓂᒃ. ᒋᓕᐊᑎᒥᐅᑕᕐᓗ ᔨᑉᑕ ᑐᖁᖕᒪᑦ ᐃᓗᕕᕐᑕᐅᕗᖅ ᓄᓇᒥᓂ ᒋᓕᐊᑎᒥ.
ᐃᑉᓴᓐ, ᐃᓚᓐ, ᐊᑉᑑᓂᓗ
8ᔨᑉᑕᐅᑉ ᑭᖑᓂᖓᓂ, ᐃᑉᓴᓐ ᐱᑦᓕᐊᒥᐅᑕᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ. 9ᐃᕐᓂᖃᓚᐅᕐᐳᖅ 30ᓂᒃ, ᐸᓂᖃᕐᓗᓂᓗ 30ᓂᒃ. ᐸᓂᓕᒫᓂ ᐂᑦᑑᑎᒋᓚᐅᕐᐰᑦ ᓄᓕᐊᕐᑖᕆᔭᐅᓪᓗᑎᒃ ᐃᓚᖏᑕ ᐊᓯᖏᓐᓄᑦ, ᐊᕐᓇᓂᒡᓗ 30ᓂᒃ ᐃᓚᖏᑕ ᐊᓯᖏᓐᓂᒃ ᑎᑭᑎᑦᓯᓚᐅᕐᐳᒃ ᓄᓕᐊᕐᑖᕆᔭᐅᖁᓪᓗᒋᑦ ᐃᕐᓂᕐᒥᓄᑦ ᐃᑉᓴᓇᐅᓪᓗ ᐃᓴᕆᐊᓕᒥᐅ ᑕᓯᐅᓚᐅᕐᐰᑦ ᐊᕐᕌᒍᓂᒃ 7ᓂᒃ. 10ᐃᑉᓴᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᑦᓕᐊᒻᒥ.
11ᐃᑉᓴᓇᐅᑉ ᑭᖑᓂᖓᒍᑦ, ᐃᓘᓐ ᓯᐳᓗᓂᐅᑉ ᑭᖑᕚᖓᑕ ᐃᓴᕆᐊᓕᒥᐅᑦ ᑕᓯᐅᓚᐅᕐᐰᑦ ᐊᕐᕌᒍᓂᒃ ᖁᓕᓂᒃ. 12ᐃᓘᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐂᔭᓚᓐᓂᒥ ᓯᐳᓗᓂᐅᑉ ᓄᓇᖓᓂ.
13ᐃᓚᓐᓗ ᑭᖑᓂᖓᓂ, ᐊᑉᑖᓐ ᕼᐃᓕᐅᓕᐅᑉ ᐃᕐᓂᖓ ᐱᕋᑐᓁᑎᒥᐅᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ. 14ᐃᕐᓂᖃᓚᐅᕐᐳᖅ 40ᓂᒃ ᐃᕐᖑᑕᖃᕐᓗᓂᓗ ᐊᖑᑎᓂᒃ 30ᓂᒃ, ᑖᒃᑯᐊᓗ ᕿᒧᒃᓯᐅᑎᖃᓚᐅᕐᐳᑦ ᓯᐅᑎᖅᑯᕐᑐᔪᓂᒃ 70ᓂᒃ. ᐊᑉᑐᓐ ᑕᓯᐅᕐᓯᓚᐅᕐᐳᖅ ᐃᓴᕆᐊᓕᒥᐅᓂᒃ ᐊᕐᕌᒍᓂᒃ 8ᓂᒃ, 15ᐊᑉᑖᓐᓗ ᕼᐃᓕᐅᓕᐅᑉ ᐃᕐᓂᖓ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᕋᑐᓁᒥ ᐃᕗᕅᒥᐅᑦ ᓄᓇᖓᓂ ᖃᖅᑲᓕᖕᒥ ᐊᒪᓕᑬᑎᑦ ᓄᓇᖓᓂ.
Eastern Arctic Inuktitut Bible © Canadian Bible Society, 2012, 2021-2023.