ᐂᓮᐊᓯᐅᑉ ᐊᒡᓚᖏᑦ 8
8
ᐂᓮᐊᓯᐅᑉ ᐃᕐᓂᖓᑕ ᓇᓗᓁᒃᑯᑕᐅᓂᖓ ᐃᓄᖕᓄᑦ
1ᐊᑕᓂᕐᓗ ᐅᕙᓐᓄᑦ ᐅᖃᕐᐳᖅ, “ᐊᖏᔪᒥᒃ ᐅᔭᕋᖕᒥᒃ ᑎᑎᕋᕐᕕᒃᓴᕐᑖᕐᓗᑎᑦ ᑎᑎᕋᕐᕕᒋᒍᒃ ᐊᖏᔫᑎᐅᓗᒋᑦ ᐃᒫᒃ, ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ.’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ.’ 2ᐊᖑᑏᖕᓂᒃ ᒪᕐᕉᖕᓂᒃ ᓱᓕᑦᓯᐊᕈᓐᓇᕐᑑᖕᓂᒃ ᐱᑕᖃᕐᐳᖅ, ᔪᕅᐊ ᑐᓂᕐᕈᓯᕐᑎᑦᓯᔨ ᓴᑲᕅᐊᓗ ᔨᐱᕆᑬᐊᐅᑉ ᐃᕐᓂᖓ, ᐅᕙᓐᓄᑦ ᐊᖏᕐᓯᒪᔫᖕᓂᒃ.”
3ᑭᖑᓂᖓᒍᓪᓕ ᐊᕐᓇᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᐊᕐᐳᖓ ᓄᑕᕋᒃᓴᕐᑖᕐᐳᕐᓗ, ᐃᕐᓂᕐᒥᒡᓗ ᐃᕐᓂᕗᖅ, ᐊᑕᓂᐅᑉ ᐅᖃᐅᑎᕚᖓ, “ᐊᑎᖃᕐᑎᑦᔪᒃ ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ,’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ’; 4ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”
ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᕾᓕᕐᓂᖓ
5ᐊᑕᓂᐅᑉ ᑕᕝᕙ ᐅᖃᕐᕕᒋᒃᑲᓐᓂᕆᕚᖓ, ᐅᖃᕐᓗᓂ: 6“ᐅᑯᐊ ᐃᓄᐃᑦ ᓮᓗᐊᑉ ᑕᓯᖓᓂᑦ ᑰᑦᓯᐊᕐᑐᒥᒃ ᐃᒥᕈᒪᖏᒻᒪᑕ, ᕆᔨᓂᐅᑉ ᓵᖓᓂ ᕆᒪᓔᐊᐅᓪᓗ ᐃᕐᓂᖓᑕ ᓵᖓᓂ ᓯᕘᕋᓂᕐᒧᑦ ᓴᔪᒍᒫᕐᐳᑦ; 7ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ; 8ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”
9ᐃᓅᔪᓯ ᓴᔪᓕᕆᑦᓯ, ᓯᖁᒥᓪᓗᓯᓗ, ᑐᓴᓕᕆᑦᓯ ᑕᒪᑦᓯ, ᐅᖓᓯᒃᑐᒥ ᓄᓇᖃᕐᑐᓯ; ᐸᕐᓇᓕᕆᑦᓯ ᓯᖁᒥᓪᓗᓯᓗ; ᐸᕐᓇᓕᕆᑦᓯ ᓯᖁᒥᓪᓗᓯᓗ. 10ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.
ᐊᑕᓂᐅᑉ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᓗᕆᐊᓱᖁᔨᓂᖓ
11ᐊᑕᓂᐅᑉ ᐅᖃᐅᑎᕚᖓ, ᐱᔪᓐᓇᕐᓂᕐᒥᓄᑦ ᓴᓐᖏᔪᕐᔪᐊᒧᑦ ᓇᔪᕐᓗᖓ, ᒪᓕᖁᓇᖓ ᐃᓄᐃᑦ ᑖᒃᑯᐊ ᐊᑐᕐᑕᖏᓐᓂᒃ, ᐅᖃᕐᓗᓂ: 12#1 ᐲᑦᑐᕉᓯ 3:14,15.“ᐃᓱᒪᓕᐅᖃᑎᒌᖕᓂᐅᓂᕋᕐᓂᐊᕐᓇᒍ ᐃᓄᐃᑦ ᑍᔭᖓᑦ ᐃᓱᒪᓕᐅᖃᑎᒌᖕᓂᕐᒥᒃ, ᓯᕘᕋᒋᔭᖏᓪᓗ ᓯᕘᕋᒋᓂᐊᕐᓇᒋᑦ, ᐃᓱᒫᓗᒍᑎᖃᕐᓂᐊᕐᓇᒡᓘᓐᓃᑦ. 13ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ, ᑖᑦᓱᒪ ᐃᑦᔪᕐᓁᑦᑑᓂᖓ ᐃᒃᐱᒋᑦᓯᐊᕋᒃᓴᕆᕙᑦ; ᑖᓐᓇ ᓯᕘᕋᒋᔭᒃᓴᕆᕙᑦ, ᑖᓐᓇᓗ ᑭᓯᒥ ᐃᓕᕋᒋᔭᒃᓴᕆᕙᑦ. 14#1 ᐲᑦᑐᕉᓯ 2:8.ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ. 15ᐅᓄᕐᑐᓪᓗ ᑖᒃᑯᓇᓃᑦᑐᑦ ᐹᓪᓚᒍᒫᕐᐳᑦ; ᐅᕐᕈᓗᑎᒃ ᓯᖁᒥᓪᓗᑎᒡᓗ, ᓂᒐᕐᑎᑕᐅᓗᑎᒃ ᐊᐅᓪᓚᕈᑦᔭᐅᓗᑎᒡᓗ.”
ᑐᖁᖓᔪᓂᒃ ᐊᐱᕐᓱᕋᓱᐊᕐᓂᐅᑉ ᐅᓗᕆᐊᓇᕐᓂᖓ
16ᐱᓇᓱᐊᕐᕕᐅᓂᕐᓂᒃ ᐅᓂᒃᑳᕐᓂᖅ ᕿᓚᒃᓱᕐᓯᐅᒃ, ᐱᖁᔧᓪᓗ ᓇᓗᓁᒃᑯᓯᕐᓗᒋᑦ ᓇᕿᑦᔪᑎᒥᒃ ᐃᓕᓐᓂᐊᕐᑎᒪ ᐊᑯᕐᖓᓐᓂ. 17#ᐄᑉᕈᐃᓄᑦ 2:13.ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.
18 #
ᐄᑉᕈᐃᓄᑦ 2:13. ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ!
ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ. 19ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?
20“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”
ᐃᓱᐊᖏᑦᑐᕐᓯᐅᕐᓂᖅ ᓇᓪᓕᐅᓯᒪᑎᓪᓗᒍ
21ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ. 22ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.
Currently Selected:
ᐂᓮᐊᓯᐅᑉ ᐊᒡᓚᖏᑦ 8: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐂᓮᐊᓯᐅᑉ ᐊᒡᓚᖏᑦ 8
8
ᐂᓮᐊᓯᐅᑉ ᐃᕐᓂᖓᑕ ᓇᓗᓁᒃᑯᑕᐅᓂᖓ ᐃᓄᖕᓄᑦ
1ᐊᑕᓂᕐᓗ ᐅᕙᓐᓄᑦ ᐅᖃᕐᐳᖅ, “ᐊᖏᔪᒥᒃ ᐅᔭᕋᖕᒥᒃ ᑎᑎᕋᕐᕕᒃᓴᕐᑖᕐᓗᑎᑦ ᑎᑎᕋᕐᕕᒋᒍᒃ ᐊᖏᔫᑎᐅᓗᒋᑦ ᐃᒫᒃ, ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ.’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ.’ 2ᐊᖑᑏᖕᓂᒃ ᒪᕐᕉᖕᓂᒃ ᓱᓕᑦᓯᐊᕈᓐᓇᕐᑑᖕᓂᒃ ᐱᑕᖃᕐᐳᖅ, ᔪᕅᐊ ᑐᓂᕐᕈᓯᕐᑎᑦᓯᔨ ᓴᑲᕅᐊᓗ ᔨᐱᕆᑬᐊᐅᑉ ᐃᕐᓂᖓ, ᐅᕙᓐᓄᑦ ᐊᖏᕐᓯᒪᔫᖕᓂᒃ.”
3ᑭᖑᓂᖓᒍᓪᓕ ᐊᕐᓇᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᐊᕐᐳᖓ ᓄᑕᕋᒃᓴᕐᑖᕐᐳᕐᓗ, ᐃᕐᓂᕐᒥᒡᓗ ᐃᕐᓂᕗᖅ, ᐊᑕᓂᐅᑉ ᐅᖃᐅᑎᕚᖓ, “ᐊᑎᖃᕐᑎᑦᔪᒃ ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ,’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ’; 4ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”
ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᕾᓕᕐᓂᖓ
5ᐊᑕᓂᐅᑉ ᑕᕝᕙ ᐅᖃᕐᕕᒋᒃᑲᓐᓂᕆᕚᖓ, ᐅᖃᕐᓗᓂ: 6“ᐅᑯᐊ ᐃᓄᐃᑦ ᓮᓗᐊᑉ ᑕᓯᖓᓂᑦ ᑰᑦᓯᐊᕐᑐᒥᒃ ᐃᒥᕈᒪᖏᒻᒪᑕ, ᕆᔨᓂᐅᑉ ᓵᖓᓂ ᕆᒪᓔᐊᐅᓪᓗ ᐃᕐᓂᖓᑕ ᓵᖓᓂ ᓯᕘᕋᓂᕐᒧᑦ ᓴᔪᒍᒫᕐᐳᑦ; 7ᑍᒤᒻᒪᑦ, ᑕᑯᒋᑦ ᐊᑕᓂᐅᑉ ᑎᑭᑕᐅᑎᓐᓂᐊᓕᕐᐰᑦ ᑰᖕᒧᑦ ᐃᒪᕐᔪᐊᕐᒧᑦ, ᓲᖑᔪᕐᔪᐊᒧᑦ ᐊᖏᔪᕐᔪᐊᒧᓪᓗ, ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᓐᓇᕐᓇᕐᓂᕐᔪᐊᖓᓄᓪᓗ; ᑰᖕᒧᑦ ᖄᒥᑕᐅᔪᑎᑐᑦ ᕾᕈᓱᓕᒫᖏᑦ ᓱᓪᓗᓕᒫᖏᓪᓗ ᑰᒐᓛᓕᒫᖏᓪᓗ ᑕᑕᑕᐅᔪᒫᕐᐳᖅ ᐅᓕᒃᑕᐅᓗᑎᒃ; 8ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”
9ᐃᓅᔪᓯ ᓴᔪᓕᕆᑦᓯ, ᓯᖁᒥᓪᓗᓯᓗ, ᑐᓴᓕᕆᑦᓯ ᑕᒪᑦᓯ, ᐅᖓᓯᒃᑐᒥ ᓄᓇᖃᕐᑐᓯ; ᐸᕐᓇᓕᕆᑦᓯ ᓯᖁᒥᓪᓗᓯᓗ; ᐸᕐᓇᓕᕆᑦᓯ ᓯᖁᒥᓪᓗᓯᓗ. 10ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.
ᐊᑕᓂᐅᑉ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᓗᕆᐊᓱᖁᔨᓂᖓ
11ᐊᑕᓂᐅᑉ ᐅᖃᐅᑎᕚᖓ, ᐱᔪᓐᓇᕐᓂᕐᒥᓄᑦ ᓴᓐᖏᔪᕐᔪᐊᒧᑦ ᓇᔪᕐᓗᖓ, ᒪᓕᖁᓇᖓ ᐃᓄᐃᑦ ᑖᒃᑯᐊ ᐊᑐᕐᑕᖏᓐᓂᒃ, ᐅᖃᕐᓗᓂ: 12#1 ᐲᑦᑐᕉᓯ 3:14,15.“ᐃᓱᒪᓕᐅᖃᑎᒌᖕᓂᐅᓂᕋᕐᓂᐊᕐᓇᒍ ᐃᓄᐃᑦ ᑍᔭᖓᑦ ᐃᓱᒪᓕᐅᖃᑎᒌᖕᓂᕐᒥᒃ, ᓯᕘᕋᒋᔭᖏᓪᓗ ᓯᕘᕋᒋᓂᐊᕐᓇᒋᑦ, ᐃᓱᒫᓗᒍᑎᖃᕐᓂᐊᕐᓇᒡᓘᓐᓃᑦ. 13ᕿᓚᖕᒥᐅᒐᓴᒡᔪᐃᓪᓕ ᐊᑕᓂᖓᑦ, ᑖᑦᓱᒪ ᐃᑦᔪᕐᓁᑦᑑᓂᖓ ᐃᒃᐱᒋᑦᓯᐊᕋᒃᓴᕆᕙᑦ; ᑖᓐᓇ ᓯᕘᕋᒋᔭᒃᓴᕆᕙᑦ, ᑖᓐᓇᓗ ᑭᓯᒥ ᐃᓕᕋᒋᔭᒃᓴᕆᕙᑦ. 14#1 ᐲᑦᑐᕉᓯ 2:8.ᑖᓐᓇ ᐃᑦᔪᕐᓁᑦᑐᕐᔪᐊᖑᖕᒪᑦ, ᐅᔭᕋᐅᓪᓗᓂᓗ ᐊᒡᕕᐊᕈᑕᕆᔭᐅᔪᖅ, ᕾᕐᑑᕗᖅ ᐹᓪᓚᒡᕕᒃᓴᖅ ᑕᒪᖏᖕᓄᑦ ᐃᓴᕆᐊᓕᒃᑯᑦ ᑭᖑᕚᖏᓐᓄᑦ ᒪᕐᕈᐃᓕᖅᑲᖓᔪᓄᑦ, ᒥᑭᒋᐊᖑᕗᖅ ᓂᒐᐅᓪᓗᓂᓗ ᔨᕉᓴᓕᒥ ᓄᓇᖃᕐᑐᓄᑦ. 15ᐅᓄᕐᑐᓪᓗ ᑖᒃᑯᓇᓃᑦᑐᑦ ᐹᓪᓚᒍᒫᕐᐳᑦ; ᐅᕐᕈᓗᑎᒃ ᓯᖁᒥᓪᓗᑎᒡᓗ, ᓂᒐᕐᑎᑕᐅᓗᑎᒃ ᐊᐅᓪᓚᕈᑦᔭᐅᓗᑎᒡᓗ.”
ᑐᖁᖓᔪᓂᒃ ᐊᐱᕐᓱᕋᓱᐊᕐᓂᐅᑉ ᐅᓗᕆᐊᓇᕐᓂᖓ
16ᐱᓇᓱᐊᕐᕕᐅᓂᕐᓂᒃ ᐅᓂᒃᑳᕐᓂᖅ ᕿᓚᒃᓱᕐᓯᐅᒃ, ᐱᖁᔧᓪᓗ ᓇᓗᓁᒃᑯᓯᕐᓗᒋᑦ ᓇᕿᑦᔪᑎᒥᒃ ᐃᓕᓐᓂᐊᕐᑎᒪ ᐊᑯᕐᖓᓐᓂ. 17#ᐄᑉᕈᐃᓄᑦ 2:13.ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.
18 #
ᐄᑉᕈᐃᓄᑦ 2:13. ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ!
ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ. 19ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?
20“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”
ᐃᓱᐊᖏᑦᑐᕐᓯᐅᕐᓂᖅ ᓇᓪᓕᐅᓯᒪᑎᓪᓗᒍ
21ᓄᓇᒥ ᐃᓐᖏᕐᕋᔪᒫᕐᐳᑦ ᐅᑯᒤᒃᓴᕐᓗᑎᒃ, ᑳᒡᓗᑎᒡᓗ; ᑳᖕᓂᕐᒧᓪᓗ ᓂᓐᖓᐅᒪᓗᑎᒃ ᐅᖃᕐᓂᕐᓘᑦᔨᔪᒫᕐᐳᑦ ᐊᖓᔪᖅᑳᕐᔪᐊᕐᒥᖕᓂᒃ ᒎᑎᒥᖕᓂᒡᓗ, ᖁᒻᒧᓪᓗ ᑕᑯᓴᕐᓗᑎᒃ. 22ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.