ᐂᓮᐊᓯᐅᑉ ᐊᒡᓚᖏᑦ 3
3
ᔨᕉᓴᓕᒥ ᐅᐃᒪᔮᕐᓂ
1ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ. 2ᐊᔪᖏᑦᑐᕐᔪᐊᖁᑎᒋᔭᐅᔪᓪᓗ ᐅᓇᑕᕐᑐᒃᓮᓪᓗ, ᐃᓱᐊᕐᓮᔩᓪᓗ, ᐱᔪᒫᕐᑐᓂᒡᓗ ᓇᓚᐅᑦᑍᓲᑦ, ᐊᖓᔪᖅᑳᓪᓗ, 3ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ 50ᓄᑦ ᐊᖑᑎᓪᓗ ᐊᖓᔪᖅᑳᑦ ᐱᓪᓚᕆᐅᑎᑕᐅᔪᑦ, ᐃᓅᖃᑎᒥᓂᒡᓗ ᐃᑲᔪᕐᐸᒃᑐᑦ, ᐱᔪᓐᓇᕐᑐᐊᓗᐃᓪᓗ ᐊᖓᒃᑯᐃᑦ ᓴᑲᔪᓐᓇᕐᑐᓪᓗ. 4ᓄᑲᑉᐱᐊᓪᓗ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐸᒃᑲ ᑖᒃᑯᓄᖓ, ᓄᑕᖅᑲᓄᓪᓗ ᐊᐅᓚᑕᐅᓕᕈᒫᕐᐳᑦ. 5ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.
6ᐊᖑᑎᐅᑉ ᐊᖓᔪᓂ ᓄᑲᓂᓘᓐᓃᑦ ᑎᒍᔪᒫᕐᐹ ᐊᑖᑕᒥ ᐃᒡᓗᖓᓂᑦ ᐅᖃᐅᑎᓗᒍᓗ: “ᐅᓕᒡᔪᐊᖃᕋᕕᑦ ᓯᕗᓕᕐᑎᑖᕆᓚᐅᕐᓚᑦᑎᒋᑦ, ᑕᒪᓐᓇ ᓯᖁᒥᓯᒪᓂᐊᓗᒃᐳᑦ ᐃᓕᖕᓄᑦ ᐊᐅᓚᑕᐅᖁᓕᕐᑕᕗᑦ.”
7ᑖᓐᓇᓕ ᐅᓪᓗᒥ ᑖᑦᓱᒪᓂ ᕿᐱᓗᒡᓗᓂ, ᐅᖃᕈᒫᕐᐳᖅ: “ᐋᖅᑭᒃᓱᐃᔨᐅᓂᐊᓐᖏᓚᖓ; ᐃᒡᓗᓐᓂ ᓂᐊᖂᔭᖃᖏᓐᓇᑦᑕ ᐅᓕᒡᔪᐊᕐᑕᖃᕋᓂᓗ; ᐊᐅᓚᑦᓯᔨᓐᖑᕐᑎᑕᐅᔪᒪᓐᖏᓚᖓ ᐃᓄᖕᓄᑦ.”
8ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ. 9ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.
10ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ. 11ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.
12ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.
ᐊᑕᓂᐅᑉ ᐃᖅᑲᕐᑐᐃᓂᖓ ᐃᓄᖁᑎᒥᓂᒃ
13ᐊᑕᓂᖅ ᐃᓂᒥᓃᓕᕐᐳᖅ ᐊᑭᒋᐊᕐᕕᒋᓂᐊᕐᑕᒥᓂ, ᓂᑯᕕᑉᐳᖅ ᐃᖅᑲᕐᑐᐃᓂᐊᓕᕐᓗᓂ ᐃᓄᖁᑎᒥᓂᒃ. 14ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ. 15ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.
ᐊᕐᓁᑦ ᔨᕉᓴᓕᒦᑦᑐᑦ ᐅᓗᕆᐊᒋᔭᒃᓴᖏᑦ
16ᐊᑕᓂᖅ ᐅᖃᕐᐳᖅ: “ᓮᐅᓂᐅᑉ ᐸᓂᖏᑦ ᐱᐅᔪᕆᓗᐊᕐᒪᑕ ᐱᓱᓕᕌᖓᒥᒡᓗ ᐋᕐᓗᖓᔮᕐᓗᑎᒃ ᐱᓱᖃᑦᑕᕐᐳᑦ, ᕿᒃᓯᒥᒑᖃᑦᑕᕐᓗᑎᒃ ᐱᓱᖃᑦᑕᕐᐳᑦ, ᐱᔪᒥᓇᕋᓱᐊᕐᓗᑎᒃ, ᐊᑯᓔᑦᑐᒥᒃ ᐊᓪᓗᕋᕐᓗᑎᒃ, ᓯᖏᕐᓂᕐᒥᐅᑕᒥᖕᓂᒡᓗ ᓯᕙᓂᕋᕐᑎᑦᓯᓪᓗᑎᒃ. 17ᑍᒤᒻᒪᑦ ᓮᐅᓂᐅᑉ ᐸᓂᖏᑕ ᓂᐊᖁᖏᑦ ᐊᑕᓂᐅᑉ ᐊᒥᕐᓗᓕᕐᑎᑦᓱᒫᕐᐰᑦ, ᑲᓐᖑᒋᔭᖏᓪᓗ ᓴᖅᑭᑎᓪᓗᒋᑦ.”
18ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐲᔭᕈᒫᕐᐰᑦ ᐱᐅᓴᐅᑏᑦ ᓯᖏᕐᓂᕐᒥᐅᑕᖏᑦ ᓯᕙᓂᕋᕈᑏᑦ, ᖃᐅᕈᑎᖏᓪᓗ ᐅᔭᒥᖏᓪᓗ; 19ᓯᐅᑎᒥᐅᑕᖏᑦ, ᐊᒡᒐᐅᒻᒥᐅᑍᓪᓗ, ᖁᖓᓰᓕᑍᓪᓗ; 20ᓇᓴᖏᓪᓗ, ᓂᐅᒥᐅᑍᓪᓗ ᐱᐅᓴᐅᑏᑦ, ᓂᐊᖂᑎᖏᑦ, ᑎᐱᑦᓯᐊᕆᒃᓴᐅᑎᖃᐅᑏᓪᓗ, ᐋᕐᖑᐊᖏᓪᓗ: 21ᕿᑎᕐᓯᕐᒥᖏᓪᓗ,#3:21 ᕿᑎᕐᓯᕐᒥᖏᓪᓗ ᐅᕝᕙᓗ ᓇᒡᒍᐊᕐᒥᖏᓪᓗ ᐊᒻᒪ ᐊᒡᒐᐅᒻᒥᐅᑕᖏᓪᓗ ᐊᒻᒪ ᒥᑭᓕᕋᕐᒥᖏᓪᓗ ᕿᖓᕐᒥᐅᑕᖏᓪᓗ ᓄᕐᓗᓖᑦ; 22ᐊᓐᓄᕌᖏᓪᓗ ᓇᓪᓕᐅᓐᓂᕐᓯᐅᕈᑏᑦ, ᐅᓕᒡᔪᐊᖏᓪᓗ, ᐊᓃᕐᑐᕐᓯᐅᑎᖏᓪᓗ ᐊᓐᓄᕌᑦ, ᐊᑐᐃᓐᓇᖃᐅᑎᖏᓪᓗ ᐴᑲᑕᖏᑦ; 23ᑕᕐᕋᕐᑑᑎᖏᑦ, ᐊᓐᓄᕌᖏᓪᓗ ᓵᑦᑐᑦ ᑕᑯᒃᓴᐅᓇᕐᑐᑦ, ᓵᑦᑐᓪᓗ ᐃᓗᓪᓖᑦ, ᓇᓴᐅᔭᖏᑦ ᓂᒻᒪᐅᑎᓯᒪᔪᑦ, ᒪᑐᐊᕆᓲᖏᓪᓗ.
24ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.
25ᐊᖑᑎᖁᑎᑎᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᔪᖏᑦᑐᕐᔪᐊᖁᑎᑎᓪᓗ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᓂᕐᒧᑦ. 26ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.
Currently Selected:
ᐂᓮᐊᓯᐅᑉ ᐊᒡᓚᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐂᓮᐊᓯᐅᑉ ᐊᒡᓚᖏᑦ 3
3
ᔨᕉᓴᓕᒥ ᐅᐃᒪᔮᕐᓂ
1ᑕᑯᒋᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐊᕐᓵᕐᓯᓕᕐᐳᖅ ᔨᕉᓴᓕᒥᑦ ᔫᑎᐊᒥᓪᓗ ᓂᐅᕕᐊᒃᓴᖃᕐᕕᖕᓂᒃ ᓂᐅᕕᕐᕕᖕᓂᒡᓗ, ᓂᐊᖂᔭᒃᓴᓕᒫᓂᒃ ᐃᒥᒃᓴᓕᒫᓂᒡᓗ. 2ᐊᔪᖏᑦᑐᕐᔪᐊᖁᑎᒋᔭᐅᔪᓪᓗ ᐅᓇᑕᕐᑐᒃᓮᓪᓗ, ᐃᓱᐊᕐᓮᔩᓪᓗ, ᐱᔪᒫᕐᑐᓂᒡᓗ ᓇᓚᐅᑦᑍᓲᑦ, ᐊᖓᔪᖅᑳᓪᓗ, 3ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ 50ᓄᑦ ᐊᖑᑎᓪᓗ ᐊᖓᔪᖅᑳᑦ ᐱᓪᓚᕆᐅᑎᑕᐅᔪᑦ, ᐃᓅᖃᑎᒥᓂᒡᓗ ᐃᑲᔪᕐᐸᒃᑐᑦ, ᐱᔪᓐᓇᕐᑐᐊᓗᐃᓪᓗ ᐊᖓᒃᑯᐃᑦ ᓴᑲᔪᓐᓇᕐᑐᓪᓗ. 4ᓄᑲᑉᐱᐊᓪᓗ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐸᒃᑲ ᑖᒃᑯᓄᖓ, ᓄᑕᖅᑲᓄᓪᓗ ᐊᐅᓚᑕᐅᓕᕈᒫᕐᐳᑦ. 5ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.
6ᐊᖑᑎᐅᑉ ᐊᖓᔪᓂ ᓄᑲᓂᓘᓐᓃᑦ ᑎᒍᔪᒫᕐᐹ ᐊᑖᑕᒥ ᐃᒡᓗᖓᓂᑦ ᐅᖃᐅᑎᓗᒍᓗ: “ᐅᓕᒡᔪᐊᖃᕋᕕᑦ ᓯᕗᓕᕐᑎᑖᕆᓚᐅᕐᓚᑦᑎᒋᑦ, ᑕᒪᓐᓇ ᓯᖁᒥᓯᒪᓂᐊᓗᒃᐳᑦ ᐃᓕᖕᓄᑦ ᐊᐅᓚᑕᐅᖁᓕᕐᑕᕗᑦ.”
7ᑖᓐᓇᓕ ᐅᓪᓗᒥ ᑖᑦᓱᒪᓂ ᕿᐱᓗᒡᓗᓂ, ᐅᖃᕈᒫᕐᐳᖅ: “ᐋᖅᑭᒃᓱᐃᔨᐅᓂᐊᓐᖏᓚᖓ; ᐃᒡᓗᓐᓂ ᓂᐊᖂᔭᖃᖏᓐᓇᑦᑕ ᐅᓕᒡᔪᐊᕐᑕᖃᕋᓂᓗ; ᐊᐅᓚᑦᓯᔨᓐᖑᕐᑎᑕᐅᔪᒪᓐᖏᓚᖓ ᐃᓄᖕᓄᑦ.”
8ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ. 9ᑮᓇᖏᑕ ᑕᑯᒃᓴᐅᓂᖏᑦ ᓇᓗᓁᕐᓯᕗᑦ ᐸᓯᔭᒃᓴᐅᓂᖏᓐᓂᒃ; ᐊᔪᕐᓂᑎᒃ ᓴᖅᑭᑎᑉᐰᑦ ᓱᑑᒪᒥᐅᑎᑐᑦ, ᐃᔨᕐᓯᒪᓇᒋᓪᓗ. ᑲᑉᐱᐊᓐᓇᒦᒃ ᑕᕐᓂᖏᑦ! ᐱᐅᖏᑦᑐᒥᒃ ᐃᒻᒥᖕᓄᑦ ᓇᖕᒥᓂᖅ ᐱᑎᑦᓯᖕᒪᑕ.
10ᐃᓱᐊᕐᑐᓕᔪᑦ ᐅᖃᐅᑎᒃᑭᑦ ᖃᓄᐃᓐᓂᐊᖏᓐᓂᕋᕐᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ ᓂᕆᔪᒫᕐᒪᑕ. 11ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.
12ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.
ᐊᑕᓂᐅᑉ ᐃᖅᑲᕐᑐᐃᓂᖓ ᐃᓄᖁᑎᒥᓂᒃ
13ᐊᑕᓂᖅ ᐃᓂᒥᓃᓕᕐᐳᖅ ᐊᑭᒋᐊᕐᕕᒋᓂᐊᕐᑕᒥᓂ, ᓂᑯᕕᑉᐳᖅ ᐃᖅᑲᕐᑐᐃᓂᐊᓕᕐᓗᓂ ᐃᓄᖁᑎᒥᓂᒃ. 14ᐊᑕᓂᖅ ᐃᖅᑲᕐᑐᐃᕕᖕᒥᓄᑦ ᐃᑎᕐᐳᖅ ᐃᓄᖁᑎᖏᑕ ᐊᖓᔪᖅᑳᖏᑦ ᐊᖓᔪᖅᑳᕐᔪᐊᕆᔭᖏᓪᓗ ᐃᓚᒋᓪᓗᒋᑦ: “ᐃᓕᑦᓯ ᐱᕈᕐᓰᕕᒃ ᕔᓂᓕᒃᓴᖅ ᓂᕆᓚᐅᕐᐸᓯ, ᐊᔪᕐᓴᕐᑐᓂᓪᓗ ᐊᕐᓵᕐᓂᒐᕕᓂᓯ ᐃᒡᓗᓯᓐᓃᑉᐳᑦ. 15ᖃᓄᖅ ᐃᓱᒪᓪᓗᓯ ᐃᓄᖁᑎᒃᑲ ᓯᖁᒥᑎᑉᐱᓯᐅᒃ, ᐊᔪᕐᓴᕐᑐᑦ ᓄᖑᕈᑎᓪᓗᒌᑦ?” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.
ᐊᕐᓁᑦ ᔨᕉᓴᓕᒦᑦᑐᑦ ᐅᓗᕆᐊᒋᔭᒃᓴᖏᑦ
16ᐊᑕᓂᖅ ᐅᖃᕐᐳᖅ: “ᓮᐅᓂᐅᑉ ᐸᓂᖏᑦ ᐱᐅᔪᕆᓗᐊᕐᒪᑕ ᐱᓱᓕᕌᖓᒥᒡᓗ ᐋᕐᓗᖓᔮᕐᓗᑎᒃ ᐱᓱᖃᑦᑕᕐᐳᑦ, ᕿᒃᓯᒥᒑᖃᑦᑕᕐᓗᑎᒃ ᐱᓱᖃᑦᑕᕐᐳᑦ, ᐱᔪᒥᓇᕋᓱᐊᕐᓗᑎᒃ, ᐊᑯᓔᑦᑐᒥᒃ ᐊᓪᓗᕋᕐᓗᑎᒃ, ᓯᖏᕐᓂᕐᒥᐅᑕᒥᖕᓂᒡᓗ ᓯᕙᓂᕋᕐᑎᑦᓯᓪᓗᑎᒃ. 17ᑍᒤᒻᒪᑦ ᓮᐅᓂᐅᑉ ᐸᓂᖏᑕ ᓂᐊᖁᖏᑦ ᐊᑕᓂᐅᑉ ᐊᒥᕐᓗᓕᕐᑎᑦᓱᒫᕐᐰᑦ, ᑲᓐᖑᒋᔭᖏᓪᓗ ᓴᖅᑭᑎᓪᓗᒋᑦ.”
18ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐲᔭᕈᒫᕐᐰᑦ ᐱᐅᓴᐅᑏᑦ ᓯᖏᕐᓂᕐᒥᐅᑕᖏᑦ ᓯᕙᓂᕋᕈᑏᑦ, ᖃᐅᕈᑎᖏᓪᓗ ᐅᔭᒥᖏᓪᓗ; 19ᓯᐅᑎᒥᐅᑕᖏᑦ, ᐊᒡᒐᐅᒻᒥᐅᑍᓪᓗ, ᖁᖓᓰᓕᑍᓪᓗ; 20ᓇᓴᖏᓪᓗ, ᓂᐅᒥᐅᑍᓪᓗ ᐱᐅᓴᐅᑏᑦ, ᓂᐊᖂᑎᖏᑦ, ᑎᐱᑦᓯᐊᕆᒃᓴᐅᑎᖃᐅᑏᓪᓗ, ᐋᕐᖑᐊᖏᓪᓗ: 21ᕿᑎᕐᓯᕐᒥᖏᓪᓗ,#3:21 ᕿᑎᕐᓯᕐᒥᖏᓪᓗ ᐅᕝᕙᓗ ᓇᒡᒍᐊᕐᒥᖏᓪᓗ ᐊᒻᒪ ᐊᒡᒐᐅᒻᒥᐅᑕᖏᓪᓗ ᐊᒻᒪ ᒥᑭᓕᕋᕐᒥᖏᓪᓗ ᕿᖓᕐᒥᐅᑕᖏᓪᓗ ᓄᕐᓗᓖᑦ; 22ᐊᓐᓄᕌᖏᓪᓗ ᓇᓪᓕᐅᓐᓂᕐᓯᐅᕈᑏᑦ, ᐅᓕᒡᔪᐊᖏᓪᓗ, ᐊᓃᕐᑐᕐᓯᐅᑎᖏᓪᓗ ᐊᓐᓄᕌᑦ, ᐊᑐᐃᓐᓇᖃᐅᑎᖏᓪᓗ ᐴᑲᑕᖏᑦ; 23ᑕᕐᕋᕐᑑᑎᖏᑦ, ᐊᓐᓄᕌᖏᓪᓗ ᓵᑦᑐᑦ ᑕᑯᒃᓴᐅᓇᕐᑐᑦ, ᓵᑦᑐᓪᓗ ᐃᓗᓪᓖᑦ, ᓇᓴᐅᔭᖏᑦ ᓂᒻᒪᐅᑎᓯᒪᔪᑦ, ᒪᑐᐊᕆᓲᖏᓪᓗ.
24ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.
25ᐊᖑᑎᖁᑎᑎᑦ ᑐᖁᕋᕐᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᔪᖏᑦᑐᕐᔪᐊᖁᑎᑎᓪᓗ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᓂᕐᒧᑦ. 26ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.