ᒐᓔᑎᐊᒥᐅᓄᑦ 6
6
ᐃᑲᔪᖃᑦᑕᐅᑎᒋᑦᓯ ᐅᖁᒤᒃᓴᖅᑐᖃᕈᑦᓯ
1ᐅᒃᐱᖅᑑᖃᑎᒃᑲ, ᑕᒻᒪᕐᖕᓂᕐᖕᒧᑦ ᓵᓚᐅᔪᖃᖅᐸᑦ, ᐅᒃᐱᕐᖕᓂᖃᑦᓯᐊᖅᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᖕᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᖅᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ. 2ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᖅᐳᓯ. 3ᐱᐅᔪᕆᔪᖃᖅᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᖕᒥᓂᒃ ᐅᐃᕕᕐᕆᕗᖅ. 4ᓇᖕᒥᓂᕐᓕ ᐱᓂᐊᕐᖕᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᖕᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᖅᑕᒥᓂᒃ ᐅᐱᒍᓲᑎᖃᕈᓐᓇᕋᔭᖅᐳᖅ, ᐊᓯᒥ ᐱᓂᐊᕐᖕᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ. 5ᐃᓄᐃᑦ ᑕᒪᕐᖕᒥᒃ ᐊᒡᔭᒐᒃᓴᒥᖕᓂᒃ ᐊᑐᓂᑦ ᐊᒡᔭᖅᓯᔭᕆᐊᖃᕐᖕᒪᑕ.
6ᐅᒃᐱᕐᖕᓂᕐᖕᒥᒃ ᐊᔪᕆᖅᑐᖅᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᖅᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.
7ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᖅᓲᑎᒋᓚᐅᖅᑕᒥᓂᒃ ᑲᑎᖅᓱᐃᔪᒫᕐᖕᒪᑦ. 8ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᖅᓱᐃᔪᖅ ᑲᑎᖅᓱᐃᔪᒫᖅᐳᖅ ᐊᓯᕈᖅᑕᐅᑦᔪᑎᒃᓴᒥᓂᒃ; ᐊᓂᕐᖕᓂᕐᖕᒧᓪᓕ ᑲᓐᖓᖅᓱᐃᒃᐸᑦ ᐊᓂᕐᖕᓂᕐᖕᒥᑦᑕᐅᖅ ᑲᑎᖅᓱᐃᔪᒫᖅᐳᖅ ᐃᓄᓯᕐᖕᒥᒃ ᓄᖑᓱᐃᑦᑐᒥᒃ. 9ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᖕᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᖅᓱᓕᕈᒫᖅᐸᕗᑦ ᑲᓐᖓᖅᓲᑎᒋᓯᒪᔭᕗᑦ. 10ᑍᒤᒻᒪᑦ, ᐱᕕᒃᓴᖃᕐᖕᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᖅᑐᒃᓴᐅᕗᒍᑦ, ᐅᒃᐱᖅᑑᖃᑎᕗᓪᓕ ᐱᓗᐊᕐᓗᒋᑦ.
ᑭᖑᓪᓕᖅᐹᑦ ᐅᖃᐅᓰᑦ ᑕᕝᕙᐅᕗᑏᕐᖕᓃᓪᓗ
11ᑕᑯᕗᓯ ᑎᑎᕋᖅᑕᒃᑲ ᐊᖏᔫᑕᐅᖕᒪᑕ ᓇᖕᒥᓂᖅ ᑎᑎᕋᕋᒃᑭᑦ. 12ᑍᒃᑯᐊ ᑎᒥᒃᑯᑦ ᖁᕕᐊᒋᔭᐅᔪᒪᔪᑦ ᐃᓕᑦᓯᓐᓂᒃ ᑭᐱᔭᐅᖁᔨᕗᑦ, ᑍᒤᓕᐅᖅᐳᓪᓕ ᐊᑭᕋᖅᑐᖅᑕᐅᔪᒪᓇᑎᒃ ᙭ᔅᑑᓯᐅᑉ ᓴᓐᓂᖓᔪᓕᖓ ᐱᓪᓗᒍ. 13ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᖅᑐᕐᖕᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᖅᑕᐅᔭᕆᐊᖃᕐᖕᓂᖓᓂᒃ ᐊᑐᖅᑎᑦᓯᓂᕐᖕᒥᖕᓂᒃ ᐃᓕᑦᓯᓐᓂᒃ. 14ᐅᕙᓐᓄᓪᓕ, ᓂᖅᑐᕐᖕᓇᐅᑎᒃᓴᑑᕗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᕆᓚᐅᖅᑕᖓ; ᓴᓐᓂᖓᔪᓕᖕᒥᓗ ᑐᖁᓚᐅᕐᖕᓂᖓᓄᑦ ᓯᓚᕐᔪᐊᖅ ᑐᖁᖓᔪᑎᑐᑦ ᐅᕙᓐᓄᑦ ᑍᒤᑉᐳᖅ, ᐅᕙᖓᓗ ᑐᖁᖓᒋᓪᓗᖓ ᓯᓚᕐᔪᐊᕐᖕᒧᑦ. 15ᑭᐱᓯᒪᒐᓗᐊᖅᐸᑕ ᑭᐱᓯᒪᖏᒃᑲᓗᐊᖅᐸᑕᓘᓐᓃᑦ ᐊᑐᓐᖏᓚᖅ; ᓄᑖᓐᖑᖅᑎᑕᐅᓂᕐᓕ ᐊᑐᖅᑐᑑᕗᖅ. 16ᑕᒪᑐᒥᖓ ᒪᓕᒡᓗᑎᒃ ᐃᓅᔪᑦ ᖃᓄᐃᖏᑦᓯᐊᕐᖕᓇᖅᑑᑉ ᓈᒃᑭᒋᔭᐅᓂᐅᓪᓗ ᐃᓚᒋᓕᒋᑦ, ᒎᑎᐅᓪᓗ ᐃᓄᖁᑎᓕᒫᖏᑦ ᐃᓴᕆᐊᓕᒥᐅᑦ.
17ᑭᖑᓪᓕᖅᐹᒥᒡᓕ ᓇᓕᑦᓯᓐᓄᑦ ᐅᖁᒤᓐᓇᖅᑐᒥᒃ ᐱᑎᑕᐅᔪᒪᓂᐊᕈᓐᓃᖅᐳᖓ; ᑎᒥᓐᓂ ᕿᓕᕈᒃᑲ ᔩᓱᓯᒥᐅᑕᐅᓂᕐᖕᒥᒃ ᓴᖅᑭᑎᑦᓯᖕᒪᑕ.
18ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ, ᐅᒃᐱᖅᑑᖃᑎᒃᑲ. ᐂᒥᓐ.
Currently Selected:
ᒐᓔᑎᐊᒥᐅᓄᑦ 6: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒐᓔᑎᐊᒥᐅᓄᑦ 6
6
ᐃᑲᔪᖃᑦᑕᐅᑎᒋᑦᓯ ᐅᖁᒤᒃᓴᖅᑐᖃᕈᑦᓯ
1ᐅᒃᐱᖅᑑᖃᑎᒃᑲ, ᑕᒻᒪᕐᖕᓂᕐᖕᒧᑦ ᓵᓚᐅᔪᖃᖅᐸᑦ, ᐅᒃᐱᕐᖕᓂᖃᑦᓯᐊᖅᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᖕᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᖅᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ. 2ᐅᖁᒤᑦᑐᑎᒍᑦ ᐃᑲᔪᖃᑦᑕᐅᑎᖃᑦᑕᕆᑦᓯ, ᑍᒤᓕᐅᕈᑦᓯ ᑕᕝᕙ ᙭ᔅᑑᓯᐅᑉ ᐱᖁᔭᖓᓂᒃ ᓈᓚᖕᓂᐊᖅᐳᓯ. 3ᐱᐅᔪᕆᔪᖃᖅᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᖕᒥᓂᒃ ᐅᐃᕕᕐᕆᕗᖅ. 4ᓇᖕᒥᓂᕐᓕ ᐱᓂᐊᕐᖕᓂᒥᖕᓂᒃ ᖃᐅᔨᓴᕐᓕᑦ, ᐱᓂᐊᕐᖕᓂᖓ ᐱᐅᔫᒃᐸᑦ, ᑕᕝᕙ ᐱᓇᓱᐊᓚᐅᖅᑕᒥᓂᒃ ᐅᐱᒍᓲᑎᖃᕈᓐᓇᕋᔭᖅᐳᖅ, ᐊᓯᒥ ᐱᓂᐊᕐᖕᓂᕆᓯᒪᔭᖏᓐᓂᒃ ᐃᓱᒪᖏᓪᓗᓂ. 5ᐃᓄᐃᑦ ᑕᒪᕐᖕᒥᒃ ᐊᒡᔭᒐᒃᓴᒥᖕᓂᒃ ᐊᑐᓂᑦ ᐊᒡᔭᖅᓯᔭᕆᐊᖃᕐᖕᒪᑕ.
6ᐅᒃᐱᕐᖕᓂᕐᖕᒥᒃ ᐊᔪᕆᖅᑐᖅᑕᐅᔪᖅ ᐃᓕᓮᔨᒥᓂᒃ ᑲᑐᑦᔨᖃᑎᖃᖅᑐᒃᓴᐅᕗᖅ ᐱᐅᔪᓂᒃ ᐱᓯᒪᔭᓕᒫᒥᓂᒃ.
7ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᖅᓲᑎᒋᓚᐅᖅᑕᒥᓂᒃ ᑲᑎᖅᓱᐃᔪᒫᕐᖕᒪᑦ. 8ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᖅᓱᐃᔪᖅ ᑲᑎᖅᓱᐃᔪᒫᖅᐳᖅ ᐊᓯᕈᖅᑕᐅᑦᔪᑎᒃᓴᒥᓂᒃ; ᐊᓂᕐᖕᓂᕐᖕᒧᓪᓕ ᑲᓐᖓᖅᓱᐃᒃᐸᑦ ᐊᓂᕐᖕᓂᕐᖕᒥᑦᑕᐅᖅ ᑲᑎᖅᓱᐃᔪᒫᖅᐳᖅ ᐃᓄᓯᕐᖕᒥᒃ ᓄᖑᓱᐃᑦᑐᒥᒃ. 9ᑍᒤᒻᒪᑦ ᐱᐅᔪᒥᒃ ᐱᓇᓱᐊᕐᖕᓂᕆᔭᕗᑦ ᐃᕿᐊᓐᖒᑎᑦᑍᓕᓚᕗᑦ; ᓄᖅᑲᐅᑎᖏᒃᑯᑦᑎᒍ, ᑕᕝᕙ ᑲᑎᖅᓱᓕᕈᒫᖅᐸᕗᑦ ᑲᓐᖓᖅᓲᑎᒋᓯᒪᔭᕗᑦ. 10ᑍᒤᒻᒪᑦ, ᐱᕕᒃᓴᖃᕐᖕᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᖅᑐᒃᓴᐅᕗᒍᑦ, ᐅᒃᐱᖅᑑᖃᑎᕗᓪᓕ ᐱᓗᐊᕐᓗᒋᑦ.
ᑭᖑᓪᓕᖅᐹᑦ ᐅᖃᐅᓰᑦ ᑕᕝᕙᐅᕗᑏᕐᖕᓃᓪᓗ
11ᑕᑯᕗᓯ ᑎᑎᕋᖅᑕᒃᑲ ᐊᖏᔫᑕᐅᖕᒪᑕ ᓇᖕᒥᓂᖅ ᑎᑎᕋᕋᒃᑭᑦ. 12ᑍᒃᑯᐊ ᑎᒥᒃᑯᑦ ᖁᕕᐊᒋᔭᐅᔪᒪᔪᑦ ᐃᓕᑦᓯᓐᓂᒃ ᑭᐱᔭᐅᖁᔨᕗᑦ, ᑍᒤᓕᐅᖅᐳᓪᓕ ᐊᑭᕋᖅᑐᖅᑕᐅᔪᒪᓇᑎᒃ ᙭ᔅᑑᓯᐅᑉ ᓴᓐᓂᖓᔪᓕᖓ ᐱᓪᓗᒍ. 13ᑭᐱᔭᐅᓯᒪᔫᒐᓗᐊᑦ ᐱᖁᔭᓂᒃ ᓈᓚᒃᐸᖏᒻᒥᖕᒪᑕ; ᑭᐱᔭᐅᓯᒪᖁᕚᓯᓗ ᓂᖅᑐᕐᖕᓇᐅᑎᖃᕈᒪᓪᓗᑎᒃ ᑭᐱᔭᐅᓂᐅᑉ ᐊᑐᖅᑕᐅᔭᕆᐊᖃᕐᖕᓂᖓᓂᒃ ᐊᑐᖅᑎᑦᓯᓂᕐᖕᒥᖕᓂᒃ ᐃᓕᑦᓯᓐᓂᒃ. 14ᐅᕙᓐᓄᓪᓕ, ᓂᖅᑐᕐᖕᓇᐅᑎᒃᓴᑑᕗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᓐᓂᖓᔪᓕᖕᒥ ᑐᖁᓂᕆᓚᐅᖅᑕᖓ; ᓴᓐᓂᖓᔪᓕᖕᒥᓗ ᑐᖁᓚᐅᕐᖕᓂᖓᓄᑦ ᓯᓚᕐᔪᐊᖅ ᑐᖁᖓᔪᑎᑐᑦ ᐅᕙᓐᓄᑦ ᑍᒤᑉᐳᖅ, ᐅᕙᖓᓗ ᑐᖁᖓᒋᓪᓗᖓ ᓯᓚᕐᔪᐊᕐᖕᒧᑦ. 15ᑭᐱᓯᒪᒐᓗᐊᖅᐸᑕ ᑭᐱᓯᒪᖏᒃᑲᓗᐊᖅᐸᑕᓘᓐᓃᑦ ᐊᑐᓐᖏᓚᖅ; ᓄᑖᓐᖑᖅᑎᑕᐅᓂᕐᓕ ᐊᑐᖅᑐᑑᕗᖅ. 16ᑕᒪᑐᒥᖓ ᒪᓕᒡᓗᑎᒃ ᐃᓅᔪᑦ ᖃᓄᐃᖏᑦᓯᐊᕐᖕᓇᖅᑑᑉ ᓈᒃᑭᒋᔭᐅᓂᐅᓪᓗ ᐃᓚᒋᓕᒋᑦ, ᒎᑎᐅᓪᓗ ᐃᓄᖁᑎᓕᒫᖏᑦ ᐃᓴᕆᐊᓕᒥᐅᑦ.
17ᑭᖑᓪᓕᖅᐹᒥᒡᓕ ᓇᓕᑦᓯᓐᓄᑦ ᐅᖁᒤᓐᓇᖅᑐᒥᒃ ᐱᑎᑕᐅᔪᒪᓂᐊᕈᓐᓃᖅᐳᖓ; ᑎᒥᓐᓂ ᕿᓕᕈᒃᑲ ᔩᓱᓯᒥᐅᑕᐅᓂᕐᖕᒥᒃ ᓴᖅᑭᑎᑦᓯᖕᒪᑕ.
18ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᑕ ᐃᓚᒋᓕᓯ ᑕᒪᑦᓯ, ᐅᒃᐱᖅᑑᖃᑎᒃᑲ. ᐂᒥᓐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.