ᐃᔅᑕᐅᑉ ᐊᒡᓚᖏᑦ 9
9
ᔫᑎᑦ ᐊᑭᕋᕐᑐᕐᑎᒥᖕᓂᒃ ᓄᖒᑦᓯᓂᖓᑦ
1ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐅᓪᓗᖅ 13ᖑᓕᕐᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᐱᖁᔨᓂᖓ ᐱᖁᔭᓕᐊᕆᓯᒪᔭᖓᓗ ᓇᓪᓕᐅᑎᓚᐅᕐᐳᖅ ᑐᖁᕅᕕᒃ, ᑕᕝᕙᓂ ᐅᓪᓗᒥ ᔫᑎᑦ ᐊᑭᕋᕐᑐᕐᑎᖏᑦ ᓄᖒᑦᓯᓂᐊᕋᓱᒋᓚᐅᕐᐳᑦ, ᐃᒡᓗᖔᖓᓄᓪᓕ ᐱᔪᖃᓚᐅᕐᐳᖅ, ᑕᕝᕙᓂ ᐅᓪᓗᒥ ᔫᑎᑦ ᐆᒥᒋᔨᒥᖕᓂᒃ ᓵᓚᖃᖔᓚᐅᕐᒪᑕ. 2ᔫᑎᑦ ᑲᑎᓚᐅᕐᐳᑦ ᐃᒡᓗᒐᓴᖕᓃᑦᑐᓕᒫᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᓄᓇᓕᖁᑎᖏᑕ ᐊᕕᒃᑐᕐᓯᒪᓂᖏᓐᓃᑦᑐᑦ ᐱᒋᐊᕋᓱᒃᑐᓕᒫᓂᒃ ᑐᖁᑦᓯᖃᑦᑕᕐᓗᑎᒃ. ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᓚᐅᓐᖏᓚᑦ, ᐃᓄᓕᒫᑦ ᑲᑉᐱᐊᓱᓕᓚᐅᕐᒪᑕ ᑖᒃᑯᓂᖓ. 3ᓄᓇᓕᖕᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᓄᓇᓕᖕᓂ ᐊᐅᓚᑦᓯᔩᑦ, ᓄᓇᓕᖕᓂᓗ ᐋᖅᑭᒃᓯᒪᑎᑦᓯᔩᑦ, ᐊᖓᔪᖅᑳᕐᔪᐊᕐᒥᒡᓗ ᓄᓇᓕᖕᓂ ᐱᔨᑦᓯᕐᑏᑦ, ᔫᑎᓂᒃ ᐃᑲᔪᖔᓚᐅᕐᐳᑦ, ᒧᐊᑎᑬᒥᒃ ᓯᕘᕋᓚᐅᕋᒥᒃ. 4ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ. 5ᑍᒤᒻᒪᑦ ᔫᑎᑦ ᐊᑭᕋᕐᑐᕐᑎᓕᒫᒥᖕᓂᒃ ᓵᓚᖃᓚᐅᕐᐳᑦ ᓴᕕᒡᔪᐊᒧᑦ ᑐᖁᑦᓯᕙᒃᓗᑎᒃ, ᑐᖁᕅᓪᓗᑎᒃ ᓄᖑᕅᓪᓗᑎᒡᓗ, ᐆᒥᒋᔨᑎᒃ ᐃᓱᒪᕐᓱᕐᓗᑎᒃ ᐱᓂᐊᕐᕕᒋᓚᐅᕐᐰᑦ.
6ᓄᓇᒥ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑦ ᑐᖁᕅᓚᐅᕐᐳᑦ ᐊᖑᑎᓂᒃ 500ᓂᒃ. 7ᓄᓇᓕᖕᓂᓗ ᐅᑯᓇᓂ ᐸᕐᓴᓐᑕᑦᑕᒥ, ᑕᓪᐴᓂᒥ, ᐊᓴᐸᑕᒥ, 8ᐳᕌᓴᒥ, ᐊᑕᓔᐊᒥ, ᐊᕅᑖᑕᒥ, 9ᐸᕐᒪᓰᑕᒥ, ᐊᕆᓮᒥ, ᐊᕅᑍᒥ, ᕔᔭᑕᒥᓗ, 10ᕼᐂᒪᓂᐅᑉ ᕼᐊᒥᑕᑕᐅᑉ ᐃᕐᓂᖓᑕ, ᐃᕐᓂᖏᑦ ᖁᓕᑦ, ᔫᑎᑦ ᐊᑭᕋᕐᑐᕐᑎᖏᑦ ᑐᖁᑕᐅᓚᐅᕐᐳᑦ; ᑐᖁᑕᖏᑕᓕ ᐱᖁᑎᕕᓂᖏᓐᓂᒃ ᑎᒍᓯᔪᖃᓚᐅᓐᖏᓚᖅ.
11ᑕᕝᕙᓂ ᐅᓪᓗᒥ ᑐᖁᑕᐅᔪᑦ ᐅᓄᕐᓂᖏᑦ ᓄᓇᒥ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᐊᖓᔪᖅᑳᕐᔪᐊᕐᒧᑦ ᐅᖃᐅᓯᐅᓚᐅᕐᐳᑦ. 12ᐊᖓᔪᖅᑳᕐᔪᐊᕐᓗ ᑯᐃᓐ ᐃᔅᑕᕐᒧᑦ ᐅᖃᕐᐳᖅ, “ᔫᑎᑦ ᑐᖁᑦᓯᓚᐅᕐᐳᑦ ᓄᖒᑦᓯᓪᓗᑎᒡᓗ ᐊᖑᑎᓂᒃ 500ᓂᒃ ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ, ᕼᐂᒪᓂᐅᓪᓗ ᐃᕐᓂᖏ ᖁᓕᑦ ᑐᖁᑕᐅᓚᐅᕆᕗᑦ. ᖃᑦᓯᓂᒡᓕᑭᐊᖅ ᑐᖁᑦᓯᕙᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓂ ᑲᑎᑦᓱᒋᑦ? ᒫᓐᓇᓕ ᖃᓄᖅ ᑐᒃᓯᕋᕈᑎᒃᓴᖃᓕᕐᐲᑦ? ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ. ᐅᕝᕙᓗ ᖃᓄᐃᓕᐅᒃᑲᓐᓂᖁᔨᕖᑦ? ᑕᕝᕙ ᑲᔪᓯᓂᐊᕐᐳᖅ.”
13ᑕᕝᕙ ᐃᔅᑕᕐ ᐅᖃᕐᐳᖅ, “ᐊᖓᔪᖅᑳᕐᔪᐊᑉ ᖁᕕᐊᒋᒃᐸᒍ, ᔫᑎᑦ ᐱᔪᓐᓇᕐᑎᑕᐅᓚᐅᕐᓕᑦ ᖃᐅᒃᐸᑦ ᑲᔪᓯᒃᑲᓐᓂᖁᓪᓗᒋᑦ ᑕᕝᕙᓃᑦᑐᑦ ᓲᓴᒥ ᐅᓪᓗᒥ ᐱᖁᔭᓕᐊᕆᔭᐅᓯᒪᔫᑉ ᐱᓇᓱᐊᕐᑕᐅᓂᖓᓂᒃ, ᑖᒃᑯᐊ ᕼᐂᒪᓂᐅᑉ ᐃᕐᓂᖏᑦ ᖁᓕᑦ ᕿᒥᑦᓯᕕᖕᒥ ᓂᕕᓐᖓᕐᑕᐅᓗᑎᒃ.” 14ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓚᐅᕐᐳᖅ ᑕᒪᓐᓇ ᑍᒤᑎᑕᐅᖁᓪᓗᒍ; ᐱᖁᔭᕐᓗ ᓴᖅᑭᑕᐅᓚᐅᕐᐳᖅ ᓲᓴᒥ, ᕼᐂᒪᓂᐅᑉ ᐃᕐᓂᖏᑦ ᖁᓕᑦ ᕿᒥᑦᓯᕕᖕᒥ ᓂᕕᓐᖓᕐᑕᐅᖁᓪᓗᒋᑦ. 15ᑕᕝᕙ ᔫᑎᑦ ᓲᓴᒦᑦᑐᑦ ᑲᑎᓚᐅᕆᕗᑦ ᐅᓪᓗᐃᑦ 14ᖓᓐᓂ ᑕᖅᑭᒥ ᐊᑖᕆᒥ ᑕᕝᕙᓂᓗ ᑐᖁᑦᓯᒃᑲᓐᓂᓚᐅᕐᐳᑦ ᐊᖑᑎᓂᒃ 300ᓂᒃ ᓄᓇᒥ ᓲᓴᒥ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᖅ.
16ᑕᕝᕙ ᔫᑎᑦ ᑖᒃᑯᐊ ᐊᓯᖏᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᑲᑎᓚᐅᕆᕗᑦ ᐃᒻᒥᖕᓂᒃ ᓴᐳᓐᓂᐊᕐᓗᑎᒃ, ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᐳᑦ, ᑐᖁᑦᓯᓪᓗᑎᒃ 75,000ᓂᒃ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᑦ. 17ᑕᒪᓐᓇ ᐊᑐᓚᐅᕐᐳᖅ ᐅᓪᓗᖅ 13ᖑᑎᓪᓗᒍ ᑕᖅᑭᒥ ᐊᑖᕆᒥ, ᖃᐅᑎᓪᓗᒍᓕ ᐅᓪᓗᖅ 14ᖑᓕᕐᑎᓪᓗᒍ ᑕᕾᕐᓯᓕᕐᐳᑦ ᐅᓪᓗᒥᓗ ᑕᕝᕙᓂ ᓂᕆᕕᒃᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ.
ᓇᓪᓕᐅᓐᓂᕐᓯᐅᕐᕕᒃ ᐱᐅᕆᒻ
18ᔫᑎᓪᓕ ᓲᓴᒦᑦᑐᑦ ᑲᑎᖃᑎᒌᓚᐅᕐᐳᑦ ᐅᓪᓗᖅ 13ᖑᑎᓪᓗᒍ ᐊᒻᒪ 14ᖑᑎᓪᓗᒍ, ᑕᕾᕐᓯᓕᕐᓗᑎᒃ ᐅᓪᓗᖅ 15ᖑᓕᕐᑎᓪᓗᒍ, ᐅᓪᓗᒥᓗ ᑕᕝᕙᓂ ᓂᕆᕕᒡᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ. 19ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ. 20ᒧᐊᑎᑬᓗ ᑕᒪᒃᑯᓂᖓ ᐊᑐᕐᑕᐅᔪᓂᒃ ᑎᑎᕋᓚᐅᕐᐳᖅ ᐊᐅᓪᓚᕐᑎᓪᓗᒋᓪᓗ ᔫᑎᓄᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᖓᓃᑦᑐᓄᑦ ᓄᓇᓂ ᐊᕕᒃᑐᕐᓯᒪᔪᓃᑦᑐᓕᒫᓄᑦ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, 21ᐅᖃᐅᑎᓚᐅᕐᐰᑦ ᓇᓗᓁᕐᓯᖁᓪᓗᒋᑦ ᓇᓪᓕᐅᓐᓂᕐᓯᐅᕐᕕᐅᖃᑦᑕᕐᓂᐊᕐᑑᖕᓂᒃ ᐊᕐᕌᒍᑕᒫᑦ ᐅᓪᓘᒃ ᒪᕐᕉᒃ 14ᓗ 15ᓗ ᑕᖅᑭᒥ ᐊᑖᕆᒥ, 22ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ. 23ᑕᕝᕙ ᔫᑎᑦ ᑕᒪᑐᒥᖓ ᐱᐅᓯᕐᑖᕐᐳᑦ ᐊᑐᕆᐊᓕᓚᐅᕐᑕᒥᖕᓂᒃ ᑍᒫᒃ ᒧᐊᑎᑬᑉ ᑍᒤᓕᐅᖁᓪᓗᒋᑦ ᑎᑎᕋᕐᕕᒋᓚᐅᕐᒪᒋᑦ.
24ᕼᐂᒪᓂ, ᕼᐊᒥᑕᑕᐅᑉ ᐃᕐᓂᖓ ᐊᒐᒊᑎ, ᔫᑎᓕᒫᑦ ᐊᑭᕋᕐᑐᕐᑎᖓᑦ, ᔫᑎᓂᒃ ᑐᖁᕅᔪᒪᓚᐅᕐᒪᑦ, ᓇᓚᐅᑦᑖᕈᑎᒃᑯᑦ ᐱᐅᕆᒥᒃ ᐊᑐᕐᓗᓂ, ᓄᖑᑦᓯᐊᕐᓗᒋᑦ ᐊᓯᕈᕈᒪᓚᐅᕐᒪᒋᑦ; 25ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ. 26ᑍᒤᒻᒪᑦ ᑖᒃᑯᐊ ᐅᓪᓗᐃᑦ ᑍᔭᐅᓕᓚᐅᕐᐳᑦ ᐱᐅᕆᒻᒥᒃ, ᐊᑦᓯᕐᑕᐅᑦᔪᑎᖃᕐᓗᓂ ᓇᓛᐅᑦᓵᕈᑎᐅᑉ ᐊᑎᖓᓂᒃ ᐱᐅᕆᒻᒥᒃ. ᑍᒤᓕᐅᓚᐅᕐᐳᑦ ᑎᑎᕋᕐᑕᐅᓯᒪᔪᓕᒫᑦ ᑎᑎᕋᕐᓯᒪᖕᒪᑕ ᑖᒃᑯᓇᓂ ᑎᑎᖅᑲᓂ ᓵᓐᖓᔭᐅᓂᕆᓚᐅᕐᑕᖏᑦ, ᖃᓄᐃᓕᐅᕐᑕᐅᓂᕆᓚᐅᕐᑕᖏᓪᓗ, 27ᔫᑎᑦ ᐋᖅᑭᒃᓯᓚᐅᕐᐳᑦ ᐱᖁᔭᓕᐅᕐᓗᑎᒡᓗ ᐃᒻᒥᖕᓄᑦ ᑭᖑᕚᕆᓂᐊᕐᑕᖏᓪᓗ ᔫᑎᓄᑦ ᐃᓚᓕᐅᑎᔪᒪᒐᔭᕐᑐᑦ, ᐱᓐᖏᓮᓐᓇᖃᑦᑕᖏᓪᓗᑎᒃ ᑖᒃᑯᓂᖓ ᐅᓪᓘᖕᓂᒃ ᒪᕐᕉᖕᓂᒃ ᓇᓪᓕᐅᓐᓂᕐᓯᐅᖃᕐᑕᖁᓪᓗᒋᑦ ᐊᕐᕌᒍᑕᒫᑦ, ᑎᑎᕋᕐᑕᐅᓯᒪᔪᑦ ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᕐᓯᒪᔪᑦ ᓇᓪᓕᐅᓐᓂᕐᒥᓗ ᓇᓗᓁᕐᑕᐅᓯᒪᔪᒥᒃ ᒪᓕᒡᓗᑎᒃ, 28ᑖᒃᑯᐊ ᐅᓪᓗᐃᑦ ᐃᖅᑲᐅᒪᔭᐅᖃᑦᑕᖁᓪᓗᒋᑦ ᐳᐃᒍᕐᑕᐅᑦᑍᓕᖁᓪᓗᒋᓪᓗ ᑭᖑᕚᕆᔪᒫᕐᑕᖏᓐᓄᑦ, ᐃᒡᓗᒥᐅᖃᑎᒌᓕᒫᓂᑦ, ᓄᓇᓕᓕᒫᓂᓗ ᐊᕕᒃᑐᕐᓯᒪᔪᓂ, ᐃᒡᓗᒐᓴᒡᔪᐊᓕᒫᓂᓗ, ᑖᒃᑯᓇᓂ ᐅᓪᓗᓂ ᐱᐅᕆᒻᒥᒃ ᑍᔭᐅᔪᓂ ᔫᑎᓕᒫᑦ ᓄᖅᑲᐅᑦᔨᑐᐃᓐᓇᖁᓇᒋᑦ, ᑖᒃᑯᐊᓗ ᐃᖅᑲᐅᒪᔭᐅᓂᖏᑦ ᐳᐃᒍᕐᑕᐅᓕᖁᓇᒋᑦ ᑭᖑᕚᖏᓐᓄᑦ.
29ᑕᕝᕙ ᑯᐃᓐ ᐃᔅᑕᕐ, ᐊᐱᕼᐂᓕᐅᑉ ᐸᓂᖓ, ᒧᐊᑎᑬᒥᑦ ᔫᑎᒥᑦ ᐃᑲᔪᕐᑕᐅᓪᓗᓂ, ᑎᑎᕋᓚᐅᕐᐴᒃ ᐱᔪᓐᓇᕐᑎᑕᐅᓂᕐᒥᒃ ᐊᑐᕐᓗᑎᒃ ᑕᒪᓐᓇ ᓇᓗᓁᕐᑕᐅᑦᓯᐊᓚᐅᕐᐳᖅ ᑎᑎᕋᕐᑕᖏᑕ ᐂᑉᐸᖏᓐᓂ ᑎᑎᕋᕐᑎᓪᓗᒋᒃ ᐱᐅᕆᒻ ᐱᑦᔪᑎᒋᓪᓗᒍ. 30ᑖᒃᑯᐊᓗ ᑎᑎᕋᕐᑕᐅᔪᑦ ᔫᑎᓕᒫᓄᑦ ᑐᓂᐅᕋᕐᑕᐅᓚᐅᕐᐳᑦ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᖏᓐᓃᑦᑐᓄᑦ ᐊᕕᒃᑐᕐᓯᒪᔪᓄᑦ 127ᓄᑦ, ᐅᖃᐅᓯᕐᑕᖃᕐᓗᑎᒃ ᖃᓄᐃᖏᑦᓯᐊᖁᔨᓂᕐᒥᒃ ᓱᓕᑦᓯᐊᖁᔨᓂᕐᒥᒡᓗ, 31ᑖᒃᑯᐊ ᐅᓪᓗᐃᑦ ᐱᐅᕆᒻᒥᒃ ᑍᔭᐅᔪᑦ ᐊᑐᕐᑕᐅᔭᕆᐊᖃᕐᓂᖏᑕ ᓇᓗᓁᕐᑕᐅᓯᒪᑦᔪᑎᖏᓐᓂᒃ, ᑖᓐᓇ ᒧᐊᑎᑬ ᔫᑎ ᑯᐃᓐ ᐃᔅᑕᕐᓗ ᑎᑎᕋᕐᓗᑎᒃ ᔫᑎᓄᑦ ᓇᓗᓁᕐᓯᓚᐅᕐᐳᒃ, ᓇᖕᒥᓂᖅ ᓇᓗᓁᕐᓯᒪᔪᓂᒃ ᐱᖁᔭᖃᖁᓪᓗᒋᑦ ᑭᖑᕚᖏᑕᓗ ᖃᐅᔨᒪᑦᔪᑎᒃᓴᖏᓐᓂᒃ ᑕᒪᒃᑯᓂᖓ ᓂᕆᑦᑍᓕᓂᐅᓚᐅᕐᑐᓂᒃ ᕿᒃᓵᖕᓂᐅᓚᐅᕐᑐᓂᒡᓗ. 32ᑕᒪᓐᓇ ᐃᔅᑕᐅᑉ ᐱᖁᔭᓕᐊᕆᓚᐅᕐᐹ ᑖᒃᑯᓇᓂ ᐅᓪᓗᓂ ᓇᓪᓕᐅᑎᖃᑦᑕᕐᓂᐊᕐᑐᓂ ᐱᐅᕆᒻᒥᒃ ᑍᔭᐅᔪᓂ, ᐅᓂᒃᑲᐅᑕᐅᓂᖏᑦ ᑎᑎᖅᑲᓂ ᑎᑎᕋᕐᑕᐅᓯᒪᕗᑦ.
Currently Selected:
ᐃᔅᑕᐅᑉ ᐊᒡᓚᖏᑦ 9: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᔅᑕᐅᑉ ᐊᒡᓚᖏᑦ 9
9
ᔫᑎᑦ ᐊᑭᕋᕐᑐᕐᑎᒥᖕᓂᒃ ᓄᖒᑦᓯᓂᖓᑦ
1ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐅᓪᓗᖅ 13ᖑᓕᕐᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᐱᖁᔨᓂᖓ ᐱᖁᔭᓕᐊᕆᓯᒪᔭᖓᓗ ᓇᓪᓕᐅᑎᓚᐅᕐᐳᖅ ᑐᖁᕅᕕᒃ, ᑕᕝᕙᓂ ᐅᓪᓗᒥ ᔫᑎᑦ ᐊᑭᕋᕐᑐᕐᑎᖏᑦ ᓄᖒᑦᓯᓂᐊᕋᓱᒋᓚᐅᕐᐳᑦ, ᐃᒡᓗᖔᖓᓄᓪᓕ ᐱᔪᖃᓚᐅᕐᐳᖅ, ᑕᕝᕙᓂ ᐅᓪᓗᒥ ᔫᑎᑦ ᐆᒥᒋᔨᒥᖕᓂᒃ ᓵᓚᖃᖔᓚᐅᕐᒪᑕ. 2ᔫᑎᑦ ᑲᑎᓚᐅᕐᐳᑦ ᐃᒡᓗᒐᓴᖕᓃᑦᑐᓕᒫᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᓄᓇᓕᖁᑎᖏᑕ ᐊᕕᒃᑐᕐᓯᒪᓂᖏᓐᓃᑦᑐᑦ ᐱᒋᐊᕋᓱᒃᑐᓕᒫᓂᒃ ᑐᖁᑦᓯᖃᑦᑕᕐᓗᑎᒃ. ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᓚᐅᓐᖏᓚᑦ, ᐃᓄᓕᒫᑦ ᑲᑉᐱᐊᓱᓕᓚᐅᕐᒪᑕ ᑖᒃᑯᓂᖓ. 3ᓄᓇᓕᖕᓂ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᓄᓇᓕᖕᓂ ᐊᐅᓚᑦᓯᔩᑦ, ᓄᓇᓕᖕᓂᓗ ᐋᖅᑭᒃᓯᒪᑎᑦᓯᔩᑦ, ᐊᖓᔪᖅᑳᕐᔪᐊᕐᒥᒡᓗ ᓄᓇᓕᖕᓂ ᐱᔨᑦᓯᕐᑏᑦ, ᔫᑎᓂᒃ ᐃᑲᔪᖔᓚᐅᕐᐳᑦ, ᒧᐊᑎᑬᒥᒃ ᓯᕘᕋᓚᐅᕋᒥᒃ. 4ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ. 5ᑍᒤᒻᒪᑦ ᔫᑎᑦ ᐊᑭᕋᕐᑐᕐᑎᓕᒫᒥᖕᓂᒃ ᓵᓚᖃᓚᐅᕐᐳᑦ ᓴᕕᒡᔪᐊᒧᑦ ᑐᖁᑦᓯᕙᒃᓗᑎᒃ, ᑐᖁᕅᓪᓗᑎᒃ ᓄᖑᕅᓪᓗᑎᒡᓗ, ᐆᒥᒋᔨᑎᒃ ᐃᓱᒪᕐᓱᕐᓗᑎᒃ ᐱᓂᐊᕐᕕᒋᓚᐅᕐᐰᑦ.
6ᓄᓇᒥ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑦ ᑐᖁᕅᓚᐅᕐᐳᑦ ᐊᖑᑎᓂᒃ 500ᓂᒃ. 7ᓄᓇᓕᖕᓂᓗ ᐅᑯᓇᓂ ᐸᕐᓴᓐᑕᑦᑕᒥ, ᑕᓪᐴᓂᒥ, ᐊᓴᐸᑕᒥ, 8ᐳᕌᓴᒥ, ᐊᑕᓔᐊᒥ, ᐊᕅᑖᑕᒥ, 9ᐸᕐᒪᓰᑕᒥ, ᐊᕆᓮᒥ, ᐊᕅᑍᒥ, ᕔᔭᑕᒥᓗ, 10ᕼᐂᒪᓂᐅᑉ ᕼᐊᒥᑕᑕᐅᑉ ᐃᕐᓂᖓᑕ, ᐃᕐᓂᖏᑦ ᖁᓕᑦ, ᔫᑎᑦ ᐊᑭᕋᕐᑐᕐᑎᖏᑦ ᑐᖁᑕᐅᓚᐅᕐᐳᑦ; ᑐᖁᑕᖏᑕᓕ ᐱᖁᑎᕕᓂᖏᓐᓂᒃ ᑎᒍᓯᔪᖃᓚᐅᓐᖏᓚᖅ.
11ᑕᕝᕙᓂ ᐅᓪᓗᒥ ᑐᖁᑕᐅᔪᑦ ᐅᓄᕐᓂᖏᑦ ᓄᓇᒥ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᐊᖓᔪᖅᑳᕐᔪᐊᕐᒧᑦ ᐅᖃᐅᓯᐅᓚᐅᕐᐳᑦ. 12ᐊᖓᔪᖅᑳᕐᔪᐊᕐᓗ ᑯᐃᓐ ᐃᔅᑕᕐᒧᑦ ᐅᖃᕐᐳᖅ, “ᔫᑎᑦ ᑐᖁᑦᓯᓚᐅᕐᐳᑦ ᓄᖒᑦᓯᓪᓗᑎᒡᓗ ᐊᖑᑎᓂᒃ 500ᓂᒃ ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ, ᕼᐂᒪᓂᐅᓪᓗ ᐃᕐᓂᖏ ᖁᓕᑦ ᑐᖁᑕᐅᓚᐅᕆᕗᑦ. ᖃᑦᓯᓂᒡᓕᑭᐊᖅ ᑐᖁᑦᓯᕙᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓂ ᑲᑎᑦᓱᒋᑦ? ᒫᓐᓇᓕ ᖃᓄᖅ ᑐᒃᓯᕋᕈᑎᒃᓴᖃᓕᕐᐲᑦ? ᐱᔪᒪᔭᕐᓂᒃ ᑐᓂᓯᕕᒋᓂᐊᕐᐸᒋᑦ. ᐅᕝᕙᓗ ᖃᓄᐃᓕᐅᒃᑲᓐᓂᖁᔨᕖᑦ? ᑕᕝᕙ ᑲᔪᓯᓂᐊᕐᐳᖅ.”
13ᑕᕝᕙ ᐃᔅᑕᕐ ᐅᖃᕐᐳᖅ, “ᐊᖓᔪᖅᑳᕐᔪᐊᑉ ᖁᕕᐊᒋᒃᐸᒍ, ᔫᑎᑦ ᐱᔪᓐᓇᕐᑎᑕᐅᓚᐅᕐᓕᑦ ᖃᐅᒃᐸᑦ ᑲᔪᓯᒃᑲᓐᓂᖁᓪᓗᒋᑦ ᑕᕝᕙᓃᑦᑐᑦ ᓲᓴᒥ ᐅᓪᓗᒥ ᐱᖁᔭᓕᐊᕆᔭᐅᓯᒪᔫᑉ ᐱᓇᓱᐊᕐᑕᐅᓂᖓᓂᒃ, ᑖᒃᑯᐊ ᕼᐂᒪᓂᐅᑉ ᐃᕐᓂᖏᑦ ᖁᓕᑦ ᕿᒥᑦᓯᕕᖕᒥ ᓂᕕᓐᖓᕐᑕᐅᓗᑎᒃ.” 14ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓚᐅᕐᐳᖅ ᑕᒪᓐᓇ ᑍᒤᑎᑕᐅᖁᓪᓗᒍ; ᐱᖁᔭᕐᓗ ᓴᖅᑭᑕᐅᓚᐅᕐᐳᖅ ᓲᓴᒥ, ᕼᐂᒪᓂᐅᑉ ᐃᕐᓂᖏᑦ ᖁᓕᑦ ᕿᒥᑦᓯᕕᖕᒥ ᓂᕕᓐᖓᕐᑕᐅᖁᓪᓗᒋᑦ. 15ᑕᕝᕙ ᔫᑎᑦ ᓲᓴᒦᑦᑐᑦ ᑲᑎᓚᐅᕆᕗᑦ ᐅᓪᓗᐃᑦ 14ᖓᓐᓂ ᑕᖅᑭᒥ ᐊᑖᕆᒥ ᑕᕝᕙᓂᓗ ᑐᖁᑦᓯᒃᑲᓐᓂᓚᐅᕐᐳᑦ ᐊᖑᑎᓂᒃ 300ᓂᒃ ᓄᓇᒥ ᓲᓴᒥ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᖅ.
16ᑕᕝᕙ ᔫᑎᑦ ᑖᒃᑯᐊ ᐊᓯᖏᑦ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᑲᑎᓚᐅᕆᕗᑦ ᐃᒻᒥᖕᓂᒃ ᓴᐳᓐᓂᐊᕐᓗᑎᒃ, ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᐳᑦ, ᑐᖁᑦᓯᓪᓗᑎᒃ 75,000ᓂᒃ; ᑐᖁᑕᖏᑕᓕ ᐱᖁᑎᖏᓐᓂᒃ ᑎᒍᓯᔪᖃᓚᐅᓐᖏᓚᑦ. 17ᑕᒪᓐᓇ ᐊᑐᓚᐅᕐᐳᖅ ᐅᓪᓗᖅ 13ᖑᑎᓪᓗᒍ ᑕᖅᑭᒥ ᐊᑖᕆᒥ, ᖃᐅᑎᓪᓗᒍᓕ ᐅᓪᓗᖅ 14ᖑᓕᕐᑎᓪᓗᒍ ᑕᕾᕐᓯᓕᕐᐳᑦ ᐅᓪᓗᒥᓗ ᑕᕝᕙᓂ ᓂᕆᕕᒃᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ.
ᓇᓪᓕᐅᓐᓂᕐᓯᐅᕐᕕᒃ ᐱᐅᕆᒻ
18ᔫᑎᓪᓕ ᓲᓴᒦᑦᑐᑦ ᑲᑎᖃᑎᒌᓚᐅᕐᐳᑦ ᐅᓪᓗᖅ 13ᖑᑎᓪᓗᒍ ᐊᒻᒪ 14ᖑᑎᓪᓗᒍ, ᑕᕾᕐᓯᓕᕐᓗᑎᒃ ᐅᓪᓗᖅ 15ᖑᓕᕐᑎᓪᓗᒍ, ᐅᓪᓗᒥᓗ ᑕᕝᕙᓂ ᓂᕆᕕᒡᔪᐊᖃᑎᒌᓕᕐᐳᑦ ᖁᕕᐊᓱᖃᑎᒌᒡᓗᑎᒡᓗ. 19ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ. 20ᒧᐊᑎᑬᓗ ᑕᒪᒃᑯᓂᖓ ᐊᑐᕐᑕᐅᔪᓂᒃ ᑎᑎᕋᓚᐅᕐᐳᖅ ᐊᐅᓪᓚᕐᑎᓪᓗᒋᓪᓗ ᔫᑎᓄᑦ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᖓᓃᑦᑐᓄᑦ ᓄᓇᓂ ᐊᕕᒃᑐᕐᓯᒪᔪᓃᑦᑐᓕᒫᓄᑦ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, 21ᐅᖃᐅᑎᓚᐅᕐᐰᑦ ᓇᓗᓁᕐᓯᖁᓪᓗᒋᑦ ᓇᓪᓕᐅᓐᓂᕐᓯᐅᕐᕕᐅᖃᑦᑕᕐᓂᐊᕐᑑᖕᓂᒃ ᐊᕐᕌᒍᑕᒫᑦ ᐅᓪᓘᒃ ᒪᕐᕉᒃ 14ᓗ 15ᓗ ᑕᖅᑭᒥ ᐊᑖᕆᒥ, 22ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ. 23ᑕᕝᕙ ᔫᑎᑦ ᑕᒪᑐᒥᖓ ᐱᐅᓯᕐᑖᕐᐳᑦ ᐊᑐᕆᐊᓕᓚᐅᕐᑕᒥᖕᓂᒃ ᑍᒫᒃ ᒧᐊᑎᑬᑉ ᑍᒤᓕᐅᖁᓪᓗᒋᑦ ᑎᑎᕋᕐᕕᒋᓚᐅᕐᒪᒋᑦ.
24ᕼᐂᒪᓂ, ᕼᐊᒥᑕᑕᐅᑉ ᐃᕐᓂᖓ ᐊᒐᒊᑎ, ᔫᑎᓕᒫᑦ ᐊᑭᕋᕐᑐᕐᑎᖓᑦ, ᔫᑎᓂᒃ ᑐᖁᕅᔪᒪᓚᐅᕐᒪᑦ, ᓇᓚᐅᑦᑖᕈᑎᒃᑯᑦ ᐱᐅᕆᒥᒃ ᐊᑐᕐᓗᓂ, ᓄᖑᑦᓯᐊᕐᓗᒋᑦ ᐊᓯᕈᕈᒪᓚᐅᕐᒪᒋᑦ; 25ᐃᔅᑕᕐᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᓚᐅᕐᒪᑦ, ᑕᕝᕙ ᐊᖓᔪᖅᑳᕐᔪᐊᖅ ᐱᖁᔨᓕᓚᐅᕐᐳᖅ ᑎᑎᕋᕐᓗᓂᓗ ᑕᒪᓐᓇ ᐱᐅᖏᑦᑐᐊᓗᒃ ᐋᖅᑭᒃᑕᐅᓯᒪᔪᖅ ᕼᐂᒪᓂᒧᑦ ᔫᑎᓂᒃ ᓄᖑᑦᓯᔪᒪᓂᖅ ᑖᑦᓱᒧᖓ ᐅᑎᕐᑎᑕᐅᖔᖁᓪᓗᒍ, ᑖᓐᓇ ᐃᕐᓂᖏᓪᓗ ᕿᒥᑦᓯᕕᖕᒥ ᕿᒥᑕᐅᖁᓪᓗᒋᑦ. 26ᑍᒤᒻᒪᑦ ᑖᒃᑯᐊ ᐅᓪᓗᐃᑦ ᑍᔭᐅᓕᓚᐅᕐᐳᑦ ᐱᐅᕆᒻᒥᒃ, ᐊᑦᓯᕐᑕᐅᑦᔪᑎᖃᕐᓗᓂ ᓇᓛᐅᑦᓵᕈᑎᐅᑉ ᐊᑎᖓᓂᒃ ᐱᐅᕆᒻᒥᒃ. ᑍᒤᓕᐅᓚᐅᕐᐳᑦ ᑎᑎᕋᕐᑕᐅᓯᒪᔪᓕᒫᑦ ᑎᑎᕋᕐᓯᒪᖕᒪᑕ ᑖᒃᑯᓇᓂ ᑎᑎᖅᑲᓂ ᓵᓐᖓᔭᐅᓂᕆᓚᐅᕐᑕᖏᑦ, ᖃᓄᐃᓕᐅᕐᑕᐅᓂᕆᓚᐅᕐᑕᖏᓪᓗ, 27ᔫᑎᑦ ᐋᖅᑭᒃᓯᓚᐅᕐᐳᑦ ᐱᖁᔭᓕᐅᕐᓗᑎᒡᓗ ᐃᒻᒥᖕᓄᑦ ᑭᖑᕚᕆᓂᐊᕐᑕᖏᓪᓗ ᔫᑎᓄᑦ ᐃᓚᓕᐅᑎᔪᒪᒐᔭᕐᑐᑦ, ᐱᓐᖏᓮᓐᓇᖃᑦᑕᖏᓪᓗᑎᒃ ᑖᒃᑯᓂᖓ ᐅᓪᓘᖕᓂᒃ ᒪᕐᕉᖕᓂᒃ ᓇᓪᓕᐅᓐᓂᕐᓯᐅᖃᕐᑕᖁᓪᓗᒋᑦ ᐊᕐᕌᒍᑕᒫᑦ, ᑎᑎᕋᕐᑕᐅᓯᒪᔪᑦ ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᕐᓯᒪᔪᑦ ᓇᓪᓕᐅᓐᓂᕐᒥᓗ ᓇᓗᓁᕐᑕᐅᓯᒪᔪᒥᒃ ᒪᓕᒡᓗᑎᒃ, 28ᑖᒃᑯᐊ ᐅᓪᓗᐃᑦ ᐃᖅᑲᐅᒪᔭᐅᖃᑦᑕᖁᓪᓗᒋᑦ ᐳᐃᒍᕐᑕᐅᑦᑍᓕᖁᓪᓗᒋᓪᓗ ᑭᖑᕚᕆᔪᒫᕐᑕᖏᓐᓄᑦ, ᐃᒡᓗᒥᐅᖃᑎᒌᓕᒫᓂᑦ, ᓄᓇᓕᓕᒫᓂᓗ ᐊᕕᒃᑐᕐᓯᒪᔪᓂ, ᐃᒡᓗᒐᓴᒡᔪᐊᓕᒫᓂᓗ, ᑖᒃᑯᓇᓂ ᐅᓪᓗᓂ ᐱᐅᕆᒻᒥᒃ ᑍᔭᐅᔪᓂ ᔫᑎᓕᒫᑦ ᓄᖅᑲᐅᑦᔨᑐᐃᓐᓇᖁᓇᒋᑦ, ᑖᒃᑯᐊᓗ ᐃᖅᑲᐅᒪᔭᐅᓂᖏᑦ ᐳᐃᒍᕐᑕᐅᓕᖁᓇᒋᑦ ᑭᖑᕚᖏᓐᓄᑦ.
29ᑕᕝᕙ ᑯᐃᓐ ᐃᔅᑕᕐ, ᐊᐱᕼᐂᓕᐅᑉ ᐸᓂᖓ, ᒧᐊᑎᑬᒥᑦ ᔫᑎᒥᑦ ᐃᑲᔪᕐᑕᐅᓪᓗᓂ, ᑎᑎᕋᓚᐅᕐᐴᒃ ᐱᔪᓐᓇᕐᑎᑕᐅᓂᕐᒥᒃ ᐊᑐᕐᓗᑎᒃ ᑕᒪᓐᓇ ᓇᓗᓁᕐᑕᐅᑦᓯᐊᓚᐅᕐᐳᖅ ᑎᑎᕋᕐᑕᖏᑕ ᐂᑉᐸᖏᓐᓂ ᑎᑎᕋᕐᑎᓪᓗᒋᒃ ᐱᐅᕆᒻ ᐱᑦᔪᑎᒋᓪᓗᒍ. 30ᑖᒃᑯᐊᓗ ᑎᑎᕋᕐᑕᐅᔪᑦ ᔫᑎᓕᒫᓄᑦ ᑐᓂᐅᕋᕐᑕᐅᓚᐅᕐᐳᑦ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᓄᓇᖁᑎᖏᓐᓃᑦᑐᓄᑦ ᐊᕕᒃᑐᕐᓯᒪᔪᓄᑦ 127ᓄᑦ, ᐅᖃᐅᓯᕐᑕᖃᕐᓗᑎᒃ ᖃᓄᐃᖏᑦᓯᐊᖁᔨᓂᕐᒥᒃ ᓱᓕᑦᓯᐊᖁᔨᓂᕐᒥᒡᓗ, 31ᑖᒃᑯᐊ ᐅᓪᓗᐃᑦ ᐱᐅᕆᒻᒥᒃ ᑍᔭᐅᔪᑦ ᐊᑐᕐᑕᐅᔭᕆᐊᖃᕐᓂᖏᑕ ᓇᓗᓁᕐᑕᐅᓯᒪᑦᔪᑎᖏᓐᓂᒃ, ᑖᓐᓇ ᒧᐊᑎᑬ ᔫᑎ ᑯᐃᓐ ᐃᔅᑕᕐᓗ ᑎᑎᕋᕐᓗᑎᒃ ᔫᑎᓄᑦ ᓇᓗᓁᕐᓯᓚᐅᕐᐳᒃ, ᓇᖕᒥᓂᖅ ᓇᓗᓁᕐᓯᒪᔪᓂᒃ ᐱᖁᔭᖃᖁᓪᓗᒋᑦ ᑭᖑᕚᖏᑕᓗ ᖃᐅᔨᒪᑦᔪᑎᒃᓴᖏᓐᓂᒃ ᑕᒪᒃᑯᓂᖓ ᓂᕆᑦᑍᓕᓂᐅᓚᐅᕐᑐᓂᒃ ᕿᒃᓵᖕᓂᐅᓚᐅᕐᑐᓂᒡᓗ. 32ᑕᒪᓐᓇ ᐃᔅᑕᐅᑉ ᐱᖁᔭᓕᐊᕆᓚᐅᕐᐹ ᑖᒃᑯᓇᓂ ᐅᓪᓗᓂ ᓇᓪᓕᐅᑎᖃᑦᑕᕐᓂᐊᕐᑐᓂ ᐱᐅᕆᒻᒥᒃ ᑍᔭᐅᔪᓂ, ᐅᓂᒃᑲᐅᑕᐅᓂᖏᑦ ᑎᑎᖅᑲᓂ ᑎᑎᕋᕐᑕᐅᓯᒪᕗᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.