ᐃᓕᓯᒪᓃᑦ ᐃᒃᓖᓯᐊᓯᑏᔅ 2
2
1ᐅᕙᓐᓄᑦ ᐅᖃᕐᐳᖓ, “ᐊᑏ, ᖁᕕᐊᓇᕐᑐᓂᒃ ᖃᐅᔨᑎᑦᓱᒪᒋᕙᒋᑦ.” ᑕᒪᒃᑯᐊᓕ ᓱᓇᐅᖏᑦᓯᐊᕆᕗᑦ. 2ᐅᖃᕐᐳᖓ, “ᐃᒡᓚᕐᓂᖅ,#2:2 ᐃᒡᓚᕐᓂᖅ ᐅᕝᕙᓗ ᐃᔪᕐᓂᖅ ᓯᓔᑦᑑᕗᖅ. ᖁᕕᐊᓱᖕᓂᖅ ᑭᓱᒥᒃ ᐱᕚᓪᓕᕐᑎᑦᓯᕚ?” 3ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.
4 #
ᐊᑕᓃᑦ ᓯᕗᓪᓖᑦ 10:23-27; ᑯᕉᓂᑲ ᐂᑉᐸᖏᑦ 9:22-27. ᐊᖏᔪᓂᒃ ᐱᔭᒃᓴᓂᒃ ᐱᓇᓱᐊᓚᐅᕐᐳᖓ, ᐃᒡᓗᓂᒡᓗ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ; ᕔᓂᒃᓴᓕᐅᕐᕕᖕᓂᒃ ᐱᕈᕐᓰᕕᖕᓂᒃ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ. 5ᐱᕈᕐᓰᕕᖕᓂᒃ ᓇᐹᕐᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᕐᓰᓚᐅᕐᐳᖓ, ᐱᕈᕐᓰᓚᐅᕐᐳᖓ ᓇᐹᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ ᐸᐅᕐᖓᓕᖕᓂᒃ. 6ᐃᒥᕐᑕᕐᕕᓕᐅᓚᐅᕐᐳᖓ ᐅᓄᕐᑐᓂᒃ, ᓇᐹᕐᑐᐃᑦ ᐅᓄᕐᑐᑦ ᐸᐅᕐᖓᓕᒃᓮᑦ ᐃᒻᒥᑑᑎᒃᓴᖏᓐᓂᒃ. 7#ᐊᑕᓃᑦ ᓯᕗᓪᓖᑦ 4:23.ᓂᐅᕕᓚᐅᕐᐳᖓ ᐊᕐᓇᓂᒃ ᐊᖑᑎᓂᒡᓗ ᓯᐊᓛᓂᒃ, ᓯᐊᓛᖃᓚᐅᕐᐳᖓᓗ ᐅᕙᖓ ᐃᒡᓗᓐᓂ ᐃᓅᓯᒪᔪᓂᒃ; ᓇᖕᒥᓂᖃᐅᓚᐅᕐᐳᖓᓗ ᐆᒪᔪᖁᑎᒐᓴᒡᔪᐊᓂᒃ ᑕᒤᓐᓂᒃ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ, ᐅᓄᕐᓂᕐᐹᖑᔪᓂᒃ ᔨᕉᓴᓕᒥᐅᓂᑦ ᓯᕗᓕᓐᓂᑦ ᐃᓅᓚᐅᕐᑐᓂᑦ, 8#ᐊᑕᓃᑦ ᓯᕗᓪᓖᑦ 10:10,14-22.ᑲᑎᕐᓱᐃᓚᐅᕐᐳᖓᓗ ᐅᓄᕐᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᕐᑎᓂᒃ ᑲᑎᕐᓱᐃᓚᐅᕐᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᓇᓂᒡᓗ, ᐊᕐᓇᖁᑎᖃᓚᐅᕐᐳᖓᓗ ᐅᓄᕐᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.
9 #
ᑯᕉᓂᑲ ᓯᕗᓪᓖᑦ 29:25. ᑍᒤᒻᒪᑦ ᐊᔪᕈᓐᓃᕐᔪᐊᓚᐅᕐᐳᖓ, ᓯᕗᓕᕆᓚᐅᕐᑕᓐᓂᑦ ᔨᕉᓴᓕᒥ ᑕᒤᓐᓂᑦ ᐊᔪᖏᓐᓂᕐᓴᐅᓕᓚᐅᕐᐳᖓ: ᓯᓚᑐᓂᕋᓗ ᐅᕙᓐᓂ ᓇᔫᑏᓐᓇᓚᐅᕐᐳᖅ. 10ᑕᑯᔭᒃᑲ ᐱᔪᒪᔭᒃᑲᓗ ᐲᑦᑍᓕᓚᐅᓐᖏᓚᒃᑲ; ᐆᒻᒪᑎᒐᓗ ᖁᕕᐊᒋᔭᖏᓐᓂᒃ ᐱᑎᑦᑍᓕᓚᐅᓐᖏᓚᕋ, ᐱᓇᓱᐊᕐᑕᓐᓂᒡᓗ ᑕᒤᓐᓂᒃ ᐆᒻᒪᑎᒐ ᖁᕕᐊᒋᔭᖃᓚᐅᕐᐳᖅ. 11ᑕᒪᕐᒥᒡᓗ ᐊᒡᒐᓐᓄᑦ ᓴᓇᓚᐅᕐᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᕐᓗᖓ ᑕᒪᕐᒥᒃ ᓴᓇᓚᐅᕐᑕᒃᑲ; ᑕᒪᕐᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᕐᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ. 12ᑕᕝᕙ ᓴᖑᓪᓗᖓ ᐃᓱᒪᒃᓴᕐᓯᐅᓕᓚᐅᕐᐳᖓ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ ᓯᓔᓐᓂᕐᒥᒡᓗ. ᖃᓄᕐᓗ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᖏᑦ ᓱᓇᒥᒃ ᐱᔭᒃᓴᖃᕈᓐᓇᕐᒪᖔᑕ ᐱᓂᐊᕐᑕᐅᓚᐅᕐᓯᒪᖏᑦᑐᓂᒃ?
13ᖃᐅᔨᓚᐅᕐᐳᖓ ᓯᓚᑐᓂᖅ ᐱᐅᓂᕐᓴᒻᒪᕆᐅᖕᒪᑦ ᓯᓔᓐᓂᕐᒥᑦ, ᓲᕐᓗ ᖃᐅᒪᔪᖅ ᐱᐅᓂᕐᓴᒻᒪᕆᐅᖕᒪᑦ ᑖᕐᑐᒥᑦ. 14ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ. 15ᑕᕝᕙ ᐆᒻᒪᑎᓐᓂ ᐃᓱᒪᓚᐅᕐᐳᖓ, “ᓯᓔᑦᑐᖅ ᖃᓄᐃᑦᑐᒧᑦ ᑎᑭᑕᐅᖕᒪᑦ, ᐅᕙᖓᑦᑕᐅᖅ ᑍᒫᓪᓗᐊᑦᓯᐊᖅ ᐊᑦᔨᖓᓂᒃ ᑎᑭᑕᐅᒋᕗᖓ, ᓱᖕᒪᓪᓕ ᐅᕙᖓ ᓯᓚᑐᓂᕐᓴᐅᕗᖓ?” ᑕᕝᕙ ᐆᒻᒪᑎᓐᓂ ᐅᖃᓚᐅᕐᐳᖓ, “ᑕᒪᓐᓇ ᓱᕙᓕᑭᐊᖑᕗᖅ.” 16ᓯᓚᑐᔪᖅ ᐊᑯᓂᐅᓂᕐᓴᒥᒃ ᐃᖅᑲᐅᒪᔭᐅᓂᕐᓴᐅᓐᖏᓚᖅ ᓯᓔᑦᑐᒥᑦ, ᐅᓪᓗᐃᑦ ᐅᓄᕐᑐᑦ ᐊᓂᒍᕐᓯᒪᔪᑦ ᑭᖑᓂᖓᑦᑎᒍᑦ ᑕᒪᕐᒥᒃ ᐳᐃᒍᕐᑕᐅᔪᒃᓴᐅᕗᒃ. ᓯᓚᑐᔪᖅ ᖃᓄᕐᓕ ᑐᖁᔪᒫᕐᐸ? ᑍᒫᓪᓗᐊᑦᓯᐊᕐᑕᐅᖅ ᓯᓔᑦᑐᑐᑦ! 17ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.
18ᐅᕙᖓᓗ ᓄᑭᓐᓄᑦ ᐊᒃᓱᕈᕐᓗᖓ ᓯᕿᓂᐅᑉ ᐊᑖᓂ ᐱᓇᓱᐊᓚᐅᕐᑕᒃᑲ ᐆᒥᒋᓚᐅᕐᐸᒃᑲ, ᐅᕙᓐᓂᒃ ᑭᖑᕝᕕᕐᓯᔪᒃᓴᒧᑦ ᕿᒪᑐᐃᓐᓇᕈᒫᕋᒃᑭᑦ. 19ᑭᓇᓗ ᖃᐅᔨᒪᕙ ᑭᖑᕝᕕᕐᑎᒐ ᓯᓚᑐᔪᒫᕐᒪᖔᑦ ᓯᓔᑦᑑᔪᒫᕐᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᕐᐳᖅ ᐊᒃᓱᕈᕐᓗᖓ ᓴᓇᓚᐅᕐᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᕐᓗᒍ, ᑕᒪᓐᓇ ᑐᑭᖃᖏᓐᓂᕗᖅ. 20ᑍᒤᒻᒪᑦ ᐆᒻᒪᑎᒐ ᕿᒃᓵᒍᑎᖃᓕᓚᐅᕐᐳᖅ ᓯᕿᓂᐅᑉ ᐊᑖᓂ ᐊᒃᓱᕈᕐᓗᖓ ᓴᓇᓚᐅᕐᑕᓐᓂᒃ ᑕᒤᓐᓂᒃ. 21ᐊᖑᓪᓕ ᐱᓂᐊᒐᒃᓴᒥᓂᒃ ᐊᒃᓱᕈᕐᓗᓂ ᐱᓇᓱᐊᓚᐅᕐᑐᖅ ᓯᓚᑐᓂᓂ, ᖃᐅᔨᒪᓂᓂᓗ ᐊᑐᕐᓗᒍ, ᐊᔪᖏᓐᓂᓂᓗ ᐊᑐᕐᓗᒍ; ᑕᒪᕐᒥᒡᓕ ᑕᒪᒃᑯᐊ ᕿᒪᒋᐊᖃᓕᕈᒫᕆᕔᑦ ᐊᖑᒻᒧᑦ ᑖᒃᑯᓂᖓ ᐊᒃᓱᕉᑎᖃᓚᐅᖏᑦᑐᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᖏᔪᒥᒡᓗ ᐱᐅᖏᑦᑐᐊᓘᓪᓗᓂ. 22ᐊᖑᑦ ᓱᓇᒥᒃ ᐱᕚ ᐊᒃᓱᕈᕐᓗᓂ ᓴᓇᔭᒥᓂᑦ, ᓯᕿᓂᐅᑉ ᐊᑖᓂ ᐃᓱᒪᔮᕈᑎᒋᓪᓗᒋᓪᓗ ᓴᓇᓚᐅᕐᑕᒥᓂᑦ? 23#ᔫᐱ 5:7; 14:1.ᐃᓅᓂᕐᒥᓂ ᐅᓪᓗᖏᑦ ᕿᒃᓵᖕᓇᕐᑑᕗᑦ, ᐱᓇᓱᐊᕐᑕᖏᓪᓗ ᐅᖁᒤᑦᑑᓪᓗᑎᒃ; ᐅᓐᓄᐊᒃᑯᓪᓘᓐᓂᑦ ᐆᒻᒪᑎᖓ ᐃᓂᓪᓚᖓᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.
24 #
ᐃᒃᓕᓯᐊᔅᑏᔅ 3:13; 5:18; 9:7; ᐂᓮᐊᓯ 56:12; ᓘᑲᓯ 12:19; 1 ᑯᕆᓐᑎ 15:32. ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ. 25ᑭᓇ ᓂᕆᔪᓐᓇᕐᐹ ᐅᕝᕙᓘᓐᓃᑦ ᖁᕕᐊᓱᒍᓐᓇᕐᐹ ᑖᓐᓇ ᐃᓚᐅᑎᓐᓇᒍ? 26#ᔫᐱ 32:8; ᓲᓗᒨᓂ 2:6.ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᓕᓯᒪᓃᑦ ᐃᒃᓖᓯᐊᓯᑏᔅ 2
2
1ᐅᕙᓐᓄᑦ ᐅᖃᕐᐳᖓ, “ᐊᑏ, ᖁᕕᐊᓇᕐᑐᓂᒃ ᖃᐅᔨᑎᑦᓱᒪᒋᕙᒋᑦ.” ᑕᒪᒃᑯᐊᓕ ᓱᓇᐅᖏᑦᓯᐊᕆᕗᑦ. 2ᐅᖃᕐᐳᖓ, “ᐃᒡᓚᕐᓂᖅ,#2:2 ᐃᒡᓚᕐᓂᖅ ᐅᕝᕙᓗ ᐃᔪᕐᓂᖅ ᓯᓔᑦᑑᕗᖅ. ᖁᕕᐊᓱᖕᓂᖅ ᑭᓱᒥᒃ ᐱᕚᓪᓕᕐᑎᑦᓯᕚ?” 3ᐆᒃᑐᓚᐅᕐᐳᖓ ᕔᓂᒧᑦ ᖁᕕᐊᓱᓕᕈᒪᓪᓗᖓ, ᓯᓔᓐᓂᕐᒥᒡᓗ ᐊᑐᕐᓗᖓ ᐃᓱᒪᒪᓕ ᓱᓕ ᓯᓚᑐᓂᕐᒥ ᑕᓯᐅᓚᐅᕐᐹᖓ. ᖃᐅᔨᔪᒪᓚᐅᕋᒪ ᐃᓄᐃᑦ ᖃᓄᖅ ᐱᕚᓪᓕᕈᑎᖃᕐᒪᖔᑕ ᐃᓅᓯᕐᒥᖕᓂ ᓁᑐᒥ ᐃᓅᑎᓪᓗᒋᑦ.
4 #
ᐊᑕᓃᑦ ᓯᕗᓪᓖᑦ 10:23-27; ᑯᕉᓂᑲ ᐂᑉᐸᖏᑦ 9:22-27. ᐊᖏᔪᓂᒃ ᐱᔭᒃᓴᓂᒃ ᐱᓇᓱᐊᓚᐅᕐᐳᖓ, ᐃᒡᓗᓂᒡᓗ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ; ᕔᓂᒃᓴᓕᐅᕐᕕᖕᓂᒃ ᐱᕈᕐᓰᕕᖕᓂᒃ ᓇᖕᒥᓂᒃᓴᓐᓂᒃ ᓴᓇᓚᐅᕐᐳᖓ. 5ᐱᕈᕐᓰᕕᖕᓂᒃ ᓇᐹᕐᑐᓂᒡᓗ ᐸᐅᕐᖓᓕᒃᓴᓂᒃ ᐱᕈᕐᓰᓚᐅᕐᐳᖓ, ᐱᕈᕐᓰᓚᐅᕐᐳᖓ ᓇᐹᕐᑐᓂᒃ ᖃᓄᐃᑦᑐᑐᐃᓐᓇᕐᓂᒃ ᐸᐅᕐᖓᓕᖕᓂᒃ. 6ᐃᒥᕐᑕᕐᕕᓕᐅᓚᐅᕐᐳᖓ ᐅᓄᕐᑐᓂᒃ, ᓇᐹᕐᑐᐃᑦ ᐅᓄᕐᑐᑦ ᐸᐅᕐᖓᓕᒃᓮᑦ ᐃᒻᒥᑑᑎᒃᓴᖏᓐᓂᒃ. 7#ᐊᑕᓃᑦ ᓯᕗᓪᓖᑦ 4:23.ᓂᐅᕕᓚᐅᕐᐳᖓ ᐊᕐᓇᓂᒃ ᐊᖑᑎᓂᒡᓗ ᓯᐊᓛᓂᒃ, ᓯᐊᓛᖃᓚᐅᕐᐳᖓᓗ ᐅᕙᖓ ᐃᒡᓗᓐᓂ ᐃᓅᓯᒪᔪᓂᒃ; ᓇᖕᒥᓂᖃᐅᓚᐅᕐᐳᖓᓗ ᐆᒪᔪᖁᑎᒐᓴᒡᔪᐊᓂᒃ ᑕᒤᓐᓂᒃ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ, ᐅᓄᕐᓂᕐᐹᖑᔪᓂᒃ ᔨᕉᓴᓕᒥᐅᓂᑦ ᓯᕗᓕᓐᓂᑦ ᐃᓅᓚᐅᕐᑐᓂᑦ, 8#ᐊᑕᓃᑦ ᓯᕗᓪᓖᑦ 10:10,14-22.ᑲᑎᕐᓱᐃᓚᐅᕐᐳᖓᓗ ᐅᓄᕐᑐᓂᒃ ᓯᐅᓪᕕᕆᓂᒃ ᒎᓗᓂᒡᓗ, ᐊᖓᔪᖅᑳᕐᔪᐊᑦ ᓄᓇᓕᒡᔪᐊᓪᓗ ᑮᓇᐅᔭᖁᑎᖏᓐᓂᒃ; ᐃᓐᖏᕐᑎᓂᒃ ᑲᑎᕐᓱᐃᓚᐅᕐᐳᖓ, ᑕᒤᓐᓂᒃ ᐊᖑᑎᓂᒃ ᐊᕐᓇᓂᒡᓗ, ᐊᕐᓇᖁᑎᖃᓚᐅᕐᐳᖓᓗ ᐅᓄᕐᑐᓂᒃ, ᐊᖑᑎᑦ ᖁᕕᐊᒋᔭᖏᓐᓂᒃ.
9 #
ᑯᕉᓂᑲ ᓯᕗᓪᓖᑦ 29:25. ᑍᒤᒻᒪᑦ ᐊᔪᕈᓐᓃᕐᔪᐊᓚᐅᕐᐳᖓ, ᓯᕗᓕᕆᓚᐅᕐᑕᓐᓂᑦ ᔨᕉᓴᓕᒥ ᑕᒤᓐᓂᑦ ᐊᔪᖏᓐᓂᕐᓴᐅᓕᓚᐅᕐᐳᖓ: ᓯᓚᑐᓂᕋᓗ ᐅᕙᓐᓂ ᓇᔫᑏᓐᓇᓚᐅᕐᐳᖅ. 10ᑕᑯᔭᒃᑲ ᐱᔪᒪᔭᒃᑲᓗ ᐲᑦᑍᓕᓚᐅᓐᖏᓚᒃᑲ; ᐆᒻᒪᑎᒐᓗ ᖁᕕᐊᒋᔭᖏᓐᓂᒃ ᐱᑎᑦᑍᓕᓚᐅᓐᖏᓚᕋ, ᐱᓇᓱᐊᕐᑕᓐᓂᒡᓗ ᑕᒤᓐᓂᒃ ᐆᒻᒪᑎᒐ ᖁᕕᐊᒋᔭᖃᓚᐅᕐᐳᖅ. 11ᑕᒪᕐᒥᒡᓗ ᐊᒡᒐᓐᓄᑦ ᓴᓇᓚᐅᕐᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᕐᓗᖓ ᑕᒪᕐᒥᒃ ᓴᓇᓚᐅᕐᑕᒃᑲ; ᑕᒪᕐᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᕐᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ. 12ᑕᕝᕙ ᓴᖑᓪᓗᖓ ᐃᓱᒪᒃᓴᕐᓯᐅᓕᓚᐅᕐᐳᖓ ᓯᓚᑐᓂᕐᒥᒃ, ᐃᓱᒤᕈᑎᓂᕐᒥᒡᓗ ᓯᓔᓐᓂᕐᒥᒡᓗ. ᖃᓄᕐᓗ ᐊᖓᔪᖅᑳᕐᔪᐊᑉ ᑭᖑᕝᕕᕐᑎᖏᑦ ᓱᓇᒥᒃ ᐱᔭᒃᓴᖃᕈᓐᓇᕐᒪᖔᑕ ᐱᓂᐊᕐᑕᐅᓚᐅᕐᓯᒪᖏᑦᑐᓂᒃ?
13ᖃᐅᔨᓚᐅᕐᐳᖓ ᓯᓚᑐᓂᖅ ᐱᐅᓂᕐᓴᒻᒪᕆᐅᖕᒪᑦ ᓯᓔᓐᓂᕐᒥᑦ, ᓲᕐᓗ ᖃᐅᒪᔪᖅ ᐱᐅᓂᕐᓴᒻᒪᕆᐅᖕᒪᑦ ᑖᕐᑐᒥᑦ. 14ᓯᓚᑐᔪᖅ ᐃᔨᖃᕐᒪᑦ ᓂᐊᖁᕐᒥᓂ, ᓯᓔᑦᑐᕐᓗ ᐱᓱᒃᐳᖅ ᑖᕐᑐᒥ; ᖃᐅᔨᓕᕐᐳᖓᓕ ᑕᒪᕐᒥᒃ ᐱᕙᓪᓕᐊᔪᓄᑦ ᑎᑭᑕᐅᔪᐃᓐᓇᐅᖕᒪᑎᒃ. 15ᑕᕝᕙ ᐆᒻᒪᑎᓐᓂ ᐃᓱᒪᓚᐅᕐᐳᖓ, “ᓯᓔᑦᑐᖅ ᖃᓄᐃᑦᑐᒧᑦ ᑎᑭᑕᐅᖕᒪᑦ, ᐅᕙᖓᑦᑕᐅᖅ ᑍᒫᓪᓗᐊᑦᓯᐊᖅ ᐊᑦᔨᖓᓂᒃ ᑎᑭᑕᐅᒋᕗᖓ, ᓱᖕᒪᓪᓕ ᐅᕙᖓ ᓯᓚᑐᓂᕐᓴᐅᕗᖓ?” ᑕᕝᕙ ᐆᒻᒪᑎᓐᓂ ᐅᖃᓚᐅᕐᐳᖓ, “ᑕᒪᓐᓇ ᓱᕙᓕᑭᐊᖑᕗᖅ.” 16ᓯᓚᑐᔪᖅ ᐊᑯᓂᐅᓂᕐᓴᒥᒃ ᐃᖅᑲᐅᒪᔭᐅᓂᕐᓴᐅᓐᖏᓚᖅ ᓯᓔᑦᑐᒥᑦ, ᐅᓪᓗᐃᑦ ᐅᓄᕐᑐᑦ ᐊᓂᒍᕐᓯᒪᔪᑦ ᑭᖑᓂᖓᑦᑎᒍᑦ ᑕᒪᕐᒥᒃ ᐳᐃᒍᕐᑕᐅᔪᒃᓴᐅᕗᒃ. ᓯᓚᑐᔪᖅ ᖃᓄᕐᓕ ᑐᖁᔪᒫᕐᐸ? ᑍᒫᓪᓗᐊᑦᓯᐊᕐᑕᐅᖅ ᓯᓔᑦᑐᑐᑦ! 17ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.
18ᐅᕙᖓᓗ ᓄᑭᓐᓄᑦ ᐊᒃᓱᕈᕐᓗᖓ ᓯᕿᓂᐅᑉ ᐊᑖᓂ ᐱᓇᓱᐊᓚᐅᕐᑕᒃᑲ ᐆᒥᒋᓚᐅᕐᐸᒃᑲ, ᐅᕙᓐᓂᒃ ᑭᖑᕝᕕᕐᓯᔪᒃᓴᒧᑦ ᕿᒪᑐᐃᓐᓇᕈᒫᕋᒃᑭᑦ. 19ᑭᓇᓗ ᖃᐅᔨᒪᕙ ᑭᖑᕝᕕᕐᑎᒐ ᓯᓚᑐᔪᒫᕐᒪᖔᑦ ᓯᓔᑦᑑᔪᒫᕐᒪᖔᓪᓘᓐᓃᑦ? ᑭᓯᐊᓂᓕ ᐊᖓᔪᖅᑲᐅᔪᒫᕐᐳᖅ ᐊᒃᓱᕈᕐᓗᖓ ᓴᓇᓚᐅᕐᑕᓐᓂ ᑕᒪᒃᑯᑎᒎᓇᕐᓗ ᓯᕿᓂᐅᑉ ᐊᑖᓂ ᓯᓚᑐᓂᕋ ᓴᖅᑭᑎᓚᐅᕐᓗᒍ, ᑕᒪᓐᓇ ᑐᑭᖃᖏᓐᓂᕗᖅ. 20ᑍᒤᒻᒪᑦ ᐆᒻᒪᑎᒐ ᕿᒃᓵᒍᑎᖃᓕᓚᐅᕐᐳᖅ ᓯᕿᓂᐅᑉ ᐊᑖᓂ ᐊᒃᓱᕈᕐᓗᖓ ᓴᓇᓚᐅᕐᑕᓐᓂᒃ ᑕᒤᓐᓂᒃ. 21ᐊᖑᓪᓕ ᐱᓂᐊᒐᒃᓴᒥᓂᒃ ᐊᒃᓱᕈᕐᓗᓂ ᐱᓇᓱᐊᓚᐅᕐᑐᖅ ᓯᓚᑐᓂᓂ, ᖃᐅᔨᒪᓂᓂᓗ ᐊᑐᕐᓗᒍ, ᐊᔪᖏᓐᓂᓂᓗ ᐊᑐᕐᓗᒍ; ᑕᒪᕐᒥᒡᓕ ᑕᒪᒃᑯᐊ ᕿᒪᒋᐊᖃᓕᕈᒫᕆᕔᑦ ᐊᖑᒻᒧᑦ ᑖᒃᑯᓂᖓ ᐊᒃᓱᕉᑎᖃᓚᐅᖏᑦᑐᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᖏᔪᒥᒡᓗ ᐱᐅᖏᑦᑐᐊᓘᓪᓗᓂ. 22ᐊᖑᑦ ᓱᓇᒥᒃ ᐱᕚ ᐊᒃᓱᕈᕐᓗᓂ ᓴᓇᔭᒥᓂᑦ, ᓯᕿᓂᐅᑉ ᐊᑖᓂ ᐃᓱᒪᔮᕈᑎᒋᓪᓗᒋᓪᓗ ᓴᓇᓚᐅᕐᑕᒥᓂᑦ? 23#ᔫᐱ 5:7; 14:1.ᐃᓅᓂᕐᒥᓂ ᐅᓪᓗᖏᑦ ᕿᒃᓵᖕᓇᕐᑑᕗᑦ, ᐱᓇᓱᐊᕐᑕᖏᓪᓗ ᐅᖁᒤᑦᑑᓪᓗᑎᒃ; ᐅᓐᓄᐊᒃᑯᓪᓘᓐᓂᑦ ᐆᒻᒪᑎᖓ ᐃᓂᓪᓚᖓᔪᓐᓇᓐᖏᓚᖅ. ᑕᒪᓐᓇ ᑐᑭᖃᓐᖏᓚᖅ.
24 #
ᐃᒃᓕᓯᐊᔅᑏᔅ 3:13; 5:18; 9:7; ᐂᓮᐊᓯ 56:12; ᓘᑲᓯ 12:19; 1 ᑯᕆᓐᑎ 15:32. ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ. 25ᑭᓇ ᓂᕆᔪᓐᓇᕐᐹ ᐅᕝᕙᓘᓐᓃᑦ ᖁᕕᐊᓱᒍᓐᓇᕐᐹ ᑖᓐᓇ ᐃᓚᐅᑎᓐᓇᒍ? 26#ᔫᐱ 32:8; ᓲᓗᒨᓂ 2:6.ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.