ᐋᐴᓯᑕᓖᑦ ᐱᓂᐊᕐᓂᖏᑦ 8
8
1aᓴᐅᓗᓯᐅᑉ ᑕᒪᓐᓇ ᓯᑎᐹᓇᓯᐅᑉ ᑐᖁᑕᐅᓂᖓ ᓈᒻᒪᒋᕚ.
ᓴᐅᓗᓯᐅᑉ ᐊᑭᕋᕐᑐᕐᓂᖓ ᐅᒃᐱᕐᑑᖃᑎᒌᓂᒃ
1bᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᔨᕉᓴᓕᒻᒦᑦᑐᑦ ᐊᖏᔪᐊᓗᖕᒥᒃ ᐊᑭᕋᕐᑐᕐᑕᐅᓕᕐᐳᑦ; ᓯᐊᒻᒪᓚᐅᕐᐳᖅ ᔫᑎᐊᒧᑦ ᓴᒥᐊᕆᐊᒧᓪᓗ, ᐋᐴᓯᑕᓖᑦ ᕿᒫᖏᑦᑐᑑᕗᑦ. 2ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.
3 #
ᐋᐴᓯᑕᓖᑦ 22:4,5; 26:9-11. ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.
ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᓂᖓ ᓴᒥᐊᕆᐊᒥ
4ᐅᒃᐱᕐᑐᑦ ᓯᐊᒻᒪᕐᑎᑕᐅᓯᒪᔪᑦ ᐊᔪᕆᕐᑐᐃᓕᓚᐅᕐᐳᑦ ᓄᓇᓕᖕᓄᑦ ᓇᒧᑐᐃᓐᓇᖅ ᑎᑭᑕᒥᖕᓄᑦ. 5ᐱᓕᑉᐴᓯ ᓴᒥᐊᕆᐊᒥᐅᑦ ᐃᒡᓗᒐᓴᖏᓐᓄᐊᕋᒥ ᐊᔪᕆᕐᑐᐃᕗᖅ ᑖᒃᑯᓄᖓ ᙭ᔅᑑᓯᒥᒃ. 6ᐃᓄᒋᐊᒃᑐᑦ ᓈᓚᑦᓯᐊᕐᐳᑦ ᐱᓕᑉᐴᓯᐅᑉ ᐅᖃᐅᓯᕆᔭᖏᓐᓂᒃ, ᑕᑯᓪᓗᑎᒃ ᓇᓗᓁᒃᑯᑕᕐᓂᒃ ᐱᓂᐊᕐᓂᕆᔭᖏᓐᓂᒃ. 7ᐊᓂᕐᓂᕐᓗᐃᓪᓗ ᐊᓂᑎᑕᐅᕗᑦ ᐃᓄᖕᓂᑦ ᐅᓄᕐᑐᓂᑦ ᓂᓪᓕᐊᔪᐊᓘᓪᓗᑎᒃ; ᐊᒥᓱᑦ ᓄᑮᕈᑎᓯᒪᔪᑦ ᑐᓯᐊᑦᑐᓪᓗ ᐋᖅᑭᒃᑕᐅᕗᑦ. 8ᑍᒤᒻᒪᑦ ᖁᕕᐊᓱᒃᑐᐊᓘᓚᐅᕐᐳᑦ ᑕᕝᕙᓂ ᐃᒡᓗᒐᓴᖕᓂ.
9ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ. 10ᐃᓄᓕᒫᑦ ᑕᕝᕙᓃᑦᑐᑦ ᐱᓪᓚᕆᐅᔪᑦ ᐃᓄᑐᐃᓐᓁᓪᓗ ᑖᑦᓱᒥᖓ ᓈᓚᑦᓯᐊᕐᐳᑦ, ᐅᖃᕐᓗᑎᒃ, “ᐊᖑᑦ ᐅᓇ ᒎᑎᒥᓐᖔᕐᓯᒪᔪᒥᒃ ᐱᔪᓐᓇᕐᓂᕐᔪᐊᓕᒃ ᑖᓐᓇᐅᕗᖅ ᐱᔪᓐᓇᕐᓂᐊᓗᖕᒥᒃ ᑍᔭᐅᕙᒃᑐᖅ.” 11ᓈᓚᑦᓯᐊᓚᐅᕐᐹᓪᓗ, ᐊᑯᓂᐅᓕᕐᑐᖅ ᑲᒪᓂᐊᕐᑎᖃᑦᑕᓚᐅᕐᒪᒋᑦ ᐊᖓᒃᑰᑦᔪᓯᕐᒥᓄᑦ. 12ᐃᓄᐃᑦ ᐊᖑᑎᑦ ᐊᕐᓁᓪᓗ ᐹᑉᑎᑕᐅᓕᕐᐳᑦ ᐱᓕᑉᐴᓯᐅᑉ ᐅᖃᐅᓯᖏᓐᓂᒃ ᐅᒃᐱᓕᕋᒥᒃ ᐊᔪᕆᕐᑐᐃᑎᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᔩᓱᓯ ᙭ᔅᑑᓯᒥᒡᓗ. 13ᓮᒨᓂᑦᑕᐅᖅ ᐅᒃᐱᓕᕐᐳᖅ, ᐹᑉᑎᑕᐅᒐᒥ ᐱᓕᑉᐴᓯ ᐃᓚᒋᓕᕐᐹ, ᑲᒪᓂᐊᕐᓗᓂ ᑕᑯᖃᑦᑕᓕᕋᒥ ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᐱᓂᐊᕐᓂᐅᔪᓂᒃ.
14ᐋᐴᓯᑕᓖᑦ ᔨᕉᓴᓕᒻᒦᑦᑐᑦ ᑐᓴᕋᒥᒃ ᓴᒥᐊᕆᐊᕐᒥᐅᑦ ᒎᑎᐅᑉ ᐅᖃᐅᓯᖏᓐᓂᒃ ᐃᓚᓕᐅᕐᓯᓕᕐᒪᑕ, ᑎᓕᓯᕗᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ. 15ᑖᒃᑯᐊᒃ ᑎᑭᓐᓇᒥᒃ ᑐᒃᓯᐅᑦᔨᕘᒃ ᑖᒃᑯᓂᖓ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᒋᑦ; 16ᓇᓪᓕᐊᓪᓘᓐᓃᑦ ᓱᓕ ᐃᓗᒻᒥᕐᑕᐅᓚᐅᖏᒻᒪᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ; ᐹᑉᑎᑕᐅᓯᒪᑐᐃᓐᓇᕐᒪᑕ ᐊᑕᓂᐅᑉ ᔩᓱᓯᐅᑉ ᐊᑎᖓᓄᑦ. 17ᐲᑦᑐᕉᓯᐅᑉ ᔪᐊᓇᓯᐅᓪᓗ ᐸᑎᒻᒥᖕᒪᒋᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ.
18ᓮᒨᓂ ᑕᑯᒐᒥ ᐊᓂᕐᓂᖅ ᑐᓂᔭᐅᖕᒪᑦ ᐋᐴᓯᑕᓖᑦ ᐸᑎᒻᒥᒃᓯᓂᖏᑎᒍᑦ, ᑮᓇᐅᔭᓂᒃ ᑐᓂᓯᔪᒪᓕᕐᐳᖅ ᑖᒃᑯᖕᓄᖓ, 19ᐅᖃᕐᓗᓂ, “ᐱᔪᓐᓇᕐᓂᕐᑕᐅᖅ ᑕᒪᓐᓇ ᐅᕙᓐᓄᑦ ᑐᓂᓚᐅᕐᓯᒃᑯᒃ, ᐸᑎᒻᒥᔭᒃᑲ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖃᑦᑕᖁᓪᓗᒋᑦ.”
20ᐲᑦᑐᕉᓯᐅᓪᓕ ᐅᖃᐅᑎᕚ, “ᑮᓇᐅᔭᑎᑦ ᐊᓯᕈᕐᑕᐅᖃᑎᒋᔭᒃᓴᕆᕙᑎᑦ, ᐃᓱᒪᖃᕋᕕᑦ ᒎᑎᐅᑉ ᑐᓂᕐᕈᑖᓂᒃ ᑮᓇᐅᔭᓄᑦ ᐱᑎᑕᐅᔪᓐᓇᕋᓱᒋᓪᓗᑎᑦ. 21ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ. 22ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ. 23ᖃᐅᔨᒐᒪ ᐱᔪᒪᕕᒡᔪᐊᕐᓂᕐᒥᒃ ᑕᑕᒃᑲᕕᑦ ᐊᔪᕐᓂᕐᒧᓪᓗ ᕿᓚᒃᑕᐅᓯᒪᓪᓗᑎᑦ.”
24ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”
25ᑕᕝᕙ ᐲᑦᑐᕉᓯ ᔪᐊᓇᓯᓗ ᐅᖃᕇᕋᒥᒃ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ, ᔨᕉᓴᓕᒻᒧᑦ ᐅᑎᕆᕘᒃ, ᐅᑎᕐᐸᓪᓕᐊᓕᕐᓗᑎᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕘᒃ ᐅᓄᕐᑐᓄᑦ ᓴᒥᐊᕆᐊᕐᒥᐅᑦ ᓄᓇᓕᖏᓐᓃᑦᑐᓄᑦ.
ᐱᓕᑉᐴᓯᓗ ᐃᑎᐅᐱᐊᒥᐅᑕᕐᓗ
26ᐊᑕᓂᐅᑉ ᐂᖏᓕᖓ ᐱᓕᑉᐴᓯᒧᑦ ᐅᖃᕐᐳᖅ, “ᓯᕿᓂᐅᑉ ᒥᒃᓵᓄᑦ ᐊᐅᓪᓚᕆᑦ ᐊᖅᑯᒻᒧᑦ ᔨᕉᓴᓕᒻᒥᑦ ᒑᓴᒧᓐᖓᐅᔪᒧᑦ ᐂᓗᑎᑦ”, ᑕᒪᓐᓇ ᐊᖅᑯᑦ ᓱᓇᖃᔪᐃᑦᑐᒃᑰᖓᕗᖅ. 27ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ#8:27 ᐃᒡᔪᐃᕐᑕᐅᓯᒪᔪᖅ ᓄᓕᐊᕈᒪᔪᓐᓃᑎᑕᐅᓯᒪᔪᖅ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ, 28ᕿᒧᒃᓯᐅᑎᓄᑦ ᐊᒃᓴᓗᐊᓕᖕᒧᑦ ᐃᑭᒪᓪᓗᓂ, ᐅᖃᓕᒫᕐᐳᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᒃ. 29ᑕᕝᕙ ᐊᓂᕐᓂᖅ ᐃᑦᔪᕐᓁᑦᑐᖅ ᐱᓕᑉᐴᓯᒧᑦ ᐅᖃᕐᐳᖅ, “ᑖᓐᓇ ᐊᒃᓴᓗᐊᓕᖕᒧᑦ ᐃᖏᕐᕋᔪᖅ ᐅᐸᓚᐅᕈᒃ.” 30ᐱᓕᑉᐴᓯᐅᑉ ᐅᓪᓚᒃᓗᓂ ᑎᑭᓐᓇᒥᐅᒃ ᑐᓵᓕᕐᐹ ᐅᖃᓕᒫᕐᑐᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᑦ; ᐊᐱᕆᓪᓗᒍ, “ᐅᖃᓕᒫᕐᑕᑏᑦ ᑐᑭᓯᕕᒋᑦ?”
31ᑖᑦᓱᒪ ᑭᐅᕚ, “ᖃᓄᕐᓕ ᑐᑭᓯᔪᓐᓇᕐᐳᖓ? ᐊᔪᕆᕐᑐᕐᑕᐅᖏᓪᓗᖓ.” ᐱᓕᑉᐴᓯ ᐃᑭᒪᖃᑎᒋᔪᒪᓕᕐᐹ. 32#ᐂᓮᐊᓯ 53:7,8.ᐃᒤᓕᔪᓂᒃ ᒎᑎᐅᑉ ᐅᖃᐅᓯᖏᓐᓂᑦ ᐅᖃᓕᒫᕐᐳᖅ:
“ᓰᐱᑎᑐᑦ ᑐᖁᑕᐅᔭᕐᑐᕐᑐᑎᑐᑦ ᑍᒤᓚᐅᕐᐳᖅ;
ᓰᐱᐅᓪᓗ ᓄᕐᕋᖓᑐᑦ ᓴᓕᔭᐅᔪᑎᑐᑦ ᓂᐱᖃᓚᐅᓐᖏᓚᖅ;
ᓂᓪᓕᓚᐅᕋᓂᓘᓐᓃᑦ.
33ᑲᓐᖑᓇᕐᑐᒦᑎᑕᐅᓪᓗᓂ ᓇᓛᒍᑦ ᐃᖅᑲᕐᑐᕐᑕᐅᓚᐅᓐᖏᓚᖅ,
ᑭᖑᕚᒃᓴᖏᑦ ᑭᓇᒧᓪᓘᓐᓃᑦ ᐅᖃᐅᓯᐅᔪᓐᓇᕐᓂᐊᓐᖏᓚᑦ,
ᐃᓅᓯᖓ ᓄᓇᕐᔪᐊᕐᒥᑦ ᐲᕐᑕᐅᓚᐅᕐᒪᑦ.”
34ᐃᑎᐅᐱᐊᒥᐅᑕᐅᑉ ᐱᓕᑉᐴᓯ ᐅᖃᐅᑎᕚ, “ᐅᖃᐅᑎᓚᐅᓐᖓ ᓇᓚᐅᑦᑍᔪᖅ ᑭᓇᒥᒃ ᐅᖃᐅᓯᖃᕐᐸ ᐃᒻᒥᓂᒡᓘᓐᓃᑦ, ᐊᓯᒥᓂᒡᓘᓐᓃᑦ?” 35ᑕᕝᕙ ᐱᓕᑉᐴᓯᐅᑉ ᐅᖃᓪᓚᒡᕕᒋᓕᕐᐹ; ᑖᒃᑯᐊ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐱᒋᐊᕈᑎᒋᓪᓗᒋᑦ, ᐊᔪᕆᕐᑐᓕᕐᐹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯᒥᒃ. 36ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [ 37ᐱᓕᑉᐴᓯᐅᑉ ᐅᖃᐅᑎᕙ, “ᐆᒻᒪᒻᒧᑦ ᐊᑕᖏᕐᑐᒧᑦ ᐅᒃᐱᕈᕕᑦ ᐹᑉᑎᑕᐅᔪᓐᓇᕐᐳᑎᑦ.” ᐃᑎᐅᐱᐊᒥᐅᖅ ᐅᖃᕐᐳᖅ, “ᐅᒃᐱᕆᕙᕋ, ᔩᓱᓯ ᙭ᔅᑑᓯ ᒎᑎᐅᑉ ᐃᕐᓂᕆᖕᒪᒍ.”]#8:37 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ
38ᐃᑎᐅᐱᐊᒥᐅᑕᐅᑉ ᐊᒃᓴᓗᐊᓖᑦ ᓄᖅᑲᖁᕔᑦ, ᑕᒪᕐᒥᒃ ᓂᐅᓪᓗᑎᒃ ᐃᒫᓄᐊᕐᐴᒃ, ᐱᓕᑉᐴᓯᐅᑉ ᐹᑉᑎᐹ. 39ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ. 40ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.
Currently Selected:
ᐋᐴᓯᑕᓖᑦ ᐱᓂᐊᕐᓂᖏᑦ 8: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 8
8
1aᓴᐅᓗᓯᐅᑉ ᑕᒪᓐᓇ ᓯᑎᐹᓇᓯᐅᑉ ᑐᖁᑕᐅᓂᖓ ᓈᒻᒪᒋᕚ.
ᓴᐅᓗᓯᐅᑉ ᐊᑭᕋᕐᑐᕐᓂᖓ ᐅᒃᐱᕐᑑᖃᑎᒌᓂᒃ
1bᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᔨᕉᓴᓕᒻᒦᑦᑐᑦ ᐊᖏᔪᐊᓗᖕᒥᒃ ᐊᑭᕋᕐᑐᕐᑕᐅᓕᕐᐳᑦ; ᓯᐊᒻᒪᓚᐅᕐᐳᖅ ᔫᑎᐊᒧᑦ ᓴᒥᐊᕆᐊᒧᓪᓗ, ᐋᐴᓯᑕᓖᑦ ᕿᒫᖏᑦᑐᑑᕗᑦ. 2ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.
3 #
ᐋᐴᓯᑕᓖᑦ 22:4,5; 26:9-11. ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.
ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᓂᖓ ᓴᒥᐊᕆᐊᒥ
4ᐅᒃᐱᕐᑐᑦ ᓯᐊᒻᒪᕐᑎᑕᐅᓯᒪᔪᑦ ᐊᔪᕆᕐᑐᐃᓕᓚᐅᕐᐳᑦ ᓄᓇᓕᖕᓄᑦ ᓇᒧᑐᐃᓐᓇᖅ ᑎᑭᑕᒥᖕᓄᑦ. 5ᐱᓕᑉᐴᓯ ᓴᒥᐊᕆᐊᒥᐅᑦ ᐃᒡᓗᒐᓴᖏᓐᓄᐊᕋᒥ ᐊᔪᕆᕐᑐᐃᕗᖅ ᑖᒃᑯᓄᖓ ᙭ᔅᑑᓯᒥᒃ. 6ᐃᓄᒋᐊᒃᑐᑦ ᓈᓚᑦᓯᐊᕐᐳᑦ ᐱᓕᑉᐴᓯᐅᑉ ᐅᖃᐅᓯᕆᔭᖏᓐᓂᒃ, ᑕᑯᓪᓗᑎᒃ ᓇᓗᓁᒃᑯᑕᕐᓂᒃ ᐱᓂᐊᕐᓂᕆᔭᖏᓐᓂᒃ. 7ᐊᓂᕐᓂᕐᓗᐃᓪᓗ ᐊᓂᑎᑕᐅᕗᑦ ᐃᓄᖕᓂᑦ ᐅᓄᕐᑐᓂᑦ ᓂᓪᓕᐊᔪᐊᓘᓪᓗᑎᒃ; ᐊᒥᓱᑦ ᓄᑮᕈᑎᓯᒪᔪᑦ ᑐᓯᐊᑦᑐᓪᓗ ᐋᖅᑭᒃᑕᐅᕗᑦ. 8ᑍᒤᒻᒪᑦ ᖁᕕᐊᓱᒃᑐᐊᓘᓚᐅᕐᐳᑦ ᑕᕝᕙᓂ ᐃᒡᓗᒐᓴᖕᓂ.
9ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ. 10ᐃᓄᓕᒫᑦ ᑕᕝᕙᓃᑦᑐᑦ ᐱᓪᓚᕆᐅᔪᑦ ᐃᓄᑐᐃᓐᓁᓪᓗ ᑖᑦᓱᒥᖓ ᓈᓚᑦᓯᐊᕐᐳᑦ, ᐅᖃᕐᓗᑎᒃ, “ᐊᖑᑦ ᐅᓇ ᒎᑎᒥᓐᖔᕐᓯᒪᔪᒥᒃ ᐱᔪᓐᓇᕐᓂᕐᔪᐊᓕᒃ ᑖᓐᓇᐅᕗᖅ ᐱᔪᓐᓇᕐᓂᐊᓗᖕᒥᒃ ᑍᔭᐅᕙᒃᑐᖅ.” 11ᓈᓚᑦᓯᐊᓚᐅᕐᐹᓪᓗ, ᐊᑯᓂᐅᓕᕐᑐᖅ ᑲᒪᓂᐊᕐᑎᖃᑦᑕᓚᐅᕐᒪᒋᑦ ᐊᖓᒃᑰᑦᔪᓯᕐᒥᓄᑦ. 12ᐃᓄᐃᑦ ᐊᖑᑎᑦ ᐊᕐᓁᓪᓗ ᐹᑉᑎᑕᐅᓕᕐᐳᑦ ᐱᓕᑉᐴᓯᐅᑉ ᐅᖃᐅᓯᖏᓐᓂᒃ ᐅᒃᐱᓕᕋᒥᒃ ᐊᔪᕆᕐᑐᐃᑎᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᔩᓱᓯ ᙭ᔅᑑᓯᒥᒡᓗ. 13ᓮᒨᓂᑦᑕᐅᖅ ᐅᒃᐱᓕᕐᐳᖅ, ᐹᑉᑎᑕᐅᒐᒥ ᐱᓕᑉᐴᓯ ᐃᓚᒋᓕᕐᐹ, ᑲᒪᓂᐊᕐᓗᓂ ᑕᑯᖃᑦᑕᓕᕋᒥ ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᐱᓂᐊᕐᓂᐅᔪᓂᒃ.
14ᐋᐴᓯᑕᓖᑦ ᔨᕉᓴᓕᒻᒦᑦᑐᑦ ᑐᓴᕋᒥᒃ ᓴᒥᐊᕆᐊᕐᒥᐅᑦ ᒎᑎᐅᑉ ᐅᖃᐅᓯᖏᓐᓂᒃ ᐃᓚᓕᐅᕐᓯᓕᕐᒪᑕ, ᑎᓕᓯᕗᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ. 15ᑖᒃᑯᐊᒃ ᑎᑭᓐᓇᒥᒃ ᑐᒃᓯᐅᑦᔨᕘᒃ ᑖᒃᑯᓂᖓ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᒋᑦ; 16ᓇᓪᓕᐊᓪᓘᓐᓃᑦ ᓱᓕ ᐃᓗᒻᒥᕐᑕᐅᓚᐅᖏᒻᒪᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ; ᐹᑉᑎᑕᐅᓯᒪᑐᐃᓐᓇᕐᒪᑕ ᐊᑕᓂᐅᑉ ᔩᓱᓯᐅᑉ ᐊᑎᖓᓄᑦ. 17ᐲᑦᑐᕉᓯᐅᑉ ᔪᐊᓇᓯᐅᓪᓗ ᐸᑎᒻᒥᖕᒪᒋᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ.
18ᓮᒨᓂ ᑕᑯᒐᒥ ᐊᓂᕐᓂᖅ ᑐᓂᔭᐅᖕᒪᑦ ᐋᐴᓯᑕᓖᑦ ᐸᑎᒻᒥᒃᓯᓂᖏᑎᒍᑦ, ᑮᓇᐅᔭᓂᒃ ᑐᓂᓯᔪᒪᓕᕐᐳᖅ ᑖᒃᑯᖕᓄᖓ, 19ᐅᖃᕐᓗᓂ, “ᐱᔪᓐᓇᕐᓂᕐᑕᐅᖅ ᑕᒪᓐᓇ ᐅᕙᓐᓄᑦ ᑐᓂᓚᐅᕐᓯᒃᑯᒃ, ᐸᑎᒻᒥᔭᒃᑲ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖃᑦᑕᖁᓪᓗᒋᑦ.”
20ᐲᑦᑐᕉᓯᐅᓪᓕ ᐅᖃᐅᑎᕚ, “ᑮᓇᐅᔭᑎᑦ ᐊᓯᕈᕐᑕᐅᖃᑎᒋᔭᒃᓴᕆᕙᑎᑦ, ᐃᓱᒪᖃᕋᕕᑦ ᒎᑎᐅᑉ ᑐᓂᕐᕈᑖᓂᒃ ᑮᓇᐅᔭᓄᑦ ᐱᑎᑕᐅᔪᓐᓇᕋᓱᒋᓪᓗᑎᑦ. 21ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ. 22ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ. 23ᖃᐅᔨᒐᒪ ᐱᔪᒪᕕᒡᔪᐊᕐᓂᕐᒥᒃ ᑕᑕᒃᑲᕕᑦ ᐊᔪᕐᓂᕐᒧᓪᓗ ᕿᓚᒃᑕᐅᓯᒪᓪᓗᑎᑦ.”
24ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”
25ᑕᕝᕙ ᐲᑦᑐᕉᓯ ᔪᐊᓇᓯᓗ ᐅᖃᕇᕋᒥᒃ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ, ᔨᕉᓴᓕᒻᒧᑦ ᐅᑎᕆᕘᒃ, ᐅᑎᕐᐸᓪᓕᐊᓕᕐᓗᑎᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕘᒃ ᐅᓄᕐᑐᓄᑦ ᓴᒥᐊᕆᐊᕐᒥᐅᑦ ᓄᓇᓕᖏᓐᓃᑦᑐᓄᑦ.
ᐱᓕᑉᐴᓯᓗ ᐃᑎᐅᐱᐊᒥᐅᑕᕐᓗ
26ᐊᑕᓂᐅᑉ ᐂᖏᓕᖓ ᐱᓕᑉᐴᓯᒧᑦ ᐅᖃᕐᐳᖅ, “ᓯᕿᓂᐅᑉ ᒥᒃᓵᓄᑦ ᐊᐅᓪᓚᕆᑦ ᐊᖅᑯᒻᒧᑦ ᔨᕉᓴᓕᒻᒥᑦ ᒑᓴᒧᓐᖓᐅᔪᒧᑦ ᐂᓗᑎᑦ”, ᑕᒪᓐᓇ ᐊᖅᑯᑦ ᓱᓇᖃᔪᐃᑦᑐᒃᑰᖓᕗᖅ. 27ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ#8:27 ᐃᒡᔪᐃᕐᑕᐅᓯᒪᔪᖅ ᓄᓕᐊᕈᒪᔪᓐᓃᑎᑕᐅᓯᒪᔪᖅ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ, 28ᕿᒧᒃᓯᐅᑎᓄᑦ ᐊᒃᓴᓗᐊᓕᖕᒧᑦ ᐃᑭᒪᓪᓗᓂ, ᐅᖃᓕᒫᕐᐳᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᒃ. 29ᑕᕝᕙ ᐊᓂᕐᓂᖅ ᐃᑦᔪᕐᓁᑦᑐᖅ ᐱᓕᑉᐴᓯᒧᑦ ᐅᖃᕐᐳᖅ, “ᑖᓐᓇ ᐊᒃᓴᓗᐊᓕᖕᒧᑦ ᐃᖏᕐᕋᔪᖅ ᐅᐸᓚᐅᕈᒃ.” 30ᐱᓕᑉᐴᓯᐅᑉ ᐅᓪᓚᒃᓗᓂ ᑎᑭᓐᓇᒥᐅᒃ ᑐᓵᓕᕐᐹ ᐅᖃᓕᒫᕐᑐᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᑦ; ᐊᐱᕆᓪᓗᒍ, “ᐅᖃᓕᒫᕐᑕᑏᑦ ᑐᑭᓯᕕᒋᑦ?”
31ᑖᑦᓱᒪ ᑭᐅᕚ, “ᖃᓄᕐᓕ ᑐᑭᓯᔪᓐᓇᕐᐳᖓ? ᐊᔪᕆᕐᑐᕐᑕᐅᖏᓪᓗᖓ.” ᐱᓕᑉᐴᓯ ᐃᑭᒪᖃᑎᒋᔪᒪᓕᕐᐹ. 32#ᐂᓮᐊᓯ 53:7,8.ᐃᒤᓕᔪᓂᒃ ᒎᑎᐅᑉ ᐅᖃᐅᓯᖏᓐᓂᑦ ᐅᖃᓕᒫᕐᐳᖅ:
“ᓰᐱᑎᑐᑦ ᑐᖁᑕᐅᔭᕐᑐᕐᑐᑎᑐᑦ ᑍᒤᓚᐅᕐᐳᖅ;
ᓰᐱᐅᓪᓗ ᓄᕐᕋᖓᑐᑦ ᓴᓕᔭᐅᔪᑎᑐᑦ ᓂᐱᖃᓚᐅᓐᖏᓚᖅ;
ᓂᓪᓕᓚᐅᕋᓂᓘᓐᓃᑦ.
33ᑲᓐᖑᓇᕐᑐᒦᑎᑕᐅᓪᓗᓂ ᓇᓛᒍᑦ ᐃᖅᑲᕐᑐᕐᑕᐅᓚᐅᓐᖏᓚᖅ,
ᑭᖑᕚᒃᓴᖏᑦ ᑭᓇᒧᓪᓘᓐᓃᑦ ᐅᖃᐅᓯᐅᔪᓐᓇᕐᓂᐊᓐᖏᓚᑦ,
ᐃᓅᓯᖓ ᓄᓇᕐᔪᐊᕐᒥᑦ ᐲᕐᑕᐅᓚᐅᕐᒪᑦ.”
34ᐃᑎᐅᐱᐊᒥᐅᑕᐅᑉ ᐱᓕᑉᐴᓯ ᐅᖃᐅᑎᕚ, “ᐅᖃᐅᑎᓚᐅᓐᖓ ᓇᓚᐅᑦᑍᔪᖅ ᑭᓇᒥᒃ ᐅᖃᐅᓯᖃᕐᐸ ᐃᒻᒥᓂᒡᓘᓐᓃᑦ, ᐊᓯᒥᓂᒡᓘᓐᓃᑦ?” 35ᑕᕝᕙ ᐱᓕᑉᐴᓯᐅᑉ ᐅᖃᓪᓚᒡᕕᒋᓕᕐᐹ; ᑖᒃᑯᐊ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐱᒋᐊᕈᑎᒋᓪᓗᒋᑦ, ᐊᔪᕆᕐᑐᓕᕐᐹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯᒥᒃ. 36ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [ 37ᐱᓕᑉᐴᓯᐅᑉ ᐅᖃᐅᑎᕙ, “ᐆᒻᒪᒻᒧᑦ ᐊᑕᖏᕐᑐᒧᑦ ᐅᒃᐱᕈᕕᑦ ᐹᑉᑎᑕᐅᔪᓐᓇᕐᐳᑎᑦ.” ᐃᑎᐅᐱᐊᒥᐅᖅ ᐅᖃᕐᐳᖅ, “ᐅᒃᐱᕆᕙᕋ, ᔩᓱᓯ ᙭ᔅᑑᓯ ᒎᑎᐅᑉ ᐃᕐᓂᕆᖕᒪᒍ.”]#8:37 ᐃᑦᔪᔪᑐᖃᐃᑦ ᐃᓚᖏᓐᓂ ᐱᑕᖃᖏᓪᓗᓂ ᐃᓚᖏᓐᓂ ᐃᓕᔭᐅᓯᒪᓪᓗᓂ
38ᐃᑎᐅᐱᐊᒥᐅᑕᐅᑉ ᐊᒃᓴᓗᐊᓖᑦ ᓄᖅᑲᖁᕔᑦ, ᑕᒪᕐᒥᒃ ᓂᐅᓪᓗᑎᒃ ᐃᒫᓄᐊᕐᐴᒃ, ᐱᓕᑉᐴᓯᐅᑉ ᐹᑉᑎᐹ. 39ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ. 40ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.