ᐋᐴᓯᑕᓖᑦ ᐱᓂᐊᕐᓂᖏᑦ 22
22
1“ᐃᓅᖃᑎᒌᖑᔪᓯ ᐊᖓᔪᒃᖠᐅᔪᓯᓗ, ᐅᕙᓐᓂᒃ ᑐᑭᓯᔭᐅᑎᓐᓇᓱᐊᕐᑎᓪᓗᖓ, ᓈᓚᓚᐅᕐᓯᓐᖓ.” 2ᐃᓄᐃᑦ ᑐᓴᕋᒥᒃ ᐄᑉᕉᑎᑐᑦ ᐅᖃᕐᒪᑦ, ᓂᐱᖃᖏᑦᓯᐊᓕᕐᐳᑦ; ᐸᐅᓗᓯ ᐅᖃᓪᓚᓕᕐᐳᖅ:
3 #
ᐋᐴᓯᑕᓖᑦ 5:34-39. “ᔫᑎᐅᕗᖓ, ᑖᕐᓱᓯᒥ ᓯᓕᓯᐊᒦᑦᑐᒥ ᐃᓅᓕᕐᓯᒪᔪᖓ, ᔨᕉᓴᓕᒻᒥ ᑕᕝᕙᓂ ᐱᕈᓚᐅᕐᐳᖓ, ᒐᒤᓕᐊᓕᒧᑦ ᐃᓕᓐᓂᐊᕐᑎᒋᔭᐅᓪᓗᖓ, ᐃᓕᓐᓂᐊᕐᑎᑕᐅᑦᓯᐊᓚᐅᕐᐳᖓ ᓯᕗᓕᕕᓂᑦᑕ ᐱᖁᔭᖏᓐᓂᒃ, ᑲᔪᖏᕐᓂᖃᓚᐅᕐᐳᖓᓗ ᒎᑎᒧᑦ ᓲᕐᓗᑦᑕᐅᖅ ᐅᓄᕐᑑᓪᓗᓯ ᑍᒤᒃᑲᑦᓯ ᒫᓐᓇ. 4#ᐋᐴᓯᑕᓖᑦ 8:3; 26:9-11.ᐊᑭᕋᕐᑐᓚᐅᕐᐸᒃᑲ ᒫᓐᓇᐅᓕᕐᑐᖅ ᐅᒃᐱᕐᓂᐅᔪᒧᑦ ᒪᓕᒃᑐᑦ ᑐᖁᑕᐅᖁᓪᓗᒋᑦ, ᑎᒍᓯᕙᓚᐅᕐᐳᖓ ᐊᖑᑎᓂᒃ ᐊᕐᓇᓂᒡᓗ ᑎᒍᔭᐅᓯᒪᕕᖕᒧᐊᕐᑕᐅᖁᓪᓗᒋᑦ. 5ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ, ᔫᑎᓪᓗ ᐊᖓᔪᖅᑳᓕᒫᖏᑦ ᓇᓗᓁᕐᓯᔪᓐᓇᕐᐳᑦ ᑕᒪᑐᒥᖓ. ᑍᒃᑯᓇᓐᖓᑦ ᐊᒡᓛᑦ ᑎᑎᖅᑲᓂᒃ ᑎᒍᓯᔪᓐᓇᕈᑎᒃᓴᓂᒃ ᓇᒃᓴᕐᑎᑕᐅᓚᐅᕐᐳᖓ ᔫᑎᐅᖃᑎᒥᖕᓄᑦ ᑕᒫᓯᑰᓯᒦᑦᑐᓄᑦ, ᑍᑯᓐᖓᓚᐅᕐᐳᖓᓗ ᐅᒃᐱᕐᑐᑦ ᑎᒍᔭᕐᑐᕐᓗᒋᑦ ᔨᕉᓴᓕᒻᒧᐊᕈᑎᔪᒪᓪᓗᒋᑦ ᓱᒋᐊᕐᑕᐅᖁᓪᓗᒋᑦ.”
ᐸᐅᓗᓯᐅᑉ ᐅᓂᒃᑳᕐᓂᖓ ᓵᒋᐊᕐᓂᕐᒥᓂᒃ
ᐋᐴᓯᑕᓖᑦ 9:1-19; 26:12-18
6“ᑕᒫᓯᑰᓯᒧᓪᓕ ᖃᒡᓕᓕᕐᑎᓪᓗᖓ, ᐅᓪᓗᖅ ᕿᑎᕋᓕᕐᑎᓪᓗᒍ ᕿᓚᖕᒥᑦ ᖃᐅᒪᔪᐊᓗᖕᒥᑦ ᖃᐅᒻᒪᒡᕕᐅᓚᐅᕐᐳᖓ. 7ᓄᓇᒧᑦ ᐅᕐᕈᒐᒪ ᓂᐱᒥᒃ ᑐᓴᓕᕐᐳᖓ ᐅᕙᓐᓄᑦ ᐅᖃᕐᑐᒥᒃ, ‘ᓴᐅᓗᓯ! ᓴᐅᓗᓯ! ᓱᖕᒪᑦ ᐊᑭᕋᕐᑐᕐᐱᖔ?’ 8ᐊᐱᕆᕙᕋ, ‘ᐊᑕᓃᖅ ᑭᓇᐅᕕᑦ?’ ᑭᐅᕚᖓᓗ, ‘ᔩᓱᓯᐅᕗᖓ ᓈᓴᕇᑎᒥᐅᖅ ᐊᑭᕋᕐᑐᕐᑍᑦ.’ 9ᐃᓚᒋᔭᒪᓕ ᖃᐅᒪᔪᖅ ᑕᑯᒐᓗᐊᕐᐹᑦ, ᑐᓴᕋᑎᒡᓕ ᓂᐱᒥᒃ ᐅᕙᓐᓄᑦ ᐅᖃᕐᑐᒥᒃ. 10ᐊᐱᕆᕙᕋᓗ, ‘ᐊᑕᓃᖅ ᖃᓄᐃᓕᐅᖁᕕᖓ?’ ᐊᑕᓂᐅᑉ ᐅᖃᐅᑎᕚᖓ, ‘ᒪᑭᓪᓗᑎᑦ, ᑕᒫᓯᑰᓯᒧᐊᓕᕆᑦ, ᐱᓂᐊᒐᒃᓴᓕᒫᑎᑦ ᑍᑲᓂ ᓇᓗᓁᕐᑕᐅᑦᓯᐊᕐᓂᐊᕐᐳᑦ.’ 11ᐃᓚᒋᔭᒪ ᑕᓯᐅᕐᐹᖓ ᑕᒫᓯᑰᓯᒧᑦ, ᖃᐅᒪᔪᐊᓘᑉ ᑕᐅᑐᒍᓐᓃᕐᑎᓚᐅᕐᒪᖓ.
12“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ. 13ᑖᓐᓇ ᕾᒐᒥ ᓴᓂᓐᓂ ᓇᖏᕐᓗᓂ ᐅᖃᐅᑎᕚᖓ, ‘ᖃᑕᓐᖑᑏᒃ ᓴᐅᓗᓰ, ᑕᐅᑐᓕᕆᑦ!’ ᑕᕝᕙᑦᓮᓐᓇᖅ ᑕᐅᑐᓕᕐᐳᖓ ᑖᓐᓇ ᑕᑯᓪᓗᒍ. 14ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ; 15ᑖᑦᓱᒪ ᓇᓗᓁᕐᓯᔨᒋᓂᐊᕐᐹᑎᑦ ᐃᓄᓕᒫᓄᑦ, ᑕᑯᓯᒪᔭᕐᓂᒃ ᑐᓴᕐᓯᒪᔭᕐᓂᒡᓗ. 16ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”
ᐸᐅᓗᓯᐅᑉ ᕾᖁᔭᐅᓂᖓ ᐊᔪᕆᕐᑐᐃᖁᓪᓗᒍ ᔫᑎᐅᖏᑦᑐᓂᒃ
17“ᔨᕉᓴᓕᒻᒧᑦ ᐅᑎᕋᒪ ᑐᒃᓯᐊᕐᕕᒡᔪᐊᒥ ᑐᒃᓯᐊᕐᑎᓪᓗᖓ ᐃᓱᒪᒃᑯᑦ ᑎᒥᓐᓃᑦᓱᓐᓁᓚᐅᕐᐳᖓ. 18ᐊᑕᓂᖅ ᑕᑯᓚᐅᕐᐸᕋ ᐅᖃᕐᑐᖅ, ‘ᑐᐊᕕᕐᓗᑎᑦ ᔨᕉᓴᓕᒻᒥᑦ ᐊᐅᓪᓚᕆᑦ, ᑕᕝᕙᓂ ᓄᓇᓕᖕᓂ ᐅᕙᓐᓂᒃ ᐅᖃᐅᓯᖃᕐᓂᑎᑦ ᐃᓚᓕᐅᕐᑕᐅᓂᐊᖏᒻᒪᑕ.’ 19ᑭᐅᕙᕋ, ‘ᐊᑕᓃᖅ ᐃᓄᐃᑦ ᑖᒃᑯᐊ ᖃᐅᔨᒪᕗᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᐃᑎᕐᐸᓚᐅᕋᒪ ᑎᒍᔭᐅᑎᑦᓯᔭᕐᑐᕐᓗᖓ ᐊᓇᐅᓕᕐᑕᐅᑎᑦᓯᔪᒪᓪᓗᖓᓗ ᐃᓕᖕᓄᑦ ᐅᒃᐱᕐᑐᓂᒃ. 20#ᐋᐴᓯᑕᓖᑦ 7:58.ᐃᓄᖁᑏᑦ ᓯᑎᐹᓇᓯ ᑐᖁᑕᐅᑎᓪᓗᒍ ᓴᓂᐊᓂ ᓇᖏᓚᐅᕐᐳᖓ, ᑐᖁᑕᐅᓂᖓ ᓈᒻᒪᒋᓪᓗᒍ, ᑐᖁᑦᓯᔪᑦ ᐊᓐᓄᕌᖏᑦ ᑲᒪᒋᓚᐅᕐᐸᒃᑲ.’ 21ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”
22ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.” 23ᐃᓄᐃᓪᓕ ᓂᐱᓕᐊᓘᓕᕐᐳᑦ ᐊᓐᓄᕌᒥᖕᓂᒃ ᓄᓗᕋᐅᑎᖃᕐᓗᑎᒃ ᓴᓂᕐᓂᒡᓗ ᖁᒻᒧᑦ ᐃᒋᑦᓯᕙᒃᖢᑎᒃ, 24ᕉᒪᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦᑕ ᐸᐅᓗᓯ ᐅᓇᑕᕐᑐᒃᓮᑦ ᐃᒡᓗᖓᓄᑦ ᐃᑎᕐᑕᐅᖁᓕᕐᐹᑦ, ᑏᒐᕐᑐᕐᑕᐅᖁᕚᓗ, ᑐᑭᓯᓇᓱᐊᕐᕕᐅᖁᓪᓗᒍ ᓱᖕᒪᑦ ᐃᓄᖕᓄᑦ ᐅᐃᒪᔮᕈᑕᐅᖕᒪᖔᑦ. 25ᕿᓚᒃᓱᕐᒪᑦᔪᒃ ᑏᒐᕐᑐᕐᓂᐊᕐᓗᒍ, ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᖅ ᓴᓂᒥᓂ ᓇᖏᕐᑐᖅ ᐸᐅᓗᓯᐅᑉ ᐅᖃᐅᑎᕚ, “ᐱᖁᔭᓂᒃ ᒪᓕᒐᔭᕐᐱᓰ ᕉᒪᒥᐅᖑᖃᑕᐅᔪᖅ ᑏᒐᕐᑐᕐᑕᐅᒃᐸᑦ ᐃᖅᑲᕐᑐᕐᑕᐅᓚᐅᕐᑎᓐᓇᒍᓘᓐᓃᑦ?”
26ᐅᓇᑕᕐᑐᒃᓴᓄᑦ ᐊᖓᔪᖅᑳᑉ ᑕᒪᓐᓇ ᑐᓴᕋᒥᐅᒃ, ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᖃᐅᑎᔭᕐᑐᕐᐹ, ᐊᐱᕆᓪᓗᓂᐅᒃ, “ᖃᓄᕐᓕ ᐱᓂᐊᓕᕐᐲᑦ? ᑖᓐᓇ ᐊᖑᑦ ᑎᒍᔭᕗᑦ ᕉᒪᒥᐅᖑᖕᒪᑦ.”
27ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐸᐅᓗᓯᒧᑦ ᐂᓪᓗᓂ ᐊᐱᕆᕚ, “ᐅᖃᐅᑎᓚᐅᓐᖓ, ᕉᒪᒥᐅᖑᕖᑦ?”
ᐸᐅᓗᓯᐅᑉ ᑭᐅᕚ, “ᐄ, ᕉᒪᒥᐅᖑᕗᖓ.”
28ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᖃᓕᕐᐳᖅ, “ᑮᓇᐅᔭᓂᒃ ᐅᓄᕐᑐᐊᓗᖕᓂᒃ ᐊᑭᓖᓚᐅᕐᐳᖓ ᕉᒪᒥᐅᓐᖑᕋᓱᐊᕐᓗᖓ.”
ᐸᐅᓗᓯᓕ ᐅᖃᕐᐳᖅ, “ᐅᕙᖓᓕ ᐃᕐᓂᐊᖑᓂᒃᑯᑦ ᕉᒪᒥᐅᑕᐅᕗᖓ.”
29ᑖᒃᑯᐊ ᐸᐅᓗᓯᒥᒃ ᐊᐱᕐᓱᕐᓂᐊᖅᑲᐅᔪᑦ ᑕᕝᕔᓐᓇᖅ ᕿᒪᕉᑎᕗᑦ; ᐅᓇᑕᕐᑐᒃᓮᓪᓗ ᐊᖓᔪᖅᑳᖓᑦ ᓯᕘᕋᓕᕐᐳᖅ, ᐸᐅᓗᓯ ᕉᒪᒥᐅᑕᐅᑎᓪᓗᒍ ᑎᒍᔭᐅᑎᓚᐅᕋᒥᐅᒃ ᕿᓚᒃᓱᑕᐅᑎᓪᓗᒍᓗ.
ᐸᐅᓗᓯᐅᑉ ᐃᖅᑲᕐᑐᕐᑕᐅᓂᖓ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ
30ᖃᐅᑎᓪᓗᒍ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑐᑭᓯᑦᓯᐊᕈᒪᒐᒥ ᓱᖕᒪᑦ ᐸᐅᓗᓯ ᐸᓯᔭᐅᖕᒪᖔᑦ ᔫᑎᓄᑦ, ᕿᓚᒃᓱᕐᓯᒪᑦᔪᑎᖏᑦ ᐲᕐᑕᐅᖁᕔᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᔫᑎᑦ ᐃᖅᑲᕐᑐᐃᔨᕐᔪᐊᖏᑦ ᑲᑎᖁᕔᑦ. ᐸᐅᓗᓯᓗ ᑖᒃᑯᐊ ᓵᖓᓐᓄᐊᕐᑎᑉᐹ.
Currently Selected:
ᐋᐴᓯᑕᓖᑦ ᐱᓂᐊᕐᓂᖏᑦ 22: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 22
22
1“ᐃᓅᖃᑎᒌᖑᔪᓯ ᐊᖓᔪᒃᖠᐅᔪᓯᓗ, ᐅᕙᓐᓂᒃ ᑐᑭᓯᔭᐅᑎᓐᓇᓱᐊᕐᑎᓪᓗᖓ, ᓈᓚᓚᐅᕐᓯᓐᖓ.” 2ᐃᓄᐃᑦ ᑐᓴᕋᒥᒃ ᐄᑉᕉᑎᑐᑦ ᐅᖃᕐᒪᑦ, ᓂᐱᖃᖏᑦᓯᐊᓕᕐᐳᑦ; ᐸᐅᓗᓯ ᐅᖃᓪᓚᓕᕐᐳᖅ:
3 #
ᐋᐴᓯᑕᓖᑦ 5:34-39. “ᔫᑎᐅᕗᖓ, ᑖᕐᓱᓯᒥ ᓯᓕᓯᐊᒦᑦᑐᒥ ᐃᓅᓕᕐᓯᒪᔪᖓ, ᔨᕉᓴᓕᒻᒥ ᑕᕝᕙᓂ ᐱᕈᓚᐅᕐᐳᖓ, ᒐᒤᓕᐊᓕᒧᑦ ᐃᓕᓐᓂᐊᕐᑎᒋᔭᐅᓪᓗᖓ, ᐃᓕᓐᓂᐊᕐᑎᑕᐅᑦᓯᐊᓚᐅᕐᐳᖓ ᓯᕗᓕᕕᓂᑦᑕ ᐱᖁᔭᖏᓐᓂᒃ, ᑲᔪᖏᕐᓂᖃᓚᐅᕐᐳᖓᓗ ᒎᑎᒧᑦ ᓲᕐᓗᑦᑕᐅᖅ ᐅᓄᕐᑑᓪᓗᓯ ᑍᒤᒃᑲᑦᓯ ᒫᓐᓇ. 4#ᐋᐴᓯᑕᓖᑦ 8:3; 26:9-11.ᐊᑭᕋᕐᑐᓚᐅᕐᐸᒃᑲ ᒫᓐᓇᐅᓕᕐᑐᖅ ᐅᒃᐱᕐᓂᐅᔪᒧᑦ ᒪᓕᒃᑐᑦ ᑐᖁᑕᐅᖁᓪᓗᒋᑦ, ᑎᒍᓯᕙᓚᐅᕐᐳᖓ ᐊᖑᑎᓂᒃ ᐊᕐᓇᓂᒡᓗ ᑎᒍᔭᐅᓯᒪᕕᖕᒧᐊᕐᑕᐅᖁᓪᓗᒋᑦ. 5ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ, ᔫᑎᓪᓗ ᐊᖓᔪᖅᑳᓕᒫᖏᑦ ᓇᓗᓁᕐᓯᔪᓐᓇᕐᐳᑦ ᑕᒪᑐᒥᖓ. ᑍᒃᑯᓇᓐᖓᑦ ᐊᒡᓛᑦ ᑎᑎᖅᑲᓂᒃ ᑎᒍᓯᔪᓐᓇᕈᑎᒃᓴᓂᒃ ᓇᒃᓴᕐᑎᑕᐅᓚᐅᕐᐳᖓ ᔫᑎᐅᖃᑎᒥᖕᓄᑦ ᑕᒫᓯᑰᓯᒦᑦᑐᓄᑦ, ᑍᑯᓐᖓᓚᐅᕐᐳᖓᓗ ᐅᒃᐱᕐᑐᑦ ᑎᒍᔭᕐᑐᕐᓗᒋᑦ ᔨᕉᓴᓕᒻᒧᐊᕈᑎᔪᒪᓪᓗᒋᑦ ᓱᒋᐊᕐᑕᐅᖁᓪᓗᒋᑦ.”
ᐸᐅᓗᓯᐅᑉ ᐅᓂᒃᑳᕐᓂᖓ ᓵᒋᐊᕐᓂᕐᒥᓂᒃ
ᐋᐴᓯᑕᓖᑦ 9:1-19; 26:12-18
6“ᑕᒫᓯᑰᓯᒧᓪᓕ ᖃᒡᓕᓕᕐᑎᓪᓗᖓ, ᐅᓪᓗᖅ ᕿᑎᕋᓕᕐᑎᓪᓗᒍ ᕿᓚᖕᒥᑦ ᖃᐅᒪᔪᐊᓗᖕᒥᑦ ᖃᐅᒻᒪᒡᕕᐅᓚᐅᕐᐳᖓ. 7ᓄᓇᒧᑦ ᐅᕐᕈᒐᒪ ᓂᐱᒥᒃ ᑐᓴᓕᕐᐳᖓ ᐅᕙᓐᓄᑦ ᐅᖃᕐᑐᒥᒃ, ‘ᓴᐅᓗᓯ! ᓴᐅᓗᓯ! ᓱᖕᒪᑦ ᐊᑭᕋᕐᑐᕐᐱᖔ?’ 8ᐊᐱᕆᕙᕋ, ‘ᐊᑕᓃᖅ ᑭᓇᐅᕕᑦ?’ ᑭᐅᕚᖓᓗ, ‘ᔩᓱᓯᐅᕗᖓ ᓈᓴᕇᑎᒥᐅᖅ ᐊᑭᕋᕐᑐᕐᑍᑦ.’ 9ᐃᓚᒋᔭᒪᓕ ᖃᐅᒪᔪᖅ ᑕᑯᒐᓗᐊᕐᐹᑦ, ᑐᓴᕋᑎᒡᓕ ᓂᐱᒥᒃ ᐅᕙᓐᓄᑦ ᐅᖃᕐᑐᒥᒃ. 10ᐊᐱᕆᕙᕋᓗ, ‘ᐊᑕᓃᖅ ᖃᓄᐃᓕᐅᖁᕕᖓ?’ ᐊᑕᓂᐅᑉ ᐅᖃᐅᑎᕚᖓ, ‘ᒪᑭᓪᓗᑎᑦ, ᑕᒫᓯᑰᓯᒧᐊᓕᕆᑦ, ᐱᓂᐊᒐᒃᓴᓕᒫᑎᑦ ᑍᑲᓂ ᓇᓗᓁᕐᑕᐅᑦᓯᐊᕐᓂᐊᕐᐳᑦ.’ 11ᐃᓚᒋᔭᒪ ᑕᓯᐅᕐᐹᖓ ᑕᒫᓯᑰᓯᒧᑦ, ᖃᐅᒪᔪᐊᓘᑉ ᑕᐅᑐᒍᓐᓃᕐᑎᓚᐅᕐᒪᖓ.
12“ᐊᓇᓁᐊᓯᒥᒃ ᐊᑎᓕᐅᑉ, ᑕᕝᕙᓂ ᑕᑯᔭᕐᑐᓚᐅᕐᐹᖓ ᑖᓐᓇ ᐅᒃᐱᑦᓯᐊᕐᑑᓪᓗᓂ ᐱᖁᔭᓂᒃ ᒪᓕᑦᓯᐊᕐᐳᖅ, ᔫᑎᓂᑦ ᓄᓇᖃᑎᖏᓐᓂᑦ ᐱᓪᓗᕆᒃᑐᖁᑕᐅᔪᖅ. 13ᑖᓐᓇ ᕾᒐᒥ ᓴᓂᓐᓂ ᓇᖏᕐᓗᓂ ᐅᖃᐅᑎᕚᖓ, ‘ᖃᑕᓐᖑᑏᒃ ᓴᐅᓗᓰ, ᑕᐅᑐᓕᕆᑦ!’ ᑕᕝᕙᑦᓮᓐᓇᖅ ᑕᐅᑐᓕᕐᐳᖓ ᑖᓐᓇ ᑕᑯᓪᓗᒍ. 14ᐅᖃᐅᑎᕚᖓ, ‘ᓯᕗᓕᕕᓂᑦᑕ ᒎᑎᖓᑕ ᓂᕈᐊᕐᒪᑎᑦ ᖃᐅᔨᖁᓪᓗᓂᑎᑦ ᐱᔪᒪᔭᖓᓂᒃ, ᖃᐅᔨᖁᓪᓗᑎᑦ ᓇᓛᒎᑦᓯᐊᕐᑐᑐᐊᖑᔪᒥᒃ, ᑐᓴᖁᓪᓗᑎᑦ ᐅᖃᐅᓯᕐᓂᒃ ᓇᖕᒥᓂᖅ ᐅᖃᐅᓯᕆᔭᖏᓐᓂᒃ; 15ᑖᑦᓱᒪ ᓇᓗᓁᕐᓯᔨᒋᓂᐊᕐᐹᑎᑦ ᐃᓄᓕᒫᓄᑦ, ᑕᑯᓯᒪᔭᕐᓂᒃ ᑐᓴᕐᓯᒪᔭᕐᓂᒡᓗ. 16ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”
ᐸᐅᓗᓯᐅᑉ ᕾᖁᔭᐅᓂᖓ ᐊᔪᕆᕐᑐᐃᖁᓪᓗᒍ ᔫᑎᐅᖏᑦᑐᓂᒃ
17“ᔨᕉᓴᓕᒻᒧᑦ ᐅᑎᕋᒪ ᑐᒃᓯᐊᕐᕕᒡᔪᐊᒥ ᑐᒃᓯᐊᕐᑎᓪᓗᖓ ᐃᓱᒪᒃᑯᑦ ᑎᒥᓐᓃᑦᓱᓐᓁᓚᐅᕐᐳᖓ. 18ᐊᑕᓂᖅ ᑕᑯᓚᐅᕐᐸᕋ ᐅᖃᕐᑐᖅ, ‘ᑐᐊᕕᕐᓗᑎᑦ ᔨᕉᓴᓕᒻᒥᑦ ᐊᐅᓪᓚᕆᑦ, ᑕᕝᕙᓂ ᓄᓇᓕᖕᓂ ᐅᕙᓐᓂᒃ ᐅᖃᐅᓯᖃᕐᓂᑎᑦ ᐃᓚᓕᐅᕐᑕᐅᓂᐊᖏᒻᒪᑕ.’ 19ᑭᐅᕙᕋ, ‘ᐊᑕᓃᖅ ᐃᓄᐃᑦ ᑖᒃᑯᐊ ᖃᐅᔨᒪᕗᑦ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᐃᑎᕐᐸᓚᐅᕋᒪ ᑎᒍᔭᐅᑎᑦᓯᔭᕐᑐᕐᓗᖓ ᐊᓇᐅᓕᕐᑕᐅᑎᑦᓯᔪᒪᓪᓗᖓᓗ ᐃᓕᖕᓄᑦ ᐅᒃᐱᕐᑐᓂᒃ. 20#ᐋᐴᓯᑕᓖᑦ 7:58.ᐃᓄᖁᑏᑦ ᓯᑎᐹᓇᓯ ᑐᖁᑕᐅᑎᓪᓗᒍ ᓴᓂᐊᓂ ᓇᖏᓚᐅᕐᐳᖓ, ᑐᖁᑕᐅᓂᖓ ᓈᒻᒪᒋᓪᓗᒍ, ᑐᖁᑦᓯᔪᑦ ᐊᓐᓄᕌᖏᑦ ᑲᒪᒋᓚᐅᕐᐸᒃᑲ.’ 21ᐊᑕᓂᐅᑉ ᐅᖃᐅᑎᓚᐅᕐᐹᖓ, ‘ᐊᐅᓪᓚᓕᕆᑦ; ᑎᓕᔪᒪᒐᒃᑭᑦ ᐅᖓᓯᒃᑐᒦᑐᓄᑦ ᔫᑎᐅᖏᑦᑐᓄᑦ.’”
22ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.” 23ᐃᓄᐃᓪᓕ ᓂᐱᓕᐊᓘᓕᕐᐳᑦ ᐊᓐᓄᕌᒥᖕᓂᒃ ᓄᓗᕋᐅᑎᖃᕐᓗᑎᒃ ᓴᓂᕐᓂᒡᓗ ᖁᒻᒧᑦ ᐃᒋᑦᓯᕙᒃᖢᑎᒃ, 24ᕉᒪᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦᑕ ᐸᐅᓗᓯ ᐅᓇᑕᕐᑐᒃᓮᑦ ᐃᒡᓗᖓᓄᑦ ᐃᑎᕐᑕᐅᖁᓕᕐᐹᑦ, ᑏᒐᕐᑐᕐᑕᐅᖁᕚᓗ, ᑐᑭᓯᓇᓱᐊᕐᕕᐅᖁᓪᓗᒍ ᓱᖕᒪᑦ ᐃᓄᖕᓄᑦ ᐅᐃᒪᔮᕈᑕᐅᖕᒪᖔᑦ. 25ᕿᓚᒃᓱᕐᒪᑦᔪᒃ ᑏᒐᕐᑐᕐᓂᐊᕐᓗᒍ, ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᖅ ᓴᓂᒥᓂ ᓇᖏᕐᑐᖅ ᐸᐅᓗᓯᐅᑉ ᐅᖃᐅᑎᕚ, “ᐱᖁᔭᓂᒃ ᒪᓕᒐᔭᕐᐱᓰ ᕉᒪᒥᐅᖑᖃᑕᐅᔪᖅ ᑏᒐᕐᑐᕐᑕᐅᒃᐸᑦ ᐃᖅᑲᕐᑐᕐᑕᐅᓚᐅᕐᑎᓐᓇᒍᓘᓐᓃᑦ?”
26ᐅᓇᑕᕐᑐᒃᓴᓄᑦ ᐊᖓᔪᖅᑳᑉ ᑕᒪᓐᓇ ᑐᓴᕋᒥᐅᒃ, ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᖃᐅᑎᔭᕐᑐᕐᐹ, ᐊᐱᕆᓪᓗᓂᐅᒃ, “ᖃᓄᕐᓕ ᐱᓂᐊᓕᕐᐲᑦ? ᑖᓐᓇ ᐊᖑᑦ ᑎᒍᔭᕗᑦ ᕉᒪᒥᐅᖑᖕᒪᑦ.”
27ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐸᐅᓗᓯᒧᑦ ᐂᓪᓗᓂ ᐊᐱᕆᕚ, “ᐅᖃᐅᑎᓚᐅᓐᖓ, ᕉᒪᒥᐅᖑᕖᑦ?”
ᐸᐅᓗᓯᐅᑉ ᑭᐅᕚ, “ᐄ, ᕉᒪᒥᐅᖑᕗᖓ.”
28ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᐅᖃᓕᕐᐳᖅ, “ᑮᓇᐅᔭᓂᒃ ᐅᓄᕐᑐᐊᓗᖕᓂᒃ ᐊᑭᓖᓚᐅᕐᐳᖓ ᕉᒪᒥᐅᓐᖑᕋᓱᐊᕐᓗᖓ.”
ᐸᐅᓗᓯᓕ ᐅᖃᕐᐳᖅ, “ᐅᕙᖓᓕ ᐃᕐᓂᐊᖑᓂᒃᑯᑦ ᕉᒪᒥᐅᑕᐅᕗᖓ.”
29ᑖᒃᑯᐊ ᐸᐅᓗᓯᒥᒃ ᐊᐱᕐᓱᕐᓂᐊᖅᑲᐅᔪᑦ ᑕᕝᕔᓐᓇᖅ ᕿᒪᕉᑎᕗᑦ; ᐅᓇᑕᕐᑐᒃᓮᓪᓗ ᐊᖓᔪᖅᑳᖓᑦ ᓯᕘᕋᓕᕐᐳᖅ, ᐸᐅᓗᓯ ᕉᒪᒥᐅᑕᐅᑎᓪᓗᒍ ᑎᒍᔭᐅᑎᓚᐅᕋᒥᐅᒃ ᕿᓚᒃᓱᑕᐅᑎᓪᓗᒍᓗ.
ᐸᐅᓗᓯᐅᑉ ᐃᖅᑲᕐᑐᕐᑕᐅᓂᖓ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ
30ᖃᐅᑎᓪᓗᒍ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑐᑭᓯᑦᓯᐊᕈᒪᒐᒥ ᓱᖕᒪᑦ ᐸᐅᓗᓯ ᐸᓯᔭᐅᖕᒪᖔᑦ ᔫᑎᓄᑦ, ᕿᓚᒃᓱᕐᓯᒪᑦᔪᑎᖏᑦ ᐲᕐᑕᐅᖁᕔᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᔫᑎᑦ ᐃᖅᑲᕐᑐᐃᔨᕐᔪᐊᖏᑦ ᑲᑎᖁᕔᑦ. ᐸᐅᓗᓯᓗ ᑖᒃᑯᐊ ᓵᖓᓐᓄᐊᕐᑎᑉᐹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.