ᐋᐴᓯᑕᓖᑦ ᐱᓂᐊᕐᓂᖏᑦ 20
20
ᐸᐅᓗᓯᐅᑉ ᒫᓯᑑᓂᐊᒧᐊᕐᓂᖓ ᐊᑬᐊᒧᓪᓗ
1ᐃᓄᐃᑦ ᐅᐃᒪᔮᕐᓂᐊᓗᐊᑦ ᓄᖅᑲᕐᒪᑦ, ᐸᐅᓗᓯᐅᑉ ᐃᓕᓐᓂᐊᕐᑎᑦ ᑲᑎᖁᕔᑦ, ᐱᕙᓪᓕᕈᑎᒃᓴᖏᓐᓂᒃ ᐅᖃᐅᑎᔭᕇᕋᒥᒋᑦ ᒫᓯᑑᓂᐊᒧᑦ ᐊᐅᓪᓚᕐᐳᖅ. 2ᑖᒃᑯᑎᒎᓇᖅ ᐃᖏᕐᕋᒐᒥ ᐃᓄᐃᑦ ᑕᒫᓃᑦᑐᑦ ᐱᕙᓪᓕᕈᑎᒃᓴᖏᓐᓂᒃ ᐊᔪᕆᕐᑐᒻᒪᕆᓚᐅᕐᓗᒋᑦ, ᑭᖑᕐᖓᒍᑦ ᒍᕇᓯᒧᐊᕐᐳᖅ ᐊᑬᐊᒦᑦᑐᒧᑦ, 3ᑕᕝᕙᓃᓕᕐᐳᖅ ᑕᖅᑭᓂᒃ ᐱᖓᓱᓂᒃ, ᖃᐅᔨᒐᒥ ᑐᖁᑕᐅᔪᒪᓂᕐᒥᓂᒃ ᔫᑎᓄᑦ; ᓯᕆᐊᒧᑦ ᐊᐅᓪᓚᑐᐃᓐᓇᕆᐊᖃᓕᕐᓗᓂ; ᒫᓯᑑᓂᐊᒃᑰᕐᓗᓂ ᐅᑎᖔᕈᒪᓕᕐᐳᖅ. 4ᓱᐹᑎᕆ ᐰᕋᓯᐅᑉ ᐃᕐᓂᖓ ᐱᕆᐊᒥᐅᖅ ᐃᓚᒋᕚ, ᐊᕆᔅᑕᑰᓯᓗ ᓯᑲᓐᑐᓯᓗ ᑎᓴᓗᓁᑲᒥᐅᒃ, ᒊᐊᓯᓗ ᑑᕆᐱᒥᐅᖅ, ᑍᑭᑰᓯᓗ ᑐᕉᐱᒨᓯᓗ ᐂᓯᐊᒥᐅᑖᒃ, ᑎᒧᑎᓗ. 5ᑖᒃᑯᐊᓗ ᓯᕗᓂᑦᑎᓐᓂ ᐊᐅᓪᓚᕋᒥᒃ ᑐᕈᐊᓯᒥ ᐅᑕᖅᑭᓕᕐᐹᑎᒍᑦ. 6ᐱᓕᐰᒥᑦ ᐅᒥᐊᕐᑐᓕᕐᐳᒍᑦ ᓇᓪᓕᐅᓐᓂᕐᓯᐅᕇᕋᑦᑕ ᐳᕙᓪᓚᖅᑯᑎᖃᖏᑦᑐᓂᒃ ᓂᐊᖂᔭᕐᑐᕐᕕᖕᒥᒃ, ᐅᓪᓗᑦ ᑕᓪᓕᒪᑦ ᓈᖕᒪᑕ ᐃᓚᕗᑦ ᑎᑭᑉᐸᕗᑦ ᑐᕈᐊᓯᒦᑦᑐᑦ, ᑕᕝᕙᓃᓕᕐᐳᒍᑦ ᐱᓇᓱᐊᕈᓯᓕᒫᒥᒃ.
ᐸᐅᓗᓯᐅᑉ ᑭᖑᓪᓕᕐᐹᒥ ᓂᐅᕐᕈᓂᖓ ᑐᕈᐊᓯᒧᑦ
7ᓴᐸᑎᐅᑉ ᐅᓐᓄᖓᓂ ᑲᑎᓪᓗᑕ ᓂᕆᖃᑎᒌᒋᐊᕐᑐᕐᐳᒍᑦ, ᐸᐅᓗᓯ ᖃᐅᒃᐹᕋᒥ, ᐃᓄᐃᑦ ᐅᖃᓪᓚᒃᕕᒋᓕᕐᐰᑦ; ᐅᓐᓄᐊᑉ ᕿᑎᕋᕐᓂᖓ ᑎᑭᓪᓗᒍ. 8ᐃᒡᓗᒥ ᖁᓕᕇᖕᒦᒃᑲᑦᑕ ᑲᑎᒪᕕᒋᔭᕗᑦ ᖃᐅᒪᑎᑕᐅᕗᖅ ᓇᓂᕈᐊᓄᑦ ᐅᓄᕐᑐᓄᑦ. 9ᐃᓅᓱᒃᑐᖅ ᐊᖑᑦ ᐃᐅᑎᑲᓯᒥᒃ ᐊᑎᓕᒃ ᐃᒐᓛᕐᒥ ᐃᒃᓯᕙᕗᖅ ᐸᐅᓗᓯ ᐊᑯᓂ ᐅᖃᓪᓚᒃᑎᓪᓗᒍ. ᑖᓐᓇ ᐃᖁᒻᒪᔪᓐᓁᓪᓕᒐᒥ ᓯᓂᓕᕐᐳᖅ; ᐃᒐᓛᕐᒥᑦ ᐃᔪᒃᑲᕐᐳᖅ ᓄᓇᒧᑦ ᐃᒡᓘᑉ ᖁᓕᕇᑉ ᐱᖓᔪᐊᓐᓂᑦ, ᐅᐸᒃᑲᒥᑦᔪᒃ ᑎᒍᕚᑦ ᑐᖁᖓᓕᕐᑐᖅ. 10ᐸᐅᓗᓯ ᑕᐅᓄᓐᖓᕋᒥ ᐅᑯᕕᒋᓪᓗᒍ ᐃᕿᑉᐹ, ᐅᖃᕐᓗᓂ, “ᐅᐃᒪᔮᖏᓪᓗᓯ, ᑕᕐᓂᖓ ᓱᓕ ᑕᕝᕙᓃᒻᒪᑦ.” 11ᐃᒡᓗᒧᑦ ᓇᔪᕐᑕᒥᖕᓄᑦ ᐅᑎᕋᒥᒃ ᐸᐅᓗᓯᐅᑉ ᓂᐊᖂᔭᖅ ᐊᕕᒃᐹ ᓂᕆᓪᓗᑎᒡᓗ, ᓱᓕ ᐊᑯᓂ ᐅᖃᕐᕕᒋᓚᐅᕐᓗᒋᑦ, ᓯᕿᓂᐅᑉ ᓄᐃᓕᕐᓂᖓ ᑎᑭᓪᓗᒍ, ᐸᐅᓗᓯᐅᓪᓗ ᕿᒪᓕᕐᐰᑦ. 12ᐃᓄᐃᑦ ᐃᓅᓱᒃᑐᖅ ᑖᓐᓇ ᖃᓄᐃᑦᑐᓐᓃᕐᑐᖅ ᐊᖏᕐᕋᐅᑎᕚᑦ, ᐊᖏᔪᒥᒃ ᓮᒻᒪᕐᑎᑕᐅᓪᓗᑎᒃ.
ᑐᕈᐊᓯᒥᑦ ᒥᓕᑑᓯᒧᑦ
13ᐅᒥᐊᕐᔪᐊᒃᑯᑦ ᓯᕗᓪᓕᐅᓪᓗᑕ ᐊᐅᓪᓚᕐᐳᒍᑦ ᐋᓱᓯᒧᑦ, ᑍᑲᓂ ᐸᐅᓗᓯ ᐃᑭᔪᒪᓯᒪᖕᒪᑦ; ᑍᒫᒃ ᐅᖃᐅᑎᓚᐅᕐᒪᑎᒍᑦ, ᓇᖕᒥᓂᖅ ᓄᓇᒃᑯᑦ ᑍᑯᓐᖓᕈᒪᓪᓗᓂ. 14ᑍᑲᓂᓗ ᐋᓱᓯᒥ ᑲᑎᒐᑦᑎᒍ, ᐅᕙᑦᑎᓐᓄᑦ ᐃᑭᕗᖅ, ᒥᑍᓕᓃᒧᑦ ᐊᐅᓪᓚᕐᐳᒍᑦ. 15ᑕᕝᕙᓐᖓᑦ ᐅᒥᐊᕐᑐᓕᕐᒥᒐᑦᑕ ᖃᐅᑎᓪᓗᒍ ᑬᐅᓯᐅᑉ ᐊᑭᐊᓄᑦ ᑎᑭᑉᐳᒍᑦ; ᖃᐅᒃᑲᓐᓂᕐᑎᓪᓗᒍᓗ ᓵᒧᓯᒧᑦ ᑎᑭᑉᐳᒍᑦ, ᐊᒻᒪ ᓱᓕ ᖃᐅᒃᑲᓐᓂᕐᑎᓪᓗᒍ ᒥᓕᑑᓯᒧᑦ ᑎᑭᑉᐳᒍᑦ. 16ᐸᐅᓗᓯ ᐅᖃᕐᓯᒪᖕᒪᑦ ᐃᐱᓲᓯ ᖄᖐᓐᓇᕈᒪᓪᓗᒍ ᐂᓯᐊᒦᑐᐃᓐᓇᕈᒪᓇᓂ; ᑐᐊᕕᓕᕋᒥ ᐊᔪᕐᓇᖏᑉᐸᑦ ᐱᓐᑎᑰᔅᑎᒥ ᔨᕉᓴᓕᒻᒦᑦᑐᒪᓪᓗᓂ.
ᐸᐅᓗᓯᐅᑉ ᑕᕝᕙᐅᕗᑏᕐᓂᖓ ᐃᐱᓲᓯᒥᐅᑦ ᐅᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ
17ᒥᓕᑑᓯᒥᑦ ᐸᐅᓗᓯ ᐅᖃᕆᐊᕐᑐᕐᑎᑦᓯᕗᖅ ᐅᒃᐱᕐᑑᖃᑎᒌᑦ ᓯᕗᓕᕐᑎᖏᓐᓄᑦ ᐃᐱᓲᓯᒧᑦ ᑲᑎᖃᑎᒋᔪᒪᓪᓗᒋᑦ. 18ᑎᑭᒻᒪᑕ ᐅᖃᕐᕕᒋᓕᕐᐰᑦ: “ᖃᐅᔨᒪᕗᓯ ᐃᓕᑦᓯᓐᓃᑎᓪᓗᖓ ᐱᓂᐊᕐᓂᕆᓚᐅᕐᑕᓐᓂᒃ ᐂᓯᐊᒧᐊᕐᕕᒋᓚᐅᕐᑕᕋ ᐱᒋᐊᕐᓗᒍ, 19ᐊᑕᓂᕐᒥᒃ ᐱᔨᑦᓯᓚᐅᕐᐳᖓ ᓇᓗᖅᑯᑎᒻᒪᕆᒃᓗᖓ ᖁᕝᕕᐅᖃᑕᕐᓗᖓ, ᐅᖁᒤᑦᑐᑰᖃᑦᑕᕐᓂᓐᓄᑦ ᔫᑎᓄᑦ ᑐᖁᑕᐅᔪᒪᖃᑦᑕᕐᓂᓐᓄᑦ; 20ᐅᖃᕐᑍᓕᕙᓚᐅᓐᖏᓚᖓᓗ ᑲᓐᖑᓱᖕᓇᖓ ᐃᓕᑦᓯᓐᓄᑦ ᐱᕚᓕᕈᑕᐅᔪᓐᓇᕐᑐᓂᒃ ᐊᔪᕆᕐᑐᐃᖃᑦᑕᕐᓗᖓᓗ ᐃᓄᐃᑦ ᓵᖏᓐᓂ, ᐃᓪᓗᖏᓐᓂᓗ. 21ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ. 22ᒫᓐᓇ ᑕᑯᒋᑦ, ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐱᖁᔭᐅᓂᓐᓄᑦ ᔨᕉᓴᓕᒻᒧᐊᕐᓂᐊᕐᐳᖓ, ᖃᐅᔨᒪᓇᖓ ᑍᑲᓂ ᖃᓄᐃᑕᐅᓂᐊᕐᒪᖔᕐᒪ; 23ᑭᓯᐊᓂ ᖃᐅᔨᒪᕗᖓ ᐊᓂᕐᓂᖅ ᐃᑦᔪᕐᓁᑦᑐᖅ ᓇᓗᓁᕐᓯᖕᒪᑦ ᑎᒍᔭᐅᓯᒪᓃᑦ ᐋᓐᓂᐊᑎᑕᐅᓃᓪᓗ ᐅᑕᖅᑭᖕᒪᑕ ᐅᕙᓐᓂᒃ ᓄᓇᓕᓕᒫᓂ. 24#2 ᑎᒧᑎ 4:7.ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.
25“ᒫᓐᓇ ᑕᑯᒋᑦ, ᐃᓕᑦᓯᓐᓄᑦ ᐊᔪᕆᕐᑐᐃᖃᑦᑕᓚᐅᕐᑐᖓ ᒎᑎᐅᑉ ᐊᑕᓂᐅᕕᖓᓂᒃ ᖃᐅᔨᒪᕗᖓ ᑕᑯᒃᑲᓐᓂᕐᓂᐊᕈᓐᓃᕋᑦᓯᓐᖓ. 26ᑍᒤᒻᒪᑦ ᐅᓪᓗᒥ ᐅᖃᐅᑎᕙᑦᓯ ᐸᓯᔭᒃᓴᐅᓂᐊᕈᓐᓃᕐᐳᖓ ᑕᕐᓂᓯ ᐱᑦᔪᑎᒋᓪᓗᒋᑦ, 27ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ. 28ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ. 29ᖃᐅᔨᒪᕗᖓ ᐊᐅᓪᓚᕈᒪ ᐊᒪᕈᐃᑦ ᐃᕐᓯᓇᕐᑐᑦ ᐊᑯᓐᓇᑦᓯᓐᓄᐊᕈᒫᕐᒪᑕ, ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᐊᒃᑐᕐᑕᐅᖏᑦᑐᖃᕐᓂᐊᓐᖏᓚᑦ; 30ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ. 31ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.
32“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ. 33ᑮᓇᐅᔭᓂᒃ ᐊᓐᓄᕌᒃᓴᓂᒡᓘᓐᓃᑦ ᐃᓕᑦᓯᓐᓂᑦ ᕿᓄᓚᐅᓐᖏᓚᖓ. 34ᓇᖕᒥᓂᖅ ᖃᐅᔨᒪᕗᓯ ᐱᓇᓱᐊᖃᑦᑕᕐᓯᒪᒐᒪ ᓇᖕᒥᓂᖅ ᐃᓅᑦᔪᑎᒃᓴᓐᓂᒃ, ᐃᓚᒋᔭᒪᓗ ᐃᓅᑦᔪᑎᒃᓴᖏᓐᓂᒃ. 35ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”
36ᐸᐅᓗᓯ ᑕᒪᒃᑯᓂᖓ ᐅᖃᕇᕋᒥ ᓰᖅᑯᕐᓗᓂ ᑐᒃᓯᐊᖃᑎᒋᕔᑦ. 37ᐊᑕᖏᕐᖢᑎᒃ ᑕᕝᕙᐅᕗᑏᓕᕋᒥᒃ ᖁᕝᕕᐅᕐᐳᑦ ᐸᐅᓗᓯ ᐃᕿᓪᓗᒍ ᑯᓂᒃᐹᑦ, 38ᑕᑯᒃᑲᓐᓂᕐᓂᐊᕈᓐᓃᕐᓂᕋᕐᓗᒋᑦ ᐅᖃᓚᐅᕐᓂᖓ ᕿᒃᓵᒍᑎᒋᓗᐊᕐᐹᑦ. ᐅᒥᐊᕐᔪᐊᒧᑦ ᑎᑭᓪᓗᑎᒃ ᖃᓂᐅᕐᐹᑦ.
Currently Selected:
ᐋᐴᓯᑕᓖᑦ ᐱᓂᐊᕐᓂᖏᑦ 20: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 20
20
ᐸᐅᓗᓯᐅᑉ ᒫᓯᑑᓂᐊᒧᐊᕐᓂᖓ ᐊᑬᐊᒧᓪᓗ
1ᐃᓄᐃᑦ ᐅᐃᒪᔮᕐᓂᐊᓗᐊᑦ ᓄᖅᑲᕐᒪᑦ, ᐸᐅᓗᓯᐅᑉ ᐃᓕᓐᓂᐊᕐᑎᑦ ᑲᑎᖁᕔᑦ, ᐱᕙᓪᓕᕈᑎᒃᓴᖏᓐᓂᒃ ᐅᖃᐅᑎᔭᕇᕋᒥᒋᑦ ᒫᓯᑑᓂᐊᒧᑦ ᐊᐅᓪᓚᕐᐳᖅ. 2ᑖᒃᑯᑎᒎᓇᖅ ᐃᖏᕐᕋᒐᒥ ᐃᓄᐃᑦ ᑕᒫᓃᑦᑐᑦ ᐱᕙᓪᓕᕈᑎᒃᓴᖏᓐᓂᒃ ᐊᔪᕆᕐᑐᒻᒪᕆᓚᐅᕐᓗᒋᑦ, ᑭᖑᕐᖓᒍᑦ ᒍᕇᓯᒧᐊᕐᐳᖅ ᐊᑬᐊᒦᑦᑐᒧᑦ, 3ᑕᕝᕙᓃᓕᕐᐳᖅ ᑕᖅᑭᓂᒃ ᐱᖓᓱᓂᒃ, ᖃᐅᔨᒐᒥ ᑐᖁᑕᐅᔪᒪᓂᕐᒥᓂᒃ ᔫᑎᓄᑦ; ᓯᕆᐊᒧᑦ ᐊᐅᓪᓚᑐᐃᓐᓇᕆᐊᖃᓕᕐᓗᓂ; ᒫᓯᑑᓂᐊᒃᑰᕐᓗᓂ ᐅᑎᖔᕈᒪᓕᕐᐳᖅ. 4ᓱᐹᑎᕆ ᐰᕋᓯᐅᑉ ᐃᕐᓂᖓ ᐱᕆᐊᒥᐅᖅ ᐃᓚᒋᕚ, ᐊᕆᔅᑕᑰᓯᓗ ᓯᑲᓐᑐᓯᓗ ᑎᓴᓗᓁᑲᒥᐅᒃ, ᒊᐊᓯᓗ ᑑᕆᐱᒥᐅᖅ, ᑍᑭᑰᓯᓗ ᑐᕉᐱᒨᓯᓗ ᐂᓯᐊᒥᐅᑖᒃ, ᑎᒧᑎᓗ. 5ᑖᒃᑯᐊᓗ ᓯᕗᓂᑦᑎᓐᓂ ᐊᐅᓪᓚᕋᒥᒃ ᑐᕈᐊᓯᒥ ᐅᑕᖅᑭᓕᕐᐹᑎᒍᑦ. 6ᐱᓕᐰᒥᑦ ᐅᒥᐊᕐᑐᓕᕐᐳᒍᑦ ᓇᓪᓕᐅᓐᓂᕐᓯᐅᕇᕋᑦᑕ ᐳᕙᓪᓚᖅᑯᑎᖃᖏᑦᑐᓂᒃ ᓂᐊᖂᔭᕐᑐᕐᕕᖕᒥᒃ, ᐅᓪᓗᑦ ᑕᓪᓕᒪᑦ ᓈᖕᒪᑕ ᐃᓚᕗᑦ ᑎᑭᑉᐸᕗᑦ ᑐᕈᐊᓯᒦᑦᑐᑦ, ᑕᕝᕙᓃᓕᕐᐳᒍᑦ ᐱᓇᓱᐊᕈᓯᓕᒫᒥᒃ.
ᐸᐅᓗᓯᐅᑉ ᑭᖑᓪᓕᕐᐹᒥ ᓂᐅᕐᕈᓂᖓ ᑐᕈᐊᓯᒧᑦ
7ᓴᐸᑎᐅᑉ ᐅᓐᓄᖓᓂ ᑲᑎᓪᓗᑕ ᓂᕆᖃᑎᒌᒋᐊᕐᑐᕐᐳᒍᑦ, ᐸᐅᓗᓯ ᖃᐅᒃᐹᕋᒥ, ᐃᓄᐃᑦ ᐅᖃᓪᓚᒃᕕᒋᓕᕐᐰᑦ; ᐅᓐᓄᐊᑉ ᕿᑎᕋᕐᓂᖓ ᑎᑭᓪᓗᒍ. 8ᐃᒡᓗᒥ ᖁᓕᕇᖕᒦᒃᑲᑦᑕ ᑲᑎᒪᕕᒋᔭᕗᑦ ᖃᐅᒪᑎᑕᐅᕗᖅ ᓇᓂᕈᐊᓄᑦ ᐅᓄᕐᑐᓄᑦ. 9ᐃᓅᓱᒃᑐᖅ ᐊᖑᑦ ᐃᐅᑎᑲᓯᒥᒃ ᐊᑎᓕᒃ ᐃᒐᓛᕐᒥ ᐃᒃᓯᕙᕗᖅ ᐸᐅᓗᓯ ᐊᑯᓂ ᐅᖃᓪᓚᒃᑎᓪᓗᒍ. ᑖᓐᓇ ᐃᖁᒻᒪᔪᓐᓁᓪᓕᒐᒥ ᓯᓂᓕᕐᐳᖅ; ᐃᒐᓛᕐᒥᑦ ᐃᔪᒃᑲᕐᐳᖅ ᓄᓇᒧᑦ ᐃᒡᓘᑉ ᖁᓕᕇᑉ ᐱᖓᔪᐊᓐᓂᑦ, ᐅᐸᒃᑲᒥᑦᔪᒃ ᑎᒍᕚᑦ ᑐᖁᖓᓕᕐᑐᖅ. 10ᐸᐅᓗᓯ ᑕᐅᓄᓐᖓᕋᒥ ᐅᑯᕕᒋᓪᓗᒍ ᐃᕿᑉᐹ, ᐅᖃᕐᓗᓂ, “ᐅᐃᒪᔮᖏᓪᓗᓯ, ᑕᕐᓂᖓ ᓱᓕ ᑕᕝᕙᓃᒻᒪᑦ.” 11ᐃᒡᓗᒧᑦ ᓇᔪᕐᑕᒥᖕᓄᑦ ᐅᑎᕋᒥᒃ ᐸᐅᓗᓯᐅᑉ ᓂᐊᖂᔭᖅ ᐊᕕᒃᐹ ᓂᕆᓪᓗᑎᒡᓗ, ᓱᓕ ᐊᑯᓂ ᐅᖃᕐᕕᒋᓚᐅᕐᓗᒋᑦ, ᓯᕿᓂᐅᑉ ᓄᐃᓕᕐᓂᖓ ᑎᑭᓪᓗᒍ, ᐸᐅᓗᓯᐅᓪᓗ ᕿᒪᓕᕐᐰᑦ. 12ᐃᓄᐃᑦ ᐃᓅᓱᒃᑐᖅ ᑖᓐᓇ ᖃᓄᐃᑦᑐᓐᓃᕐᑐᖅ ᐊᖏᕐᕋᐅᑎᕚᑦ, ᐊᖏᔪᒥᒃ ᓮᒻᒪᕐᑎᑕᐅᓪᓗᑎᒃ.
ᑐᕈᐊᓯᒥᑦ ᒥᓕᑑᓯᒧᑦ
13ᐅᒥᐊᕐᔪᐊᒃᑯᑦ ᓯᕗᓪᓕᐅᓪᓗᑕ ᐊᐅᓪᓚᕐᐳᒍᑦ ᐋᓱᓯᒧᑦ, ᑍᑲᓂ ᐸᐅᓗᓯ ᐃᑭᔪᒪᓯᒪᖕᒪᑦ; ᑍᒫᒃ ᐅᖃᐅᑎᓚᐅᕐᒪᑎᒍᑦ, ᓇᖕᒥᓂᖅ ᓄᓇᒃᑯᑦ ᑍᑯᓐᖓᕈᒪᓪᓗᓂ. 14ᑍᑲᓂᓗ ᐋᓱᓯᒥ ᑲᑎᒐᑦᑎᒍ, ᐅᕙᑦᑎᓐᓄᑦ ᐃᑭᕗᖅ, ᒥᑍᓕᓃᒧᑦ ᐊᐅᓪᓚᕐᐳᒍᑦ. 15ᑕᕝᕙᓐᖓᑦ ᐅᒥᐊᕐᑐᓕᕐᒥᒐᑦᑕ ᖃᐅᑎᓪᓗᒍ ᑬᐅᓯᐅᑉ ᐊᑭᐊᓄᑦ ᑎᑭᑉᐳᒍᑦ; ᖃᐅᒃᑲᓐᓂᕐᑎᓪᓗᒍᓗ ᓵᒧᓯᒧᑦ ᑎᑭᑉᐳᒍᑦ, ᐊᒻᒪ ᓱᓕ ᖃᐅᒃᑲᓐᓂᕐᑎᓪᓗᒍ ᒥᓕᑑᓯᒧᑦ ᑎᑭᑉᐳᒍᑦ. 16ᐸᐅᓗᓯ ᐅᖃᕐᓯᒪᖕᒪᑦ ᐃᐱᓲᓯ ᖄᖐᓐᓇᕈᒪᓪᓗᒍ ᐂᓯᐊᒦᑐᐃᓐᓇᕈᒪᓇᓂ; ᑐᐊᕕᓕᕋᒥ ᐊᔪᕐᓇᖏᑉᐸᑦ ᐱᓐᑎᑰᔅᑎᒥ ᔨᕉᓴᓕᒻᒦᑦᑐᒪᓪᓗᓂ.
ᐸᐅᓗᓯᐅᑉ ᑕᕝᕙᐅᕗᑏᕐᓂᖓ ᐃᐱᓲᓯᒥᐅᑦ ᐅᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ
17ᒥᓕᑑᓯᒥᑦ ᐸᐅᓗᓯ ᐅᖃᕆᐊᕐᑐᕐᑎᑦᓯᕗᖅ ᐅᒃᐱᕐᑑᖃᑎᒌᑦ ᓯᕗᓕᕐᑎᖏᓐᓄᑦ ᐃᐱᓲᓯᒧᑦ ᑲᑎᖃᑎᒋᔪᒪᓪᓗᒋᑦ. 18ᑎᑭᒻᒪᑕ ᐅᖃᕐᕕᒋᓕᕐᐰᑦ: “ᖃᐅᔨᒪᕗᓯ ᐃᓕᑦᓯᓐᓃᑎᓪᓗᖓ ᐱᓂᐊᕐᓂᕆᓚᐅᕐᑕᓐᓂᒃ ᐂᓯᐊᒧᐊᕐᕕᒋᓚᐅᕐᑕᕋ ᐱᒋᐊᕐᓗᒍ, 19ᐊᑕᓂᕐᒥᒃ ᐱᔨᑦᓯᓚᐅᕐᐳᖓ ᓇᓗᖅᑯᑎᒻᒪᕆᒃᓗᖓ ᖁᕝᕕᐅᖃᑕᕐᓗᖓ, ᐅᖁᒤᑦᑐᑰᖃᑦᑕᕐᓂᓐᓄᑦ ᔫᑎᓄᑦ ᑐᖁᑕᐅᔪᒪᖃᑦᑕᕐᓂᓐᓄᑦ; 20ᐅᖃᕐᑍᓕᕙᓚᐅᓐᖏᓚᖓᓗ ᑲᓐᖑᓱᖕᓇᖓ ᐃᓕᑦᓯᓐᓄᑦ ᐱᕚᓕᕈᑕᐅᔪᓐᓇᕐᑐᓂᒃ ᐊᔪᕆᕐᑐᐃᖃᑦᑕᕐᓗᖓᓗ ᐃᓄᐃᑦ ᓵᖏᓐᓂ, ᐃᓪᓗᖏᓐᓂᓗ. 21ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ. 22ᒫᓐᓇ ᑕᑯᒋᑦ, ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐱᖁᔭᐅᓂᓐᓄᑦ ᔨᕉᓴᓕᒻᒧᐊᕐᓂᐊᕐᐳᖓ, ᖃᐅᔨᒪᓇᖓ ᑍᑲᓂ ᖃᓄᐃᑕᐅᓂᐊᕐᒪᖔᕐᒪ; 23ᑭᓯᐊᓂ ᖃᐅᔨᒪᕗᖓ ᐊᓂᕐᓂᖅ ᐃᑦᔪᕐᓁᑦᑐᖅ ᓇᓗᓁᕐᓯᖕᒪᑦ ᑎᒍᔭᐅᓯᒪᓃᑦ ᐋᓐᓂᐊᑎᑕᐅᓃᓪᓗ ᐅᑕᖅᑭᖕᒪᑕ ᐅᕙᓐᓂᒃ ᓄᓇᓕᓕᒫᓂ. 24#2 ᑎᒧᑎ 4:7.ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.
25“ᒫᓐᓇ ᑕᑯᒋᑦ, ᐃᓕᑦᓯᓐᓄᑦ ᐊᔪᕆᕐᑐᐃᖃᑦᑕᓚᐅᕐᑐᖓ ᒎᑎᐅᑉ ᐊᑕᓂᐅᕕᖓᓂᒃ ᖃᐅᔨᒪᕗᖓ ᑕᑯᒃᑲᓐᓂᕐᓂᐊᕈᓐᓃᕋᑦᓯᓐᖓ. 26ᑍᒤᒻᒪᑦ ᐅᓪᓗᒥ ᐅᖃᐅᑎᕙᑦᓯ ᐸᓯᔭᒃᓴᐅᓂᐊᕈᓐᓃᕐᐳᖓ ᑕᕐᓂᓯ ᐱᑦᔪᑎᒋᓪᓗᒋᑦ, 27ᐅᖃᕐᑍᓕᒪᓚᐅᖏᓐᓇᒪ ᐃᓕᑦᓯᓐᓄᑦ ᒎᑎᐅᑉ ᐊᑐᕐᑕᐅᖁᔭᓕᒫᖏᓐᓂᒃ. 28ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ. 29ᖃᐅᔨᒪᕗᖓ ᐊᐅᓪᓚᕈᒪ ᐊᒪᕈᐃᑦ ᐃᕐᓯᓇᕐᑐᑦ ᐊᑯᓐᓇᑦᓯᓐᓄᐊᕈᒫᕐᒪᑕ, ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᐊᒃᑐᕐᑕᐅᖏᑦᑐᖃᕐᓂᐊᓐᖏᓚᑦ; 30ᐃᓄᒃᑕᖃᓕᕈᒫᕐᒪᑦ ᐊᑯᓐᓇᑦᓯᓐᓂᑦ ᐱᔪᓂᒃ ᓱᓕᖏᑦᑐᒥᒃ ᐊᔪᕆᕐᑐᐃᖃᑦᑕᕐᑐᓂᒃ, ᒪᓕᒃᑎᑖᕋᓱᐊᕐᓗᑎᒃ ᐃᓕᓐᓂᐊᕐᑎᓂᒃ. 31ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.
32“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ. 33ᑮᓇᐅᔭᓂᒃ ᐊᓐᓄᕌᒃᓴᓂᒡᓘᓐᓃᑦ ᐃᓕᑦᓯᓐᓂᑦ ᕿᓄᓚᐅᓐᖏᓚᖓ. 34ᓇᖕᒥᓂᖅ ᖃᐅᔨᒪᕗᓯ ᐱᓇᓱᐊᖃᑦᑕᕐᓯᒪᒐᒪ ᓇᖕᒥᓂᖅ ᐃᓅᑦᔪᑎᒃᓴᓐᓂᒃ, ᐃᓚᒋᔭᒪᓗ ᐃᓅᑦᔪᑎᒃᓴᖏᓐᓂᒃ. 35ᓇᖕᒥᓂᖅ ᖃᐅᔨᑎᓚᐅᕐᐸᑦᓯ ᐊᒃᓱᕈᕐᓂᑦᑎᓐᓄᑦ ᐱᓇᓱᐊᕐᓗᑕ ᓴᓐᖐᑦᑐᓂᒃ ᐃᑲᔪᕆᐊᖃᕋᑦᑕ, ᐊᑕᓂᐅᑉ ᔩᓱᓯᐅᑉ ᐅᖃᐅᓯᖏᑦ ᐃᖅᑲᕐᓗᒋᑦ ᐅᖃᕐᓯᒪᖕᒪᑦ, ‘ᑐᓂᓯᓂᖅ ᓮᒻᒪᕐᑎᑕᐅᓇᕐᓂᕐᓴᐅᕗᖅ ᐂᑦᑐᕐᑕᐅᓂᕐᒥᑦ.’”
36ᐸᐅᓗᓯ ᑕᒪᒃᑯᓂᖓ ᐅᖃᕇᕋᒥ ᓰᖅᑯᕐᓗᓂ ᑐᒃᓯᐊᖃᑎᒋᕔᑦ. 37ᐊᑕᖏᕐᖢᑎᒃ ᑕᕝᕙᐅᕗᑏᓕᕋᒥᒃ ᖁᕝᕕᐅᕐᐳᑦ ᐸᐅᓗᓯ ᐃᕿᓪᓗᒍ ᑯᓂᒃᐹᑦ, 38ᑕᑯᒃᑲᓐᓂᕐᓂᐊᕈᓐᓃᕐᓂᕋᕐᓗᒋᑦ ᐅᖃᓚᐅᕐᓂᖓ ᕿᒃᓵᒍᑎᒋᓗᐊᕐᐹᑦ. ᐅᒥᐊᕐᔪᐊᒧᑦ ᑎᑭᓪᓗᑎᒃ ᖃᓂᐅᕐᐹᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.