ᐋᐴᓯᑕᓖᑦ ᐱᓂᐊᕐᓂᖏᑦ 17
17
ᐸᐅᓗᓯᐅᑉ ᓮᓚᓯᐅᓪᓗ ᑎᓴᓗᓁᑲᒥ ᐱᓇᓱᐊᕐᓂᖓᑦ
1ᐸᐅᓗᓯᒃᑯᒃ ᓮᓚᓯᒃᑯᒃ ᐃᖏᕐᕋᕘᒃ ᐊᒻᐱᐴᓕᔅ ᐊᐴᓗᓂᐊᓗ ᐊᖅᑯᓵᕐᓗᒋᒃ, ᑎᓴᓗᓁᑲᒧᐊᕐᐴᒃ, ᑕᕝᕙᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖃᕐᒪᑕ. 2ᐸᐅᓗᓯ ᑍᒫᒃ ᐃᓕᖅᑯᓯᖃᕐᐸᒃᑲᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᖅ, ᐱᓇᓱᐊᕈᓯᕐᓂᒃ ᐱᖓᓱᓂᒃ ᑕᕝᕙᓂ ᐅᖃᖃᑎᒋᖃᑦᑕᕐᐰᑦ ᒎᑎᐅᑉ ᐅᖃᐅᓯᖏᓐᓂᒃ ᑕᑯᖃᑎᒋᖃᑦᑕᕐᓗᒋᑦ, 3ᑐᑭᖏᓐᓂᒃ ᐅᖃᐅᑦᔨᓪᓗᓂ ᖁᓚᕐᓇᕈᓐᓃᕐᑎᑦᓯᓪᓗᓂ ᙭ᔅᑑᓯᐅᑉ ᐋᓐᓂᐊᑎᑕᐅᔭᕆᐊᖃᓚᐅᕐᓂᖓᓂᒃ ᒪᑭᒋᐊᖃᓚᐅᕐᓂᖓᓂᒃᓗ ᑐᖁᒥᑦ, ᐅᖃᕐᓗᓂ, “ᑖᓐᓇ ᔩᓱᓯ, ᐃᓕᑦᓯᓐᓄᑦ ᐅᖃᐅᑎᒋᔭᕋ, ᙭ᔅᑑᓯᐅᕗᖅ.” 4ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.
5ᔫᑎᑦ ᓵᓐᖓᔭᐅᖔᕈᒪᓂᕐᒧᑦ ᓂᓐᖓᐅᒪᓕᕐᐳᑦ, ᓄᐊᑦᓯᓪᓗᑎᒃ ᐃᓄᖕᓂᒃ ᐅᐃᕖᑦᑐᐊᓗᖕᓂᒃ ᐊᖅᑯᑎᓂᑦ ᑕᒫᓐᖓᑦ ᐃᓚᑖᕐᐳᑦ ᐃᓄᒋᐊᒃᓯᓪᓗᑎᒃ, ᐃᒡᓗᒐᓮᑦ ᐅᐃᒪᔮᕐᑎᓕᕐᐰᑦ, ᔧᓴᐅᑉ ᐃᒡᓗᖓᓄᐊᕐᐳᑦ, ᕿᓂᕆᐊᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ, ᐃᓄᖕᓄᑦ ᓴᖅᑭᑎᑦᓱᒪᓪᓗᒋᑦ. 6ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ, 7ᔧᓴᐅᑉ ᐃᓚᓕᐅᕐᓯᒪᕔᑦ ᐃᒡᓗᒥᓄᑦ; ᐊᖓᔪᖅᑳᕐᔪᐊᑉ ᓰᓴᕆᐅᑉ ᐱᖁᔭᖏᓐᓂᒃ ᐊᑭᕋᕐᑐᕐᒪᑕ, ᐊᓯᐊᓂᒃ ᐊᖓᔪᖅᑳᕐᔪᐊᕐᑕᖃᕐᓂᕅᓪᓗᑎᒃ, ᔩᓱᓯᒥᒃ ᐊᑎᓕᖕᒥᒃ.” 8ᐃᓄᐃᑦ ᐊᖓᔪᖅᑳᖑᔪᓪᓗ ᑐᓴᕋᒥᒃ ᐅᐃᒪᔮᕐᑎᑕᐅᓕᕐᐳᑦ. 9ᑮᓇᐅᔭᓂᒃ ᑎᒍᔭᐅᓯᒪᔪᓐᓃᕈᑎᒃᓴᓂᒃ ᐊᑭᓖᑎᓚᐅᕐᓗᒋᑦ ᔧᓴᓐ ᐊᓯᖏᓪᓗ, ᐃᓱᒪᕐᓱᕐᑎᓕᕐᐰᑦ.
ᐱᕆᐊᒥ
10ᐅᓐᓄᐊᖑᓕᕐᒪᑦ, ᐅᒃᐱᕐᑑᖃᑎᒌᑦ ᐸᐅᓗᓯᒃᑯᒃ ᓮᓚᓯᒃᑯᒃ ᐊᐅᓪᓚᕐᑎᓕᕐᐹᑦ ᐱᕆᐊᒧᑦ; ᑍᑯᖓ ᑎᑭᓐᓇᒥᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐴᒃ. 11ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ. 12ᑍᒤᒻᒪᑦ ᐊᒥᓱᑦ ᐅᒃᐱᓕᕐᐳᑦ, ᒍᕇᑭᑦ ᐊᕐᓁᑦ ᐱᓇᓱᐊᕐᑎᒻᒪᕆᐅᔪᑦ, ᐊᖑᑏᓪᓗ ᐅᒃᐱᓕᕆᕗᑦ. 13ᔫᑎᑦ ᑎᓴᓗᓁᑲᒦᑦᑐᑦ ᑐᓴᕋᒥᒃ ᐸᐅᓗᓯ ᐊᔪᕆᕐᑐᐃᖕᒪᑦ ᒎᑎᐅᑉ ᐅᖃᐅᓯᖏᓐᓂᒃ ᐱᕆᐊᒥ, ᑍᑯᖓ ᐂᒋᕗᑦ ᐅᐃᒪᔮᕐᑎᑦᓯᓕᕐᓗᑎᒃ ᐃᓄᒋᐊᒃᑐᓂᒃ. 14ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ. 15ᐸᐅᓗᓯᒥ ᖃᓂᐅᕐᑐᑦ ᒪᓕᓚᐅᕐᐳᑦ ᓄᓇ ᐋᑎᓐᓯᒥᒃ ᐊᑎᓕᒃ ᑎᑭᓪᓗᒍ; ᐱᕆᐊᒧᓪᓗ ᑖᒃᑯᐊ ᐅᑎᕆᐊᓕᕐᒪᑕ ᐸᐅᓗᓯᐅᑉ ᐅᖃᐅᑎᕔᑦ ᓮᓚᓯᒃᑯᒃ ᑎᒧᑎᒃᑯᒃ ᑎᑭᓴᕅᖁᓪᓗᒋᒃ.
ᐋᑎᓐᓯᒥ
16ᐸᐅᓗᓯ ᐋᑎᓐᓯᒥ ᐅᑕᖅᑭᓕᕐᐳᖅ ᓮᓚᓯᒥᒃ ᑎᒧᑎᒥᒡᓗ, ᐊᖏᔪᒥᒃ ᐅᖁᒤᒃᓴᕈᑎᖃᓕᕐᐳᖅ ᓄᓇᓖᑦ ᐅᓄᕐᑐᐊᓗᖕᓂᒃ ᒎᑎᓐᖑᐊᖃᕐᓂᖏᓐᓄᑦ. 17ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ. 18ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?”
ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ. 19ᐸᐅᓗᓯ ᕾᖁᕚᑦ ᓄᓇᓖᑦ ᑲᑎᒪᔨᖏᓐᓄᐊᖁᓪᓗᒍ ᐊᕆᐅᐸᒐᓯᒥᒃ ᑍᔭᐅᔪᒥ ᑲᑎᒪᕙᒃᑐᓄᑦ, ᐅᖃᐅᑎᓪᓗᒍ, “ᖃᐅᔨᔪᒪᒐᑦᑕ ᐊᔪᕆᕐᑐᐃᑦᔪᑎᒋᔧᑦ ᑕᒪᓐᓇ ᓄᑖᖅ ᖃᓄᐃᑦᑑᖕᒪᖔᑦ. 20ᐅᕙᑦᑎᓐᓄᑦ ᑐᓴᓕᒪᓇᖏᑦᑐᓂᒃ ᐃᓚᖓᓂᒃ ᐅᖃᐅᓯᖃᕋᕕᑦ; ᑕᒪᒃᑯᐊ ᖃᓄᖅ ᑐᑭᖃᕐᒪᖔᑕ ᖃᐅᔨᔪᒪᒐᑦᑕ.” 21ᑖᒃᑯᐊ ᐋᑎᓂᓯᒥᐅᑦ ᐊᓯᐊᓂᓪᓗ ᑎᑭᓯᒪᔪᑦ ᑕᕝᕙᓃᑦᑐᑦ ᑍᒪᓐᖓᑦ ᐅᓂᒃᑳᖃᑦᑕᕆᐊᒃᓴᖅ ᓄᑖᓂᒃ ᑐᓴᕆᐊᒃᓴᕐᓗ ᖁᕕᐊᒋᔭᖃᕐᒪᑕ.
22ᐸᐅᓗᓯ ᐊᕆᐅᐸᒐᓯᒥᐅᑉ ᕿᑎᖓᓂ ᓂᑯᕕᓪᓗᓂ ᐅᖃᕐᐳᖅ: “ᐋᑎᓂᓯᒥᐅᖑᔪᓯ, ᖃᐅᔨᒐᒪ ᐅᒃᐱᕐᓂᓕᕆᔪᒻᒪᕆᐊᓘᒐᑦᓯ. 23ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ. 24#ᐊᑕᓃᑦ ᓯᕗᓪᓖᑦ 8:27; ᐂᓮᐊᓯ 42:5; ᐋᐴᓯᑕᓖᑦ 7:48.ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ, 25ᐃᓄᐃᓪᓗ ᐊᒡᒐᖏᓐᓄᑦ ᐱᔨᑦᓯᕐᑕᐅᔭᕆᐊᖃᓐᖏᓚᖅ ᒪᑭᑕᑎᑕᐅᓇᓱᐊᕐᓗᓂ, ᓇᖕᒥᓂᖅ ᐃᓅᓯᖃᕐᑎᑦᓯᖕᒪᑦ ᐃᓄᖕᓂᒃ ᐊᓂᕐᓂᖃᕐᑎᑦᓯᓪᓗᓂᓗ, ᑭᓱᑐᐃᓐᓇᕐᓂᒃ ᐱᖃᕐᑎᑦᓯᓪᓗᓂ. 26ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ, 27ᑍᒤᓕᐅᓚᐅᕐᐳᖅ ᒎᑎᒥᒃ ᕿᓂᖁᓪᓗᒋᑦ, ᐃᒃᐱᒋᓇᓱᐊᕐᓗᒍ ᓇᓂᔭᐅᖁᓪᓗᒍ. ᐅᖓᓯᒋᖏᒻᒪᑎᒍᑦ ᑕᒪᑦᑕ. 28ᐅᖃᐅᓯᐅᓯᒪᖕᒪᑦ,
‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’;
ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ,
‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’
29ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ. 30ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ, 31ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”
32ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.” 33ᑕᕝᕙ ᐸᐅᓗᓯᐅᑉ ᑲᑎᒪᔪᑦ ᕿᒪᒃᐰᑦ. 34ᐊᖑᑏᑦ ᐃᓚᖏᑕ ᐃᓚᒋᓕᕐᐹᑦ ᐅᒃᐱᓕᕐᓗᑎᒃ, ᐅᑯᐊ ᑕᕝᕙ ᐃᓚᖏᑦ ᑎᐅᓂᓯᐊᓯ, ᑲᑎᒪᔨᐅᖃᑕᐅᔪᖅ ᐊᕆᐅᐳᒐᓯᓂ ᐃᓚᐅᓪᓗᓂ, ᐊᕐᓇᕐᓗ ᑖᒪᕇᓯᒥᒃ ᐊᑎᓕᒃ, ᐊᓯᖏᓪᓗ ᐃᓄᐃᑦ ᐃᓚᐅᓕᓚᐅᕆᕗᑦ.
Currently Selected:
ᐋᐴᓯᑕᓖᑦ ᐱᓂᐊᕐᓂᖏᑦ 17: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐋᐴᓯᑕᓖᑦ ᐱᓂᐊᕐᓂᖏᑦ 17
17
ᐸᐅᓗᓯᐅᑉ ᓮᓚᓯᐅᓪᓗ ᑎᓴᓗᓁᑲᒥ ᐱᓇᓱᐊᕐᓂᖓᑦ
1ᐸᐅᓗᓯᒃᑯᒃ ᓮᓚᓯᒃᑯᒃ ᐃᖏᕐᕋᕘᒃ ᐊᒻᐱᐴᓕᔅ ᐊᐴᓗᓂᐊᓗ ᐊᖅᑯᓵᕐᓗᒋᒃ, ᑎᓴᓗᓁᑲᒧᐊᕐᐴᒃ, ᑕᕝᕙᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖃᕐᒪᑕ. 2ᐸᐅᓗᓯ ᑍᒫᒃ ᐃᓕᖅᑯᓯᖃᕐᐸᒃᑲᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᖅ, ᐱᓇᓱᐊᕈᓯᕐᓂᒃ ᐱᖓᓱᓂᒃ ᑕᕝᕙᓂ ᐅᖃᖃᑎᒋᖃᑦᑕᕐᐰᑦ ᒎᑎᐅᑉ ᐅᖃᐅᓯᖏᓐᓂᒃ ᑕᑯᖃᑎᒋᖃᑦᑕᕐᓗᒋᑦ, 3ᑐᑭᖏᓐᓂᒃ ᐅᖃᐅᑦᔨᓪᓗᓂ ᖁᓚᕐᓇᕈᓐᓃᕐᑎᑦᓯᓪᓗᓂ ᙭ᔅᑑᓯᐅᑉ ᐋᓐᓂᐊᑎᑕᐅᔭᕆᐊᖃᓚᐅᕐᓂᖓᓂᒃ ᒪᑭᒋᐊᖃᓚᐅᕐᓂᖓᓂᒃᓗ ᑐᖁᒥᑦ, ᐅᖃᕐᓗᓂ, “ᑖᓐᓇ ᔩᓱᓯ, ᐃᓕᑦᓯᓐᓄᑦ ᐅᖃᐅᑎᒋᔭᕋ, ᙭ᔅᑑᓯᐅᕗᖅ.” 4ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.
5ᔫᑎᑦ ᓵᓐᖓᔭᐅᖔᕈᒪᓂᕐᒧᑦ ᓂᓐᖓᐅᒪᓕᕐᐳᑦ, ᓄᐊᑦᓯᓪᓗᑎᒃ ᐃᓄᖕᓂᒃ ᐅᐃᕖᑦᑐᐊᓗᖕᓂᒃ ᐊᖅᑯᑎᓂᑦ ᑕᒫᓐᖓᑦ ᐃᓚᑖᕐᐳᑦ ᐃᓄᒋᐊᒃᓯᓪᓗᑎᒃ, ᐃᒡᓗᒐᓮᑦ ᐅᐃᒪᔮᕐᑎᓕᕐᐰᑦ, ᔧᓴᐅᑉ ᐃᒡᓗᖓᓄᐊᕐᐳᑦ, ᕿᓂᕆᐊᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ, ᐃᓄᖕᓄᑦ ᓴᖅᑭᑎᑦᓱᒪᓪᓗᒋᑦ. 6ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ, 7ᔧᓴᐅᑉ ᐃᓚᓕᐅᕐᓯᒪᕔᑦ ᐃᒡᓗᒥᓄᑦ; ᐊᖓᔪᖅᑳᕐᔪᐊᑉ ᓰᓴᕆᐅᑉ ᐱᖁᔭᖏᓐᓂᒃ ᐊᑭᕋᕐᑐᕐᒪᑕ, ᐊᓯᐊᓂᒃ ᐊᖓᔪᖅᑳᕐᔪᐊᕐᑕᖃᕐᓂᕅᓪᓗᑎᒃ, ᔩᓱᓯᒥᒃ ᐊᑎᓕᖕᒥᒃ.” 8ᐃᓄᐃᑦ ᐊᖓᔪᖅᑳᖑᔪᓪᓗ ᑐᓴᕋᒥᒃ ᐅᐃᒪᔮᕐᑎᑕᐅᓕᕐᐳᑦ. 9ᑮᓇᐅᔭᓂᒃ ᑎᒍᔭᐅᓯᒪᔪᓐᓃᕈᑎᒃᓴᓂᒃ ᐊᑭᓖᑎᓚᐅᕐᓗᒋᑦ ᔧᓴᓐ ᐊᓯᖏᓪᓗ, ᐃᓱᒪᕐᓱᕐᑎᓕᕐᐰᑦ.
ᐱᕆᐊᒥ
10ᐅᓐᓄᐊᖑᓕᕐᒪᑦ, ᐅᒃᐱᕐᑑᖃᑎᒌᑦ ᐸᐅᓗᓯᒃᑯᒃ ᓮᓚᓯᒃᑯᒃ ᐊᐅᓪᓚᕐᑎᓕᕐᐹᑦ ᐱᕆᐊᒧᑦ; ᑍᑯᖓ ᑎᑭᓐᓇᒥᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐴᒃ. 11ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ. 12ᑍᒤᒻᒪᑦ ᐊᒥᓱᑦ ᐅᒃᐱᓕᕐᐳᑦ, ᒍᕇᑭᑦ ᐊᕐᓁᑦ ᐱᓇᓱᐊᕐᑎᒻᒪᕆᐅᔪᑦ, ᐊᖑᑏᓪᓗ ᐅᒃᐱᓕᕆᕗᑦ. 13ᔫᑎᑦ ᑎᓴᓗᓁᑲᒦᑦᑐᑦ ᑐᓴᕋᒥᒃ ᐸᐅᓗᓯ ᐊᔪᕆᕐᑐᐃᖕᒪᑦ ᒎᑎᐅᑉ ᐅᖃᐅᓯᖏᓐᓂᒃ ᐱᕆᐊᒥ, ᑍᑯᖓ ᐂᒋᕗᑦ ᐅᐃᒪᔮᕐᑎᑦᓯᓕᕐᓗᑎᒃ ᐃᓄᒋᐊᒃᑐᓂᒃ. 14ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ. 15ᐸᐅᓗᓯᒥ ᖃᓂᐅᕐᑐᑦ ᒪᓕᓚᐅᕐᐳᑦ ᓄᓇ ᐋᑎᓐᓯᒥᒃ ᐊᑎᓕᒃ ᑎᑭᓪᓗᒍ; ᐱᕆᐊᒧᓪᓗ ᑖᒃᑯᐊ ᐅᑎᕆᐊᓕᕐᒪᑕ ᐸᐅᓗᓯᐅᑉ ᐅᖃᐅᑎᕔᑦ ᓮᓚᓯᒃᑯᒃ ᑎᒧᑎᒃᑯᒃ ᑎᑭᓴᕅᖁᓪᓗᒋᒃ.
ᐋᑎᓐᓯᒥ
16ᐸᐅᓗᓯ ᐋᑎᓐᓯᒥ ᐅᑕᖅᑭᓕᕐᐳᖅ ᓮᓚᓯᒥᒃ ᑎᒧᑎᒥᒡᓗ, ᐊᖏᔪᒥᒃ ᐅᖁᒤᒃᓴᕈᑎᖃᓕᕐᐳᖅ ᓄᓇᓖᑦ ᐅᓄᕐᑐᐊᓗᖕᓂᒃ ᒎᑎᓐᖑᐊᖃᕐᓂᖏᓐᓄᑦ. 17ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ. 18ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?”
ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ. 19ᐸᐅᓗᓯ ᕾᖁᕚᑦ ᓄᓇᓖᑦ ᑲᑎᒪᔨᖏᓐᓄᐊᖁᓪᓗᒍ ᐊᕆᐅᐸᒐᓯᒥᒃ ᑍᔭᐅᔪᒥ ᑲᑎᒪᕙᒃᑐᓄᑦ, ᐅᖃᐅᑎᓪᓗᒍ, “ᖃᐅᔨᔪᒪᒐᑦᑕ ᐊᔪᕆᕐᑐᐃᑦᔪᑎᒋᔧᑦ ᑕᒪᓐᓇ ᓄᑖᖅ ᖃᓄᐃᑦᑑᖕᒪᖔᑦ. 20ᐅᕙᑦᑎᓐᓄᑦ ᑐᓴᓕᒪᓇᖏᑦᑐᓂᒃ ᐃᓚᖓᓂᒃ ᐅᖃᐅᓯᖃᕋᕕᑦ; ᑕᒪᒃᑯᐊ ᖃᓄᖅ ᑐᑭᖃᕐᒪᖔᑕ ᖃᐅᔨᔪᒪᒐᑦᑕ.” 21ᑖᒃᑯᐊ ᐋᑎᓂᓯᒥᐅᑦ ᐊᓯᐊᓂᓪᓗ ᑎᑭᓯᒪᔪᑦ ᑕᕝᕙᓃᑦᑐᑦ ᑍᒪᓐᖓᑦ ᐅᓂᒃᑳᖃᑦᑕᕆᐊᒃᓴᖅ ᓄᑖᓂᒃ ᑐᓴᕆᐊᒃᓴᕐᓗ ᖁᕕᐊᒋᔭᖃᕐᒪᑕ.
22ᐸᐅᓗᓯ ᐊᕆᐅᐸᒐᓯᒥᐅᑉ ᕿᑎᖓᓂ ᓂᑯᕕᓪᓗᓂ ᐅᖃᕐᐳᖅ: “ᐋᑎᓂᓯᒥᐅᖑᔪᓯ, ᖃᐅᔨᒐᒪ ᐅᒃᐱᕐᓂᓕᕆᔪᒻᒪᕆᐊᓘᒐᑦᓯ. 23ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ. 24#ᐊᑕᓃᑦ ᓯᕗᓪᓖᑦ 8:27; ᐂᓮᐊᓯ 42:5; ᐋᐴᓯᑕᓖᑦ 7:48.ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ, 25ᐃᓄᐃᓪᓗ ᐊᒡᒐᖏᓐᓄᑦ ᐱᔨᑦᓯᕐᑕᐅᔭᕆᐊᖃᓐᖏᓚᖅ ᒪᑭᑕᑎᑕᐅᓇᓱᐊᕐᓗᓂ, ᓇᖕᒥᓂᖅ ᐃᓅᓯᖃᕐᑎᑦᓯᖕᒪᑦ ᐃᓄᖕᓂᒃ ᐊᓂᕐᓂᖃᕐᑎᑦᓯᓪᓗᓂᓗ, ᑭᓱᑐᐃᓐᓇᕐᓂᒃ ᐱᖃᕐᑎᑦᓯᓪᓗᓂ. 26ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ, 27ᑍᒤᓕᐅᓚᐅᕐᐳᖅ ᒎᑎᒥᒃ ᕿᓂᖁᓪᓗᒋᑦ, ᐃᒃᐱᒋᓇᓱᐊᕐᓗᒍ ᓇᓂᔭᐅᖁᓪᓗᒍ. ᐅᖓᓯᒋᖏᒻᒪᑎᒍᑦ ᑕᒪᑦᑕ. 28ᐅᖃᐅᓯᐅᓯᒪᖕᒪᑦ,
‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’;
ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ,
‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’
29ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ. 30ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ, 31ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”
32ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.” 33ᑕᕝᕙ ᐸᐅᓗᓯᐅᑉ ᑲᑎᒪᔪᑦ ᕿᒪᒃᐰᑦ. 34ᐊᖑᑏᑦ ᐃᓚᖏᑕ ᐃᓚᒋᓕᕐᐹᑦ ᐅᒃᐱᓕᕐᓗᑎᒃ, ᐅᑯᐊ ᑕᕝᕙ ᐃᓚᖏᑦ ᑎᐅᓂᓯᐊᓯ, ᑲᑎᒪᔨᐅᖃᑕᐅᔪᖅ ᐊᕆᐅᐳᒐᓯᓂ ᐃᓚᐅᓪᓗᓂ, ᐊᕐᓇᕐᓗ ᑖᒪᕇᓯᒥᒃ ᐊᑎᓕᒃ, ᐊᓯᖏᓪᓗ ᐃᓄᐃᑦ ᐃᓚᐅᓕᓚᐅᕆᕗᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.