ᓴᒧᐃᓕ ᓯᕗᓪᓖᑦ 2
2
ᕼᐋᓇᐅᑉ ᑐᒃᓯᐊᕐᓂᖓ
1 #
ᓘᑲᓯ 1:46-55. ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ:
“ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ;
ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ.
ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ;
ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!
2ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ;
ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ;
ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.
3ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ,
ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ;
ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ,
ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.
4ᐱᔪᓐᓇᕐᑐᕐᔪᐊᑦ ᐅᓇᑕᕐᑏᑦ ᖃᕐᔪᖏᑦ ᓯᖁᒥᑉᐳᑦ,
ᓴᓐᖐᑦᑐᓪᓕ ᓴᓐᖏᒃᑎᑉᐳᑦ.
5ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ,
ᑳᒃᐸᓚᐅᕐᑐᑦ ᑳᒍᓐᓃᕐᐳᑦ.
ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ,
ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.
6ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ;
ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.
7ᐊᑕᓂᐅᑉ ᐊᒃᓗᔪᑦ ᐊᒃᓗᐃᑦᑐᕈᕐᑎᑉᐰᑦ;
ᐃᓚᖏᑦ ᒥᑭᒡᓕᑎᑉᐰᑦ, ᐊᓯᖏᓪᓗ ᐊᖏᔪᕈᕐᑎᓪᓗᒋᑦ.
8ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ;
ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ,
ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ
ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ.
ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ;
ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.
9ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ,
ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ;
ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.
10ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ;
ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ.
ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ;
ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ,
ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”
11ᐃᐅᓪᑳᓇᓗ ᐅᑎᕐᐳᖅ ᐊᖏᕐᕋᒥᓄᑦ ᕌᒪᒧᑦ, ᓱᕈᓯᕐᓕ ᓴᒧᐃᓕ ᐅᓂᒃᐳᖅ, ᐊᑕᓂᕐᓗ ᐱᔨᑦᓯᕐᐹ ᐃᓔᒧᑦ ᑐᓂᕐᕈᓯᕐᑎᑦᓯᔨᒧᑦ ᑲᒪᒋᔭᐅᓪᓗᓂ.
ᐃᓔᑉ ᐃᕐᓂᖏᑦ
12ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ. 13ᐊᖑᑦ ᑐᓂᕐᕈᓯᕆᐊᕐᑐᕐᒪᑦ ᑐᓂᕐᕈᑎᒥᓂᒃ, ᑐᓂᕐᕈᓯᕐᑎᑦᓯᔨᐅᑉ ᐱᔨᖓ ᐅᐸᒍᑎᕙᓚᐅᕐᐳᖅ ᐱᐅᓯᕆᔭᐅᓪᓗᓂ ᑲᑭᐊᒃᔪᐊᓕᔭᕐᓗᓂ ᐱᖓᓱᓂᒃ ᑲᐴᑎᓕᖕᓂᒃ, ᓂᕿ ᓱᓕ ᐆᓐᓇᓱᐊᕐᑎᓪᓗᒍ. 14ᑲᑭᐊᒃᔪᐊᓂ ᐅᒃᑯᓯᐅᑉ ᐃᓗᐊᓄᐊᕐᐸᓚᐅᐹ ᑭᓱᑐᐃᓐᓇᒥᒡᓗ ᑲᑭᐊᒃᓯᑐᐊᕈᓂ ᑖᓐᓇ ᑲᑭᐊᒃᑕᖓ ᑐᓂᕐᕈᓯᕐᑎᑦᓯᔨᒧᐊᕐᑕᐅᔭᕆᐊᖃᕐᐸᓚᐅᕐᐳᑦ, ᐃᓴᕆᐊᓕᒥᐅᓕᒫᑦ ᑐᓂᕐᕈᓯᕆᐊᕐᑐᕐᑐᑦ ᓮᓗᐊᒧᑦ ᑍᒫᒃ ᐱᐅᓯᖃᕐᕕᐅᕙᓚᐅᕐᐳᑦ. 15ᓱᓕᓗ, ᑐᓐᓄᖓ ᐲᕐᑕᐅᓚᐅᕐᑎᓐᓇᒍ ᐃᑯᐊᓪᓚᒃᑕᐅᓚᐅᕐᑎᓐᓇᒍᓗ, ᑐᓂᕐᕈᓯᕐᑎᑦᓯᔩᑦ ᐱᔨᖏᑦ ᑐᓂᕐᕈᓯᕆᐊᕐᑐᕐᑐᒧᑦ ᐅᖃᕐᐸᓚᐅᕐᐳᑦ, “ᓂᕿᒥᒃ ᑐᓂᓯᕕᒋᓚᐅᓐᖓ ᑐᓂᕐᕈᓯᕐᑎᑦᓯᔨᐅᑉ ᓂᕿᓕᐅᕐᓂᐊᕐᑕᖓᓂᒃ; ᓂᕿᒥᒃ ᐆᓯᒪᔪᒥᒃ ᐃᓕᖕᓂᑦ ᐱᔪᒪᖏᒻᒪᑦ, ᐆᓯᒪᖏᑦᑐᒥᒡᓕ.”
16ᐊᖑᑎᐅᓪᓕ ᑭᐅᒃᐸᒍ, “ᓈᒻᒪᒃᑐᒥᒃ ᐱᔭᕆᐊᓕᑦᑎᓐᓂᒃ ᐱᑬᓐᓇᕐᑕ ᑐᓐᓄᐊ ᐃᑯᐊᓪᓚᖅᑳᕐᓗᒍ; ᐱᔪᒪᔭᕐᓂᒃ ᑭᖑᓂᐊᒍᑦ ᐱᓂᐊᕐᐳᑎᑦ,” ᑐᓂᕐᕈᓯᕐᑎᑦᓯᔩᑦ ᐱᔨᖏᑦ ᐅᖃᕐᐸᓚᐅᕐᐳᑦ, “ᐋᒃᑲ, ᒫᓐᓇ ᕾᑦᓯᓚᐅᕆᑦ; ᕾᓐᓂᐊᖏᑐᐊᕈᕕᐅᒃ ᐊᕐᓵᕐᓂᐊᕐᐸᒋᑦ, ᐱᖁᔨᖏᒃᑲᓗᐅᕈᕕᑦ.”
17ᐃᓔᑉ ᐃᕐᓂᖏᑕ ᐊᔪᕐᑐᓕᓂᖏᑦ ᐱᐅᖏᑦᑐᒻᒪᕆᐅᓚᐅᕐᐳᑦ ᐊᑕᓂᐅᑉ ᓵᖓᓂ; ᑐᓂᕐᕈᑎᒋᔭᐅᔪᓂᒃ ᐊᑕᓂᕐᒧᑦ ᐃᒃᐱᒍᓱᑦᓯᐊᖏᓂᖏᑦ ᐱᑦᔪᑎᒋᓪᓗᒋᑦ.
ᓴᒧᐃᓕᐅᑉ ᓮᓗᐊᒧᐊᕐᓂᖓ
18ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ. 19ᐊᕐᕌᒍᑕᒫᑦ ᐊᓈᓇᖓᑕ ᓴᓐᓇᑎᕙᓚᐅᕐᐹ ᐊᓐᓄᕌᒥᒃ ᐊᑕᔪᕐᒥᒃ, ᑐᓂᕙᓚᐅᕐᐹ ᐅᐃᓂ ᐱᖃᑎᒋᓪᓗᓂᐅᒃ ᑐᓂᕐᕈᓯᕆᐊᕐᑐᕐᑎᓪᓗᒍ ᑐᓂᕐᕈᑎᒥᓂᒃ ᐊᕐᕌᒍᑕᒫᕐᓯᐅᑎᒥᓂᒃ. 20ᐃᓔᓪᓗ ᓮᒻᒪᕐᑎᑉᐸᓚᐅᕐᐹ ᐃᐅᓪᑳᓇ ᓄᓕᐊᖓᓗ, ᐅᖃᕐᐸᒡᓗᓂᓗ ᐃᐅᓪᑳᓇᒧᑦ, “ᐊᑕᓂᐅᑉ ᕿᑐᕐᖓᕐᑖᕐᑎᒃᑲᓐᓂᕐᓕᓯᒃ ᐊᕐᓇᒃᑯᑦ ᑖᑦᓱᒨᓇ ᑭᖑᕝᕕᕐᑕᐅᖁᓪᓗᒍ ᑐᓂᓚᐅᕐᑕᖓᓂᒃ ᐊᑕᓂᕐᒧᑦ.”
ᐱᔭᕇᕋᖓᒥ ᐊᖏᕐᕋᕐᐸᓚᐅᕐᐴᒃ.
21ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.
ᐃᓔᓗ ᐃᕐᓂᖏᓪᓗ
22ᐃᓔᓕ ᐃᓄᑐᖃᒻᒪᕆᐅᓕᓚᐅᕐᐳᖅ, ᑐᓴᖃᑦᑕᕐᓗᓂᓗ ᐃᕐᓂᖏᑕ ᐱᓂᐊᕐᓂᕆᖃᑦᑕᕐᑕᖏᓐᓂᒃ ᐃᓴᕆᐊᓕᒥᐅᓕᒫᓄᑦ, ᐊᕐᓇᓂᒡᓗ ᐱᖃᑎᖃᖃᑦᑕᕐᓂᖏᓐᓂᒃ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕆᐊᕐᕕᖓᓂ ᐱᓇᓱᐊᕐᑎᐅᔪᓂᒃ. 23ᐅᖃᐅᑎᕔᒡᓗ, “ᖃᓄᐃᒻᒪᑦ ᑍᒤᓕᐅᖃᑦᑕᕐᐱᓰ? ᐅᖃᐅᑦᔭᐅᓯᒪᒐᒪ ᐊᔪᕐᑐᓕᓂᕆᖃᑦᑕᕐᑕᓕᒫᑦᓯᓐᓂᒃ ᐃᓄᖕᓄᑦ. 24ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ. 25ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ, ᒎᑎᐅᑉ ᓴᐳᑎᔪᓐᓇᕐᐹ; ᐊᑕᓂᕐᒧᓪᓕ ᐊᔪᕐᑐᓕᒃᐸᑦ, ᑭᓇᒧᑦ ᓴᐳᓐᓂᐊᕐᑕᐅᔪᓐᓇᕐᐹ?”
ᓈᓚᓚᐅᓐᖏᓚᓪᓕ ᐊᑖᑕᖓᑕ ᐅᖃᐅᓯᖏᓐᓂᒃ; ᑕᕝᕙ ᐊᑕᓂᐅᑉ ᑐᖁᑦᓱᒪᓕᓚᐅᕐᐰᑦ.
26 #
ᓘᑲᓯ 2:52. ᓱᕈᓯᕐᓕ ᓴᒧᐃᓕ ᑲᔪᓯᓪᓗᓂ ᐱᕈᕐᐸᓪᓕᐊᓚᐅᕐᐳᖅ ᐱᐅᒋᔭᐅᓕᕐᐸᓪᓕᐊᓪᓗᓂᓗ ᐊᑕᓂᕐᒧᑦ ᐃᓄᖕᓄᓪᓗ.
ᐅᖃᐅᓰᑦ ᓇᓚᐅᑦᑍᓃᑦ ᐃᓔᑉ ᐃᓚᖏᑦ ᐱᓪᓗᒋᑦ
27ᒎᑎᐅᓪᓗ ᐅᖃᕐᑎᖓ ᐃᓔᒧᐊᕐᐳᖅ ᐅᖃᕐᓗᓂᓗ: “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐅᕙᓐᓂᒃ ᖃᐅᔨᔭᑎᓚᐅᕐᐳᖓ ᓯᕗᓕᑦᓯᓐᓄᑦ ᐂᕉᓂᒧᑦ ᐄᑦᔨᑉᑎᒦᑎᓪᓗᒋᑦ ᐰᕉᒧᑦ ᐊᐅᓚᑕᐅᑎᓪᓗᒋᑦ. 28#ᒨᓯᓯ ᐂᑉᐸᖏᑦ 28:1-4; ᒨᓯᓯ ᐱᖓᔪᖏᑦ 7:35,36.ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ. 29ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’ 30ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ. 31ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐱᔪᓐᓇᕐᓃᑦ ᓇᑲᑦᓱᒫᕐᐸᕋ ᓯᕗᓕᕕᓪᓗ ᐃᒡᓗᖓᑕ ᐱᔪᓐᓇᕐᓂᖏᑦ, ᐃᓚᖕᓂ ᐃᓄᑐᖃᕐᑕᖃᓛᕈᓐᓃᕐᐳᖅ. 32ᐅᖁᒤᑦᑐᒦᓪᓗᑎᑦ ᑕᑯᔪᒫᕐᐳᑎᑦ ᑐᓱᓗᑎᑦ ᒎᑎ ᐱᐅᔪᓂᒃ ᐱᓂᐊᕐᓂᖃᕐᑎᓪᓗᒍ ᐃᓴᕆᐊᓕᒥᐅᓂ; ᐃᓄᑐᖃᕈᕐᑐᖃᕈᒫᕈᓐᓃᕐᐳᖅ ᐃᓚᖕᓂ ᐃᓱᖃᖏᑦᑐᒧᑦ. 33ᐃᓄᖁᑎᕕᓪᓕ ᐃᓚᖏᑦ ᑐᖁᓐᖏᑕᒃᑲ ᑐᓂᕐᕈᓯᕐᕕᖁᑎᓐᓂ ᐃᔨᕕᑦ ᑕᑯᔪᒫᕐᐰᑦ ᐆᒻᒪᑎᕕᓪᓗ ᕿᒃᓴᐅᑎᒋᔪᒫᕐᐰᑦ; ᐃᓚᓕᒫᕕᓪᓗ ᑭᖑᕚᖏᑦ ᐃᓐᓇᕈᕐᑐᖃᖏᓪᓗᑎᒃ ᑐᖁᔪᒫᕐᐳᑦ. 34#ᓴᒧᐃᓕ ᓯᕗᓪᓖᑦ 4:11.ᐅᓇ ᓇᓗᓁᒃᑯᑕᐅᔪᒫᕐᐳᖅ ᐃᕐᓃᒃᑭᒃ, ᕼᐅᐱᓂ ᐱᓂᕼᐋᔅᓗ, ᐃᓕᖕᓄᑦ ᓇᓗᓁᒃᑯᑕᐅᔪᒫᕐᐴᒃ; ᐅᓪᓗᕐᒥ ᐊᑕᐅᓯᕐᒥ ᑐᖁᔪᒫᕐᐴᒃ, ᐊᑕᐅᑦᓯᒃᑯᑦ. 35ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ. 36ᓇᓪᓕᐊᑦ ᐃᒡᓗᖕᓂ ᐊᒥᐊᒃᑰᔪᖅ ᑖᑦᓱᒪ ᓵᖓᓄᑦ ᐹᒻᒪᒃᑎᕈᒫᕐᐳᖅ ᓯᐅᓪᕕᕆᒧᑦ ᐅᕝᕙᓗ ᓂᐊᖂᔭᒧᑦ ᐊᑕᐅᓯᕐᒧᑦ, ᐅᖃᕐᓗᓂᓗ, “ᕿᓄᕗᖓ ᑐᓂᕐᕈᓯᕐᑎᑦᓯᔨᓄᑦ ᐃᓚᓕᐅᑎᓚᐅᓐᖓ, ᓂᐊᖂᔭᒥᒃ ᑐᓂᕐᕈᑕᐅᓯᒪᔪᓂᒃ ᓂᕆᔪᓐᓇᖁᓪᓗᖓ.”’”
Currently Selected:
ᓴᒧᐃᓕ ᓯᕗᓪᓖᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᓴᒧᐃᓕ ᓯᕗᓪᓖᑦ 2
2
ᕼᐋᓇᐅᑉ ᑐᒃᓯᐊᕐᓂᖓ
1 #
ᓘᑲᓯ 1:46-55. ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ:
“ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ;
ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ.
ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ;
ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!
2ᐃᑦᔪᕐᓁᑦᑐᖃᓐᖏᓚᒃ ᐊᑕᓂᕐᑐᑦ ᐃᑦᔪᕐᓁᑦᑐᒥᒃ;
ᓇᓪᓕᐊᓐᓂᒡᓘᓐᓃᑦ ᐊᑦᔨᖃᓐᖏᓚᑎᑦ;
ᕾᕐᑐᕐᑕᖃᓐᖏᓚᕐᓗ ᒎᑎᑦᑎᑐᑦ ᓴᐳᑦᔨᔪᓐᓇᕐᑎᒋᔪᒥᒃ.
3ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ,
ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ;
ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ,
ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.
4ᐱᔪᓐᓇᕐᑐᕐᔪᐊᑦ ᐅᓇᑕᕐᑏᑦ ᖃᕐᔪᖏᑦ ᓯᖁᒥᑉᐳᑦ,
ᓴᓐᖐᑦᑐᓪᓕ ᓴᓐᖏᒃᑎᑉᐳᑦ.
5ᐃᓄᐃᑦ ᓂᕆᑦᓯᐊᕐᐸᓚᐅᕐᑐᑦ ᐃᖅᑲᓁᔭᓕᕐᐳᑦ ᓂᕿᑖᕈᒪᒧᑦ,
ᑳᒃᐸᓚᐅᕐᑐᑦ ᑳᒍᓐᓃᕐᐳᑦ.
ᕿᑐᕐᖏᓱᐃᑦᑐᖅ ᕿᑐᕐᖓᕐᑖᕐᐳᖅ 7ᓂᒃ,
ᕿᑐᕐᖓᖃᕐᑐᓪᓕ ᐅᓄᕐᑐᓂᒃ ᓄᖑᕈᑎᕗᖅ.
6ᐊᑕᓂᖅ ᑐᖁᑦᓯᕗᖅ ᐃᓅᓯᑕᕐᑎᑦᓯᓪᓗᓂᓗ;
ᐃᓄᖕᓂᒃ ᑐᖁᖓᔪᑦ ᐃᓂᖓᓄᐊᕐᑎᑦᓯᕗᖅ ᒪᑭᑎᑦᓯᓪᓗᓂᓗ.
7ᐊᑕᓂᐅᑉ ᐊᒃᓗᔪᑦ ᐊᒃᓗᐃᑦᑐᕈᕐᑎᑉᐰᑦ;
ᐃᓚᖏᑦ ᒥᑭᒡᓕᑎᑉᐰᑦ, ᐊᓯᖏᓪᓗ ᐊᖏᔪᕈᕐᑎᓪᓗᒋᑦ.
8ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ;
ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ,
ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ
ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ.
ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ;
ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.
9ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ,
ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ;
ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.
10ᐊᑕᓂᐅᑉ ᐊᑭᕋᕐᑐᕐᑎᖏᑦ ᐊᓯᕈᕐᑕᐅᒻᒪᕆᒍᒫᕐᐳᑦ;
ᐱᒋᐊᕈᒫᕐᐰᑦ ᑲᓪᓕᕐᕕᐅᑎᓪᓗᒋᑦ ᕿᓚᖕᒥᑦ.
ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐃᖅᑲᕐᑐᕈᒫᕐᐰᑦ;
ᐊᖓᔪᖅᑳᕐᔪᐊᖁᑎᓂᓗ ᐱᔪᓐᓇᕐᓂᕐᒥᒃ ᑐᓂᓯᕕᒋᕚ,
ᐱᔪᓐᓇᕐᓂᕐᒥᒡᓗ ᓂᕈᐊᕐᓯᒪᔭᓂ ᐱᑖᕐᑎᑉᐹ.”
11ᐃᐅᓪᑳᓇᓗ ᐅᑎᕐᐳᖅ ᐊᖏᕐᕋᒥᓄᑦ ᕌᒪᒧᑦ, ᓱᕈᓯᕐᓕ ᓴᒧᐃᓕ ᐅᓂᒃᐳᖅ, ᐊᑕᓂᕐᓗ ᐱᔨᑦᓯᕐᐹ ᐃᓔᒧᑦ ᑐᓂᕐᕈᓯᕐᑎᑦᓯᔨᒧᑦ ᑲᒪᒋᔭᐅᓪᓗᓂ.
ᐃᓔᑉ ᐃᕐᓂᖏᑦ
12ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ. 13ᐊᖑᑦ ᑐᓂᕐᕈᓯᕆᐊᕐᑐᕐᒪᑦ ᑐᓂᕐᕈᑎᒥᓂᒃ, ᑐᓂᕐᕈᓯᕐᑎᑦᓯᔨᐅᑉ ᐱᔨᖓ ᐅᐸᒍᑎᕙᓚᐅᕐᐳᖅ ᐱᐅᓯᕆᔭᐅᓪᓗᓂ ᑲᑭᐊᒃᔪᐊᓕᔭᕐᓗᓂ ᐱᖓᓱᓂᒃ ᑲᐴᑎᓕᖕᓂᒃ, ᓂᕿ ᓱᓕ ᐆᓐᓇᓱᐊᕐᑎᓪᓗᒍ. 14ᑲᑭᐊᒃᔪᐊᓂ ᐅᒃᑯᓯᐅᑉ ᐃᓗᐊᓄᐊᕐᐸᓚᐅᐹ ᑭᓱᑐᐃᓐᓇᒥᒡᓗ ᑲᑭᐊᒃᓯᑐᐊᕈᓂ ᑖᓐᓇ ᑲᑭᐊᒃᑕᖓ ᑐᓂᕐᕈᓯᕐᑎᑦᓯᔨᒧᐊᕐᑕᐅᔭᕆᐊᖃᕐᐸᓚᐅᕐᐳᑦ, ᐃᓴᕆᐊᓕᒥᐅᓕᒫᑦ ᑐᓂᕐᕈᓯᕆᐊᕐᑐᕐᑐᑦ ᓮᓗᐊᒧᑦ ᑍᒫᒃ ᐱᐅᓯᖃᕐᕕᐅᕙᓚᐅᕐᐳᑦ. 15ᓱᓕᓗ, ᑐᓐᓄᖓ ᐲᕐᑕᐅᓚᐅᕐᑎᓐᓇᒍ ᐃᑯᐊᓪᓚᒃᑕᐅᓚᐅᕐᑎᓐᓇᒍᓗ, ᑐᓂᕐᕈᓯᕐᑎᑦᓯᔩᑦ ᐱᔨᖏᑦ ᑐᓂᕐᕈᓯᕆᐊᕐᑐᕐᑐᒧᑦ ᐅᖃᕐᐸᓚᐅᕐᐳᑦ, “ᓂᕿᒥᒃ ᑐᓂᓯᕕᒋᓚᐅᓐᖓ ᑐᓂᕐᕈᓯᕐᑎᑦᓯᔨᐅᑉ ᓂᕿᓕᐅᕐᓂᐊᕐᑕᖓᓂᒃ; ᓂᕿᒥᒃ ᐆᓯᒪᔪᒥᒃ ᐃᓕᖕᓂᑦ ᐱᔪᒪᖏᒻᒪᑦ, ᐆᓯᒪᖏᑦᑐᒥᒡᓕ.”
16ᐊᖑᑎᐅᓪᓕ ᑭᐅᒃᐸᒍ, “ᓈᒻᒪᒃᑐᒥᒃ ᐱᔭᕆᐊᓕᑦᑎᓐᓂᒃ ᐱᑬᓐᓇᕐᑕ ᑐᓐᓄᐊ ᐃᑯᐊᓪᓚᖅᑳᕐᓗᒍ; ᐱᔪᒪᔭᕐᓂᒃ ᑭᖑᓂᐊᒍᑦ ᐱᓂᐊᕐᐳᑎᑦ,” ᑐᓂᕐᕈᓯᕐᑎᑦᓯᔩᑦ ᐱᔨᖏᑦ ᐅᖃᕐᐸᓚᐅᕐᐳᑦ, “ᐋᒃᑲ, ᒫᓐᓇ ᕾᑦᓯᓚᐅᕆᑦ; ᕾᓐᓂᐊᖏᑐᐊᕈᕕᐅᒃ ᐊᕐᓵᕐᓂᐊᕐᐸᒋᑦ, ᐱᖁᔨᖏᒃᑲᓗᐅᕈᕕᑦ.”
17ᐃᓔᑉ ᐃᕐᓂᖏᑕ ᐊᔪᕐᑐᓕᓂᖏᑦ ᐱᐅᖏᑦᑐᒻᒪᕆᐅᓚᐅᕐᐳᑦ ᐊᑕᓂᐅᑉ ᓵᖓᓂ; ᑐᓂᕐᕈᑎᒋᔭᐅᔪᓂᒃ ᐊᑕᓂᕐᒧᑦ ᐃᒃᐱᒍᓱᑦᓯᐊᖏᓂᖏᑦ ᐱᑦᔪᑎᒋᓪᓗᒋᑦ.
ᓴᒧᐃᓕᐅᑉ ᓮᓗᐊᒧᐊᕐᓂᖓ
18ᑍᒤᒃᑲᓗᐊᕐᑎᓪᓗᒋᓪᓕ ᓱᕈᓯᖅ ᓴᒧᐃᓕ ᑲᔪᓯᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ, ᓵᓕᑕᕐᒥᒃ ᖃᓪᓗᓈᕐᑕᒥᒃ ᐃᑦᔪᕐᓁᑦᑐᒥᒃ ᐊᑐᕐᓗᓂ. 19ᐊᕐᕌᒍᑕᒫᑦ ᐊᓈᓇᖓᑕ ᓴᓐᓇᑎᕙᓚᐅᕐᐹ ᐊᓐᓄᕌᒥᒃ ᐊᑕᔪᕐᒥᒃ, ᑐᓂᕙᓚᐅᕐᐹ ᐅᐃᓂ ᐱᖃᑎᒋᓪᓗᓂᐅᒃ ᑐᓂᕐᕈᓯᕆᐊᕐᑐᕐᑎᓪᓗᒍ ᑐᓂᕐᕈᑎᒥᓂᒃ ᐊᕐᕌᒍᑕᒫᕐᓯᐅᑎᒥᓂᒃ. 20ᐃᓔᓪᓗ ᓮᒻᒪᕐᑎᑉᐸᓚᐅᕐᐹ ᐃᐅᓪᑳᓇ ᓄᓕᐊᖓᓗ, ᐅᖃᕐᐸᒡᓗᓂᓗ ᐃᐅᓪᑳᓇᒧᑦ, “ᐊᑕᓂᐅᑉ ᕿᑐᕐᖓᕐᑖᕐᑎᒃᑲᓐᓂᕐᓕᓯᒃ ᐊᕐᓇᒃᑯᑦ ᑖᑦᓱᒨᓇ ᑭᖑᕝᕕᕐᑕᐅᖁᓪᓗᒍ ᑐᓂᓚᐅᕐᑕᖓᓂᒃ ᐊᑕᓂᕐᒧᑦ.”
ᐱᔭᕇᕋᖓᒥ ᐊᖏᕐᕋᕐᐸᓚᐅᕐᐴᒃ.
21ᐊᑕᓂᐅᑉ ᓮᒻᒪᕐᑎᓚᐅᕐᐹ ᕼᐋᓇ, ᐃᕐᓂᕐᑖᕐᐳᕐᓗ ᐱᖓᓱᓂᒃ ᐸᓂᒃᑖᕐᓗᓂᓗ ᒪᕐᕉᖕᓂᒃ. ᓱᕈᓯᕐᓕ ᓴᒧᐃᓕ ᐱᕈᕐᐸᓪᓕᐊᓚᐅᕐᐳᖅ ᐱᔨᑦᓯᕐᓗᓂ ᐊᑕᓂᕐᒥᒃ.
ᐃᓔᓗ ᐃᕐᓂᖏᓪᓗ
22ᐃᓔᓕ ᐃᓄᑐᖃᒻᒪᕆᐅᓕᓚᐅᕐᐳᖅ, ᑐᓴᖃᑦᑕᕐᓗᓂᓗ ᐃᕐᓂᖏᑕ ᐱᓂᐊᕐᓂᕆᖃᑦᑕᕐᑕᖏᓐᓂᒃ ᐃᓴᕆᐊᓕᒥᐅᓕᒫᓄᑦ, ᐊᕐᓇᓂᒡᓗ ᐱᖃᑎᖃᖃᑦᑕᕐᓂᖏᓐᓂᒃ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕆᐊᕐᕕᖓᓂ ᐱᓇᓱᐊᕐᑎᐅᔪᓂᒃ. 23ᐅᖃᐅᑎᕔᒡᓗ, “ᖃᓄᐃᒻᒪᑦ ᑍᒤᓕᐅᖃᑦᑕᕐᐱᓰ? ᐅᖃᐅᑦᔭᐅᓯᒪᒐᒪ ᐊᔪᕐᑐᓕᓂᕆᖃᑦᑕᕐᑕᓕᒫᑦᓯᓐᓂᒃ ᐃᓄᖕᓄᑦ. 24ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ. 25ᐃᓄᒃ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ, ᒎᑎᐅᑉ ᓴᐳᑎᔪᓐᓇᕐᐹ; ᐊᑕᓂᕐᒧᓪᓕ ᐊᔪᕐᑐᓕᒃᐸᑦ, ᑭᓇᒧᑦ ᓴᐳᓐᓂᐊᕐᑕᐅᔪᓐᓇᕐᐹ?”
ᓈᓚᓚᐅᓐᖏᓚᓪᓕ ᐊᑖᑕᖓᑕ ᐅᖃᐅᓯᖏᓐᓂᒃ; ᑕᕝᕙ ᐊᑕᓂᐅᑉ ᑐᖁᑦᓱᒪᓕᓚᐅᕐᐰᑦ.
26 #
ᓘᑲᓯ 2:52. ᓱᕈᓯᕐᓕ ᓴᒧᐃᓕ ᑲᔪᓯᓪᓗᓂ ᐱᕈᕐᐸᓪᓕᐊᓚᐅᕐᐳᖅ ᐱᐅᒋᔭᐅᓕᕐᐸᓪᓕᐊᓪᓗᓂᓗ ᐊᑕᓂᕐᒧᑦ ᐃᓄᖕᓄᓪᓗ.
ᐅᖃᐅᓰᑦ ᓇᓚᐅᑦᑍᓃᑦ ᐃᓔᑉ ᐃᓚᖏᑦ ᐱᓪᓗᒋᑦ
27ᒎᑎᐅᓪᓗ ᐅᖃᕐᑎᖓ ᐃᓔᒧᐊᕐᐳᖅ ᐅᖃᕐᓗᓂᓗ: “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐅᕙᓐᓂᒃ ᖃᐅᔨᔭᑎᓚᐅᕐᐳᖓ ᓯᕗᓕᑦᓯᓐᓄᑦ ᐂᕉᓂᒧᑦ ᐄᑦᔨᑉᑎᒦᑎᓪᓗᒋᑦ ᐰᕉᒧᑦ ᐊᐅᓚᑕᐅᑎᓪᓗᒋᑦ. 28#ᒨᓯᓯ ᐂᑉᐸᖏᑦ 28:1-4; ᒨᓯᓯ ᐱᖓᔪᖏᑦ 7:35,36.ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ. 29ᓱᖕᒪᓪᓕ, ᐱᔪᒪᑐᓗᐊᖃᑦᑕᓕᕐᐱᓯ ᑐᓂᕐᕈᑎᒋᔭᐅᔪᓂᒃ ᐱᓇᓱᐊᕐᑕᐅᖁᓯᒪᔭᓐᓂᒃ ᐃᓄᖁᑎᓐᓄᑦ? ᖃᓄᐃᒻᒪ ᐃᕐᓂᑎᑦ ᐅᕙᓐᓂᑦ ᐅᐱᒋᓂᕐᓴᕆᕕᒋᑦ ᐃᒻᒥᖕᓂᒃ ᖁᐃᒃᓯᑎᑐᐃᓐᓇᓕᕐᒪᑕ ᑐᓂᕐᕈᑎᒋᔭᐅᔪᑦ ᐱᐅᓂᕐᐹᖏᓐᓂᒃ ᐱᕙᒃᓗᑎᒃ ᑐᓂᕐᕈᑎᒋᔭᐅᔪᓂᒃ ᐅᕙᓐᓄᑦ?’ 30ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ. 31ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐱᔪᓐᓇᕐᓃᑦ ᓇᑲᑦᓱᒫᕐᐸᕋ ᓯᕗᓕᕕᓪᓗ ᐃᒡᓗᖓᑕ ᐱᔪᓐᓇᕐᓂᖏᑦ, ᐃᓚᖕᓂ ᐃᓄᑐᖃᕐᑕᖃᓛᕈᓐᓃᕐᐳᖅ. 32ᐅᖁᒤᑦᑐᒦᓪᓗᑎᑦ ᑕᑯᔪᒫᕐᐳᑎᑦ ᑐᓱᓗᑎᑦ ᒎᑎ ᐱᐅᔪᓂᒃ ᐱᓂᐊᕐᓂᖃᕐᑎᓪᓗᒍ ᐃᓴᕆᐊᓕᒥᐅᓂ; ᐃᓄᑐᖃᕈᕐᑐᖃᕈᒫᕈᓐᓃᕐᐳᖅ ᐃᓚᖕᓂ ᐃᓱᖃᖏᑦᑐᒧᑦ. 33ᐃᓄᖁᑎᕕᓪᓕ ᐃᓚᖏᑦ ᑐᖁᓐᖏᑕᒃᑲ ᑐᓂᕐᕈᓯᕐᕕᖁᑎᓐᓂ ᐃᔨᕕᑦ ᑕᑯᔪᒫᕐᐰᑦ ᐆᒻᒪᑎᕕᓪᓗ ᕿᒃᓴᐅᑎᒋᔪᒫᕐᐰᑦ; ᐃᓚᓕᒫᕕᓪᓗ ᑭᖑᕚᖏᑦ ᐃᓐᓇᕈᕐᑐᖃᖏᓪᓗᑎᒃ ᑐᖁᔪᒫᕐᐳᑦ. 34#ᓴᒧᐃᓕ ᓯᕗᓪᓖᑦ 4:11.ᐅᓇ ᓇᓗᓁᒃᑯᑕᐅᔪᒫᕐᐳᖅ ᐃᕐᓃᒃᑭᒃ, ᕼᐅᐱᓂ ᐱᓂᕼᐋᔅᓗ, ᐃᓕᖕᓄᑦ ᓇᓗᓁᒃᑯᑕᐅᔪᒫᕐᐴᒃ; ᐅᓪᓗᕐᒥ ᐊᑕᐅᓯᕐᒥ ᑐᖁᔪᒫᕐᐴᒃ, ᐊᑕᐅᑦᓯᒃᑯᑦ. 35ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ. 36ᓇᓪᓕᐊᑦ ᐃᒡᓗᖕᓂ ᐊᒥᐊᒃᑰᔪᖅ ᑖᑦᓱᒪ ᓵᖓᓄᑦ ᐹᒻᒪᒃᑎᕈᒫᕐᐳᖅ ᓯᐅᓪᕕᕆᒧᑦ ᐅᕝᕙᓗ ᓂᐊᖂᔭᒧᑦ ᐊᑕᐅᓯᕐᒧᑦ, ᐅᖃᕐᓗᓂᓗ, “ᕿᓄᕗᖓ ᑐᓂᕐᕈᓯᕐᑎᑦᓯᔨᓄᑦ ᐃᓚᓕᐅᑎᓚᐅᓐᖓ, ᓂᐊᖂᔭᒥᒃ ᑐᓂᕐᕈᑕᐅᓯᒪᔪᓂᒃ ᓂᕆᔪᓐᓇᖁᓪᓗᖓ.”’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.