Matiye 27
27
Ve pan Yeesu Pilat o timba
Mar 15:1; Luk 23:1-2; Zâŋ 18:28-32
1Yɔŋgay nɔmpo, náa kɔ maak ak kɛŋŋɔ ve tɛʼ vere náa kɛŋ Yuuda nɔ vɛ ve sɔŋ yȩʼ ka ve vɔ̌t Yeesurɛ. 2Ve vɔlaa, ve pan tak heʼe, gɔmna kɛŋ Pilat Rɔmmɔ oppo.
Zuudas vɔɔ ani
Yaʼ 1:18-19
3Zuudas, wa̧y he Yeesu nɔ, kii bo vey so vɔ̌tta Yeesurɛ nɔ, o ò gaama kənzay náa kɔ maak ak kɛŋŋɔ vɛ vere náa kɛŋ zik Yuuda nɔ vɛ sann waa gbɛk zoo boʼ nɔrɛ. 4O feet vo: «Mi kɔ gbo̧o̧ka, mi he, há̧a̧ kɔn hɛn gbo̧o̧k yɛ vɔɔ o naʼá!» Ɛn ɗaa ve hi̧i̧za: «Ɛn kan vi ɓɛ yɛ! Moò mɔni!» 5Zuudas hòò sann waa nɔ Go̧o̧ge liki tuu, o kə luu tak gərɛ. 6Náa kɔ maak ak kɛŋŋɔ ve fa̧a̧ sann waa nɔ ve kə fee: «Moò buu ban vo pon ba vo ya̧a̧ doò ba sɔ̌ŋ vo sann waa nɛnɔ vere hell Go̧o̧ge liki nɔrɛ yɛ, de ɛnɔ hell mɛɛma#27:6 Hell mɛɛma ongɛɛ hell há̧a̧ mɛɛma.» 7Ve kiizin kəzəkɔ, ve ɓǎn sann waa nɔ háa yo̧o̧ kəʼ zɔʼ haŋ ani ka ve ləə gay nɔ ve tin. 8Moò an oy haŋ ɛnɔ ve ya̧a̧ bo «mɛɛm haŋŋa» yaa gbɔy de munɛ. 9Ɛnɔ hɛn Go̧o̧ge yaʼyɛɛ an Zeremi bɔk fee nɔ kɔ de oy: «Ve iŋ hell sann waa gbɛk zoo boʼ, sɛk náa Islayɛl bɔk ve dìi ka ve tokinna nɛy 10ɛn ve ɓǎn há̧a̧ yo̧o̧ kəʼ akkɔ haŋ an too Gbɛ̧ɛ̧ kɛŋ bɔk feezi nɔm.»
Yeesu oy Pilat o timba
Mar 15:2-5; Luk 23:3-5; Zâŋ 18:33-38
11Ve dìi Yeesu gɔmna kɛŋ Pilat o timba, o viʼi: «Mɔ náa Yuuda ve Gbɛ̧ɛ̧ vonirɛ?» Yeesu hi̧i̧za: «Mɔy fee de yɔ.» 12Pik an, náa kɔ maak ak kɛŋŋɔ vɛ vere náa kɛŋ kappɔ vey təŋŋaa nɔ o hi̧i̧n yak yɛ. 13Ɛnɔ Pilat feeza: «Mɔ kiin təŋŋi vey təŋumma tɛʼ ɛn ve yɛrɛ?» 14Ɛn Yeesu hi̧i̧zina yak daŋga maaki yɛ, ɛnɔ gɔmna kɛŋŋɔ kɔʼɔ bit yəəm za̧a̧.
Ve yȩʼ Yeesu doò vɔrɛ
Mar 15:6-15; Luk 23:13-25; Zâŋ 18:39–19:16
15Duʼ Pâk oò lii tuŋ, gɔmna kɛŋ bɔk nenin há̧a̧ lik naʼre daŋga hoozii, há̧a̧ náa ve hí̧i̧i̧ nɛy. 16Yɛɛ bɔk ɛnɔ há̧a̧ zɔʼ bɔk o lik naʼre moò an bɔk kin yɛɛ tɛʼ ve ya̧a̧a̧ bo Yeesu Barabasi. 17Pilat vi náa duʼ ke ve sɔŋŋɔ vɛ: «Vo hi̧i̧ mi hoozi vo hii tin yɛɛ: Yeesu Barabasirɛɛ ha̧a̧rɔɔ Yeesu ve ya̧a̧a̧ bo kirisi nɛyrɛ?» 18Pilat gaarɛ za̧a̧za̧a̧, bo ve het vo Yeesu nɔ bo moò sȩȩka yakka. 19Pilat oy zɔɔri yɛɛ yȩʼ moò ba, kenaa yaʼzaay ɛlla: «Mɔ kɔ wa̧y za̧a̧ ɛnɔ hɛn zɔʼ sɛ, ke vi̧i̧ munɛ nɔ kii gaa gim nənzin kpɛ̌ŋ moò ani, golli yɛɛrɛ kpɛ̌ŋ.» 20Náa kɔ maak ak kɛŋŋɔ vɛ vere náa kɛŋ kappɔ vɛ ve tɔ̧̌l náa duʼ nɔ ve doò ve haa Pilat doò hoozi vo Barabasi ɛn doò vɔ̌t Yeesu kirisi. 21Gɔmna kɛŋ iŋ kə yak moot vi vo: «Náa itto ɛn ve nɔ nɔ́ɔ́ vo hi̧i̧ mi hoozi vo hii tin yɛɛ?» Ve hi̧i̧za: «Barabasi!» 22«Pilat vi vo: «Mi kɔ Yeesu ve ya̧a̧a̧ Kirisi nɔ tuubɔgɛ?» Náa ve tɛʼ ve hi̧i̧: «Mɔ gaʼa tap ɓanzinna ba!» 23Pilat vi vo: «Hɛ̧ɛ̧n ɓɛɛn o kɔ ɓimmɔ nɛɛ?» Ɛn ve gbat wɔɔka aʼvin vere gɔti von tɛʼ: «Mɔ gaʼa tap ɓanzinna ba!» 24Ɛn Pilat hə̧ o liin kaà kɔ hɛn zɔʼ ɓɛ yɛ, to moò nɔ de ya̧tta takka tinba nɔ, iŋ maam əll naak an duʼ timba tuu kə fee: «Mi paam wɔɔk ak wa̧y ɛn o vɔɔ ba yɛ! De ɛn moò voni!» 25Náa duʼ nɔ ve tɛʼ ve hi̧i̧: «Yɔʼ mɛɛm an nɔ do kə̌y ivi po vere sâm vin vɛ o ve po!» 26Ɛnɔ Pilat hoozi vo Barabasɛ; o wa̧a̧na yessu ɓɛtta kə poʼo, o ve naʼá doò ve gaʼa tap ɓanzinna ba.
Wa̧a̧ vɛɛ̀ nɔ ve zaa Yeesurɛ
Mar 15:16-20; Zâŋ 19:2-3
27Pilat wa̧a̧ vɛɛ̀ an nɔ ve pan tǎn Yeesu gɔmna kɛŋ o pekke ɛn wa̧a̧ vɛɛ̀ duʼ nɔ tɛʼ ve faŋ ve sɔŋ ve kəkarɛ. 28Ve pɔlla sam hɛge ve kə dɔza sam bȩȩ̌. 29Pik an ve tɛ̧̀ɛ̧̀ sa̧a̧t heebělla, ve dɔza wɔɔkpa ve kə poʼo hȩȩk o naak za̧a̧ ba. Ve kə ɗiksi o timba ve kə zaaarɛ ve fee: «Vi moogummɛ, Náa Yuuda ve Gbɛ̧ɛ̧ von!» 30Ve tuuza sɔt fɔn ve kə fǎt hȩȩk o naʼa nɔ ve wa̧a̧na wɔɔkpa. 31Ve zaaa ɛn kəzəkɔ, ve pɔza sam bȩȩ nɔ hɛge ve dɔza kə sam ani ka ve tak gaʼa tap ɓanzinna ba.
Ve gaʼ Yeesu tap ɓanzinna ba
Mar 15:21-32; Luk 23:26-43; Zâŋ 19:17-27
32Ve vuk kap aʼre tuu nɔ, ve tak kasinga wa̧y zɔʼ kap sirɛnə ve ya̧a̧a̧ Simɔŋŋi; wa̧a̧ vɛɛ̀ nɔ ve kpɔksa doò gann Yeesu tap ɓanzinna an nɔrɛ. 33Ve gbɔ yɛɛ ve ya̧a̧ bo Golgota nɔ oppo, feeri an «Wɔɔk neŋ yɛɛ̌.» 34Ituu nɔ, ve po Yeesu bum ve ya̧a̧rin vey nɔŋŋa o gòk kəzəkɔ, o bɔn zɔrarɛ. 35Ve gaʼa Yeesu tap ɓanzinna ba ve kə yəʼzin sam an vɛ ve goon koyya.#27:35 Vo to Dɛg 22: 19 36Pik an ve zɔɔ ɛtuu ve laaarɛ. 37Ve dɛ̧ɛ̧ hɛn kɔ vey vɔ̌zaa nɔ tap pɛ̌kpa ve haksi o wɔɔk dakke gǎŋ: «Wa̧y nɛnɔ o Yeesuy náa Yuuda ve Gbɛ̧ɛ̧ von nɛy.» 38Yúu zɔʼ ve itto ve gaʼ vo tap ɓanzinna Yeesu o sɛkpa, daŋga nɔ onaak za̧a̧ ba zɔʼ nɔ o naak kpay ba#27:38 Vo goozin vere Ezǎ 53: 12. 39Náa daa yana ve zɛɛɛ ve do wɔɔk tin#27:39 Vo to Dɛg 22: 8; 40Ve feeza: «Mɔy bɔk mɔ hi̧i̧ ka bo vo tǔl Go̧o̧ge likkɔ hɛge ka bo ve yò̧ò̧ kə zɔʼɔ yo̧o̧ dɔʼ ta̧a̧to zaʼ woy#27:40 Vo to Dən 26: 61; Zâŋ 2: 19 mɔy mɔ sɔt wɔɔk mɔn bɔ, oò mɔ Go̧o̧ge tân ani nɛy, mɔ siy tap ɓɛnzinna ba tuu bɔ guu!» 41Náa kɔ maak ak kɛŋŋɔ vɛ vere náa it Moyi̧zə moò buu an vɛ vere náa kɛŋ kappɔ vɛ ve zaaarɛ too ɛnɔm vin ve fee: 42«Bɔk o sɔ̌t náa zɔʼ verɛ o kaà sɔ̌zin wɔɔk an yɛ! Oy Gbɛ̧ɛ̧ Islayɛl yɔ ɗaarɛ? Do siy tap ɓanzinna ba tuu ɓɔllɛ nɛ bɔ, ɛn bay tu̧u̧u̧ voraa. 43Bɔk o ɛt si̧i̧ an Go̧o̧ge oppo, ɛn bɔk o fee: “Mi Go̧o̧ge tân ani.” Ɛn sȩȩrɛ, Go̧o̧ge oò hi̧i̧i̧rɛ nɔ, do sɔ̌za bɔ ɓɔllɛ nɛ#27:43 Vo to Dɛg 22: 9!» 44Ɛn yúu seè bɔk ve gaʼ vo tap ɓanzinna ba o sɛkpa nɔ vɛ ve zɛɛɛ too ɛnɔm vin.
Yeesu vɔɔ ani
Mar 15:33-41; Luk 23:44-49; Zâŋ 19:28-30
45Yo̧o̧ daake, visǎm sà̧à̧ hɛkpa tuu gbɔ yo̧o̧ tân ta̧a̧to mim yakpa. 46Yo̧o̧ tân ta̧a̧to ba Yeesu wa̧a̧ yakka aʼvin: «Eeli, Eeli, Lɛma sabaktani?» Feeri an: «Go̧o̧ge min, Go̧o̧ge min, mɔ gbəli moò nɛɛ#27:46 Vo to Dɛg 22: 2?» 47Náa ke vey diiri ɛtuu nɔ vɛ, ve kii nɔ ve fee: «De ya̧a̧ Elii!» 48Há̧a̧ daŋga o ve tiŋza̧a̧re ǎt tak ǐŋŋi zùkka yaa ɓinn hɛn vo̧o̧rire kə niʼ hȩȩkpa yɔlsa dɔ Yeesu doò zɔrɛ#27:48 Vo goozin vere Dɛg 69: 22. 49Ɛn ɗaa náa zɔʼ ve fee: «Ba laa vo Eli ke yaa sɔ̌zaarɛ!» 50Yeesu wa̧a̧ yak aʼ zɔʼ ɓɛʼ ɛn o vɔrɛ. 51Yak da̧a̧ no oppo vin bahuur Go̧o̧ge liki#27:51 Vo to Ɛkz 2631-33 nɔ ta̧a̧zinni bɛlba gbɔ zo̧o̧ zame. Hɛttɔ nammɛ, sɛ̧̀ɛ̧̀ nɔ vɛ wɛʼzinnɛ, 52Gakkɔ ve kullɛ ɛn náa tu̧u̧ Go̧o̧ge vɛ duʼza̧a̧ bɔk ve vɔ nɔ ve luu kəy za̧a̧na. 53Ve vuki gakke tuu, ɛn pik an Yeesu o niŋzi kəzəkɔ, ve tak Zeruzalɛm kap aʼ za̧a̧ nɔ oppo, yɛɛ náa ve duʼza̧a̧ ve hə̧ vo tin nɔ oppo. 54Wa̧a̧ vɛɛ̀ kɛŋ Rɔm vere wa̧a̧ vɛɛ̀ ke vey laa Yeesu nɔ vegi vo daŋ ve hə hɛt namma nɔra vere hɛn dàà nɔ ve tɛʼ; dòo kɔ vorɛ kpɛ̌ŋ ve kə fee: «Ginu o Go̧o̧ge tân ani!» 55Kep ve duʼza̧a̧ bɔk ve ɛtuu ɛn ve tǒy yɛɛ yəəte: bɔk ve òorii Yeesu Galile ka ve kɔza kɔmma. 56Ve sɛw nɔ, bɔk Maari waà kap Makdala nɛy, Maari Zâk vere Zo Zɛf naʼ von nɛy, vere Zebede sâm an ve naʼa voni.
Ve ləə Yeesurɛ
Mar 15:42-47; Luk 23:50-56; Zâŋ 19:38-42
57Ɛn mim yak kɔ nɔ, wa̧y nagate ak zɔʼ tin nii an Zo Zɛfi, o kap Arimate nɔ oppo, o yaarɛ. O sɛw, o Yeesu kaam ani vin. 58O luu tak zee Pilati kə haaa Yeesu fo̧o̧ an nɔrɛ. Ɛnɔ Pilat po ya̧a̧ doò ve po Zozɛf Yeesu fo̧o̧ an nɔrɛ. 59Wa̧y nɔ iŋ fo̧o̧ nɔ go̧o̧n vere sam pəŋŋa. 60Kə hoka zo̧o̧ gak pəŋ an bɔk o a̧a̧ yɛɛ sɛksɛkpa nɔ oppo, o kə kǐki aʼ yaa zu̧ʼun gak yakkɔ oy, o kə luurɛ. 61Maari waà kap Makdala nɔ vere Maari zɔʼ nɔ bɔk ve tuu ve zɔɔ gakkɔ o timba.
Wa̧a̧ vɛɛ̀ nɔ ve laa gakkɔrɛ
62Yɔŋgɔ yɔŋgal an, ɛn yo̧o̧ vey gakka náa Yuuda ve yo̧o̧ wə̧ə̧ri von tin nɔ oppo, náa kɔ maak ak kɛŋŋɔ vɛ vere náa Farize vɛ ve tak sɔŋ Pilat oppo 63ve fee: «Wa̧y kɛŋ, vi vəʼə zee de hɛn daŋga, wa̧y və̧ə̧k ak ɛn bɔk oy za̧a̧na kete nɔ, bɔk fee: “Mii luǔy vɔɔ yɛɛre mii kəy za̧a̧na#27:63 Vo to Dən 16: 21; 17: 23; 20: 19.” 64Pòò mɔ fee do ve laa gakkɔrɛ do kɔ yo̧o̧ dɔʼ ta̧a̧to, oò ɛŋgɔ yɛ nɔ kaam an kaà ve yaay iŋŋa fo̧o̧ an nɔ yuǔ kaà vey kə feezaa náa vɛ “o bo luu kəy vɔɔ yɛɛrerɛ.” Və̧ə̧k piki ɛnɔ kaà de ɗəəra zɔʼ tinba nɔrɛ.» 65Pilat feet vo: «Wa̧a̧ vɛɛ̀ nɔ vey ɛnɔ vo tak vo laa gakkɔ too vo hi̧i̧ nɔm.» 66Ve tak gâk gakkɔ laa: ve gbak gak yakkɔ, ve ɛ laawɔ ve tin.
Currently Selected:
Matiye 27: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 27
27
Ve pan Yeesu Pilat o timba
Mar 15:1; Luk 23:1-2; Zâŋ 18:28-32
1Yɔŋgay nɔmpo, náa kɔ maak ak kɛŋŋɔ ve tɛʼ vere náa kɛŋ Yuuda nɔ vɛ ve sɔŋ yȩʼ ka ve vɔ̌t Yeesurɛ. 2Ve vɔlaa, ve pan tak heʼe, gɔmna kɛŋ Pilat Rɔmmɔ oppo.
Zuudas vɔɔ ani
Yaʼ 1:18-19
3Zuudas, wa̧y he Yeesu nɔ, kii bo vey so vɔ̌tta Yeesurɛ nɔ, o ò gaama kənzay náa kɔ maak ak kɛŋŋɔ vɛ vere náa kɛŋ zik Yuuda nɔ vɛ sann waa gbɛk zoo boʼ nɔrɛ. 4O feet vo: «Mi kɔ gbo̧o̧ka, mi he, há̧a̧ kɔn hɛn gbo̧o̧k yɛ vɔɔ o naʼá!» Ɛn ɗaa ve hi̧i̧za: «Ɛn kan vi ɓɛ yɛ! Moò mɔni!» 5Zuudas hòò sann waa nɔ Go̧o̧ge liki tuu, o kə luu tak gərɛ. 6Náa kɔ maak ak kɛŋŋɔ ve fa̧a̧ sann waa nɔ ve kə fee: «Moò buu ban vo pon ba vo ya̧a̧ doò ba sɔ̌ŋ vo sann waa nɛnɔ vere hell Go̧o̧ge liki nɔrɛ yɛ, de ɛnɔ hell mɛɛma#27:6 Hell mɛɛma ongɛɛ hell há̧a̧ mɛɛma.» 7Ve kiizin kəzəkɔ, ve ɓǎn sann waa nɔ háa yo̧o̧ kəʼ zɔʼ haŋ ani ka ve ləə gay nɔ ve tin. 8Moò an oy haŋ ɛnɔ ve ya̧a̧ bo «mɛɛm haŋŋa» yaa gbɔy de munɛ. 9Ɛnɔ hɛn Go̧o̧ge yaʼyɛɛ an Zeremi bɔk fee nɔ kɔ de oy: «Ve iŋ hell sann waa gbɛk zoo boʼ, sɛk náa Islayɛl bɔk ve dìi ka ve tokinna nɛy 10ɛn ve ɓǎn há̧a̧ yo̧o̧ kəʼ akkɔ haŋ an too Gbɛ̧ɛ̧ kɛŋ bɔk feezi nɔm.»
Yeesu oy Pilat o timba
Mar 15:2-5; Luk 23:3-5; Zâŋ 18:33-38
11Ve dìi Yeesu gɔmna kɛŋ Pilat o timba, o viʼi: «Mɔ náa Yuuda ve Gbɛ̧ɛ̧ vonirɛ?» Yeesu hi̧i̧za: «Mɔy fee de yɔ.» 12Pik an, náa kɔ maak ak kɛŋŋɔ vɛ vere náa kɛŋ kappɔ vey təŋŋaa nɔ o hi̧i̧n yak yɛ. 13Ɛnɔ Pilat feeza: «Mɔ kiin təŋŋi vey təŋumma tɛʼ ɛn ve yɛrɛ?» 14Ɛn Yeesu hi̧i̧zina yak daŋga maaki yɛ, ɛnɔ gɔmna kɛŋŋɔ kɔʼɔ bit yəəm za̧a̧.
Ve yȩʼ Yeesu doò vɔrɛ
Mar 15:6-15; Luk 23:13-25; Zâŋ 18:39–19:16
15Duʼ Pâk oò lii tuŋ, gɔmna kɛŋ bɔk nenin há̧a̧ lik naʼre daŋga hoozii, há̧a̧ náa ve hí̧i̧i̧ nɛy. 16Yɛɛ bɔk ɛnɔ há̧a̧ zɔʼ bɔk o lik naʼre moò an bɔk kin yɛɛ tɛʼ ve ya̧a̧a̧ bo Yeesu Barabasi. 17Pilat vi náa duʼ ke ve sɔŋŋɔ vɛ: «Vo hi̧i̧ mi hoozi vo hii tin yɛɛ: Yeesu Barabasirɛɛ ha̧a̧rɔɔ Yeesu ve ya̧a̧a̧ bo kirisi nɛyrɛ?» 18Pilat gaarɛ za̧a̧za̧a̧, bo ve het vo Yeesu nɔ bo moò sȩȩka yakka. 19Pilat oy zɔɔri yɛɛ yȩʼ moò ba, kenaa yaʼzaay ɛlla: «Mɔ kɔ wa̧y za̧a̧ ɛnɔ hɛn zɔʼ sɛ, ke vi̧i̧ munɛ nɔ kii gaa gim nənzin kpɛ̌ŋ moò ani, golli yɛɛrɛ kpɛ̌ŋ.» 20Náa kɔ maak ak kɛŋŋɔ vɛ vere náa kɛŋ kappɔ vɛ ve tɔ̧̌l náa duʼ nɔ ve doò ve haa Pilat doò hoozi vo Barabasi ɛn doò vɔ̌t Yeesu kirisi. 21Gɔmna kɛŋ iŋ kə yak moot vi vo: «Náa itto ɛn ve nɔ nɔ́ɔ́ vo hi̧i̧ mi hoozi vo hii tin yɛɛ?» Ve hi̧i̧za: «Barabasi!» 22«Pilat vi vo: «Mi kɔ Yeesu ve ya̧a̧a̧ Kirisi nɔ tuubɔgɛ?» Náa ve tɛʼ ve hi̧i̧: «Mɔ gaʼa tap ɓanzinna ba!» 23Pilat vi vo: «Hɛ̧ɛ̧n ɓɛɛn o kɔ ɓimmɔ nɛɛ?» Ɛn ve gbat wɔɔka aʼvin vere gɔti von tɛʼ: «Mɔ gaʼa tap ɓanzinna ba!» 24Ɛn Pilat hə̧ o liin kaà kɔ hɛn zɔʼ ɓɛ yɛ, to moò nɔ de ya̧tta takka tinba nɔ, iŋ maam əll naak an duʼ timba tuu kə fee: «Mi paam wɔɔk ak wa̧y ɛn o vɔɔ ba yɛ! De ɛn moò voni!» 25Náa duʼ nɔ ve tɛʼ ve hi̧i̧: «Yɔʼ mɛɛm an nɔ do kə̌y ivi po vere sâm vin vɛ o ve po!» 26Ɛnɔ Pilat hoozi vo Barabasɛ; o wa̧a̧na yessu ɓɛtta kə poʼo, o ve naʼá doò ve gaʼa tap ɓanzinna ba.
Wa̧a̧ vɛɛ̀ nɔ ve zaa Yeesurɛ
Mar 15:16-20; Zâŋ 19:2-3
27Pilat wa̧a̧ vɛɛ̀ an nɔ ve pan tǎn Yeesu gɔmna kɛŋ o pekke ɛn wa̧a̧ vɛɛ̀ duʼ nɔ tɛʼ ve faŋ ve sɔŋ ve kəkarɛ. 28Ve pɔlla sam hɛge ve kə dɔza sam bȩȩ̌. 29Pik an ve tɛ̧̀ɛ̧̀ sa̧a̧t heebělla, ve dɔza wɔɔkpa ve kə poʼo hȩȩk o naak za̧a̧ ba. Ve kə ɗiksi o timba ve kə zaaarɛ ve fee: «Vi moogummɛ, Náa Yuuda ve Gbɛ̧ɛ̧ von!» 30Ve tuuza sɔt fɔn ve kə fǎt hȩȩk o naʼa nɔ ve wa̧a̧na wɔɔkpa. 31Ve zaaa ɛn kəzəkɔ, ve pɔza sam bȩȩ nɔ hɛge ve dɔza kə sam ani ka ve tak gaʼa tap ɓanzinna ba.
Ve gaʼ Yeesu tap ɓanzinna ba
Mar 15:21-32; Luk 23:26-43; Zâŋ 19:17-27
32Ve vuk kap aʼre tuu nɔ, ve tak kasinga wa̧y zɔʼ kap sirɛnə ve ya̧a̧a̧ Simɔŋŋi; wa̧a̧ vɛɛ̀ nɔ ve kpɔksa doò gann Yeesu tap ɓanzinna an nɔrɛ. 33Ve gbɔ yɛɛ ve ya̧a̧ bo Golgota nɔ oppo, feeri an «Wɔɔk neŋ yɛɛ̌.» 34Ituu nɔ, ve po Yeesu bum ve ya̧a̧rin vey nɔŋŋa o gòk kəzəkɔ, o bɔn zɔrarɛ. 35Ve gaʼa Yeesu tap ɓanzinna ba ve kə yəʼzin sam an vɛ ve goon koyya.#27:35 Vo to Dɛg 22: 19 36Pik an ve zɔɔ ɛtuu ve laaarɛ. 37Ve dɛ̧ɛ̧ hɛn kɔ vey vɔ̌zaa nɔ tap pɛ̌kpa ve haksi o wɔɔk dakke gǎŋ: «Wa̧y nɛnɔ o Yeesuy náa Yuuda ve Gbɛ̧ɛ̧ von nɛy.» 38Yúu zɔʼ ve itto ve gaʼ vo tap ɓanzinna Yeesu o sɛkpa, daŋga nɔ onaak za̧a̧ ba zɔʼ nɔ o naak kpay ba#27:38 Vo goozin vere Ezǎ 53: 12. 39Náa daa yana ve zɛɛɛ ve do wɔɔk tin#27:39 Vo to Dɛg 22: 8; 40Ve feeza: «Mɔy bɔk mɔ hi̧i̧ ka bo vo tǔl Go̧o̧ge likkɔ hɛge ka bo ve yò̧ò̧ kə zɔʼɔ yo̧o̧ dɔʼ ta̧a̧to zaʼ woy#27:40 Vo to Dən 26: 61; Zâŋ 2: 19 mɔy mɔ sɔt wɔɔk mɔn bɔ, oò mɔ Go̧o̧ge tân ani nɛy, mɔ siy tap ɓɛnzinna ba tuu bɔ guu!» 41Náa kɔ maak ak kɛŋŋɔ vɛ vere náa it Moyi̧zə moò buu an vɛ vere náa kɛŋ kappɔ vɛ ve zaaarɛ too ɛnɔm vin ve fee: 42«Bɔk o sɔ̌t náa zɔʼ verɛ o kaà sɔ̌zin wɔɔk an yɛ! Oy Gbɛ̧ɛ̧ Islayɛl yɔ ɗaarɛ? Do siy tap ɓanzinna ba tuu ɓɔllɛ nɛ bɔ, ɛn bay tu̧u̧u̧ voraa. 43Bɔk o ɛt si̧i̧ an Go̧o̧ge oppo, ɛn bɔk o fee: “Mi Go̧o̧ge tân ani.” Ɛn sȩȩrɛ, Go̧o̧ge oò hi̧i̧i̧rɛ nɔ, do sɔ̌za bɔ ɓɔllɛ nɛ#27:43 Vo to Dɛg 22: 9!» 44Ɛn yúu seè bɔk ve gaʼ vo tap ɓanzinna ba o sɛkpa nɔ vɛ ve zɛɛɛ too ɛnɔm vin.
Yeesu vɔɔ ani
Mar 15:33-41; Luk 23:44-49; Zâŋ 19:28-30
45Yo̧o̧ daake, visǎm sà̧à̧ hɛkpa tuu gbɔ yo̧o̧ tân ta̧a̧to mim yakpa. 46Yo̧o̧ tân ta̧a̧to ba Yeesu wa̧a̧ yakka aʼvin: «Eeli, Eeli, Lɛma sabaktani?» Feeri an: «Go̧o̧ge min, Go̧o̧ge min, mɔ gbəli moò nɛɛ#27:46 Vo to Dɛg 22: 2?» 47Náa ke vey diiri ɛtuu nɔ vɛ, ve kii nɔ ve fee: «De ya̧a̧ Elii!» 48Há̧a̧ daŋga o ve tiŋza̧a̧re ǎt tak ǐŋŋi zùkka yaa ɓinn hɛn vo̧o̧rire kə niʼ hȩȩkpa yɔlsa dɔ Yeesu doò zɔrɛ#27:48 Vo goozin vere Dɛg 69: 22. 49Ɛn ɗaa náa zɔʼ ve fee: «Ba laa vo Eli ke yaa sɔ̌zaarɛ!» 50Yeesu wa̧a̧ yak aʼ zɔʼ ɓɛʼ ɛn o vɔrɛ. 51Yak da̧a̧ no oppo vin bahuur Go̧o̧ge liki#27:51 Vo to Ɛkz 2631-33 nɔ ta̧a̧zinni bɛlba gbɔ zo̧o̧ zame. Hɛttɔ nammɛ, sɛ̧̀ɛ̧̀ nɔ vɛ wɛʼzinnɛ, 52Gakkɔ ve kullɛ ɛn náa tu̧u̧ Go̧o̧ge vɛ duʼza̧a̧ bɔk ve vɔ nɔ ve luu kəy za̧a̧na. 53Ve vuki gakke tuu, ɛn pik an Yeesu o niŋzi kəzəkɔ, ve tak Zeruzalɛm kap aʼ za̧a̧ nɔ oppo, yɛɛ náa ve duʼza̧a̧ ve hə̧ vo tin nɔ oppo. 54Wa̧a̧ vɛɛ̀ kɛŋ Rɔm vere wa̧a̧ vɛɛ̀ ke vey laa Yeesu nɔ vegi vo daŋ ve hə hɛt namma nɔra vere hɛn dàà nɔ ve tɛʼ; dòo kɔ vorɛ kpɛ̌ŋ ve kə fee: «Ginu o Go̧o̧ge tân ani!» 55Kep ve duʼza̧a̧ bɔk ve ɛtuu ɛn ve tǒy yɛɛ yəəte: bɔk ve òorii Yeesu Galile ka ve kɔza kɔmma. 56Ve sɛw nɔ, bɔk Maari waà kap Makdala nɛy, Maari Zâk vere Zo Zɛf naʼ von nɛy, vere Zebede sâm an ve naʼa voni.
Ve ləə Yeesurɛ
Mar 15:42-47; Luk 23:50-56; Zâŋ 19:38-42
57Ɛn mim yak kɔ nɔ, wa̧y nagate ak zɔʼ tin nii an Zo Zɛfi, o kap Arimate nɔ oppo, o yaarɛ. O sɛw, o Yeesu kaam ani vin. 58O luu tak zee Pilati kə haaa Yeesu fo̧o̧ an nɔrɛ. Ɛnɔ Pilat po ya̧a̧ doò ve po Zozɛf Yeesu fo̧o̧ an nɔrɛ. 59Wa̧y nɔ iŋ fo̧o̧ nɔ go̧o̧n vere sam pəŋŋa. 60Kə hoka zo̧o̧ gak pəŋ an bɔk o a̧a̧ yɛɛ sɛksɛkpa nɔ oppo, o kə kǐki aʼ yaa zu̧ʼun gak yakkɔ oy, o kə luurɛ. 61Maari waà kap Makdala nɔ vere Maari zɔʼ nɔ bɔk ve tuu ve zɔɔ gakkɔ o timba.
Wa̧a̧ vɛɛ̀ nɔ ve laa gakkɔrɛ
62Yɔŋgɔ yɔŋgal an, ɛn yo̧o̧ vey gakka náa Yuuda ve yo̧o̧ wə̧ə̧ri von tin nɔ oppo, náa kɔ maak ak kɛŋŋɔ vɛ vere náa Farize vɛ ve tak sɔŋ Pilat oppo 63ve fee: «Wa̧y kɛŋ, vi vəʼə zee de hɛn daŋga, wa̧y və̧ə̧k ak ɛn bɔk oy za̧a̧na kete nɔ, bɔk fee: “Mii luǔy vɔɔ yɛɛre mii kəy za̧a̧na#27:63 Vo to Dən 16: 21; 17: 23; 20: 19.” 64Pòò mɔ fee do ve laa gakkɔrɛ do kɔ yo̧o̧ dɔʼ ta̧a̧to, oò ɛŋgɔ yɛ nɔ kaam an kaà ve yaay iŋŋa fo̧o̧ an nɔ yuǔ kaà vey kə feezaa náa vɛ “o bo luu kəy vɔɔ yɛɛrerɛ.” Və̧ə̧k piki ɛnɔ kaà de ɗəəra zɔʼ tinba nɔrɛ.» 65Pilat feet vo: «Wa̧a̧ vɛɛ̀ nɔ vey ɛnɔ vo tak vo laa gakkɔ too vo hi̧i̧ nɔm.» 66Ve tak gâk gakkɔ laa: ve gbak gak yakkɔ, ve ɛ laawɔ ve tin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in