Matiye 24
24
Yeesu fee Go̧o̧ge likkɔ boy tullaa
Mar 13:1-2; Luk 21:5-6
1Yeesu vuk Go̧o̧ge liki tuu, oy luuri ba maa, kaam an ve diŋŋi o hɛge ka ve îza Go̧o̧ge likkɔ ve yò̧ò̧ nɛy. 2Ɛnɔ Yeesu ǐŋ yak moot kə feet vo: ‹‹Vo hə̧ hɛn ɛnɔ verɛ tɛʼ ɗaarɛ? Mi feet vora, de ginu: Pinn zɔʼ daŋga de pəə goʼona pinn zɔʼ o daake yɛ; de tulla hɛge tɛʼ tɛʼ.››
Yɔ̂ʼ nɔ vey vere gim gaara nɔ vey
Mar 13:3-13; Luk 21:7-19
3Yeesu zɔɔ gbɔk yɛɛ Oliviye dii tin nɔ oppo. Kaam an ve diŋ yaa o hɛge o ve da̧a̧re ve kə viʼi: «Mɔ feet virɛ hɛn ɛn de daa yɛtugɛ? Ɛn hɛ̧ɛ̧n de itta ka vi gaa yo̧o̧ kə̌y mɔn nɔ vere yo̧o̧ hɛk si̧ʼtummɔ tin ze nɔ nɛɛ? 4Yeesu hi̧i̧t vo: «Vo laa wɔɔk von nɛ! Há̧a̧ ka yaa sɔɔ vora sɛ! 5Ɛnɔ há̧a̧ ve duʼza̧a̧ vey yaay ii nii ba. Vey fee: “Mi kiris yɔ!” Ɛn vey sɔɔra náa ve duʼza̧a̧. 6Vo yaa kií seè moò verɛ, ke ɛtɛɛ, ha̧a̧ ke yɛɛ yəəte; dòo do kɔ vo sɛ: Hɛn ɛnɔ de gbɔ̌y doʼ, ɛn hɛk si̧ʼtum oy kere yɛ. 7Zik zɔʼ de wa̧a̧ringaa zik zɔʼɔ, ɛn gbɛ̧ɛ̧ yɛɛ zɔʼ de wa̧a̧ringaa gbɛ̧ɛ̧ yɛɛ zɔʼɔ; Hɛk yɛɛ duʼza̧a̧ gɔ̧ll de yaay ɛn hɛt de namma yɛɛ kətkət. 8Hɛn ɛnɔ ve tɛʼ de bi̧i̧ too kep pə̧ə̧ kûk ak de hȩȩkpa ka wɔɔzi nɔm. 9Ɛnɔ há̧a̧ vey he vora doò ve ɗeʼen vorɛ vey kə vɔ̌t voraa. Zikkɔ ve tɛʼ vey ɓɛɛ vora ii moòre. 10Yo̧o̧n ɛnɔ náa ve duʼza̧a̧ vey gbəlla si̧i̧ tu̧u̧rɛ; vey a̧a̧zinna bǔlla vey kə ɓɛɛzinnaa ii moòre. 11Náa yaʼyɛɛ və̧ə̧k ak ve duʼza̧a̧ ve yaa sɔɔra náa ve duʼza̧a̧. 12Hɛn ɓɛɛ de naaa aʼvin, náa ve duʼza̧a̧ hi̧i̧zin von de ka̧a̧sii. 13Ɛn há̧a̧ oò dii za̧a̧za̧a̧ gbɔ yɛɛ si̧ʼtumba nɔ, de sɔ̌raa. 14Vey fee moò za̧a̧ Go̧o̧ge o gbɛ̧ɛ̧re nɔ hɛkpa tɛɛ sɛw tɛʼ, náa gaan Go̧o̧ge yɛ nɔ vɛ tɛʼ doò ve kììrɛ. Ɛnɔ hɛk si̧ʼtummɔ de gbɔy yàa ze.
Náa ve yaa gaa gimma aʼvin
Mar 13:14-23; Luk 21:20-24
15Voy yaa hə̧ra há̧a̧ ve ya̧a̧a̧ bo “Lell yɛɛ ak hɛ̧ɛ̧ wɔɔki” Go̧o̧ge yaʼyɛɛ an Daniyɛl bɔk mòò moò an nɔ; oy yaa dii yɛɛ kɔ maakɔ oppo. Há̧a̧ oo waʼ hɛn nɛnɔ do kii za̧a̧za̧a̧! 16Ɛnɔ, náa vey kanna Yuuda nɔ do ve ât dɔk gbɔkke; 17Há̧a̧ oò de o ka̧a̧ wɔɔkpa gaa do si ka bo ve iŋ hɛn von pə̧ə̧re tuu nɔ vey sɛ; 18Há̧a̧ oò ke de hǎn ka yaa ɗɛɛ kěy kàa ka bo ve iŋ sam voni sɛ. 19Wûy, yo̧o̧ ɛnɔ yɔʼ de zee kep pə̧ə̧ri nɔ vɛ vere zȩya nɔ verɛ! 20Vo haa Go̧o̧ge atti von nɔ ka yaa goozin vere yéék sɛ, ongɛɛ náa Yuuda o ve yo̧o̧ wə̧ə̧riba sɛ. 21Ɛnɔ, yo̧o̧ ɛn de hȩ̀ȩ̀ wɔɔk ɗəəra zɔʼ ba gaa vo yɛɛ hɛk bɔk bi̧i̧ tin yaa gbɔ̌y de ɓɔllɛ nɛnɔrɛ, ɛn zɔʼ ka liizinga ɛnɔrɛ nɔ de paama ɓɛ yɛ.#24:21 Vo goozin vere Dan 12:1 22Go̧o̧ge bɔk kaà ɓɛ̧ɛ̧n yo̧o̧ nɔ yɛ nɔ, há̧a̧ zɔʼ kaà de sɔ̂nna yɛ. Ɛn o ɓɛ̧ɛ̧ nɔ náa an o wɛɛ vo nɔ o ve moòre. 23Ɛnɔ há̧a̧ oò feet vo gɔɔ: “Vo torɛ, Kiris oy nɛ!” Ongɛɛ “oy ɛnɔ̀!” Vo ɓaza sɛ. 24Ɛnuu, Kiris və̧ə̧k akkɔ vɛ vere yaʼyɛɛ və̧ə̧k akkɔ vɛ vey yaǎy. Vey kɔra hɛn yɔ̧fit aʼ nɔ vɛ vere hɛn yellɔ vey, oò ve hakkɛ nɔ ka ve sɔɔrin náa Go̧o̧ge wɛɛ vo nɔ vey. 25Vo kììrɛ bɔk mi gbaʼ feet vo ma zɛɛ. 26«Oo ve feet vo: “Vo torɛ, Kiris oy ho̧o̧t talle!”, Vo tak sɛ. On ve feet vo: “Vo torɛ, oy ɗínna de nɛ nɔ!”, Vo ɓaza sɛ. 27Ɛnuu too maam de yȩʼgii bɛlba yo̧o̧ vukkare gbɔ̀ yo̧o̧ tunnare nɔm, há̧a̧ Tân an de kə̌y nɔ de kɔra too ɛnɔm vin. 28Yɛɛ vɔɔ̀ kan de tin nɔ, dùkúmmɔ vey sɔŋŋa oppo vin.››
Há̧a̧ Tân an, yaari ani
Mar 13:24-27; Luk 21:25-28
29‹‹Yo̧o̧ gim gaá ɛnɔ oppo ɛtuu vin, pikan yo̧o̧ nɔ de dȩȩna ɓɛ yɛ, sɛ̧ɛ̧̀ nɔ de ponna yɛɛ dȩȩt an ɓɛ yɛ, sɛ̧ɛ̧̀ waa nɔ vey pɛlii bɛlba tuurɛ ɛn gɔti bɛlba nɔ vey nammaa. 30Ɛnɔ, hɛn ka it Há̧a̧ Tân an yaari an nɔ, de hənii bɛlba; ɛnɔ, náa hɛkpa nɔ ve tɛʼ, vey bà̧à̧ ɓɛɛɛ, vey həra Há̧a̧ Tân an de yaay kuʼre bɛlba vere gɔtii aʼvin vey gbəəma.#24:30 Vo to Dan 7:13 31Oy yaʼiy Zə̧ə̧ an vɛ sɛk natto hɛkpa tɛɛ nɔ vɛ oppo vey úúra tìirìp aʼni tin, ve yaa sɔŋŋa náa an o wɛ̀ɛ̀ vo hɛkpa tɛɛ sɛk zɔʼ vey sɛk zɔʼ nɔ ve tɛʼ vɛy.››
Moò bɛmm yemma
Mar 13:28-31; Luk 21:29-33
32‹‹Vo kii hɛn goozinna vere yemmɔ oppo nɔ za̧a̧za̧a̧. Heéběl an nɔ oò ve yɔ̧kkɛ, wat an oò ve sarɛ, voy gaa yeek bo sani ma. 33De da̧a̧ nɔm vin, oò vo hə̧ hɛn ɛnɔ ve tɛʼ ma nɔ, vo gaârɛ hɛn nɔ san gbɔ̌y ma kɔrârɛ màa. 34Mi feet vora de ginu: náa ɓɔllɛ nɛnɔ vey vɔ si̧ʼinna tɛʼ doʼ hɛn ɛnɔ tɛʼ ka gbɔy ze yɛ. 35Bɛltiì vere hɛt vey tɛ̂kkaa, ɛn yak moot min ve tɛ̂kin yɛ.››
Go̧o̧ge gaa yo̧o̧ hɛk de si̧ʼra tin nɔ yɔ zaʼ
Mar 13:32-37; Luk 17:26-30, 34-36
36Ɛnɔ, há̧a̧ de gaana yo̧o̧n kěy gbɔ̌y yɛtugɛrɛ nɔ yɛ, de gaana yó̧o̧ tân hɛn ɛnɔ de gbɔ̌y tin nɔ yɛ, ke Go̧o̧ge Zə̧ə̧̀ an bɛlba nɔ vey, ɛnTân nɔ sɛw, ɛn Baa o gaa yɔ zaʼ. 37Hɛn zɛ̀ɛ̀ daa Nɔye o vɛlba nɔ, yo̧o̧n Há̧a̧ Tân an de kə̌y tin nɔ de daa too ɛnɔm vin sɛw. 38Ɛnuu, vɛlin maam pɔll aʼ bɔk yaana dee yɛ nɔ oppo, náa bɔk vey lɛraa vey zɔraa, vey ɓasinnaa ongɛɛ bɔk vey yaʼa sâm kep von ve wiire gbɔ yo̧o̧n Nɔye dɔ Arkəre#24:38 Arkə nɔ kɔmbal âʼa ɛn naa ɗəə kɔmballɛ tin nɔ oppo. 39Ve gaan hɛn zɔʼ yɛ gbɔ yo̧o̧n maam pɔll yaa pɔ̌t vorɛ tɛʼ.#24:39 Vo to Zən 7: 7-24 Yo̧o̧n Há̧a̧ Tân an de kə̌y tin nɔ de daa too ɛnɔm vin. 40Ɛnɔ, wa̧p ve itto vey hǎn: daŋga de iŋŋaa daŋga de pəəə. 41Kep ve itto vey nanna hɛn yên naakpa: daŋga de iŋŋaa daŋga de pəəə. 42Vo kan vo zà̧à̧ nɔtta, ɛnɔ vo gaan yo̧o̧ gbɛ̧ɛ̧ kɛŋ von de kə̌y tin nɔ yɛ. 43Vo kii hɛn nɛnɔ za̧a̧za̧a̧: wa̧y kà̧à̧ akkɔ kaà gaa vi̧i̧ yɛɛ yuu de yaay tin nɔrɛ nɔ, kaà de za̧a̧ nɔtta, kaà de ɛ̂nna yuu doò dɔ o kàa yɛ. 44Moò an oy, vo sɛw vo gakkɛ, ɛnɔ Há̧a̧ Tân an de kə̌y yo̧o̧ tân vo gaanɛ tin nɔ oppo.
Há̧a̧ kɔ kɔm ak za̧ǎ̧ vere há̧a̧ kɔ kɔm ak ɓɛɛ̌
Luk 12:41-48
45Hii o kɔm ak za̧a̧ gaa moò tin nɔ yɛɛ? De há̧a̧ kɛŋ an feeza: Mi ɛzumma kɔm ɛnɛy: mɔ po náa kɔm ak zɔʼ nɔ ve lɛmma yɛɛ oò lii nɔ gɔ. 46Kɔm ak ɛnɔ oy za̧a̧re, kɛŋ an oò kə̌y yaa zeee de kɔra kɔm ɛn tin nɛy! 47Mi feet vora de ginu: wa̧y kɛŋ an nɔ de ɛzaa hell an ve naʼa tɛʼ. 48Ɛn oò kɔm ak ɓɛɛ̌ dɔmmɔ, oy fee: “wa̧y kɛŋ min o dilirɛ, kə̌ni nɔm yɛ.” 49Ɛn o kə dii daaa kɔm akkɔ ve wa̧a̧zi voo, o pɛ lɛm lɛllaa vere bum zɔ̌lla vega náa vɔ̌n bum vey. 50Ɛnɔ kɛŋ an nɔ de kə̌y yo̧o̧n kɔm akkɔ laana yɛ tin nɔ oppo, vere yo̧o̧ tân o gaanɛ nɔ oppo; 51Wa̧y kɛŋŋɔ de nɛnna kɔm ak ɛn nɛ, de ɗeʼenaa too Go̧o̧ge de ɗeʼena náa yak yuu ve nɔm, kɔm akkɔ de wa̧a̧ra yak de yəʼra nuuta.»
Currently Selected:
Matiye 24: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 24
24
Yeesu fee Go̧o̧ge likkɔ boy tullaa
Mar 13:1-2; Luk 21:5-6
1Yeesu vuk Go̧o̧ge liki tuu, oy luuri ba maa, kaam an ve diŋŋi o hɛge ka ve îza Go̧o̧ge likkɔ ve yò̧ò̧ nɛy. 2Ɛnɔ Yeesu ǐŋ yak moot kə feet vo: ‹‹Vo hə̧ hɛn ɛnɔ verɛ tɛʼ ɗaarɛ? Mi feet vora, de ginu: Pinn zɔʼ daŋga de pəə goʼona pinn zɔʼ o daake yɛ; de tulla hɛge tɛʼ tɛʼ.››
Yɔ̂ʼ nɔ vey vere gim gaara nɔ vey
Mar 13:3-13; Luk 21:7-19
3Yeesu zɔɔ gbɔk yɛɛ Oliviye dii tin nɔ oppo. Kaam an ve diŋ yaa o hɛge o ve da̧a̧re ve kə viʼi: «Mɔ feet virɛ hɛn ɛn de daa yɛtugɛ? Ɛn hɛ̧ɛ̧n de itta ka vi gaa yo̧o̧ kə̌y mɔn nɔ vere yo̧o̧ hɛk si̧ʼtummɔ tin ze nɔ nɛɛ? 4Yeesu hi̧i̧t vo: «Vo laa wɔɔk von nɛ! Há̧a̧ ka yaa sɔɔ vora sɛ! 5Ɛnɔ há̧a̧ ve duʼza̧a̧ vey yaay ii nii ba. Vey fee: “Mi kiris yɔ!” Ɛn vey sɔɔra náa ve duʼza̧a̧. 6Vo yaa kií seè moò verɛ, ke ɛtɛɛ, ha̧a̧ ke yɛɛ yəəte; dòo do kɔ vo sɛ: Hɛn ɛnɔ de gbɔ̌y doʼ, ɛn hɛk si̧ʼtum oy kere yɛ. 7Zik zɔʼ de wa̧a̧ringaa zik zɔʼɔ, ɛn gbɛ̧ɛ̧ yɛɛ zɔʼ de wa̧a̧ringaa gbɛ̧ɛ̧ yɛɛ zɔʼɔ; Hɛk yɛɛ duʼza̧a̧ gɔ̧ll de yaay ɛn hɛt de namma yɛɛ kətkət. 8Hɛn ɛnɔ ve tɛʼ de bi̧i̧ too kep pə̧ə̧ kûk ak de hȩȩkpa ka wɔɔzi nɔm. 9Ɛnɔ há̧a̧ vey he vora doò ve ɗeʼen vorɛ vey kə vɔ̌t voraa. Zikkɔ ve tɛʼ vey ɓɛɛ vora ii moòre. 10Yo̧o̧n ɛnɔ náa ve duʼza̧a̧ vey gbəlla si̧i̧ tu̧u̧rɛ; vey a̧a̧zinna bǔlla vey kə ɓɛɛzinnaa ii moòre. 11Náa yaʼyɛɛ və̧ə̧k ak ve duʼza̧a̧ ve yaa sɔɔra náa ve duʼza̧a̧. 12Hɛn ɓɛɛ de naaa aʼvin, náa ve duʼza̧a̧ hi̧i̧zin von de ka̧a̧sii. 13Ɛn há̧a̧ oò dii za̧a̧za̧a̧ gbɔ yɛɛ si̧ʼtumba nɔ, de sɔ̌raa. 14Vey fee moò za̧a̧ Go̧o̧ge o gbɛ̧ɛ̧re nɔ hɛkpa tɛɛ sɛw tɛʼ, náa gaan Go̧o̧ge yɛ nɔ vɛ tɛʼ doò ve kììrɛ. Ɛnɔ hɛk si̧ʼtummɔ de gbɔy yàa ze.
Náa ve yaa gaa gimma aʼvin
Mar 13:14-23; Luk 21:20-24
15Voy yaa hə̧ra há̧a̧ ve ya̧a̧a̧ bo “Lell yɛɛ ak hɛ̧ɛ̧ wɔɔki” Go̧o̧ge yaʼyɛɛ an Daniyɛl bɔk mòò moò an nɔ; oy yaa dii yɛɛ kɔ maakɔ oppo. Há̧a̧ oo waʼ hɛn nɛnɔ do kii za̧a̧za̧a̧! 16Ɛnɔ, náa vey kanna Yuuda nɔ do ve ât dɔk gbɔkke; 17Há̧a̧ oò de o ka̧a̧ wɔɔkpa gaa do si ka bo ve iŋ hɛn von pə̧ə̧re tuu nɔ vey sɛ; 18Há̧a̧ oò ke de hǎn ka yaa ɗɛɛ kěy kàa ka bo ve iŋ sam voni sɛ. 19Wûy, yo̧o̧ ɛnɔ yɔʼ de zee kep pə̧ə̧ri nɔ vɛ vere zȩya nɔ verɛ! 20Vo haa Go̧o̧ge atti von nɔ ka yaa goozin vere yéék sɛ, ongɛɛ náa Yuuda o ve yo̧o̧ wə̧ə̧riba sɛ. 21Ɛnɔ, yo̧o̧ ɛn de hȩ̀ȩ̀ wɔɔk ɗəəra zɔʼ ba gaa vo yɛɛ hɛk bɔk bi̧i̧ tin yaa gbɔ̌y de ɓɔllɛ nɛnɔrɛ, ɛn zɔʼ ka liizinga ɛnɔrɛ nɔ de paama ɓɛ yɛ.#24:21 Vo goozin vere Dan 12:1 22Go̧o̧ge bɔk kaà ɓɛ̧ɛ̧n yo̧o̧ nɔ yɛ nɔ, há̧a̧ zɔʼ kaà de sɔ̂nna yɛ. Ɛn o ɓɛ̧ɛ̧ nɔ náa an o wɛɛ vo nɔ o ve moòre. 23Ɛnɔ há̧a̧ oò feet vo gɔɔ: “Vo torɛ, Kiris oy nɛ!” Ongɛɛ “oy ɛnɔ̀!” Vo ɓaza sɛ. 24Ɛnuu, Kiris və̧ə̧k akkɔ vɛ vere yaʼyɛɛ və̧ə̧k akkɔ vɛ vey yaǎy. Vey kɔra hɛn yɔ̧fit aʼ nɔ vɛ vere hɛn yellɔ vey, oò ve hakkɛ nɔ ka ve sɔɔrin náa Go̧o̧ge wɛɛ vo nɔ vey. 25Vo kììrɛ bɔk mi gbaʼ feet vo ma zɛɛ. 26«Oo ve feet vo: “Vo torɛ, Kiris oy ho̧o̧t talle!”, Vo tak sɛ. On ve feet vo: “Vo torɛ, oy ɗínna de nɛ nɔ!”, Vo ɓaza sɛ. 27Ɛnuu too maam de yȩʼgii bɛlba yo̧o̧ vukkare gbɔ̀ yo̧o̧ tunnare nɔm, há̧a̧ Tân an de kə̌y nɔ de kɔra too ɛnɔm vin. 28Yɛɛ vɔɔ̀ kan de tin nɔ, dùkúmmɔ vey sɔŋŋa oppo vin.››
Há̧a̧ Tân an, yaari ani
Mar 13:24-27; Luk 21:25-28
29‹‹Yo̧o̧ gim gaá ɛnɔ oppo ɛtuu vin, pikan yo̧o̧ nɔ de dȩȩna ɓɛ yɛ, sɛ̧ɛ̧̀ nɔ de ponna yɛɛ dȩȩt an ɓɛ yɛ, sɛ̧ɛ̧̀ waa nɔ vey pɛlii bɛlba tuurɛ ɛn gɔti bɛlba nɔ vey nammaa. 30Ɛnɔ, hɛn ka it Há̧a̧ Tân an yaari an nɔ, de hənii bɛlba; ɛnɔ, náa hɛkpa nɔ ve tɛʼ, vey bà̧à̧ ɓɛɛɛ, vey həra Há̧a̧ Tân an de yaay kuʼre bɛlba vere gɔtii aʼvin vey gbəəma.#24:30 Vo to Dan 7:13 31Oy yaʼiy Zə̧ə̧ an vɛ sɛk natto hɛkpa tɛɛ nɔ vɛ oppo vey úúra tìirìp aʼni tin, ve yaa sɔŋŋa náa an o wɛ̀ɛ̀ vo hɛkpa tɛɛ sɛk zɔʼ vey sɛk zɔʼ nɔ ve tɛʼ vɛy.››
Moò bɛmm yemma
Mar 13:28-31; Luk 21:29-33
32‹‹Vo kii hɛn goozinna vere yemmɔ oppo nɔ za̧a̧za̧a̧. Heéběl an nɔ oò ve yɔ̧kkɛ, wat an oò ve sarɛ, voy gaa yeek bo sani ma. 33De da̧a̧ nɔm vin, oò vo hə̧ hɛn ɛnɔ ve tɛʼ ma nɔ, vo gaârɛ hɛn nɔ san gbɔ̌y ma kɔrârɛ màa. 34Mi feet vora de ginu: náa ɓɔllɛ nɛnɔ vey vɔ si̧ʼinna tɛʼ doʼ hɛn ɛnɔ tɛʼ ka gbɔy ze yɛ. 35Bɛltiì vere hɛt vey tɛ̂kkaa, ɛn yak moot min ve tɛ̂kin yɛ.››
Go̧o̧ge gaa yo̧o̧ hɛk de si̧ʼra tin nɔ yɔ zaʼ
Mar 13:32-37; Luk 17:26-30, 34-36
36Ɛnɔ, há̧a̧ de gaana yo̧o̧n kěy gbɔ̌y yɛtugɛrɛ nɔ yɛ, de gaana yó̧o̧ tân hɛn ɛnɔ de gbɔ̌y tin nɔ yɛ, ke Go̧o̧ge Zə̧ə̧̀ an bɛlba nɔ vey, ɛnTân nɔ sɛw, ɛn Baa o gaa yɔ zaʼ. 37Hɛn zɛ̀ɛ̀ daa Nɔye o vɛlba nɔ, yo̧o̧n Há̧a̧ Tân an de kə̌y tin nɔ de daa too ɛnɔm vin sɛw. 38Ɛnuu, vɛlin maam pɔll aʼ bɔk yaana dee yɛ nɔ oppo, náa bɔk vey lɛraa vey zɔraa, vey ɓasinnaa ongɛɛ bɔk vey yaʼa sâm kep von ve wiire gbɔ yo̧o̧n Nɔye dɔ Arkəre#24:38 Arkə nɔ kɔmbal âʼa ɛn naa ɗəə kɔmballɛ tin nɔ oppo. 39Ve gaan hɛn zɔʼ yɛ gbɔ yo̧o̧n maam pɔll yaa pɔ̌t vorɛ tɛʼ.#24:39 Vo to Zən 7: 7-24 Yo̧o̧n Há̧a̧ Tân an de kə̌y tin nɔ de daa too ɛnɔm vin. 40Ɛnɔ, wa̧p ve itto vey hǎn: daŋga de iŋŋaa daŋga de pəəə. 41Kep ve itto vey nanna hɛn yên naakpa: daŋga de iŋŋaa daŋga de pəəə. 42Vo kan vo zà̧à̧ nɔtta, ɛnɔ vo gaan yo̧o̧ gbɛ̧ɛ̧ kɛŋ von de kə̌y tin nɔ yɛ. 43Vo kii hɛn nɛnɔ za̧a̧za̧a̧: wa̧y kà̧à̧ akkɔ kaà gaa vi̧i̧ yɛɛ yuu de yaay tin nɔrɛ nɔ, kaà de za̧a̧ nɔtta, kaà de ɛ̂nna yuu doò dɔ o kàa yɛ. 44Moò an oy, vo sɛw vo gakkɛ, ɛnɔ Há̧a̧ Tân an de kə̌y yo̧o̧ tân vo gaanɛ tin nɔ oppo.
Há̧a̧ kɔ kɔm ak za̧ǎ̧ vere há̧a̧ kɔ kɔm ak ɓɛɛ̌
Luk 12:41-48
45Hii o kɔm ak za̧a̧ gaa moò tin nɔ yɛɛ? De há̧a̧ kɛŋ an feeza: Mi ɛzumma kɔm ɛnɛy: mɔ po náa kɔm ak zɔʼ nɔ ve lɛmma yɛɛ oò lii nɔ gɔ. 46Kɔm ak ɛnɔ oy za̧a̧re, kɛŋ an oò kə̌y yaa zeee de kɔra kɔm ɛn tin nɛy! 47Mi feet vora de ginu: wa̧y kɛŋ an nɔ de ɛzaa hell an ve naʼa tɛʼ. 48Ɛn oò kɔm ak ɓɛɛ̌ dɔmmɔ, oy fee: “wa̧y kɛŋ min o dilirɛ, kə̌ni nɔm yɛ.” 49Ɛn o kə dii daaa kɔm akkɔ ve wa̧a̧zi voo, o pɛ lɛm lɛllaa vere bum zɔ̌lla vega náa vɔ̌n bum vey. 50Ɛnɔ kɛŋ an nɔ de kə̌y yo̧o̧n kɔm akkɔ laana yɛ tin nɔ oppo, vere yo̧o̧ tân o gaanɛ nɔ oppo; 51Wa̧y kɛŋŋɔ de nɛnna kɔm ak ɛn nɛ, de ɗeʼenaa too Go̧o̧ge de ɗeʼena náa yak yuu ve nɔm, kɔm akkɔ de wa̧a̧ra yak de yəʼra nuuta.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in