Matiye 2
2
Náa gaa moò ve yaa Yeesu toraa
1Yeesu ɓɔɔ Bɛtɛlɛm hɛk Yuuda, vɛllin Helôdə bɔk o gbɛ̧ɛ̧ tin nɔ oppo. Yeesu ɓɔɔ kəzəkkɔ, náa gaa moò sɛ̧ɛ̧ waa vɛ, ve yaay tɔŋ yo̧o̧ vukkare ve gbɔy Zeruzalɛm 2ve kə vi: «Tan ke ɓɔɔ, náa Yuuda ve Gbɛ̧ɛ̧ von nɔ oy annɛ? Ki vi hə̧ sɛ̧ɛ̧ waa an ke hən tɔŋŋ yo̧o̧ vukkare ɛn vi yaay ka vi gabaarɛ.›› 3Ɛn gbɛ̧ɛ̧ Helot fee ka kii moò ɛnɔ, kɔʼɔ kpadak, vere náa Zeruzalɛmmɔ ve sɛw tɛʼ. 4O ya̧a̧ sɔŋ náa kɔ maak ak kɛŋŋɔ ve tɛʼ vere náa it Moyzə moò buu an vɛ, kə vi vo yɛɛ kiris ɓɔɔ de tin nɛy. 5Ve hi̧i̧za: «Tɔŋ Bɛtɛlɛm hɛk Yuuda. Ɛnɔ hɛn Go̧o̧ge yaʼyɛɛ an dɛ̧ɛ̧ nɔ de nɛ: 6“Ɛn Bɛtɛlɛm moy, kap waa hɛk Yuuda, mɔ koo ɗəən kap hɛk Yuuda nɔ vɛ sɛw tɛʼ yɔ yɛ; Gbɛ̧ɛ̧ de vukgii umpo de yaa buu zik min Islayɛllɔ yɔ”» 7Ɛnuu Helot ya̧a̧ vi náa gaa hɛn nɔ vɛ yɔ̧ɔ̧me ka do ve feeza za̧a̧za̧a̧ yɛɛ sȩȩ̀ waa nɔ ke hən tin nɛy. 8O kə yaʼ vo tak Bɛtɛlɛm, feet vo: «Vo tak vi tan nɔ moò an za̧a̧za̧a̧; Ɛn òo vo zeee ma nɔ, vo feezi kay gaa dɔm, mi sɛw kay tak gabaarɛ vin.›› 9Náa gaa hɛn nɔ ve kii gbɛ̧ɛ̧ Helot yak moot an nɔ vɛ kəzəkɔ, ve luu takkɛ. Ɛn ve hə sȩȩ̀ waa ke ve həy tɔŋŋ yo̧o̧ vukkare nɔ ɓəə o ve tinba, ɛn fee ka gbɔ yɛɛ tan nɔ oy tin nɔ o daake nɔ diirɛ. 10Ve hə sɛ̧ɛ̧̀ waa nɔ dii ɛtuu nɔ ve bɛllɛ kpɛŋ. 11Ve dɔ tak ka̧a̧ nɔ oppo ve zee tan nɔ vega naʼ an Maarii. Ve ɗiksi dɔʼ ɗuk hɛge ve gǎp tan nɔrɛ; Pik an ve bul saʼa von vɛ ve poʼo pori tin: Sanna, hɛn sa̧a̧ka, vere kit sa̧a̧k akka. 12Pik an ɓɛ nɔ Go̧o̧ge feet vo nənzinne doò ve kə Helot o hɛge ɓɛ sɛ; Ɛn ve iŋ yana zɔʼɔ ve kə o ve hɛkpa.
Atti takka Eziptə
13Ɛn náa gaa hɛn nɔ ve luu nɔ, Go̧o̧ge zə̧ə̧ an hən zozɛf oppo nənzinne kə feeza: «Mɔ luu gaŋ, mɔ iŋ tan nɔ vere naʼ an tin mɔ yâk ǎt takki vo tak Eziptə; mɔ kan ituu kay feezum mɔ kəyrɛ doʼ. Ɛnɔ Helot de tee ka vɔ̌t tan nɔrɛ.›› 14Zozɛf luu iŋ tan nɔ vere naʼ an daŋ vinni yɔɔkpa tuu ɛn o tak ɗinni Eziptə. 15O kani tuu gbɔ Helot o yo̧o̧ vɔɔ ba. Moò hɛn Gbɛ̧ɛ̧ kɛŋ bɔk moò vere Go̧o̧ge yaʼyɛɛ an yak an nɔ doò kurɛ: «Mi ya̧a̧ tan min mi vuksay hɛk Eziptə tuurɛ.››
Ve vɔ̌t sâm ve yəəmza̧a̧
16Ɛn Helot gaa náa gaa hɛn nɔ bo ve sɔɔ vorɛ kəzəkkɔ, noʼo zatta aʼvin. O po ya̧a̧ doo ve vɔ̌t sâm wa̧p kap Bɛtɛlɛm vere kap sɛkpa nɔ vɛʼ, sâm wa̧p ve gbɔ vɛll itto nɔ vɛ vere zɔʼ ve gbɔn vɛll itto yɛ nɔ ve sɛw tɛʼ; Liizinga too náa gaa hɛn ve feeza nɔm. 17Ɛnɔ hɛn Go̧o̧ge yaʼyɛɛ an Zeremi bɔk fee nɔ kɔ de maa oy: 18«Yak wa̧a̧k kini kap Lama, yak wa̧a̧ka vere vɔɔ ba̧a̧ka. Lǎsɛl de ba̧a̧ sâm an vey, o hi̧i̧n gəzinna yɛ, ɛn sâm an ve vɔzirɛ.››
kə̌yri Eziptə
19Helot vɔ kəzəkkɔ, Gɛ̧ɛ̧ kɛŋ Zə̧ə̧ an yaazay Zozɛf nənzinne Eziptə tuu. 20O feeza: «Mo luu gaŋ mo iŋ tan nɔ vere naʼ an tin mɔ kə tak hɛk Islayɛl, ɛnɔ náa bɔk vey tee ka ve vɔt tan nɔ ve vɔ ma.» 21Zozɛf luu gaŋŋɔ, o iŋ tan nɔ vere naʼ an tin ve kə tak hɛk Islayɛl. 22Ɛn ɗaa o kii Arkelawos bo kə gbɛ̧ɛ̧ baʼ an o dəre hɛk Yuuda nɔ dòo kɔʼɔ takka tuurɛ. O kii moò zɔʼ nənnzinne ɓɛʼ, ɛn o tak hɛk Galile. 23O tak kan kap ve ya̧a̧ bo Nazarɛttɔ oppo. Hɛn nɔ daa too ɛnɔmmɔ kut Go̧o̧ge yaʼyɛɛ an vɛ yak moot von nɛnɛy: «Vey ya̧a̧a̧ wa̧y Nazarɛtti.»
Currently Selected:
Matiye 2: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 2
2
Náa gaa moò ve yaa Yeesu toraa
1Yeesu ɓɔɔ Bɛtɛlɛm hɛk Yuuda, vɛllin Helôdə bɔk o gbɛ̧ɛ̧ tin nɔ oppo. Yeesu ɓɔɔ kəzəkkɔ, náa gaa moò sɛ̧ɛ̧ waa vɛ, ve yaay tɔŋ yo̧o̧ vukkare ve gbɔy Zeruzalɛm 2ve kə vi: «Tan ke ɓɔɔ, náa Yuuda ve Gbɛ̧ɛ̧ von nɔ oy annɛ? Ki vi hə̧ sɛ̧ɛ̧ waa an ke hən tɔŋŋ yo̧o̧ vukkare ɛn vi yaay ka vi gabaarɛ.›› 3Ɛn gbɛ̧ɛ̧ Helot fee ka kii moò ɛnɔ, kɔʼɔ kpadak, vere náa Zeruzalɛmmɔ ve sɛw tɛʼ. 4O ya̧a̧ sɔŋ náa kɔ maak ak kɛŋŋɔ ve tɛʼ vere náa it Moyzə moò buu an vɛ, kə vi vo yɛɛ kiris ɓɔɔ de tin nɛy. 5Ve hi̧i̧za: «Tɔŋ Bɛtɛlɛm hɛk Yuuda. Ɛnɔ hɛn Go̧o̧ge yaʼyɛɛ an dɛ̧ɛ̧ nɔ de nɛ: 6“Ɛn Bɛtɛlɛm moy, kap waa hɛk Yuuda, mɔ koo ɗəən kap hɛk Yuuda nɔ vɛ sɛw tɛʼ yɔ yɛ; Gbɛ̧ɛ̧ de vukgii umpo de yaa buu zik min Islayɛllɔ yɔ”» 7Ɛnuu Helot ya̧a̧ vi náa gaa hɛn nɔ vɛ yɔ̧ɔ̧me ka do ve feeza za̧a̧za̧a̧ yɛɛ sȩȩ̀ waa nɔ ke hən tin nɛy. 8O kə yaʼ vo tak Bɛtɛlɛm, feet vo: «Vo tak vi tan nɔ moò an za̧a̧za̧a̧; Ɛn òo vo zeee ma nɔ, vo feezi kay gaa dɔm, mi sɛw kay tak gabaarɛ vin.›› 9Náa gaa hɛn nɔ ve kii gbɛ̧ɛ̧ Helot yak moot an nɔ vɛ kəzəkɔ, ve luu takkɛ. Ɛn ve hə sȩȩ̀ waa ke ve həy tɔŋŋ yo̧o̧ vukkare nɔ ɓəə o ve tinba, ɛn fee ka gbɔ yɛɛ tan nɔ oy tin nɔ o daake nɔ diirɛ. 10Ve hə sɛ̧ɛ̧̀ waa nɔ dii ɛtuu nɔ ve bɛllɛ kpɛŋ. 11Ve dɔ tak ka̧a̧ nɔ oppo ve zee tan nɔ vega naʼ an Maarii. Ve ɗiksi dɔʼ ɗuk hɛge ve gǎp tan nɔrɛ; Pik an ve bul saʼa von vɛ ve poʼo pori tin: Sanna, hɛn sa̧a̧ka, vere kit sa̧a̧k akka. 12Pik an ɓɛ nɔ Go̧o̧ge feet vo nənzinne doò ve kə Helot o hɛge ɓɛ sɛ; Ɛn ve iŋ yana zɔʼɔ ve kə o ve hɛkpa.
Atti takka Eziptə
13Ɛn náa gaa hɛn nɔ ve luu nɔ, Go̧o̧ge zə̧ə̧ an hən zozɛf oppo nənzinne kə feeza: «Mɔ luu gaŋ, mɔ iŋ tan nɔ vere naʼ an tin mɔ yâk ǎt takki vo tak Eziptə; mɔ kan ituu kay feezum mɔ kəyrɛ doʼ. Ɛnɔ Helot de tee ka vɔ̌t tan nɔrɛ.›› 14Zozɛf luu iŋ tan nɔ vere naʼ an daŋ vinni yɔɔkpa tuu ɛn o tak ɗinni Eziptə. 15O kani tuu gbɔ Helot o yo̧o̧ vɔɔ ba. Moò hɛn Gbɛ̧ɛ̧ kɛŋ bɔk moò vere Go̧o̧ge yaʼyɛɛ an yak an nɔ doò kurɛ: «Mi ya̧a̧ tan min mi vuksay hɛk Eziptə tuurɛ.››
Ve vɔ̌t sâm ve yəəmza̧a̧
16Ɛn Helot gaa náa gaa hɛn nɔ bo ve sɔɔ vorɛ kəzəkkɔ, noʼo zatta aʼvin. O po ya̧a̧ doo ve vɔ̌t sâm wa̧p kap Bɛtɛlɛm vere kap sɛkpa nɔ vɛʼ, sâm wa̧p ve gbɔ vɛll itto nɔ vɛ vere zɔʼ ve gbɔn vɛll itto yɛ nɔ ve sɛw tɛʼ; Liizinga too náa gaa hɛn ve feeza nɔm. 17Ɛnɔ hɛn Go̧o̧ge yaʼyɛɛ an Zeremi bɔk fee nɔ kɔ de maa oy: 18«Yak wa̧a̧k kini kap Lama, yak wa̧a̧ka vere vɔɔ ba̧a̧ka. Lǎsɛl de ba̧a̧ sâm an vey, o hi̧i̧n gəzinna yɛ, ɛn sâm an ve vɔzirɛ.››
kə̌yri Eziptə
19Helot vɔ kəzəkkɔ, Gɛ̧ɛ̧ kɛŋ Zə̧ə̧ an yaazay Zozɛf nənzinne Eziptə tuu. 20O feeza: «Mo luu gaŋ mo iŋ tan nɔ vere naʼ an tin mɔ kə tak hɛk Islayɛl, ɛnɔ náa bɔk vey tee ka ve vɔt tan nɔ ve vɔ ma.» 21Zozɛf luu gaŋŋɔ, o iŋ tan nɔ vere naʼ an tin ve kə tak hɛk Islayɛl. 22Ɛn ɗaa o kii Arkelawos bo kə gbɛ̧ɛ̧ baʼ an o dəre hɛk Yuuda nɔ dòo kɔʼɔ takka tuurɛ. O kii moò zɔʼ nənnzinne ɓɛʼ, ɛn o tak hɛk Galile. 23O tak kan kap ve ya̧a̧ bo Nazarɛttɔ oppo. Hɛn nɔ daa too ɛnɔmmɔ kut Go̧o̧ge yaʼyɛɛ an vɛ yak moot von nɛnɛy: «Vey ya̧a̧a̧ wa̧y Nazarɛtti.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in