Matiye 16
16
Náa Farize vɛ vere náa Saduse vɛ ve haa hɛn yɔ̧fitta
Mar 8:11-13; Luk 12:54-56
1Náa Farize vɛ vere náa Saduse vɛ ve diŋ Yeesu o hɛge ka ve toʼza wəkka. Ve viʼi doò kɔ̌t vo hɛn yɔ̧fitta ka bo gaan bo o yaay Go̧o̧ge oppo ze nɛy. 2Ɛn Yeesu hi̧i̧t vo: «Yo̧o̧ oò de tunna nɔ vo fee: “Yɛɛ bo de sȩȩȩ, moò bɛlti̧i̧ nɔ wɛ̧̀ɛ̧̀rɛ nɛy.” 3Ɛn yɔŋgɔ yɔŋgay nɔ, voy fee: “Maam de naŋŋa munɛrɛ, ɛnɔ bɛlti̧i̧ wɛ̧̀ɛ̧̀rɛ yɛɛ ɓo̧ʼrɛ.” Vo gaa òo wǎtta hɛn de daa bɛlba nɔ verɛ ɗaa, ɛn vo gaan òo wǎzinna hɛn de daa yɛɛ ɓɔllɛ nɛnɔ hi̧i̧ fee nɔ ve yɛ! 4Náa munɛ nɔ ve ɓɛɛ̌ ve sȩȩn Go̧o̧ge oppo yɛ, vey haara hɛn yɔ̧fitta, ɛn vey hənna yɔ̧fit zɔʼ daŋga maaki yɛ oò paam Zonas an nɛy zaʼ yɛ nɔ gɔ.»#16:4 Vo goozin vere dən 12: 39-40 Ɛn kəzəkɔ Yeesu luu ɛ vorɛ.
Náa Farize vɛ vere náa Saduse vɛ waak voni
Mar 8:14-21
5Kaamɔ vey ɗaa takka lɛk dən ii nɔ oppo nɔ ve zann nân pannarɛ. 6Ɛnɔ Yeesu feet vo: «Vo laa wɔɔk von vere náa Farize vɛ vere náa Saduse vɛ waak von nɛ.» 7Kaamɔ ve feezin o ve yɛɛ ba: «Oy moo too ɛnɔmmɔ moò ke ba panin voy nàn nɔ yɛ nɛy.» 8Yeesu gaa hɛn ke vey moo nɔrɛ kə vi vo: «Hɛ̧ɛ̧n voy moo o vo yɛɛ ba ɛn nɛɛ: moò vo ɛ̂n nân yɛ nɛyrɛ? Si̧i̧ tu̧u̧ von naanɛ! 9Vo gaana dee yɛ ɓɛrɛ? Vo vəʼə kə moò nân kpɛ̌k saa bɔk yə̧ʼ wa̧p ve saʼa saa vere ɓaa sɛk bɔk vo fa̧a̧ nɔ ve yɛrɛ? 10Ɛn vo vəʼə gaan nân kpɛ̌k gutambe bɔk yə̧ʼ wa̧p ve saʼa natto vere ɓaa sɛ́k bɔk vo fa̧a̧ nɔ ve yɛrɛ? 11Hɛ̧ɛ̧n kɔ vo gaan gɔɔ bo ki feezin vo moò nânna yɛ, yɛɛ ke bǒy feet vo: Vo laa wɔɔk von vere náa Farize vɛ vere náa Saduse vɛ waak von nɛ yɛ nɛy? 12Ɛn kaamɔ ve gaan Yeesu ke bo moozin vo doò ve laa wɔɔk von ve moò waak vey kɔninna nân nɛy yɛ, ɛn doò ve laa wɔɔk von vɛ vere hɛn náa Farize vɛ vere náa Saduse vɛ vey itta nɛy.
Piyɛr fee Yeesu o bo kirisi
Mar 8:27-30; Luk 9:18-21
13Yeesu tak hɛk sezaare Filip. O vi kaam an ve: «Náa vey fee Há̧a̧ Tân an bo o hii yɛɛ?» 14Ve hi̧i̧za: «Náa zɔʼ vey fee bǒm Zâŋ Batisi, zɔʼ ve bǒm Elii, ɛn zɔʼ ve ɓɛʼ bǒm Zeremii ongɛɛ bǒm Go̧o̧ge yaʼyɛɛ an zɔʼɔ.» 15Yeesu kə vi vo: «Von voy fee bǒy hii yɛɛ?» 16Simɔŋ Piyɛr hi̧i̧: «Mɔ Kiris, Go̧o̧ge za̧a̧n Tân ani.» 17Ɛnɔ Yeesu feeza: «Mɔy za̧a̧re, Simɔŋ Zâŋ tân an, ɛnɔ há̧a̧ feezin mɔ moò za̧a̧ ɛn yɔ yɛ, Ɛn Baa min oy Bɛlba gǎŋ gɔɔ nɛy. 18Ɛn sȩȩrɛ, min, mi feezumma, mɔ Piyɛri feeri an sɛ̧̀ɛ̧̀ɛ̧́, sȩ̀ȩ̀ ɛnɔ mii yo̧ǒ̧ Egilizə min oppo#16:18 Vo goozin vere Efɛ 2:20. Ɛn vɔɔ de ɛ̂nna gɔti o ve po yɛ. 19Mii pomma tap ta̧a̧ Gbɛ̧ɛ̧ yɛɛ bɛlba gǎŋŋɔrɛ. Hɛn Mɔy mara hɛkpa tɛɛ nɔ vey mara bɛlba gɔɔrɛ vin; hɛn mɔy ɓara hɛkpa tɛɛ nɔ vey ɓara bɛlbarɛ vin#16:19 Vo goozin vere dən 18: 18; Zâŋ 20: 23.» 20Pik an Yeesu po kaam an ve ya̧a̧ din vo kɔʼ doò, ve feeza há̧a̧ zɔʼ gɔɔ bo vo Kiris yɔ nɔ sɛ.
Yeesu fee boo vɔraa boo niŋzi kə̌y vɔɔ yɛɛre za̧a̧na
Mar 8:31–9:1; Luk 9:22-27
21Yo̧o̧n ɛnɔ Yeesu bi̧i̧ òo watzaa kaam an ve fee: «Mii takka Zeruzalɛm ɛn mii tak gaa gim ituu aʼvin moò náa kɛŋŋɔ vɛ, náa kɔ maak ak kɛŋŋɔ vɛ vere náa it Moyi̧zə moò buu an nɔ vɛ vey vɔ̌ziraa, ɛn yo̧o̧ doʼ ta̧a̧to an mii niŋzi kəy za̧a̧na.» 22Ɛnɔ Piyɛr ti̧i̧ tana tɔŋgba dii moò kə̧ə̧zaa fee: «Gbɛ̧ɛ̧ kɛŋ, Go̧o̧ge do laamɛ! Hə̧̂ə̧́, hɛn ɛnɔ daan umpo yɛ!» 23Ɛn Yeesu fill kə feeza Piyɛr: «Mɔ luu yəə ii ɛtɛɛrɛ Sɛɛɗan! Mɔ de pinn zizik ii yanaa, ɛnɔ mɔ vəʼrin moò too Go̧o̧ge vin yɛ, ɛn mɔy vəʼəra de too há̧a̧ ve vin.» 24Pik an Yeesu feeza kaam an vɛ: «Há̧a̧ oò hi̧i̧ ka yaa iipo, do ɛ wɔɔk an vəʼrarɛ, do gan tap ɓanzinna an do òorirɛ. 25Ɛnuu, há̧a̧ oò hi̧i̧ ka sɔ̌t za̧a̧n ani de tǐttaa; ɛn há̧a̧ oò tǐt za̧a̧n an ii moòre nɔ, de hakkaa. 26Há̧a̧ oò hak hell hɛkpa nɔ verɛ tɛʼ, ɛn oò tǐt za̧a̧n an nɛ nɔ, ka ɓoon nɛɛ? Hɛ̧ɛ̧n ka po gɔɔ ka ɓa kəninni sa̧a̧ an ze nɔ nɛɛ? 27Ɛnuu, Há̧a̧ tân an de yaay Baʼ an o Gbəəme vere Zə̧ə̧̀ an ve daŋ, ɛnɔ de yaa pora hii yɛɛ too kɔm bɔk o kɔ nɔm#16:27 Vo goozin vere Dɛg 62:13; Rɔm 2: 6 . 28Mi feet vora de ginu: Náa zɔʼ vey ɛttɛɛ vey vɔ̌nna doʼ Há̧a̧ tân an ka yaay too Gbɛ̧ɛ̧ vin ze yɛ.»
Currently Selected:
Matiye 16: dae
Highlight
Copy
Compare
Share
Want to have your highlights saved across all your devices? Sign up or sign in
Matiye 16
16
Náa Farize vɛ vere náa Saduse vɛ ve haa hɛn yɔ̧fitta
Mar 8:11-13; Luk 12:54-56
1Náa Farize vɛ vere náa Saduse vɛ ve diŋ Yeesu o hɛge ka ve toʼza wəkka. Ve viʼi doò kɔ̌t vo hɛn yɔ̧fitta ka bo gaan bo o yaay Go̧o̧ge oppo ze nɛy. 2Ɛn Yeesu hi̧i̧t vo: «Yo̧o̧ oò de tunna nɔ vo fee: “Yɛɛ bo de sȩȩȩ, moò bɛlti̧i̧ nɔ wɛ̧̀ɛ̧̀rɛ nɛy.” 3Ɛn yɔŋgɔ yɔŋgay nɔ, voy fee: “Maam de naŋŋa munɛrɛ, ɛnɔ bɛlti̧i̧ wɛ̧̀ɛ̧̀rɛ yɛɛ ɓo̧ʼrɛ.” Vo gaa òo wǎtta hɛn de daa bɛlba nɔ verɛ ɗaa, ɛn vo gaan òo wǎzinna hɛn de daa yɛɛ ɓɔllɛ nɛnɔ hi̧i̧ fee nɔ ve yɛ! 4Náa munɛ nɔ ve ɓɛɛ̌ ve sȩȩn Go̧o̧ge oppo yɛ, vey haara hɛn yɔ̧fitta, ɛn vey hənna yɔ̧fit zɔʼ daŋga maaki yɛ oò paam Zonas an nɛy zaʼ yɛ nɔ gɔ.»#16:4 Vo goozin vere dən 12: 39-40 Ɛn kəzəkɔ Yeesu luu ɛ vorɛ.
Náa Farize vɛ vere náa Saduse vɛ waak voni
Mar 8:14-21
5Kaamɔ vey ɗaa takka lɛk dən ii nɔ oppo nɔ ve zann nân pannarɛ. 6Ɛnɔ Yeesu feet vo: «Vo laa wɔɔk von vere náa Farize vɛ vere náa Saduse vɛ waak von nɛ.» 7Kaamɔ ve feezin o ve yɛɛ ba: «Oy moo too ɛnɔmmɔ moò ke ba panin voy nàn nɔ yɛ nɛy.» 8Yeesu gaa hɛn ke vey moo nɔrɛ kə vi vo: «Hɛ̧ɛ̧n voy moo o vo yɛɛ ba ɛn nɛɛ: moò vo ɛ̂n nân yɛ nɛyrɛ? Si̧i̧ tu̧u̧ von naanɛ! 9Vo gaana dee yɛ ɓɛrɛ? Vo vəʼə kə moò nân kpɛ̌k saa bɔk yə̧ʼ wa̧p ve saʼa saa vere ɓaa sɛk bɔk vo fa̧a̧ nɔ ve yɛrɛ? 10Ɛn vo vəʼə gaan nân kpɛ̌k gutambe bɔk yə̧ʼ wa̧p ve saʼa natto vere ɓaa sɛ́k bɔk vo fa̧a̧ nɔ ve yɛrɛ? 11Hɛ̧ɛ̧n kɔ vo gaan gɔɔ bo ki feezin vo moò nânna yɛ, yɛɛ ke bǒy feet vo: Vo laa wɔɔk von vere náa Farize vɛ vere náa Saduse vɛ waak von nɛ yɛ nɛy? 12Ɛn kaamɔ ve gaan Yeesu ke bo moozin vo doò ve laa wɔɔk von ve moò waak vey kɔninna nân nɛy yɛ, ɛn doò ve laa wɔɔk von vɛ vere hɛn náa Farize vɛ vere náa Saduse vɛ vey itta nɛy.
Piyɛr fee Yeesu o bo kirisi
Mar 8:27-30; Luk 9:18-21
13Yeesu tak hɛk sezaare Filip. O vi kaam an ve: «Náa vey fee Há̧a̧ Tân an bo o hii yɛɛ?» 14Ve hi̧i̧za: «Náa zɔʼ vey fee bǒm Zâŋ Batisi, zɔʼ ve bǒm Elii, ɛn zɔʼ ve ɓɛʼ bǒm Zeremii ongɛɛ bǒm Go̧o̧ge yaʼyɛɛ an zɔʼɔ.» 15Yeesu kə vi vo: «Von voy fee bǒy hii yɛɛ?» 16Simɔŋ Piyɛr hi̧i̧: «Mɔ Kiris, Go̧o̧ge za̧a̧n Tân ani.» 17Ɛnɔ Yeesu feeza: «Mɔy za̧a̧re, Simɔŋ Zâŋ tân an, ɛnɔ há̧a̧ feezin mɔ moò za̧a̧ ɛn yɔ yɛ, Ɛn Baa min oy Bɛlba gǎŋ gɔɔ nɛy. 18Ɛn sȩȩrɛ, min, mi feezumma, mɔ Piyɛri feeri an sɛ̧̀ɛ̧̀ɛ̧́, sȩ̀ȩ̀ ɛnɔ mii yo̧ǒ̧ Egilizə min oppo#16:18 Vo goozin vere Efɛ 2:20. Ɛn vɔɔ de ɛ̂nna gɔti o ve po yɛ. 19Mii pomma tap ta̧a̧ Gbɛ̧ɛ̧ yɛɛ bɛlba gǎŋŋɔrɛ. Hɛn Mɔy mara hɛkpa tɛɛ nɔ vey mara bɛlba gɔɔrɛ vin; hɛn mɔy ɓara hɛkpa tɛɛ nɔ vey ɓara bɛlbarɛ vin#16:19 Vo goozin vere dən 18: 18; Zâŋ 20: 23.» 20Pik an Yeesu po kaam an ve ya̧a̧ din vo kɔʼ doò, ve feeza há̧a̧ zɔʼ gɔɔ bo vo Kiris yɔ nɔ sɛ.
Yeesu fee boo vɔraa boo niŋzi kə̌y vɔɔ yɛɛre za̧a̧na
Mar 8:31–9:1; Luk 9:22-27
21Yo̧o̧n ɛnɔ Yeesu bi̧i̧ òo watzaa kaam an ve fee: «Mii takka Zeruzalɛm ɛn mii tak gaa gim ituu aʼvin moò náa kɛŋŋɔ vɛ, náa kɔ maak ak kɛŋŋɔ vɛ vere náa it Moyi̧zə moò buu an nɔ vɛ vey vɔ̌ziraa, ɛn yo̧o̧ doʼ ta̧a̧to an mii niŋzi kəy za̧a̧na.» 22Ɛnɔ Piyɛr ti̧i̧ tana tɔŋgba dii moò kə̧ə̧zaa fee: «Gbɛ̧ɛ̧ kɛŋ, Go̧o̧ge do laamɛ! Hə̧̂ə̧́, hɛn ɛnɔ daan umpo yɛ!» 23Ɛn Yeesu fill kə feeza Piyɛr: «Mɔ luu yəə ii ɛtɛɛrɛ Sɛɛɗan! Mɔ de pinn zizik ii yanaa, ɛnɔ mɔ vəʼrin moò too Go̧o̧ge vin yɛ, ɛn mɔy vəʼəra de too há̧a̧ ve vin.» 24Pik an Yeesu feeza kaam an vɛ: «Há̧a̧ oò hi̧i̧ ka yaa iipo, do ɛ wɔɔk an vəʼrarɛ, do gan tap ɓanzinna an do òorirɛ. 25Ɛnuu, há̧a̧ oò hi̧i̧ ka sɔ̌t za̧a̧n ani de tǐttaa; ɛn há̧a̧ oò tǐt za̧a̧n an ii moòre nɔ, de hakkaa. 26Há̧a̧ oò hak hell hɛkpa nɔ verɛ tɛʼ, ɛn oò tǐt za̧a̧n an nɛ nɔ, ka ɓoon nɛɛ? Hɛ̧ɛ̧n ka po gɔɔ ka ɓa kəninni sa̧a̧ an ze nɔ nɛɛ? 27Ɛnuu, Há̧a̧ tân an de yaay Baʼ an o Gbəəme vere Zə̧ə̧̀ an ve daŋ, ɛnɔ de yaa pora hii yɛɛ too kɔm bɔk o kɔ nɔm#16:27 Vo goozin vere Dɛg 62:13; Rɔm 2: 6 . 28Mi feet vora de ginu: Náa zɔʼ vey ɛttɛɛ vey vɔ̌nna doʼ Há̧a̧ tân an ka yaay too Gbɛ̧ɛ̧ vin ze yɛ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in