Umak 5
5
Ujeso a mbee ungikye angwu ikeb ibibi i ma yi he ahe
(Mat 8:28-34; Luk 8:26-39)
1Ujeso befe le bendi-utung bema be gbe-gyọng igbindi kidyeshọ tang le he igie kubọng Ugerasene. 2He kunyọng Ujeso a fem le he kinọng lishọ fem-fem ungikye angwu ikeb ibibi i ma yi he ahe, a fem le he kipi be ngi akwọm be kpee le he. 3A maa nda he kipi akwun a yi a kpam. Ki ma tem yi le undi angwu u kwu-e fe-e ashishi-likaa mbee ye. 4Be be fe-e lifung le ashishi-likaa kugbe ibwan-ibwan, ukpọ u shwa tang angi, u ban lifung. Ki gal le he kaang le undi u tem kwa he mbee ye. 5Ishu ọ, kusu ọ, u tan he akwun le ikwel gaa kigegaa, u bung akọ kpi gie kuhwo-ma.
6He kunyọng ahwu a nde Ujeso le he kigbe-kigbe, a buu le tim anung he itang he kushu Ujeso. 7A gaa lingbam kaang le, “Ujeso, Unwaa Unim angwu a dyam, wo la sha-m na a? Mi kung Unim tim-a anung le wo ke-m kingie ye.” 8Ujeso a de-e le, “fem be he igye le ha ungikye angwun wo ikeb ibibi!”
9Ujeso a ha kung bii he le, “be ko-a le a na?”
Ungikye ana a fan le, “be ko mi le kugii,” likọye “li go gbam.” 10A tim Ujeso anung kugbe ibwan-ibwan le u ndo abe le ha kiteng kimen ana ye.
11Ikamgbo gbam i ma yi ha he kigugo kpee-kpee, i tan za azi. 12Ikeb ibibi ana i tim Ujeso anung le, “Sọm li gye he liwu ikamgbo angina, tyang li le ngwee angi.” 13Ujeso a bọng. Ikeb ibibi angina i fem le ha ungikye angwuna le ngwee ikamgbo. Ikamgbo ana i buu le ha kigugo le mbu hwo fe he kidyeshọ. Ikamgbo imen ana i ma mbee asi lisi kugbe kadyọng.
14Bendi abe be kang ikamgbo imen ana be buu gye he lifung-ushu ọ, he itia ọ, le bun de bendi. Bendi be be, he be be nde ashi ki shi. 15He kunyọng be be hwaa le Ujeso, be nde ungikye angwu kugii ikeb ibibi i ma yi he ahe ana, a fe inditen, ki fel he he lishi dang. Bendi bemen ana be ma fel he kushel. 16Bendi abe be nde le ashi abel ashi Ujeso a ma shi, be bun de bendi abena kiwọm ashi ki shi ha ungikye angwu ikeb ibibi i ma yi he ahe, le ikamgbo ọ titi. 17Bendi abena be fel tim Ujeso anung le u gbe le ha abe kubọng.
18Nya ana Ujeso a ma mbo ngwee kinọng lishọ, ungikye angwu ikeb ibibi i ma yi he ahe a tim Ujeso anung le u tyang he he u gye utung he ahe. 19Ujeso a swan, u de-e le, “Tem le hwaa le bendi begang he ushu ha a bun de be, kiwọm ashi Ada a shi ka-a le kitaa a tyung a beshi.” 20Ungikye angwuna a ma bo gye he kigie kubọng ashi be maa ko le Ishokwo lihwo, le tan bun de bendi ashi Ujeso a shi ke-e, ki ma kwu undi uyang-yang he kuhwo.
Ujeso a wum unwa-ani ungingye le he lihwu u mbee ungingye angwu a ma yi gogo ye
(Mat 9:18-26; Luk 8:40-56)
21He kunyọng Ujeso a mbee gyọng tang le he igbindi kidyeshọ he kinọng kushu-kwan. Bendi gbam be ma tye kwuo be sho fe-e nyọng a ma yi he ungwu kidyeshọ. 22Ukandi ushọm Unim, angwu be maa ko le Ujairus, a ma be, nyọng a be nde Ujeso a mbu tim anung he itang he abee ama. 23A tim Ujeso anung kaang de-e le, “unwa-agi ungingye u hwa ihwa, be pwọm he abwo he mi nde le u mbee, tem kwa u wum a.” 24Ujeso a gbe utung he ahe.
Bendi gbam be ma pwọm he. Be maa fel nyii he indihen-indihen. 25Ki ma yi le ungingye ken ha angwu u maa wu anung, ki ma fel aze lihwo le ngi afee. 26A ma kpe kingie he abwo bendi abe be shi isi gbam, ban mbee unde uma puu, ma na ọ ashi le u mbee imbee, lingbam lima li die galigal 27He kunyọng ahwu a gyo gbe le Ujeso, a ngwee gbe he liwu bendi le tyọ he kubwo he ungwu aliga le he item, 28likọye a ma gim le, “gbe mi tyọ he kubwo he aliga afe-afe ọ mi kpa limbee.” 29Nya kukwo-kukwo anung awole ama a tang, inyia-hwo ima i tyung he le a fel pọ le he kingie kima.
30Faale kunyọng aban-ale Ujeso a ngye le ikeb i gbe le he ahe. A bel ashi shun kel-kel ha he liwu bendi, kung bii le, “Ayang a tyọ mi abwo he aliga?”
31Bendi-utung bema be fan he le, wo nde bendi be sho be nyii fa-a i nyin, wo yi bii le ayang a tyọ mi abwo a?
32Ukpọ Ujeso u ma so-i shun ashi u nde undi angwu a shi ashi. 33Ungingye angwuna a ngye ashi ki shi he ahe, kushel ku shi-e a be mbu shi he itang he ahe abee, u fel tung fọfọ u de-e kigyang ashi ki shi puu. 34Ujeso a de le, “Unwaa ungingye, abọng-ale agang a mbee a. Ndu gye le kukwun wo fel pọ le he kingie kigang.”
35Nya ana Ujeso a maa so-i kọng ashina, bendi besuso be be le he ushọm Ujairus, angwu a ma yi ukandi ushọm Unim angwu Ijuus i kwu liwu. Be be de-e le, “unwaa ugang ungingye a hwo, kibang wo so-i fel Itisha kuhwo?”
36Ujeso a tye kutyung gyo ashi be kọng, a de ukandi ushọm Unim angwu ijuus i kwu liwu le, “shel ye, kee-kee fe lityam.”
37Ujeso a swan le undi u te utung he ahe fem Ipita, Ujems le Ujọn, unwaa-nam Ujems, tyang ye. 38He kunyọng be be wu he ushu ukandi ushọm Unim angwu Ijuus i kwu liwu, Ujeso a nde na bendi be gye likwu gye abuu, kii kwọm kihwu-hwee kaang. 39A gbe gye ha he afee ushọm le bii abe le, “Kibang ma kii kwọm kihwee kitaa i? Unwaa angwun a hwo ihwo ye, a mbu kunde a.” 40Ukpọ be gwee he.
Ujeso a ndo abe puu gye he igye, kung atyam unwaa le anam le bendi-utung bema, gye he afee kipo ashi likwọm unwaa angwuna lima yi. 41A kung kubwo kwu likwọm unwaa ana he kubwo, u de-e le, “Talita kum,” ashi ki ze le, “Unwaa unwa-ani ungingye, mi da-a le bo kinaa!” 42Nya kukwo-kukwo unwaa unwa-ani ungingye angwun a bo kinaa-atye u fel tan mbee bipi (A ma yi aze lihwo le ngi afee). Ashin ki ma kwu abe he kuhwo mbee akekel puu. 43Ujeso a ma shwa abe kubwo he kutyung le, be shi undi ken ọ u ngye gbe le shi ye. U mbee de be le be ke-e kiwọm u zi.
Currently Selected:
Umak 5: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 5
5
Ujeso a mbee ungikye angwu ikeb ibibi i ma yi he ahe
(Mat 8:28-34; Luk 8:26-39)
1Ujeso befe le bendi-utung bema be gbe-gyọng igbindi kidyeshọ tang le he igie kubọng Ugerasene. 2He kunyọng Ujeso a fem le he kinọng lishọ fem-fem ungikye angwu ikeb ibibi i ma yi he ahe, a fem le he kipi be ngi akwọm be kpee le he. 3A maa nda he kipi akwun a yi a kpam. Ki ma tem yi le undi angwu u kwu-e fe-e ashishi-likaa mbee ye. 4Be be fe-e lifung le ashishi-likaa kugbe ibwan-ibwan, ukpọ u shwa tang angi, u ban lifung. Ki gal le he kaang le undi u tem kwa he mbee ye. 5Ishu ọ, kusu ọ, u tan he akwun le ikwel gaa kigegaa, u bung akọ kpi gie kuhwo-ma.
6He kunyọng ahwu a nde Ujeso le he kigbe-kigbe, a buu le tim anung he itang he kushu Ujeso. 7A gaa lingbam kaang le, “Ujeso, Unwaa Unim angwu a dyam, wo la sha-m na a? Mi kung Unim tim-a anung le wo ke-m kingie ye.” 8Ujeso a de-e le, “fem be he igye le ha ungikye angwun wo ikeb ibibi!”
9Ujeso a ha kung bii he le, “be ko-a le a na?”
Ungikye ana a fan le, “be ko mi le kugii,” likọye “li go gbam.” 10A tim Ujeso anung kugbe ibwan-ibwan le u ndo abe le ha kiteng kimen ana ye.
11Ikamgbo gbam i ma yi ha he kigugo kpee-kpee, i tan za azi. 12Ikeb ibibi ana i tim Ujeso anung le, “Sọm li gye he liwu ikamgbo angina, tyang li le ngwee angi.” 13Ujeso a bọng. Ikeb ibibi angina i fem le ha ungikye angwuna le ngwee ikamgbo. Ikamgbo ana i buu le ha kigugo le mbu hwo fe he kidyeshọ. Ikamgbo imen ana i ma mbee asi lisi kugbe kadyọng.
14Bendi abe be kang ikamgbo imen ana be buu gye he lifung-ushu ọ, he itia ọ, le bun de bendi. Bendi be be, he be be nde ashi ki shi. 15He kunyọng be be hwaa le Ujeso, be nde ungikye angwu kugii ikeb ibibi i ma yi he ahe ana, a fe inditen, ki fel he he lishi dang. Bendi bemen ana be ma fel he kushel. 16Bendi abe be nde le ashi abel ashi Ujeso a ma shi, be bun de bendi abena kiwọm ashi ki shi ha ungikye angwu ikeb ibibi i ma yi he ahe, le ikamgbo ọ titi. 17Bendi abena be fel tim Ujeso anung le u gbe le ha abe kubọng.
18Nya ana Ujeso a ma mbo ngwee kinọng lishọ, ungikye angwu ikeb ibibi i ma yi he ahe a tim Ujeso anung le u tyang he he u gye utung he ahe. 19Ujeso a swan, u de-e le, “Tem le hwaa le bendi begang he ushu ha a bun de be, kiwọm ashi Ada a shi ka-a le kitaa a tyung a beshi.” 20Ungikye angwuna a ma bo gye he kigie kubọng ashi be maa ko le Ishokwo lihwo, le tan bun de bendi ashi Ujeso a shi ke-e, ki ma kwu undi uyang-yang he kuhwo.
Ujeso a wum unwa-ani ungingye le he lihwu u mbee ungingye angwu a ma yi gogo ye
(Mat 9:18-26; Luk 8:40-56)
21He kunyọng Ujeso a mbee gyọng tang le he igbindi kidyeshọ he kinọng kushu-kwan. Bendi gbam be ma tye kwuo be sho fe-e nyọng a ma yi he ungwu kidyeshọ. 22Ukandi ushọm Unim, angwu be maa ko le Ujairus, a ma be, nyọng a be nde Ujeso a mbu tim anung he itang he abee ama. 23A tim Ujeso anung kaang de-e le, “unwa-agi ungingye u hwa ihwa, be pwọm he abwo he mi nde le u mbee, tem kwa u wum a.” 24Ujeso a gbe utung he ahe.
Bendi gbam be ma pwọm he. Be maa fel nyii he indihen-indihen. 25Ki ma yi le ungingye ken ha angwu u maa wu anung, ki ma fel aze lihwo le ngi afee. 26A ma kpe kingie he abwo bendi abe be shi isi gbam, ban mbee unde uma puu, ma na ọ ashi le u mbee imbee, lingbam lima li die galigal 27He kunyọng ahwu a gyo gbe le Ujeso, a ngwee gbe he liwu bendi le tyọ he kubwo he ungwu aliga le he item, 28likọye a ma gim le, “gbe mi tyọ he kubwo he aliga afe-afe ọ mi kpa limbee.” 29Nya kukwo-kukwo anung awole ama a tang, inyia-hwo ima i tyung he le a fel pọ le he kingie kima.
30Faale kunyọng aban-ale Ujeso a ngye le ikeb i gbe le he ahe. A bel ashi shun kel-kel ha he liwu bendi, kung bii le, “Ayang a tyọ mi abwo he aliga?”
31Bendi-utung bema be fan he le, wo nde bendi be sho be nyii fa-a i nyin, wo yi bii le ayang a tyọ mi abwo a?
32Ukpọ Ujeso u ma so-i shun ashi u nde undi angwu a shi ashi. 33Ungingye angwuna a ngye ashi ki shi he ahe, kushel ku shi-e a be mbu shi he itang he ahe abee, u fel tung fọfọ u de-e kigyang ashi ki shi puu. 34Ujeso a de le, “Unwaa ungingye, abọng-ale agang a mbee a. Ndu gye le kukwun wo fel pọ le he kingie kigang.”
35Nya ana Ujeso a maa so-i kọng ashina, bendi besuso be be le he ushọm Ujairus, angwu a ma yi ukandi ushọm Unim angwu Ijuus i kwu liwu. Be be de-e le, “unwaa ugang ungingye a hwo, kibang wo so-i fel Itisha kuhwo?”
36Ujeso a tye kutyung gyo ashi be kọng, a de ukandi ushọm Unim angwu ijuus i kwu liwu le, “shel ye, kee-kee fe lityam.”
37Ujeso a swan le undi u te utung he ahe fem Ipita, Ujems le Ujọn, unwaa-nam Ujems, tyang ye. 38He kunyọng be be wu he ushu ukandi ushọm Unim angwu Ijuus i kwu liwu, Ujeso a nde na bendi be gye likwu gye abuu, kii kwọm kihwu-hwee kaang. 39A gbe gye ha he afee ushọm le bii abe le, “Kibang ma kii kwọm kihwee kitaa i? Unwaa angwun a hwo ihwo ye, a mbu kunde a.” 40Ukpọ be gwee he.
Ujeso a ndo abe puu gye he igye, kung atyam unwaa le anam le bendi-utung bema, gye he afee kipo ashi likwọm unwaa angwuna lima yi. 41A kung kubwo kwu likwọm unwaa ana he kubwo, u de-e le, “Talita kum,” ashi ki ze le, “Unwaa unwa-ani ungingye, mi da-a le bo kinaa!” 42Nya kukwo-kukwo unwaa unwa-ani ungingye angwun a bo kinaa-atye u fel tan mbee bipi (A ma yi aze lihwo le ngi afee). Ashin ki ma kwu abe he kuhwo mbee akekel puu. 43Ujeso a ma shwa abe kubwo he kutyung le, be shi undi ken ọ u ngye gbe le shi ye. U mbee de be le be ke-e kiwọm u zi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.