Umak 1
1
Ujọn angwu u maa wu bendi umbwo a kam kukwo
(Mat 3:1-12; Luk 3:1-18; Jọn 1:19-28)
1Ukpi-kikwu kisọm kinunung gbe le Ujeso Kristi#1:1 Na ye Umezaya(he igie Ihibru) ashi ki ze le undi angwu be gbaa he behwu; undi-likpan, Unwaa Unim. 2Nya ana ki yi fee fe he kushia Azaya, utye-ugie kisọm Unim le:
“Mi ba sọm Unwaa-kisọm ugi, u gya men le he kushu,
angwu u le kam kukwo ndọ amen.#1:2 Umalakai 3:1
3Lingbam undi li gaa le he ugbaa-libeb le,
‘Ma kam kukwo ndọ Ada,
ma shi ahwu ku nọng.’ ”#1:3 Azaya 40:3-5
4Undi angwu be ko le Ujọn a ma be nya ana Azaya a ma kọng. A ma fem he ugbaa-libeb, u bun gba le umbwo awole le beshi ashele le he biban. 5Bendi le he Ujudia le Ujeruselem be ma gye le gyo Ujọn. Be ma bun biban bibel, Ujọn u wu abe umbwo he umbwo ukandi angwu be ko le Ujọdan. 6Ujọn a maa fa inditen angi be shi angi le indib kizaaki, u bwọ ukwob inyia he anyọng. Lizi lima li ma yi igwọm le ihwaa. 7A ma bun de bendi abena le, “Undi ususo angwu u be-m le ha item a dyam hwo-m, indii ikwob ima ọ, mi kpe angwu mi keb he itang pel angi ye. 8Mi wa amen umbwo a, ukpọ ufe u ba shwa amen le Ukatia Kunyọng.”
Umbwo awole le agil-ale Ujeso
(Mat 3:13-17; Luk 3:21-22)
9He kunyọng kumen ana, Ujeso a ma be le he Unazaret he kubọng Ugalili be he kipi Ujọn u yi. Ujọn a wu-e umbwo he umbwo ukandi angwu be ko le Ujọdan. 10Nya ana Ujeso a ma fem le ha he umbwo u be he igye, a nde lifung-atabe li buu gboo. U nde Ukatia Kunyọng a be na kalulu so-e he lishi. 11Lingbam li be le he lifung-atabe le, “Wo yi kiken Unwa-agi a. Ki nyin mi le wo kindee-kindee.”
12Nya kukwo-kukwo Ukatia Kunyọng a shi Ujeso a bo gbe ndo he ugbaa-libeb. 13A ma yi ha he ugbaa-libeb ati asi afee, usu bibibi a ma be gil he, a ma yi utung ha inyia ibibi ukpọ idengel Unim i ma kpel he.
Ujeso a kọng gbe le kisọm kinunung
(Mat 4:12-22; Luk 4:14-15; 5:1-11)
14Uherọd a kwu Ujọn fe he igaadye. Ki gbe kigbe ye, Ujeso a kung gye ha he kubọng Ugalili le bun kisọm kinunung Unim. 15A de le, “Kunyọng ku fel ma, kiteng kusu Unim ki fel kpee-kpee, ma shi beshi le he biban bimen bọng ha kisọm kinunung!”
Ujeso a ko ugbe-gbe bendi-utung bema
16He liti ken Ujeso a maa tan gba he ungwu umbwo Ugalili. Nya ana a maa gbe ha, a nde bekwu ikwan bendi befee, be ko abe le Usaimọn le Andru. Be yi bebwaa-nam bende a. Be maa tan le litaa kwa ikwan. 17Ujeso a de be le, “Ma be pwọm mi, mi hwọ amen na ma tan ko bendi ke-m.” 18Nya kukwo-kukwo be tyang litaa libel ndọ he itang pwọm he.
19A mbee die gye kushu zang le nde Ujems unwaa Uzebedi le unwaa-nam Ujọn he afee kinọng lishọ be bwee litaa libel. 20Ujeso a nde be, a ko abe. Faale kunyọng aban-ale be gbe tyang Atyabel Uzebedi le bendi abe be shi-e aki ha he afee kinọng, pwọm Ujeso.
Ujeso a ndo ikeb ibibi
(Luk 4:31-37)
21Ujeso befe le bendi-utung bema be gye he kubọng Ukapanum. He liti-uwel Ijuus, Ujeso a gye he ushọm Unim angwu Ijuus i kwu liwu le hwọ bendi biwọm. 22Bendi bemen ana be gyo ashi u hwọ abe, ki kwu abe he kuhwo. A hwọ abe nya ana undi angwu ikeb puu i yi he kubwo kuma a. A maa hwọ a be na bitisha Iten a ye. 23Ungikye ususo angwu a ma yi utung he abe ha he ushọm Unim angwu be maa kwu liwu, angwu ikeb ibibi i ma yi he ahe, a kung gaa kaang le, 24“Ujeso angwu Unazaret, wo le li sha-a na a? Wo be nyin he wo gwu li igwu a? Mi ngya a, wo yi Unwaa Unim a, wo yi faale uben.”
25Ujeso a kung gaa fe ikeb ibibi ana le, “Naa le kihwee! Fem be he igye!” 26Ikeb ibibi ana i shi ungikye angwuna u fel tung fọfọfọ. I gaa kaang, i ha fem be he igye.
27Ki ma kwu bendi puu he kuhwo. Be fel kọng ha bende le, “Kibang i? Li wa gyo uhwọ-ale angwu kitaa ashin ngye ye. Undi angwun u yi le ikeb le u da ikeb ibibi le i fem be he igye i ka he ife.” 28Be maa fel tya ipọng Ujeso mbee kubọng Ugalili puu.
Ujeso a mbee bendi gbam
(Mat 8:14-17; Luk 4:38-41)
29Ujeso a ma gbe le ha he ushọm Unim angwu be kwu liwu ana gbe ligbe-ligbe gye he ushu Usaimọn le Andru. Ujems befe le Ujọn be ma te utung he ahe. 30Anam ungye Usaimọn a ma yi gogo ye. Inyia-hwo i maa sha he. Faale kunyọng aban-ale be bun de Ujeso gbe le he. 31A gbe gye ha he kipi u yi, le kwu-e kubwo kpel he bo kinaa. Ki kwun he nya kukwo-kukwo, u fel sha abe kugaa.
32Nya le likwu-lukwu he kunyọng ahwu libwee li ngwee, be be le bendi-angbam gbam le abe ikeb ibibi i ma yi ha abe be hwaa le Ujeso. 33Bendi be gbọng le sho he ungwu-lishi. 34Ujeso a mbee bendi gbam abe be mbu bitaa angbam atyetye-atyetye. U mbee ndo ikeb ibibi le ha bendi, ukpọ u bọng angi le i kọng likọng ye, le gbe i ngye-e.
Ujeso a kọng ha Unim he kiteng ashi ki yi utata-utata
(Luk 4:42-44)
35Le ashi liti nyọng ki ma fel ndib-ndib, Ujeso a ma ngyu bo le ha ushọm gye he kiteng ashi ki yi utata-utata le kọng ha Unim. 36Usaimọn le abe be ma yi utung he ahe be tang he igye keb he ashun-ale. 37Be le nde-e, be de-e le “undi uyang-yang u tan kee a.”
38Ujeso a de be le, “Li gye he kiteng kisuso he abọng angi a yi kpee-kpee mi te le bun igie Unim ha titi. Likọye kife na ki yi atan-lengi angwu mi be.” 39A tan mbee biteng he Ugalili puu, bun kisọm kinunung he ishọm Unim ibel angi be kwu awu. U ndo ikeb ibibi le ha bendi.
Ujeso a mbee ungikye angwu u yi le akpaa
(Mat 8:1-4; Luk 5:12-16)
40He liti ken ungikye angwu u yi le akpaa a ma be tim anung he itang ke Ujeso, u de-e le, “Gbe ki nyin a, wo mbee mi mbee.”
41Beshi be shi-e. A nda kubwo tyọ he de-e le, “Ki nyin mi. Kanaa-anaa i wo mbee!” 42Nya kukwo-kukwo akpaa ama a mbee, a fel utaa-utaa.
43Ujeso a de-e le u ndu gye u tye-e uten le: 44“Shi de undi ashin ye, ukpọ te le kuhwo-gang le tyung Ushang Unim, wo ke kuke ipọng limbee ligang nya ana Iten Umosis i kọng.” 45A gbe le ha. U fel kọng ashi gboo da bendi gba le kinunung ashi Ujeso a shi ke-e. A ma kọng gboo, ki ma shi Ujeso a maa tem gya ha he lifung-ushu gboo ye, a ma fel le kwu he kipi ishaale i yi ye a. Ukpọ bendi be maa ba le he biteng puu, ba hwaa le he ha.
Currently Selected:
Umak 1: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Umak 1
1
Ujọn angwu u maa wu bendi umbwo a kam kukwo
(Mat 3:1-12; Luk 3:1-18; Jọn 1:19-28)
1Ukpi-kikwu kisọm kinunung gbe le Ujeso Kristi#1:1 Na ye Umezaya(he igie Ihibru) ashi ki ze le undi angwu be gbaa he behwu; undi-likpan, Unwaa Unim. 2Nya ana ki yi fee fe he kushia Azaya, utye-ugie kisọm Unim le:
“Mi ba sọm Unwaa-kisọm ugi, u gya men le he kushu,
angwu u le kam kukwo ndọ amen.#1:2 Umalakai 3:1
3Lingbam undi li gaa le he ugbaa-libeb le,
‘Ma kam kukwo ndọ Ada,
ma shi ahwu ku nọng.’ ”#1:3 Azaya 40:3-5
4Undi angwu be ko le Ujọn a ma be nya ana Azaya a ma kọng. A ma fem he ugbaa-libeb, u bun gba le umbwo awole le beshi ashele le he biban. 5Bendi le he Ujudia le Ujeruselem be ma gye le gyo Ujọn. Be ma bun biban bibel, Ujọn u wu abe umbwo he umbwo ukandi angwu be ko le Ujọdan. 6Ujọn a maa fa inditen angi be shi angi le indib kizaaki, u bwọ ukwob inyia he anyọng. Lizi lima li ma yi igwọm le ihwaa. 7A ma bun de bendi abena le, “Undi ususo angwu u be-m le ha item a dyam hwo-m, indii ikwob ima ọ, mi kpe angwu mi keb he itang pel angi ye. 8Mi wa amen umbwo a, ukpọ ufe u ba shwa amen le Ukatia Kunyọng.”
Umbwo awole le agil-ale Ujeso
(Mat 3:13-17; Luk 3:21-22)
9He kunyọng kumen ana, Ujeso a ma be le he Unazaret he kubọng Ugalili be he kipi Ujọn u yi. Ujọn a wu-e umbwo he umbwo ukandi angwu be ko le Ujọdan. 10Nya ana Ujeso a ma fem le ha he umbwo u be he igye, a nde lifung-atabe li buu gboo. U nde Ukatia Kunyọng a be na kalulu so-e he lishi. 11Lingbam li be le he lifung-atabe le, “Wo yi kiken Unwa-agi a. Ki nyin mi le wo kindee-kindee.”
12Nya kukwo-kukwo Ukatia Kunyọng a shi Ujeso a bo gbe ndo he ugbaa-libeb. 13A ma yi ha he ugbaa-libeb ati asi afee, usu bibibi a ma be gil he, a ma yi utung ha inyia ibibi ukpọ idengel Unim i ma kpel he.
Ujeso a kọng gbe le kisọm kinunung
(Mat 4:12-22; Luk 4:14-15; 5:1-11)
14Uherọd a kwu Ujọn fe he igaadye. Ki gbe kigbe ye, Ujeso a kung gye ha he kubọng Ugalili le bun kisọm kinunung Unim. 15A de le, “Kunyọng ku fel ma, kiteng kusu Unim ki fel kpee-kpee, ma shi beshi le he biban bimen bọng ha kisọm kinunung!”
Ujeso a ko ugbe-gbe bendi-utung bema
16He liti ken Ujeso a maa tan gba he ungwu umbwo Ugalili. Nya ana a maa gbe ha, a nde bekwu ikwan bendi befee, be ko abe le Usaimọn le Andru. Be yi bebwaa-nam bende a. Be maa tan le litaa kwa ikwan. 17Ujeso a de be le, “Ma be pwọm mi, mi hwọ amen na ma tan ko bendi ke-m.” 18Nya kukwo-kukwo be tyang litaa libel ndọ he itang pwọm he.
19A mbee die gye kushu zang le nde Ujems unwaa Uzebedi le unwaa-nam Ujọn he afee kinọng lishọ be bwee litaa libel. 20Ujeso a nde be, a ko abe. Faale kunyọng aban-ale be gbe tyang Atyabel Uzebedi le bendi abe be shi-e aki ha he afee kinọng, pwọm Ujeso.
Ujeso a ndo ikeb ibibi
(Luk 4:31-37)
21Ujeso befe le bendi-utung bema be gye he kubọng Ukapanum. He liti-uwel Ijuus, Ujeso a gye he ushọm Unim angwu Ijuus i kwu liwu le hwọ bendi biwọm. 22Bendi bemen ana be gyo ashi u hwọ abe, ki kwu abe he kuhwo. A hwọ abe nya ana undi angwu ikeb puu i yi he kubwo kuma a. A maa hwọ a be na bitisha Iten a ye. 23Ungikye ususo angwu a ma yi utung he abe ha he ushọm Unim angwu be maa kwu liwu, angwu ikeb ibibi i ma yi he ahe, a kung gaa kaang le, 24“Ujeso angwu Unazaret, wo le li sha-a na a? Wo be nyin he wo gwu li igwu a? Mi ngya a, wo yi Unwaa Unim a, wo yi faale uben.”
25Ujeso a kung gaa fe ikeb ibibi ana le, “Naa le kihwee! Fem be he igye!” 26Ikeb ibibi ana i shi ungikye angwuna u fel tung fọfọfọ. I gaa kaang, i ha fem be he igye.
27Ki ma kwu bendi puu he kuhwo. Be fel kọng ha bende le, “Kibang i? Li wa gyo uhwọ-ale angwu kitaa ashin ngye ye. Undi angwun u yi le ikeb le u da ikeb ibibi le i fem be he igye i ka he ife.” 28Be maa fel tya ipọng Ujeso mbee kubọng Ugalili puu.
Ujeso a mbee bendi gbam
(Mat 8:14-17; Luk 4:38-41)
29Ujeso a ma gbe le ha he ushọm Unim angwu be kwu liwu ana gbe ligbe-ligbe gye he ushu Usaimọn le Andru. Ujems befe le Ujọn be ma te utung he ahe. 30Anam ungye Usaimọn a ma yi gogo ye. Inyia-hwo i maa sha he. Faale kunyọng aban-ale be bun de Ujeso gbe le he. 31A gbe gye ha he kipi u yi, le kwu-e kubwo kpel he bo kinaa. Ki kwun he nya kukwo-kukwo, u fel sha abe kugaa.
32Nya le likwu-lukwu he kunyọng ahwu libwee li ngwee, be be le bendi-angbam gbam le abe ikeb ibibi i ma yi ha abe be hwaa le Ujeso. 33Bendi be gbọng le sho he ungwu-lishi. 34Ujeso a mbee bendi gbam abe be mbu bitaa angbam atyetye-atyetye. U mbee ndo ikeb ibibi le ha bendi, ukpọ u bọng angi le i kọng likọng ye, le gbe i ngye-e.
Ujeso a kọng ha Unim he kiteng ashi ki yi utata-utata
(Luk 4:42-44)
35Le ashi liti nyọng ki ma fel ndib-ndib, Ujeso a ma ngyu bo le ha ushọm gye he kiteng ashi ki yi utata-utata le kọng ha Unim. 36Usaimọn le abe be ma yi utung he ahe be tang he igye keb he ashun-ale. 37Be le nde-e, be de-e le “undi uyang-yang u tan kee a.”
38Ujeso a de be le, “Li gye he kiteng kisuso he abọng angi a yi kpee-kpee mi te le bun igie Unim ha titi. Likọye kife na ki yi atan-lengi angwu mi be.” 39A tan mbee biteng he Ugalili puu, bun kisọm kinunung he ishọm Unim ibel angi be kwu awu. U ndo ikeb ibibi le ha bendi.
Ujeso a mbee ungikye angwu u yi le akpaa
(Mat 8:1-4; Luk 5:12-16)
40He liti ken ungikye angwu u yi le akpaa a ma be tim anung he itang ke Ujeso, u de-e le, “Gbe ki nyin a, wo mbee mi mbee.”
41Beshi be shi-e. A nda kubwo tyọ he de-e le, “Ki nyin mi. Kanaa-anaa i wo mbee!” 42Nya kukwo-kukwo akpaa ama a mbee, a fel utaa-utaa.
43Ujeso a de-e le u ndu gye u tye-e uten le: 44“Shi de undi ashin ye, ukpọ te le kuhwo-gang le tyung Ushang Unim, wo ke kuke ipọng limbee ligang nya ana Iten Umosis i kọng.” 45A gbe le ha. U fel kọng ashi gboo da bendi gba le kinunung ashi Ujeso a shi ke-e. A ma kọng gboo, ki ma shi Ujeso a maa tem gya ha he lifung-ushu gboo ye, a ma fel le kwu he kipi ishaale i yi ye a. Ukpọ bendi be maa ba le he biteng puu, ba hwaa le he ha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.