Aki 1
1
Ujeso a gbe gye he lifung-atabe
1Utiofilus, he ukpi-kikwu kushia ahwu mi ma fee a, mi ma da-a gbe le biwọm abi Ujeso a ma shi le abi a ma hwọ bendi, kung le ha kunyọng ahwu a ma kpi aki ama 2kpam le wu he liti angi, Atyam a ma kung he gye kusi lifung-atabe, ukpọng a ma ke kisọm gbe ha Ukatia Kunyọng hwaa le bebwaa-kisọm bema abe a ma waa kung. 3He kunyọng ahwu a ma mbee le bingie abi a kpe puu, a fem uhwoma tyung abe le bitaa abi bi tyung le u yi uwum. A fem kuhwo-ma tyung abe ati asi afee, hwọ a be gbe le kiteng kusu Unim. 4He kunyọng ken ahwu a maa zi lizi utung ha abe, a ma de be le, “Ma gbe le he Ujeruselem ye kpam Atyagi u gbe ke men kuke ahwu a ma kyeb le u ba ka amen. Mi de men gbe le hwu he kunyọng ahwu mi de le, 5Ujọn ufe a maa wa bendi umbwo a, ukpọ he ati amen i, Unim u ba shwa amen le Ukatia Kunyọng uma.”
6He kunyọng ahwu be ma mbee sho fe-e kel-kel, be bii Ujeso le, “Ada, wo nya ndu sha bendi Izwel le be tem fel le kuhwobel kanaa-anaa i, be kwu le kiteng kusu kibel a?”
7Ujeso a fan abe le, “Atyagi ugyang na u yi le ikeb le u ndọ kunyọng ahwu biwọm bi shi. Ki yi kpe-kpe le ma ngye kunyọng ahwu ha ye. 8Ukpọ ma ba kpa ikeb he kunyọng ahwu Ukatia Kunyọng u be hwaa le men. Ma ba bun da bendi gba le mi he Ujeruselem, mbee abọng Ujudia puu le Usameria, le abọng angi a teng iteng puu.”
9He kunyọng ahwu a kọng ashin mbee, Unim a ma kung he he atọng-shi abel gye he kusi kpam a gbe nim ashi ngwee he bibu.
10Nya ana be ma so-i nde ashi gye he kusi, bendi befee abe be ma shi aliga afung-afung be be imbul-imbul, fem naa utung ha abe ha. 11Be de bebwaa-kisọm Ujeso le, “Men bendi Ugalili, kibang kinde-gbung ashi ki kwu amen ma nde ashi gye he kusi kitaa i. Ujeso umen angwu ma nde-e u gye he lifung-atabe nyin, u ba tem ba nya ana ma nde-e u gye ana.”
Be waa Umatayas le u kpe Ujudas lishi
12Nyọng abin puu bi gbe, bebwaa-kisọm Ujeso be tem le he ukwel angwu be ko le Olif gye he Ujeruselem angwu a ma yi kigbe litan kigem umail. 13He kunyọng be le wu he Ujeruselem, le kwu he ushọm kusi he kipi be maa nde. Bendi aben na be ma yi ha.
Ipita, Ujọn, Ujems, Andru,
Ufilip, Utọmas,
Ubatolomi, Umatiu,
Ujems angwu a ma yi unwaa Alfeyus le Usaimọn angwu a ma yi Izilọt (liwu Ijuus angi i kee le be kwa le kuhwobel) le Ujudas unwaa Ujems.
14Befe puu be ma gbọng he kiteng ken kọng ha Unim mbee kunyọng kpam. Bengingye besuso le Umeri, anam Ujeso le bebwaa-nde be ma gbọng utung ha abe.
15Ha he ati amen ana bendi abọng-ale abe be ma mbee bendi asi adyọng-ken, be mbee le kpee. Ipita a kung bo kinaa, keb akọng-ale ha abe. 16A kọng le, “Bebuye, ashi be ma fee le-iti nya ana Ukatia Kunyọng a ma kọng gbe ha Udebid gbe le Ujudas angwu a maa teng bendi abe be be kwu Ujeso ki yi le ki fe sho. 17A ma yi utung ha abel he aki angi li shi.”
18(Unde angwu a ma kpe le he kibibi ashi a ma shi, a kung he ndyeb itang. Ha he itang imen ana na a ma mbu le he kusi be tim lishi he itang, u paa ifung wu he igye. 19Bendi puu he Ujeruselem be gyo gbe le lihwu lima. Be kung lizen kwu itang imen ana he igie ibel le Akaldama ashi ki ze le Itang anung.)
20Ipita a gye kushu kọng le, “Be ma fee ndọ he kushia Agyam le,
“ ‘Ushu uma u fel bishi-bishi,
undi u nde ha ye.’#1:20 Agyam 69:25
Be mbee fee le,
“ ‘Undi ususo u kpe-e lishi he aki.’#1:20 Agyam 109:8
21He ashin, ki yi kpe-kpe le li waa undi le he liwu bendi abe be ma yi utung he abel mbee kunyọng ahwu Ada Ujeso a ma yi nyin utung he abel, 22kung le he kunyọng umbwo awole Ujọn gye kunyọng ahwu a ma kpe kung he le ha abel. Undi ken le he liwu bendi aben u fel na ushada utung ha abel gbe le awum-ale uma.”
23Be ma waa bengikye befee, Ujosef angwu be maa ko le Ubasabas be mbee ko he le Ujustus le Umatayas. 24Be maa kọng ha Unim le, “Ada, wo ngye atyam bendi puu. He bendi befee i, tyung li undi angwu wo waa 25le u kpe lishi aki na Unwaa-kisọm Ujeso angi Ujudas a tyang gbe ndo he kipi ashi ki yi ke-e.” 26Be ma shi ububo-ububo he be nde undi angwu Unim a waa. Ububo-ububo a ma mbu ke Umatayas. A ma fel utung ha bebwaa-kisọm Ujeso abe lihwo le he ken.
Currently Selected:
Aki 1: KUIL
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Aki 1
1
Ujeso a gbe gye he lifung-atabe
1Utiofilus, he ukpi-kikwu kushia ahwu mi ma fee a, mi ma da-a gbe le biwọm abi Ujeso a ma shi le abi a ma hwọ bendi, kung le ha kunyọng ahwu a ma kpi aki ama 2kpam le wu he liti angi, Atyam a ma kung he gye kusi lifung-atabe, ukpọng a ma ke kisọm gbe ha Ukatia Kunyọng hwaa le bebwaa-kisọm bema abe a ma waa kung. 3He kunyọng ahwu a ma mbee le bingie abi a kpe puu, a fem uhwoma tyung abe le bitaa abi bi tyung le u yi uwum. A fem kuhwo-ma tyung abe ati asi afee, hwọ a be gbe le kiteng kusu Unim. 4He kunyọng ken ahwu a maa zi lizi utung ha abe, a ma de be le, “Ma gbe le he Ujeruselem ye kpam Atyagi u gbe ke men kuke ahwu a ma kyeb le u ba ka amen. Mi de men gbe le hwu he kunyọng ahwu mi de le, 5Ujọn ufe a maa wa bendi umbwo a, ukpọ he ati amen i, Unim u ba shwa amen le Ukatia Kunyọng uma.”
6He kunyọng ahwu be ma mbee sho fe-e kel-kel, be bii Ujeso le, “Ada, wo nya ndu sha bendi Izwel le be tem fel le kuhwobel kanaa-anaa i, be kwu le kiteng kusu kibel a?”
7Ujeso a fan abe le, “Atyagi ugyang na u yi le ikeb le u ndọ kunyọng ahwu biwọm bi shi. Ki yi kpe-kpe le ma ngye kunyọng ahwu ha ye. 8Ukpọ ma ba kpa ikeb he kunyọng ahwu Ukatia Kunyọng u be hwaa le men. Ma ba bun da bendi gba le mi he Ujeruselem, mbee abọng Ujudia puu le Usameria, le abọng angi a teng iteng puu.”
9He kunyọng ahwu a kọng ashin mbee, Unim a ma kung he he atọng-shi abel gye he kusi kpam a gbe nim ashi ngwee he bibu.
10Nya ana be ma so-i nde ashi gye he kusi, bendi befee abe be ma shi aliga afung-afung be be imbul-imbul, fem naa utung ha abe ha. 11Be de bebwaa-kisọm Ujeso le, “Men bendi Ugalili, kibang kinde-gbung ashi ki kwu amen ma nde ashi gye he kusi kitaa i. Ujeso umen angwu ma nde-e u gye he lifung-atabe nyin, u ba tem ba nya ana ma nde-e u gye ana.”
Be waa Umatayas le u kpe Ujudas lishi
12Nyọng abin puu bi gbe, bebwaa-kisọm Ujeso be tem le he ukwel angwu be ko le Olif gye he Ujeruselem angwu a ma yi kigbe litan kigem umail. 13He kunyọng be le wu he Ujeruselem, le kwu he ushọm kusi he kipi be maa nde. Bendi aben na be ma yi ha.
Ipita, Ujọn, Ujems, Andru,
Ufilip, Utọmas,
Ubatolomi, Umatiu,
Ujems angwu a ma yi unwaa Alfeyus le Usaimọn angwu a ma yi Izilọt (liwu Ijuus angi i kee le be kwa le kuhwobel) le Ujudas unwaa Ujems.
14Befe puu be ma gbọng he kiteng ken kọng ha Unim mbee kunyọng kpam. Bengingye besuso le Umeri, anam Ujeso le bebwaa-nde be ma gbọng utung ha abe.
15Ha he ati amen ana bendi abọng-ale abe be ma mbee bendi asi adyọng-ken, be mbee le kpee. Ipita a kung bo kinaa, keb akọng-ale ha abe. 16A kọng le, “Bebuye, ashi be ma fee le-iti nya ana Ukatia Kunyọng a ma kọng gbe ha Udebid gbe le Ujudas angwu a maa teng bendi abe be be kwu Ujeso ki yi le ki fe sho. 17A ma yi utung ha abel he aki angi li shi.”
18(Unde angwu a ma kpe le he kibibi ashi a ma shi, a kung he ndyeb itang. Ha he itang imen ana na a ma mbu le he kusi be tim lishi he itang, u paa ifung wu he igye. 19Bendi puu he Ujeruselem be gyo gbe le lihwu lima. Be kung lizen kwu itang imen ana he igie ibel le Akaldama ashi ki ze le Itang anung.)
20Ipita a gye kushu kọng le, “Be ma fee ndọ he kushia Agyam le,
“ ‘Ushu uma u fel bishi-bishi,
undi u nde ha ye.’#1:20 Agyam 69:25
Be mbee fee le,
“ ‘Undi ususo u kpe-e lishi he aki.’#1:20 Agyam 109:8
21He ashin, ki yi kpe-kpe le li waa undi le he liwu bendi abe be ma yi utung he abel mbee kunyọng ahwu Ada Ujeso a ma yi nyin utung he abel, 22kung le he kunyọng umbwo awole Ujọn gye kunyọng ahwu a ma kpe kung he le ha abel. Undi ken le he liwu bendi aben u fel na ushada utung ha abel gbe le awum-ale uma.”
23Be ma waa bengikye befee, Ujosef angwu be maa ko le Ubasabas be mbee ko he le Ujustus le Umatayas. 24Be maa kọng ha Unim le, “Ada, wo ngye atyam bendi puu. He bendi befee i, tyung li undi angwu wo waa 25le u kpe lishi aki na Unwaa-kisọm Ujeso angi Ujudas a tyang gbe ndo he kipi ashi ki yi ke-e.” 26Be ma shi ububo-ububo he be nde undi angwu Unim a waa. Ububo-ububo a ma mbu ke Umatayas. A ma fel utung ha bebwaa-kisọm Ujeso abe lihwo le he ken.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.