Mak 1
1
1Emi edi ntọñọ utibe mbuk Jisọs Andinyaña, Eyen Abasi. 2Ke ñwed emi Asiak Uduak Abasi Aisaya ekewetde, Abasi ama ọnọ ntọt ete,
“Ami ñyedọñ Eyen mmi edi ke ererimbot ndien ñyedọñ ata akpan isuñutom ebem Enye iso
editim ererimbot ebeñe edidi Esie.”
3“Uyo ke ofiori ke isọñ utatan ete,
Ediọñ usuñ Ọbọñ ebeñe Enye;
enam nnen nnen usuñ enọ Enye ndisaña!”
Jọn Enim Ababtisim
4Isuñutom emi ekedi Jọn enim owo Babtisim. Enye okodu ke isọñ utatan onyuñ ekpep ete yak kpukpru owo ena babtisim nte añwa añwa uwutñkpọ nte ke mmimọ imọwọñọde ikpọñ idiọkñkpọ, man oto do Abasi akpadahado ọnọ mmọ, 5Mme owo ema eto Jerusalem, ye ke ofuri isọñ Judia edi ke ukpọk isọñ Judia man ekekut enyuñ ekop se Jọn eketiñde. Ndien ke adañaemi mmọ ema ekeyarade mme idiọkñkpọ mmọ, enye ama onim mmọ babtisim ke akpa Jọdan. 6Ekeda idet enañ emi ekotde Kamel edọk ọfọñidem Jọn. Enye onyuñ ọbọbọ mbọbọ isin ikpa unam; ñkukuñkpọyọriyọ ye aran ọkwọk ikọt ekedi udia esie. 7Emi ekedi ukwọrọ ikọ esie: “Ibighike owo eyedi emi okponde akan mi. Enye okpon akan mi, nte ami mme ndotke ndi nuhọ ntat uruk ikpaukot Esie.
8Ami nda mmọñ nnim mbufo babtisim, edi Enye edida Edisana Spirit Abasi inim mbufo babtisim!”
9Ntem usen kiet, Jisọs ama oto Nasaret ke Kalili edi, ndien Jọn ama onim Enye babtisim ke akpa Jọdan. 10Ndo ndo oro Jisọs ọkọwọrọde ke mmọñ, Enye ama okut nte ikpa enyọñ ọkubọrede, ndien Edisana Spirit ke mbiet ibiom ọsuhọrede edisọrọ Enye ke idem. 11Ndien uyo ama oto ke enyọñ ọdọhọ ete, “Afo edi edima Eyen Mi, Afo edi ñkpọ inemesit Mi.”
12Ikebighike Edisana Spirit ama enyik Jisọs ndika isọñ utatan, 13ndien enye ama odu ke isọñ utatan ke usen aba, ndien setan ama odomo Enye. Enye okodu ye mme unam ikọt, ndien mme enjel ekese ñkpọ ebaña enye.
14Ke oro ama ekebe, ke adañaemi Edidem Erọd ama okomum Jọn, Jisọs ama adaha aka ke Kalili ndikọkwọrọ Eti Mbuk emi otode Abasi.
15Jisọs ọkọkwọrọ ete, “Ini emekem, Obio Ubọñ Abasi ekpere. Ekabade esit, enyuñ enim Eti Mbuk emi ke akpanikọ.”
Jisọs Okot Ubak Mme Nsaña Esie
16Usen kiet nte Jisọs akasañade ke mben akpa Kalili, Enye ama okut Saimọn ye eyen eka esie Andru nte ekọde iyak ye iyire, koro ubọk utom mmọ ekedide ukọiyak.
17Jisọs ama esin uyo okot mmọ ete, “Edi, etiene Mi, ndien Ami ñyenam mbufo edi mme ọkọ ukpọñ owo.” 18Inikiet inikiet mmọ ema ekpọñ iyire mmọ enyuñ etiene Enye.
19Ke Enye ama akamana asaña akaiso esisit, Enye ama okut nditọ Sebidi, Jems ye Jọn, nte etiede ke ubom ediọñ iyire mmọ. 20Enye ama okot mmọ ñko, ndien inikiet inikiet mmọ ema ekpọñ ete mmọ ye mme mbon emi ekekpedekpe esin ke ubom, ndien etiene Enye.
21Jisọs ye mme nsaña Esie ema ekesim obio Kapanọm ndien ke usenubọk Satide Enye ama oduk ke ufọk mbono mme Ju onyuñ ọtọñọ ndikpep ñkpọ. 22Idem ama akpa kpukpru owo ke ukpepñkpọ Esie, koro enye ekekpepde mmọ ñkpọ nte enye emi enyenede ọyọhọ unen, idighe nte mme ekpep ibet mmọ.
Ekọk Mme Ekese Owo Udọñọ
23Owo kiet emi ndedehe spirit okomumde ama odu do, ke ufọk mbono oro, ndien enye ama ofiori ñkpo. 24“Ntak emi Afo afinade ñnyin e? Jisọs eyen Nasaret, nte Afo edi ndisobo ñnyin mme ndedehe spirit? Ami mọdiọñọ owo emi afo edide, edi Edisana Eyen Abasi.”
25Jisọs ama owuk ndedehe spirit emi, ete, “Kibi inua fo, ñnyuñ wọrọ kpọñ owo oro.” 26Ke edikop uyo oro, ndedehe spirit oro ama ofiori onyuñ atuak owo oro ata ọkpọsọñ ndien ọwọrọ ọkpọñ enye. 27Idem ama akpa otu owo eti eti, tutu mmọ ema ebup idem mmọ ete, “Nso idi emi? Nso obufa ukpep efen idi emi? Owo emi enyene odudu ndiwuk mme ndedehe spirit ndien mmọ esuk ibuot enọ enye.”
28Etop utibe ñkpọ emi Enye akanamde ama asuana akanade ofuri ñkanñkuk Kalili.
29Ndo ndo emi mmọ ekekpọñde ufọk mbono oro, Enye ama asaña ye Jems ye Jọn eka ke ufọk Saimọn ye Andru. 30Eka añwan Saimọn ọkọdọdọñọ ana ke ñkpana ye ufiop idem, ndien mmọ ema esian Jisọs ebaña enye. 31Enye ama asaña ekpere ñkpana esie, omum enye ke ubọk, onyuñ emenerede enye ke enyọñ. Ufiop idem ama okure enye ndien enye ama adaha ada onyuñ anam ñkpọ ọnọ mmọ.
32Ke ini mbubreyo, esit okure ama ọyọhọ ye mbon udọñọ ye mbon emi ndedehe spirit omumde emi ekedade edi man enye ọkọk mmọ udọñọ. 33Ofuri mbon obio oro ema ediboho ke enyinusuñ ufọk oro. 34Jisọs ama ọkọk ediwak mbon oro udọñọ ke mbubreyo oro onyuñ ebin mme ndedehe spirit osioño ke idem mme mmọ emi ndedehe spirit ekemumde. Edi ikenyimeke mme ndedehe spirit oro etiñ ikọ koro mmọ ekedioñode utọ owo emi Enye ekedide.
35Ke ndañ nsiere Jisọs ama abak adahada ke ñkim ñwaña, onyuñ asaña ikpọñ aka ke isọñ utatan ndibọñ akam.
36Saimọn ye mme nsaña esie ema ewọñọ eka ndiyom Enye, 37ndien ke ini emi mmọ ekekutde Enye mmọ ema edọhọ Enye ete, “kpukpru owo ke eyom fi.”
38Edi Enye ama ọbọrọ ete, “Ana ñnyin ika mme obio efen ñko ikọkwọrọ ikọ emi inọ mmọ, koro ke ntak emi ke Ami ñkedi.”
39Ntre Enye ama asaña akanade kpukpru obio ke Kalili ọkwọrọ ikọ ke ufọk mbono mmọ kiet kiet onyuñ atat ediwak owo ke ñkpọkọbi ndedehe spirit. 40Owo akpa mfia kiet ama editọñọ edọñ ke iso Jisọs, onyuñ ekpe Enye ubọk ete, “Edieke Afo edinyimede, Afo emekeme ndinam mi nsana.”
41Jisọs ama ọyọhọ ye mbọm ndien otuk enye ubọk onyuñ ọdọhọ ete, “Ami menyime, sana!” 42Ndo ndo oro akpamfia ama okure owo oro, enye onyuñ okop nsọñidem.
43Jisọs ama osio enye unyọñ onyuñ oduri enye utọñ ete: 44“Kutiñ ñkpọ emi unọ owo ndomokiet ke usuñ, edi ka kowut oku Abasi idem fo, ñnyuñ nam uwa emi Moses ekenimde kabaña edinam mme akpamfia esana nte ñkpọ ntiense ke edibọhọ mmọ ke udọñọ emi.”
45Edi nte owo emi akasañade ke usuñ ọnyọñ, enye aka ọtọñọ nditiñ añwa añwa onyuñ asuan mbuk emi. Ke ntak emi Jisọs ikekemeke aba ndiduk obio ndomokiet añwa añwa, edi Enye ekenyene ndidu ke edem obio ke ebiet emi owo ndomokiet miduñke. Kpa ye oro, mme owo ema eto kpukpru inuk ebine enye.
Currently Selected:
Mak 1: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Mak 1
1
1Emi edi ntọñọ utibe mbuk Jisọs Andinyaña, Eyen Abasi. 2Ke ñwed emi Asiak Uduak Abasi Aisaya ekewetde, Abasi ama ọnọ ntọt ete,
“Ami ñyedọñ Eyen mmi edi ke ererimbot ndien ñyedọñ ata akpan isuñutom ebem Enye iso
editim ererimbot ebeñe edidi Esie.”
3“Uyo ke ofiori ke isọñ utatan ete,
Ediọñ usuñ Ọbọñ ebeñe Enye;
enam nnen nnen usuñ enọ Enye ndisaña!”
Jọn Enim Ababtisim
4Isuñutom emi ekedi Jọn enim owo Babtisim. Enye okodu ke isọñ utatan onyuñ ekpep ete yak kpukpru owo ena babtisim nte añwa añwa uwutñkpọ nte ke mmimọ imọwọñọde ikpọñ idiọkñkpọ, man oto do Abasi akpadahado ọnọ mmọ, 5Mme owo ema eto Jerusalem, ye ke ofuri isọñ Judia edi ke ukpọk isọñ Judia man ekekut enyuñ ekop se Jọn eketiñde. Ndien ke adañaemi mmọ ema ekeyarade mme idiọkñkpọ mmọ, enye ama onim mmọ babtisim ke akpa Jọdan. 6Ekeda idet enañ emi ekotde Kamel edọk ọfọñidem Jọn. Enye onyuñ ọbọbọ mbọbọ isin ikpa unam; ñkukuñkpọyọriyọ ye aran ọkwọk ikọt ekedi udia esie. 7Emi ekedi ukwọrọ ikọ esie: “Ibighike owo eyedi emi okponde akan mi. Enye okpon akan mi, nte ami mme ndotke ndi nuhọ ntat uruk ikpaukot Esie.
8Ami nda mmọñ nnim mbufo babtisim, edi Enye edida Edisana Spirit Abasi inim mbufo babtisim!”
9Ntem usen kiet, Jisọs ama oto Nasaret ke Kalili edi, ndien Jọn ama onim Enye babtisim ke akpa Jọdan. 10Ndo ndo oro Jisọs ọkọwọrọde ke mmọñ, Enye ama okut nte ikpa enyọñ ọkubọrede, ndien Edisana Spirit ke mbiet ibiom ọsuhọrede edisọrọ Enye ke idem. 11Ndien uyo ama oto ke enyọñ ọdọhọ ete, “Afo edi edima Eyen Mi, Afo edi ñkpọ inemesit Mi.”
12Ikebighike Edisana Spirit ama enyik Jisọs ndika isọñ utatan, 13ndien enye ama odu ke isọñ utatan ke usen aba, ndien setan ama odomo Enye. Enye okodu ye mme unam ikọt, ndien mme enjel ekese ñkpọ ebaña enye.
14Ke oro ama ekebe, ke adañaemi Edidem Erọd ama okomum Jọn, Jisọs ama adaha aka ke Kalili ndikọkwọrọ Eti Mbuk emi otode Abasi.
15Jisọs ọkọkwọrọ ete, “Ini emekem, Obio Ubọñ Abasi ekpere. Ekabade esit, enyuñ enim Eti Mbuk emi ke akpanikọ.”
Jisọs Okot Ubak Mme Nsaña Esie
16Usen kiet nte Jisọs akasañade ke mben akpa Kalili, Enye ama okut Saimọn ye eyen eka esie Andru nte ekọde iyak ye iyire, koro ubọk utom mmọ ekedide ukọiyak.
17Jisọs ama esin uyo okot mmọ ete, “Edi, etiene Mi, ndien Ami ñyenam mbufo edi mme ọkọ ukpọñ owo.” 18Inikiet inikiet mmọ ema ekpọñ iyire mmọ enyuñ etiene Enye.
19Ke Enye ama akamana asaña akaiso esisit, Enye ama okut nditọ Sebidi, Jems ye Jọn, nte etiede ke ubom ediọñ iyire mmọ. 20Enye ama okot mmọ ñko, ndien inikiet inikiet mmọ ema ekpọñ ete mmọ ye mme mbon emi ekekpedekpe esin ke ubom, ndien etiene Enye.
21Jisọs ye mme nsaña Esie ema ekesim obio Kapanọm ndien ke usenubọk Satide Enye ama oduk ke ufọk mbono mme Ju onyuñ ọtọñọ ndikpep ñkpọ. 22Idem ama akpa kpukpru owo ke ukpepñkpọ Esie, koro enye ekekpepde mmọ ñkpọ nte enye emi enyenede ọyọhọ unen, idighe nte mme ekpep ibet mmọ.
Ekọk Mme Ekese Owo Udọñọ
23Owo kiet emi ndedehe spirit okomumde ama odu do, ke ufọk mbono oro, ndien enye ama ofiori ñkpo. 24“Ntak emi Afo afinade ñnyin e? Jisọs eyen Nasaret, nte Afo edi ndisobo ñnyin mme ndedehe spirit? Ami mọdiọñọ owo emi afo edide, edi Edisana Eyen Abasi.”
25Jisọs ama owuk ndedehe spirit emi, ete, “Kibi inua fo, ñnyuñ wọrọ kpọñ owo oro.” 26Ke edikop uyo oro, ndedehe spirit oro ama ofiori onyuñ atuak owo oro ata ọkpọsọñ ndien ọwọrọ ọkpọñ enye. 27Idem ama akpa otu owo eti eti, tutu mmọ ema ebup idem mmọ ete, “Nso idi emi? Nso obufa ukpep efen idi emi? Owo emi enyene odudu ndiwuk mme ndedehe spirit ndien mmọ esuk ibuot enọ enye.”
28Etop utibe ñkpọ emi Enye akanamde ama asuana akanade ofuri ñkanñkuk Kalili.
29Ndo ndo emi mmọ ekekpọñde ufọk mbono oro, Enye ama asaña ye Jems ye Jọn eka ke ufọk Saimọn ye Andru. 30Eka añwan Saimọn ọkọdọdọñọ ana ke ñkpana ye ufiop idem, ndien mmọ ema esian Jisọs ebaña enye. 31Enye ama asaña ekpere ñkpana esie, omum enye ke ubọk, onyuñ emenerede enye ke enyọñ. Ufiop idem ama okure enye ndien enye ama adaha ada onyuñ anam ñkpọ ọnọ mmọ.
32Ke ini mbubreyo, esit okure ama ọyọhọ ye mbon udọñọ ye mbon emi ndedehe spirit omumde emi ekedade edi man enye ọkọk mmọ udọñọ. 33Ofuri mbon obio oro ema ediboho ke enyinusuñ ufọk oro. 34Jisọs ama ọkọk ediwak mbon oro udọñọ ke mbubreyo oro onyuñ ebin mme ndedehe spirit osioño ke idem mme mmọ emi ndedehe spirit ekemumde. Edi ikenyimeke mme ndedehe spirit oro etiñ ikọ koro mmọ ekedioñode utọ owo emi Enye ekedide.
35Ke ndañ nsiere Jisọs ama abak adahada ke ñkim ñwaña, onyuñ asaña ikpọñ aka ke isọñ utatan ndibọñ akam.
36Saimọn ye mme nsaña esie ema ewọñọ eka ndiyom Enye, 37ndien ke ini emi mmọ ekekutde Enye mmọ ema edọhọ Enye ete, “kpukpru owo ke eyom fi.”
38Edi Enye ama ọbọrọ ete, “Ana ñnyin ika mme obio efen ñko ikọkwọrọ ikọ emi inọ mmọ, koro ke ntak emi ke Ami ñkedi.”
39Ntre Enye ama asaña akanade kpukpru obio ke Kalili ọkwọrọ ikọ ke ufọk mbono mmọ kiet kiet onyuñ atat ediwak owo ke ñkpọkọbi ndedehe spirit. 40Owo akpa mfia kiet ama editọñọ edọñ ke iso Jisọs, onyuñ ekpe Enye ubọk ete, “Edieke Afo edinyimede, Afo emekeme ndinam mi nsana.”
41Jisọs ama ọyọhọ ye mbọm ndien otuk enye ubọk onyuñ ọdọhọ ete, “Ami menyime, sana!” 42Ndo ndo oro akpamfia ama okure owo oro, enye onyuñ okop nsọñidem.
43Jisọs ama osio enye unyọñ onyuñ oduri enye utọñ ete: 44“Kutiñ ñkpọ emi unọ owo ndomokiet ke usuñ, edi ka kowut oku Abasi idem fo, ñnyuñ nam uwa emi Moses ekenimde kabaña edinam mme akpamfia esana nte ñkpọ ntiense ke edibọhọ mmọ ke udọñọ emi.”
45Edi nte owo emi akasañade ke usuñ ọnyọñ, enye aka ọtọñọ nditiñ añwa añwa onyuñ asuan mbuk emi. Ke ntak emi Jisọs ikekemeke aba ndiduk obio ndomokiet añwa añwa, edi Enye ekenyene ndidu ke edem obio ke ebiet emi owo ndomokiet miduñke. Kpa ye oro, mme owo ema eto kpukpru inuk ebine enye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.