Matiu 3
3
Jọn Babtis Ọtọñọ Utom Esie
1Ke mme usen oro Jọn Babtis ama ọtọñọ ndikwọrọ ikọ ke isọñ utatan Judia, ete: 2“Mbufo ekabade esit, koro Obio Ubọñ Abasi ekpere.” 3Jọn ekedi enyemi Aisaya (Asiak Uduak Abasi) eketiñde abaña ete, “Uyo kofiori ke akpa utatan, ete, mbufo ediọñ usuñ Jihofa, eneñede ọkpọusuñ Esie.”
4Jọn ekesine ọfọñidem emi edade idet unam emi ekerede Kamel enam, onyuñ ọbọbọ ikpa unam ke isin esie; udia esie okonyuñ edi ñkukuñkpọyọriyọ, ye aranọkwọk ikọt. 5Ekem mbio Jerusalem ye ofuri mbon Judia, ye ofuri ñkanñkuk Jọdan ema ewọñọ etiene enye. 6Mmọ ema eyarade mme idiọkñkpọ mmọ, ndien enye ama enim mmọ babtisim.
7Edi ke ini enye okokutde ediwak mme Farisi ye Sadusi edide ndina babtisim ke ubọk esie, enye ama ọdọhọ mmọ, ete: “Mbufo nditọ urukikọt! Anie eketeme mbufo ete efeñe ebọhọ iyaresit Abasi emi edidide? 8Esioño mfri emi ekemde ye edikabade esit, 9ekunyuñ ekere ke esit mbufo, ete, ‘Mmimọ imenyene Ebraham nte Ete’; yak ndọhọ mbufo nte ke Abasi ekeme ndinam mme itiat emi edaha eda edi nditọ enọ Ebraham. 10Enim ekuri ke etak eto, ndien kpukpru eto emi miñwumke nti mfri eyesibe eduọk, ndien emen esin ke ikañ.”
11“Ami nda mmọñ nnim mbufo babtisim ke ntak edikabade esit, edi Enyemi, etienede mi ke edem enyene odudu akan mi, nte ami mme ndotke ndikama ikpaukot Esie. Enye eyenim mbufo babtisim ye Edisana Spirit ye ikañ. 12Enye eyebak ibokpot osioño ke okpotok, asat mbio efep ndien ọfọp okpotok ke ikañ emi asakde ke nsinsi, ndien atañ ñkpasip mmọ onim ke ubet unim ibokpot.”
Jisọs Ana Babtisim
13Ekem Jisọs oto ke Kalili edi ke Jọdan etiene Jọn man onim enye babtisim. 14Jọn ama odomo ndibiọñọ Enye, ete, “Akam edi Afo ekpenim mi babtisim, Afo edi didie etiene mi?”
15Edi Jisọs ama ọbọrọ enye ete, “Yak edi ntre ke emi. Koro ke ntem ke ñnyin idinam kpukpru ndinen ido esu.” Do ke Jọn ekenyime ọnọ Enye.
16Ke Jisọs ama akana babtisim ama, onyuñ ọwọrọ ke mmọñ ọdọk obot, sese enyọñ ama eberede ndien enye okut Spirit Abasi nte ọsuhọrede nte Ibiọm edisọrọ Enye ke idem. 17Ndien uyo oto ke enyọñ ọdọhọ ete, “Emi edi edima Eyen emi enemde Mi esit etieti.”
Currently Selected:
Matiu 3: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
