Matiu 27
27
Ikpe Ye Ediwot
1Ke tughi tughi usenubọk mme ikpọ oku ye mme ikpọ owo mme Ju ema efiak esobo man ediomi, ebaña usuñ nte edisañade iwot Jisọs. 2Mmọ ema eda Enye ye ñkpọkọbi ke ubọk esọk Pailet, ada ibuot ukara mbon Rom.
3Ke ini Judas emi akatapde Jisọs okutde ete ke ebiere ikpe ñkpa enọ Jisọs enye ama ọkpuhọde ekikere esie onyuñ atua ñkpọfiọk abaña se enye akanamde ndien ama ada mbai silfa edip ye duop, okuk emi enye ọkọbọde, ọsọk mme ikpọ oku ye ikpọ owo mme Ju.
4Enye ama ọdọhọ ete, “Ami mmanam idiọkñkpọ, koro ñkatapde iyip emi miduehe isop.” Mmọ ema ebọrọ enye ete, “Oro abuana nso ye ñnyin? Enye oro edi mbubehe fo.” 5Ntem ke Judas okotomo okuk oro ọduọñọ ke isọñ itie ukpono Abasi, ndien adaha ọwọrọ onyuñ ekeyire ke eto akpa. 6Mme ikpọ oku ema etañ okuk oro enyuñ edọhọ ete, “Ñnyin ikemeke ndisin okuk emi ke otu okuk ñnyin, koro edide okuk iyip.”
7Mmọ ema eneme ebaña okuk emi, ndien ke akpatre mmọ ema ebiere ndidep ekpri isọñ emi esiode ndom ubot abañ, man eda enim nte udi ubuk isenowo. 8Oro edi ntak emi ekotde isọñ oro, “Isọñ Iyip” tutu osim mfin emi.
9Emi anam se Oku Abasi Jerimaya eketiñde osu: “Mmọ ekebọ okuk silfa edip ye duop, emi edide ekọm urua emi nditọ Isrel ekenyimede ndikpe ke ibuot esie, 10ndien mmọ ema edep isọñ ndom ubot abañ, nte Ọbọñ okowukde mi.”
11Jisọs ama ada ke iso adaibuot ukara, Pailet, ndien Pailet ama obup Enye ete, “Nte Afo edi Ọbọñ mme Ju?” Jisọs ama ọbọrọ ete, “lh, edi kpa nte afo etiñde.”
12Edi Enye ikebọrọke ikọ ndomokiet ituk mme ikọ emi mme ikpọ oku ye mme ada idaha mme Ju ekedoride Enye.
13Do ke Pailet okobup Enye ete, “Nte Afo ukopke kpukpru mme ñkpọ emi etiñde edori fi?”
14Edi Jisọs ikọbọrọke baba ikọ kiet, emi ama anam idem akpa ada ibuot ukara eti eti.
15Ekesidi ido ada ibuot ukara ke ini usọrọ ndisana owo ñkpọkọbi kiet emi otu owo edimekde ñyak. 16Ke ini oro mmọ ema enyene ata oburobut anam idiọkñkpọ kiet emi ekekotde Barabas. 17Ndien ke ini otu owo ema ekeboho, Pailet ama obup mmọ ete, “Anie ke mbufo eyom mi nsana ñyak nnọ mbufo? Barabas, mme Jisọs emi ekotde Kraist?” 18Koro enye ama ọdiọñọ ke idem esie ete ke ekeyak Jisọs enọ imọ oto ke emi mmọ ekefubede Enye.
19Kpa ke ini oro Pailet etiede ke ifum ukpe ikpe, ñwan esie ama ọnọ etop emi esọk enye: “Kunyene ñkpọ ndomokiet ndinam ye owo oro miduehe isop, koro ami mmokut ukut eti eti mfin ke ndap ke ntak Esie.”
20Edi mme ikpọ oku ye mme ada idaha ke otu mme Ju ema enyik otu owo ete yak mmọ edọhọ ete yak eyak Barabas, ndien ewot Jisọs. 21Ndien ada ibuot ukara ọtọñọ ntak obup mmọ ete, “Anie ke otu owo iba emi ke mbufo eyom nsana ñyak nnọ mbufo?” Mmọ ema ebọrọ ete, “Barabas”.
22Ndien Pailet obup mmọ ete, edọhọ nnam didie ndien ye Jisọs emi ekotde Kraist? Mmọ kpukpru ema ebọrọ ete, “Kọñ Enye ke eto”.
23Do ke Pailet okobup mmọ ete, “Ntaha? Nso idiọkñkpọ ke Enye anam?” Edi mmọ etetim efiori ke ọkpọsọñ uyo ete, “Koñ Enye ke eto.”
24Ke ini Pailet okokutde nte ke unyaña imọ idaha imọ ika baba ebiet kiet, utu ke oro edi ndutime ọkọtọñọ, enye ama ada mmọñ eyet ubọk esie mbiba ke iso otu owo, onyuñ ọdọhọ ete, “Ami mbuanake do ke iyip owo emi; emi edi mbiomo mbufo.”
25Kpukpru owo ema ebọrọ ke uyo kiet, ete, “Yak iyip Esie ọkọbọ ñnyin ye mme nditọ ñnyin.”
26Do ke enye akasana Barabas ayak ọnọ mmọ. Onyuñ amia Jisọs, ndien enye ayak Enye esin mmọ ke ubọk ete ekọñ Enye ke eto. 27Mbon ekọñ Pailet ema eda Jisọs eduk ke akwa ufọk ada ibuot ukara, ndien ofuri udim mbon ekọñ ekanade Enye ekuk. 28Mmọ ema esioño Enye ọfọñ ke idem efep, enyuñ emen ididuot ewura esine Enye. 29Ndien mmọ ema edọk anyanya ñkukim eyara Enye ke ibuot, enyuñ efak Enye esañ ke ubọk nnasia, ndien etọñọ edọñ ke iso Esie ke ido nsahi. Mmọ enyuñ edọhọ ete, “Itọñ uwem ọsọñ fi Edidem mme Ju.” 30Ndien mmọ ema etọ Enye etap, ndien ebọ Enye esañ oro, enyuñ eda eyibi Enye ke ibuot kuyire kuyire.
31Ke mmọ ema ekesak Enye ema, mmọ ema esio Enye ewura ndien efiak esine Enye mme ọfọñidem Esie. Ema eda Enye ndien eka ndikọñ ke eto. 32Edi nte mmọ ekesañade ke usuñ eka, mmọ ema ekesobo owo emi otode Sirin, emi ekekerede Saimọn, ndien mmọ ema enyik enye obiom etoñkpa. 33Mmọ ema ekesim ebiet emi ekotde Kọlkọta (emi ọwọrọde ebiet ñkpọkpọrọ). 34Do ke mmọ ekenọ Enye mmin emi ekebuakde etidot ete ọñwọñ, edi ke Enye ama akatabi, Enye ama esin ndiñwọñ.
35Ke mmọ ema ekekọñ Jisọs ke eto ema, mbon ekọñ ema esin afia enyuñ ebahade ọfọñidem Esie ke otu mmọ. 36Ndien mmọ esuhọde etetie ekanade enyuñ ekpeme Enye nte ọkọñọde ke etoñkpa. 37Ke ọkpọñde ibuot Esie esisit, mmọ ema ewet isọñ ikpe mmọ edian Enye:
“emi edi jisọs ọbọñ mme ju.”
38Ema ekọñ mme inọ iba ñko ye Enye, kiet ke ubọk nnasia Esie ye kiet ke ubọk ufien Esie. 39Mme mmọ emi ekesañade ebe ema enyeñe ibuot mmọ enyuñ esuñi Jisọs enyuñ edọhọ ete, 40“Afo emi okoyomde ndiwuri edisana ebiet ñnyuñ ntọñọntak mbọp enye ke usen ita, nyaña idem fo edieke Afo edide Eyen Abasi! Suhọrede ke etoñkpa di.”
41Ke ukem usuñ oro, mme ikpọ oku, mme andikpep ibet, ye ikpọ mbuot obio ema etọ Enye ndọk. 42“Enye akanyaña mmọ efen, edi Enye ikemeke ndinyaña idem Esie! Enye edi Edidem Isrel! Yak Enye ọsuhọde ke etoñkpa edi, ndien ñnyin iyenim Enye ke akpanikọ. 43Enye odori enyin ke Abasi. Yak Abasi edifak Enye idahaemi edieke Enye oyomde Enye, koro Enye ọkọdọhọde ete, Ami ndi Eyen Abasi.”
44Ke ukem ukem usuñ oro idem mme inọ emi ekekọñde ye Enye ema etiene esuñi Enye.
45Ọtọñọde ke uwemeyo oro, ekim ama ofuk ofuri iso isọñ, emi ekebighide osim ñkpọ nte ñkanika ita uwemeyo.
46Ke ñkpọ nte ñkanika ita uwemeyo, Jisọs ama ofiori ke ọkpọsọñ uyo ete, “Elai, Elai, Lema Sabaktani?” Emi ọwọrọ ete, “Abasi Mi, Abasi Mi, nsinam Afo ọkpọñde Mi?”
47Ndusuk mbon emi ekedade do ema ekop, enyuñ edọhọ ete, “Enye okot Elaiya.” 48Ndo ndo oro owo mmọ kiet ama efehe ekemen mfube ekedebi ke mmin emi ekerede vineka ndien emen afak ke eto, onyuñ emenerede ọnọ Jisọs ete ọñwọñ. 49Edi mmọ eken ema edọhọ ete, “Sana Enye yak. Yak ñnyin ise mme Elaiya ọmọñ edinyaña Enye”.
50Ndien ke ini Jisọs ama akafiak ofiori ke ọkpọsọñ uyo, Enye ama ọduọk akpatre ibifik Esie. 51Ke ndo ndo oro, ikpehe Edisana itie uwa ama asiaha ke mbak iba ọtọñọde ke enyọñ tutu osim isọñ, ndien isọñ enyek, mme itiat enyuñ esiaha, 52mme udi ekubọrede ndien mme ediwak ikọt Abasi emi ekekpañade ema etọñọ ntak eset ke ñkpa edu uwem. 53Mmọ kpukpru ewọñọ ke mme udi, ndien ke Jisọs ama ekeset mmọ ema eduk ke edisana obio (Jerusalem) enyuñ ekewut mme ediwak owo idem mmọ.
54Ke ini etubom ekọñ ye mme mmọ emi ekedude ye enye ekpeme Jisọs ekekutde unyekisọñ ye kpukpru se iketibede, ndik ama anam mmọ eti eti, ndien mmọ ema efiori ete, “Ke akpanikọ Enye ekedi Eyen Abasi!”
55Ediwak iban ema edu do emi ekedade nsan nsan ese, mmọ eketiene Jisọs tọñọ ke Kalili ndise ñkpọ mbaña Enye. 56Ke otu mmọ ekedi Meri Makdalin, ye Meri eka Jems ye Josef; ye eka Jems ye Jọn nditọ Sebidi.
Akpa, Ndien Ema Ebuk
57Ke ini osimde mbubreyo, enyeneñkpọ owo kiet emi okotode obio Arimatia, emi enyiñ esie ekerede Josef, kiet ke otu mme mbet Jisọs ama edi. 58Enye ama adaha ebine Pailet onyuñ ekebeñe okpo Jisọs, ndien-Pailet ama ọnọ uyo ete esana eyak enọ enye, 59Josef ama emen okpo Jisọs, onyuñ awañ Enye ke edisana mmemmem ọfọñ, 60ndien onim Enye ke obufa udi esie emi enye okobotde ke itiat, onyuñ akpat itiat eberi ke inua udi, ndien enye ọnyọñ. 61Meri Makdalin ye Meri enye eken esuk etie do esak iso ese udi.
62Ke ndañ nsiere, emi eketienede usen mbeñeidem usọrọ uwọrọ ufin, mme ikpọ oku ye mme Farisi ema ebine Pailet, 63enyuñ edọhọ enye ete, “Ñnyin imeti ite ke ini owo abiaña oro okodude ke uwem, Enye ama ọdọhọ ete, ke usen ita ama ebe, Imọ iyeset. 64Ke ntre nọ uyo etim ekpeme udi tutu osim ọyọhọ usen ita, ke midighe ntre mme mbet Esie ekeme ndidi ediyip okpo Esie ndien edọhọ mme owo ete ke Enye ama eset. Akpatre abiaña emi eyediọk akan eke akpa.”
65Pailet ama ọbọrọ mmọ, ete, “Eda owo ukpeme eka ekekpeme udi nte mbufo efefiọk ndinam.”
66Do mmọ ema eka ekenam idiọñọ mmọ do ke itiat, ndien ebon ukpeme ekanade ekuk.
Currently Selected:
Matiu 27: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 27
27
Ikpe Ye Ediwot
1Ke tughi tughi usenubọk mme ikpọ oku ye mme ikpọ owo mme Ju ema efiak esobo man ediomi, ebaña usuñ nte edisañade iwot Jisọs. 2Mmọ ema eda Enye ye ñkpọkọbi ke ubọk esọk Pailet, ada ibuot ukara mbon Rom.
3Ke ini Judas emi akatapde Jisọs okutde ete ke ebiere ikpe ñkpa enọ Jisọs enye ama ọkpuhọde ekikere esie onyuñ atua ñkpọfiọk abaña se enye akanamde ndien ama ada mbai silfa edip ye duop, okuk emi enye ọkọbọde, ọsọk mme ikpọ oku ye ikpọ owo mme Ju.
4Enye ama ọdọhọ ete, “Ami mmanam idiọkñkpọ, koro ñkatapde iyip emi miduehe isop.” Mmọ ema ebọrọ enye ete, “Oro abuana nso ye ñnyin? Enye oro edi mbubehe fo.” 5Ntem ke Judas okotomo okuk oro ọduọñọ ke isọñ itie ukpono Abasi, ndien adaha ọwọrọ onyuñ ekeyire ke eto akpa. 6Mme ikpọ oku ema etañ okuk oro enyuñ edọhọ ete, “Ñnyin ikemeke ndisin okuk emi ke otu okuk ñnyin, koro edide okuk iyip.”
7Mmọ ema eneme ebaña okuk emi, ndien ke akpatre mmọ ema ebiere ndidep ekpri isọñ emi esiode ndom ubot abañ, man eda enim nte udi ubuk isenowo. 8Oro edi ntak emi ekotde isọñ oro, “Isọñ Iyip” tutu osim mfin emi.
9Emi anam se Oku Abasi Jerimaya eketiñde osu: “Mmọ ekebọ okuk silfa edip ye duop, emi edide ekọm urua emi nditọ Isrel ekenyimede ndikpe ke ibuot esie, 10ndien mmọ ema edep isọñ ndom ubot abañ, nte Ọbọñ okowukde mi.”
11Jisọs ama ada ke iso adaibuot ukara, Pailet, ndien Pailet ama obup Enye ete, “Nte Afo edi Ọbọñ mme Ju?” Jisọs ama ọbọrọ ete, “lh, edi kpa nte afo etiñde.”
12Edi Enye ikebọrọke ikọ ndomokiet ituk mme ikọ emi mme ikpọ oku ye mme ada idaha mme Ju ekedoride Enye.
13Do ke Pailet okobup Enye ete, “Nte Afo ukopke kpukpru mme ñkpọ emi etiñde edori fi?”
14Edi Jisọs ikọbọrọke baba ikọ kiet, emi ama anam idem akpa ada ibuot ukara eti eti.
15Ekesidi ido ada ibuot ukara ke ini usọrọ ndisana owo ñkpọkọbi kiet emi otu owo edimekde ñyak. 16Ke ini oro mmọ ema enyene ata oburobut anam idiọkñkpọ kiet emi ekekotde Barabas. 17Ndien ke ini otu owo ema ekeboho, Pailet ama obup mmọ ete, “Anie ke mbufo eyom mi nsana ñyak nnọ mbufo? Barabas, mme Jisọs emi ekotde Kraist?” 18Koro enye ama ọdiọñọ ke idem esie ete ke ekeyak Jisọs enọ imọ oto ke emi mmọ ekefubede Enye.
19Kpa ke ini oro Pailet etiede ke ifum ukpe ikpe, ñwan esie ama ọnọ etop emi esọk enye: “Kunyene ñkpọ ndomokiet ndinam ye owo oro miduehe isop, koro ami mmokut ukut eti eti mfin ke ndap ke ntak Esie.”
20Edi mme ikpọ oku ye mme ada idaha ke otu mme Ju ema enyik otu owo ete yak mmọ edọhọ ete yak eyak Barabas, ndien ewot Jisọs. 21Ndien ada ibuot ukara ọtọñọ ntak obup mmọ ete, “Anie ke otu owo iba emi ke mbufo eyom nsana ñyak nnọ mbufo?” Mmọ ema ebọrọ ete, “Barabas”.
22Ndien Pailet obup mmọ ete, edọhọ nnam didie ndien ye Jisọs emi ekotde Kraist? Mmọ kpukpru ema ebọrọ ete, “Kọñ Enye ke eto”.
23Do ke Pailet okobup mmọ ete, “Ntaha? Nso idiọkñkpọ ke Enye anam?” Edi mmọ etetim efiori ke ọkpọsọñ uyo ete, “Koñ Enye ke eto.”
24Ke ini Pailet okokutde nte ke unyaña imọ idaha imọ ika baba ebiet kiet, utu ke oro edi ndutime ọkọtọñọ, enye ama ada mmọñ eyet ubọk esie mbiba ke iso otu owo, onyuñ ọdọhọ ete, “Ami mbuanake do ke iyip owo emi; emi edi mbiomo mbufo.”
25Kpukpru owo ema ebọrọ ke uyo kiet, ete, “Yak iyip Esie ọkọbọ ñnyin ye mme nditọ ñnyin.”
26Do ke enye akasana Barabas ayak ọnọ mmọ. Onyuñ amia Jisọs, ndien enye ayak Enye esin mmọ ke ubọk ete ekọñ Enye ke eto. 27Mbon ekọñ Pailet ema eda Jisọs eduk ke akwa ufọk ada ibuot ukara, ndien ofuri udim mbon ekọñ ekanade Enye ekuk. 28Mmọ ema esioño Enye ọfọñ ke idem efep, enyuñ emen ididuot ewura esine Enye. 29Ndien mmọ ema edọk anyanya ñkukim eyara Enye ke ibuot, enyuñ efak Enye esañ ke ubọk nnasia, ndien etọñọ edọñ ke iso Esie ke ido nsahi. Mmọ enyuñ edọhọ ete, “Itọñ uwem ọsọñ fi Edidem mme Ju.” 30Ndien mmọ ema etọ Enye etap, ndien ebọ Enye esañ oro, enyuñ eda eyibi Enye ke ibuot kuyire kuyire.
31Ke mmọ ema ekesak Enye ema, mmọ ema esio Enye ewura ndien efiak esine Enye mme ọfọñidem Esie. Ema eda Enye ndien eka ndikọñ ke eto. 32Edi nte mmọ ekesañade ke usuñ eka, mmọ ema ekesobo owo emi otode Sirin, emi ekekerede Saimọn, ndien mmọ ema enyik enye obiom etoñkpa. 33Mmọ ema ekesim ebiet emi ekotde Kọlkọta (emi ọwọrọde ebiet ñkpọkpọrọ). 34Do ke mmọ ekenọ Enye mmin emi ekebuakde etidot ete ọñwọñ, edi ke Enye ama akatabi, Enye ama esin ndiñwọñ.
35Ke mmọ ema ekekọñ Jisọs ke eto ema, mbon ekọñ ema esin afia enyuñ ebahade ọfọñidem Esie ke otu mmọ. 36Ndien mmọ esuhọde etetie ekanade enyuñ ekpeme Enye nte ọkọñọde ke etoñkpa. 37Ke ọkpọñde ibuot Esie esisit, mmọ ema ewet isọñ ikpe mmọ edian Enye:
“emi edi jisọs ọbọñ mme ju.”
38Ema ekọñ mme inọ iba ñko ye Enye, kiet ke ubọk nnasia Esie ye kiet ke ubọk ufien Esie. 39Mme mmọ emi ekesañade ebe ema enyeñe ibuot mmọ enyuñ esuñi Jisọs enyuñ edọhọ ete, 40“Afo emi okoyomde ndiwuri edisana ebiet ñnyuñ ntọñọntak mbọp enye ke usen ita, nyaña idem fo edieke Afo edide Eyen Abasi! Suhọrede ke etoñkpa di.”
41Ke ukem usuñ oro, mme ikpọ oku, mme andikpep ibet, ye ikpọ mbuot obio ema etọ Enye ndọk. 42“Enye akanyaña mmọ efen, edi Enye ikemeke ndinyaña idem Esie! Enye edi Edidem Isrel! Yak Enye ọsuhọde ke etoñkpa edi, ndien ñnyin iyenim Enye ke akpanikọ. 43Enye odori enyin ke Abasi. Yak Abasi edifak Enye idahaemi edieke Enye oyomde Enye, koro Enye ọkọdọhọde ete, Ami ndi Eyen Abasi.”
44Ke ukem ukem usuñ oro idem mme inọ emi ekekọñde ye Enye ema etiene esuñi Enye.
45Ọtọñọde ke uwemeyo oro, ekim ama ofuk ofuri iso isọñ, emi ekebighide osim ñkpọ nte ñkanika ita uwemeyo.
46Ke ñkpọ nte ñkanika ita uwemeyo, Jisọs ama ofiori ke ọkpọsọñ uyo ete, “Elai, Elai, Lema Sabaktani?” Emi ọwọrọ ete, “Abasi Mi, Abasi Mi, nsinam Afo ọkpọñde Mi?”
47Ndusuk mbon emi ekedade do ema ekop, enyuñ edọhọ ete, “Enye okot Elaiya.” 48Ndo ndo oro owo mmọ kiet ama efehe ekemen mfube ekedebi ke mmin emi ekerede vineka ndien emen afak ke eto, onyuñ emenerede ọnọ Jisọs ete ọñwọñ. 49Edi mmọ eken ema edọhọ ete, “Sana Enye yak. Yak ñnyin ise mme Elaiya ọmọñ edinyaña Enye”.
50Ndien ke ini Jisọs ama akafiak ofiori ke ọkpọsọñ uyo, Enye ama ọduọk akpatre ibifik Esie. 51Ke ndo ndo oro, ikpehe Edisana itie uwa ama asiaha ke mbak iba ọtọñọde ke enyọñ tutu osim isọñ, ndien isọñ enyek, mme itiat enyuñ esiaha, 52mme udi ekubọrede ndien mme ediwak ikọt Abasi emi ekekpañade ema etọñọ ntak eset ke ñkpa edu uwem. 53Mmọ kpukpru ewọñọ ke mme udi, ndien ke Jisọs ama ekeset mmọ ema eduk ke edisana obio (Jerusalem) enyuñ ekewut mme ediwak owo idem mmọ.
54Ke ini etubom ekọñ ye mme mmọ emi ekedude ye enye ekpeme Jisọs ekekutde unyekisọñ ye kpukpru se iketibede, ndik ama anam mmọ eti eti, ndien mmọ ema efiori ete, “Ke akpanikọ Enye ekedi Eyen Abasi!”
55Ediwak iban ema edu do emi ekedade nsan nsan ese, mmọ eketiene Jisọs tọñọ ke Kalili ndise ñkpọ mbaña Enye. 56Ke otu mmọ ekedi Meri Makdalin, ye Meri eka Jems ye Josef; ye eka Jems ye Jọn nditọ Sebidi.
Akpa, Ndien Ema Ebuk
57Ke ini osimde mbubreyo, enyeneñkpọ owo kiet emi okotode obio Arimatia, emi enyiñ esie ekerede Josef, kiet ke otu mme mbet Jisọs ama edi. 58Enye ama adaha ebine Pailet onyuñ ekebeñe okpo Jisọs, ndien-Pailet ama ọnọ uyo ete esana eyak enọ enye, 59Josef ama emen okpo Jisọs, onyuñ awañ Enye ke edisana mmemmem ọfọñ, 60ndien onim Enye ke obufa udi esie emi enye okobotde ke itiat, onyuñ akpat itiat eberi ke inua udi, ndien enye ọnyọñ. 61Meri Makdalin ye Meri enye eken esuk etie do esak iso ese udi.
62Ke ndañ nsiere, emi eketienede usen mbeñeidem usọrọ uwọrọ ufin, mme ikpọ oku ye mme Farisi ema ebine Pailet, 63enyuñ edọhọ enye ete, “Ñnyin imeti ite ke ini owo abiaña oro okodude ke uwem, Enye ama ọdọhọ ete, ke usen ita ama ebe, Imọ iyeset. 64Ke ntre nọ uyo etim ekpeme udi tutu osim ọyọhọ usen ita, ke midighe ntre mme mbet Esie ekeme ndidi ediyip okpo Esie ndien edọhọ mme owo ete ke Enye ama eset. Akpatre abiaña emi eyediọk akan eke akpa.”
65Pailet ama ọbọrọ mmọ, ete, “Eda owo ukpeme eka ekekpeme udi nte mbufo efefiọk ndinam.”
66Do mmọ ema eka ekenam idiọñọ mmọ do ke itiat, ndien ebon ukpeme ekanade ekuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.