Matiu 25
25
Mme Mbuk Efen Etukde Obio Ubọñ
1“Ekeme ndida Obio Ubọñ Abasi ndomo ye mbuk nditọ iban ndọ duop emi ekekamade mme utueneikañ mmọ eka ndisobo ye ebe ndọ. 2Ition ke otu mmọ ekedi mme ọfiọkñkpọ ndien eken ekedi mme ndisime. 3Mme ndisime ition oro ema ekama utueneikañ edi ikakamake aran efen ke ekpeme. 4Edi mme ọfiọkñkpọ iban ition eken ema ekama aran ke ekpeme edian ye utueneikañ mmọ.
5Ebe ndọ ama ebighi ndidi, do kpukpru mmọ ema eyet idap enyuñ ede.” 6“Ke ufọt okoneyo, ema efiori ete, Sese Ebe ndọ mi, ewọñọ edisobo ye enye.”
7“Ndien kpukpru nditọ iban emi ema edemere enyuñ ediọñ mme utueneikañ mmọ. 8Mme ndisime ition oro ema edọhọ mme ọfiọk ñkpọ ition eken ete, ‘Enọ ñnyin aran mbufo esisit, koro utueneikañ ñnyin emọñ enime.’ ”
9“Mme ọfiọkñkpọ ition oro ema ebọrọ mmọ ete, baba, koro se idude idikemke ñnyin ye mbufo. Ekam eka ke ebiet mme anyam aran ekedep nte eyomde.”
10“Edi ke ini mmọ ekedude ke usuñ udep aran, Ebe ndọ ama edisim. Mme nditọ iban emi ekebeñede idem ebet ema etiene enye eduk ekebuana ke usọrọ ndọ, ndien ema eberi usuñ.”
11“Ikebighike ikaha mme nditọ iban ition eken ema enyọñọ edi, enyuñ efiori ete, Ọbọñ, berede usuñ enọ ñnyin.”
12“Edi enye ama ọbọrọ mmọ ete, ‘Ami ntiñ akpanikọ nnọ mbufo nte, ke ami ndiọñọke mbufo.’ ”
13“Ke ntre etaba idap enyuñ ekpeme koro mbufo mifiọkke usen mme ini ñkanika.
14Ñko ekeme ndida Obio Ubọñ Abasi ndomo ye owo emi okoyomde ndika isañ ke anyan idut, ndien enye ama okot mme nditọ ufọk esie, onyuñ ayak ubiọñ mme inyene esie esin mmọ ke ubọk.”
15“Enye ama ọnọ owo kiet bọn ition, ndien ọnọ efen bọn iba, ndien enye ama ọnọ akpatre owo bọn kiet, enye ọkọnọ mmọ etiene nte ukeme mmọ kiet kiet ekedide. Ndien enye ama adaha esie. 16Owo emi ọkọbọde bọn ition ama ọtọñọ ke ndo ndo oro ndida okuk oro ndep ñkpọ ñnyuñ ñnyam, ndien ikebighike enye ama anam udori bọn ition odori. 17Owo emi ọkọbọde bọn iba onyuñ ada esie ini kiet ọtọñọ urua ñko, onyuñ adia udori bọn iba odori.
18Edi owo emi ọkọbọde bọn kiet ama otibi isọñ obuk okuk eteufọk esie.”
19“Ekem ke anyan ini ama ekebe, eteufọk mmọ ama ọnyọñ isañ esie edi, ndien ama okot mmọ ete edi edinam ibat okuk esie enọ enye. 20Owo emi enye ọkọnọde bọn ition ama ada bọn duop ọsọk enye, onyuñ ọdọhọ enye ete; ‘Ete ufọk, afo ọkọnọ mi bọn ition, ndien ami madia udori ition ndori.’ ”
21“Ete ufọk esie ama otoro enye eti eti ke eti utom esie, onyuñ ọdọhọ enye ete ‘amanam akpanikọ ke ekpri okuk emi; ke ntre idahaemi ñyenọ fi ediwak ñkpọ efen ekpeme. Di dibuana ke idara eteufọk fo.’ ”
22“Enye emi ọkọbọde bọn iba onyuñ edi, onyuñ ọdọhọ ete, ‘Ete ufọk, afo ọkọnọ mi bọn iba, se madia udori bọn iba ndori.’ ”
23“Ete ufọk esie ama ọbọrọ enye ete, ‘amanam eti eti, afo eti asañautom ye owo akpanikọ. Afo amanam akpanikọ ke ata ekpri okuk emi, ntre ami ñyenọ fi ubiọñ ediwak ñkpọ. Di dibuana ke idara eteufọk fo.’ ”
24“Ekem owo emi ọkọbọde bọn kiet edi, onyuñ ọdọhọ, ete, ‘Ete ufọk, ami mma ndiọñọ nte ke afo edi owo emi ọsọñde ido, onyuñ ọdọkde ke ebiet emi afo mukọtọhọ, 25onyuñ ọkọ ke ebiet emi afo mukasuanke ñkpasip. Ntem ami mma ñkop ndik, oro anam mma mmen okuk fo ñkebuk ke isọñ, sese se inyenede fi mi.’ ”
26“Edi eteufọk esie ama ọbọrọ enye ete, ‘Afo idiọk owo ye owo ifu! Nte afo ama ọdiọñọ ete ke ami ndọk ke ebiet emi ami mme ñkọtọhọ, ñnyuñ ñkọ ke ebiet emi ami mme ñkesuanke ñkpasip? 27Afo akpakakam emen okuk mi ekesin ke itie unim okuk man ami mma ñnyọñ ndi ami ñkpọbọ okuk mi ye udori.’ ” 28Ebọ owo emi okuk oro enyuñ enọ owo emi ekenyenede bọn duop. 29Koro owo emi akamade se enọde enye ọfọn, eyemana edian enọ enye, man enye ọkọkọrọ enyene awak akan. Edi owo emi minamke akpanikọ, eyebọ enye idem ekpri emi enye ekenyenede. 30Ndien etop anana udori eyen ufọk oro esio ke añwa, ke ekim, ke ebiet emi eyet ye ntaedet edidude.
31“Edi ke ini Eyen Owo edidide ke ubọñ Esie ye kpukpru mme enjel esie, Enye eyetie ke ebekpo Esie, emi ọyọhọde ye ubọñ enyọñ. 32Kpukpru idut eyesobo ke iso Esie, ndien Enye eyebahade mme owo osio kiet ke eken nte ekpeme erọñ abaharede erọñ osioño ke otu mme ebot. 33Enye eyenim mme erọñ ke ubọk nnasia Esie ndien mme ebot ke ufien Esie.”
34“Ndien Edidem eyedọhọ mmọ emi edude ke ubọk nnasia Esie ete, ‘Edi, mbufo emi Ete Mi ama ọkọdiọñ, edida obio ubọñ emi ekebeñede enim enọ mbufo toto ke editọñọ ererimbot. 35Koro biọñ ama ọdọñ Mi ndien mbufo ema enọ Mi udia, itọñ ama asat Mi, ndien mbufo ema enọ Mi mmọñ ññwọñ. Ñkedi esen, ndien mbufo ema eda Mi esin ke ufọk mbufo. 36Ñkasaña iferi ndien mbufo ema esine Mi ọfọñ, Ami ñkọdọdọñọ ndien mbufo ema ese ñkpọ ebaña Mi, ñkedu ke ufọk ñkpọkọbi ndien mbufo edise Mi.’ ”
37“Ntem kpukpru nti owo eyebọrọ ete, ‘Ete, ini ewe ke ñnyin ikokut nte biọñ ọdọñde Fi ndien inọ Fi udia? Mme nte itọñ akasatde Fi, ndien ñnyin inọ Fi mmọñ ọñwọñ. 38Ini ewe ke ikokut edide esen, ndien ñnyin iñwam Fi? Mme nte akasañade iferi ndien ñnyin isine Fi ọfọñ? 39Ini ewe ke ñnyin ikokut nte ọdọñọde, mme odude ke ufọk ñkpọkọbi, ndien ñnyin idise Fi?’ ”
40“Edidem eyebọrọ ete, ‘Ami ntiñ akpanikọ nnọ mbufo nte, se ededi emi mbufo ekenamde enọ usuhọde owo kiet ke otu nditọ Ete Mi, mbufo ekenam enọ Mi.’ ” 41Ndien Enye eyedọhọ mmọ emi edude Enye ke ubọk ufien ete, Ediañade ekpọñ Mi, mbufo emi esuñide, eduk ke nsinsi ikañ emi ekebeñede enim enọ Andidiọk (setan) ye mme enjel esie. 42Koro biọñ ama ọdọñ Mi ndien mbufo ikọnọhọ Mi udia, itọñ ama asat Mi ndien mbufo ikọnọhọ Mi mmọñ ññwọñ. 43Ñkedi esen, ndien mbufo ikadaha Mi iduk ufọk mbufo, mma nnana ọfọñidem ndien mbufo ikesineke Mi ọfọñ, ñkọdọdọñọ ñnyuñ nsine ke ufọk ñkpọkọbi ndien mbufo ikedighe idise Mi.
44“Mmọ eyebọrọ ete, ‘Ọbọñ ini ewe ke ñnyin ikokut nte biọñ ọkọdọñde Fi mme nte itọñ akasatde Fi, mme nte ekedide esen, mme nte akasañade iferi, mme nte ọkọdọñọde, mme nte okodude ke ufọk ñkpọkọbi, ndien ñnyin isin ndiñwam Fi?’ ”
45“Ndien Enye eyeboro ete, ‘Akpanikọ ke Ami ntiñ nnọ mbufo nte, sededi emi mbufo mikanamke inọ usuhọde owo kiet ke otu emi, mbufo ikenamke inọ Mi.’ ”
46“Ndien mmọ emi eyeka ekeduk ke nsinsi ufen, edi, mme nti owo eyeduk ke nsinsi uwem.”
Currently Selected:
Matiu 25: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 25
25
Mme Mbuk Efen Etukde Obio Ubọñ
1“Ekeme ndida Obio Ubọñ Abasi ndomo ye mbuk nditọ iban ndọ duop emi ekekamade mme utueneikañ mmọ eka ndisobo ye ebe ndọ. 2Ition ke otu mmọ ekedi mme ọfiọkñkpọ ndien eken ekedi mme ndisime. 3Mme ndisime ition oro ema ekama utueneikañ edi ikakamake aran efen ke ekpeme. 4Edi mme ọfiọkñkpọ iban ition eken ema ekama aran ke ekpeme edian ye utueneikañ mmọ.
5Ebe ndọ ama ebighi ndidi, do kpukpru mmọ ema eyet idap enyuñ ede.” 6“Ke ufọt okoneyo, ema efiori ete, Sese Ebe ndọ mi, ewọñọ edisobo ye enye.”
7“Ndien kpukpru nditọ iban emi ema edemere enyuñ ediọñ mme utueneikañ mmọ. 8Mme ndisime ition oro ema edọhọ mme ọfiọk ñkpọ ition eken ete, ‘Enọ ñnyin aran mbufo esisit, koro utueneikañ ñnyin emọñ enime.’ ”
9“Mme ọfiọkñkpọ ition oro ema ebọrọ mmọ ete, baba, koro se idude idikemke ñnyin ye mbufo. Ekam eka ke ebiet mme anyam aran ekedep nte eyomde.”
10“Edi ke ini mmọ ekedude ke usuñ udep aran, Ebe ndọ ama edisim. Mme nditọ iban emi ekebeñede idem ebet ema etiene enye eduk ekebuana ke usọrọ ndọ, ndien ema eberi usuñ.”
11“Ikebighike ikaha mme nditọ iban ition eken ema enyọñọ edi, enyuñ efiori ete, Ọbọñ, berede usuñ enọ ñnyin.”
12“Edi enye ama ọbọrọ mmọ ete, ‘Ami ntiñ akpanikọ nnọ mbufo nte, ke ami ndiọñọke mbufo.’ ”
13“Ke ntre etaba idap enyuñ ekpeme koro mbufo mifiọkke usen mme ini ñkanika.
14Ñko ekeme ndida Obio Ubọñ Abasi ndomo ye owo emi okoyomde ndika isañ ke anyan idut, ndien enye ama okot mme nditọ ufọk esie, onyuñ ayak ubiọñ mme inyene esie esin mmọ ke ubọk.”
15“Enye ama ọnọ owo kiet bọn ition, ndien ọnọ efen bọn iba, ndien enye ama ọnọ akpatre owo bọn kiet, enye ọkọnọ mmọ etiene nte ukeme mmọ kiet kiet ekedide. Ndien enye ama adaha esie. 16Owo emi ọkọbọde bọn ition ama ọtọñọ ke ndo ndo oro ndida okuk oro ndep ñkpọ ñnyuñ ñnyam, ndien ikebighike enye ama anam udori bọn ition odori. 17Owo emi ọkọbọde bọn iba onyuñ ada esie ini kiet ọtọñọ urua ñko, onyuñ adia udori bọn iba odori.
18Edi owo emi ọkọbọde bọn kiet ama otibi isọñ obuk okuk eteufọk esie.”
19“Ekem ke anyan ini ama ekebe, eteufọk mmọ ama ọnyọñ isañ esie edi, ndien ama okot mmọ ete edi edinam ibat okuk esie enọ enye. 20Owo emi enye ọkọnọde bọn ition ama ada bọn duop ọsọk enye, onyuñ ọdọhọ enye ete; ‘Ete ufọk, afo ọkọnọ mi bọn ition, ndien ami madia udori ition ndori.’ ”
21“Ete ufọk esie ama otoro enye eti eti ke eti utom esie, onyuñ ọdọhọ enye ete ‘amanam akpanikọ ke ekpri okuk emi; ke ntre idahaemi ñyenọ fi ediwak ñkpọ efen ekpeme. Di dibuana ke idara eteufọk fo.’ ”
22“Enye emi ọkọbọde bọn iba onyuñ edi, onyuñ ọdọhọ ete, ‘Ete ufọk, afo ọkọnọ mi bọn iba, se madia udori bọn iba ndori.’ ”
23“Ete ufọk esie ama ọbọrọ enye ete, ‘amanam eti eti, afo eti asañautom ye owo akpanikọ. Afo amanam akpanikọ ke ata ekpri okuk emi, ntre ami ñyenọ fi ubiọñ ediwak ñkpọ. Di dibuana ke idara eteufọk fo.’ ”
24“Ekem owo emi ọkọbọde bọn kiet edi, onyuñ ọdọhọ, ete, ‘Ete ufọk, ami mma ndiọñọ nte ke afo edi owo emi ọsọñde ido, onyuñ ọdọkde ke ebiet emi afo mukọtọhọ, 25onyuñ ọkọ ke ebiet emi afo mukasuanke ñkpasip. Ntem ami mma ñkop ndik, oro anam mma mmen okuk fo ñkebuk ke isọñ, sese se inyenede fi mi.’ ”
26“Edi eteufọk esie ama ọbọrọ enye ete, ‘Afo idiọk owo ye owo ifu! Nte afo ama ọdiọñọ ete ke ami ndọk ke ebiet emi ami mme ñkọtọhọ, ñnyuñ ñkọ ke ebiet emi ami mme ñkesuanke ñkpasip? 27Afo akpakakam emen okuk mi ekesin ke itie unim okuk man ami mma ñnyọñ ndi ami ñkpọbọ okuk mi ye udori.’ ” 28Ebọ owo emi okuk oro enyuñ enọ owo emi ekenyenede bọn duop. 29Koro owo emi akamade se enọde enye ọfọn, eyemana edian enọ enye, man enye ọkọkọrọ enyene awak akan. Edi owo emi minamke akpanikọ, eyebọ enye idem ekpri emi enye ekenyenede. 30Ndien etop anana udori eyen ufọk oro esio ke añwa, ke ekim, ke ebiet emi eyet ye ntaedet edidude.
31“Edi ke ini Eyen Owo edidide ke ubọñ Esie ye kpukpru mme enjel esie, Enye eyetie ke ebekpo Esie, emi ọyọhọde ye ubọñ enyọñ. 32Kpukpru idut eyesobo ke iso Esie, ndien Enye eyebahade mme owo osio kiet ke eken nte ekpeme erọñ abaharede erọñ osioño ke otu mme ebot. 33Enye eyenim mme erọñ ke ubọk nnasia Esie ndien mme ebot ke ufien Esie.”
34“Ndien Edidem eyedọhọ mmọ emi edude ke ubọk nnasia Esie ete, ‘Edi, mbufo emi Ete Mi ama ọkọdiọñ, edida obio ubọñ emi ekebeñede enim enọ mbufo toto ke editọñọ ererimbot. 35Koro biọñ ama ọdọñ Mi ndien mbufo ema enọ Mi udia, itọñ ama asat Mi, ndien mbufo ema enọ Mi mmọñ ññwọñ. Ñkedi esen, ndien mbufo ema eda Mi esin ke ufọk mbufo. 36Ñkasaña iferi ndien mbufo ema esine Mi ọfọñ, Ami ñkọdọdọñọ ndien mbufo ema ese ñkpọ ebaña Mi, ñkedu ke ufọk ñkpọkọbi ndien mbufo edise Mi.’ ”
37“Ntem kpukpru nti owo eyebọrọ ete, ‘Ete, ini ewe ke ñnyin ikokut nte biọñ ọdọñde Fi ndien inọ Fi udia? Mme nte itọñ akasatde Fi, ndien ñnyin inọ Fi mmọñ ọñwọñ. 38Ini ewe ke ikokut edide esen, ndien ñnyin iñwam Fi? Mme nte akasañade iferi ndien ñnyin isine Fi ọfọñ? 39Ini ewe ke ñnyin ikokut nte ọdọñọde, mme odude ke ufọk ñkpọkọbi, ndien ñnyin idise Fi?’ ”
40“Edidem eyebọrọ ete, ‘Ami ntiñ akpanikọ nnọ mbufo nte, se ededi emi mbufo ekenamde enọ usuhọde owo kiet ke otu nditọ Ete Mi, mbufo ekenam enọ Mi.’ ” 41Ndien Enye eyedọhọ mmọ emi edude Enye ke ubọk ufien ete, Ediañade ekpọñ Mi, mbufo emi esuñide, eduk ke nsinsi ikañ emi ekebeñede enim enọ Andidiọk (setan) ye mme enjel esie. 42Koro biọñ ama ọdọñ Mi ndien mbufo ikọnọhọ Mi udia, itọñ ama asat Mi ndien mbufo ikọnọhọ Mi mmọñ ññwọñ. 43Ñkedi esen, ndien mbufo ikadaha Mi iduk ufọk mbufo, mma nnana ọfọñidem ndien mbufo ikesineke Mi ọfọñ, ñkọdọdọñọ ñnyuñ nsine ke ufọk ñkpọkọbi ndien mbufo ikedighe idise Mi.
44“Mmọ eyebọrọ ete, ‘Ọbọñ ini ewe ke ñnyin ikokut nte biọñ ọkọdọñde Fi mme nte itọñ akasatde Fi, mme nte ekedide esen, mme nte akasañade iferi, mme nte ọkọdọñọde, mme nte okodude ke ufọk ñkpọkọbi, ndien ñnyin isin ndiñwam Fi?’ ”
45“Ndien Enye eyeboro ete, ‘Akpanikọ ke Ami ntiñ nnọ mbufo nte, sededi emi mbufo mikanamke inọ usuhọde owo kiet ke otu emi, mbufo ikenamke inọ Mi.’ ”
46“Ndien mmọ emi eyeka ekeduk ke nsinsi ufen, edi, mme nti owo eyeduk ke nsinsi uwem.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.