Matiu 18
18
Etie Nte Ñkpri Nditọ
1Kpa ke ini oro mbet ema ebine Jisọs ekebup enye ete, “Anie edikpon ikan ke Obio Ubọñ Abasi?”
2Jisọs ama okot ekpri eyenọwọñ onyuñ anam enye ada ke ufọt mmọ. 3Onyuñ ọdọhọ ete, “Kakpan, ke ndọhọ mbufo nte, ibọhọke mbufo ekabade, enyuñ etie nte ñkpri nditọ, mbufo ididukke Obio Ubọñ Abasi. 4Ke ntre, owo ekededi emi ọsuhọrede idem esie, etie nte ekpri eyenọwọñ emi, kpa enye okpon akan ke Obio Ubọñ Abasi. 5Ndien owo ekededi emi edidarade ekpri eyenọwọñ kiet nte enyemi ke enyiñ Mi, adara Mi.” 6“Edi, edieke owo ndomokiet anamde kiet ke otu ñkpri nditọ emi ebuọtde idem ye Ami ọduọk mbuọtidem esie ke idem mi, ọkpọfọn ye enye akan edieke ekpedade akwa itiat etebe enye ke itọñ, ndien emen enye etop esin ke udem inyañ.
7Ọdọdiọk ọnọ ererimbot ke ntak kpukpru mme etabi idiọkñkpọ esie. Mme etabi idiọkñkpọ enyene ndidu, edi ọdọdiọk ọnọ owo emi etabi idiọkñkpọ editode ke enye. 8Edieke edide ubọk, mme ukot fo esin fi anam idiọk, sibe enye fep nyuñ top enye duọk. Ọfọn ndidi mbuñọ nduk ke Obio Ubọñ Abasi ye uwem akan ndinyene ubọk iba ye ukot iba ndien etop fi esin ke nsinsi ikañ ndutuhọ. 9Ndien edieke enyin fo esinde fi ọduọ, tibi enye sio, nyuñ men enye top duọk. Koro ọfọn ndiduk Obio Abasi ye enyin kiet akan nditop fi nsin ke ndutuhọ ikañ ye enyin iba.”
10Ekpeme mbak mbufo edisin kiet ke otu ñkpri nditọ emi ke ndek. Koro Ami ndọhọ mbufo nte mme enjel mmọ ke enyọñ ke ese iso Ete Mi kpukpru ini. 11Eyen owo ekedi ndinyaña mmọ emi ekesopde.
12“Mbufo ekere ise? Edieke owo enyenede erọñ ikie ndien kiet oyo, onyuñ osop, nte enye idikpọñke anañ ye efutenañ eken ke enyọñ obot ndikoyom enye emi osopde? 13Ndien, edieke enye okutde enye, enye eyedara abaña enye akan anañ ye efutenañ emi mikesopke. 14Kpasuk ntre, idighe uduak Ete mbufo ke enyọñ nte, kiet ke otu ñkpri emi akpatakde.”
Edahado Enọ Mmọ Efen
15Edieke eyen ete fo eduede fi, ka kowut enye ndudue esie suk fi ye enye ikpọñ. Edieke enye akpañde utọñ ọnọ fi, afo ama ada eyen ete fo enyene. 16Edi edieke enye mikpañke utọñ inọ fi, da owo kiet mme iba efen dian ye idem ka, man ke inua mme ntiense iba mme ita kpukpru ikọ ọkpọsọñọ ada. 17Edieke enye osuk etrede ndikpañ utọñ nnọ mmọ, men tiñ nọ ufọk Abasi; ndien enye ama esin ndikop uyo ufọk Abasi, da enye nte ekpedade enye emi akananam mikopke ikọ Abasi. 18Ami ntiñ akpanikọ nnọ mbufo nte, sededi emi mbufo ebọpde ke isọñ kpa ntre ke edibọp ke enyọñ, ndien sededi emi mbufo etatde ke isọñ, kpa ntre ke editat ke enyọñ.
19“Ami ntọñọ ntak ntiñ emi nnọ mbufo nte, edieke mbufo owo iba ke isọñ enyenede iwuk ebaña ñkpọ kiet ekededi emi mbufo ebeñede Ete Mi emi odude ke enyọñ, eyenam ñkpọ oro ọnọ mbufo. 20Koro ebiet ekededi emi owo iba, mme ita esobode, ke enyiñ Mi, Ami ñyedu ke otu mmọ.”
21Ekem Pita adaha etiene Enye onyuñ obup Enye ete, “Ọbọñ, ikafañ ke ami ñkpadahado nnọ eyen ete mi emi eduede mi? Ikatiaba?”
22Jisọs ama ọbọrọ enye ete, “Ami ndọhọ fi nte idighe ikatiaba, edi utim ata ye efuteba.”
23“Ke ntre, ekeme ndida Obio Ubọñ Abasi ndomo ye Edidem emi ebierede ndinam ibat okuk ye ifin esie. 24Ke ini enye ọtọñọde ndinam ibat okuk emi, ema eda owo isọn kiet edi emi akakamade enye ñkpọ nte tọsin ekpat okuk. 25Sia enye mikekemeke ndisio isọn oro, eteufọk esie ama ọnọ uyo ete yak enyam enye, ye ñwan esie ye nditọ esie, ye kpukpru inyene esie eda esio isọn esie.” 26Ofin oro ama ọduọ ke iso eteufọk esie onyuñ atuak ibuot ọnọ enye, onyuñ ọdọhọ enye ete, “O, ete mbọk, nyene ime ye ami ndien ñyesio kpukpru isọn mi.
27Ntem ke eteufọk esie okokop mbọm abaña enye, onyuñ ayak enye ọnyọñ, onyuñ adahado ọnọ enye ke isọn esie.”
28“Edi kadaña emi owo oro ọkpọñde eteufọk esie, enye ama okokut eyen ufọk mmọ kiet emi akakamade enye okuk ikie, enye ama onyuñ omum enye ke itọñ, efik ekpere ndiwot enye, onyuñ ọdọhọ enye ete, ‘kpe mi se afo akamade mi!’
29Owo oro ama ọduọ ọtọñọ edọñ onyuñ ekpe enye ubọk ete ‘Nyene ime ye ami ndien ñyekpe fi kpukpru.’ ”
30Edi enyene okuk emi ikenyimeke ndibet. Enye ama anam emum akama isọn oro enyuñ esin ke ufọk ñkpọkọbi tutu enye ekpe okuk esie ofuri ofuri.
31Mmọdo ke adaña emi nditọ ete esie ekekutde se iketibede, mmọ ema efuhọ eti eti, enyuñ emen eketiñ enọ eteufọk mmọ kpukpru se iketibede. 32Ndien eteufọk ama okot enye edi, onyuñ ọdọhọ enye ete, afo idiọk eyen ufọk. Ami mma ndahado ke kpukpru isọn fo nnọ fi, koro afo ekebeñede mi, 33nte, afo ñko ukpunyeneke mbọm unọ eyen ufọk mbufo kiet, kpa nte ami ñkenyenede ye afo.
34Ndien eteufọk ama ayat esit ye enye, onyuñ ayak enye ọnọ esin ke ufọk ñkpọkọbi tutu enye osio ofuri isọn esie. 35Kpasuk ntre ke Ete Mi emi odude ke enyọñ edinam ye mbufo edieke mbufo esinde ke akpanikọ ndidahado nnọ nditọ ete mbufo ke ndudue mmọ ke ofuri esit.
Currently Selected:
Matiu 18: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 18
18
Etie Nte Ñkpri Nditọ
1Kpa ke ini oro mbet ema ebine Jisọs ekebup enye ete, “Anie edikpon ikan ke Obio Ubọñ Abasi?”
2Jisọs ama okot ekpri eyenọwọñ onyuñ anam enye ada ke ufọt mmọ. 3Onyuñ ọdọhọ ete, “Kakpan, ke ndọhọ mbufo nte, ibọhọke mbufo ekabade, enyuñ etie nte ñkpri nditọ, mbufo ididukke Obio Ubọñ Abasi. 4Ke ntre, owo ekededi emi ọsuhọrede idem esie, etie nte ekpri eyenọwọñ emi, kpa enye okpon akan ke Obio Ubọñ Abasi. 5Ndien owo ekededi emi edidarade ekpri eyenọwọñ kiet nte enyemi ke enyiñ Mi, adara Mi.” 6“Edi, edieke owo ndomokiet anamde kiet ke otu ñkpri nditọ emi ebuọtde idem ye Ami ọduọk mbuọtidem esie ke idem mi, ọkpọfọn ye enye akan edieke ekpedade akwa itiat etebe enye ke itọñ, ndien emen enye etop esin ke udem inyañ.
7Ọdọdiọk ọnọ ererimbot ke ntak kpukpru mme etabi idiọkñkpọ esie. Mme etabi idiọkñkpọ enyene ndidu, edi ọdọdiọk ọnọ owo emi etabi idiọkñkpọ editode ke enye. 8Edieke edide ubọk, mme ukot fo esin fi anam idiọk, sibe enye fep nyuñ top enye duọk. Ọfọn ndidi mbuñọ nduk ke Obio Ubọñ Abasi ye uwem akan ndinyene ubọk iba ye ukot iba ndien etop fi esin ke nsinsi ikañ ndutuhọ. 9Ndien edieke enyin fo esinde fi ọduọ, tibi enye sio, nyuñ men enye top duọk. Koro ọfọn ndiduk Obio Abasi ye enyin kiet akan nditop fi nsin ke ndutuhọ ikañ ye enyin iba.”
10Ekpeme mbak mbufo edisin kiet ke otu ñkpri nditọ emi ke ndek. Koro Ami ndọhọ mbufo nte mme enjel mmọ ke enyọñ ke ese iso Ete Mi kpukpru ini. 11Eyen owo ekedi ndinyaña mmọ emi ekesopde.
12“Mbufo ekere ise? Edieke owo enyenede erọñ ikie ndien kiet oyo, onyuñ osop, nte enye idikpọñke anañ ye efutenañ eken ke enyọñ obot ndikoyom enye emi osopde? 13Ndien, edieke enye okutde enye, enye eyedara abaña enye akan anañ ye efutenañ emi mikesopke. 14Kpasuk ntre, idighe uduak Ete mbufo ke enyọñ nte, kiet ke otu ñkpri emi akpatakde.”
Edahado Enọ Mmọ Efen
15Edieke eyen ete fo eduede fi, ka kowut enye ndudue esie suk fi ye enye ikpọñ. Edieke enye akpañde utọñ ọnọ fi, afo ama ada eyen ete fo enyene. 16Edi edieke enye mikpañke utọñ inọ fi, da owo kiet mme iba efen dian ye idem ka, man ke inua mme ntiense iba mme ita kpukpru ikọ ọkpọsọñọ ada. 17Edieke enye osuk etrede ndikpañ utọñ nnọ mmọ, men tiñ nọ ufọk Abasi; ndien enye ama esin ndikop uyo ufọk Abasi, da enye nte ekpedade enye emi akananam mikopke ikọ Abasi. 18Ami ntiñ akpanikọ nnọ mbufo nte, sededi emi mbufo ebọpde ke isọñ kpa ntre ke edibọp ke enyọñ, ndien sededi emi mbufo etatde ke isọñ, kpa ntre ke editat ke enyọñ.
19“Ami ntọñọ ntak ntiñ emi nnọ mbufo nte, edieke mbufo owo iba ke isọñ enyenede iwuk ebaña ñkpọ kiet ekededi emi mbufo ebeñede Ete Mi emi odude ke enyọñ, eyenam ñkpọ oro ọnọ mbufo. 20Koro ebiet ekededi emi owo iba, mme ita esobode, ke enyiñ Mi, Ami ñyedu ke otu mmọ.”
21Ekem Pita adaha etiene Enye onyuñ obup Enye ete, “Ọbọñ, ikafañ ke ami ñkpadahado nnọ eyen ete mi emi eduede mi? Ikatiaba?”
22Jisọs ama ọbọrọ enye ete, “Ami ndọhọ fi nte idighe ikatiaba, edi utim ata ye efuteba.”
23“Ke ntre, ekeme ndida Obio Ubọñ Abasi ndomo ye Edidem emi ebierede ndinam ibat okuk ye ifin esie. 24Ke ini enye ọtọñọde ndinam ibat okuk emi, ema eda owo isọn kiet edi emi akakamade enye ñkpọ nte tọsin ekpat okuk. 25Sia enye mikekemeke ndisio isọn oro, eteufọk esie ama ọnọ uyo ete yak enyam enye, ye ñwan esie ye nditọ esie, ye kpukpru inyene esie eda esio isọn esie.” 26Ofin oro ama ọduọ ke iso eteufọk esie onyuñ atuak ibuot ọnọ enye, onyuñ ọdọhọ enye ete, “O, ete mbọk, nyene ime ye ami ndien ñyesio kpukpru isọn mi.
27Ntem ke eteufọk esie okokop mbọm abaña enye, onyuñ ayak enye ọnyọñ, onyuñ adahado ọnọ enye ke isọn esie.”
28“Edi kadaña emi owo oro ọkpọñde eteufọk esie, enye ama okokut eyen ufọk mmọ kiet emi akakamade enye okuk ikie, enye ama onyuñ omum enye ke itọñ, efik ekpere ndiwot enye, onyuñ ọdọhọ enye ete, ‘kpe mi se afo akamade mi!’
29Owo oro ama ọduọ ọtọñọ edọñ onyuñ ekpe enye ubọk ete ‘Nyene ime ye ami ndien ñyekpe fi kpukpru.’ ”
30Edi enyene okuk emi ikenyimeke ndibet. Enye ama anam emum akama isọn oro enyuñ esin ke ufọk ñkpọkọbi tutu enye ekpe okuk esie ofuri ofuri.
31Mmọdo ke adaña emi nditọ ete esie ekekutde se iketibede, mmọ ema efuhọ eti eti, enyuñ emen eketiñ enọ eteufọk mmọ kpukpru se iketibede. 32Ndien eteufọk ama okot enye edi, onyuñ ọdọhọ enye ete, afo idiọk eyen ufọk. Ami mma ndahado ke kpukpru isọn fo nnọ fi, koro afo ekebeñede mi, 33nte, afo ñko ukpunyeneke mbọm unọ eyen ufọk mbufo kiet, kpa nte ami ñkenyenede ye afo.
34Ndien eteufọk ama ayat esit ye enye, onyuñ ayak enye ọnọ esin ke ufọk ñkpọkọbi tutu enye osio ofuri isọn esie. 35Kpasuk ntre ke Ete Mi emi odude ke enyọñ edinam ye mbufo edieke mbufo esinde ke akpanikọ ndidahado nnọ nditọ ete mbufo ke ndudue mmọ ke ofuri esit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.