Matiu 13
13
Mme Mbuk Obio Ubọñ Abasi
1Kpa ke ñkpọ nte esisit ini ama ekebe ke usen oro, Jisọs ama ọwọrọ ọkpọñ ufọk onyuñ aka eketie ke mben ñkpọdiọhọ mmọñ. 2Otu owo emi ekebohode ama okpon eti eti, oro anam Enye ama oduk ke ubom kiet onyuñ ọsuhọde etetie. Kpukpru mme owo oro ekebohode ekeda ke isọñ esuk. 3Ndien Enye ama etiñ ediwak ikọ ọnọ mmọ ke ñke, ete, “Ọtọ iñwañ kiet ama aka ndisuan mme ñkpasip ke iñwañ esie. 4Nte Enye akasuande ñkpasip, ubak ema eduọñọ, ke ọkpọusuñ, ndien mme inuen enyọñ editañ mmọ eta. 5Ndien ndusuk ema eduọñọ ke isọñ itiat, ebiet emi esisit isọñ okodude. Ndien mmọ ema etibe usọp usọp koro isọñ mikọtuñọke. 6Edi ke ini ekpri eyo asiahade, mmọ kpukpru eyemede, enyuñ ekpaña, koro oruñ mmọ miketimke iduk esit isọñ. 7Ndusuk ñkpasip ema eduọñọ ke isọñ ñkukim, ndien ñkukim ama ọkọri onyuñ ofuk mmọ kpukpru. 8Edi ndusuk ema eduọñọ ke eti isọñ enyuñ eñwum mfri; ubak eñwum mfri ikie, ubak ata, ubak edip ye duop. 9Owo emi enyenede utọñ ndikop, yak enye okop.”
10Mbet Esie edi, enyuñ edibup Enye ete, “Nsidi ntak emi Afo etiñde ikọ ye mmọ ke ñke?”
11Enye ama ọbọrọ mmọ ete, “Edi mbufo ikpọñ ke enọ unen ndifiọk mme ndibe ñkpọ Obio Ubọñ Abasi, edi idighe inọ mmọ. 12Enye emi ama ekenyenyene, eyemana edian enọ enye, man enye ototim enyene awak. Enye emi mikenyeneke nyene eyebọ enye kpa se enye ekenyenede. 13‘Ntak emi Ami ntiñde ikọ ye mmọ ke ñke edi: okposuk edi emi mmọ esede, mmọ ikwe usuñ; okposuk edi emi mmọ ekpañde utọñ, mmọ ikopke inyuñ idiọñọke se ọwọrọde.’
14Ndien ntiñnnim ikọ Asiak Uduak Abasi Aisaya omosu ke idem mmọ, nte enye ọkọdọhọde, ete,
‘Mbufo eyekpañ utọñ enyuñ ekpañ utọñ edi idiñwañake mbufo;
eyeka iso ndise, edi idikwe.
15Koro esit idut emi ọsọñde,
ọsọsọñ mmọ ndida utọñ mmọ ñkop ikọ
ndien mmọ ema ebọp enyin mmọ.
Ke mikpedighe ntre, mmọ ekpekut usuñ ye enyin mmọ,
enyuñ ekop ikọ ye utọñ mmọ,
enyuñ ediọñọ se ọwọrọde,
ndien ewọñọde etiene Mi man Ami ñkọk mmọ.’
16Edi ọfọfọn ọnọ enyin mbufo, koro mmọ ekutde usuñ, ye utọñ mbufo, koro mmọ ekopde ñkpọ. 17Ediwak mme oku Abasi ye mme nti owo emi ekponode Abasi, ema enyene udọñ ndikut se mbufo ekutde, ñnyuñ ñkop se mbufo ekopde, edi mmọ ikekemeke.
18Ekpañ utọñ ekop se ñke asuan ñkpasip ọwọrọde. 19Ke ini owo ekededi okopde ikọ Abasi, ndien enye ifiọkke se ikọ oro ọwọrọde, andidiọk edi editañ se ekesuande ke esit esie efep. Emi edi mme ñkpasip emi ekeduọñọde ke ọkpọusuñ.
20Eke enyọñ isọñ itiat edi esit emi okopde ikọ Abasi, onyuñ ọbọ enye ke inemesit. 21Edi ikọ oro isinke oruñ ke uwem esie anam enye ibighike. Ke ini afanikọñ mme ukọbọ ọtọñọde ke ntak se enye onimde ke akpanikọ, inemesit esie ọtọñọ ndinime nte ikañ, ndien enye ọduọ ọkpọñ usuñ. 22Isọñ emi ọyọhọde ye ñkukim edi esit owo emi okopde ikọ Abasi, edi udọñitọñ uwem ye udọñitọñ inyene ekọri efuk ikọ Abasi ndien enye ọtọñọ ndiduri idem esie nsio suñsuñ ñkpọñ ndinam ñkpọ nnọ Abasi. 23Edi eti isọñ edi esit owo emi akpañde utọñ ọnọ ikọ Abasi onyuñ ọfiọk se enye ọwọrọde, ndien enye ọwọrọ okonyuñ ada owo edip ye duop, owo ata, mme owo ikie, oduk edi ke Obio Ubọñ Abasi.”
24Se ñke efen mi emi Jisọs akadade ekpep ñkpọ abaña Obio Ubọñ Abasi: “Obio Ubọñ Abasi etie nte ọtọ iñwañ emi ọtọde nti ñkpasip ke iñwañ esie. 25Edi ke okoneyo usen kiet, nte kpukpru owo enade ede idap, asua esie edi editọ mme ndiọi ñkpasip abuak ye nti ñkpasip ibokpot esie, ndien okokure enye ọwọrọ ọkpọñ iñwañ oro. 26Ndien kadaña emi nti ñkpasip etọñọde ndikọri mme ndiọi ñkpasip oro enyuñ ekọri ye mmọ ukem ukem.”
27Mme anam utom ke iñwañ edisian enyene iñwañ, ete, “Ete, iñwañ fo emi afo ọkọtọde nti mfri, eyeyọhọ idahaemi ye mme mbaraekpe.”
28Ndien enye ama ọbọrọ ete, “Asua mi anam oro.” Mmọ ebup enye ete, “Nte ñnyin iwubede kpukpru mmọ ifep?”
29“Edi Enye ama ọbọrọ mmọ, ete Baba-o, mbak mbufo ediwot mme mmọ eken edide nti mfri ibokpot ke edinam ntre. 30Eyak kpukpru mmọ ekọri ebiet kiet tutu osim usen ñkpeñe, ndien ñyedọhọ mme ekpeñe ibokpot esat nti esioño enyuñ etebe mmọ ekọñ ke enyọñ ikañ, ndien efọp kpukpru mme ndiọi ñkpasip.” 31Enye onyuñ otop ñke efen ọnọ mmọ, ete: “Obio Ubọñ Abasi etie nte ñkpasip ofriyo kiet, emi owo ọtọde ke iñwañ esie. 32Enye ekpri akan ke otu mme ñkpasip, edi ke ini enye ọkọride enye akabade edi akamba eto emi mme inuen enyọñ ekemede ndibọp efọk, ñnyuñ nduñ ke esit.”
33Enye afiak otop ñke efen, ete, “Eda Obio Ubọñ Abasi edomo ye ibọk unam uyo emi ñwan odomode onyuñ abuak ke ndom uyo ndinam enye emenerede idem, emi enye onyuñ abuakde kpukpru tutu enye abuaha ofuri ofuri ye ndom uyo.”
34Jisọs akada ñke etiñ ikọ ọnọ mme otu owo; Enye iketiñke baba ikọ ndomokiet ye mmọ ke mibọhọke ke ñke. 35Man osu nte Asiak uduak Abasi eketiñde ete, ñyetat inua Mi ntiñ ikọ ke ñke, ñyetiñ ñkpọ emi ekedibede toto ke editọñọ ererimbot.
36Ke Enye ama akadaha ọkpọñ otu owo ke añwa, Enye ama oduk ufọk, ndien mme mbet Esie ema edidọhọ Enye ete, yak Enye anam mmimọ ifiọk se ñke ndiọi ñkpasip iñwañ oro ọwọrọde.
37Enye ama ọbọrọ mmọ ete, “Enye emi ọkọtọde nti ñkpasip edi Eyen Owo (Jisọs). 38Iñwañ oro edi ererimbot; ndien nti ñkpasip edi nditọ Obio Ubọñ Abasi, ndiọi ñkpasip edi nditọ andidiọk (Setan). 39Asua emi ọkọtọde ndiọi ñkpasip abuak edi Setan; ini idọk edi utit ererimbot; ndien mme ekpeñe ibokpot edi mme isuñutom Abasi (mme Enjel).”
40Nte esatde ndiọi ñkpasip esioño enyuñ efọp ke ikañ, kpa ntre ke utit ofuri ererimbot editie, 41Eyen owo eyedọñ mme asañautom Abasi (enjel) Esie, ndien mmọ eyewubede kpukpru mme ñkpọ emi adade owo esin ke idiọkñkpọ, ye mme mmọ emi enamde idiọk ido ke Obio Ubọñ Esie osioño, 42enyuñ etomo mmọ edọñ ke akwa edeme ikañ emi asakde, ke ebiet emi ntuaña ye ntaedet edidude. 43Ndien mme ndinen owo eyeyama nte utin usenubọk ke Obio Ubọñ Ete mmọ. Enye emi enyenede utọñ yak enye okop.
44“Obio Ubọñ Abasi etie nte ñkpọuto emi owo okutde nte ọbuhọde ke isọñ iñwañ, ndien enye otim ofuk enim, ndien ke idaraesit enye aka akanyam kpukpru se enye ekenyenede ada edep iñwañ oro.”
45“Ñko, Obio Ubọñ Abasi ebiet anyam urua emi oyomde mme nsọñurua itiat; 46ndien ke enye ama okokut eti esie, emi ọsọñde urua, enye akanyam kpukpru inyene esie ada edep enye.”
47“Utọñọntak ñko, eda Obio Ubọñ Abasi edomo ye mme ọkọ iyak emi mi etopde iyire mmọ efuk ke inyañ ibom, ndien emum mme nsio nsio oruk iyak. 48Ndien ke iyire ama ọkọyọhọ, mmọ eduri edọk obot, enyuñ etọñọ ndisat iyak kiet kiet ke iyire nsioño, ndien etañ kpukpru se ifọnde edọñ ke akpasa enyuñ etomo mmọ emi mifọnke eduọñọ. 49Emi edi se iditibede ke utit ererimbot. Mme Enjel eyesuhọde edi, edibahade mme ndiọi owo ye nti owo. 50Ndien etomo mme ndiọi owo edọñ ke akwa edeme ikañ, ke ebiet emi ntuaña ye ntaedet edidude.” 51“Nte kpukpru ñkpọ emi añwaña mbufo?” Mmọ ema ebọrọ ete, “Añwaña.”
52Ntem ke Enye akafiak adian ikọ ete, “Kpukpru mme ntaifiọk ke ibet mme Ju emi ekabade edi mme mbet Mi idaha emi, emenyene mme ñkpọuto utim ikaba eto akani ediomi kpa ye obufa ediomi.”
Nte Emi Idighe Eyen Kabinta
53Ke Jisọs ama ekekure nditop kpukpru mme ñke Esie, Enye ama ọkpọñ ñkanñkuk oro. 54Ndien Enye ama afiak aka obio emana Esie. Enye ama ọtọñọ ndikpep mmọ ñkpọ ke itie ntuak ibuot mme Ju, tutu idem akpa mmọ. Mmọ enyuñ ebup idem mmọ ete, “Owo emi ada utọ ifiọk ye odudu unam mme utibe ñkpọ emi oto mmọñ?”
55“Nte Enye idighe eyen kabinta? Nte eka Esie ikereke Mmeri? Nte nditọ eka Esie iren inyuñ ikereke Jems, ye Josef, ye Saimọn, ye Judas? 56Nte mme nditọ eka esie iban iduhọ mi ye ñnyin? Ke mmọñ ndien ke owo emi ada kpukpru mme ñkpọ emi?” 57Ndien mmọ ema etọñọ ndikop idiọkesit mbaña Enye. Edi Jisọs ọdọhọ mmọ ete, “Asiak Uduak Abasi inanake ukpono ke imibọhọke ke obio emana esie ye ke ufọk esie.”
58Ndien Enye ikenamke ediwak mme utibe idiọñọ do oto ke unana mbuọtidem mmọ.
Currently Selected:
Matiu 13: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 13
13
Mme Mbuk Obio Ubọñ Abasi
1Kpa ke ñkpọ nte esisit ini ama ekebe ke usen oro, Jisọs ama ọwọrọ ọkpọñ ufọk onyuñ aka eketie ke mben ñkpọdiọhọ mmọñ. 2Otu owo emi ekebohode ama okpon eti eti, oro anam Enye ama oduk ke ubom kiet onyuñ ọsuhọde etetie. Kpukpru mme owo oro ekebohode ekeda ke isọñ esuk. 3Ndien Enye ama etiñ ediwak ikọ ọnọ mmọ ke ñke, ete, “Ọtọ iñwañ kiet ama aka ndisuan mme ñkpasip ke iñwañ esie. 4Nte Enye akasuande ñkpasip, ubak ema eduọñọ, ke ọkpọusuñ, ndien mme inuen enyọñ editañ mmọ eta. 5Ndien ndusuk ema eduọñọ ke isọñ itiat, ebiet emi esisit isọñ okodude. Ndien mmọ ema etibe usọp usọp koro isọñ mikọtuñọke. 6Edi ke ini ekpri eyo asiahade, mmọ kpukpru eyemede, enyuñ ekpaña, koro oruñ mmọ miketimke iduk esit isọñ. 7Ndusuk ñkpasip ema eduọñọ ke isọñ ñkukim, ndien ñkukim ama ọkọri onyuñ ofuk mmọ kpukpru. 8Edi ndusuk ema eduọñọ ke eti isọñ enyuñ eñwum mfri; ubak eñwum mfri ikie, ubak ata, ubak edip ye duop. 9Owo emi enyenede utọñ ndikop, yak enye okop.”
10Mbet Esie edi, enyuñ edibup Enye ete, “Nsidi ntak emi Afo etiñde ikọ ye mmọ ke ñke?”
11Enye ama ọbọrọ mmọ ete, “Edi mbufo ikpọñ ke enọ unen ndifiọk mme ndibe ñkpọ Obio Ubọñ Abasi, edi idighe inọ mmọ. 12Enye emi ama ekenyenyene, eyemana edian enọ enye, man enye ototim enyene awak. Enye emi mikenyeneke nyene eyebọ enye kpa se enye ekenyenede. 13‘Ntak emi Ami ntiñde ikọ ye mmọ ke ñke edi: okposuk edi emi mmọ esede, mmọ ikwe usuñ; okposuk edi emi mmọ ekpañde utọñ, mmọ ikopke inyuñ idiọñọke se ọwọrọde.’
14Ndien ntiñnnim ikọ Asiak Uduak Abasi Aisaya omosu ke idem mmọ, nte enye ọkọdọhọde, ete,
‘Mbufo eyekpañ utọñ enyuñ ekpañ utọñ edi idiñwañake mbufo;
eyeka iso ndise, edi idikwe.
15Koro esit idut emi ọsọñde,
ọsọsọñ mmọ ndida utọñ mmọ ñkop ikọ
ndien mmọ ema ebọp enyin mmọ.
Ke mikpedighe ntre, mmọ ekpekut usuñ ye enyin mmọ,
enyuñ ekop ikọ ye utọñ mmọ,
enyuñ ediọñọ se ọwọrọde,
ndien ewọñọde etiene Mi man Ami ñkọk mmọ.’
16Edi ọfọfọn ọnọ enyin mbufo, koro mmọ ekutde usuñ, ye utọñ mbufo, koro mmọ ekopde ñkpọ. 17Ediwak mme oku Abasi ye mme nti owo emi ekponode Abasi, ema enyene udọñ ndikut se mbufo ekutde, ñnyuñ ñkop se mbufo ekopde, edi mmọ ikekemeke.
18Ekpañ utọñ ekop se ñke asuan ñkpasip ọwọrọde. 19Ke ini owo ekededi okopde ikọ Abasi, ndien enye ifiọkke se ikọ oro ọwọrọde, andidiọk edi editañ se ekesuande ke esit esie efep. Emi edi mme ñkpasip emi ekeduọñọde ke ọkpọusuñ.
20Eke enyọñ isọñ itiat edi esit emi okopde ikọ Abasi, onyuñ ọbọ enye ke inemesit. 21Edi ikọ oro isinke oruñ ke uwem esie anam enye ibighike. Ke ini afanikọñ mme ukọbọ ọtọñọde ke ntak se enye onimde ke akpanikọ, inemesit esie ọtọñọ ndinime nte ikañ, ndien enye ọduọ ọkpọñ usuñ. 22Isọñ emi ọyọhọde ye ñkukim edi esit owo emi okopde ikọ Abasi, edi udọñitọñ uwem ye udọñitọñ inyene ekọri efuk ikọ Abasi ndien enye ọtọñọ ndiduri idem esie nsio suñsuñ ñkpọñ ndinam ñkpọ nnọ Abasi. 23Edi eti isọñ edi esit owo emi akpañde utọñ ọnọ ikọ Abasi onyuñ ọfiọk se enye ọwọrọde, ndien enye ọwọrọ okonyuñ ada owo edip ye duop, owo ata, mme owo ikie, oduk edi ke Obio Ubọñ Abasi.”
24Se ñke efen mi emi Jisọs akadade ekpep ñkpọ abaña Obio Ubọñ Abasi: “Obio Ubọñ Abasi etie nte ọtọ iñwañ emi ọtọde nti ñkpasip ke iñwañ esie. 25Edi ke okoneyo usen kiet, nte kpukpru owo enade ede idap, asua esie edi editọ mme ndiọi ñkpasip abuak ye nti ñkpasip ibokpot esie, ndien okokure enye ọwọrọ ọkpọñ iñwañ oro. 26Ndien kadaña emi nti ñkpasip etọñọde ndikọri mme ndiọi ñkpasip oro enyuñ ekọri ye mmọ ukem ukem.”
27Mme anam utom ke iñwañ edisian enyene iñwañ, ete, “Ete, iñwañ fo emi afo ọkọtọde nti mfri, eyeyọhọ idahaemi ye mme mbaraekpe.”
28Ndien enye ama ọbọrọ ete, “Asua mi anam oro.” Mmọ ebup enye ete, “Nte ñnyin iwubede kpukpru mmọ ifep?”
29“Edi Enye ama ọbọrọ mmọ, ete Baba-o, mbak mbufo ediwot mme mmọ eken edide nti mfri ibokpot ke edinam ntre. 30Eyak kpukpru mmọ ekọri ebiet kiet tutu osim usen ñkpeñe, ndien ñyedọhọ mme ekpeñe ibokpot esat nti esioño enyuñ etebe mmọ ekọñ ke enyọñ ikañ, ndien efọp kpukpru mme ndiọi ñkpasip.” 31Enye onyuñ otop ñke efen ọnọ mmọ, ete: “Obio Ubọñ Abasi etie nte ñkpasip ofriyo kiet, emi owo ọtọde ke iñwañ esie. 32Enye ekpri akan ke otu mme ñkpasip, edi ke ini enye ọkọride enye akabade edi akamba eto emi mme inuen enyọñ ekemede ndibọp efọk, ñnyuñ nduñ ke esit.”
33Enye afiak otop ñke efen, ete, “Eda Obio Ubọñ Abasi edomo ye ibọk unam uyo emi ñwan odomode onyuñ abuak ke ndom uyo ndinam enye emenerede idem, emi enye onyuñ abuakde kpukpru tutu enye abuaha ofuri ofuri ye ndom uyo.”
34Jisọs akada ñke etiñ ikọ ọnọ mme otu owo; Enye iketiñke baba ikọ ndomokiet ye mmọ ke mibọhọke ke ñke. 35Man osu nte Asiak uduak Abasi eketiñde ete, ñyetat inua Mi ntiñ ikọ ke ñke, ñyetiñ ñkpọ emi ekedibede toto ke editọñọ ererimbot.
36Ke Enye ama akadaha ọkpọñ otu owo ke añwa, Enye ama oduk ufọk, ndien mme mbet Esie ema edidọhọ Enye ete, yak Enye anam mmimọ ifiọk se ñke ndiọi ñkpasip iñwañ oro ọwọrọde.
37Enye ama ọbọrọ mmọ ete, “Enye emi ọkọtọde nti ñkpasip edi Eyen Owo (Jisọs). 38Iñwañ oro edi ererimbot; ndien nti ñkpasip edi nditọ Obio Ubọñ Abasi, ndiọi ñkpasip edi nditọ andidiọk (Setan). 39Asua emi ọkọtọde ndiọi ñkpasip abuak edi Setan; ini idọk edi utit ererimbot; ndien mme ekpeñe ibokpot edi mme isuñutom Abasi (mme Enjel).”
40Nte esatde ndiọi ñkpasip esioño enyuñ efọp ke ikañ, kpa ntre ke utit ofuri ererimbot editie, 41Eyen owo eyedọñ mme asañautom Abasi (enjel) Esie, ndien mmọ eyewubede kpukpru mme ñkpọ emi adade owo esin ke idiọkñkpọ, ye mme mmọ emi enamde idiọk ido ke Obio Ubọñ Esie osioño, 42enyuñ etomo mmọ edọñ ke akwa edeme ikañ emi asakde, ke ebiet emi ntuaña ye ntaedet edidude. 43Ndien mme ndinen owo eyeyama nte utin usenubọk ke Obio Ubọñ Ete mmọ. Enye emi enyenede utọñ yak enye okop.
44“Obio Ubọñ Abasi etie nte ñkpọuto emi owo okutde nte ọbuhọde ke isọñ iñwañ, ndien enye otim ofuk enim, ndien ke idaraesit enye aka akanyam kpukpru se enye ekenyenede ada edep iñwañ oro.”
45“Ñko, Obio Ubọñ Abasi ebiet anyam urua emi oyomde mme nsọñurua itiat; 46ndien ke enye ama okokut eti esie, emi ọsọñde urua, enye akanyam kpukpru inyene esie ada edep enye.”
47“Utọñọntak ñko, eda Obio Ubọñ Abasi edomo ye mme ọkọ iyak emi mi etopde iyire mmọ efuk ke inyañ ibom, ndien emum mme nsio nsio oruk iyak. 48Ndien ke iyire ama ọkọyọhọ, mmọ eduri edọk obot, enyuñ etọñọ ndisat iyak kiet kiet ke iyire nsioño, ndien etañ kpukpru se ifọnde edọñ ke akpasa enyuñ etomo mmọ emi mifọnke eduọñọ. 49Emi edi se iditibede ke utit ererimbot. Mme Enjel eyesuhọde edi, edibahade mme ndiọi owo ye nti owo. 50Ndien etomo mme ndiọi owo edọñ ke akwa edeme ikañ, ke ebiet emi ntuaña ye ntaedet edidude.” 51“Nte kpukpru ñkpọ emi añwaña mbufo?” Mmọ ema ebọrọ ete, “Añwaña.”
52Ntem ke Enye akafiak adian ikọ ete, “Kpukpru mme ntaifiọk ke ibet mme Ju emi ekabade edi mme mbet Mi idaha emi, emenyene mme ñkpọuto utim ikaba eto akani ediomi kpa ye obufa ediomi.”
Nte Emi Idighe Eyen Kabinta
53Ke Jisọs ama ekekure nditop kpukpru mme ñke Esie, Enye ama ọkpọñ ñkanñkuk oro. 54Ndien Enye ama afiak aka obio emana Esie. Enye ama ọtọñọ ndikpep mmọ ñkpọ ke itie ntuak ibuot mme Ju, tutu idem akpa mmọ. Mmọ enyuñ ebup idem mmọ ete, “Owo emi ada utọ ifiọk ye odudu unam mme utibe ñkpọ emi oto mmọñ?”
55“Nte Enye idighe eyen kabinta? Nte eka Esie ikereke Mmeri? Nte nditọ eka Esie iren inyuñ ikereke Jems, ye Josef, ye Saimọn, ye Judas? 56Nte mme nditọ eka esie iban iduhọ mi ye ñnyin? Ke mmọñ ndien ke owo emi ada kpukpru mme ñkpọ emi?” 57Ndien mmọ ema etọñọ ndikop idiọkesit mbaña Enye. Edi Jisọs ọdọhọ mmọ ete, “Asiak Uduak Abasi inanake ukpono ke imibọhọke ke obio emana esie ye ke ufọk esie.”
58Ndien Enye ikenamke ediwak mme utibe idiọñọ do oto ke unana mbuọtidem mmọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.