Jọn 19
19
1Do ke Pailet akanam emia Jisọs. 2Mme mbon ekọñ ema edọk anyanya ñkukim eyari Enye ke ibuot. Mmọ ema esine enye ọfọñ ubọñ, emi enyin esie ekedide mmọñibọñ. 3Ndien mmọ ema eka iso nditọ Enye ndọk ete, “Itọñ uwem ọsọñ Fi, Edidem mme Ju!” Ndien mmọ ema emia Enye ke mbañ.
4Pailet ama ọtọñọ ntak ọwọrọ añwa edidọhọ mme Ju oro, ete, “Se ami mmọñ nda Enye nsọk mbufo man mbufo efiọk ete ke ami ñkwe isọñ ndomokiet ndibiom Enye ikpe.” 5Ke ini Jisọs ọkọwọrọde edi ye anyanya ñkukim ke ibuot ye ọfọñ mmọñibọñ oro ke idem, Pailet ama ọdọhọ mmọ ete, “Sese owo oro Mi!”
6Ke ini emi mme ikpọ oku ye mme mbon ukpeme ekekutde Enye, mmọ ema efiori, ete, “Ekọñ Enye ke eto, Ekọñ Enye ke eto!” Edi Pailet ama ọbọrọ ete, “Mbufo eda Enye eka ekekọñ Enye ke idem mbufo. Ama edi ami, ñkwe isọñ ikpe ndida ñkpe ikpe ye Enye.”
7Mme Ju ema esọñọ eyire ete, “Ñnyin imenyene mbet, ndien nte mbet oro etemede, Enye enyene ndikpa, koro Enye ọdọhọde ete ke imọ idi Eyen Abasi.”
8Ke ini Pailet okokopde emi, ndik ama ọkọkọrọ anam enye akan nte ekedide. 9Enye ama afiak oduk esit okure okobup Jisọs ete, “Afo oto mmọñ edi mi?” Edi Jisọs ikọbọrọke enye.
10Pailet ama obup Enye ete, “Nte Afo esesin nditiñ ikọ ye Ami? Nte Afo ufiọkke ete ke ami mmenyene odudu ndisana Fi ñyak, mme ndikọñ Fi ke etoñkpa?”
11Jisọs ama ọbọrọ ete, “Afo unyeneke odudu ndomokiet ke idem Mi emi mikenọhọ fi ito ke enyọñ. Ke ntem, enyemi akayakde Mi esin fi ke ubọk edue isop akamba idiọkñkpọ.”
12Ke ini Pailet okokopde emi, enye ama odomo ndiyom usuñ nte enye ekemede ndisana Jisọs ñyak, edi mme Ju ema efiori, ete, “Edieke afo asanade Enye ayak, edinam fo ediwọrọ nte ke afo udighe ufan ye ada ibuot ukara, Sisa. Owo kiet ekededi emi ọdọhọde ete ke imọ idi Edidem edi asua ye ada ibuot ukara!”
13Kadañaemi Pailet okokopde mme ikọ emi, enye ama ada Jisọs ọwọrọ edi añwa, onyuñ ọsuhọde etetie ke akpakaha ikpe, ke ebiet emi ediọñọde nte etehe itiat (emi ke usem mme Hibru ekotde Kabata). 14Ekedi usen mbeñe idem mbaña usọrọ uwọrọ ufin ke ñkpọ nte ñkanika duopeba uwemeyo, Pailet ama ọdọhọ mme Ju ete, “Esese Ọbọñ mbufo do.”
15Edi mmọ ema efiori ete “Emen Enye ewọrọ! Emen Enye ewọrọ! Ekekọñ Enye ke eto!” Pailet ama obup mmọ ete, “Eyom ami ñkọñ Edidem mbufo ke eto?” Mme ikpọ oku ema ebọrọ ete, “Ñnyin inyeneke Edidem efen ke ebede Sisa.”
16Ke akpatre, Pailet ama ayak Enye ọnọ mmọ ekekọñ Enye ke eto. Mme mbon ekọñ ema eda ekpeme Jisọs.
Edikọñ Ke Eto Ñkpa
17Jisọs ama ọwọrọ ye etoñkpa (Krọs) Esie emi Enye okobiomde onyuñ aka ke ebiet emi ekekotde ebiet ñkpọkpọrọ (emi ke usem mme Hibru ekotde Kọlkọta). 18Edi mi ke mmọ ekekọñ Enye ke eto edian ye inọ iba, kiet ke ubọk nnasia, kiet ke ubọk ufien, ndien Jisọs esine ke ufọt. 19Pailet ama ewet ñkpọ ke ubak obukpọk onyuñ adian ke etoñkpa oro. Ndien se enye ekewetde do ekedi emi:
Jisọs Eyen Nasaret, Edidem mme Ju.
20Ediwak mbon Ju ema ekot idiọñọ emi, koro ebiet emi mmọ ekekọñde Jisọs ke eto ama ekekpere akwa obio, ndien ekewet ñkpọ emi ke usem Hibru, Latin, ye Krik.
21Ikpọ oku ye mme Ju ema efaña ye Pailet, ete, “Kuwet ete ke Enye edi Edidem mme Ju, edi wet ete ke owo emi ọkọdọhọ ete ke Imọ idi Edidem Mme Ju.”
22Pailet ama ọbọrọ ete, “Yak se mma ñkewet ada nte ami ñkewetde.”
23Ke ini mme mbon ekọñ ema ekekọñ Jisọs ke etoñkpa ekure, mmọ ema emen ọfọñidem Esie, esiak ke mbak inañ, ubak kiet ke owo kiet. Ọfọñ idakidem Esie ikenyeneke ibuñ, ekedọk enye nte ọfọñ kiet ọtọñọde ke itọñ tutu esim mben. 24Mmọ ema etiñ kiet ye eken ete, “Eyak ñnyin ikuwak enye emi. Eyak isin afia man idiọñọ owo emi anade ada ọfọñ enye emi.” Emi eketibe man ikọ Abasi osu emi ọkọdọhọde ete, “Mmọ ema edeme mme ọfọñ Mi enọ idem mmọ, ndien esin afia ke abaña ewura Mi.” Ke ntre mme mbon ekọñ oro ema esin afia. 25Mmọ emi ekedade ekpere etoñkpa Jisọs ekedi Eka Esie, eyeneka eka Esie Meri, ñwan Klopas, ye Meri Makdalin. 26Ke ini Jisọs okokutde Eka Esie do ye mbet emi Enye akamade nte edade, Enye ama ọdọhọ eka Esie ete, “Enye edi eyen fo.”
27Ndien onyuñ ọdọhọ mbet Esie ete, “Enye edi Eka fo”. Ọtọñọde ke usen oro, mbet Esie oro ama ada eka Jisọs ọnyọñ ufọk esie.
28Jisọs ama ọfiọk ete ke kpukpru ñkpọ ema eda ke itie mmọ ọyọhọ ọyọhọ, ndien man osu nte ekewetde ke ñwed Abasi, Enye ama ọdọhọ ete, “ltọñ Asat Mi.” 29Otu mmin emi ekotde finika ama ana do, do mmọ ema eda ndọbọ edebi ke esit emen ekọñ ke enyene mfa eto emi ekotde Aisọb, ndien emenede edian Enye ke ñkpọkinua.
30Ke Jisọs ama ọkọñwọñ finika oro ama, Enye ama ọdọhọ ete, “Okure,” ndien Enye osuk ibuot Esie onyuñ ayak uwem Esie ke ñkpa.
31Ndien mme Ju ema ebeñe Pailet ete yak enye ayak mmimọ ibuñ mme ọkpọ ukot mme mmọ oro ekewotde ndien ekọñde mmọ ke etoñkpa (Krọs). Mmọ ekenam ebeñe emi koro usen oro ekedide Fraide, ndien mmọ ikoyomke mme okpo mmọ ekọñọ ke etoñkpa tutu esim usen ibet Satide, akpan akpan sia Satide enye oro ekedide edisana ke asaña asaña usuñ. 32Ke ntre mme mbon ekọñ ema ekebuñ ọkpọ ukot akpa owo ye eke owo enye eken emi ekekọñde ini kiet ye Jisọs. 33Edi kadañaemi mmọ ekesimde Jisọs, mmọ ema ekut ete ke Enye ama akpakpa do mmọ ikebuñke mme ọkpọ ukot Esie. 34Ke usuñ kiet ekededi, kiet ke otu mbon ekọñ oro ama emenerede eduat esie ekim Jisọs ke ñkañ; ndien ndo ndo oro mmọñ ye iyip ema ewet ewọrọ. 35Enye emi okokutde mme ñkpọ ntibe emi ọnọ ikọ ntiense, ndien ikọ ntiense esie edi akpanikọ. Enye ọdiọñọ ete ke imọ itiñ akpanikọ, ndien etie ntiense emi man afo ñko ekpenim ke akpanikọ. 36Mme ñkpọ emi eketibe man ikọ ñwed Abasi osu: “Ọkpọ Esie baba kiet owo idibuñke.” 37Ndien kpa nte itie ñwed Abasi efen etiñde, ete, “Mmọ eyewuk enyin mmọ ese Enye emi mmọ ekekimde ke eduat.”
38Ke esisit ini ama ekebe, Josef emi okotode obio Arimatia ama okobup Pailet abaña okpo Jisọs. Ke emi Josef ekedi mbet Jisọs, edi enye ekedi ke ndibe, koro enye akabakde mme Ju. Ke Pailet ama ekenyime, enye ama edikọñọde okpo Jisọs. 39Enye akasaña ye Nikodimọs, owo emi ekebinede Jisọs ke okoneyo. Nikodimọs ama akama mbuaha enem ufuọñ ñkpọ, emi ke ekọm urua esie akakpade ñkpọ nte bọn ikie ye aba ye duop. 40Ke mmọ ema ekemen okpo Jisọs, mmọ ema eda afia ọfọñ ewañ okpo Esie edọñ mme enem utebe ñkpọ oro. Ekenam etiene nte ido ubuk owo mme Ju esidide. 41Ke ebiet emi ekekọñde Jisọs ke eto, ekpri iñwañ ama odu do, ndien ke iñwañ emi, obufa udi emi eketibede ke itiat ama odu emi akananam owo mibukke owo do. 42Koro usen oro ekedi usen mbeñeidem mme Ju kabaña usen ibet (Sabat), ye ñko, koro udi oro ekekperede, mmọ ema ekebuk Jisọs do.
Currently Selected:
Jọn 19: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Jọn 19
19
1Do ke Pailet akanam emia Jisọs. 2Mme mbon ekọñ ema edọk anyanya ñkukim eyari Enye ke ibuot. Mmọ ema esine enye ọfọñ ubọñ, emi enyin esie ekedide mmọñibọñ. 3Ndien mmọ ema eka iso nditọ Enye ndọk ete, “Itọñ uwem ọsọñ Fi, Edidem mme Ju!” Ndien mmọ ema emia Enye ke mbañ.
4Pailet ama ọtọñọ ntak ọwọrọ añwa edidọhọ mme Ju oro, ete, “Se ami mmọñ nda Enye nsọk mbufo man mbufo efiọk ete ke ami ñkwe isọñ ndomokiet ndibiom Enye ikpe.” 5Ke ini Jisọs ọkọwọrọde edi ye anyanya ñkukim ke ibuot ye ọfọñ mmọñibọñ oro ke idem, Pailet ama ọdọhọ mmọ ete, “Sese owo oro Mi!”
6Ke ini emi mme ikpọ oku ye mme mbon ukpeme ekekutde Enye, mmọ ema efiori, ete, “Ekọñ Enye ke eto, Ekọñ Enye ke eto!” Edi Pailet ama ọbọrọ ete, “Mbufo eda Enye eka ekekọñ Enye ke idem mbufo. Ama edi ami, ñkwe isọñ ikpe ndida ñkpe ikpe ye Enye.”
7Mme Ju ema esọñọ eyire ete, “Ñnyin imenyene mbet, ndien nte mbet oro etemede, Enye enyene ndikpa, koro Enye ọdọhọde ete ke imọ idi Eyen Abasi.”
8Ke ini Pailet okokopde emi, ndik ama ọkọkọrọ anam enye akan nte ekedide. 9Enye ama afiak oduk esit okure okobup Jisọs ete, “Afo oto mmọñ edi mi?” Edi Jisọs ikọbọrọke enye.
10Pailet ama obup Enye ete, “Nte Afo esesin nditiñ ikọ ye Ami? Nte Afo ufiọkke ete ke ami mmenyene odudu ndisana Fi ñyak, mme ndikọñ Fi ke etoñkpa?”
11Jisọs ama ọbọrọ ete, “Afo unyeneke odudu ndomokiet ke idem Mi emi mikenọhọ fi ito ke enyọñ. Ke ntem, enyemi akayakde Mi esin fi ke ubọk edue isop akamba idiọkñkpọ.”
12Ke ini Pailet okokopde emi, enye ama odomo ndiyom usuñ nte enye ekemede ndisana Jisọs ñyak, edi mme Ju ema efiori, ete, “Edieke afo asanade Enye ayak, edinam fo ediwọrọ nte ke afo udighe ufan ye ada ibuot ukara, Sisa. Owo kiet ekededi emi ọdọhọde ete ke imọ idi Edidem edi asua ye ada ibuot ukara!”
13Kadañaemi Pailet okokopde mme ikọ emi, enye ama ada Jisọs ọwọrọ edi añwa, onyuñ ọsuhọde etetie ke akpakaha ikpe, ke ebiet emi ediọñọde nte etehe itiat (emi ke usem mme Hibru ekotde Kabata). 14Ekedi usen mbeñe idem mbaña usọrọ uwọrọ ufin ke ñkpọ nte ñkanika duopeba uwemeyo, Pailet ama ọdọhọ mme Ju ete, “Esese Ọbọñ mbufo do.”
15Edi mmọ ema efiori ete “Emen Enye ewọrọ! Emen Enye ewọrọ! Ekekọñ Enye ke eto!” Pailet ama obup mmọ ete, “Eyom ami ñkọñ Edidem mbufo ke eto?” Mme ikpọ oku ema ebọrọ ete, “Ñnyin inyeneke Edidem efen ke ebede Sisa.”
16Ke akpatre, Pailet ama ayak Enye ọnọ mmọ ekekọñ Enye ke eto. Mme mbon ekọñ ema eda ekpeme Jisọs.
Edikọñ Ke Eto Ñkpa
17Jisọs ama ọwọrọ ye etoñkpa (Krọs) Esie emi Enye okobiomde onyuñ aka ke ebiet emi ekekotde ebiet ñkpọkpọrọ (emi ke usem mme Hibru ekotde Kọlkọta). 18Edi mi ke mmọ ekekọñ Enye ke eto edian ye inọ iba, kiet ke ubọk nnasia, kiet ke ubọk ufien, ndien Jisọs esine ke ufọt. 19Pailet ama ewet ñkpọ ke ubak obukpọk onyuñ adian ke etoñkpa oro. Ndien se enye ekewetde do ekedi emi:
Jisọs Eyen Nasaret, Edidem mme Ju.
20Ediwak mbon Ju ema ekot idiọñọ emi, koro ebiet emi mmọ ekekọñde Jisọs ke eto ama ekekpere akwa obio, ndien ekewet ñkpọ emi ke usem Hibru, Latin, ye Krik.
21Ikpọ oku ye mme Ju ema efaña ye Pailet, ete, “Kuwet ete ke Enye edi Edidem mme Ju, edi wet ete ke owo emi ọkọdọhọ ete ke Imọ idi Edidem Mme Ju.”
22Pailet ama ọbọrọ ete, “Yak se mma ñkewet ada nte ami ñkewetde.”
23Ke ini mme mbon ekọñ ema ekekọñ Jisọs ke etoñkpa ekure, mmọ ema emen ọfọñidem Esie, esiak ke mbak inañ, ubak kiet ke owo kiet. Ọfọñ idakidem Esie ikenyeneke ibuñ, ekedọk enye nte ọfọñ kiet ọtọñọde ke itọñ tutu esim mben. 24Mmọ ema etiñ kiet ye eken ete, “Eyak ñnyin ikuwak enye emi. Eyak isin afia man idiọñọ owo emi anade ada ọfọñ enye emi.” Emi eketibe man ikọ Abasi osu emi ọkọdọhọde ete, “Mmọ ema edeme mme ọfọñ Mi enọ idem mmọ, ndien esin afia ke abaña ewura Mi.” Ke ntre mme mbon ekọñ oro ema esin afia. 25Mmọ emi ekedade ekpere etoñkpa Jisọs ekedi Eka Esie, eyeneka eka Esie Meri, ñwan Klopas, ye Meri Makdalin. 26Ke ini Jisọs okokutde Eka Esie do ye mbet emi Enye akamade nte edade, Enye ama ọdọhọ eka Esie ete, “Enye edi eyen fo.”
27Ndien onyuñ ọdọhọ mbet Esie ete, “Enye edi Eka fo”. Ọtọñọde ke usen oro, mbet Esie oro ama ada eka Jisọs ọnyọñ ufọk esie.
28Jisọs ama ọfiọk ete ke kpukpru ñkpọ ema eda ke itie mmọ ọyọhọ ọyọhọ, ndien man osu nte ekewetde ke ñwed Abasi, Enye ama ọdọhọ ete, “ltọñ Asat Mi.” 29Otu mmin emi ekotde finika ama ana do, do mmọ ema eda ndọbọ edebi ke esit emen ekọñ ke enyene mfa eto emi ekotde Aisọb, ndien emenede edian Enye ke ñkpọkinua.
30Ke Jisọs ama ọkọñwọñ finika oro ama, Enye ama ọdọhọ ete, “Okure,” ndien Enye osuk ibuot Esie onyuñ ayak uwem Esie ke ñkpa.
31Ndien mme Ju ema ebeñe Pailet ete yak enye ayak mmimọ ibuñ mme ọkpọ ukot mme mmọ oro ekewotde ndien ekọñde mmọ ke etoñkpa (Krọs). Mmọ ekenam ebeñe emi koro usen oro ekedide Fraide, ndien mmọ ikoyomke mme okpo mmọ ekọñọ ke etoñkpa tutu esim usen ibet Satide, akpan akpan sia Satide enye oro ekedide edisana ke asaña asaña usuñ. 32Ke ntre mme mbon ekọñ ema ekebuñ ọkpọ ukot akpa owo ye eke owo enye eken emi ekekọñde ini kiet ye Jisọs. 33Edi kadañaemi mmọ ekesimde Jisọs, mmọ ema ekut ete ke Enye ama akpakpa do mmọ ikebuñke mme ọkpọ ukot Esie. 34Ke usuñ kiet ekededi, kiet ke otu mbon ekọñ oro ama emenerede eduat esie ekim Jisọs ke ñkañ; ndien ndo ndo oro mmọñ ye iyip ema ewet ewọrọ. 35Enye emi okokutde mme ñkpọ ntibe emi ọnọ ikọ ntiense, ndien ikọ ntiense esie edi akpanikọ. Enye ọdiọñọ ete ke imọ itiñ akpanikọ, ndien etie ntiense emi man afo ñko ekpenim ke akpanikọ. 36Mme ñkpọ emi eketibe man ikọ ñwed Abasi osu: “Ọkpọ Esie baba kiet owo idibuñke.” 37Ndien kpa nte itie ñwed Abasi efen etiñde, ete, “Mmọ eyewuk enyin mmọ ese Enye emi mmọ ekekimde ke eduat.”
38Ke esisit ini ama ekebe, Josef emi okotode obio Arimatia ama okobup Pailet abaña okpo Jisọs. Ke emi Josef ekedi mbet Jisọs, edi enye ekedi ke ndibe, koro enye akabakde mme Ju. Ke Pailet ama ekenyime, enye ama edikọñọde okpo Jisọs. 39Enye akasaña ye Nikodimọs, owo emi ekebinede Jisọs ke okoneyo. Nikodimọs ama akama mbuaha enem ufuọñ ñkpọ, emi ke ekọm urua esie akakpade ñkpọ nte bọn ikie ye aba ye duop. 40Ke mmọ ema ekemen okpo Jisọs, mmọ ema eda afia ọfọñ ewañ okpo Esie edọñ mme enem utebe ñkpọ oro. Ekenam etiene nte ido ubuk owo mme Ju esidide. 41Ke ebiet emi ekekọñde Jisọs ke eto, ekpri iñwañ ama odu do, ndien ke iñwañ emi, obufa udi emi eketibede ke itiat ama odu emi akananam owo mibukke owo do. 42Koro usen oro ekedi usen mbeñeidem mme Ju kabaña usen ibet (Sabat), ye ñko, koro udi oro ekekperede, mmọ ema ekebuk Jisọs do.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.