Jọn 11
11
Ñkpa Lasarọs
1Owo kiet emi ekekerede Lasarọs ama ọdọñọ. Enye okoto Betani, obio iñwañ emi Meri ye eyen eka esie Mata eketode. 2Meri emi eyen eka esie ọkọdọñọde, ekedi enye emi ọkọduọkde Ọbọñ enem ufuọñ aran okonyuñ adade idet esie ọkwọhọrede ikpat Jisọs. 3Nditọ eka Lasarọs iba ema enọ etop esọk Jisọs ete, “Ọbọñ, ufan emi Afo amade kọdọñọ.”
4Ke ini Jisọs okokopde etop emi, Enye ama ọdọhọ ete, “Udọñọ emi idisuñọke ke ñkpa. Edi ndida ubọñ nnọ Abasi man otodo Enye Abasi ọbọ ubọñ oto ke esit.”
5Jisọs ama ama Mata ye eyen eka esie añwan ye Lasarọs eti eti. 6Ke ini Enye okokopde ete ke Lasarọs kọdọñọ, Enye ama osuk etie ke ebiet emi Enye okoduñde ke ñkpọ nte usen iba efen. 7Do ke Enye ọkọdọhọ mme mbet Esie ete, “Eyak ñnyin ifiak ika Judia.”
8Mme mbet ema edọhọ Enye ete, “Andikpep, ibighike bighi mme Ju ekeyom nditọñọ Fi ke itiat, ndien Afo onyuñ oyom ndifiak ñka Judia?”
9Jisọs ama obup ete, “Nte idighe awa ñkanika duopeba odu ke uwemeyo? Owo emi asañade ke uwemeyo isituakke ukot, koro enye okutde usuñ oto uñwana ererimbot emi. 10Edi ke enye ama asaña isañ ke okoneyo ke enye edituak ukot koro enye minyeneke uñwana.” 11Ke Enye ama eketiñ mme ikọ emi ama, Enye ama aka iso etiñ ọnọ mmọ ete, “Ufan ñnyin Lasarọs ede idap, edi Ami ke ñka do ndidemede enye.”
12Mme mbet Esie ema ebọrọ ete, “Ọbọñ edieke enye edede, idem eyesọñ enye.” 13Jisọs eketiñ abaña ñkpa esie, edi mme mbet Esie ekekere ete mme Enye etiñ abaña ikpuikpu idap.
14Do ndien ke Enye akasian mmọ añwa añwa ete, “Lasarọs akpa, 15ndien ke ntak mbufo man otodo mbufo enim ke akpanikọ, Ami mmokop inemesit sia Ami mme ñkeduhọ do. Edi eyak ñnyin ika ibine enye.”
16Ndien Tọmọs emi ekotde Amanamba, ama ọdọhọ mme mbet eken ete, “Eyak ñnyin ñko ika, man ikakpa ye Enye.”
17Ke ini mmọ ema ekesim Betani, Jisọs ama ayarade ọfiọk ete ke ema ebebuk Lasarọs ke usen inañ emi ekebede. 18Betani ekedi ñkpọ nte itiat iba ye Jerusalem. 19Ndien ediwak ikpọ owo mme Ju ema edu ndidọñ Mata ye Meri esit ke ñkpa eyen eka mmọ. 20Ke ini Mata okokopde ete ke Jisọs ke edi, ama ọwọrọ ebine Enye, edi Meri ama ọsuhọ ke ufọk.
21Mata ama ọdọhọ Jisọs, ete, “Ọbọñ mi, edieke Afo okpokodude mi, eyen eka mi ikpikpaha. 22Edi ami mmọfiọk nte kpa ke idem idahaemi, Abasi eyenọ fi sededi emi Afo edibupde.”
23Jisọs ama ọdọhọ enye ete, “Eyen eka fo eyefiak odu uwem.”
24Mata ama ọbọrọ ete, “Ami mmọfiọk nte ke enye eyedahada onyuñ enyene uwem ke akpatre usen.”
25Jisọs ama ọdọhọ enye ete, “Ami ndi ediset ke ñkpa ye uwem. Owo emi enimde Mi ke akpanikọ eyedu uwem, okposuk edi nte enye ama akakpa, 26ndien owo ekededi emi odude uwem ndien enim Mi ke akpanikọ, idikpaha. Nte afo emenim emi ke akpanikọ?”
27Enye ama ọbọrọ Jisọs, ete, “Ih Ọbọñ, Ami mmonim ke akpanikọ nte, ke Afo edi Andinyaña (Kraist) oro, Eyen Abasi, emi akanade nte edi ke ererimbot.”
28Ke Mata ama eketiñ mme ikọ emi ama, enye ama afiak edem aka ufọk ndien okokot eyen eka esie Meri esik ada, onyuñ ọdọhọ enye, ete, “Andikpep edi, ndien Enye koyom fi.” 29Ke ini Meri okokopde ikọ emi, enye ama adaha ada ke usọp onyuñ ebine Jisọs.
Jisọs Emenede Lasarọs
30Jisọs ikedukke kaña obio iñwañ oro edi okosuk odu ke ebiet emi Mata okosobode Enye. 31Ke ini mme Ju emi ekedude ke ufọk ndidọñ Meri esit ekekutde nte enye akadahade usọp usọp ọwọrọ anwa, mmọ ema etiene enye, ekere ete ke enye oyom ndika udi ñkatua eyen eka esie.
32Ke ini Meri ama ekesim ebiet emi Jisọs okodude onyuñ okut Enye, enye ama ọduọ Enye ke ukot onyuñ ọdọhọ ete, “Ọbọñ, edieke Afo okpokodude mi, eyen eka mi ikpikpaha.”
33Ke ini Jisọs okokutde nte enye atuade eyet, ye nte ikpọ owo mme Ju emi esañade ye enye etuañade, esit ama ọbuñọ Enye eti eti. 34Jisọs ama obup ete, “Ekebuk enye ke mmọñ?” Mmọ ema ebọrọ Enye Ete, “Di dise Ọbọñ.” 35Jisọs ama atua eyet.
36Do ke mme Ju ekedọhọ ete, “Sese nte Enye akamade enye!”
37Edi ubak mmọ ema edọhọ, ete, “Nte Enye emi akatatde mme nnan enyin ikpekemeke ndibiọñọ owo emi ndikpa?” 38Ama otuk Jisọs ini kiet efen, ndien Enye ama asaña aka ke udi, ekedi aba emi eketibide ke itiat enyuñ eda itiat eberi ke nsañanduk esie.
39Jisọs ama ọdọhọ ete, “Ekpat itiat emi efep.” Edi Mata eyen eka akpa ñkpa ama ọdọhọ ete, “Edi Ọbọñ, ke utọ ini emi idiọk utebe eyedu, koro ekebuk enye ke ñkpọ nte usen inañ emi ekebede.”
40Jisọs ama ọdọhọ enye ete, “Nte Ami ñkọdọhọke fi nte edieke afo udunimde ke akpanikọ, afo eyekut ubọñ Abasi?”
41Do ke mmọ ekekpat itiat esio. Ndien Jisọs emenerede enyin ese enyọñ onyuñ ọdọhọ ete, “Ete, sọsọño koro Afo omokop Mi. 42Ami mmọdiọñọ nte ke Afo emesikop Mi kpukpru ini, edi Ami ñketiñ emi ke ntak ufọn mme mmọ emi edade mi, man otodo mmọ enim ke akpanikọ nte ke edi Afo ọkọdọñ Mi.” 43Ke Enye ama eketiñ mme ikọ emi ama, Jisọs ama okot ke ọkpọsọñ uyo, ete, “Lasarọs, wọrọ di.”
44Ndien akpa ñkpa ama ọwọrọ edi ye mbọbọ ọfọñ udi ye ọfọñ ke iso esie. Jisọs ama ọdọhọ ete “Etat enye mme mbọbọ udi oro, enyuñ enam enye enyọñ ufọk.”
45Ke ntak emi, ediwak mme Ju emi ekedide ndise Meri, ndien enyuñ ekutde se Jisọs akanamde, ema eyak mbuọtidem mmọ enọ Jisọs enyuñ enim Enye ke akpanikọ. 46Ubak mmọ ema eka ebine mme Farisi eketiñ enọ mmọ se Jisọs akanamde.
47Do ke mme ikpọ oku ye mme Farisi ekekot mbon esop ete, “Ñnyin idinam didie? Sese owo emi ke ananam ediwak mme utibe ñkpọ ye mme idiọñọ. 48Edieke ñnyin iyakde Enye osuk aka iso ntem, kpukpru owo eyebuọt idem mmọ ye Enye, ndien mbon Rom eyedi enyuñ ebọ ñnyin mme itie ukpono ñnyin ye idut ñnyin.”
49Ndien owo mmọ kiet emi ekerede Kefas emi ekedide akwa oku ke isua oro ama ọdọhọ ete, “Mbufo idiọñọke ñkpọ ndomokiet. 50Nte mbufo ikereke ite ke ọfọn ye mbufo akan nte owo kiet akpa ọnọ kpukpru owo, akan ofuri idut nditak?”
51Enye, ke ofuri akpanikọ iketiñke ikọ emi ito idem esie, edi nte akwa oku isua oro enye akayarade uduak Abasi nte ke Jisọs eyekpa ọnọ idut mme Ju, 52ndien idighe idut mme Ju ikpọñ ikpọñ, edi edikpa inọ mme nditọ Abasi emi ekesuande, man atañ mmọ obok ebiet kiet onyuñ anam mmọ edi kiet. 53Ke ntak emi ọtọñọde ke usen oro, mmọ ema ekọk mme afia ndiwot Jisọs.
54Do Jisọs ikasañake aba isañ añwa añwa ke Judia, edi adaha aka ebiet emi ekperede isọñ utatan ke obio emi ekekotde Ifrem, onyuñ odu do ye mme mbet Esie.
55Ke ini usọrọ uwọrọ ufin mme Ju ekekperede, ediwak owo ema edọk eka Jerusalem man ekenam ido edisana ke idak ukpono mmọ mbemiso ekem ini usọrọ uwọrọ ufin mme Ju. 56Mmọ ema eka iso ndiyom Jisọs ndien nte mmọ ekedade ekpere Edisana Ebiet mmọ ema ebup idem mmọ ete, “Ekere didie? Nte Enye ididighedi usọrọ emi?” 57Edi mme ikpọ oku ye mme Farisi ema enenọ uyo ete owo ekededi emi ediyararede idiọñọ ebiet emi Jisọs odude, yak enye asian man mmimọ ika ikemum Enye.
Currently Selected:
Jọn 11: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Jọn 11
11
Ñkpa Lasarọs
1Owo kiet emi ekekerede Lasarọs ama ọdọñọ. Enye okoto Betani, obio iñwañ emi Meri ye eyen eka esie Mata eketode. 2Meri emi eyen eka esie ọkọdọñọde, ekedi enye emi ọkọduọkde Ọbọñ enem ufuọñ aran okonyuñ adade idet esie ọkwọhọrede ikpat Jisọs. 3Nditọ eka Lasarọs iba ema enọ etop esọk Jisọs ete, “Ọbọñ, ufan emi Afo amade kọdọñọ.”
4Ke ini Jisọs okokopde etop emi, Enye ama ọdọhọ ete, “Udọñọ emi idisuñọke ke ñkpa. Edi ndida ubọñ nnọ Abasi man otodo Enye Abasi ọbọ ubọñ oto ke esit.”
5Jisọs ama ama Mata ye eyen eka esie añwan ye Lasarọs eti eti. 6Ke ini Enye okokopde ete ke Lasarọs kọdọñọ, Enye ama osuk etie ke ebiet emi Enye okoduñde ke ñkpọ nte usen iba efen. 7Do ke Enye ọkọdọhọ mme mbet Esie ete, “Eyak ñnyin ifiak ika Judia.”
8Mme mbet ema edọhọ Enye ete, “Andikpep, ibighike bighi mme Ju ekeyom nditọñọ Fi ke itiat, ndien Afo onyuñ oyom ndifiak ñka Judia?”
9Jisọs ama obup ete, “Nte idighe awa ñkanika duopeba odu ke uwemeyo? Owo emi asañade ke uwemeyo isituakke ukot, koro enye okutde usuñ oto uñwana ererimbot emi. 10Edi ke enye ama asaña isañ ke okoneyo ke enye edituak ukot koro enye minyeneke uñwana.” 11Ke Enye ama eketiñ mme ikọ emi ama, Enye ama aka iso etiñ ọnọ mmọ ete, “Ufan ñnyin Lasarọs ede idap, edi Ami ke ñka do ndidemede enye.”
12Mme mbet Esie ema ebọrọ ete, “Ọbọñ edieke enye edede, idem eyesọñ enye.” 13Jisọs eketiñ abaña ñkpa esie, edi mme mbet Esie ekekere ete mme Enye etiñ abaña ikpuikpu idap.
14Do ndien ke Enye akasian mmọ añwa añwa ete, “Lasarọs akpa, 15ndien ke ntak mbufo man otodo mbufo enim ke akpanikọ, Ami mmokop inemesit sia Ami mme ñkeduhọ do. Edi eyak ñnyin ika ibine enye.”
16Ndien Tọmọs emi ekotde Amanamba, ama ọdọhọ mme mbet eken ete, “Eyak ñnyin ñko ika, man ikakpa ye Enye.”
17Ke ini mmọ ema ekesim Betani, Jisọs ama ayarade ọfiọk ete ke ema ebebuk Lasarọs ke usen inañ emi ekebede. 18Betani ekedi ñkpọ nte itiat iba ye Jerusalem. 19Ndien ediwak ikpọ owo mme Ju ema edu ndidọñ Mata ye Meri esit ke ñkpa eyen eka mmọ. 20Ke ini Mata okokopde ete ke Jisọs ke edi, ama ọwọrọ ebine Enye, edi Meri ama ọsuhọ ke ufọk.
21Mata ama ọdọhọ Jisọs, ete, “Ọbọñ mi, edieke Afo okpokodude mi, eyen eka mi ikpikpaha. 22Edi ami mmọfiọk nte kpa ke idem idahaemi, Abasi eyenọ fi sededi emi Afo edibupde.”
23Jisọs ama ọdọhọ enye ete, “Eyen eka fo eyefiak odu uwem.”
24Mata ama ọbọrọ ete, “Ami mmọfiọk nte ke enye eyedahada onyuñ enyene uwem ke akpatre usen.”
25Jisọs ama ọdọhọ enye ete, “Ami ndi ediset ke ñkpa ye uwem. Owo emi enimde Mi ke akpanikọ eyedu uwem, okposuk edi nte enye ama akakpa, 26ndien owo ekededi emi odude uwem ndien enim Mi ke akpanikọ, idikpaha. Nte afo emenim emi ke akpanikọ?”
27Enye ama ọbọrọ Jisọs, ete, “Ih Ọbọñ, Ami mmonim ke akpanikọ nte, ke Afo edi Andinyaña (Kraist) oro, Eyen Abasi, emi akanade nte edi ke ererimbot.”
28Ke Mata ama eketiñ mme ikọ emi ama, enye ama afiak edem aka ufọk ndien okokot eyen eka esie Meri esik ada, onyuñ ọdọhọ enye, ete, “Andikpep edi, ndien Enye koyom fi.” 29Ke ini Meri okokopde ikọ emi, enye ama adaha ada ke usọp onyuñ ebine Jisọs.
Jisọs Emenede Lasarọs
30Jisọs ikedukke kaña obio iñwañ oro edi okosuk odu ke ebiet emi Mata okosobode Enye. 31Ke ini mme Ju emi ekedude ke ufọk ndidọñ Meri esit ekekutde nte enye akadahade usọp usọp ọwọrọ anwa, mmọ ema etiene enye, ekere ete ke enye oyom ndika udi ñkatua eyen eka esie.
32Ke ini Meri ama ekesim ebiet emi Jisọs okodude onyuñ okut Enye, enye ama ọduọ Enye ke ukot onyuñ ọdọhọ ete, “Ọbọñ, edieke Afo okpokodude mi, eyen eka mi ikpikpaha.”
33Ke ini Jisọs okokutde nte enye atuade eyet, ye nte ikpọ owo mme Ju emi esañade ye enye etuañade, esit ama ọbuñọ Enye eti eti. 34Jisọs ama obup ete, “Ekebuk enye ke mmọñ?” Mmọ ema ebọrọ Enye Ete, “Di dise Ọbọñ.” 35Jisọs ama atua eyet.
36Do ke mme Ju ekedọhọ ete, “Sese nte Enye akamade enye!”
37Edi ubak mmọ ema edọhọ, ete, “Nte Enye emi akatatde mme nnan enyin ikpekemeke ndibiọñọ owo emi ndikpa?” 38Ama otuk Jisọs ini kiet efen, ndien Enye ama asaña aka ke udi, ekedi aba emi eketibide ke itiat enyuñ eda itiat eberi ke nsañanduk esie.
39Jisọs ama ọdọhọ ete, “Ekpat itiat emi efep.” Edi Mata eyen eka akpa ñkpa ama ọdọhọ ete, “Edi Ọbọñ, ke utọ ini emi idiọk utebe eyedu, koro ekebuk enye ke ñkpọ nte usen inañ emi ekebede.”
40Jisọs ama ọdọhọ enye ete, “Nte Ami ñkọdọhọke fi nte edieke afo udunimde ke akpanikọ, afo eyekut ubọñ Abasi?”
41Do ke mmọ ekekpat itiat esio. Ndien Jisọs emenerede enyin ese enyọñ onyuñ ọdọhọ ete, “Ete, sọsọño koro Afo omokop Mi. 42Ami mmọdiọñọ nte ke Afo emesikop Mi kpukpru ini, edi Ami ñketiñ emi ke ntak ufọn mme mmọ emi edade mi, man otodo mmọ enim ke akpanikọ nte ke edi Afo ọkọdọñ Mi.” 43Ke Enye ama eketiñ mme ikọ emi ama, Jisọs ama okot ke ọkpọsọñ uyo, ete, “Lasarọs, wọrọ di.”
44Ndien akpa ñkpa ama ọwọrọ edi ye mbọbọ ọfọñ udi ye ọfọñ ke iso esie. Jisọs ama ọdọhọ ete “Etat enye mme mbọbọ udi oro, enyuñ enam enye enyọñ ufọk.”
45Ke ntak emi, ediwak mme Ju emi ekedide ndise Meri, ndien enyuñ ekutde se Jisọs akanamde, ema eyak mbuọtidem mmọ enọ Jisọs enyuñ enim Enye ke akpanikọ. 46Ubak mmọ ema eka ebine mme Farisi eketiñ enọ mmọ se Jisọs akanamde.
47Do ke mme ikpọ oku ye mme Farisi ekekot mbon esop ete, “Ñnyin idinam didie? Sese owo emi ke ananam ediwak mme utibe ñkpọ ye mme idiọñọ. 48Edieke ñnyin iyakde Enye osuk aka iso ntem, kpukpru owo eyebuọt idem mmọ ye Enye, ndien mbon Rom eyedi enyuñ ebọ ñnyin mme itie ukpono ñnyin ye idut ñnyin.”
49Ndien owo mmọ kiet emi ekerede Kefas emi ekedide akwa oku ke isua oro ama ọdọhọ ete, “Mbufo idiọñọke ñkpọ ndomokiet. 50Nte mbufo ikereke ite ke ọfọn ye mbufo akan nte owo kiet akpa ọnọ kpukpru owo, akan ofuri idut nditak?”
51Enye, ke ofuri akpanikọ iketiñke ikọ emi ito idem esie, edi nte akwa oku isua oro enye akayarade uduak Abasi nte ke Jisọs eyekpa ọnọ idut mme Ju, 52ndien idighe idut mme Ju ikpọñ ikpọñ, edi edikpa inọ mme nditọ Abasi emi ekesuande, man atañ mmọ obok ebiet kiet onyuñ anam mmọ edi kiet. 53Ke ntak emi ọtọñọde ke usen oro, mmọ ema ekọk mme afia ndiwot Jisọs.
54Do Jisọs ikasañake aba isañ añwa añwa ke Judia, edi adaha aka ebiet emi ekperede isọñ utatan ke obio emi ekekotde Ifrem, onyuñ odu do ye mme mbet Esie.
55Ke ini usọrọ uwọrọ ufin mme Ju ekekperede, ediwak owo ema edọk eka Jerusalem man ekenam ido edisana ke idak ukpono mmọ mbemiso ekem ini usọrọ uwọrọ ufin mme Ju. 56Mmọ ema eka iso ndiyom Jisọs ndien nte mmọ ekedade ekpere Edisana Ebiet mmọ ema ebup idem mmọ ete, “Ekere didie? Nte Enye ididighedi usọrọ emi?” 57Edi mme ikpọ oku ye mme Farisi ema enenọ uyo ete owo ekededi emi ediyararede idiọñọ ebiet emi Jisọs odude, yak enye asian man mmimọ ika ikemum Enye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.