Ọbọsuru 12
12
Ema Emum Pita Enyuñ Efak Enye
1Ekedi ke ukem ini emi ke Edidem Erọd ọkọtọñọ ndisin ntime ye ndusuk mbon ufọk Abasi. 2Enye ama anam ewot Jems, eyen eka Jọn ke ofut. 3Ke ini enye okokutde ete ke ñkpọ emi ama enem mme Ju esit enye ama anam emum Pita ñko. Emi eketibe ke ini usọrọ ebok uyo emi ibọk umenede ndom uyo miduhọ ke esit. 4Ke ema ekemum Pita, ema esin enye ke ufọk ñkpọkọbi, ke ebiet emi ekeyakde enye esin ke idak ukpeme mbio ekọñ ke ini ukpeme kiet. Erọd ama ebiere ndikpe ikpe esie añwa añwa ke usọrọ uwọrọ ufin ke isọñ Ijipt ama okure. 5Ema enim Pita ke ufọk ñkpọkọbi, edi ikọt Abasi ke ekebọñ akam ke ofuri esit enọ Abasi ebaña enye.
6Ke okoneyo emi esierede usen emi Erọd okoyomde ndisio enye ndi ke iso ofuri owo, Pita ekede idap ke ufọt mbio ukpeme iba. Ekekọbi enye ke ñkpọkọbi iba, ndien mbio ukpeme ema eda ke inua otop ufọk ñkpọkọbi. 7Sese Enjel Abasi kiet ama ọwọrọ ada do, ndien uñwana ama ayama ke ubet ufọk ñkpọkọbi emi. Enjel oro ama atuak Pita ke afara, ndien edemere enye ke idap onyuñ ọdọhọ ete, “Sọp idem, daha ke enyọñ!” Ke ndo ndo oro mme ñkpọkọbi ema efọrọde Pita ke ubọk. 8Ndien enjel oro ama ọdọhọ enye ete, “Bọp mbọbọ isin fo nyuñ kpaha ikpaukot fo.” Pita ama anam ntre, ndien enjel oro ama ọdọhọ enye ete, “Men ọfọñ enyọñ idem fo sine ndien tiene mi.”
9Pita ama etiene enye ọwọrọ ke ufọk ñkpọkọbi. Enye ikọdiọñọke mme se enjel emi akanamde ekedi ata edinam, enye ekekere ete ke imọ ikokut ñkukut. 10Mmọ ema ebekpa itie ukpeme, ekebe udiana, ndien ke akpatre edisim itim ukwak emi esañade eduk obio. Itim ama eberede ọnọ mmọ ke idem esie ndien mmọ ema ewọñọ. Ke mmọ ema ekesaña esuhọde efak kiet, enjel oro ama ọkpọñ Pita, inọhọ enye ntọt.
11Do ndien ke Pita ọkọdiọñọ se iketibede ye enye onyuñ ọdọhọ ete, “Idahaemi ke ami mfiọk nte ke edi akpanikọ, Ọbọñ ọkọdọñ Enjel Esie, ndien edinyaña mi osio ke odudu Erọd, ye ke kpukpru se mme Ju ekekerede ndinam.” 12Ke enye ama ọkọdiọñọ idem, enye ama aka ke ufọk Meri, eka Jọn Mak. Ediwak owo ema ebok idem do ke ebọñ akam.
13Pita ama ọkọñ usuñ añwa, ndien ekpri eyen ufọk añwan emi ekekerede Roda ama edi ndibọrọ. 14Enye ama ọdiọñọ uyo Pita ndien esit ama enem enye eti eti tutu enye ama efehe afiak oduk ikeberekede usuñ, eketiñ ete ke Pita ke enyin usuñ ada ke añwa. 15Mmọ ema edọhọ enye ete, “Ibuot fo abiara”; edi enye osuk eyire ete ke edi akpanikọ. Ke ntre mmọ ema ebọrọ ete, “Edi enjel esie”.
16Edi Pita ama aka iso ndikọñ usuñ. Ke akpatre mmọ ema esio usuñ, ndien ke ini mmọ ekekutde enye idem ama akpa mmọ eti eti. 17Enye ama anam idiọño ke ubọk ete mmọ edobo, ndien enye ama etiñ ọnọ mmọ nte Abasi akasañade osio enye ke ufọk ñkpọkọbi. Enye ama ọdọhọ ete, “Etiñ emi enọ Jems ye mme nditọ ete eken,” do ke enye ọkọkpọñ mmọ aka ebiet efen.
18Ke eyo ama ekesiere ndutime ama okpon eti eti ke otu mme ekpeme ukpeme; nso ñkpọ ikpetibe ye Pita? 19Erọd ama ọnọ uyo ete yak eyom enye, edi mmọ ikekemeke ndikut enye. Do enye ama obup mme mbio ukpeme mbume onyuñ anam ewot mmọ. Ke emi ama ekebe Erọd ama oto Judia ọsuhọde aka akabiat esisit ini ke Siseria.
20Erọd ama ayat esit eti eti ye mbon Taya ye Saidọn, ndien mmọ ema esaña ke udim ekekut Erọd, ke mmọ ema ekedep iberedem eto Blastọs, eyen ufọk Edidem emi Edidem ọkọbuọtde idem ye enye. Mmọ ema ebeñe Edidem emem, koro idut mmọ ekenyenede udia emi mmọ ediade eketo idut emi Edidem emi akarade. 21Erọd ama esine ọfọñ idem ubọñ esie ọdọk etie ke ebekpo esie, ndien etiñ ikọ ọnọ ofuri owo, ke usen emi enye ekenimde. 22Mmọ ema efiori ete, “Idighe owo etiñ ikọ emi edi kiet ke otu mme abasi etiñ.”
23Ini kiet Enjel Abasi ama ọtọ Erọd ọduọk, koro enye mikọnọhọ Abasi ubọñ. Ndien mme ndọñ ema eta enye ndien enye ama akpa.
Banabas Ye Pọl Ke Antiọk
24Ikọ Abasi ama aka iso nditara ñnyuñ ñkọri.
25Banabas ye Pọl ema ekure utom mmọ ndien efiak edem ekpọñ Jerusalem, enyuñ eda Jọn Mak ye mmọ.
Currently Selected:
Ọbọsuru 12: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Ọbọsuru 12
12
Ema Emum Pita Enyuñ Efak Enye
1Ekedi ke ukem ini emi ke Edidem Erọd ọkọtọñọ ndisin ntime ye ndusuk mbon ufọk Abasi. 2Enye ama anam ewot Jems, eyen eka Jọn ke ofut. 3Ke ini enye okokutde ete ke ñkpọ emi ama enem mme Ju esit enye ama anam emum Pita ñko. Emi eketibe ke ini usọrọ ebok uyo emi ibọk umenede ndom uyo miduhọ ke esit. 4Ke ema ekemum Pita, ema esin enye ke ufọk ñkpọkọbi, ke ebiet emi ekeyakde enye esin ke idak ukpeme mbio ekọñ ke ini ukpeme kiet. Erọd ama ebiere ndikpe ikpe esie añwa añwa ke usọrọ uwọrọ ufin ke isọñ Ijipt ama okure. 5Ema enim Pita ke ufọk ñkpọkọbi, edi ikọt Abasi ke ekebọñ akam ke ofuri esit enọ Abasi ebaña enye.
6Ke okoneyo emi esierede usen emi Erọd okoyomde ndisio enye ndi ke iso ofuri owo, Pita ekede idap ke ufọt mbio ukpeme iba. Ekekọbi enye ke ñkpọkọbi iba, ndien mbio ukpeme ema eda ke inua otop ufọk ñkpọkọbi. 7Sese Enjel Abasi kiet ama ọwọrọ ada do, ndien uñwana ama ayama ke ubet ufọk ñkpọkọbi emi. Enjel oro ama atuak Pita ke afara, ndien edemere enye ke idap onyuñ ọdọhọ ete, “Sọp idem, daha ke enyọñ!” Ke ndo ndo oro mme ñkpọkọbi ema efọrọde Pita ke ubọk. 8Ndien enjel oro ama ọdọhọ enye ete, “Bọp mbọbọ isin fo nyuñ kpaha ikpaukot fo.” Pita ama anam ntre, ndien enjel oro ama ọdọhọ enye ete, “Men ọfọñ enyọñ idem fo sine ndien tiene mi.”
9Pita ama etiene enye ọwọrọ ke ufọk ñkpọkọbi. Enye ikọdiọñọke mme se enjel emi akanamde ekedi ata edinam, enye ekekere ete ke imọ ikokut ñkukut. 10Mmọ ema ebekpa itie ukpeme, ekebe udiana, ndien ke akpatre edisim itim ukwak emi esañade eduk obio. Itim ama eberede ọnọ mmọ ke idem esie ndien mmọ ema ewọñọ. Ke mmọ ema ekesaña esuhọde efak kiet, enjel oro ama ọkpọñ Pita, inọhọ enye ntọt.
11Do ndien ke Pita ọkọdiọñọ se iketibede ye enye onyuñ ọdọhọ ete, “Idahaemi ke ami mfiọk nte ke edi akpanikọ, Ọbọñ ọkọdọñ Enjel Esie, ndien edinyaña mi osio ke odudu Erọd, ye ke kpukpru se mme Ju ekekerede ndinam.” 12Ke enye ama ọkọdiọñọ idem, enye ama aka ke ufọk Meri, eka Jọn Mak. Ediwak owo ema ebok idem do ke ebọñ akam.
13Pita ama ọkọñ usuñ añwa, ndien ekpri eyen ufọk añwan emi ekekerede Roda ama edi ndibọrọ. 14Enye ama ọdiọñọ uyo Pita ndien esit ama enem enye eti eti tutu enye ama efehe afiak oduk ikeberekede usuñ, eketiñ ete ke Pita ke enyin usuñ ada ke añwa. 15Mmọ ema edọhọ enye ete, “Ibuot fo abiara”; edi enye osuk eyire ete ke edi akpanikọ. Ke ntre mmọ ema ebọrọ ete, “Edi enjel esie”.
16Edi Pita ama aka iso ndikọñ usuñ. Ke akpatre mmọ ema esio usuñ, ndien ke ini mmọ ekekutde enye idem ama akpa mmọ eti eti. 17Enye ama anam idiọño ke ubọk ete mmọ edobo, ndien enye ama etiñ ọnọ mmọ nte Abasi akasañade osio enye ke ufọk ñkpọkọbi. Enye ama ọdọhọ ete, “Etiñ emi enọ Jems ye mme nditọ ete eken,” do ke enye ọkọkpọñ mmọ aka ebiet efen.
18Ke eyo ama ekesiere ndutime ama okpon eti eti ke otu mme ekpeme ukpeme; nso ñkpọ ikpetibe ye Pita? 19Erọd ama ọnọ uyo ete yak eyom enye, edi mmọ ikekemeke ndikut enye. Do enye ama obup mme mbio ukpeme mbume onyuñ anam ewot mmọ. Ke emi ama ekebe Erọd ama oto Judia ọsuhọde aka akabiat esisit ini ke Siseria.
20Erọd ama ayat esit eti eti ye mbon Taya ye Saidọn, ndien mmọ ema esaña ke udim ekekut Erọd, ke mmọ ema ekedep iberedem eto Blastọs, eyen ufọk Edidem emi Edidem ọkọbuọtde idem ye enye. Mmọ ema ebeñe Edidem emem, koro idut mmọ ekenyenede udia emi mmọ ediade eketo idut emi Edidem emi akarade. 21Erọd ama esine ọfọñ idem ubọñ esie ọdọk etie ke ebekpo esie, ndien etiñ ikọ ọnọ ofuri owo, ke usen emi enye ekenimde. 22Mmọ ema efiori ete, “Idighe owo etiñ ikọ emi edi kiet ke otu mme abasi etiñ.”
23Ini kiet Enjel Abasi ama ọtọ Erọd ọduọk, koro enye mikọnọhọ Abasi ubọñ. Ndien mme ndọñ ema eta enye ndien enye ama akpa.
Banabas Ye Pọl Ke Antiọk
24Ikọ Abasi ama aka iso nditara ñnyuñ ñkọri.
25Banabas ye Pọl ema ekure utom mmọ ndien efiak edem ekpọñ Jerusalem, enyuñ eda Jọn Mak ye mmọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.