San Mateo 5
5
Jesuska lumamanta yachachirka: Kushichinakuna
(Lc 6.20-23)
1Chaymanta Jesuska chay achka runakunata rikushpan shuk luma awapi sikarka. Chaypi tiyarishpan payta disipulunkunaka kayllayarkakuna.
2Chaypiña Jesuska kallarirka yachachinata kasna nishpa:
3—Kushilla kankakuna maykankunami kanahun pugri Espiritupi, paykunapami kan chay Yaya Diospa ali kamachinanka silupi.
4Kushilla kankakuna maykankunami wakanahun, Yaya Diosmi paykunata sinchikuchinka.
5Kushilla kankakuna maykankunami kanahun ali runakuna, paykunami apinkakuna chay mushu allpata.
6Kushilla kankakuna maykankunami kanahun yarkaywa yakunayaywapas Yaya Diospa munashkanta ruranankunapa, paykunami kankakuna saksashkashina.
7Kushilla kankakuna maykankunami kanahun llakichikkuna, paykunami kankakuna llakichirishka.
8Kushilla kankakuna maykankunami kanahun ali shunkuyu, paykunami rikunkakuna Yaya Diosta.
9Kushilla kankakuna maykankunami kanahun shukwa shukwa alichak runakuna, paykunami kankakuna shutiyachirishka Yaya Diospa wawan.
10Kushilla kankakuna maykankunami parisinahun runakuna chiknishpankuna Yaya Diospa munashkanta alita rurashpa kawsahushkankunarayku, paykunapami kanka chay Yaya Diospa ali kamachinanka.
11Kushilla kankichi kankuna ñuka ranti runakuna yankamanta millaypata kankunamanta rimashpa chiknishpa parisichishpankuna, llullashpa rimanahuchu kankunamanta tukuy ima millaypata.
12Atunta kushikuychi kankunarayku ñami tiyan silupi shuk atun kushikuna. Chasnami ñawpa profetakunata chiknishpankuna parisichirkakuna, manara kankuna tiyahushpaykichira.
Kankuna kankichimi kachi kay allpapi
(Mr 9.50; Lc 14.34-35)
13Kankunaka kankichimi kachi kay allpapi, kachika chamuyashpanka, ¿Imasnata atipama kutikashka kachi tukunata? Manami valimanachu nima imarayku, chasnataka wichunchiñami ñanpipi runakuna shayarinankunapa.
Kankunaka kankichimi puncha kay allpapi
14Kankunaka kankichi shuk punchayachik kay allpapi. Shuk llakta urku awapi kahukka mana atipanchu pakanata.
15Chaymantapas shuk lanparinta mana kahun ukupi churanchichu. Ashwan churanchimi lanparin churana awapi tukuy wasipi kahukunata punchayachinanpa.
16Chasna kashpaykichika alikunallata rurashpa kawsaychi, tukuy runa masikichi rikushpankuna silupi kawsak Yaya Diosta agradesishpa kushichinankunapa.
Jesús paktachin Yaya Diospa ñawpa kamachishkanta
17Ama yuyariychichu shamushkaynita kichunapa ñawpa killkarishkakunata nima rimanapa profetakunapa yachachiskankunaka mana balinchu, ashwan shamushkanimi chaykunata paktachinaynipa.
18Alita uyawaychi. Siluka allpapas tiyahushpanra nima shuk uchilla killkaristushka tukurinkachu, tukuy paktachirinankama.
19Kankuna chay chunka kamachinakunamanta shukta mana imananchu nishpa Yaya Diospa kamachishkanta mana kasushpaykichika, chaymanta shuk runakunatapas chasnallatata ruranankunapa yachachishpaykichika Yaya Diospa kamachinanpi tukuymanta mana valikchu kankichi. Ashwan Yaya Diospa kamachishkanta alita kasushpa kawsashpaykichika chaymanta chasnallatata runa masikichita yachachishpaykichika Yaya Diospa kamachinanpi tukuymanta ashwan valik kankichi.
20Kankunata rimani, Moisespa killkashkanta yachachikkunamanta, fariseokunamantapas Yaya Diospa kamachishkanta ashwan alita paktachinaykichi tiyan. Paykunamanta mana ashwan alita paktachik kashpaykichika manami atipankichichu yaykunata Yaya Diospa kamachinan silupi.
Jesuska yachachin mana piñanakunamanta
(Lc 12.57-59)
21Yaya Dios ñawpa yaya rukunchikunata rimarka: Ama runa masikichita wañuchiychichu. Wañuchishpaykichika kankunatapas apumi kastiganan tiyan.
22Kunan ñuka kankunata rimani, runa masikichita piñarishkaykichillawa kastigay tukunkichi. Chaymanta runa masikichita piñarishpa kamishpaykichika saserdotepa tantarishkan apunkuna kankunata ashwanta kastiganan tiyan. Chaymanta maykanpas runa masinta kushway wañunki nishpa yuminkashpanka infiernumami rinka.
23Chayrayku, apamushpaykichika ofrendaykichita altarma, chaypi yuyarinki wawkikita kan millaypata rurashkaykita,
24sakiy chaypi ofrendaykita altarpi, kutiy alichakri puntiru wawkikiwa, chay washa shuti kutishpayki churay ofrendaykita.
25Shuk runata liwishushkaykimanta pay piñarishpan kanta apuma pushahushpanka manarapas paktahushpaykichira alichaychi mana apuka kanta liwishkaykimanta kastigananpa. Apupi mana atipashpayki alichanata runantami kunka karselpi churananpa.
26Shutipata rimashkayki chaymantaka manami llukshinkichu, tukuy liwishkaykita paganaykikama.
Jesuska yachachin mana shukpa warminwa musayananchipa
27Kankunaka uyashkankichi rimarishka kashkata: “Ama musayaychichu”.
28Kunan ñuka kankunata rimani, maykanpas shuk warmita munarishpa rikushpanka ñami shunkunpi musayashka.
29Chayrayku, kuska ñawiki uchapi urmachishpanka, surkushpayki wichuy; ashwan ali kama shuk ñawillawa kanaykipa, mana ishkanti ñawikiwa infiernuma wichuy tukunaykipa.
30Chaymantapas kuska makiki uchapi urmachishpanka, pitishpayki wichuy; ashwan ali kama shuk makillawa kanaykipa, mana ishkanti makikiwa infiernuma wichuy tukunaykipa.
Jesuska yachachin mana sakinakunankunapa.
31Chaymantapas rimarishka karka: “Maykanpas warminta sakishpanka, kunan tiyan shuk killkata sakihushkanmanta warminta”.
32Kunan ñuka kankunata rimani, maykanchari warminta sakin, mana musayahushpanka, musayashpan uchatami ruranka, chaymanta maykanchari warmiyan chay warmi sakirishkata, musayashpan uchatami ruran.
Jesuska yachachin rimashkata paktachinapa
33Kankuna yachankichi Yaya Dios ñawpa yaya rukunchikunata rimashkanta: “Ama yanka nishpa rimankichichu, ashwan paktachinayki tiyan rimashkaykita Yaya Diosta”.
34Ashwan ñuka kankunata rimani: Ama yanka nishpa rimankichichu; nima siluta churashpa kirichina rimanakunawa rimaychichu, siluka Yaya Diospa kawsananmi.
35Nima allpata churashpa kirichina rimanakunawa rimaychichu, kay allpaka Yaya Diospa kamachinan kashkanrayku. Nima Jerusalenta churashpa kirichina rimanakunawa rimaychichu, atun apu Yaya Diospa llaktan kashkanrayku.
36Nima umaykimanta kirichina shimiwa rimankichu: Nima chukchaykichita atipankichichu yanayachinata nima yurayachinata.
37Kankuna rimashpaykichika ari nishpa, ari kachun. Rimashpaykichika mana nishpa, mana kachun. Chay nishkaykichimanta ashwanta kirichinayashpa rimanakunaka shamun supaymanta.
Jesuska yachachin kuntranchikunatapas yuyananchipa
(Lc 6.27-36)
38Kankuna uyashkankichi rimarishka kashkata: Maykanchari runa masinpa ñawinta tukyachin paytapas chasnallatata tukyachinan tiyan. Maykanchari runa masinpa kirunta pakin paytapas chasnallatata pakinan tiyan,
39Ashwan ñuka kankunata rimani: Ama piñariychichu maykanchari kankunata piñarihun, maykanpas kuska uyaykipi sakmashpanka, llukiki partitapas rikuchiy;
40Chaymanta shuk runa kanta piñarishpa kichunayashpanka awaniru kamisaykita, ukuniru kamisaykitapas kuy.
41Maykanpas kanta rimashpanka apanaykipa suk imata shuk waranka purina tuputa, kanka apay ishkay waranka purina tuputa.
42Imaykita kanmanta tapuk runata mana mitsashpa kuy. Imaykita prestananpa shamuk runata mana mitsashpa prestay.
43Kankuna uyashkankichi rimarishka kashkata: “Runa masikichita yuyaychi, kuntraykichitaka chikniychi”.
44Ashwan ñuka kankunata rimani: Yuyaychi kuntraykichita, alita rimaychi maykanmi kankunata kushway riman, ruraychi alita maykanmi kankunata chiknin, mañaychi maykankunami kankunata parisichinahun,
45Chasna rikuchinaykichipa ruranaykichita Yayaykichi Dios awa silupi kawsakshina, paymi llukshichin intita alita rurak runakunarayku, mana alita rurak runakunaraykupas. Chasnallatata tamyatapas kachan alikunarayku mana alikunaraykupas.
46Kankuna yuyashpaykichika maykanllatami munankichi, ¿Ima kushichinashi tiyanka kankunaraykuka? Chasnallatatami uchata rurakkunapas ruranahun.
47Kankuna saludashpaykichika aylluykichillata ¿Shukkunamanta chikantachu rurankichi? ¿Chasnallatata mana kirikkunapas ruranahun?
48Chayrayku kankunaka ali kaychi, imashnami Yayaykichi awa silupi kawsakka kan ali.
Currently Selected:
San Mateo 5: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 5
5
Jesuska lumamanta yachachirka: Kushichinakuna
(Lc 6.20-23)
1Chaymanta Jesuska chay achka runakunata rikushpan shuk luma awapi sikarka. Chaypi tiyarishpan payta disipulunkunaka kayllayarkakuna.
2Chaypiña Jesuska kallarirka yachachinata kasna nishpa:
3—Kushilla kankakuna maykankunami kanahun pugri Espiritupi, paykunapami kan chay Yaya Diospa ali kamachinanka silupi.
4Kushilla kankakuna maykankunami wakanahun, Yaya Diosmi paykunata sinchikuchinka.
5Kushilla kankakuna maykankunami kanahun ali runakuna, paykunami apinkakuna chay mushu allpata.
6Kushilla kankakuna maykankunami kanahun yarkaywa yakunayaywapas Yaya Diospa munashkanta ruranankunapa, paykunami kankakuna saksashkashina.
7Kushilla kankakuna maykankunami kanahun llakichikkuna, paykunami kankakuna llakichirishka.
8Kushilla kankakuna maykankunami kanahun ali shunkuyu, paykunami rikunkakuna Yaya Diosta.
9Kushilla kankakuna maykankunami kanahun shukwa shukwa alichak runakuna, paykunami kankakuna shutiyachirishka Yaya Diospa wawan.
10Kushilla kankakuna maykankunami parisinahun runakuna chiknishpankuna Yaya Diospa munashkanta alita rurashpa kawsahushkankunarayku, paykunapami kanka chay Yaya Diospa ali kamachinanka.
11Kushilla kankichi kankuna ñuka ranti runakuna yankamanta millaypata kankunamanta rimashpa chiknishpa parisichishpankuna, llullashpa rimanahuchu kankunamanta tukuy ima millaypata.
12Atunta kushikuychi kankunarayku ñami tiyan silupi shuk atun kushikuna. Chasnami ñawpa profetakunata chiknishpankuna parisichirkakuna, manara kankuna tiyahushpaykichira.
Kankuna kankichimi kachi kay allpapi
(Mr 9.50; Lc 14.34-35)
13Kankunaka kankichimi kachi kay allpapi, kachika chamuyashpanka, ¿Imasnata atipama kutikashka kachi tukunata? Manami valimanachu nima imarayku, chasnataka wichunchiñami ñanpipi runakuna shayarinankunapa.
Kankunaka kankichimi puncha kay allpapi
14Kankunaka kankichi shuk punchayachik kay allpapi. Shuk llakta urku awapi kahukka mana atipanchu pakanata.
15Chaymantapas shuk lanparinta mana kahun ukupi churanchichu. Ashwan churanchimi lanparin churana awapi tukuy wasipi kahukunata punchayachinanpa.
16Chasna kashpaykichika alikunallata rurashpa kawsaychi, tukuy runa masikichi rikushpankuna silupi kawsak Yaya Diosta agradesishpa kushichinankunapa.
Jesús paktachin Yaya Diospa ñawpa kamachishkanta
17Ama yuyariychichu shamushkaynita kichunapa ñawpa killkarishkakunata nima rimanapa profetakunapa yachachiskankunaka mana balinchu, ashwan shamushkanimi chaykunata paktachinaynipa.
18Alita uyawaychi. Siluka allpapas tiyahushpanra nima shuk uchilla killkaristushka tukurinkachu, tukuy paktachirinankama.
19Kankuna chay chunka kamachinakunamanta shukta mana imananchu nishpa Yaya Diospa kamachishkanta mana kasushpaykichika, chaymanta shuk runakunatapas chasnallatata ruranankunapa yachachishpaykichika Yaya Diospa kamachinanpi tukuymanta mana valikchu kankichi. Ashwan Yaya Diospa kamachishkanta alita kasushpa kawsashpaykichika chaymanta chasnallatata runa masikichita yachachishpaykichika Yaya Diospa kamachinanpi tukuymanta ashwan valik kankichi.
20Kankunata rimani, Moisespa killkashkanta yachachikkunamanta, fariseokunamantapas Yaya Diospa kamachishkanta ashwan alita paktachinaykichi tiyan. Paykunamanta mana ashwan alita paktachik kashpaykichika manami atipankichichu yaykunata Yaya Diospa kamachinan silupi.
Jesuska yachachin mana piñanakunamanta
(Lc 12.57-59)
21Yaya Dios ñawpa yaya rukunchikunata rimarka: Ama runa masikichita wañuchiychichu. Wañuchishpaykichika kankunatapas apumi kastiganan tiyan.
22Kunan ñuka kankunata rimani, runa masikichita piñarishkaykichillawa kastigay tukunkichi. Chaymanta runa masikichita piñarishpa kamishpaykichika saserdotepa tantarishkan apunkuna kankunata ashwanta kastiganan tiyan. Chaymanta maykanpas runa masinta kushway wañunki nishpa yuminkashpanka infiernumami rinka.
23Chayrayku, apamushpaykichika ofrendaykichita altarma, chaypi yuyarinki wawkikita kan millaypata rurashkaykita,
24sakiy chaypi ofrendaykita altarpi, kutiy alichakri puntiru wawkikiwa, chay washa shuti kutishpayki churay ofrendaykita.
25Shuk runata liwishushkaykimanta pay piñarishpan kanta apuma pushahushpanka manarapas paktahushpaykichira alichaychi mana apuka kanta liwishkaykimanta kastigananpa. Apupi mana atipashpayki alichanata runantami kunka karselpi churananpa.
26Shutipata rimashkayki chaymantaka manami llukshinkichu, tukuy liwishkaykita paganaykikama.
Jesuska yachachin mana shukpa warminwa musayananchipa
27Kankunaka uyashkankichi rimarishka kashkata: “Ama musayaychichu”.
28Kunan ñuka kankunata rimani, maykanpas shuk warmita munarishpa rikushpanka ñami shunkunpi musayashka.
29Chayrayku, kuska ñawiki uchapi urmachishpanka, surkushpayki wichuy; ashwan ali kama shuk ñawillawa kanaykipa, mana ishkanti ñawikiwa infiernuma wichuy tukunaykipa.
30Chaymantapas kuska makiki uchapi urmachishpanka, pitishpayki wichuy; ashwan ali kama shuk makillawa kanaykipa, mana ishkanti makikiwa infiernuma wichuy tukunaykipa.
Jesuska yachachin mana sakinakunankunapa.
31Chaymantapas rimarishka karka: “Maykanpas warminta sakishpanka, kunan tiyan shuk killkata sakihushkanmanta warminta”.
32Kunan ñuka kankunata rimani, maykanchari warminta sakin, mana musayahushpanka, musayashpan uchatami ruranka, chaymanta maykanchari warmiyan chay warmi sakirishkata, musayashpan uchatami ruran.
Jesuska yachachin rimashkata paktachinapa
33Kankuna yachankichi Yaya Dios ñawpa yaya rukunchikunata rimashkanta: “Ama yanka nishpa rimankichichu, ashwan paktachinayki tiyan rimashkaykita Yaya Diosta”.
34Ashwan ñuka kankunata rimani: Ama yanka nishpa rimankichichu; nima siluta churashpa kirichina rimanakunawa rimaychichu, siluka Yaya Diospa kawsananmi.
35Nima allpata churashpa kirichina rimanakunawa rimaychichu, kay allpaka Yaya Diospa kamachinan kashkanrayku. Nima Jerusalenta churashpa kirichina rimanakunawa rimaychichu, atun apu Yaya Diospa llaktan kashkanrayku.
36Nima umaykimanta kirichina shimiwa rimankichu: Nima chukchaykichita atipankichichu yanayachinata nima yurayachinata.
37Kankuna rimashpaykichika ari nishpa, ari kachun. Rimashpaykichika mana nishpa, mana kachun. Chay nishkaykichimanta ashwanta kirichinayashpa rimanakunaka shamun supaymanta.
Jesuska yachachin kuntranchikunatapas yuyananchipa
(Lc 6.27-36)
38Kankuna uyashkankichi rimarishka kashkata: Maykanchari runa masinpa ñawinta tukyachin paytapas chasnallatata tukyachinan tiyan. Maykanchari runa masinpa kirunta pakin paytapas chasnallatata pakinan tiyan,
39Ashwan ñuka kankunata rimani: Ama piñariychichu maykanchari kankunata piñarihun, maykanpas kuska uyaykipi sakmashpanka, llukiki partitapas rikuchiy;
40Chaymanta shuk runa kanta piñarishpa kichunayashpanka awaniru kamisaykita, ukuniru kamisaykitapas kuy.
41Maykanpas kanta rimashpanka apanaykipa suk imata shuk waranka purina tuputa, kanka apay ishkay waranka purina tuputa.
42Imaykita kanmanta tapuk runata mana mitsashpa kuy. Imaykita prestananpa shamuk runata mana mitsashpa prestay.
43Kankuna uyashkankichi rimarishka kashkata: “Runa masikichita yuyaychi, kuntraykichitaka chikniychi”.
44Ashwan ñuka kankunata rimani: Yuyaychi kuntraykichita, alita rimaychi maykanmi kankunata kushway riman, ruraychi alita maykanmi kankunata chiknin, mañaychi maykankunami kankunata parisichinahun,
45Chasna rikuchinaykichipa ruranaykichita Yayaykichi Dios awa silupi kawsakshina, paymi llukshichin intita alita rurak runakunarayku, mana alita rurak runakunaraykupas. Chasnallatata tamyatapas kachan alikunarayku mana alikunaraykupas.
46Kankuna yuyashpaykichika maykanllatami munankichi, ¿Ima kushichinashi tiyanka kankunaraykuka? Chasnallatatami uchata rurakkunapas ruranahun.
47Kankuna saludashpaykichika aylluykichillata ¿Shukkunamanta chikantachu rurankichi? ¿Chasnallatata mana kirikkunapas ruranahun?
48Chayrayku kankunaka ali kaychi, imashnami Yayaykichi awa silupi kawsakka kan ali.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company