San Mateo 21
21
Jesuska Jerusalén llaktapi yaykurka
(Mr 11.1-11; Lc 19.28-40; Jn 12.12-19)
1Chaypiña kayllayahushpankuna Jerusalenta, paktarkakuna Betfagé shutiyu llaktapi, Olivos urku mayanpi, chaypi Jesuska kacharka paypa ishkay disipulunkunata. 2Chaypi paykunata rimarka: —Riychi kankunapa kuchuykichipi kahuk llaktama. Chaypi tarinkichi shuk burruta wawanwa pakta watarishka kahukta; paskashpaykichi apamupaychi. 3Maykanpas rimashpanka imata, ayniychi payta: “Yaya Jesusmi munahun, chaywashami kutichikshamunka.”
4Chayka pasashka profetapa rimashkanka paktachirishka kananpa:
5“Rimaychi Sionpa wawanta:
Atun apuykichimi ña shamuhun kankunama,
ali shunkuyu, apak burrupa wawan maltapa awanpi tiyarishpa shamuhun”.
6Chaypiña disipulunkunaka rishpankuna rurarkakuna imashnami Yaya Jesuska kamachirka paykunata: 7Apamurkakuna chay burruta wawanwa pakta, churarkakuna churarinankunata burrupa awanpi, chay awapiña Jesuska tiyarirka. 8Achka runakuna kahushkankunarayku, llachapankunata mantashpa ñanpipi churarkakuna, shukkunaka pankakunata pitishpa mantarkakuna ñanpipi. 9Puntapi rihuk runakuna, washapi shamuhukkunapas kaparishpa rimarkakuna:
“¡Kishpichiy ñukanchita Davidpa wawan!
¡Kushillami kanka maykanmi shamun Yaya Diospa shutinpi!
¡Kishpichiy ñukanchita awa silupi kawsak Yaya Dios!”
10Jesuska yaykushpan Jerusalenpi, tukuy chay llaktapi kawsak runakuna yapa mancharishpankuna tapunakurkakuna: “¿Pitaya kay runaka?”
11Jesuswa shamuhuk runakunaka rimarkakuna: “Kaymi kan Jesús, Galileapi kahuk Nazaretmanta profeta.”
Jesuska Yaya Diospa wasinmanta rantichik runakunata wichurka
(Mr 11.15-19; Lc 19.45-48; Jn 2.13-22)
12Jesuska Yaya Diospa wasinpi yaykushpan, wichurka chaymanta tukuy rantichikkunata chaymanta rantihukkunatapas chay wasimanta. Chaymanta pultyachirka mesankunata kullkita kanpiakkunapata, wiwa mukukuta rantichikkunapa mesankunatapas. 13Chaypi rimarka: —Killkarishkami kahu: “Kay wasinika kan rimarishka mañana wasi”, Kankunaka rurashkankichi kay mañana wasinita shuwakunapa uchkunta.
14Jesuska kahushpanra chay mañana wasipi, shuk wiskukuna mana purinata atipakkunapas payta kayllayarkakuna. Chaypiña paykunata anpirka. 15Chay saserdotekunapa apunkuna, Moisespa killkashkan kamachishkata yachachikkunapas chay mana atipaypakunata rurashkanta rikushpankuna piñarirkakuna. Chaymanta ashwan piñarirkakuna, wawakuna Yaya Diospa wasinpi kaparihushkankunarayku “akuychi kushichishunchi kay ñawpa atun apu Davidpa Miraymanta Kishpichikta” nishpa. Chayta uyashpankuna saserdotekuna piñarirkakuna.
16Chaymanta rimarkakuna Jesusta “¿Uyahunkichu kaykunaka rimahushkankunata?” Jesuska paykunata rimarka: —Ari paykunataka uyahunimi. ¿Kankunaka manachu nima ima uras leyshkankichi:
“Wawakunapa shiminmanta chaymanta chuchukkunamantapas alichashkanki
sumakta kanta kushichinankunapa?”
17Jesuska chay runakunata sakishpan, rirka Betania llaktama, chaypimi puñurka.
Jesuska igu kaspi mana muyuyakta rimarka chakirinanpa
(Mr 11.12-14,20-26)
18Jesuska tutamanta chay llaktama kutishpan, yapa yarkarka.
19Chayllapi rikurka shuk igu kaspita ñanpi kuchupi, chayta kayllayarka. Mana tarishpan nima imata paypi ashwan pankanllata tarishpan kasna rimarka: “¡Kunanmanta pacha manaña muyuyankiñachu!” Chasna rimashpanlla chay ratulla igu kaspika chakirirka.
20Chayta rikushpankuna disipulunkunaka, mancharishpa rimarkakuna: “¿Imashnataya kay igu kaspika shukratustu chakirishka?”
21Jesuska paykunata aynirka: —Shutipata rimaykichi, kankuna alita kirinkichimaka mana sakinkichimaka kirinata ñukapi, mana rurankichimachu kay igu kaspillata, ashwan kay urkutapas kasna rimankichima: “¡Anchuri chaymanta atun yaku marpiña churari!” Chasnami rurarima. 22Kankuna kirinkichimaka, tukuy maykantachari tapunkichi mañahushpaykichi apinkichimi.
Jesuska yachayninmanta tapuy tukurka
(Mr 11.27-33; Lc 20.1-8)
23Jesuska paktashpan Yaya Diospa wasinpi, saserdotekunapa apunkuna chaymanta rukukuna chay llaktamanta kayllayarkakuna payma yachachihushkanpi, chaypi tapurkakuna: “¿Pipa yachayninwata kayta ruranki? ¿Pita kanta kamachishka kayta ruranaykipa?”
24Jesuska aynirka: —Ñukapas kankunata tapushkaykichi. Ayniwashpaykichika, ñukapas kankunata rimashkaykichi pipa yachayninwami rurani tukuy kaykunata. 25¿Pita Juanta kacharka bawtisananpa? ¿Yaya Dioschu shuk runachu payta kachamurka? Chasna Jesús tapushpan chay runakunaka shukwa shukwa tapunakurkakuna. Aynishpanchika “Yaya Diosmi Juanta kacharka” nishpa, Jesuska ñukanchita rimankami Yaya Dios payta kachashka kashpanka ¿imaraykutaya Juanta mana kasushkankichichu? Nishpa. 26Chaymanta aynishpanchika pay kikinllami yuyarishpa Juanka yachachirka nishpa, tukuy runakuna yapa piñarinkakuna. Paykunaka kirinahun Juanka shuk profeta kananta.
27Chasna tapunakushpankuna Jesusta aynirkakuna: “Mana yachanchichu.” Paypas rimarka: “Ñukapas mana rimashkaykichichu pipa yachayninwami tukuy kayta rurani.”
Mana asirtaypa yachakuna ishkay wawakunamanta
28Jesuska paykunata tapurka: —¿Imashnata kankunata rikurin? Shuk runa tiyarka ishkay wawankuna, kayllayashpan puntiru wawanta tapurka: “Wawayni, riy tarawakri uva chakraynipi.” 29Chay puntiru wawan aynirka: “Mana munanichu”; chay washa alicharishpan rirkaña tarawananpa. 30Chay washa, kayllayarka shuk wawantaña, chasnallatata rimarka. Chay wawanka aynirka: “Ari, yayayni, ña rishami;” Chasna rimashpanpas manaña rirkachu. 31¿Maykanta chay ishkantimanta rurashka Yayanpa munashkanta? Paykunaka aynirkakuna: “Chay puntiru wawan.” Chaypi Jesuska rimarka:
—Shutipata rimaykichi, impuestuta kobrakkuna, puta warmikunapas paykunami puntapi kankakuna Yaya Diospa ali kamachinanpi. 32Juanka kankunapi kayllayarka kankunata purichinanpa alipi, mana kirirkankichichu; ashwan inpuestuta kobrakkuna puta warmikunapas kirirkakuna. Kankunaka rikushpaykichipas kayta, mana alicharishkankichichu nima kirirkankichichu.
Mana asirtaypa yachakuna mana ali tarawakkunamanta
(Mr 12.1-12; Lc 20.9-19)
33Uyaychi kay shuk mana asirtaypa yachachinata: —Shuk chakrapa amunka tarpurka uva muyuta; rurarka shuk kinchata, chaypi shuk atun batanta rurarka, chaymanta shuk yapa awa wasita rurachirka, chaymanta chay amunka uva chakranta shuk tarawak runakunata kurka amunshina pichashpa kuyranankunapa. Chay washa rirka karuta. 34Paktashpan pallana punchaka, kacharka disipulunkunata apakrinankunapa chawpita chay pallarishka muyukunata. 35Chaypiña chay tarawakkunaka apirkakuna chay runakunata shuktaka waktarkakuna, chay shuktaka wanchirkakuna, chasna shuktapas rumiwa tuksirkakuna. 36Chay amuka mushumanta kacharka shukkunataña, ashwan puntiru kachashkanmanta, chay tarawakkunaka chasnallatata rurarkakuna paykunatapas.
37Chaymanta, shuklla wawantaña kacharka, rimashpan: “Wawaynitaka manchankakuna.” 38Chay tarawakkunaka rikushpankuna chay wawata, rimarkakuna paykuna pura: “Kay shamuhukmi kan chakra amu kanaka. Akuychi wanchishunchi, chasna kiparishunchi tukuy tiyapushkanwa”. 39Chaymanta, surkushpankuna chay uva chakramanta wañuchirkakuna. 40Chay chakra amuka shamushpan, ¿imatashi rurama chay tarawakunawaka?
41Paykunaka aynirkakuna: “Wañuchinkami mana llakichishpa chay millaypa runakunata, chaymanta kunkami chay uva chakranta shuk tarawakkunataña, maykankunami pallana uras tukuy pallashkankuna muyuta kunkakuna chawpita.”
42Jesuska paykunata rimarka: “¿Nima ima uraschu leyshkankichi killkakunapi: ‘Chay rumi maykantami wasita rurakkunaka wichurkakuna, chayka tukushkami shuk rumi yapa valik. Kaytami rurashka Yaya Dioska, ñukanchi rikushkanchipika kanmi yapa suma?’ 43Kankunata rimani, Yaya Diospa ali kamachinanka kichurinkami kankunamanta kunankunapa chay runakunata maykankunami tarawashpa alita mirachinkakuna. 44Maykanmi urman kay rumi awapi chayka pakirishkami kanka, maykanpimi kay rumika urman awanpi paytaka pulbuktami nitinka”.
45Chaypiña chay saserdotekunapa apunkuna, fariseokunapas uyashkankuna chay mana asirtaypa yachachinanta, asirtarkakuna paykunamanta rimahukta.
46Chayta uyashpankuna munarkakuna Jesusta apinata, yapa mancharkakuna yachashpankuna runakunaka rimapayanahu pay kananta shuk profeta.
Currently Selected:
San Mateo 21: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 21
21
Jesuska Jerusalén llaktapi yaykurka
(Mr 11.1-11; Lc 19.28-40; Jn 12.12-19)
1Chaypiña kayllayahushpankuna Jerusalenta, paktarkakuna Betfagé shutiyu llaktapi, Olivos urku mayanpi, chaypi Jesuska kacharka paypa ishkay disipulunkunata. 2Chaypi paykunata rimarka: —Riychi kankunapa kuchuykichipi kahuk llaktama. Chaypi tarinkichi shuk burruta wawanwa pakta watarishka kahukta; paskashpaykichi apamupaychi. 3Maykanpas rimashpanka imata, ayniychi payta: “Yaya Jesusmi munahun, chaywashami kutichikshamunka.”
4Chayka pasashka profetapa rimashkanka paktachirishka kananpa:
5“Rimaychi Sionpa wawanta:
Atun apuykichimi ña shamuhun kankunama,
ali shunkuyu, apak burrupa wawan maltapa awanpi tiyarishpa shamuhun”.
6Chaypiña disipulunkunaka rishpankuna rurarkakuna imashnami Yaya Jesuska kamachirka paykunata: 7Apamurkakuna chay burruta wawanwa pakta, churarkakuna churarinankunata burrupa awanpi, chay awapiña Jesuska tiyarirka. 8Achka runakuna kahushkankunarayku, llachapankunata mantashpa ñanpipi churarkakuna, shukkunaka pankakunata pitishpa mantarkakuna ñanpipi. 9Puntapi rihuk runakuna, washapi shamuhukkunapas kaparishpa rimarkakuna:
“¡Kishpichiy ñukanchita Davidpa wawan!
¡Kushillami kanka maykanmi shamun Yaya Diospa shutinpi!
¡Kishpichiy ñukanchita awa silupi kawsak Yaya Dios!”
10Jesuska yaykushpan Jerusalenpi, tukuy chay llaktapi kawsak runakuna yapa mancharishpankuna tapunakurkakuna: “¿Pitaya kay runaka?”
11Jesuswa shamuhuk runakunaka rimarkakuna: “Kaymi kan Jesús, Galileapi kahuk Nazaretmanta profeta.”
Jesuska Yaya Diospa wasinmanta rantichik runakunata wichurka
(Mr 11.15-19; Lc 19.45-48; Jn 2.13-22)
12Jesuska Yaya Diospa wasinpi yaykushpan, wichurka chaymanta tukuy rantichikkunata chaymanta rantihukkunatapas chay wasimanta. Chaymanta pultyachirka mesankunata kullkita kanpiakkunapata, wiwa mukukuta rantichikkunapa mesankunatapas. 13Chaypi rimarka: —Killkarishkami kahu: “Kay wasinika kan rimarishka mañana wasi”, Kankunaka rurashkankichi kay mañana wasinita shuwakunapa uchkunta.
14Jesuska kahushpanra chay mañana wasipi, shuk wiskukuna mana purinata atipakkunapas payta kayllayarkakuna. Chaypiña paykunata anpirka. 15Chay saserdotekunapa apunkuna, Moisespa killkashkan kamachishkata yachachikkunapas chay mana atipaypakunata rurashkanta rikushpankuna piñarirkakuna. Chaymanta ashwan piñarirkakuna, wawakuna Yaya Diospa wasinpi kaparihushkankunarayku “akuychi kushichishunchi kay ñawpa atun apu Davidpa Miraymanta Kishpichikta” nishpa. Chayta uyashpankuna saserdotekuna piñarirkakuna.
16Chaymanta rimarkakuna Jesusta “¿Uyahunkichu kaykunaka rimahushkankunata?” Jesuska paykunata rimarka: —Ari paykunataka uyahunimi. ¿Kankunaka manachu nima ima uras leyshkankichi:
“Wawakunapa shiminmanta chaymanta chuchukkunamantapas alichashkanki
sumakta kanta kushichinankunapa?”
17Jesuska chay runakunata sakishpan, rirka Betania llaktama, chaypimi puñurka.
Jesuska igu kaspi mana muyuyakta rimarka chakirinanpa
(Mr 11.12-14,20-26)
18Jesuska tutamanta chay llaktama kutishpan, yapa yarkarka.
19Chayllapi rikurka shuk igu kaspita ñanpi kuchupi, chayta kayllayarka. Mana tarishpan nima imata paypi ashwan pankanllata tarishpan kasna rimarka: “¡Kunanmanta pacha manaña muyuyankiñachu!” Chasna rimashpanlla chay ratulla igu kaspika chakirirka.
20Chayta rikushpankuna disipulunkunaka, mancharishpa rimarkakuna: “¿Imashnataya kay igu kaspika shukratustu chakirishka?”
21Jesuska paykunata aynirka: —Shutipata rimaykichi, kankuna alita kirinkichimaka mana sakinkichimaka kirinata ñukapi, mana rurankichimachu kay igu kaspillata, ashwan kay urkutapas kasna rimankichima: “¡Anchuri chaymanta atun yaku marpiña churari!” Chasnami rurarima. 22Kankuna kirinkichimaka, tukuy maykantachari tapunkichi mañahushpaykichi apinkichimi.
Jesuska yachayninmanta tapuy tukurka
(Mr 11.27-33; Lc 20.1-8)
23Jesuska paktashpan Yaya Diospa wasinpi, saserdotekunapa apunkuna chaymanta rukukuna chay llaktamanta kayllayarkakuna payma yachachihushkanpi, chaypi tapurkakuna: “¿Pipa yachayninwata kayta ruranki? ¿Pita kanta kamachishka kayta ruranaykipa?”
24Jesuska aynirka: —Ñukapas kankunata tapushkaykichi. Ayniwashpaykichika, ñukapas kankunata rimashkaykichi pipa yachayninwami rurani tukuy kaykunata. 25¿Pita Juanta kacharka bawtisananpa? ¿Yaya Dioschu shuk runachu payta kachamurka? Chasna Jesús tapushpan chay runakunaka shukwa shukwa tapunakurkakuna. Aynishpanchika “Yaya Diosmi Juanta kacharka” nishpa, Jesuska ñukanchita rimankami Yaya Dios payta kachashka kashpanka ¿imaraykutaya Juanta mana kasushkankichichu? Nishpa. 26Chaymanta aynishpanchika pay kikinllami yuyarishpa Juanka yachachirka nishpa, tukuy runakuna yapa piñarinkakuna. Paykunaka kirinahun Juanka shuk profeta kananta.
27Chasna tapunakushpankuna Jesusta aynirkakuna: “Mana yachanchichu.” Paypas rimarka: “Ñukapas mana rimashkaykichichu pipa yachayninwami tukuy kayta rurani.”
Mana asirtaypa yachakuna ishkay wawakunamanta
28Jesuska paykunata tapurka: —¿Imashnata kankunata rikurin? Shuk runa tiyarka ishkay wawankuna, kayllayashpan puntiru wawanta tapurka: “Wawayni, riy tarawakri uva chakraynipi.” 29Chay puntiru wawan aynirka: “Mana munanichu”; chay washa alicharishpan rirkaña tarawananpa. 30Chay washa, kayllayarka shuk wawantaña, chasnallatata rimarka. Chay wawanka aynirka: “Ari, yayayni, ña rishami;” Chasna rimashpanpas manaña rirkachu. 31¿Maykanta chay ishkantimanta rurashka Yayanpa munashkanta? Paykunaka aynirkakuna: “Chay puntiru wawan.” Chaypi Jesuska rimarka:
—Shutipata rimaykichi, impuestuta kobrakkuna, puta warmikunapas paykunami puntapi kankakuna Yaya Diospa ali kamachinanpi. 32Juanka kankunapi kayllayarka kankunata purichinanpa alipi, mana kirirkankichichu; ashwan inpuestuta kobrakkuna puta warmikunapas kirirkakuna. Kankunaka rikushpaykichipas kayta, mana alicharishkankichichu nima kirirkankichichu.
Mana asirtaypa yachakuna mana ali tarawakkunamanta
(Mr 12.1-12; Lc 20.9-19)
33Uyaychi kay shuk mana asirtaypa yachachinata: —Shuk chakrapa amunka tarpurka uva muyuta; rurarka shuk kinchata, chaypi shuk atun batanta rurarka, chaymanta shuk yapa awa wasita rurachirka, chaymanta chay amunka uva chakranta shuk tarawak runakunata kurka amunshina pichashpa kuyranankunapa. Chay washa rirka karuta. 34Paktashpan pallana punchaka, kacharka disipulunkunata apakrinankunapa chawpita chay pallarishka muyukunata. 35Chaypiña chay tarawakkunaka apirkakuna chay runakunata shuktaka waktarkakuna, chay shuktaka wanchirkakuna, chasna shuktapas rumiwa tuksirkakuna. 36Chay amuka mushumanta kacharka shukkunataña, ashwan puntiru kachashkanmanta, chay tarawakkunaka chasnallatata rurarkakuna paykunatapas.
37Chaymanta, shuklla wawantaña kacharka, rimashpan: “Wawaynitaka manchankakuna.” 38Chay tarawakkunaka rikushpankuna chay wawata, rimarkakuna paykuna pura: “Kay shamuhukmi kan chakra amu kanaka. Akuychi wanchishunchi, chasna kiparishunchi tukuy tiyapushkanwa”. 39Chaymanta, surkushpankuna chay uva chakramanta wañuchirkakuna. 40Chay chakra amuka shamushpan, ¿imatashi rurama chay tarawakunawaka?
41Paykunaka aynirkakuna: “Wañuchinkami mana llakichishpa chay millaypa runakunata, chaymanta kunkami chay uva chakranta shuk tarawakkunataña, maykankunami pallana uras tukuy pallashkankuna muyuta kunkakuna chawpita.”
42Jesuska paykunata rimarka: “¿Nima ima uraschu leyshkankichi killkakunapi: ‘Chay rumi maykantami wasita rurakkunaka wichurkakuna, chayka tukushkami shuk rumi yapa valik. Kaytami rurashka Yaya Dioska, ñukanchi rikushkanchipika kanmi yapa suma?’ 43Kankunata rimani, Yaya Diospa ali kamachinanka kichurinkami kankunamanta kunankunapa chay runakunata maykankunami tarawashpa alita mirachinkakuna. 44Maykanmi urman kay rumi awapi chayka pakirishkami kanka, maykanpimi kay rumika urman awanpi paytaka pulbuktami nitinka”.
45Chaypiña chay saserdotekunapa apunkuna, fariseokunapas uyashkankuna chay mana asirtaypa yachachinanta, asirtarkakuna paykunamanta rimahukta.
46Chayta uyashpankuna munarkakuna Jesusta apinata, yapa mancharkakuna yachashpankuna runakunaka rimapayanahu pay kananta shuk profeta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company