San Mateo 2
2
Istrillata yachakuk runakuna Jesusta pasyakrirkakuna
1Atun apu Herodes Judea allpapi kamachihushkan uras, Belén llaktapi Jesuska wawayarirka. Inti llukshina kuskamanta istrillata yachakuk runakuna Jerusalén llaktama shamurkakuna. 2Paktashpankuna tapurkakuna: “¿Maypitaya chay atun apuka wawayarishka? Rikushkanchi istrillanta llukshishkanta, inti llukshina partimanta. Chayta rikushpanchi shamuskanchi payta kushichinanchipa”. 3Chayta uyashpan atun apu Herodeska yapa mancharishpan tsala tukurka. Chay Jerusalenpi kawsak runakunapas yapa mancharirkakuna. 4Chaypiña chay Herodeska kayachirka tukuy saserdotekunapa apunkunata Moisespa killkashkanta yachachikunatapas, paykunata tapurka, ¿Maypita wawayarinka Kristuka? 5Chaypiña paykunaka aynirkakuna:
—Kay Judea allpa chawpipi Belén llaktapimi wawayarinka. Chasnami ñawpa profetaka killkarka:
6“Kankuna Belenmanta runakuna, Judea allpamanta, llaktaykichi uchilla kashpanpas, llaktaykichika kanka tukuymanta yapa valik, chay llaktapimi shuk wawaka wawayarinka tukuy Israel runakunata purichinanpa”.
7Chay washa, uyashpan Herodeska pakalla kayachirka chay istrillata yachakukunata. Paykunata alita yachananpa tapurka: ¿Ima urastaya chay istrillaka llukshirka? 8Paykunata kachahushpan rimarka: “Kunanka riychi chay Belén llaktama. Chaypi maskaychi chay wawata. Payta tarishpaykichika rimakshamuwaychi, ñukapas payta kushichikrinaynipa”. 9Uyashkankuna washa atun apupa rimashkanta, istrillata yachakkunaka rirkakuna. Rihushpankuna kutikashka rikurkakuna chay rikushkankuna istrillata. Chay istrillaka paykunapa puntankunapi rirka. Chasna rishpan wawa Jesuspa kahushkan kuska istrillaka shayarirka. 10Paykunaka chay istrillata rikushpankuna yapa atunta kushikurkakuna. 11Chaymanta chay wasipi yaykukrishpankuna rikurkakuna wawata maman Mariawa, chaypiña paykunaka kunkurishpa Jesuspa puntanpi kushichirkakuna, chaypi apamushkankuna kahunta paskashpankuna yapa chaniyuta surkurkakuna, orota, insiensota, mirratapas. 12Chaymanta Yaya Dioska paykunata muskuyninkunapi rimarka mana kutinankunapa Herodesma, Chayrayku paykunaka llaktankunama kutirkakuna shuk ñampitaña.
Joseka Mariawa Egipto llaktama mitikushpa rirkakuna
13Chay istrillata yachakuk runakuna llaktankunama kutishkankunawasha, Yaya Diospa angelka Joseta muskuyninpi rikurishpan rimarka:
“Atariy, wawata apishpayki mamanwa pakta mitikuy Egiptoma, kipariy chaypi rimanaynikama, chay Herodeska maskankami kay wawata wañuchinanpa”. 14Chasna payka likcharishpan tutapi, apishpan wawata mamanwa pakta, rirka Egiptoma. 15Chaypi kawsarkakuna apu Herodeska wañunankama; chasna paktarishka Yaya Diospa ñawpa rimashkanka, imashnami profetaka rimarka kasna: “Egipto allpamanta wawaynita kayarkani”.
Herodeska wañuchichirka wawakunata Belenpi kawsakunata
16Herodeska rikushpan istrillata yachakukunaka llullachishkankunata, yapa piñarirka, chaypiña timputa yuparka imashnami rimarka chay istrillata yachakukunaka, chaywasha suntalunkunata Belén llaktama, kuchunpi kahuk uchilla llaktakunamapas kacharka tukuy manara ishkay watayu kari wawastukunata wañuchinankunapa.
17Chasna paktarirka profeta Jeremiaspa rimashkanka: 18—Ramá llaktapimi yapa llakiywa kaparishpa wakahukkunata uyankakuna; Chayka karkami Raquelpa mirayninkuna sinchita wakarkakuna rikushpankuna wawankuna wañuchiy tukushkankunata. Mana nima pi atiparkachu paykunata kushillayachinata. Wawankunaka ña wañushkanrayku.
19Wañushkanwasha Herodeska, Yaya Diospa angelninka rikurirka muskuyninpi Joseta Egipto allpapi. 20Kasna rimarka: “Atari, chay wawata pushay mamanwa pakta, kutiychi Israelma. Chay wawata wañuchinayak runakunaka ñami wañushkakuna”.
21Chaypiña Joseka atarishpan, pusharka wawata mamanwa pakta kutinankunapa Israelma. 22Ñanpipi rihushpankuna Joseka yachashpan Herodespa wawan Arkelao Judea allpapi kamachik kananta, mancharka Judeama rinata. Yaya Dios muskuyninpi rimashpan Galilea allpamaña rirkakuna. 23Chaypi paktashpankuna rirkakuna Nasaret llaktapi kawsanankunapa. Yaya Diospa yachayninwa ñawpa profetakunaka rimarkakuna maykanmi paktarinan karka, Nasaret llaktapi kawsashkanrayku Jesusta shutiyachinkakuna Nasareno.
Currently Selected:
San Mateo 2: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 2
2
Istrillata yachakuk runakuna Jesusta pasyakrirkakuna
1Atun apu Herodes Judea allpapi kamachihushkan uras, Belén llaktapi Jesuska wawayarirka. Inti llukshina kuskamanta istrillata yachakuk runakuna Jerusalén llaktama shamurkakuna. 2Paktashpankuna tapurkakuna: “¿Maypitaya chay atun apuka wawayarishka? Rikushkanchi istrillanta llukshishkanta, inti llukshina partimanta. Chayta rikushpanchi shamuskanchi payta kushichinanchipa”. 3Chayta uyashpan atun apu Herodeska yapa mancharishpan tsala tukurka. Chay Jerusalenpi kawsak runakunapas yapa mancharirkakuna. 4Chaypiña chay Herodeska kayachirka tukuy saserdotekunapa apunkunata Moisespa killkashkanta yachachikunatapas, paykunata tapurka, ¿Maypita wawayarinka Kristuka? 5Chaypiña paykunaka aynirkakuna:
—Kay Judea allpa chawpipi Belén llaktapimi wawayarinka. Chasnami ñawpa profetaka killkarka:
6“Kankuna Belenmanta runakuna, Judea allpamanta, llaktaykichi uchilla kashpanpas, llaktaykichika kanka tukuymanta yapa valik, chay llaktapimi shuk wawaka wawayarinka tukuy Israel runakunata purichinanpa”.
7Chay washa, uyashpan Herodeska pakalla kayachirka chay istrillata yachakukunata. Paykunata alita yachananpa tapurka: ¿Ima urastaya chay istrillaka llukshirka? 8Paykunata kachahushpan rimarka: “Kunanka riychi chay Belén llaktama. Chaypi maskaychi chay wawata. Payta tarishpaykichika rimakshamuwaychi, ñukapas payta kushichikrinaynipa”. 9Uyashkankuna washa atun apupa rimashkanta, istrillata yachakkunaka rirkakuna. Rihushpankuna kutikashka rikurkakuna chay rikushkankuna istrillata. Chay istrillaka paykunapa puntankunapi rirka. Chasna rishpan wawa Jesuspa kahushkan kuska istrillaka shayarirka. 10Paykunaka chay istrillata rikushpankuna yapa atunta kushikurkakuna. 11Chaymanta chay wasipi yaykukrishpankuna rikurkakuna wawata maman Mariawa, chaypiña paykunaka kunkurishpa Jesuspa puntanpi kushichirkakuna, chaypi apamushkankuna kahunta paskashpankuna yapa chaniyuta surkurkakuna, orota, insiensota, mirratapas. 12Chaymanta Yaya Dioska paykunata muskuyninkunapi rimarka mana kutinankunapa Herodesma, Chayrayku paykunaka llaktankunama kutirkakuna shuk ñampitaña.
Joseka Mariawa Egipto llaktama mitikushpa rirkakuna
13Chay istrillata yachakuk runakuna llaktankunama kutishkankunawasha, Yaya Diospa angelka Joseta muskuyninpi rikurishpan rimarka:
“Atariy, wawata apishpayki mamanwa pakta mitikuy Egiptoma, kipariy chaypi rimanaynikama, chay Herodeska maskankami kay wawata wañuchinanpa”. 14Chasna payka likcharishpan tutapi, apishpan wawata mamanwa pakta, rirka Egiptoma. 15Chaypi kawsarkakuna apu Herodeska wañunankama; chasna paktarishka Yaya Diospa ñawpa rimashkanka, imashnami profetaka rimarka kasna: “Egipto allpamanta wawaynita kayarkani”.
Herodeska wañuchichirka wawakunata Belenpi kawsakunata
16Herodeska rikushpan istrillata yachakukunaka llullachishkankunata, yapa piñarirka, chaypiña timputa yuparka imashnami rimarka chay istrillata yachakukunaka, chaywasha suntalunkunata Belén llaktama, kuchunpi kahuk uchilla llaktakunamapas kacharka tukuy manara ishkay watayu kari wawastukunata wañuchinankunapa.
17Chasna paktarirka profeta Jeremiaspa rimashkanka: 18—Ramá llaktapimi yapa llakiywa kaparishpa wakahukkunata uyankakuna; Chayka karkami Raquelpa mirayninkuna sinchita wakarkakuna rikushpankuna wawankuna wañuchiy tukushkankunata. Mana nima pi atiparkachu paykunata kushillayachinata. Wawankunaka ña wañushkanrayku.
19Wañushkanwasha Herodeska, Yaya Diospa angelninka rikurirka muskuyninpi Joseta Egipto allpapi. 20Kasna rimarka: “Atari, chay wawata pushay mamanwa pakta, kutiychi Israelma. Chay wawata wañuchinayak runakunaka ñami wañushkakuna”.
21Chaypiña Joseka atarishpan, pusharka wawata mamanwa pakta kutinankunapa Israelma. 22Ñanpipi rihushpankuna Joseka yachashpan Herodespa wawan Arkelao Judea allpapi kamachik kananta, mancharka Judeama rinata. Yaya Dios muskuyninpi rimashpan Galilea allpamaña rirkakuna. 23Chaypi paktashpankuna rirkakuna Nasaret llaktapi kawsanankunapa. Yaya Diospa yachayninwa ñawpa profetakunaka rimarkakuna maykanmi paktarinan karka, Nasaret llaktapi kawsashkanrayku Jesusta shutiyachinkakuna Nasareno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company