Mattuw 24
24
Yesu Zɛ̀zyí Akɛ̀kɛ̀ Denmyɛ
1Yesu me táwàwáshidɔ ní dédēwaa u támyɛ yi ya lá, áwátu'a be dò'u ma tà'u ámyīìmyī táwàwáshidɔ. 2U zɛ̀ la, <<Eba, ni wya wú wàhwoila sásá. Ḿ zɛ̀ yí'ni, wa hwoi me gɔ́ zukponu ní yi nati yii beshí'a yɔ̀, wa lò'wa hwoi hwó wè zyoku.>>
3Yesu shí yii ishina gā àwu fyī Oliv, áwátu'a be dò'u kyó má. Wa mbyeshé la, <<Zɛ̀ yí'i dédēwaa sásá wú wàhwoila yi kwò lá, kà wa wú yi kwò ma yi tà dédē bēèbē'o wa ákɛ̀kɛ̀ denmyɛ lá.>>
4Yesu zɛ̀ yí'wa la, <<Ni kó dini, mazyi ni káwa me pazu ní ú byè'ni ní yɔ̀. 5Apanku ndabe hwoi zɛ̀ la, wa hwoi zɛ̀zyí wum, ma be hwoi zɛ̀ la, <Ami gbaa yi Kristi ní!> ma hwoi byè panku ní ndabe. 6Ni hwoi fá kito kɛ̀ bàbà wa ni kà wa tɛ̄ kɛ̀ wàyii benashɔ, dedee ni káwa sázī yɔ̀. U lò kà kén mazyi wu wa hwoila ú sá mamá, ákɛ̀kɛ̀ kà nàtī. 7Àchúpanku wàndabe hwoi bā zyī wa Àchúpanku wàndabe, àchɔ̀ hwoi ba zyī wa àchɔ̀. Ámbwɔ̄ bē yiiní, zyoku sásá hwo yi júùjú. 8Sásá wu wa hwoila hwoi fyì wàkɛ́pyɛ.
9<< Yiibeli, wa hwoi tà'ni fyì makà hwo'ni yi bwā, àchúpanku wàndabe hwoi zé'ni dizyi'm. 10Nyunu li, panku ndabe hwoi me nyàshɔ zyí Shidɔ ní ma hwoi sá diwa bɛfù ma hwoi zé diwa. 11Áwándówyapyɛ̀ àwu zyígé hwoi be ma hwoi byè panku ndabe ni. 12Ishina wúwàbɛbɛ wàhwo buu lá, ashóòshó lò yi tashuma, 13dedee wándó wà ma lò nwúgbā ya kèli, u be yi dò nwàzu. 14Dedee wa hwoi zɛ̀zyí chɔ̀ wu Shidɔ la yi denmyɛ̄ ú lò yi kà áshévyā yi denmyɛ̄ sásá waa kɛ̀kɛ̀ denmyɛ̄ yi bē ni. 15<< Yimamala ni ma wya <wúsɔ́ sā hwoili yii bē wànyɛnyɛ, waa pazukponu yi ndō yɔ̀ lá,> 16Yiibeli, wàhwoi Yahudiya shìshɔ̀ né gā. 17Apazukponu wàyi dɔ tá ndō'a ká tòli be kōlò wúzu yiifu tá yɔ̀ 18Andó wàyii dā yi kàsɛ̄ be wàhwo wúchɛ́'a yɔ̀. 19Nyunu li wándó wà yi wā dì ipyɛ̀ wa wándó wa hwoi yi zyē wàmyɛɛ ma hwoi wya fyì! 20Ni jāndɛ̀ yí Shidɔ la, ni hwoi shè yiifu dédē wōhwɔ̀ kwɛɛ yiifu Nyunu wànghànwū yɔ̀! 21Apanku hwoi wyà fyì buu kágba dédēwaa wa mà denmyɛ lá. 22Wā ma kwá nyunu wa hwoila kàsɛ̄ yɔ̀ ni, pazukponu be yi shí kà yɔ̀, dedee yiishina wándó waa Shidɔ shē lá, u lò nyunuli yi kwákàsɛ̄. 23Yiifu nyunuli, apazu ma zɛ̀'u la,< Wya, Ndótɛpa yi ni!> Kwɛɛ,< U yi mánì!> Ni ká wa zɛ̀ndɛ̀ yɔ̀. 24Dizyi ndótɛpa wúzyīgé wa wándówyàpyɛ̀ wuzyigé hwoi pwèzu makà hwoi sá wu gbàshú buu mazyi wa byè panku kwa wa Shidɔ shē lá ma hwoi sákà ni. 25Wya, m lò kɛ́pyɛ̀ zɛ̀ yi ni.
26<< Yimamala, apazu ma zɛ̀ yi ni la, <U yi mánì, yi sáchɔ́ ,> ni ká ya myɛ̄ yɔ̀; kwɛɛ < U yùyò yiifu tá,> ni ká zɛ̀ndɛ̀ yɔ̀. 27Kwɛina zú kwáàkwá fyù wàyi dà yii zúdɔ gbógbó be yi zyìli yii vyívyò lá, mamá waa kàsɛ Ngo Panku yi yi ní. 28Sásá bē wa kwā ma hwoi ni, ngyífyī hwoi kwazɔ̄ yiibeli.
29Yii niki fyì wu nyunu wa hwoila
<< < nyunu lò yi sèfē,
àsɔ̀ yi mbò gɛ̀ yɔ̀;
áchí zu dɔ hwo kwèkwè,
sásá wu wa hwoi dɔ la hwoi júùjú.>
30<< Yi fu nyunuli wu Ngo Panku yi pwèzu yi dɔ, sásá àchù panku ndabe hwoi shúki. Wa hwoi wya Ngo Panku yi be yiifu bèhwā wàyii dɔ, wa gba, wa gwá wàshuwɔ̀. 31U kà yi chō zyēchɔ̀ mazyi wa nwɛ fyū, wa kà hwoi hwo wándó waa Shidɔ shē lá hwo kwazɔ̄ zu. denmyɛ̄ sásá
32Yimamala, ni fyé wúzu yiibe fyī gbánkòlò, dédēwaa u ma yi chà zyèwú, ni hwoi yìnɔ̀ la, ádɛ̀ɛ́nɔ̀ lò kwò. 33Yimamala, ni ma wya wú hwoila sásá ní, ni hwoi yìnɔ̀ la, ábēèbē Ngo Panku lò be bà'i zɔ yii nūkyɔ́. 34M ngyi zɛ̀ yí'ni byɛ̀, ápanku yi kɛ̀ yɔ̀ gbógbó wú wàhwoila hwoi sá. 35Adɔ wa bēèmyɛ̄ hwoi kɛ̀, dedee ázyí'm yi kè yɔ́.
Apazukponu Yì Nyunu Ábēèbē Kristi Yɔ̀
36<< Apazukponu gba yì kyū kwɛɛ nyunu, ázyēchɔ̀ wa hwoi dɔ dedee kwɛɛ Ngo li, gba yìnɔ̀ bēèbē'a yɔ̀, Ada tànwú'a gbá yìnɔ̀ ní. 37Yiiyi waa u yiifu nyunu àwu Nuhu lá, mamá waa u yi kwò nyunu bēèbē Ngo Panku ní. 38Dédēwaa làpè mwɛ̀ ló yɔ̀ lá, apanku hwoi zyī ma hwoi wa, wánù hwoi sèbā, wa hwo zyēwáwà yi nù, gbógbó nyunu waa Nuhu kà fu kɔ̀; 39dedee wa gba yì wú wàyi sá yɔ̀ gbógbó fyù bē lò wa hwo ya sásá. Mamá waa u yi yi ni nyunu bēèbē Ngo Panku. 40Apa ipyɛ̀ hwoi sá kolo yi dā, wa lò zu yi kōlò chá ya ma hwoi me zu ní. 41Áwáwà ipyɛ̀ hwoi shé kuna, wa lò zū yi kōlò chá ya ma hwoi me zū ní.
42<< Yimamala, ni hwo zu hwali, dizyi ni ba yi nyunu waa Adandō yi be la yɔ̀. 43Dedee ni yìnɔ̀ la: Andó ndó ma yìnɔ̀ la vyú yi bē súnɔ̀, u yi shíli ma lò zú yi hwali ma yi me ndō ni yí vyú u kà ni yɔ̀. 44Yimamala, ni mbyā di ni, dizyi Ango Panku yi bē nyunu waa pazukponu lò nwú sáni yɔ̀.
45<< Ánɔ̄ yí nyà wa bābyɛ̀ makà byɛ̄zú ní, waa wàsendo lò'u kà dóshī nwúnyà wa hwoi fu ndō'a la mazyi u yi wa wúzyī yiifu nyunu gyēgyē? 46U yi sàsà mazyi wàsendo u kàsɛ̄ bē dò nwúnyà yi sá kóló waa wa dà'u ni la. 47M ngyi zɛ̀ yi ni zyibyɛ̀, u lò sásá wu waa u bā la hwoi kwà'u vo. 48Nyunu waa nyàli ma bā nwúwàbɛbɛ ma zɛ̀ yiifu nwú'a la, < Wàsendo'm lò shí myɛ nashɔ,> 49Nyunu u ma tà áwányà wanati fyī, ma yi zyī ma kà yi wā wā wándó wa hwoi wa shā. 50Wàsendo nyàli yi be dédēwaa u sá nwú yi ni yɔ̀ kwɛɛ nyunu waa u yi yìnɔ̀ yɔ̀. 51Wàsendo lò nwúnyà li yi gé wìlìwìlì ma lò nyàli yi kwazɔ̄ wa wándó sá bɛfù, yiibeli, kishèshè wa nyíwàpāàpā.
Currently Selected:
Mattuw 24: WBTP
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria
Mattuw 24
24
Yesu Zɛ̀zyí Akɛ̀kɛ̀ Denmyɛ
1Yesu me táwàwáshidɔ ní dédēwaa u támyɛ yi ya lá, áwátu'a be dò'u ma tà'u ámyīìmyī táwàwáshidɔ. 2U zɛ̀ la, <<Eba, ni wya wú wàhwoila sásá. Ḿ zɛ̀ yí'ni, wa hwoi me gɔ́ zukponu ní yi nati yii beshí'a yɔ̀, wa lò'wa hwoi hwó wè zyoku.>>
3Yesu shí yii ishina gā àwu fyī Oliv, áwátu'a be dò'u kyó má. Wa mbyeshé la, <<Zɛ̀ yí'i dédēwaa sásá wú wàhwoila yi kwò lá, kà wa wú yi kwò ma yi tà dédē bēèbē'o wa ákɛ̀kɛ̀ denmyɛ lá.>>
4Yesu zɛ̀ yí'wa la, <<Ni kó dini, mazyi ni káwa me pazu ní ú byè'ni ní yɔ̀. 5Apanku ndabe hwoi zɛ̀ la, wa hwoi zɛ̀zyí wum, ma be hwoi zɛ̀ la, <Ami gbaa yi Kristi ní!> ma hwoi byè panku ní ndabe. 6Ni hwoi fá kito kɛ̀ bàbà wa ni kà wa tɛ̄ kɛ̀ wàyii benashɔ, dedee ni káwa sázī yɔ̀. U lò kà kén mazyi wu wa hwoila ú sá mamá, ákɛ̀kɛ̀ kà nàtī. 7Àchúpanku wàndabe hwoi bā zyī wa Àchúpanku wàndabe, àchɔ̀ hwoi ba zyī wa àchɔ̀. Ámbwɔ̄ bē yiiní, zyoku sásá hwo yi júùjú. 8Sásá wu wa hwoila hwoi fyì wàkɛ́pyɛ.
9<< Yiibeli, wa hwoi tà'ni fyì makà hwo'ni yi bwā, àchúpanku wàndabe hwoi zé'ni dizyi'm. 10Nyunu li, panku ndabe hwoi me nyàshɔ zyí Shidɔ ní ma hwoi sá diwa bɛfù ma hwoi zé diwa. 11Áwándówyapyɛ̀ àwu zyígé hwoi be ma hwoi byè panku ndabe ni. 12Ishina wúwàbɛbɛ wàhwo buu lá, ashóòshó lò yi tashuma, 13dedee wándó wà ma lò nwúgbā ya kèli, u be yi dò nwàzu. 14Dedee wa hwoi zɛ̀zyí chɔ̀ wu Shidɔ la yi denmyɛ̄ ú lò yi kà áshévyā yi denmyɛ̄ sásá waa kɛ̀kɛ̀ denmyɛ̄ yi bē ni. 15<< Yimamala ni ma wya <wúsɔ́ sā hwoili yii bē wànyɛnyɛ, waa pazukponu yi ndō yɔ̀ lá,> 16Yiibeli, wàhwoi Yahudiya shìshɔ̀ né gā. 17Apazukponu wàyi dɔ tá ndō'a ká tòli be kōlò wúzu yiifu tá yɔ̀ 18Andó wàyii dā yi kàsɛ̄ be wàhwo wúchɛ́'a yɔ̀. 19Nyunu li wándó wà yi wā dì ipyɛ̀ wa wándó wa hwoi yi zyē wàmyɛɛ ma hwoi wya fyì! 20Ni jāndɛ̀ yí Shidɔ la, ni hwoi shè yiifu dédē wōhwɔ̀ kwɛɛ yiifu Nyunu wànghànwū yɔ̀! 21Apanku hwoi wyà fyì buu kágba dédēwaa wa mà denmyɛ lá. 22Wā ma kwá nyunu wa hwoila kàsɛ̄ yɔ̀ ni, pazukponu be yi shí kà yɔ̀, dedee yiishina wándó waa Shidɔ shē lá, u lò nyunuli yi kwákàsɛ̄. 23Yiifu nyunuli, apazu ma zɛ̀'u la,< Wya, Ndótɛpa yi ni!> Kwɛɛ,< U yi mánì!> Ni ká wa zɛ̀ndɛ̀ yɔ̀. 24Dizyi ndótɛpa wúzyīgé wa wándówyàpyɛ̀ wuzyigé hwoi pwèzu makà hwoi sá wu gbàshú buu mazyi wa byè panku kwa wa Shidɔ shē lá ma hwoi sákà ni. 25Wya, m lò kɛ́pyɛ̀ zɛ̀ yi ni.
26<< Yimamala, apazu ma zɛ̀ yi ni la, <U yi mánì, yi sáchɔ́ ,> ni ká ya myɛ̄ yɔ̀; kwɛɛ < U yùyò yiifu tá,> ni ká zɛ̀ndɛ̀ yɔ̀. 27Kwɛina zú kwáàkwá fyù wàyi dà yii zúdɔ gbógbó be yi zyìli yii vyívyò lá, mamá waa kàsɛ Ngo Panku yi yi ní. 28Sásá bē wa kwā ma hwoi ni, ngyífyī hwoi kwazɔ̄ yiibeli.
29Yii niki fyì wu nyunu wa hwoila
<< < nyunu lò yi sèfē,
àsɔ̀ yi mbò gɛ̀ yɔ̀;
áchí zu dɔ hwo kwèkwè,
sásá wu wa hwoi dɔ la hwoi júùjú.>
30<< Yi fu nyunuli wu Ngo Panku yi pwèzu yi dɔ, sásá àchù panku ndabe hwoi shúki. Wa hwoi wya Ngo Panku yi be yiifu bèhwā wàyii dɔ, wa gba, wa gwá wàshuwɔ̀. 31U kà yi chō zyēchɔ̀ mazyi wa nwɛ fyū, wa kà hwoi hwo wándó waa Shidɔ shē lá hwo kwazɔ̄ zu. denmyɛ̄ sásá
32Yimamala, ni fyé wúzu yiibe fyī gbánkòlò, dédēwaa u ma yi chà zyèwú, ni hwoi yìnɔ̀ la, ádɛ̀ɛ́nɔ̀ lò kwò. 33Yimamala, ni ma wya wú hwoila sásá ní, ni hwoi yìnɔ̀ la, ábēèbē Ngo Panku lò be bà'i zɔ yii nūkyɔ́. 34M ngyi zɛ̀ yí'ni byɛ̀, ápanku yi kɛ̀ yɔ̀ gbógbó wú wàhwoila hwoi sá. 35Adɔ wa bēèmyɛ̄ hwoi kɛ̀, dedee ázyí'm yi kè yɔ́.
Apazukponu Yì Nyunu Ábēèbē Kristi Yɔ̀
36<< Apazukponu gba yì kyū kwɛɛ nyunu, ázyēchɔ̀ wa hwoi dɔ dedee kwɛɛ Ngo li, gba yìnɔ̀ bēèbē'a yɔ̀, Ada tànwú'a gbá yìnɔ̀ ní. 37Yiiyi waa u yiifu nyunu àwu Nuhu lá, mamá waa u yi kwò nyunu bēèbē Ngo Panku ní. 38Dédēwaa làpè mwɛ̀ ló yɔ̀ lá, apanku hwoi zyī ma hwoi wa, wánù hwoi sèbā, wa hwo zyēwáwà yi nù, gbógbó nyunu waa Nuhu kà fu kɔ̀; 39dedee wa gba yì wú wàyi sá yɔ̀ gbógbó fyù bē lò wa hwo ya sásá. Mamá waa u yi yi ni nyunu bēèbē Ngo Panku. 40Apa ipyɛ̀ hwoi sá kolo yi dā, wa lò zu yi kōlò chá ya ma hwoi me zu ní. 41Áwáwà ipyɛ̀ hwoi shé kuna, wa lò zū yi kōlò chá ya ma hwoi me zū ní.
42<< Yimamala, ni hwo zu hwali, dizyi ni ba yi nyunu waa Adandō yi be la yɔ̀. 43Dedee ni yìnɔ̀ la: Andó ndó ma yìnɔ̀ la vyú yi bē súnɔ̀, u yi shíli ma lò zú yi hwali ma yi me ndō ni yí vyú u kà ni yɔ̀. 44Yimamala, ni mbyā di ni, dizyi Ango Panku yi bē nyunu waa pazukponu lò nwú sáni yɔ̀.
45<< Ánɔ̄ yí nyà wa bābyɛ̀ makà byɛ̄zú ní, waa wàsendo lò'u kà dóshī nwúnyà wa hwoi fu ndō'a la mazyi u yi wa wúzyī yiifu nyunu gyēgyē? 46U yi sàsà mazyi wàsendo u kàsɛ̄ bē dò nwúnyà yi sá kóló waa wa dà'u ni la. 47M ngyi zɛ̀ yi ni zyibyɛ̀, u lò sásá wu waa u bā la hwoi kwà'u vo. 48Nyunu waa nyàli ma bā nwúwàbɛbɛ ma zɛ̀ yiifu nwú'a la, < Wàsendo'm lò shí myɛ nashɔ,> 49Nyunu u ma tà áwányà wanati fyī, ma yi zyī ma kà yi wā wā wándó wa hwoi wa shā. 50Wàsendo nyàli yi be dédēwaa u sá nwú yi ni yɔ̀ kwɛɛ nyunu waa u yi yìnɔ̀ yɔ̀. 51Wàsendo lò nwúnyà li yi gé wìlìwìlì ma lò nyàli yi kwazɔ̄ wa wándó sá bɛfù, yiibeli, kishèshè wa nyíwàpāàpā.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria