Walawi 7
7
Tambiku ya kuwuzilira
1Malagaliru aga gawera ga tambiku ya kuwuzilira, tambiku ayi iwera nanagala nentu. 2Nkanyama gwa tambiku ya kuwuzilira, hakalikitulwi pahala pawalikitulwa wankanyama wa kulunguziya, mwazi gwakuyi hagumishirwi pashitalawanda sha kutambikira muwega zakuyi zoseri. 3Lipaki lyakuyi lyoseri, lipaki lya mshira pamuhera na galii yagagubika utumbu, havilaviwi na kulunguziwa 4pamuhera na zilii figu mbili na lipaki lyakuyi na seemu ilii iherepa ya matoga. 5Mtambika hakavilunguziyi vintu virii pashitalawanda handa tambiku yakalavilirwa Mtuwa Mlungu kwa motu. Ayi iwera tambiku ya kuwuzilira. 6Wapalu woseri wa kaya ya watambika walekeziwa kuiliya tambiku ayi, kumbiti wafiruwa kuiliya Muliringu Linanagala toziya ndo pahala papawera pananagala. 7Lagiru liwera limu lya kuwuzilira na lilagaliru lya kuwusiya vidoda. Mtambika yakalaviya tambiku ya kukolaniziya mawoku, hakavitoli vinofu avi. 8Mtambika yakalaviya tambiku ya kulunguziya kwajili ya muntu yoseri, hakatoli likuli lya nkanyama yakalaviwa. 9Tambiku yoseri ya viboga yaibanikwa mulitanulu lya motu ama yaitelekwa mushiwiga, tambiku hayiweri ya mtambika yakalaviya. 10Kila tambiku ya viboga payihanganyikitwi na lipaki ama payitelekitwi ndiri, hayiweri ya wana wa Aruni, su woseri walibagulirani teratera.
Malagiru gamonga ga tambiku za ponga
11Malagaliru aga gawera ga tambiku za ponga, zyeni muntu kaweza kumlavilira Mtuwa Mlungu.
12Payiwera muntu kankulaviya tambiku ya ponga ya kulonga mayagashii Mlungu, su hakalaviyi vinofu vya nkanyama pamuhera na maandazi geni ubumu wakuyi ulekerwa ndiri simika na uhanganyikitwi na lipaki, mabumunda yagatyelemekwa lipaki pamuhera na maandazi ga ubumu unama yauhanganyikitwi na lipaki. 13Pamuhera na tambiku yakuyi ayi ya ponga ya kulonga mayagashii Mlungu, yomberi hakajegi maandazi yagalekerwa simika. 14Kulawirana na maandazi aga, yomberi hakamlaviliri Mtuwa Mlungu andazi limu kulawa mukila ntambu msheshi za maandazi, maandazi aga hagaweri ga mtambika yakamishira mwazi gwa tambiku ya ponga pashitalawanda sha kutambikira. 15Vinofu vya tambiku ayi ya ponga na kulonga mayagashii Mlungu, womberi hawailiyi lishaka lilaa ali pawalaviya tambiku. Hapeni kaleki ata seemu yakuyi mpaka mandawira.
16Kumbiti tambiku ayi ya ponga payiwera malawiranu ga kulirapira kwa Mtuwa Mlungu ama ya ntambu hera, tambiku ayi hawailiyi lishaka lilaa ali pawayilaviya na tambiku yaisigala hawawezi kuyiliya shilawu yakuyi. 17Kumbiti tambiku ayi payisigala mpaka lishaka lya tatu, hayilunguziwi. 18Handa vinofu vyoseri vya tambiku ya ponga pawayiliya lishaka lya tatu, hapeni ijimirwi, viraa hapeni iwankwi kwa mota ya muntu yakayilaviya. Vinofu avi viwera nkalaliru na muntu yakavilaya hapeni kalekeziwi likosa lyakuyi.
19Shinofu shoseri sha tambiku ya ponga shashishinkula shintu shihumba, nawashiliya. Shinofu ashi hashilunguziwi kwa motu. Woseri yawawera waherepa waweza kuliya vinofu vyamonga 20vyavilaviwa tambiku ya ponga kwa Mtuwa Mlungu. Kumbiti muntu yoseri yakawera muhumba, pakaliya vinofu avi vya tambiku ya ponga, yomberi hakatulwi gweka kulawa kwa wantu wakuyi. 21Handa muntu yoseri pakashinkula shintu shoseri shashiwera shihumba, ama shintu shihumba kulawa kwa muntu, ama nkanyama yakawera muhumba, ama shintu shoseri shihumba shashiwera shikalaliru, pakaliya vinofu vya tambiku ya ponga yakavilitwi Mtuwa Mlungu, muntu ayu hakatulwi gweka kulawa kwa wantu wakuyi.
22Mtuwa Mlungu kamgambiriti kayi Musa, 23guwagambiri wana wa Israeli, namliya lipaki lyoseri lya ngo'mbi ama lya kondolu ama lya mbuzi. 24Lipaki lyoseri lya nkanyama yakafuwiti mweni ama nkanyama yakalaguwitwi na nkanyama gwa kuntundu, viweza kutuluwa kwa vitwatira vyamonga, kumbiti nakamu namuliya. 25Muntu yoseri yakaliya lipaki lya nkanyama yakalaviwitwi kwa Mtuwa Mlungu kwa motu, yomberi hakatulwi gweka kulawa kwa wantu wakuyi. 26Kayi nakamu namuliya mwazi goseri gulii, mwazi gwa mpongu ama gwa nkanyama pahala poseri pamulikala. 27Muntu yoseri yakaguliya mwazi, muntu ayu hakatulwi gweka kulawa kwa wantu wakuyi.
28Mtuwa Mlungu kamgambiriti Musa,
29guwagambiri wantu wa Israeli hangu, Muntu yoseri pakalaviya tambiku ya ponga kwa Mtuwa Mlungu, yomberi hakampanani Mtuwa Mlungu seemu ya tambiku ayi. 30Hakamjegeri kwa mawoku gakuyi mweni handa tambiku ya kulunguziya kwa motu. Viraa hakajegi lipaki lyakuyi pamuhera na mbavi hakavinyasuli kumpindi su kulanguziya kankumlavilira Mtuwa Mlungu. 31Mtambika hakalilunguziyi lipaki ali pashitalawanda sha kutambikira, kumbiti luwavu haluweri lwa Aruni pamuhera na wana wakuyi. 32Liwondu lya kumliwu lya kumbeli lya nkanyama gwa tambiku za mwenga za ponga hamumpanani mtambika. 33Liwondu lya kumliwu ali haliweri lya mtambika yakawera mwana gwa Aruni yakalaviya mwazi gwa tambiku ya ponga na lipaki lyakuyi. 34Mtuwa Mlungu kawalagalira wantu wa Israeli watuli gweka luwavu alu na liwondu ali lya nkanyama gwa tambiku zawu za ponga, wampanani mtambika Aruni pamuhera na wana wakuyi, toziya seemu ayi watulilwa watambika mashaka goseri. 35Seemu ayi ndo ilii yayitulitwi gweka kwajili ya Aruni pamuhera na wana wakuyi kulawa mutambiku zyakalavilirwa Mtuwa Mlungu kwa motu, kwanjira lishaka lyawatyekitwi kwa kuswagwa lipaki kuwera watambika wa Mtuwa Mlungu. 36Pawatyekitwi kwa kuswagwa lipaki, Mtuwa Mlungu kawalagaliriti wana Israeli wawapanani seemu ayi ya tambiku, toziya hayiweri seemu yawu mashaka goseri.
37Su aga ndo malagalira ga tambiku ya kulunguziya, tambiku ya viboga na tambiku ya kuwusiya vidoda na tambiku ya kuwuzilira na tambiku lya kutyekuwa na tambiku ya ponga. 38Mtuwa Mlungu kampananiti Musa malagaliru aga mulugongu lwa Sinayi lishaka lilii pakawalagaliriti wantu wa Israeli wamjegeri tambiku zawu, kulii kushiwala sha Sinayi.
Currently Selected:
Walawi 7: PBV
Highlight
Share
Copy
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Walawi 7
7
Tambiku ya kuwuzilira
1Malagaliru aga gawera ga tambiku ya kuwuzilira, tambiku ayi iwera nanagala nentu. 2Nkanyama gwa tambiku ya kuwuzilira, hakalikitulwi pahala pawalikitulwa wankanyama wa kulunguziya, mwazi gwakuyi hagumishirwi pashitalawanda sha kutambikira muwega zakuyi zoseri. 3Lipaki lyakuyi lyoseri, lipaki lya mshira pamuhera na galii yagagubika utumbu, havilaviwi na kulunguziwa 4pamuhera na zilii figu mbili na lipaki lyakuyi na seemu ilii iherepa ya matoga. 5Mtambika hakavilunguziyi vintu virii pashitalawanda handa tambiku yakalavilirwa Mtuwa Mlungu kwa motu. Ayi iwera tambiku ya kuwuzilira. 6Wapalu woseri wa kaya ya watambika walekeziwa kuiliya tambiku ayi, kumbiti wafiruwa kuiliya Muliringu Linanagala toziya ndo pahala papawera pananagala. 7Lagiru liwera limu lya kuwuzilira na lilagaliru lya kuwusiya vidoda. Mtambika yakalaviya tambiku ya kukolaniziya mawoku, hakavitoli vinofu avi. 8Mtambika yakalaviya tambiku ya kulunguziya kwajili ya muntu yoseri, hakatoli likuli lya nkanyama yakalaviwa. 9Tambiku yoseri ya viboga yaibanikwa mulitanulu lya motu ama yaitelekwa mushiwiga, tambiku hayiweri ya mtambika yakalaviya. 10Kila tambiku ya viboga payihanganyikitwi na lipaki ama payitelekitwi ndiri, hayiweri ya wana wa Aruni, su woseri walibagulirani teratera.
Malagiru gamonga ga tambiku za ponga
11Malagaliru aga gawera ga tambiku za ponga, zyeni muntu kaweza kumlavilira Mtuwa Mlungu.
12Payiwera muntu kankulaviya tambiku ya ponga ya kulonga mayagashii Mlungu, su hakalaviyi vinofu vya nkanyama pamuhera na maandazi geni ubumu wakuyi ulekerwa ndiri simika na uhanganyikitwi na lipaki, mabumunda yagatyelemekwa lipaki pamuhera na maandazi ga ubumu unama yauhanganyikitwi na lipaki. 13Pamuhera na tambiku yakuyi ayi ya ponga ya kulonga mayagashii Mlungu, yomberi hakajegi maandazi yagalekerwa simika. 14Kulawirana na maandazi aga, yomberi hakamlaviliri Mtuwa Mlungu andazi limu kulawa mukila ntambu msheshi za maandazi, maandazi aga hagaweri ga mtambika yakamishira mwazi gwa tambiku ya ponga pashitalawanda sha kutambikira. 15Vinofu vya tambiku ayi ya ponga na kulonga mayagashii Mlungu, womberi hawailiyi lishaka lilaa ali pawalaviya tambiku. Hapeni kaleki ata seemu yakuyi mpaka mandawira.
16Kumbiti tambiku ayi ya ponga payiwera malawiranu ga kulirapira kwa Mtuwa Mlungu ama ya ntambu hera, tambiku ayi hawailiyi lishaka lilaa ali pawayilaviya na tambiku yaisigala hawawezi kuyiliya shilawu yakuyi. 17Kumbiti tambiku ayi payisigala mpaka lishaka lya tatu, hayilunguziwi. 18Handa vinofu vyoseri vya tambiku ya ponga pawayiliya lishaka lya tatu, hapeni ijimirwi, viraa hapeni iwankwi kwa mota ya muntu yakayilaviya. Vinofu avi viwera nkalaliru na muntu yakavilaya hapeni kalekeziwi likosa lyakuyi.
19Shinofu shoseri sha tambiku ya ponga shashishinkula shintu shihumba, nawashiliya. Shinofu ashi hashilunguziwi kwa motu. Woseri yawawera waherepa waweza kuliya vinofu vyamonga 20vyavilaviwa tambiku ya ponga kwa Mtuwa Mlungu. Kumbiti muntu yoseri yakawera muhumba, pakaliya vinofu avi vya tambiku ya ponga, yomberi hakatulwi gweka kulawa kwa wantu wakuyi. 21Handa muntu yoseri pakashinkula shintu shoseri shashiwera shihumba, ama shintu shihumba kulawa kwa muntu, ama nkanyama yakawera muhumba, ama shintu shoseri shihumba shashiwera shikalaliru, pakaliya vinofu vya tambiku ya ponga yakavilitwi Mtuwa Mlungu, muntu ayu hakatulwi gweka kulawa kwa wantu wakuyi.
22Mtuwa Mlungu kamgambiriti kayi Musa, 23guwagambiri wana wa Israeli, namliya lipaki lyoseri lya ngo'mbi ama lya kondolu ama lya mbuzi. 24Lipaki lyoseri lya nkanyama yakafuwiti mweni ama nkanyama yakalaguwitwi na nkanyama gwa kuntundu, viweza kutuluwa kwa vitwatira vyamonga, kumbiti nakamu namuliya. 25Muntu yoseri yakaliya lipaki lya nkanyama yakalaviwitwi kwa Mtuwa Mlungu kwa motu, yomberi hakatulwi gweka kulawa kwa wantu wakuyi. 26Kayi nakamu namuliya mwazi goseri gulii, mwazi gwa mpongu ama gwa nkanyama pahala poseri pamulikala. 27Muntu yoseri yakaguliya mwazi, muntu ayu hakatulwi gweka kulawa kwa wantu wakuyi.
28Mtuwa Mlungu kamgambiriti Musa,
29guwagambiri wantu wa Israeli hangu, Muntu yoseri pakalaviya tambiku ya ponga kwa Mtuwa Mlungu, yomberi hakampanani Mtuwa Mlungu seemu ya tambiku ayi. 30Hakamjegeri kwa mawoku gakuyi mweni handa tambiku ya kulunguziya kwa motu. Viraa hakajegi lipaki lyakuyi pamuhera na mbavi hakavinyasuli kumpindi su kulanguziya kankumlavilira Mtuwa Mlungu. 31Mtambika hakalilunguziyi lipaki ali pashitalawanda sha kutambikira, kumbiti luwavu haluweri lwa Aruni pamuhera na wana wakuyi. 32Liwondu lya kumliwu lya kumbeli lya nkanyama gwa tambiku za mwenga za ponga hamumpanani mtambika. 33Liwondu lya kumliwu ali haliweri lya mtambika yakawera mwana gwa Aruni yakalaviya mwazi gwa tambiku ya ponga na lipaki lyakuyi. 34Mtuwa Mlungu kawalagalira wantu wa Israeli watuli gweka luwavu alu na liwondu ali lya nkanyama gwa tambiku zawu za ponga, wampanani mtambika Aruni pamuhera na wana wakuyi, toziya seemu ayi watulilwa watambika mashaka goseri. 35Seemu ayi ndo ilii yayitulitwi gweka kwajili ya Aruni pamuhera na wana wakuyi kulawa mutambiku zyakalavilirwa Mtuwa Mlungu kwa motu, kwanjira lishaka lyawatyekitwi kwa kuswagwa lipaki kuwera watambika wa Mtuwa Mlungu. 36Pawatyekitwi kwa kuswagwa lipaki, Mtuwa Mlungu kawalagaliriti wana Israeli wawapanani seemu ayi ya tambiku, toziya hayiweri seemu yawu mashaka goseri.
37Su aga ndo malagalira ga tambiku ya kulunguziya, tambiku ya viboga na tambiku ya kuwusiya vidoda na tambiku ya kuwuzilira na tambiku lya kutyekuwa na tambiku ya ponga. 38Mtuwa Mlungu kampananiti Musa malagaliru aga mulugongu lwa Sinayi lishaka lilii pakawalagaliriti wantu wa Israeli wamjegeri tambiku zawu, kulii kushiwala sha Sinayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.