Yoshuwa 19
19
Isi yawapanuwitwi likabila lya Simioni
1Simbi ya pili ipatiti nkolu za likabila lya Simoni na semu yawu ya isi iweriti izyengetwa na ilii ya likabila lya Yuda. 2Likabila lya Simoni lipatiti miji ya Beeri Sheba, Sheba na Molada 3Hasarishuali na Bala na Esemu, 4Elitoladi na Betuli na Horima, 5Sikilagi na Beti marikaboti na Hasari susa, 6Betilebaoti na Sharuheni. Walanga ya miji yawapananitwi ndo lilongu na mitatu pamuhera na vijiji vyakuwi. 7Viraa kuweriti na miji ya Aini na rimoni na Eteri na Ashani. Walanga ya miji yawapananitwi ndo msheshi pamuhera na vijiji vyakuwi. 8Pamuhera na vijiji vyoseri vyavizyengetiti miji ayi mpaka Baalatibeeri, ama Rama ya Negebu. Zoseri azi ndo seemu yazipananitwi nkolu za likabila lya Simoni. 9Toziya enewu lyalipananitwi likabila lya Yuda liweriti likulu kuliku likabila ali ntambu yalifiriti, seemu ya enewu lyakuyi lipananitwi likabila lya Simoni.
Isi yawapananitwi likabila lya Zebuloni
10Simbi ya tatu izipatiti likabila lya Zebuloni. Enewu lawu lieneyiti mpaka Saridi. 11Kulawa aku mbaka yakuwi igenditi kwaguzyeta mshenji mpaka Mareali, ipita kumpeku mwa Dabesheti na kugenda kulushemba lwaluwera kwagulawa mshenji mwa Yokineamu. 12Kulawa Saridi, mbaka ayi igenditi kwagulawa mshenji mpaka kumbaka ya Kisilotitabori na kulawa aku ipita Daberati mpaka Yafia. 13Kulawa Yafia igenditi kwagulawa mshenji mpaka Gati heferi na Etikasini na kwendeleya mpaka Rimoni aku ikweniti kugenda neya. 14Uwega wa kushana mbaka igalambukira kugenda Hanatoni na kupelera kulularanda lwa Yifitaheli. 15Gongelera Miji ya Katati na Nahalali na Shimroni na Yidala na Beti lehemu. Walanga ya miji yawapananitwi ndo lilongu na miwili pamuhera na vijiji vyakuwi. 16Ayi ndo semu yazipananitwi nkolu za likabila lya Zebuloni miji ayi pamuhera na vijiji vyakuwi.
Isi ya likabila lya Isakari
17Simbi ya msheshi izipatiti kolu za likabila lya Isakari. 18Enewu lilii liweriti na miji ya Yezireeli na Kesuloti na Shunemu, 19Hafaraimu na Shioni na Anaharati, 20Rabiti na kishioni na Ebesi, 21Remeti na Eniganimu na Enihada na Betipasesi. 22Ntambu iraa, mbaka yawu isokiti Tabori na Shahasuma, na Beti shemeshi kupelera lushemba Yoridani. Walanga ya miji yawapananitwi ndo lilongu na sita pamuhera na vijiji vyakuwi 23Azi ndo semu yazipananuwitwi nkolu za likabila lya Isakari, miji ayi pamuhera na vijiji vyakuwi.
Isi ya likabila lya Asheri
24Simbi ya mhanu izipatiti nkolu za likabila lya Asheri. 25Enewu lya isi yawu iweriti na miji ya Helikati na Hali na beteni na Akishafi, 26Alameleki na Amadi na Mishali. Kwa Uwega wa kwaguzyeta mshenji mpaka gushing'ulaniti na lugongu Karimeri na Shihori libinati. 27Shakapanu igalambuka kugenda kwagulawa mshenji Beti Dagoni kweni ishinkulana na Zeburoni na lularanda lwa Ifutaheli. Shakapanu iendereya kushana mpaka Beti emeki na Neieli mpaka Kabuli, 28Ebuloni na Rehobu na Hamoni na Kana mpaka Sidoni mkulu. 29Panu, mbaka igalambukiriti kugenda Rama na kusoka kumji gwa Tiro yaguweriti na liboma. Shakapanu igalambukira kugenda Hosa na kupelera kubahali ya Medeteraniya. Miji imonga yaiweriti ndo Maharabu na Akizibu, 30Uma Afeka na Rehobu. Walanga ya miji yawapananitwi ndo lilongu na miwili pamuhera na vijiji vyakuwi. 31Seemu azi ndo zipananitwi kolu za likabila lya Asheri, miji ayi pamuhera na vijiji vyakuwi.
Isi ya likabila lya Nafutali
32Simbi ya sita izipatiti Kolu za likabila lya Nafutali. 33Mbaka yakuwi iyanjiliti Helefu na mwaloni gwa Zaananimu, ipita Adaminekebu na Yabineeli mpaka Lakumu na kupelera kulushemba Yoridani. 34Kulawa panu mbaka igenditi kwaguzyeta mshenji kugenda Azinoti tabori, kulawa aku igenda Hukoki na kushinkulana na pembi ya kusika ya enewu lya likabila lya Zebuloni, shakapanu na enewu lya likabila lya Asheri uwega wa kwaguzyeta mshenji na kushinkulana na enewu lya Yuda. Kwa uwega wa kwagulawa mshenji mbaka iyingira kulushemba Yoridani. 35Miji yawu iweriti na liboma ndo Zidimu na Zeri na Hamati na Rakati na Kinereti, 36Adama na Rama na Hazori, 37Kadeshi na Edirei na Eni hazori, 38Yironi na Migida leli na Horemu na Beti anati na Beti shemeshi. Walanga ya miji yawapananitwi ndo lilongu na tisa pamuhera na vijiji vyakuwi. 39Azi ndo semu zipananuwitwi nkolu za likabila lya Nafutali, miji ayi pamuhera na vijiji vyakuwi.
Isi ya likabila lya Dani
40Simbi ya saba izipatiti nkolu za likabila lya Dani. 41Enewu lya isi yawu iweriti na miji ya Sora na Eshitaoli na Iri shemesi 42Shaalabini na Aiyaloni na Yitila, 43Eloni na Timuna na Ekroni 44Eliteki na Gibetoni na Baalati, 45Yehudi na Beneberaki na Gatirimoni, 46Meyarikoni na Rakoni na isi yaiweriti pakwegera na Yopa. 47Wantu wa likabila lya Dani iweriti vikammala kwa womberi kuyitola isi yawapananitwi, hangu wagalambukiti na wagenditi na kugukomanga mji gwa Leshemu. Wagukankiti na kugutola kwa makakala, na pa kuwalaga wenikaya wakuwi woseri, wagukolitimlima shapanu wagalambula litawu lya mji agu kuwera Dani, litawu ali liweriti ndo lya mbuyi gwawu. 48Azi ndo semu yazipananitwi nkolu za likabila lya Dani, miji ayi pamuhera na vijiji vyakuwi.
Ubagulanga wa Upeleru
49Pawamaliriti kubagulana semu zoseri za isi, Waisraeli wampananiti Yoshuwa, mwana gwa Nuni, semu yakuwi pakati pawu. 50Kulinganira na amuri ya Mtuwa Mlungu wampananiti mji gulii gwakagusyaguliti mweni, gweni Timinatisera, agu guweriti muisi ya vigongu vya Efraimu. Na Yoshuwa kagunyawiti kwa syayi mji agu na kulikala amu.
51Su, Mtambika Eleazari na Yoshuwa, mwana gwa Nuni, pamuhera na walongoziya wa makabila ga Waisraeli wabaguliti semu azi kwa kugalambura simbi kulongolu kwa Mtuwa Mlungu paligomi lya liringu lya kuliwona aku Shilu. Su wamalira kuyibagula isi.
Currently Selected:
Yoshuwa 19: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.