Lyanjiru 38
38
Yuda na Tamali
1Shaka shilii Yuda kawalekiti walongu wakuyi, kagenditi kulikala na muntu yumu lushi lwa Adulami, litawu lyakuyi Hira. 2Pakaweriti aku, Yuda kamwoniti muhinga gwa Shuwa muntu gwa Kanaani, kamuyugiti 3na yomberi kapatiti yinda kamwiwula mwana mpalu. Yuda kamshemiti litawu Eli. 4Mdala ulii kapatiti yinda imonga, kamwiwula mwana mpalu, kamshema Onani. 5Shakapanu kapatiti mwana yumonga mpalu kamshema Shela. Shela pakiwiyukiti, Yuda kaweriti lushi lwa Kezibu.
6Yuda kamuyugira mdala Eli mwana gwakuyi shipanta njira, mdala ayu litawu lyakuyi Tamali. 7Kumbiti Eli shipanta njira gwa Yuda, kaweriti mkondola kulongolu kwa Mlungu, su Mlungu kamlagiti. 8Shakapanu Yuda kamgambiriti Onani, “Gumtoli mdala gwa mlongu gwakuyi yakahowiti toziya ifiruwa gutendi hangu su gupati kumwiyulira wana mlongu gwaku.” 9Kumbiti Onani kavimaniti kuwera wana awa mewaweri ndiri wakuyi, su pakagonjiti na mdala gwa mlongu gwakuyi, kitiki ulenji wakuyi kunja nakiza kumpanana wana mlongu gwakuyi. 10Shitwatira ashi shakatenditi yomberi shimkalaziyiti Mtuwa, su Mtuwa Mlungu kamlagiti Onani vilaa. 11Shakapanu Yuda kamgambiriti Tamali, mdala gwa mwana gwakuyi, “Guwuyi ukaya kwa tati gwaku gusigali mkenja mpaka mwana gwangu Shela pakakula.” Yuda katakuliti hangu toziya katiriti Shela nakahowa gambira walongu wakuyi. Su Tamali kawuyiti ukaya kwa tati gwakuyi.
12Pashaka shivuwa, mdala gwa Yuda muhinga gwa Shuwa kahowiti. Yuda pakamliliti kudaya shiwembu, kawukiti pamuhera na Hila muntu gwa Adulami ganja gwakuyi, wagenditi Timina kwa wamoga mibahila ya wakondolu wakuyi. 13Muntu yumu kamgambiriti Tamali, “Mganafu gwakuyi kaweriti munjira kugenda Timina kumoga mibahila ya wakondolu wakuyi,” 14yomberi kavaliti nguwu zakuyi za ukenja na kuligubika nguwu yaishemwa shela, shakapanu kalikaliti paligomi likulu lya kwingira Enaimu, shijiji shashiweriti munjira kugenda Timina. Yomberi katenditi hangu toziya kawoniti kuwera Shela kaweriti kala mkulu, kumbiti Tamali kamyugisiya ndiri kaweri mdala gwakuyi. 15Su Yuda pakamwoniti Tamali pahala palii, kaliholiti kuwera mdala mndiyandiya, toziya yomberi kaligibikiriti sheni shakuwi. 16Yuda pota kuvimana kuwera yomberi kaweriti mganafu gwakuyi, su kamgenderiti kumbwega kunjira kulii, kamgambiriti, “Nfira kugonja na gwenga.”
Tamali kamkosiya, “Hagumpanani shishi panjimira?”
17Yuda kamwankula, “Hanikupanani mwana gwa mbuzi kulawa mushipinga shangu.”
Tamali kamgambira, “Gutuli poni kulanguziya kuwera hagunjegeri mwana gwa mbuzi.”
18Yuda kamkosiya, “Gufira nikupanani shishi shiweri poni?”
Na yomberi kamwankula, “Gumpanani peti ayi pamuhera na lugoyi lwakuyi na luhonga lwagukola.” Su Yuda kampananiti vintu vyoseri avi, shakapanu kagonjiti nayu. Tamali kapatiti yinda. 19Su Tamali kawuyiti ukaya, kavula shela ilii yakaligibikiriti na kavaliti kayi nguwu yakuwi ya ukenja.
20Yuda pakamlagaliriti Mwadulami ganja gwakuyi, kamjegeri mdala ulii mwana gwa mbuzi su kamwuzilili poni vyakamlekeriti, kumbiti Hila kamwoniti ndiri. 21Hila kawakosiyiti wenikaya wa Enaimu, “Kakoshi mdala ulii mndiyandiya yakaweriti kumbwega kunjira pakwegera na panu?”
Womberi wamwankula, “Panu hapeniweri na mdala mndiyandiya.”
22Su yomberi kawuyiti kwa Yuda na kamgambira, “Nimwona ndiri. Viraa wenikaya kulii wang'ambira kuwera hapeniweri mdala mndiyandiya yoseri kulii.”
23Yuda kalonga, “Guleki kavitoli vintu avi, hera hangu hakatutendi watuseki. Gwenga gamweni guwona kuwera nimjegeriti mwana gwa mbuzi kumbiti gumwona ndiri.”
24Pa myezi mitatu, Yuda kagambiritwi, “Tamali mganafu gwaku kawera mndiyandiya, malawiranu gakuyi vinu kana yinda.”
Su Yuda kalagalira, wamlaviyi kunja kalunguziwi motu kahowi.
25Pawaweriti wangumlaviya kunja, Tamali katumiti ujumbi kwa mganafu gwakuyi, pakalonga, “Yakawera na vintu avi ndo yakampananiti yinda.” Su nduwa, “Gummani yakawera na peti ayi na lugoyi lwakuyi pamuhera na lukongoshu alu.” 26Yuda kaviyambuliti vintu virii, kalonga, “Tamali muheri kuliku neni. Nakaka neni nimyugisiya ndiri kwa Shela mwana gwangu.” Kwanjira lishaka lilii Yuda kagonjiti kayi ndiri na Tamali.
27Shaka shakuwi sha kwiyula mwana pashisokiti, imanika kuwera kaweriti na yinda mawira. 28Su pakaweriti na utama wa kwiyura, mawira yumu kalaviyiti liwoku, su makolu kamtawiti uzi msheri, pakalonga, “Ayu ndo shipanta njira.” 29Kumbiti mwana ayu pakawuziyiti liwoku lyakuyi mngati, mlongu gwakuyi kiwuyikiti kwanja. Makolu ulii kalonga, “Ayi ndo ntambu yagulawiti kwa makakala!” Su wamshema Peresi. 30Shakapanu mlongu gwakuyi kiyukiti pakawera na uzi msheri muliwoku lyakuyi na yomberi wamshema Zera. Kwa Shiebrania Zera mana yakuwi kalawiti kwa makakala.
Currently Selected:
Lyanjiru 38: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Lyanjiru 38
38
Yuda na Tamali
1Shaka shilii Yuda kawalekiti walongu wakuyi, kagenditi kulikala na muntu yumu lushi lwa Adulami, litawu lyakuyi Hira. 2Pakaweriti aku, Yuda kamwoniti muhinga gwa Shuwa muntu gwa Kanaani, kamuyugiti 3na yomberi kapatiti yinda kamwiwula mwana mpalu. Yuda kamshemiti litawu Eli. 4Mdala ulii kapatiti yinda imonga, kamwiwula mwana mpalu, kamshema Onani. 5Shakapanu kapatiti mwana yumonga mpalu kamshema Shela. Shela pakiwiyukiti, Yuda kaweriti lushi lwa Kezibu.
6Yuda kamuyugira mdala Eli mwana gwakuyi shipanta njira, mdala ayu litawu lyakuyi Tamali. 7Kumbiti Eli shipanta njira gwa Yuda, kaweriti mkondola kulongolu kwa Mlungu, su Mlungu kamlagiti. 8Shakapanu Yuda kamgambiriti Onani, “Gumtoli mdala gwa mlongu gwakuyi yakahowiti toziya ifiruwa gutendi hangu su gupati kumwiyulira wana mlongu gwaku.” 9Kumbiti Onani kavimaniti kuwera wana awa mewaweri ndiri wakuyi, su pakagonjiti na mdala gwa mlongu gwakuyi, kitiki ulenji wakuyi kunja nakiza kumpanana wana mlongu gwakuyi. 10Shitwatira ashi shakatenditi yomberi shimkalaziyiti Mtuwa, su Mtuwa Mlungu kamlagiti Onani vilaa. 11Shakapanu Yuda kamgambiriti Tamali, mdala gwa mwana gwakuyi, “Guwuyi ukaya kwa tati gwaku gusigali mkenja mpaka mwana gwangu Shela pakakula.” Yuda katakuliti hangu toziya katiriti Shela nakahowa gambira walongu wakuyi. Su Tamali kawuyiti ukaya kwa tati gwakuyi.
12Pashaka shivuwa, mdala gwa Yuda muhinga gwa Shuwa kahowiti. Yuda pakamliliti kudaya shiwembu, kawukiti pamuhera na Hila muntu gwa Adulami ganja gwakuyi, wagenditi Timina kwa wamoga mibahila ya wakondolu wakuyi. 13Muntu yumu kamgambiriti Tamali, “Mganafu gwakuyi kaweriti munjira kugenda Timina kumoga mibahila ya wakondolu wakuyi,” 14yomberi kavaliti nguwu zakuyi za ukenja na kuligubika nguwu yaishemwa shela, shakapanu kalikaliti paligomi likulu lya kwingira Enaimu, shijiji shashiweriti munjira kugenda Timina. Yomberi katenditi hangu toziya kawoniti kuwera Shela kaweriti kala mkulu, kumbiti Tamali kamyugisiya ndiri kaweri mdala gwakuyi. 15Su Yuda pakamwoniti Tamali pahala palii, kaliholiti kuwera mdala mndiyandiya, toziya yomberi kaligibikiriti sheni shakuwi. 16Yuda pota kuvimana kuwera yomberi kaweriti mganafu gwakuyi, su kamgenderiti kumbwega kunjira kulii, kamgambiriti, “Nfira kugonja na gwenga.”
Tamali kamkosiya, “Hagumpanani shishi panjimira?”
17Yuda kamwankula, “Hanikupanani mwana gwa mbuzi kulawa mushipinga shangu.”
Tamali kamgambira, “Gutuli poni kulanguziya kuwera hagunjegeri mwana gwa mbuzi.”
18Yuda kamkosiya, “Gufira nikupanani shishi shiweri poni?”
Na yomberi kamwankula, “Gumpanani peti ayi pamuhera na lugoyi lwakuyi na luhonga lwagukola.” Su Yuda kampananiti vintu vyoseri avi, shakapanu kagonjiti nayu. Tamali kapatiti yinda. 19Su Tamali kawuyiti ukaya, kavula shela ilii yakaligibikiriti na kavaliti kayi nguwu yakuwi ya ukenja.
20Yuda pakamlagaliriti Mwadulami ganja gwakuyi, kamjegeri mdala ulii mwana gwa mbuzi su kamwuzilili poni vyakamlekeriti, kumbiti Hila kamwoniti ndiri. 21Hila kawakosiyiti wenikaya wa Enaimu, “Kakoshi mdala ulii mndiyandiya yakaweriti kumbwega kunjira pakwegera na panu?”
Womberi wamwankula, “Panu hapeniweri na mdala mndiyandiya.”
22Su yomberi kawuyiti kwa Yuda na kamgambira, “Nimwona ndiri. Viraa wenikaya kulii wang'ambira kuwera hapeniweri mdala mndiyandiya yoseri kulii.”
23Yuda kalonga, “Guleki kavitoli vintu avi, hera hangu hakatutendi watuseki. Gwenga gamweni guwona kuwera nimjegeriti mwana gwa mbuzi kumbiti gumwona ndiri.”
24Pa myezi mitatu, Yuda kagambiritwi, “Tamali mganafu gwaku kawera mndiyandiya, malawiranu gakuyi vinu kana yinda.”
Su Yuda kalagalira, wamlaviyi kunja kalunguziwi motu kahowi.
25Pawaweriti wangumlaviya kunja, Tamali katumiti ujumbi kwa mganafu gwakuyi, pakalonga, “Yakawera na vintu avi ndo yakampananiti yinda.” Su nduwa, “Gummani yakawera na peti ayi na lugoyi lwakuyi pamuhera na lukongoshu alu.” 26Yuda kaviyambuliti vintu virii, kalonga, “Tamali muheri kuliku neni. Nakaka neni nimyugisiya ndiri kwa Shela mwana gwangu.” Kwanjira lishaka lilii Yuda kagonjiti kayi ndiri na Tamali.
27Shaka shakuwi sha kwiyula mwana pashisokiti, imanika kuwera kaweriti na yinda mawira. 28Su pakaweriti na utama wa kwiyura, mawira yumu kalaviyiti liwoku, su makolu kamtawiti uzi msheri, pakalonga, “Ayu ndo shipanta njira.” 29Kumbiti mwana ayu pakawuziyiti liwoku lyakuyi mngati, mlongu gwakuyi kiwuyikiti kwanja. Makolu ulii kalonga, “Ayi ndo ntambu yagulawiti kwa makakala!” Su wamshema Peresi. 30Shakapanu mlongu gwakuyi kiyukiti pakawera na uzi msheri muliwoku lyakuyi na yomberi wamshema Zera. Kwa Shiebrania Zera mana yakuwi kalawiti kwa makakala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.