Kulawa 4
4
Mlungu kankumpanana Musa uwezu wa kutenda mawuzawuza
1Musa kawankula, “Hayiweri hashi wantu wa Israeli pawanjimira ndiri ama kutenda shanuwagambira? Hayiweri hashi pawalonga, Mtuwa Mlungu kakulawira ndiri.” 2Mtuwa Mlungu kamgambira, “Guloli shintu shagukola uliwoku lyaku. Gukola shishi? Yomberi kawankula, luhonga lwa kutyangira.” 3Mtuwa Mlungu kamgambira, “Gulwasi pasi!” Su Musa kalwasa pasi, luhonga lugalambuka kuwera njoka! Musa kasintuka kwa kumtira njoka. 4Kumbiti Mtuwa Mlungu kamgambira Musa, “Gulitalipisiyi liwoku lyaku, gumkoli mshira gwakuyi!” Su yomberi kalitalapisiya liwoku lyakuyi, kamkamuliti njoka ulii na njoka kagalambuka kawera luhonga kayi.
5Mtuwa Mlungu kamgambira, “Gutendi ntambu iraa ayi kulongolu kwa wantu wa Israeli. Su womberi waweza kujimira kuwera Mtuwa Mlungu, Mlungu ulii gwa wambuyi waku Abrahamu na Isaka na Yakubu yawamguwiriti, nakaka kakulawiriti.”
6Mtuwa kamgambiriti kayi Musa, “Gutuli liwoku lyaku munguwu mkati pashifuwa shaku!” Yomberi katenditi, kumbiti pakalilaviyiti, yomberi kalikangashiti, liwoku lyakuyi liweriti lifufu. Liweriti na ulweri wa lukuli lya nshimba wautenditwi kuwera ufufu mbuu. 7Shakapanu Mlungu kalonga, “Gutuli kayi liwoku lyaku munguwu mkati pashifuwa paku!” Musa kalituliti, pakalilaviyiti kayi kalikangasha liweriti gambira kwanja kwa ntambu yakuwi munshimba. 8Mlungu kamgambira Musa, “Guweza kutenda hangu viraa kulongolu kwa wantu wa Israeli. Handa pawajimira ndiri shagutakula toziya wawona liwuzawuza lya kwanja, womberi hawajimiri pagutenda liwuzawuza lya pili. 9Handa pawajimira ndiri ama pawatenda ndiri shagutakula, ata pagutenda kala mawuzawuza mawili aga, guteki mashi kulawa lushemba lwa Naili na gwiti pasi. Pagutenda hangu, mashi yagwititi pasi hagagalambuki kuwera mwazi.”
10Musa kamwankula, “Gwee Mtuwa Mlungu, naguntuma neni. Neni nana shibaba! Neni weza ndiri kuwankula kwanjira makashu na panu paguyowera na neni! Neni weza ndiri kutakula weri, neni weza kutakula mpolimpoli ng'anji.” 11Shakapanu Mtuwa Mlungu kamgambiriti yomberi, “Ilanguziya gulyaluwa gaa yakawatenditi wantu wawezi kutakula! Hashi, gaa yakamtenda muntu kawezi ndiri kutakula ama kupikanira ama kuwona? Ndo neni Mtuwa Mlungu! 12Su gwanji gugenda muisi Misri, neni hanukutangi gutakuli na hanukugambiri shagufiruwa kutakula.” 13Kumbiti yomberi kawankula, “Gwee Mtuwa Mlungu, shondi shondi, gumtumi muntu yumonga pa neni!”
14Shakapanu Mtuwa Mlungu kamkalariti nentu Musa. Kamgambiriti, “Hashi, gwahera mlongu gwaku Aruni gwa shiyiwuku sha Lawi viraa? Nivimana kuwera yomberi kaweza kutakula weri. Yomberi kamunjira kwiza, vinu hakanemeleri nentu kuliwona na gwenga. 15Haguyoweri na yomberi na kumgambira shilii shaguakula, neni hanuwatangi woseri kuvimana shilii sha kutakula. Hanuwagambiri woseri shitwatira sha kutenda. 16Aruni hakakutakuliri kwa wantu wa Israeli, yomberi hakaweri mtakula gwaku na gwenga haguweri mfanu gwa Mlungu kwakuyi. 17Naguleka kutola luhonga alu lwa kutyangira mumawoku mwaku, toziya hagulutenderi mawuzawuza.”
Musa kankuwuya muisi ya Misri
18Musa kawuyiti kwa Yetiru mganafu gwakuyi, kamgambiriti yomberi, “Shondi shondi, gundekeziyi mbuyi muisi ya Misri, kuwawona walongu wangu wantu wa Israeli kulii. Nfira kuvimana handa wankali wakomu.” Yetiru kamgambiriti Musa, “Gugendi, Mlungu kakupanani ponga ya mumoyu.”
19Mtuwa Mlungu kamgambiriti Musa pamberi pa kuwuka Midiyani, “Haguwezi kuwuya nyanyi muisi ya Misri toziya wantu yawahepiriti kukulaga vinu wahowa kala.” 20Su Musa kamtola mdala gwakuyi pamuhera na wananguta wakuyi, kawakweniziya pa punda, wawuyiti kugenda muisi ya Misri. Na Musa kalutoliti muliwoku lwakuyi luhonga Mlungu lyakamgambiriti kalutoli.
21Mtuwa Mlungu kamgambiriti Musa, “Paguwuya muisi ya Misri, guweri na unakaka kutenda mawuzawuza goseri kuwera nikupanana makakala ga kutenda, uganu Falawu pakalola. Kumbiti neni hanimtendi kaweri mtiti, malawiranu gakuyi hakalemi kuwalekeziya wantu wa Israeli wawuki kulawa muisi ya Misri. 22Shakapanu gumgambiri Falawu, hangu ndo ntambu yakatakuliti Mtuwa Mlungu, wantu wa Israeli nuwafira nentu gambira wana shipanta njira. 23Nukugambiriti guwalekeziyi wantu wangu kuwuka muisi ya Misri, su womberi wawezi kunguwira neni kushiwala. Handa pagulema kuwalekeziya, nukuberiziya hanimlagi mwana shipanta njira gwaku.”
Zipora kamwingiziya jandu mwana gwakuyi mpalu
24Pashiru pamu pawaweriti wagonjera mwanja kugenda muisi ya Misri, Mtuwa Mlungu kamlawiriti Musa. Kafiliti kumlaga Musa toziya kajimiriti ndiri lagaliru lyakuyi lya kuwingiziya jandu wana wapalu. 25Su Zipola katoliti libuwi likola, kamwingiyiti jandu mwana gwakuyi. Shakapanu kashinkula magulu ga mwana gwakuyi kwa shipandi sha lukuli shakashilikuliti, yomberi kalongiti, “Kupitira kwingiziwa jandu, gwenga guwera mpalu gwangu nakaka.” 26Zipora kamgambiriti Musa, “Vinu gwa nyanyi toziya gwingiziwa jandu.” Su Mtuwa Mlungu kamtenduwa ndiri mwana gwakuyi.
27Mtuwa Mlungu kamgambiriti Aruni, “Gugendi kushiwala gwakaliwoni na Musa.” Su yomberi kagenditi aku kulawa muisi ya Misri na kaliwoniti na Musa kulii Sinayi, kulugongu lwa Mlungu, kamlamsiya kwa kumkisikira. 28Musa kamgambiriti Aruni kila shintu shakagambirituwi na Mtuwa Mlungu kuusu kuwuya muisi ya Misri. Viraa kamgambiriti Aruni goseri kuusu mawuzawuza Mtuwa Mlungu gakamgambiriti kugatenda.
29Shakapanu Musa na Aruni wawuyiti kugenda muisi ya Misri. Kulii wawajojoniriti wakulu woseri wa wantu wa Israeli. 30Aruni kawagambiriti visoweru vyoseri Mtuwa Mlungu vyakamlagaliriti Musa, Musa katenditi mawuzawuza goseri kulongolu kwa wantu uganu pawalola. 31Womberi wajimiriti kuwera shilii shawatakuliti shanakaka. Womberi pawapikaniriti kuwera Mtuwa Mlungu kawona wantu wa Israeli ntambu yawatabisiwa nentu, su kankugenda kuwatanga, womberi wasuntamiti makukama na kumguwira Mtuwa Mlungu.
Currently Selected:
Kulawa 4: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Kulawa 4
4
Mlungu kankumpanana Musa uwezu wa kutenda mawuzawuza
1Musa kawankula, “Hayiweri hashi wantu wa Israeli pawanjimira ndiri ama kutenda shanuwagambira? Hayiweri hashi pawalonga, Mtuwa Mlungu kakulawira ndiri.” 2Mtuwa Mlungu kamgambira, “Guloli shintu shagukola uliwoku lyaku. Gukola shishi? Yomberi kawankula, luhonga lwa kutyangira.” 3Mtuwa Mlungu kamgambira, “Gulwasi pasi!” Su Musa kalwasa pasi, luhonga lugalambuka kuwera njoka! Musa kasintuka kwa kumtira njoka. 4Kumbiti Mtuwa Mlungu kamgambira Musa, “Gulitalipisiyi liwoku lyaku, gumkoli mshira gwakuyi!” Su yomberi kalitalapisiya liwoku lyakuyi, kamkamuliti njoka ulii na njoka kagalambuka kawera luhonga kayi.
5Mtuwa Mlungu kamgambira, “Gutendi ntambu iraa ayi kulongolu kwa wantu wa Israeli. Su womberi waweza kujimira kuwera Mtuwa Mlungu, Mlungu ulii gwa wambuyi waku Abrahamu na Isaka na Yakubu yawamguwiriti, nakaka kakulawiriti.”
6Mtuwa kamgambiriti kayi Musa, “Gutuli liwoku lyaku munguwu mkati pashifuwa shaku!” Yomberi katenditi, kumbiti pakalilaviyiti, yomberi kalikangashiti, liwoku lyakuyi liweriti lifufu. Liweriti na ulweri wa lukuli lya nshimba wautenditwi kuwera ufufu mbuu. 7Shakapanu Mlungu kalonga, “Gutuli kayi liwoku lyaku munguwu mkati pashifuwa paku!” Musa kalituliti, pakalilaviyiti kayi kalikangasha liweriti gambira kwanja kwa ntambu yakuwi munshimba. 8Mlungu kamgambira Musa, “Guweza kutenda hangu viraa kulongolu kwa wantu wa Israeli. Handa pawajimira ndiri shagutakula toziya wawona liwuzawuza lya kwanja, womberi hawajimiri pagutenda liwuzawuza lya pili. 9Handa pawajimira ndiri ama pawatenda ndiri shagutakula, ata pagutenda kala mawuzawuza mawili aga, guteki mashi kulawa lushemba lwa Naili na gwiti pasi. Pagutenda hangu, mashi yagwititi pasi hagagalambuki kuwera mwazi.”
10Musa kamwankula, “Gwee Mtuwa Mlungu, naguntuma neni. Neni nana shibaba! Neni weza ndiri kuwankula kwanjira makashu na panu paguyowera na neni! Neni weza ndiri kutakula weri, neni weza kutakula mpolimpoli ng'anji.” 11Shakapanu Mtuwa Mlungu kamgambiriti yomberi, “Ilanguziya gulyaluwa gaa yakawatenditi wantu wawezi kutakula! Hashi, gaa yakamtenda muntu kawezi ndiri kutakula ama kupikanira ama kuwona? Ndo neni Mtuwa Mlungu! 12Su gwanji gugenda muisi Misri, neni hanukutangi gutakuli na hanukugambiri shagufiruwa kutakula.” 13Kumbiti yomberi kawankula, “Gwee Mtuwa Mlungu, shondi shondi, gumtumi muntu yumonga pa neni!”
14Shakapanu Mtuwa Mlungu kamkalariti nentu Musa. Kamgambiriti, “Hashi, gwahera mlongu gwaku Aruni gwa shiyiwuku sha Lawi viraa? Nivimana kuwera yomberi kaweza kutakula weri. Yomberi kamunjira kwiza, vinu hakanemeleri nentu kuliwona na gwenga. 15Haguyoweri na yomberi na kumgambira shilii shaguakula, neni hanuwatangi woseri kuvimana shilii sha kutakula. Hanuwagambiri woseri shitwatira sha kutenda. 16Aruni hakakutakuliri kwa wantu wa Israeli, yomberi hakaweri mtakula gwaku na gwenga haguweri mfanu gwa Mlungu kwakuyi. 17Naguleka kutola luhonga alu lwa kutyangira mumawoku mwaku, toziya hagulutenderi mawuzawuza.”
Musa kankuwuya muisi ya Misri
18Musa kawuyiti kwa Yetiru mganafu gwakuyi, kamgambiriti yomberi, “Shondi shondi, gundekeziyi mbuyi muisi ya Misri, kuwawona walongu wangu wantu wa Israeli kulii. Nfira kuvimana handa wankali wakomu.” Yetiru kamgambiriti Musa, “Gugendi, Mlungu kakupanani ponga ya mumoyu.”
19Mtuwa Mlungu kamgambiriti Musa pamberi pa kuwuka Midiyani, “Haguwezi kuwuya nyanyi muisi ya Misri toziya wantu yawahepiriti kukulaga vinu wahowa kala.” 20Su Musa kamtola mdala gwakuyi pamuhera na wananguta wakuyi, kawakweniziya pa punda, wawuyiti kugenda muisi ya Misri. Na Musa kalutoliti muliwoku lwakuyi luhonga Mlungu lyakamgambiriti kalutoli.
21Mtuwa Mlungu kamgambiriti Musa, “Paguwuya muisi ya Misri, guweri na unakaka kutenda mawuzawuza goseri kuwera nikupanana makakala ga kutenda, uganu Falawu pakalola. Kumbiti neni hanimtendi kaweri mtiti, malawiranu gakuyi hakalemi kuwalekeziya wantu wa Israeli wawuki kulawa muisi ya Misri. 22Shakapanu gumgambiri Falawu, hangu ndo ntambu yakatakuliti Mtuwa Mlungu, wantu wa Israeli nuwafira nentu gambira wana shipanta njira. 23Nukugambiriti guwalekeziyi wantu wangu kuwuka muisi ya Misri, su womberi wawezi kunguwira neni kushiwala. Handa pagulema kuwalekeziya, nukuberiziya hanimlagi mwana shipanta njira gwaku.”
Zipora kamwingiziya jandu mwana gwakuyi mpalu
24Pashiru pamu pawaweriti wagonjera mwanja kugenda muisi ya Misri, Mtuwa Mlungu kamlawiriti Musa. Kafiliti kumlaga Musa toziya kajimiriti ndiri lagaliru lyakuyi lya kuwingiziya jandu wana wapalu. 25Su Zipola katoliti libuwi likola, kamwingiyiti jandu mwana gwakuyi. Shakapanu kashinkula magulu ga mwana gwakuyi kwa shipandi sha lukuli shakashilikuliti, yomberi kalongiti, “Kupitira kwingiziwa jandu, gwenga guwera mpalu gwangu nakaka.” 26Zipora kamgambiriti Musa, “Vinu gwa nyanyi toziya gwingiziwa jandu.” Su Mtuwa Mlungu kamtenduwa ndiri mwana gwakuyi.
27Mtuwa Mlungu kamgambiriti Aruni, “Gugendi kushiwala gwakaliwoni na Musa.” Su yomberi kagenditi aku kulawa muisi ya Misri na kaliwoniti na Musa kulii Sinayi, kulugongu lwa Mlungu, kamlamsiya kwa kumkisikira. 28Musa kamgambiriti Aruni kila shintu shakagambirituwi na Mtuwa Mlungu kuusu kuwuya muisi ya Misri. Viraa kamgambiriti Aruni goseri kuusu mawuzawuza Mtuwa Mlungu gakamgambiriti kugatenda.
29Shakapanu Musa na Aruni wawuyiti kugenda muisi ya Misri. Kulii wawajojoniriti wakulu woseri wa wantu wa Israeli. 30Aruni kawagambiriti visoweru vyoseri Mtuwa Mlungu vyakamlagaliriti Musa, Musa katenditi mawuzawuza goseri kulongolu kwa wantu uganu pawalola. 31Womberi wajimiriti kuwera shilii shawatakuliti shanakaka. Womberi pawapikaniriti kuwera Mtuwa Mlungu kawona wantu wa Israeli ntambu yawatabisiwa nentu, su kankugenda kuwatanga, womberi wasuntamiti makukama na kumguwira Mtuwa Mlungu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.