Kulawa 30
30
Shitalawanda sha kutambikira sha kutumiziya ubani
Kulawa 37:25-28
1Hagunyawi shitalawanda sha kutambikira kwa mbawu za mtera gwa mjohoru, su paweri pahala pa kutumiziya ubani. 2Shitalawanda ashi utali wakuyi na upana wakuyi uweri teratera, utali na upana wakuyi uweri sentimita malongu tisa. Magoli gakuyi ga kumpindi gaweri shintu shimu na shitalawanda sha kutambikira. 3Shitalawanda sha kutambikira shoseri hagushityemeleki zahabu iherepa, uwega wakuyi wa kupindi na wega zakuwi zoseri za kumbwega na magoli gakuyi hagugatyemeleki kwa zahabu. 4Hagushinyawili peti mbili za zahabu na kuzitula pasi ya ukingu wakuyi muwega mbili zyaziwera pakwegera, peti hazi hazitenderuwi kupapira mipiku shaka sha kushipapa. 5Mipiku ayi iweri ya mtera gwa mjoholu na guityemeleki zahabu. 6Shitalawanda ashi shituluwi kulongolu kwa lipaziya mumbwega mwa lisanduku lya lipatanu, kulongolu pahala pa kulekeziya vidoda kweni aku hanuliwoni na gwenga. 7Kila lishaka Aruni pakingira kuvitandira vikoluboyi palii, yomberi hakatumiziyi ubani yauwera na ununkira uherepa pashitalawanda ashi. 8Kayi hakatumiziyi ubani shaka sha pamihi pakawasha vikoluboyi. Tambiku ayi ya ubani hailaviwi mashaka goseri pota kulekuwa muviyiwuku vyenu vyoseri. 9Pashitalawanda ashi nakamu namtumiziya ubani yauwera ndiri mnanagala, ama namlaviya tambiku ya kulunguziya ama tambiku ya viboga ama kumiminira tambiku ya virandu. 10Aruni hakatendi ukolaniziwu pamagoli ga shitalawanda ashi mala yimu kwa vinja. Yomberi hakaikolaniziwu kwa mwazi gwa tambiku ya kuwusiya vidoda mala yimu kila vinja muviyiwuku vyenu vyoseri toziya shitalawanda sha kutambikira shiwera shinanagala nentu kwaneni Mtuwa Mlungu.
Kodi
11Mtuwa Mlungu kamgambiriti Musa, 12Pamuwawalanga wantu wa Israeli, kila muntu hakalipi kodi kwajili ya makaliru gakuyi kulongolu kwa neni su napawera malweli madoda pakati pawu shaka sha kuwalangwa. 13Kila yumu yakawalanguwa kafiruwa kalipi mpiya shyasi sha vipimu vya Liringu Linanagala. 14Kila yumu yakawalanguwa, kwanjira umuli wa vinja malongu na mbili kafiruwa hakandaviliri kodi ayi. 15Mlunda nakalaviya ng'anji na muhushu nakalaviya kidogu ya kodi shaka pamundavilira tambiku ayi ya kukolaniziya. 16Gwenga hagwanki mpiya azi za kukolaniziya kulawa kwa wantu wa Israeli na gwenga haguitenderi kwa lihengu lya Liringu Linanagala na ayi iweri liholu kwa Wantu wa Israeli kulongolu kwaneni, kuwatenda wananagala mumakaliru genu.
Libeseni likulu lya shaba
17Mtuwa Mlungu kamgambiriti Musa, 18hagunyawi libeseni likulu lya shaba lya kunawira lyaliwera na shikaliru sha shaba, gulituli pakati pa Liringu Linanagala na shitalawanda sha kutambikira na kulilekera mashi. 19Aruni pamuhera na wana wakuyi hawagatenderi mashi aga kwa kunawira mawoku na magulu, 20pakwingira Muliringu Linanagala ama kwiza pakwegera na shitalawanda sha kutambikira su kunavilira tambiku neni Mtuwa Mlungu, tambiku zyazilaviwa kwa motu, hawatendi hangu nawiza kuhowa. 21Ifiruwa wanawi mawoku na magulu gawu su nawiza kuhowa. Ayi hayiweri lilagaliru lya mashaka goseri kwa womberi, kwanjira Aruni pamuhera na shileri shakuwi, shiyiwuku na shiyiwuku.
Lipaki lya kutyekuwa
22Mtuwa Mlungu kamgambira Musa, 23hagutoli viwungu viherepa avi, lipaki lya ungombu gwa mtera yagushemuwa manimani kilu sita na mdalasini yauwera na unukira uherepa kilu ntatu na miguwa yaiwera na ununkira uherepa kilu ntatu, 24na ntambu zimonga za mdalasini zyazishemuwa kida kilu sita, vipimu avi vyoseri vilawirani na vipimu vya Liringu Linanagala, gutoli viraa lita za msheshi za lipaki. 25Kulawirana na viungu avi haunyawi lipaki linanagala gulihanganiki ntambu yawatenda mafundi wa utuli, aga hagatendeki kutyeka vintu. 26Shakapanu lipaki ali haguliminiri Liringu Linanagala na Lisanduku lya Lipatanu, 27shitalawanda pamuhera na vyombu vyakuwi vyoseri, shintambi sha shikoluboyi na vyombu vyakuwi, shitalawanda sha kutambikira sha kutumiziya ubani, 28shitalawanda sha kutambikira sha tambiku za kulunguziya pamuhera na vyombu vyakuwi vyoseri, libeseni likulu na likaliru lyakuyi. 29Haguvityeki su viweri vinanagala nentu. Shoseri shashivishinkula vyombu avi hashiweri shinanagala. 30Shakapanu gumswagi lipaki Aruni pamuhera na wana wakuyi kuwatyeka su wantenderi gambira watambika. 31Guwagambiri wantu wa Israeli kuwera aga hagaweri lipaki lyaneni linanagala lya kuswaga muvileri vya mwenga vyoseri. 32Lipaki ali nakamu nakamiminirwa muntu yoseri yakawera ndiri mtambika, viraa naganyawiwa lipaki lyamonga lya ntambu ayi, ali liwera lipaki linanagala na lifiruwa liweri linanagala mashaka goseri kwa mwenga. 33Yoseri yakanyawa lipaki gambira ali, ama kumswaga muntu yakawera ndiri mtambika, muntu ayu hakatulwi gweka kutali kulawa kwa wantu wakuyi.
Ubani
34Mtuwa Mlungu kamgambiriti Musa, hagutoli vipimu vyaviwera teratera vya viungu vinoga avi, utuli wa natafi na utuli wa shekeleti na utuli wa kelibena na ubani uherepa. 35Hagutenderi vintu avi kunyawira ubani gambira mafundi ntambu yawanyawa utuli, gutuli munu gupati kuwera uherepa na unanagala. 36Shakapanu gusagi na kutenda ubumu unama, upati kutenderwa Muliringu Linanagala na kulityelemeka Lisanduku lya Lipatanu, pahala paniliwona na gwenga, agu hauweri ubani unanagala nentu kwa mwenga. 37Nakamu namuutendera ubani yawuhanganikitwi hangu kwa vitwatira vyenu maweni tembera ubani awu hauweri unanagala kulongolu kwa neni. 38Yoseri yakalinyawira ubani wa ntambu ayi na kuwutendera gambira utuli wakuyi mweni, yomberi hakatulwi gweka kutali na wantu wakuyi.
Currently Selected:
Kulawa 30: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.
Kulawa 30
30
Shitalawanda sha kutambikira sha kutumiziya ubani
Kulawa 37:25-28
1Hagunyawi shitalawanda sha kutambikira kwa mbawu za mtera gwa mjohoru, su paweri pahala pa kutumiziya ubani. 2Shitalawanda ashi utali wakuyi na upana wakuyi uweri teratera, utali na upana wakuyi uweri sentimita malongu tisa. Magoli gakuyi ga kumpindi gaweri shintu shimu na shitalawanda sha kutambikira. 3Shitalawanda sha kutambikira shoseri hagushityemeleki zahabu iherepa, uwega wakuyi wa kupindi na wega zakuwi zoseri za kumbwega na magoli gakuyi hagugatyemeleki kwa zahabu. 4Hagushinyawili peti mbili za zahabu na kuzitula pasi ya ukingu wakuyi muwega mbili zyaziwera pakwegera, peti hazi hazitenderuwi kupapira mipiku shaka sha kushipapa. 5Mipiku ayi iweri ya mtera gwa mjoholu na guityemeleki zahabu. 6Shitalawanda ashi shituluwi kulongolu kwa lipaziya mumbwega mwa lisanduku lya lipatanu, kulongolu pahala pa kulekeziya vidoda kweni aku hanuliwoni na gwenga. 7Kila lishaka Aruni pakingira kuvitandira vikoluboyi palii, yomberi hakatumiziyi ubani yauwera na ununkira uherepa pashitalawanda ashi. 8Kayi hakatumiziyi ubani shaka sha pamihi pakawasha vikoluboyi. Tambiku ayi ya ubani hailaviwi mashaka goseri pota kulekuwa muviyiwuku vyenu vyoseri. 9Pashitalawanda ashi nakamu namtumiziya ubani yauwera ndiri mnanagala, ama namlaviya tambiku ya kulunguziya ama tambiku ya viboga ama kumiminira tambiku ya virandu. 10Aruni hakatendi ukolaniziwu pamagoli ga shitalawanda ashi mala yimu kwa vinja. Yomberi hakaikolaniziwu kwa mwazi gwa tambiku ya kuwusiya vidoda mala yimu kila vinja muviyiwuku vyenu vyoseri toziya shitalawanda sha kutambikira shiwera shinanagala nentu kwaneni Mtuwa Mlungu.
Kodi
11Mtuwa Mlungu kamgambiriti Musa, 12Pamuwawalanga wantu wa Israeli, kila muntu hakalipi kodi kwajili ya makaliru gakuyi kulongolu kwa neni su napawera malweli madoda pakati pawu shaka sha kuwalangwa. 13Kila yumu yakawalanguwa kafiruwa kalipi mpiya shyasi sha vipimu vya Liringu Linanagala. 14Kila yumu yakawalanguwa, kwanjira umuli wa vinja malongu na mbili kafiruwa hakandaviliri kodi ayi. 15Mlunda nakalaviya ng'anji na muhushu nakalaviya kidogu ya kodi shaka pamundavilira tambiku ayi ya kukolaniziya. 16Gwenga hagwanki mpiya azi za kukolaniziya kulawa kwa wantu wa Israeli na gwenga haguitenderi kwa lihengu lya Liringu Linanagala na ayi iweri liholu kwa Wantu wa Israeli kulongolu kwaneni, kuwatenda wananagala mumakaliru genu.
Libeseni likulu lya shaba
17Mtuwa Mlungu kamgambiriti Musa, 18hagunyawi libeseni likulu lya shaba lya kunawira lyaliwera na shikaliru sha shaba, gulituli pakati pa Liringu Linanagala na shitalawanda sha kutambikira na kulilekera mashi. 19Aruni pamuhera na wana wakuyi hawagatenderi mashi aga kwa kunawira mawoku na magulu, 20pakwingira Muliringu Linanagala ama kwiza pakwegera na shitalawanda sha kutambikira su kunavilira tambiku neni Mtuwa Mlungu, tambiku zyazilaviwa kwa motu, hawatendi hangu nawiza kuhowa. 21Ifiruwa wanawi mawoku na magulu gawu su nawiza kuhowa. Ayi hayiweri lilagaliru lya mashaka goseri kwa womberi, kwanjira Aruni pamuhera na shileri shakuwi, shiyiwuku na shiyiwuku.
Lipaki lya kutyekuwa
22Mtuwa Mlungu kamgambira Musa, 23hagutoli viwungu viherepa avi, lipaki lya ungombu gwa mtera yagushemuwa manimani kilu sita na mdalasini yauwera na unukira uherepa kilu ntatu na miguwa yaiwera na ununkira uherepa kilu ntatu, 24na ntambu zimonga za mdalasini zyazishemuwa kida kilu sita, vipimu avi vyoseri vilawirani na vipimu vya Liringu Linanagala, gutoli viraa lita za msheshi za lipaki. 25Kulawirana na viungu avi haunyawi lipaki linanagala gulihanganiki ntambu yawatenda mafundi wa utuli, aga hagatendeki kutyeka vintu. 26Shakapanu lipaki ali haguliminiri Liringu Linanagala na Lisanduku lya Lipatanu, 27shitalawanda pamuhera na vyombu vyakuwi vyoseri, shintambi sha shikoluboyi na vyombu vyakuwi, shitalawanda sha kutambikira sha kutumiziya ubani, 28shitalawanda sha kutambikira sha tambiku za kulunguziya pamuhera na vyombu vyakuwi vyoseri, libeseni likulu na likaliru lyakuyi. 29Haguvityeki su viweri vinanagala nentu. Shoseri shashivishinkula vyombu avi hashiweri shinanagala. 30Shakapanu gumswagi lipaki Aruni pamuhera na wana wakuyi kuwatyeka su wantenderi gambira watambika. 31Guwagambiri wantu wa Israeli kuwera aga hagaweri lipaki lyaneni linanagala lya kuswaga muvileri vya mwenga vyoseri. 32Lipaki ali nakamu nakamiminirwa muntu yoseri yakawera ndiri mtambika, viraa naganyawiwa lipaki lyamonga lya ntambu ayi, ali liwera lipaki linanagala na lifiruwa liweri linanagala mashaka goseri kwa mwenga. 33Yoseri yakanyawa lipaki gambira ali, ama kumswaga muntu yakawera ndiri mtambika, muntu ayu hakatulwi gweka kutali kulawa kwa wantu wakuyi.
Ubani
34Mtuwa Mlungu kamgambiriti Musa, hagutoli vipimu vyaviwera teratera vya viungu vinoga avi, utuli wa natafi na utuli wa shekeleti na utuli wa kelibena na ubani uherepa. 35Hagutenderi vintu avi kunyawira ubani gambira mafundi ntambu yawanyawa utuli, gutuli munu gupati kuwera uherepa na unanagala. 36Shakapanu gusagi na kutenda ubumu unama, upati kutenderwa Muliringu Linanagala na kulityelemeka Lisanduku lya Lipatanu, pahala paniliwona na gwenga, agu hauweri ubani unanagala nentu kwa mwenga. 37Nakamu namuutendera ubani yawuhanganikitwi hangu kwa vitwatira vyenu maweni tembera ubani awu hauweri unanagala kulongolu kwa neni. 38Yoseri yakalinyawira ubani wa ntambu ayi na kuwutendera gambira utuli wakuyi mweni, yomberi hakatulwi gweka kutali na wantu wakuyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.