Mbwera 6
6
1Mona mlandu gumonga mkontola pasipanu, gweni guwatabisiya nentu wantu. 2Mlungu kampanana muntu ulunda, vintu vitangala na ligoya, su nakapungulwa na shintu shoseri shakafira, kumbiti kampananandiri uwezu wa kuvinemelera vintu avi. Ila, mhenga ndo hakavinemeleri vintu avi. Ali viraa ndo shintundiri nakamu, ndo mlandu gwa ntabiku nentu. 3Muntu kaweza kulera wana wavuwa na kulikala mashaka gavuwa, tembera muntu ayu kalikala makaliru gatangala, kumbiti mumakaliru gakuyi kanemeleritindiri na pakahowa kafintirwandiri kwa ukulu, ntakula hangu, mbaka mwana yakiwukiti agawu kahowa kuliku muntu ayu. 4Mwana yakahowiriti mumtima kwiwuka kwakuyi kwahera mana, toziya hapakaweri na litawu, kagamira kuluwindu na kulyaluwika. 5Tembera mwana ayu kenewoni mshenji pota kuvimana shoseri, yomberi koyera kuliku mlunda ayu. 6Tembera muntu ayu hakalikali vinja elufu mbili nentu, kumbiti kanemelerandiri mpatiru zakuyi, hashi woseri hapawagendi pahala pamu?
7Muntu katenda lihengu kwa makakala iri kapati shiboga, kumbiti matamata yakuyi ya kuliya iperandiri. 8Muntu yakana luhala kawera mbaka nentu kuliku mzigizigi? Na muntu mhushu kapata mota gaa pakavimana ntambu ya kulikala weri na wantu? 9Avi viraa ndo shintundiri, ndo teratera na kufira kubata lyega. Mbaka kunemelera shintu shaguwera nashi kuliku kuligaziya kwa kufira shintu shimonga.
10Kila shintu shashilawira shipangitwi kala makashu na ntambu ya muntu imanikana na kwahera muntu yakaweza kusingana na muntu yakana likakala kuliku yomberi. 11Visoweru paviwera vivuwa, vyahera mana. Su muntu hakapati mota gaa kwa visoweru vivuwa? 12Gaa yakavimana mirandu gaa hayimtangi muntu mumakaliru aga madidini yagawerandiri na mota na yagapita handa lisisi? Gaa yakaweza kumgambira yagafira kulawira pasipanu pa yomberi kuhowa?
Currently Selected:
Mbwera 6: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.