Amosi 3
3
1Mwenga wantu wa Israeli mpikanili shisoweru sha Mtuwa Mlungu shakakugambireni, mwenga wantu woseri yakawalaviyiti kulawa isi ya Misri, 2pakati pa wantu woseri, ndo mwenga gweka yenu yaniwasyaguliti, hangu haniwakomangi toziya ya makontola genu goseri.
Mahengu ga wambuyi
3Hashi wantu wawili waweza kugendagenda pamuhera pota kujimirana uti?
4Hashi simba kaguguma kuntundu handa kenepati shakuwinga?
Hashi mwana simba kaguguma kumbanga mwakuyi handa kenibati shintu?
5Hashi mgomiziwu guweza kufyatuka pota shintu?
Hashi mgomiziwu guweza kufyatuka pota kushinkulwa na shintu?
6Hashi lipenka lya mji liweza kulira pota kuwatenda wantu watiri?
Mji guweza kuwera na ntabiku yayijegwandiri na Mtuwa Mlungu?
7Nakaka Mtuwa Mlungu hapeni katendi shintu shoseri pota kuwagubutulira bada wantumintumi wakuyi, wambuyi.
8Simba pakaguguma gaa yakatirandiri?
Mtuwa Mlungu pakayowera gaa hakalemi kuubwera ulagilagi wakuyi?
Samariya yakwagamiziwa
9“Mbweri kwa wantu yawalikala munumba ya mfalumi gwa Ashidodi na Misri. Mjojoniki kumigongu yayizyengeta isi ya Samariya, mwakaliwoneri magaziwu makulu yagawera amu na kwonerwa kwa wantu wakuyi.
10Mtuwa Mlungu kalonga hangu, wantu yawamemiziya numba zyawu vintu vya kwiwa na kupoka. Viraa wavimanandiri kutenda yagalinganira! 11Hangu wakondu hawizi na kuwakankala, hawahalibisiyi pahala pawu pa liboma na kuzilopola numba zawu.
12Mtuwa Mlungu kalonga hangu, gambira mshungaji ntambu yakampoka simba kumlomu magulu mawili hera ama shipandi sha likutu lya kondolu, ndo ntambu yanawaponeki Waisraeli wadidini hera yawalikala Samariya pamuhera na shipandi sha shitanda ama shipandi sha shuka. 13Mtuwa Mlungu gwa mashonta kalonga hangu, Mpikanili na mwakawakalipili wiwuka wa Yakobo.” 14Lishaka ali haniwakomanga Waisraeli toziya ya makosa gawu, hahalibisiyi viraa shitalawanda sha mji gwa Beteli. Hanigakatangi magoli ga kila shitalawanda na kugagusiya pasi. 15“Hanizihalibisiyi numba za shaka sha mpepu, pamuhera na numba za shaka sha jotu, viravilii hanizibomoli numba zawu nkulu ziherepa zazilembiziliwitwi kwa magoli ga ntembu. Neni Mtuwa Mlungu katakula.”
Currently Selected:
Amosi 3: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.