YOANE 15
15
Vino epele
1Mbi nadi soti mole mo vino ko Sesa adi moswa gbie e vino#15, 1 Endja pongono ta Isa 5, 1-4.. 2Akondoake bitape bisusu, ibitingi adi mbi, ko idaka pɛ bobota mbuma; endolo akondoake tɔɔlɔ ta bitape ikabote mbuma bɛngi ibote inɛnɛ bonɔ. 3Ino, odini ehele basɛnɔke ta tine mobalo mosolehani mbi. 4Yeyoani iputo na mbi, ko mbi nayeyoake iputo na nu. Etape ebwaniti bobota mbuma yo mɛnɛ, emiti da etingi na mole; oko moda momɔti, ino obwanitini bobota mbuma omiti dani iputo na mbi. 5Nadi soti mole mo vino, ino odini bitape. Moto yona oputoani na mbi ko mbi iputo na nde, adi bobota mbuma inɛnɛ, tengasa otakɔni eka pɛ mbi. 6Moto amiti da iputo na mbi, adumbamake sokolu elenge etape ekakana. Enakobea bitape ibikakana, bakabiandoe ko bakabidumbe ta mosa ko boangoaka. 7Okadani iputo na mbi ko mibalo mi mbi miyeyoi adi no, hɔdjɔni eka epalaka no ko oediabini. 8Sange e mbi akakumedjame ekada boo obotini mbuma inɛnɛ ko ainedjamake boo odini batingami ba mbi. 9Mbi nakopaleni elenge Sange mbi akapaleni yo. Yeyoani ta tei e epaeli e mbi. 10Okasumani mibeko mi mbi, wayeyoakeni ta tei e epaeli e mbi, elenge oko akasume mbi mibeko mi Sange e mbi ko nakayeyoe ta tei e epaeli e nde.
11«Nabali na nu bea, bɛngi boo sepi e mbi edae adi no ko sepi e bino edae ekokake#15, 11 Endja pongono ta Isa 9, 2; 35, 10.. 12Endja mobeko mo mbi: Palanani ino na ino elenge aopalani mbi. 13Epaeli enɔi na bonɛnɛ, edi bopa bomɔ bo nde tine ba binande. 14Ino odini binambi, okakɔni eka ekohɔdjeni mbi. 15Nataobeakani naikina basali, tine mosali tadjebe eka ekakɔe moswande. Nakobeni binambi, tine boo nodjebedjani meako misusu imikoa mbi na Sesa. 16Ino oihɔni mbi, mbi moto oohɔni. Nopini elomu okɛni, bobota mbuma ko mbuma ipingake. Na bea, Sesa aopabini meako misusu mihɔdjɔkɔbino ta kombe e mbi. 17Na bea eka eohɔdjɔkɔni mbi, edi palanani.»
Ngondo eloni Yesu na batingami ba nde
18Ekada ngondo ekolonani, djebani boo elonani boso bo bino. 19Akokino dani bato ba ngondo, ngondo ekɔki opalani tine odini bato ba yu. Endolo mbi nohɔni bɛngi odaeni sokolu e ngondo, oditini naikina bato ba ngondo: na tina emina ngondo eolonini. 20Lɛdjɛni ehele mibalo mibala mbi na nu: «Mosali ta nɔe mokondji o nde#15, 20 Endja pongono ta Mat 10, 24; Luk 6, 40; Yoa 13, 16..» Ekada bato bonɔngedjani, bonɔngedjabini pongono; ekada basuma eleho e mbi, basumabi pongono bi bino. 21Endolo baokɔbini midjɔ misusu mimina ta tina e kombe e mbi, tine batadjebaka yona olomani. 22Nasonada pɛ bodua ko nosonada pɛ bobatɔndea, baikɔkɔ da na lindo. Endolo edɛdi baditi na boyɛmɛ tine mabe ma bobo. 23Yona alonakani, aloni pongono Sange e mbi. 24Baikɔkɔ kwa ta lindo nasonada pɛ bokɔ ta tei e bobo misala imida moto pɛ bokɔ. Na bea, edɛdi, baeni misala, balonini ko na Sange e mbi. 25Endolo meako misusu mibwani boimea tine bokokedja mobalo imokomama ta mobeko mo bobo: «Balonani napɛ tina.#15, 25 Ndj 35, 19; 69, 5.»
26«Mobaeli yona ookamoakabini aduabi: adi Mwembo mosoti yona adongake adi Sesa. Mbi nolomeakeni yo ta kombe e Sesa ko abalake tati ta tina e mbi. 27Ko no pongono, opabini tati tina e mbi, tengasa odakani na mbi donga ta mbangi.
Currently Selected:
YOANE 15: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
YOANE 15
15
Vino epele
1Mbi nadi soti mole mo vino ko Sesa adi moswa gbie e vino#15, 1 Endja pongono ta Isa 5, 1-4.. 2Akondoake bitape bisusu, ibitingi adi mbi, ko idaka pɛ bobota mbuma; endolo akondoake tɔɔlɔ ta bitape ikabote mbuma bɛngi ibote inɛnɛ bonɔ. 3Ino, odini ehele basɛnɔke ta tine mobalo mosolehani mbi. 4Yeyoani iputo na mbi, ko mbi nayeyoake iputo na nu. Etape ebwaniti bobota mbuma yo mɛnɛ, emiti da etingi na mole; oko moda momɔti, ino obwanitini bobota mbuma omiti dani iputo na mbi. 5Nadi soti mole mo vino, ino odini bitape. Moto yona oputoani na mbi ko mbi iputo na nde, adi bobota mbuma inɛnɛ, tengasa otakɔni eka pɛ mbi. 6Moto amiti da iputo na mbi, adumbamake sokolu elenge etape ekakana. Enakobea bitape ibikakana, bakabiandoe ko bakabidumbe ta mosa ko boangoaka. 7Okadani iputo na mbi ko mibalo mi mbi miyeyoi adi no, hɔdjɔni eka epalaka no ko oediabini. 8Sange e mbi akakumedjame ekada boo obotini mbuma inɛnɛ ko ainedjamake boo odini batingami ba mbi. 9Mbi nakopaleni elenge Sange mbi akapaleni yo. Yeyoani ta tei e epaeli e mbi. 10Okasumani mibeko mi mbi, wayeyoakeni ta tei e epaeli e mbi, elenge oko akasume mbi mibeko mi Sange e mbi ko nakayeyoe ta tei e epaeli e nde.
11«Nabali na nu bea, bɛngi boo sepi e mbi edae adi no ko sepi e bino edae ekokake#15, 11 Endja pongono ta Isa 9, 2; 35, 10.. 12Endja mobeko mo mbi: Palanani ino na ino elenge aopalani mbi. 13Epaeli enɔi na bonɛnɛ, edi bopa bomɔ bo nde tine ba binande. 14Ino odini binambi, okakɔni eka ekohɔdjeni mbi. 15Nataobeakani naikina basali, tine mosali tadjebe eka ekakɔe moswande. Nakobeni binambi, tine boo nodjebedjani meako misusu imikoa mbi na Sesa. 16Ino oihɔni mbi, mbi moto oohɔni. Nopini elomu okɛni, bobota mbuma ko mbuma ipingake. Na bea, Sesa aopabini meako misusu mihɔdjɔkɔbino ta kombe e mbi. 17Na bea eka eohɔdjɔkɔni mbi, edi palanani.»
Ngondo eloni Yesu na batingami ba nde
18Ekada ngondo ekolonani, djebani boo elonani boso bo bino. 19Akokino dani bato ba ngondo, ngondo ekɔki opalani tine odini bato ba yu. Endolo mbi nohɔni bɛngi odaeni sokolu e ngondo, oditini naikina bato ba ngondo: na tina emina ngondo eolonini. 20Lɛdjɛni ehele mibalo mibala mbi na nu: «Mosali ta nɔe mokondji o nde#15, 20 Endja pongono ta Mat 10, 24; Luk 6, 40; Yoa 13, 16..» Ekada bato bonɔngedjani, bonɔngedjabini pongono; ekada basuma eleho e mbi, basumabi pongono bi bino. 21Endolo baokɔbini midjɔ misusu mimina ta tina e kombe e mbi, tine batadjebaka yona olomani. 22Nasonada pɛ bodua ko nosonada pɛ bobatɔndea, baikɔkɔ da na lindo. Endolo edɛdi baditi na boyɛmɛ tine mabe ma bobo. 23Yona alonakani, aloni pongono Sange e mbi. 24Baikɔkɔ kwa ta lindo nasonada pɛ bokɔ ta tei e bobo misala imida moto pɛ bokɔ. Na bea, edɛdi, baeni misala, balonini ko na Sange e mbi. 25Endolo meako misusu mibwani boimea tine bokokedja mobalo imokomama ta mobeko mo bobo: «Balonani napɛ tina.#15, 25 Ndj 35, 19; 69, 5.»
26«Mobaeli yona ookamoakabini aduabi: adi Mwembo mosoti yona adongake adi Sesa. Mbi nolomeakeni yo ta kombe e Sesa ko abalake tati ta tina e mbi. 27Ko no pongono, opabini tati tina e mbi, tengasa odakani na mbi donga ta mbangi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)