MATIE 24
24
Obedjama ba tepelo
(Hokea koko Mal 13, 1-2; Luk 21, 5-6)
1Ena ɔdaka Yesu aimane ta lopango la tepelo, batingami ba nde babatama mbuti na nde bɛngɛ bamoinedjae moda mapika bo tepelo. 2Endolo Yesu abala na bu boo: «Oenini mii misusu? Nabalaka na nu sooti boo: pɛpɛ noko mondeke momɔti modikalea mobaki diko la mondeke mokina. Losusu lobedjamalea.»
Bimbete ba suka ɛ ngondo
(Hokea koko Mal 13, 3-13; Luk 21, 7-19)
3Ena ɔdaka Yesu adii ta ngomba ɛ mele ma olive, batingami babatama mbuti na nde ko bamohɔdja boo: «Lotɔndɔɔ ehole ndani ekɔɔmɔbi midjɔ mia? Ko embete ndani einedjabi odoa ba wɛ na suka ɛ ngondo.» 4Yesu abasɔmbɛdja boo: «Tomadingani boo moto omɔti adae pɛpɛ ookoseani. 5Tina ɛ boo bato bike badoabi na kombe ɛ mbai ko babalabi boo: “Mbai nadii Masia!” Ko bakoseabi bato bike. 6Ookabini gala dja bila na ngilimo dja bila; endolo pɛpɛ osatungeani: tina ɛ midjɔ mia miboani boo makɔɔme, endolo edaetebi suka ɛ ngondo. 7Ekomi emɔti eonɛdjalea ekomi ekina, okumu bomɔti bonɛdjalea okumu bokina; ndja idabi pipo ko mokpɔtɔ mokumanabi mɔɔngɔ na mɔɔngɔ. 8Midjɔ mia misusu midabi oko elengɛɛ mbangi ɛ epeko ɛ ibota la mwali. 9Bea, baokababini bɛngɛ ɔokeni saya ko baowabini. Bikomi bisusu biokeabini swɛ tina ɛ kombe ɛ mbai. 10Ta maswi mia, bato bike badumbabi edhimeli ɛ bobo; bakababi ko bainabi baminabu. 11Batɛli bike ba epulu badoabi ko bakoseabi bato bike. 12Ta tina ɛ boo obe bonɛngɛbi oko onɛngɛ, epaeli ɛ bato bike etitabi. 13Endolo moto oikabi molema mbunoko suka ahelabi. 14Mwako Mopele ma Okumu ba Ndjambe motɔndɔmɔbi ta ngondo esusu; edabi tati tina ɛ bikomi bisusu. Ngɔngɔ djia suka edaobi.»
Monɔngɔ monɛnɛ
(Hokea koko Mal 13, 14-23; Luk 21, 20-24)
15«Ehole eenɛbi no ona okabee bo “Mbeedji ɔ manene” ona ɔbala motɛli Danyɛlɛ; ona odedjamabi ta esika esɛnɔke. Yɛɛ boo molangi asipoe opele modjɔ mua! 16Ta ehole ena, bia ibadabi ta Yuda batie ta ngomba; 17yɛɛ boo ona odabi o sokolu adae pɛpɛ osɔmbɔ atomba eka ta ndako; 18ko yɛɛ boo ona odabi ta gue atasɔmbɔ atomba esendja ɛ nde. 19Ndjokwa ndani, ta maswi mia, tina ɛ bali iba meemi ko ibadabi banungea baana! 20Ongɔɔnɔni bɛngɛ boo midjɔ mia madae pɛpɛ okɔɔmɔ ta ehole ɛ piɔ epipo, kaoko ta iswi la sabata! 21Tina ɛ boo, ta ehole ena, monɔngɔ modabi mopipo onɔ imakɔɔmɔ donga ibange la ngondo mbunoko hadɛdi, ko mokina ma moda mua modaetebi#24, 21 Hokea koko Dan 12, 1.. 22Ko nga ɔkɔkɔ daa Kumu pɛpɛ okuhedja maswi mia, pɛpɛ noko moto omɔti ɔkɔkɔ hela. Endolo ta tina ɛ bato ibahɔɔ yo akuhedja maswi mia. 23Bea nga moto akabala na nu boo: “Hokeani! Klisto adii haa” “kaoko adii boo” pɛpɛ omodhimeani. 24Tina ɛ boo ba masiya ba epulu na batɛli ba epulu badoabi; bakɔbi bimbete ba okamoa mindumba na mindumba tina ɛ okosea, ehole ekina, noko bato ibahɔɔ Ndjambe. 25Hokamedjani! Naotɔndɔini boso bɛngɛ boo oangataneni.»
26«Bea nga bakabala na nu boo: “Hokeani, adii ta esobe”, pɛpɛ okɛɛni oho. Kaoko nga bakabala na nu boo: “Hokeani, abolami haa!”, pɛpɛ omodhimeani. 27Tina ɛ boo, Mwana ɔ moto adoabi elengɛɛ mokaikai imokangɛngɛ dɔngɔ ikaimane diso la busa mbunoko dongo ikatite lo. 28Esika esusu esambi ndjemba, mbulu ibakayake ndjemba bakaputuane ena.»
Odoa ba Mwana ɔ Moto
(Hokea koko Mal 13, 24-27; Luk 21, 25-28)
29«Ehole enɔbi maswi mia ma monɔngɔ, diso la busa imeabi modidi, songe apɛtebi ohuu ba nde, ndjɔtɔ bakwabi donga odiko ko ngulu dja diko ikumanabi#24, 29 Hokea koko Isa 13, 10; 34, 4; Edje 32, 7; Yoe 2, 10; 3, 4.. 30Bea, embete ɛ Mwana ɔ moto eenɛmɛbi ta busa; bikomi bisusu ba ngondo bisayeanabi ko baenɛbi odoa ba Mwana ɔ moto diko la matutɛ ma diko na ngulu ko na ekumu enɛnɛ. 31Na kilingo enɛnɛ ɛ kɛlɛlɔ, alomabi babwɛndi ba nde ta makono masusu ma ngondo: baputoanedjabi bato ibahɔɔ yo.»
Indjɛ la mole ma figi
(Hokea koko Mal 13, 28-31; Luk 21, 29-33)
32«Yɛɛ boo indjɛ la mole ma figi laoleheni: Nga bitape ba mu bikaembɛ ko bibangi oimanedja kasa, okadjebeni boo ehole ɛ moi mopipo ebatami. 33Moda momɔti na nu, ehole eenɛbi no midjɔ mia misusu, odjebabini boo Mwana ɔ moto aimei mbuti ta bidipako. 34Nabalaka na nu sooti boo: bato ba yangola hee banɔetelea mbunoko midjɔ mia misusu mikakɔɔmɔ. 35Busa na kpɔtɔ lonɔbi, endolo ebaeli dja mbai inɔetebi.»
Moto omɔti tadjebe iswi na ehole
(Hokea koko Mal 13, 32-37; Luk 17, 26-30. 34-36)
36«Tina ɛ modjɔ moeni iswi kaoko ehole, pɛpɛ moto okadjebe, ɛdae babwɛndi ba diko kaoko Mwana; oko Tata yo buki moto okalodjebe. 37Moda makɔɔmɔ ta maswi ma Noa, moda mua momɔti mokɔɔmɔbi ta odoa ba Mwana ɔ moto. 38Tina ɛ boo, boso pela ɛlinde, bato bayaaka ko bamwaaka, baosɔnɔkɔ ko baosɔdjaka baana ba bobo bali, mbunoko iswi laingea Noa ta masua; 39baidjebaka noko modjɔ momɔti diko la mua imapalaka makɔɔme, mbunoko pela enɛnɛ ɛdoa ko ebadindedja ibo basusu. Edabi oko bea ta odoa ba Mwana ɔ moto. 40Bea, baami babae badabi ta gue: omɔti atombamabi ko okina adikabi. 41Bali babae badabi bainda mbuma: omɔti atombamabi ko okina adikabi. 42Bea, sɛndjɛlɛni tina ɛ boo otadjebakani iswi ilidoabi Kumu ɔ boono. 43Sipoani modjɔ mu opele: nga moswa ndako adjeba ehole ndani edoalea moibi na bulu, eke asɛndjɛlɛ ko aimokina boo aingee ta ndako ɛ nde. 44Ta tina ena, ino koko, salingoani, tina ɛ boo Mwana ɔ moto adoalea ta ehole edii no pɛpɛ olɛdja.»
Mosali ɔ odjoo na mosali ɔ owɛi
(Hokea koko Luk 12, 41-48)
45«Bea odii mosali ɔ odjoo ko ɔ owɛi nda? Edii ona ɔbala moswa nde boo: naopi mosala muu, yakedja basali bakina ta ehole eboani. 46Sepi odii mosali ona, nga ta ihule la moswa nde ko amotanei asala mosala mua. 47Nabalaka na nu, sooti boo: moswa nde amopalea mandi ma obanyea odiheli ba nde bosusu. 48Endolo nga mosali ona akada mosali ɔ pɛpɛ owɛi, ko asabalei boo: “Moswa mbai atahula pɛpɛlɛ”, 49ko abangi oboma bamina nde ba mosala, oyaka na omwa esika emɔti na bato ba ilangoa la mana. 50Bea, moswa nde ahulalea ta iswi idii mosali pɛpɛ omolɛndɛ ko ta ehole edii yo pɛpɛ odjeba; 51abenganalea mosali ona ko amopalea etumbu epipo esika emɔti na bato ba owɛi bobe, oho okayee bo na okapkɛkɛnɛ bo mino.»
Currently Selected:
MATIE 24: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
MATIE 24
24
Obedjama ba tepelo
(Hokea koko Mal 13, 1-2; Luk 21, 5-6)
1Ena ɔdaka Yesu aimane ta lopango la tepelo, batingami ba nde babatama mbuti na nde bɛngɛ bamoinedjae moda mapika bo tepelo. 2Endolo Yesu abala na bu boo: «Oenini mii misusu? Nabalaka na nu sooti boo: pɛpɛ noko mondeke momɔti modikalea mobaki diko la mondeke mokina. Losusu lobedjamalea.»
Bimbete ba suka ɛ ngondo
(Hokea koko Mal 13, 3-13; Luk 21, 7-19)
3Ena ɔdaka Yesu adii ta ngomba ɛ mele ma olive, batingami babatama mbuti na nde ko bamohɔdja boo: «Lotɔndɔɔ ehole ndani ekɔɔmɔbi midjɔ mia? Ko embete ndani einedjabi odoa ba wɛ na suka ɛ ngondo.» 4Yesu abasɔmbɛdja boo: «Tomadingani boo moto omɔti adae pɛpɛ ookoseani. 5Tina ɛ boo bato bike badoabi na kombe ɛ mbai ko babalabi boo: “Mbai nadii Masia!” Ko bakoseabi bato bike. 6Ookabini gala dja bila na ngilimo dja bila; endolo pɛpɛ osatungeani: tina ɛ midjɔ mia miboani boo makɔɔme, endolo edaetebi suka ɛ ngondo. 7Ekomi emɔti eonɛdjalea ekomi ekina, okumu bomɔti bonɛdjalea okumu bokina; ndja idabi pipo ko mokpɔtɔ mokumanabi mɔɔngɔ na mɔɔngɔ. 8Midjɔ mia misusu midabi oko elengɛɛ mbangi ɛ epeko ɛ ibota la mwali. 9Bea, baokababini bɛngɛ ɔokeni saya ko baowabini. Bikomi bisusu biokeabini swɛ tina ɛ kombe ɛ mbai. 10Ta maswi mia, bato bike badumbabi edhimeli ɛ bobo; bakababi ko bainabi baminabu. 11Batɛli bike ba epulu badoabi ko bakoseabi bato bike. 12Ta tina ɛ boo obe bonɛngɛbi oko onɛngɛ, epaeli ɛ bato bike etitabi. 13Endolo moto oikabi molema mbunoko suka ahelabi. 14Mwako Mopele ma Okumu ba Ndjambe motɔndɔmɔbi ta ngondo esusu; edabi tati tina ɛ bikomi bisusu. Ngɔngɔ djia suka edaobi.»
Monɔngɔ monɛnɛ
(Hokea koko Mal 13, 14-23; Luk 21, 20-24)
15«Ehole eenɛbi no ona okabee bo “Mbeedji ɔ manene” ona ɔbala motɛli Danyɛlɛ; ona odedjamabi ta esika esɛnɔke. Yɛɛ boo molangi asipoe opele modjɔ mua! 16Ta ehole ena, bia ibadabi ta Yuda batie ta ngomba; 17yɛɛ boo ona odabi o sokolu adae pɛpɛ osɔmbɔ atomba eka ta ndako; 18ko yɛɛ boo ona odabi ta gue atasɔmbɔ atomba esendja ɛ nde. 19Ndjokwa ndani, ta maswi mia, tina ɛ bali iba meemi ko ibadabi banungea baana! 20Ongɔɔnɔni bɛngɛ boo midjɔ mia madae pɛpɛ okɔɔmɔ ta ehole ɛ piɔ epipo, kaoko ta iswi la sabata! 21Tina ɛ boo, ta ehole ena, monɔngɔ modabi mopipo onɔ imakɔɔmɔ donga ibange la ngondo mbunoko hadɛdi, ko mokina ma moda mua modaetebi#24, 21 Hokea koko Dan 12, 1.. 22Ko nga ɔkɔkɔ daa Kumu pɛpɛ okuhedja maswi mia, pɛpɛ noko moto omɔti ɔkɔkɔ hela. Endolo ta tina ɛ bato ibahɔɔ yo akuhedja maswi mia. 23Bea nga moto akabala na nu boo: “Hokeani! Klisto adii haa” “kaoko adii boo” pɛpɛ omodhimeani. 24Tina ɛ boo ba masiya ba epulu na batɛli ba epulu badoabi; bakɔbi bimbete ba okamoa mindumba na mindumba tina ɛ okosea, ehole ekina, noko bato ibahɔɔ Ndjambe. 25Hokamedjani! Naotɔndɔini boso bɛngɛ boo oangataneni.»
26«Bea nga bakabala na nu boo: “Hokeani, adii ta esobe”, pɛpɛ okɛɛni oho. Kaoko nga bakabala na nu boo: “Hokeani, abolami haa!”, pɛpɛ omodhimeani. 27Tina ɛ boo, Mwana ɔ moto adoabi elengɛɛ mokaikai imokangɛngɛ dɔngɔ ikaimane diso la busa mbunoko dongo ikatite lo. 28Esika esusu esambi ndjemba, mbulu ibakayake ndjemba bakaputuane ena.»
Odoa ba Mwana ɔ Moto
(Hokea koko Mal 13, 24-27; Luk 21, 25-28)
29«Ehole enɔbi maswi mia ma monɔngɔ, diso la busa imeabi modidi, songe apɛtebi ohuu ba nde, ndjɔtɔ bakwabi donga odiko ko ngulu dja diko ikumanabi#24, 29 Hokea koko Isa 13, 10; 34, 4; Edje 32, 7; Yoe 2, 10; 3, 4.. 30Bea, embete ɛ Mwana ɔ moto eenɛmɛbi ta busa; bikomi bisusu ba ngondo bisayeanabi ko baenɛbi odoa ba Mwana ɔ moto diko la matutɛ ma diko na ngulu ko na ekumu enɛnɛ. 31Na kilingo enɛnɛ ɛ kɛlɛlɔ, alomabi babwɛndi ba nde ta makono masusu ma ngondo: baputoanedjabi bato ibahɔɔ yo.»
Indjɛ la mole ma figi
(Hokea koko Mal 13, 28-31; Luk 21, 29-33)
32«Yɛɛ boo indjɛ la mole ma figi laoleheni: Nga bitape ba mu bikaembɛ ko bibangi oimanedja kasa, okadjebeni boo ehole ɛ moi mopipo ebatami. 33Moda momɔti na nu, ehole eenɛbi no midjɔ mia misusu, odjebabini boo Mwana ɔ moto aimei mbuti ta bidipako. 34Nabalaka na nu sooti boo: bato ba yangola hee banɔetelea mbunoko midjɔ mia misusu mikakɔɔmɔ. 35Busa na kpɔtɔ lonɔbi, endolo ebaeli dja mbai inɔetebi.»
Moto omɔti tadjebe iswi na ehole
(Hokea koko Mal 13, 32-37; Luk 17, 26-30. 34-36)
36«Tina ɛ modjɔ moeni iswi kaoko ehole, pɛpɛ moto okadjebe, ɛdae babwɛndi ba diko kaoko Mwana; oko Tata yo buki moto okalodjebe. 37Moda makɔɔmɔ ta maswi ma Noa, moda mua momɔti mokɔɔmɔbi ta odoa ba Mwana ɔ moto. 38Tina ɛ boo, boso pela ɛlinde, bato bayaaka ko bamwaaka, baosɔnɔkɔ ko baosɔdjaka baana ba bobo bali, mbunoko iswi laingea Noa ta masua; 39baidjebaka noko modjɔ momɔti diko la mua imapalaka makɔɔme, mbunoko pela enɛnɛ ɛdoa ko ebadindedja ibo basusu. Edabi oko bea ta odoa ba Mwana ɔ moto. 40Bea, baami babae badabi ta gue: omɔti atombamabi ko okina adikabi. 41Bali babae badabi bainda mbuma: omɔti atombamabi ko okina adikabi. 42Bea, sɛndjɛlɛni tina ɛ boo otadjebakani iswi ilidoabi Kumu ɔ boono. 43Sipoani modjɔ mu opele: nga moswa ndako adjeba ehole ndani edoalea moibi na bulu, eke asɛndjɛlɛ ko aimokina boo aingee ta ndako ɛ nde. 44Ta tina ena, ino koko, salingoani, tina ɛ boo Mwana ɔ moto adoalea ta ehole edii no pɛpɛ olɛdja.»
Mosali ɔ odjoo na mosali ɔ owɛi
(Hokea koko Luk 12, 41-48)
45«Bea odii mosali ɔ odjoo ko ɔ owɛi nda? Edii ona ɔbala moswa nde boo: naopi mosala muu, yakedja basali bakina ta ehole eboani. 46Sepi odii mosali ona, nga ta ihule la moswa nde ko amotanei asala mosala mua. 47Nabalaka na nu, sooti boo: moswa nde amopalea mandi ma obanyea odiheli ba nde bosusu. 48Endolo nga mosali ona akada mosali ɔ pɛpɛ owɛi, ko asabalei boo: “Moswa mbai atahula pɛpɛlɛ”, 49ko abangi oboma bamina nde ba mosala, oyaka na omwa esika emɔti na bato ba ilangoa la mana. 50Bea, moswa nde ahulalea ta iswi idii mosali pɛpɛ omolɛndɛ ko ta ehole edii yo pɛpɛ odjeba; 51abenganalea mosali ona ko amopalea etumbu epipo esika emɔti na bato ba owɛi bobe, oho okayee bo na okapkɛkɛnɛ bo mino.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)