LUKA 8
8
Bali ibadalaka na Yesu
1Ngɔngɔ djia, Yesu akɛɛ ta ibonga na ibonga ko ta ngando na ngando tina ɛ oleha ko otɔndɔɔ mwako mopele ma okumu ba Ndjambe. Batingami doomi na babae badaka na nde engbanga, 2na pongono bali bakina ibahela na miembo mibe ko na bigo: Malia – ona obeaka bo Malia ɔ Magadala –, ona ɔhela na miembo mibe saambo; 3Yoana, mwali ɔ Suza, ona odaka mobaneli ɔ leka la Elode. Susani ko na bali bakina bike ibakɔmɛdjaka Yesu na batingami ba nde na odiheli ba bobo.
Indjɛ la mooni
(Hokea koko Mat 13, 1-9; Mal 4, 1-9)
4Bato bike badoaka mbuti na Yesu odonga ta mabonga ndengɛ na ndengɛ. Bea Yesu abala indjɛ dii: 5«Moto omɔti akɛɛ ta gue ɛ nde tina ɛ oona kona. Ena odaka yo aona, ekenge ekina ɛ kona ɛkwa ta mopkɛngɔ ma ndjia: bato bayeminakaka ko mbulu ba diko bayekomakaka. 6Ndambo ekina ɛkwa ta diko la kpɔtɔ dja ndeke: ɔtɔɔ kona, djahɔlɔngɔnɔ tina ɛ boo djataka madiba. 7Kona ikina djakwa ta mele ma ndjubɛ djakandoana na dju engbanga ko ndjubɛ dja djikamamedja. 8Endolo, ndambo ekina ɛ kona ɛkwa ta kpɔtɔ djipele; djakandoa ko kona emɔti na emɔti ɛbota mbuma mokama.» Ngɔngɔ djia Yesu abakea boo: «Ona odii na matoi ma ooka, aoke!»
Tina ɛbalaka Yesu na mandjɛ
(Hokea koko Mat 13, 18-23; Mal 4, 10-12)
9Batingami ba Yesu bamohɔdja tingo ɛ indjɛ dia. 10Abasɔmbɛdja boo: «Ɛpama na nu edjebeli ɛ mabombami ma okumu ba Ndjambe; endolo odii bakina, badii ooka oko na mandjɛ. Na bea,
“Bahokeaka opele, endolo bataenɛ,
Baokaka opele, endolo batasipoa#8, 10 Isa 6,9-10.”
Yesu atingodjai indjɛ la mooni
(Hokea koko Mat 13, 18-23; Mal 4, 13-20)
11Hokeani tingo ɛ indjɛ dii: kona ɛ oona, edii ebaeli ɛ Ndjambe. 12Ibadii ta mokpɛngɔ ma ndjia, edii bia ibaoki Ebaeli, endolo Djabulu adoi ko ayedongedjai ta milema ma bobo, tina ɛ obasia boo basakadhima ko basakahela. 13Bakina badii elengɛɛ mokpɔtɔ ma ndeke: baoki Ebaeli ko bayeosi na sepi. Endolo badihiti nginga, badhimi oko tina ɛ ehole ekɛkɛ ko basundoli edhimeli ta ehole ɛ lomeko. 14Kona ɛkwa ta ndanda ɛ mele ma ndjubɛ edii bato bia ibaoki Ebaeli; endolo bakamamai na ndjia tina ɛ makɛsɛli, madiheli ko na sepi dja mohelo, ko tedjibote mikɔ mipele. 15Kona hee ɛkwa ta mokpɔtɔ mopele edii elengɛ bato bia baoki Ebaeli, bayebanyɛi opele ta milema ko baboti mikɔ mipele tina ɛ ingbangba la bobo.
Indjɛ la moinda
(Hokea koko Mal 4, 21-25)
16Moto atayodja moinda tina ɛ omokunda na poke kaoko omoisa ta tina dja bwako. Endolo, amobakealea diko la mesa, bɛngɛɛ bato ibadii oingea baɛnɛ ohuu. 17Mbombi isusu djienɛmɛbi ohuu, ko misusu ma pɛpɛ odjebama midjebamabi ko mi imanabi ta ohuu. 18Toangatanani na moda modii no ooka! Tina ɛ moto ona odii na eka adihabi onɔ; endolo ona odii pɛpɛ eka, bamokatoabi noko okɛkɛ bua balɛdjaka yo boo apeli.»
Nɛngɛ Yesu na banaanango
(Hokea koko Mat 12, 46-50; Mal 3, 31-35)
19Nɛngɛ Yesu na banaanango badua odii yo, endolo baidiha enɔli ɛ oenɛnɛ na nde tina ɛ embamba ɛ bato bike. 20Badjebedja Yesu boo: «Ngwao na banaangwao badii osokolu ko bapalaka boo baoɛnɛ.» 21Endolo Yesu abala na bato basusu boo: «Nɛngɛ mbai ko banainga, edii bato ibadii ooka ebaeli ɛ Ndjambe ko badii oyekokedja.»
Yesu asii lungu
(Hokea koko Mat 8, 23-27; Mal 4, 35-41)
22Busa bomɔti, Yesu atitea ta bwato na batingami ba nde ko abala na bu boo: «Lakɛɛni ta dɔngɔ ikina la ibeke inɛnɛ.» Ko bakɛɛ. 23Ta ehole edaka bo baduke, Yesu ahwɛɛ. Mbala emɔti, lungu ɛtɔmbɛdjai ibeke; bwato baluma na madiba mbuti na odinda ko baimea ta embamba. 24Batingami basabatea mbuti na Yesu ko bamoongɔdja bapela gama boo: «Molehi, Molehi, lodoi agwa!» Ɔongɔ Yesu, agamea lungu na mula ko la pɔpɔnɔ. Bogoo bonɛnɛ badaa. 25Yesu abala na batingami ba nde boo: «Edhimeli ɛ boono odii yo hɔ?» Badaka na bɔɔ ko baluma na okamoa, ko basabaleana boo: «Moto hoo adii nda, adii ogamea noko lungu na madiba ko lodii omosuma!»
Yesu aheledjai moto ɔ miembo mibe
(Hokea koko Mat 8, 28-34; Mal 5, 1-20)
26Yesu na batingami ba nde basɛmɛɛ ta mopkɔtɔ ma Gelasɛnɛ ta dɔngɔ ikina la ibeke iliyɛlɛni na Galilai. 27Ta ehole ɛduboa Yesu o ngondo, moto omɔti ɔ ibonga, ɔdaka na miembo mibe, adoa asaka na nde. Ehole eyai ailwaka bisendja ko aidaka ta ndako noko emɔti, endolo ta makila. 28Ɔenɛ yo Yesu, agama, akwa magunda boso ba nde ko abala na ngulu boo: «Ma mbai nɔsɔ wɛ nda, Yesu, Mwana ɔ Ndjambe Oonɔi Diko? Naongɔnɔkɔ, pɛpɛ otungeani oko!» 29Yesu abala na kpati odii mwembo mobe boo maimwane odii yo. Mwembo mua mobe mamokondjaka mbala djike; banangaka mabɔ na mako na minyɔɔlɔ tina ɛ omobanea, endolo adaka seko omikanyola ko mwembo madaka mamokola oko ta bisobe. 30Yesu amohɔdja boo: «Kombe ɛ wɛ nda?» – «Kombe ɛ mbai edii “Bike”», asɔmbɛdja bea. Tina ɛ boo, miembo mibe mike maingeaka odii yo. 31Ko miembo mia mibe maongɔɔnɔ Yesu boo atamiloma ta mombɔndɔ ma mbɛngɛ.
32Bea, ena mbuti, bwela ba ngulu bonɛnɛ badaka bahombe mia ma oyaka diko la ngomba. Miembo mibe maongɔɔnɔ Yesu boo abapɛ enɔli ɛ oingea ta bwela bua ba ngulu. Yesu abapa enɔli. 33Miembo mibe maimana odii moto ona ko maingea odii ngulu. Bwela bua ba ngulu badonga diko la ngomba bahilingoana ko badinda ta ibeke. 34Babanei ba ngulu ɔɛnɛ bo modjɔ mua imanɔɔ, batia ko bananganedja gala ta ibonga na ta ngando ikɛkɛkɛ. 35Bato baimana tina ɛ oɛnɛ moda imanɔɔ modjɔ mua. Baimea mbuti na Yesu ko batanea moto oimusedjama miembo mibe: adii ta mako ma Yesu, alwali bisendja, ko yongi ɛ nde ɛɛsɔmbɔ. Ko badaka na bɔɔ. 36Bato basusu ibaenɛ midjɔ mia batɔndɔ moda mahela moto ɔdaka na miembo mibe. 37Na bea bato basusu ba ekenge ena ɛ mokpɔtɔ ma ba Gelasɛnɛ bahɔdja Yesu boo adonge odii bo, tina ɛ boo badaka na bɔɔ bonɛnɛ. Yesu atitea ta bwato boo akɛɛ. 38Boso ba boo Yesu adonge na batingami ba nde, moto ona oimwanedja Yesu miembo mibe amongɔɔnɔ boo adikame odii yo. Endolo Yesu amosɔmbɛdja boo: 39«Yana odii wɛ ko djebedja misusu miokɔmɛi Ndjambe.» Moto ona akɛɛ adjebedja ta ibonga isusu mua imamokɔmɛ Yesu.
Mwa mwali ɔ Yailo ko mwali ona ɔbinga esendja ɛ Yesu
(Hokea koko Mat 9, 18-26; Mal 5, 21-43)
40Ta ihule la Yesu ta ngambo ekina ɛ ibeke, aosɔmɔ na bato bike, tina ɛ boo bamoombaka. 41Ta ehole ena, moomi omɔti ɔ komb'ɛ Yailo aimea. Adaka kumu ɔ ndako ɛ miongɔɔnɔ ɛ Bayuda. Akwa magunda ta mako ma Yesu ko amongɔɔnɔ bo akɛɛ ta ndako ɛ nde, 42tina ɛ boo adaka na mwa mwali oko omɔti, ɔ mbua mbuti na doomi na babae, adaka mbuti na ogwa. Ehole ɛdaka Yesu akɛɛ oho, bato bike bamombambamedjaka mɔngɔ masusu. 43Mwali omɔti adaka ena na epeko ɛ itanga la makia mbua doomi na babae. Abungedja odiheli ba nde bosusu odii minganga, endolo moto omɔti aihɔnɔ omoheledja. 44Asabatea na Yesu osangɔngɔ ko abinga sɔngɔ ɛ esendja ɛ nde. Oko ena ambuku, makia makina otanga. 45Yesu ahɔdja boo: «Obingini nda?» Bato basusu baingana ko Piɛlɛ abala boo: «Molehi, bato bike baohiki ko baombambamedjai mɔngɔ masusu.» 46Endolo Yesu asɔmbɛdja boo: «Moto omɔti abingini, tina ɛ boo naoki ngulu ɛ Ndjambe eimani odii mbai.» 47Mwali aenɛ boo bamotɔngɔli. Na bea akɛɛ na mongongoma mosusu, akwa magunda boso ba Yesu. Amodjebedja boso ba bato basusu tina ɛ mobinga na nde ko moda mahela na nde ambuku. 48Yesu abala na nde boo: «Mwa mbai mwali, edhimeli ɛ wɛ eoheledjai. Kɛɛ na ogoo.»
49Oko Yesu apeli abala, moto omɔti adonga ta ndako ɛ kumu ɔ ndako ɛ miongɔɔnɔ ɛ Bayuda ko abala na Yailo boo: «Mwa wɛ o mwali agwi. Pɛpɛ otungea molehi.» 50Endolo Yesu amooka ko abala na Yailo boo: «Pɛpɛ obanga, dhima oko odhima, mwa wɛ mwali ahelalea.» 51Ehole eimea yo ta ndako, aidhima boo moto omɔti aingee engbanga na nde, dongedja oko Piɛlɛ, Yoani, Djake, ko na sango na nɛngɛ mwana. 52Bato basusu bayeaka ko basayeanaka ta tina ɛ mwana. Bea Yesu abala na bu boo: «Pɛpɛ oyeani. Agwiti, ahwɛli hiɔ.» 53Bamosɛkɛ, tina ɛ boo badjeba boo mwana agwi. 54Endolo, Yesu apea mwana ta ebɔ ko abala na moholi mopipo boo: «Mwa mbai mwali, emaa!» 55Asɔmbɔ ta mohelo ko aema ambuku. Yesu abala na bu boo bamopɛ mia ma oyaka. 56Baboti ba nde baluma na okamoa, endolo Yesu abala na bu boo batadjebedja moto omɔti modjɔ muu mosakɔɔmɔ.
Currently Selected:
LUKA 8: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
LUKA 8
8
Bali ibadalaka na Yesu
1Ngɔngɔ djia, Yesu akɛɛ ta ibonga na ibonga ko ta ngando na ngando tina ɛ oleha ko otɔndɔɔ mwako mopele ma okumu ba Ndjambe. Batingami doomi na babae badaka na nde engbanga, 2na pongono bali bakina ibahela na miembo mibe ko na bigo: Malia – ona obeaka bo Malia ɔ Magadala –, ona ɔhela na miembo mibe saambo; 3Yoana, mwali ɔ Suza, ona odaka mobaneli ɔ leka la Elode. Susani ko na bali bakina bike ibakɔmɛdjaka Yesu na batingami ba nde na odiheli ba bobo.
Indjɛ la mooni
(Hokea koko Mat 13, 1-9; Mal 4, 1-9)
4Bato bike badoaka mbuti na Yesu odonga ta mabonga ndengɛ na ndengɛ. Bea Yesu abala indjɛ dii: 5«Moto omɔti akɛɛ ta gue ɛ nde tina ɛ oona kona. Ena odaka yo aona, ekenge ekina ɛ kona ɛkwa ta mopkɛngɔ ma ndjia: bato bayeminakaka ko mbulu ba diko bayekomakaka. 6Ndambo ekina ɛkwa ta diko la kpɔtɔ dja ndeke: ɔtɔɔ kona, djahɔlɔngɔnɔ tina ɛ boo djataka madiba. 7Kona ikina djakwa ta mele ma ndjubɛ djakandoana na dju engbanga ko ndjubɛ dja djikamamedja. 8Endolo, ndambo ekina ɛ kona ɛkwa ta kpɔtɔ djipele; djakandoa ko kona emɔti na emɔti ɛbota mbuma mokama.» Ngɔngɔ djia Yesu abakea boo: «Ona odii na matoi ma ooka, aoke!»
Tina ɛbalaka Yesu na mandjɛ
(Hokea koko Mat 13, 18-23; Mal 4, 10-12)
9Batingami ba Yesu bamohɔdja tingo ɛ indjɛ dia. 10Abasɔmbɛdja boo: «Ɛpama na nu edjebeli ɛ mabombami ma okumu ba Ndjambe; endolo odii bakina, badii ooka oko na mandjɛ. Na bea,
“Bahokeaka opele, endolo bataenɛ,
Baokaka opele, endolo batasipoa#8, 10 Isa 6,9-10.”
Yesu atingodjai indjɛ la mooni
(Hokea koko Mat 13, 18-23; Mal 4, 13-20)
11Hokeani tingo ɛ indjɛ dii: kona ɛ oona, edii ebaeli ɛ Ndjambe. 12Ibadii ta mokpɛngɔ ma ndjia, edii bia ibaoki Ebaeli, endolo Djabulu adoi ko ayedongedjai ta milema ma bobo, tina ɛ obasia boo basakadhima ko basakahela. 13Bakina badii elengɛɛ mokpɔtɔ ma ndeke: baoki Ebaeli ko bayeosi na sepi. Endolo badihiti nginga, badhimi oko tina ɛ ehole ekɛkɛ ko basundoli edhimeli ta ehole ɛ lomeko. 14Kona ɛkwa ta ndanda ɛ mele ma ndjubɛ edii bato bia ibaoki Ebaeli; endolo bakamamai na ndjia tina ɛ makɛsɛli, madiheli ko na sepi dja mohelo, ko tedjibote mikɔ mipele. 15Kona hee ɛkwa ta mokpɔtɔ mopele edii elengɛ bato bia baoki Ebaeli, bayebanyɛi opele ta milema ko baboti mikɔ mipele tina ɛ ingbangba la bobo.
Indjɛ la moinda
(Hokea koko Mal 4, 21-25)
16Moto atayodja moinda tina ɛ omokunda na poke kaoko omoisa ta tina dja bwako. Endolo, amobakealea diko la mesa, bɛngɛɛ bato ibadii oingea baɛnɛ ohuu. 17Mbombi isusu djienɛmɛbi ohuu, ko misusu ma pɛpɛ odjebama midjebamabi ko mi imanabi ta ohuu. 18Toangatanani na moda modii no ooka! Tina ɛ moto ona odii na eka adihabi onɔ; endolo ona odii pɛpɛ eka, bamokatoabi noko okɛkɛ bua balɛdjaka yo boo apeli.»
Nɛngɛ Yesu na banaanango
(Hokea koko Mat 12, 46-50; Mal 3, 31-35)
19Nɛngɛ Yesu na banaanango badua odii yo, endolo baidiha enɔli ɛ oenɛnɛ na nde tina ɛ embamba ɛ bato bike. 20Badjebedja Yesu boo: «Ngwao na banaangwao badii osokolu ko bapalaka boo baoɛnɛ.» 21Endolo Yesu abala na bato basusu boo: «Nɛngɛ mbai ko banainga, edii bato ibadii ooka ebaeli ɛ Ndjambe ko badii oyekokedja.»
Yesu asii lungu
(Hokea koko Mat 8, 23-27; Mal 4, 35-41)
22Busa bomɔti, Yesu atitea ta bwato na batingami ba nde ko abala na bu boo: «Lakɛɛni ta dɔngɔ ikina la ibeke inɛnɛ.» Ko bakɛɛ. 23Ta ehole edaka bo baduke, Yesu ahwɛɛ. Mbala emɔti, lungu ɛtɔmbɛdjai ibeke; bwato baluma na madiba mbuti na odinda ko baimea ta embamba. 24Batingami basabatea mbuti na Yesu ko bamoongɔdja bapela gama boo: «Molehi, Molehi, lodoi agwa!» Ɔongɔ Yesu, agamea lungu na mula ko la pɔpɔnɔ. Bogoo bonɛnɛ badaa. 25Yesu abala na batingami ba nde boo: «Edhimeli ɛ boono odii yo hɔ?» Badaka na bɔɔ ko baluma na okamoa, ko basabaleana boo: «Moto hoo adii nda, adii ogamea noko lungu na madiba ko lodii omosuma!»
Yesu aheledjai moto ɔ miembo mibe
(Hokea koko Mat 8, 28-34; Mal 5, 1-20)
26Yesu na batingami ba nde basɛmɛɛ ta mopkɔtɔ ma Gelasɛnɛ ta dɔngɔ ikina la ibeke iliyɛlɛni na Galilai. 27Ta ehole ɛduboa Yesu o ngondo, moto omɔti ɔ ibonga, ɔdaka na miembo mibe, adoa asaka na nde. Ehole eyai ailwaka bisendja ko aidaka ta ndako noko emɔti, endolo ta makila. 28Ɔenɛ yo Yesu, agama, akwa magunda boso ba nde ko abala na ngulu boo: «Ma mbai nɔsɔ wɛ nda, Yesu, Mwana ɔ Ndjambe Oonɔi Diko? Naongɔnɔkɔ, pɛpɛ otungeani oko!» 29Yesu abala na kpati odii mwembo mobe boo maimwane odii yo. Mwembo mua mobe mamokondjaka mbala djike; banangaka mabɔ na mako na minyɔɔlɔ tina ɛ omobanea, endolo adaka seko omikanyola ko mwembo madaka mamokola oko ta bisobe. 30Yesu amohɔdja boo: «Kombe ɛ wɛ nda?» – «Kombe ɛ mbai edii “Bike”», asɔmbɛdja bea. Tina ɛ boo, miembo mibe mike maingeaka odii yo. 31Ko miembo mia mibe maongɔɔnɔ Yesu boo atamiloma ta mombɔndɔ ma mbɛngɛ.
32Bea, ena mbuti, bwela ba ngulu bonɛnɛ badaka bahombe mia ma oyaka diko la ngomba. Miembo mibe maongɔɔnɔ Yesu boo abapɛ enɔli ɛ oingea ta bwela bua ba ngulu. Yesu abapa enɔli. 33Miembo mibe maimana odii moto ona ko maingea odii ngulu. Bwela bua ba ngulu badonga diko la ngomba bahilingoana ko badinda ta ibeke. 34Babanei ba ngulu ɔɛnɛ bo modjɔ mua imanɔɔ, batia ko bananganedja gala ta ibonga na ta ngando ikɛkɛkɛ. 35Bato baimana tina ɛ oɛnɛ moda imanɔɔ modjɔ mua. Baimea mbuti na Yesu ko batanea moto oimusedjama miembo mibe: adii ta mako ma Yesu, alwali bisendja, ko yongi ɛ nde ɛɛsɔmbɔ. Ko badaka na bɔɔ. 36Bato basusu ibaenɛ midjɔ mia batɔndɔ moda mahela moto ɔdaka na miembo mibe. 37Na bea bato basusu ba ekenge ena ɛ mokpɔtɔ ma ba Gelasɛnɛ bahɔdja Yesu boo adonge odii bo, tina ɛ boo badaka na bɔɔ bonɛnɛ. Yesu atitea ta bwato boo akɛɛ. 38Boso ba boo Yesu adonge na batingami ba nde, moto ona oimwanedja Yesu miembo mibe amongɔɔnɔ boo adikame odii yo. Endolo Yesu amosɔmbɛdja boo: 39«Yana odii wɛ ko djebedja misusu miokɔmɛi Ndjambe.» Moto ona akɛɛ adjebedja ta ibonga isusu mua imamokɔmɛ Yesu.
Mwa mwali ɔ Yailo ko mwali ona ɔbinga esendja ɛ Yesu
(Hokea koko Mat 9, 18-26; Mal 5, 21-43)
40Ta ihule la Yesu ta ngambo ekina ɛ ibeke, aosɔmɔ na bato bike, tina ɛ boo bamoombaka. 41Ta ehole ena, moomi omɔti ɔ komb'ɛ Yailo aimea. Adaka kumu ɔ ndako ɛ miongɔɔnɔ ɛ Bayuda. Akwa magunda ta mako ma Yesu ko amongɔɔnɔ bo akɛɛ ta ndako ɛ nde, 42tina ɛ boo adaka na mwa mwali oko omɔti, ɔ mbua mbuti na doomi na babae, adaka mbuti na ogwa. Ehole ɛdaka Yesu akɛɛ oho, bato bike bamombambamedjaka mɔngɔ masusu. 43Mwali omɔti adaka ena na epeko ɛ itanga la makia mbua doomi na babae. Abungedja odiheli ba nde bosusu odii minganga, endolo moto omɔti aihɔnɔ omoheledja. 44Asabatea na Yesu osangɔngɔ ko abinga sɔngɔ ɛ esendja ɛ nde. Oko ena ambuku, makia makina otanga. 45Yesu ahɔdja boo: «Obingini nda?» Bato basusu baingana ko Piɛlɛ abala boo: «Molehi, bato bike baohiki ko baombambamedjai mɔngɔ masusu.» 46Endolo Yesu asɔmbɛdja boo: «Moto omɔti abingini, tina ɛ boo naoki ngulu ɛ Ndjambe eimani odii mbai.» 47Mwali aenɛ boo bamotɔngɔli. Na bea akɛɛ na mongongoma mosusu, akwa magunda boso ba Yesu. Amodjebedja boso ba bato basusu tina ɛ mobinga na nde ko moda mahela na nde ambuku. 48Yesu abala na nde boo: «Mwa mbai mwali, edhimeli ɛ wɛ eoheledjai. Kɛɛ na ogoo.»
49Oko Yesu apeli abala, moto omɔti adonga ta ndako ɛ kumu ɔ ndako ɛ miongɔɔnɔ ɛ Bayuda ko abala na Yailo boo: «Mwa wɛ o mwali agwi. Pɛpɛ otungea molehi.» 50Endolo Yesu amooka ko abala na Yailo boo: «Pɛpɛ obanga, dhima oko odhima, mwa wɛ mwali ahelalea.» 51Ehole eimea yo ta ndako, aidhima boo moto omɔti aingee engbanga na nde, dongedja oko Piɛlɛ, Yoani, Djake, ko na sango na nɛngɛ mwana. 52Bato basusu bayeaka ko basayeanaka ta tina ɛ mwana. Bea Yesu abala na bu boo: «Pɛpɛ oyeani. Agwiti, ahwɛli hiɔ.» 53Bamosɛkɛ, tina ɛ boo badjeba boo mwana agwi. 54Endolo, Yesu apea mwana ta ebɔ ko abala na moholi mopipo boo: «Mwa mbai mwali, emaa!» 55Asɔmbɔ ta mohelo ko aema ambuku. Yesu abala na bu boo bamopɛ mia ma oyaka. 56Baboti ba nde baluma na okamoa, endolo Yesu abala na bu boo batadjebedja moto omɔti modjɔ muu mosakɔɔmɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)