MALAKO 13
13
Yesu atɔndei bo tepelo ebukamadea
(Boindja pongono a Mat 24, 1-2; Luk 21, 5-6)
1Ehole eimanaka Yesu ta tepelo, omɔti o batingami ba nde abala na nde bo: «Molehi, indja mabanga imimi mapele! Ko ndako epele mondumba imumu!» 2Yesu amosɔmbedja bo: «Oɛnɛkɛdea ndako inɛnɛ itonga bo? Ibanga imɔti itadikabi ibaki ta diko di ibanga ikina; masusu mabukamabi.»
Ndjokwa ko na minɔngɔ
(Boindja pongono a Mat 24, 3-14; Luk 21, 7-19)
3Yesu adaa ta ngomba e mele mi Olive eyɛlɛmɛni na tepelo. Petelo, Djake, Yoane na Andele badaaka polo emɔti na nde bamowadja bo: 4«Lotɔndea ndelo ndani ebwani bokɔmɔ midjɔ mimina misusu ko embete ndani einedjabi bo ndelo emina eimei.» 5Iboa Yesu abanga bobatɔndea bo: «Kebani moto omɔti adae pɛpɛ bopɛngodjani. 6Bato banɛnɛ badoabi na kombe e mbi. Babalabi bo: “Mbi nadii Masiya!” Ko bakoseabi bato banɛnɛ. 7Ndelo eokabi ino gala e bila ko nungunungu dji bila, pɛpɛ bobangani; modjɔ mo midjɔ mimina mibwani bodoa, endelo iyena ediiti mɛnɛ suka e ngondo. 8Modjɔ mo bato ba ekomi emɔti baanabi bila na bato ba ekomi ekina, bato ba bokumu bomɔti baanabi bila na bokumu bokina; kpɔtɔ djikumanabi pamba djisusu, ndja epipo ekwabi. Edaabi ondingo mondumba mokabange epeko e mwana. 9Sabaneani ino bɛnɛ modjɔ mo baokababini ta mɔmɔ ma leta bɛngi baosambedjeni ko baobomabini ta ndako dji miɔngɔnɔ mi Bayudha; baosambedjabini ta miso ma ba gupɛlɛnɛlɛ na bakondji tina e mbi, edaabi tati tina e bobo. 10Boso mɛnɛ etungi na Bwɛndi Bopele bolehama ta dii bikomi bisusu. 11Ehole eoimedjabini ibo ta sambi, pɛpɛ bosatungeabini oko na eka ebwani nanu bobala; tina ebo midjɔ mibalabi ino ta ngonga iyena modjɔ mo mitadongabi ta dii ino, endelo midongabi ta dii Mwembo Mosɛnɔke. 12Mwange moto akababi mwanango ta yogo, ko sange o moto akababi mwana o nde; bana baleloabi na baboti ba bobo ko babakababi ta yogo#13, 12 Boɛngɛ Mik 7.6.. 13Olonamabini na bato basusu tina e kombe e mbi. Endelo iyona o gbindeabi molema tee mbunoko a suka ahelabi.»
Mɛko minɔi na djɛti
(Boindja pongono a Mat 24, 15-28; Luk 21, 20-24)
14«Ehole enɛbi ino moto okabeame “Mobedji onɔi na djɛti” okadikame ta esika etungi na nde pɛpɛ bodaa#13, 14 Boindja Dan 9.27; 11.31; 12.11., iyona odaabi alanga asipoe! Iboa, ibia badaabi ta Yudhea batiabi ta ngomba; 15iyona odaabi ta mbalasani etonga bo diko di ndako atatitabi ta ndako nde bɛngi atombe nongo eka emɔti ta o tei#13, 15 Boindja Mat 24.17 ko nase.; 16ko iyoyo odaabi ta gbie asɔmbetebi ta ngɔngɔ bɛngi atombe mokoto mo nde. 17Ndjokwa edaabi ta masu mamina, ta dii bali ba meemi ko na ibia badaakabi bonungea bana! 18Angɔnɔni Ndjakomba bɛngi bo midjɔ mimina midae pɛpɛ bodoa ta ehole e piɔ epipo. 19Modjɔ mo, ta masu mamina imia, edaabi masu ma ndjokwa ko ebwaniti nongo na ndjokwa emɔti donga mbangi e ngondo, modjɔ mo banga ayoa Ndjakomba ngondo, mɛko mi mondumba momina#13, 19 Boɛngɛ Dan 12.1. mipaka kɔɔmɔ mbunoko busa ibubu. 20Pɛpɛ bodaa bo Kumu abanea masu mamina, moto nongo omɔti abwaniti bohela. Endelo akuedja ehole emina tina etingi na ibia bahɔɔ iyo. 21Nongo moto akaotɔndeani edɛdiyeye bo: “Injani, Masiya adii iyaya!” Kaoko: “Adii iyanao!” Pɛpɛ bodhimani. 22Modjɔ mo ba masia ba bokuta na batɛli ba bokuta bainamabi; bakɔbi midjɔ mi bokamoa na bingengo, ibia bibwani bokosea bato ibia bahɔɔ Ndjakomba. 23Iboa ino, tomakebani! Nasi booniteani.»
Bodoa bo Mwana o moto
(Boindja pongono a Mat 24, 29-31; Luk 21, 25-28)
24«Ekahia ta masu mamina, ngɔngɔ dji masu imia ma ikamba, modaakabusa mohombanabi modidi, songe atangɛsɛbi na ikina, 25ndjɔtɔ bakwabi, ko ngulu djisusu dji diko djikumanabi#13, 25 Ta tina e molɔngɔ mo 24 ko na 25, boɛngɛ Isa 13.10;34.4; Edjek 32.7, Yl 2.10,3.4.. 26Iboa baɛnɛbi Mwana o moto akɛkɛadonge ta matute, na ngulu djisusu ko na ekumu e nde#13, 26 Dan 7.13.. 27Alomabi babwɛndi ba nde ko aputoanedjabi ibia bahɔɔ iyo ta makono ma ngondo manɛi ta suka suka e kpɔtɔ ko ta suka suka e busa o diko#13, 27 Boɛngɛ Dit 30.4. Djak 2.10. Nem 1.9..
Eleho epama na mole mo pigi
(Boindja pongono a Mat 24, 32-35; Luk 21, 29-33)
28«Sipoani eleho e mole mo pigi, okaenɛni bo tape dji mina djikaɛmbɛɛ ko kasa iyeene itɔi, odjebeni bo pela ebatami#13, 28 Pela ebatami: etingodji bo yanga esi.. 29Oko mondumba momina, ehole enɛbi inoni midjɔ mimina miakɔmɔ, djebani bo Mwana o moto adii mbuti na bodoa. 30Sooti mɛnɛ, naotɔndɔkɔdeani bo: Bato ba mbota iyeye batasiabi ibo basusu boso bo mɛko mimina bokokedjama. 31Diko na kpɔtɔ idimoabi, endelo mibalo mi mbi minɔetebi.»
Ndjakomba iyo mɛnɛ akadjebe ehole e suka
(Boindja pongono a Mat 24, 36-44)
32«A modjɔ moindji busa bomina kaoko ngonga emina, moto omɔti tadjebe nongo babwɛndi ta busa te badjebe, na nongo Mwana tadjebe, oko Sesa iyo mɛnɛ. 33Kebani! Sɛndjɛlɛni, modjɔ mo otadjebakadeani ndelo ndani eimeabi ehole emina. 34Edaabi oko ndenge moto omɔti akɛɛ ta mɔɔngo: akina ndako e nde ko apa kpati ta dii basali ba nde babanee ndako e nde, apa moto na moto na mosala mo nde ko apa mitindo ta dii sindjili asɛndjɛle. 35Na tina emina sɛndjɛlɛni, modjɔ mo otadjebakadeani isu ihulabi moswa ndako: ahulabi mɔkɔmɔkɔ, ta ndanda e bulu, ta kɔkɔ o boso, kaoko ehuma. 36Akahula gbundumo asakaotaneani odiini ta hiyɔ. 37Mɛko imimi misabala mbi na nu nabali na ino basusu: Sɛndjɛlɛni!»
Currently Selected:
MALAKO 13: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
MALAKO 13
13
Yesu atɔndei bo tepelo ebukamadea
(Boindja pongono a Mat 24, 1-2; Luk 21, 5-6)
1Ehole eimanaka Yesu ta tepelo, omɔti o batingami ba nde abala na nde bo: «Molehi, indja mabanga imimi mapele! Ko ndako epele mondumba imumu!» 2Yesu amosɔmbedja bo: «Oɛnɛkɛdea ndako inɛnɛ itonga bo? Ibanga imɔti itadikabi ibaki ta diko di ibanga ikina; masusu mabukamabi.»
Ndjokwa ko na minɔngɔ
(Boindja pongono a Mat 24, 3-14; Luk 21, 7-19)
3Yesu adaa ta ngomba e mele mi Olive eyɛlɛmɛni na tepelo. Petelo, Djake, Yoane na Andele badaaka polo emɔti na nde bamowadja bo: 4«Lotɔndea ndelo ndani ebwani bokɔmɔ midjɔ mimina misusu ko embete ndani einedjabi bo ndelo emina eimei.» 5Iboa Yesu abanga bobatɔndea bo: «Kebani moto omɔti adae pɛpɛ bopɛngodjani. 6Bato banɛnɛ badoabi na kombe e mbi. Babalabi bo: “Mbi nadii Masiya!” Ko bakoseabi bato banɛnɛ. 7Ndelo eokabi ino gala e bila ko nungunungu dji bila, pɛpɛ bobangani; modjɔ mo midjɔ mimina mibwani bodoa, endelo iyena ediiti mɛnɛ suka e ngondo. 8Modjɔ mo bato ba ekomi emɔti baanabi bila na bato ba ekomi ekina, bato ba bokumu bomɔti baanabi bila na bokumu bokina; kpɔtɔ djikumanabi pamba djisusu, ndja epipo ekwabi. Edaabi ondingo mondumba mokabange epeko e mwana. 9Sabaneani ino bɛnɛ modjɔ mo baokababini ta mɔmɔ ma leta bɛngi baosambedjeni ko baobomabini ta ndako dji miɔngɔnɔ mi Bayudha; baosambedjabini ta miso ma ba gupɛlɛnɛlɛ na bakondji tina e mbi, edaabi tati tina e bobo. 10Boso mɛnɛ etungi na Bwɛndi Bopele bolehama ta dii bikomi bisusu. 11Ehole eoimedjabini ibo ta sambi, pɛpɛ bosatungeabini oko na eka ebwani nanu bobala; tina ebo midjɔ mibalabi ino ta ngonga iyena modjɔ mo mitadongabi ta dii ino, endelo midongabi ta dii Mwembo Mosɛnɔke. 12Mwange moto akababi mwanango ta yogo, ko sange o moto akababi mwana o nde; bana baleloabi na baboti ba bobo ko babakababi ta yogo#13, 12 Boɛngɛ Mik 7.6.. 13Olonamabini na bato basusu tina e kombe e mbi. Endelo iyona o gbindeabi molema tee mbunoko a suka ahelabi.»
Mɛko minɔi na djɛti
(Boindja pongono a Mat 24, 15-28; Luk 21, 20-24)
14«Ehole enɛbi ino moto okabeame “Mobedji onɔi na djɛti” okadikame ta esika etungi na nde pɛpɛ bodaa#13, 14 Boindja Dan 9.27; 11.31; 12.11., iyona odaabi alanga asipoe! Iboa, ibia badaabi ta Yudhea batiabi ta ngomba; 15iyona odaabi ta mbalasani etonga bo diko di ndako atatitabi ta ndako nde bɛngi atombe nongo eka emɔti ta o tei#13, 15 Boindja Mat 24.17 ko nase.; 16ko iyoyo odaabi ta gbie asɔmbetebi ta ngɔngɔ bɛngi atombe mokoto mo nde. 17Ndjokwa edaabi ta masu mamina, ta dii bali ba meemi ko na ibia badaakabi bonungea bana! 18Angɔnɔni Ndjakomba bɛngi bo midjɔ mimina midae pɛpɛ bodoa ta ehole e piɔ epipo. 19Modjɔ mo, ta masu mamina imia, edaabi masu ma ndjokwa ko ebwaniti nongo na ndjokwa emɔti donga mbangi e ngondo, modjɔ mo banga ayoa Ndjakomba ngondo, mɛko mi mondumba momina#13, 19 Boɛngɛ Dan 12.1. mipaka kɔɔmɔ mbunoko busa ibubu. 20Pɛpɛ bodaa bo Kumu abanea masu mamina, moto nongo omɔti abwaniti bohela. Endelo akuedja ehole emina tina etingi na ibia bahɔɔ iyo. 21Nongo moto akaotɔndeani edɛdiyeye bo: “Injani, Masiya adii iyaya!” Kaoko: “Adii iyanao!” Pɛpɛ bodhimani. 22Modjɔ mo ba masia ba bokuta na batɛli ba bokuta bainamabi; bakɔbi midjɔ mi bokamoa na bingengo, ibia bibwani bokosea bato ibia bahɔɔ Ndjakomba. 23Iboa ino, tomakebani! Nasi booniteani.»
Bodoa bo Mwana o moto
(Boindja pongono a Mat 24, 29-31; Luk 21, 25-28)
24«Ekahia ta masu mamina, ngɔngɔ dji masu imia ma ikamba, modaakabusa mohombanabi modidi, songe atangɛsɛbi na ikina, 25ndjɔtɔ bakwabi, ko ngulu djisusu dji diko djikumanabi#13, 25 Ta tina e molɔngɔ mo 24 ko na 25, boɛngɛ Isa 13.10;34.4; Edjek 32.7, Yl 2.10,3.4.. 26Iboa baɛnɛbi Mwana o moto akɛkɛadonge ta matute, na ngulu djisusu ko na ekumu e nde#13, 26 Dan 7.13.. 27Alomabi babwɛndi ba nde ko aputoanedjabi ibia bahɔɔ iyo ta makono ma ngondo manɛi ta suka suka e kpɔtɔ ko ta suka suka e busa o diko#13, 27 Boɛngɛ Dit 30.4. Djak 2.10. Nem 1.9..
Eleho epama na mole mo pigi
(Boindja pongono a Mat 24, 32-35; Luk 21, 29-33)
28«Sipoani eleho e mole mo pigi, okaenɛni bo tape dji mina djikaɛmbɛɛ ko kasa iyeene itɔi, odjebeni bo pela ebatami#13, 28 Pela ebatami: etingodji bo yanga esi.. 29Oko mondumba momina, ehole enɛbi inoni midjɔ mimina miakɔmɔ, djebani bo Mwana o moto adii mbuti na bodoa. 30Sooti mɛnɛ, naotɔndɔkɔdeani bo: Bato ba mbota iyeye batasiabi ibo basusu boso bo mɛko mimina bokokedjama. 31Diko na kpɔtɔ idimoabi, endelo mibalo mi mbi minɔetebi.»
Ndjakomba iyo mɛnɛ akadjebe ehole e suka
(Boindja pongono a Mat 24, 36-44)
32«A modjɔ moindji busa bomina kaoko ngonga emina, moto omɔti tadjebe nongo babwɛndi ta busa te badjebe, na nongo Mwana tadjebe, oko Sesa iyo mɛnɛ. 33Kebani! Sɛndjɛlɛni, modjɔ mo otadjebakadeani ndelo ndani eimeabi ehole emina. 34Edaabi oko ndenge moto omɔti akɛɛ ta mɔɔngo: akina ndako e nde ko apa kpati ta dii basali ba nde babanee ndako e nde, apa moto na moto na mosala mo nde ko apa mitindo ta dii sindjili asɛndjɛle. 35Na tina emina sɛndjɛlɛni, modjɔ mo otadjebakadeani isu ihulabi moswa ndako: ahulabi mɔkɔmɔkɔ, ta ndanda e bulu, ta kɔkɔ o boso, kaoko ehuma. 36Akahula gbundumo asakaotaneani odiini ta hiyɔ. 37Mɛko imimi misabala mbi na nu nabali na ino basusu: Sɛndjɛlɛni!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)