MATAYO 24
24
Yesu atɔndei bobedjama bo tepelo
(Boindja pongono a Mal 13, 1-2; Luk 21, 5-6)
1Iyana aimanaka Yesu ta tepelo, batingami ba nde basalinda mbuti na nde bɛngi bamoinedje mondumba motonga bo tepelo. 2Iboa, Yesu atomba kɔpi ko abasɔmbedja bo: «Oɛnɛkɛdeani midjɔ imimi misusu? Naotɔndɔkɔdeani sooti mɛnɛ bo: pɛpɛ nongo ibanga imɔti didikabi diko di mina du; masusu mabukeanadea.»
Ndjokwa ko na minɔngɔ
(Boindja pongono a Mal 13, 3-13; Luk 21, 7-19)
3Iyana adaaka Yesu na mobondo ta ngomba e mele mi Olive, batingami babatama mbuti na nde ko bamowadja na mbombi bo: «Lotɔndea ehole ndani eimeabi midjɔ mimina? Ko embete ndani einedjamabi ta bodoa bo wɛ ko ta suka e ngondo?» 4Yesu abasɔmbedja bo: «Tomadingani moto omɔti adae pɛpɛ boopengodjani. 5Modjɔ mo bato banɛnɛ badoabi na kombe e mbi ko babalabi bo: “Edii mbi Kilito!” Ko bapengodjabi bato banɛnɛ. 6Ookabini gala e bitumba ko na nungunungu e bitumba; pɛpɛ bobangani: modjɔ mo midjɔ imia misusu mitungi mikɔɔme, endelo iyena etadaadea pongono suka e ngondo. 7Modjɔ mo ekomi emɔti eanedjabi ekomi ekina, ko bokumu bomɔti boanedjabi bokumu bokina; ndja djikwabi dɔɔngɔ na dɔɔngɔ ko mikumano mi ngondo midaabi. 8Endelo imia misusu edii oko mbangi e epeko e bobotama bo mwana. 9Iboa bato baopundabini bɛngi baonɛdjeni saya ko baoowabini. Olonamabini na bikomi bisusu ta tina e kombe e mbi. 10Ta ehole emina, bato banɛnɛ basundolabi edhimeli e bobo; batɛkɛnɛbi ko basaokeanabi swɛ ibo na ibo. 11Batɛli banɛnɛ ba bokuta baimanabi ko bapengodjabi bato banɛnɛ. 12Ta mondumba mo bo bobe bonanganabi bobuke mɛnɛ, iboa epaeli e bato banɛnɛ egɔlɔbi. 13Endelo moto oikabi molema tiii mbunoko suka ahelabi. 14Bwɛndi ibubu Bopele bo Bokumu botɔndeamabi ngondo esusu bɛngi edae tati ta tina e bikomi bisusu. Iboa suka eso eimeebi.»
Mobedji onɔi na djɛti
(Boindja pongono a Mal 13, 14-23; Luk 21, 20-24)
15«Ta tina emina ehole eɛnɛbino iyoyo okabeebo “Mobedji onɔi na djɛti” adikami ta Esika Esɛnɔke, mondumba motɔndɔkɔ motɛli Danyɛlɛ#24, 15 Dan 9, 27; 11, 31; 12, 11., yɛɛ bo molangeli asipoe. 16Iboa, ibia badaabi ta Yudhea batungi batie ta ngomba; 17yɛɛ bo iyona odaabi ta mbalasani etonga bo diko di ndako adae pɛpɛ botita bɛngi atombe eka edii ta ndako e nde, 18ko iyona odaabi ta gbie adae pɛpɛ bosɔmbɔ ta dii iyo bɛngi atombe esendja e nde. 19Ta masu imia, ndjokwa edaabi na bali ibia badaabi na meemi ko na ibia banungeabi baana! 20Angɔnɔni bɛngi odaeni pɛpɛ botia ta ehole e piɔ epipo kaoko ta busa bo sabata! 21Modjɔ mo edaabi saya enɔɔke edaa pɛpɛ boɛnɛmɛ donga ta mbangi e ngondo mbunoko busa ibubu, ko etaenɛmɛbi naikina#24, 21 Boɛngɛ Dan 12, 1.. 22Ko Ndjakomba aso adaa pɛpɛ bokputodja masu mamina, pɛpɛ nongo moto omɔti obwani bohela; endelo ta tina e bato ba nde bahɔɔ iyo masu mamina makputodjamabi. 23Moto omɔti akabala na nu bo: “Kilito adii iyaya!” Kaoko: “Adii ibobo!” Pɛpɛ bodhimani. 24Modjɔ mo ba masiya ba bokuta ko na batɛli ba bokuta badoabi, bainedjabi bimbete binɛnɛ ko na bingengo bɛngi bapengodje bato, edae pongono ibia bahɔɔmɔ. 25Hokamedjani! Nasi bookebedjani.
26«Moto akabala na nu bo: “Adii ta etengelenge!”, Pɛpɛ bokɛɛni. Kaoko: “Adii ta esika e mbombi”, pɛpɛ bodhimani. 27Naboa oko mondumba mokakɔe mokalikali o diko ta dɔɔngɔ dikaimane modaakabusa mokaenɛme mbunoko ta pamba ekasame mo, bodoa bo Mwana o Moto adaabi mo oko iboa. 28Esika esusu esambi ebembe, bingbondo bakaputoane ena.»
Bodoa bo Mwana o moto
(Boindja pongono a Mal 13, 24-27; Luk 21, 25-28)
29«Ta ngɔngɔ dji masu mamina ma saya, na mbala emɔti modaakabusa moimeabi modidi, songe atangɛsɛbi naikina, ndjɔtɔ bakwabi bodonga o diko ko ngulu dji diko djikumanabi#24, 29 Boɛngɛ Isa 13, 10; 34, 4; Edk 32, 7; Yol 2, 10; 3, 4.. 30Iboa embete e Mwana o moto eimanabi o diko, bikomi bisusu bi ngondo bibakeabi mɔmɔ ta molo, ko baɛnɛbi Mwana o moto bodonga ta matute ma diko na ngulu enɛnɛ ko na ekumu#24, 30 Dan 7, 13.. 31Mondulɛ monɛnɛ mobomabi, ko alomabi babwɛndi ba nde bengi baputoanedje bato bahɔɔ iyo ta makono ma ngondo manɛi ko ta suka e diko ekina mbunoko ta suka e diko ekina#24, 31 Boɛngɛ Dit 30, 4; Djk 2, 10; Nem 1, 9..»
Eleho e mole mo pigi
(Boindja pongono a Mal 13, 28-31; Luk 21, 29-33)
32«Yɛɛ bo ekuanedji e mole mi pigi eoleheni: ehole eɛmbɛi tape ko kasa djibangi bobota, okadjebeni bo pela eimei mbuti. 33Na ino pongono, ehole eɛnɛdea ino midjɔ imia misusu, djebani bo Mwana o moto adii mbuti na midipe. 34Oko iboa naotɔndeakadeani sooti mɛnɛ bo: mbota iyeye etanɔɔdea pɛpɛ mɛko imia misusu mikɔɔme. 35Diko na kpɔtɔ djinɔɔbi, endelo mibalo mi mbi mitanɔkɔbi.»
Oko Ndjakomba iyo mɛnɛ okadjebe ehole e suka
(Boindja pongono a Mal 13, 32-37; Luk 17, 26-30.34-36)
36«Ta modjɔ moindji isu kaoko ehole, pɛpɛ nongo moto omɔti okadjebe, edae babwɛndi ba busa, edae Mwana; oko Sesa iyo mɛnɛ moto okadjebe. 37Naboa, oko mondumba mokɔɔmɔ ta masu ma Noa, oko mondumba momina mokɔɔmɔbi pongono iboa ta bodoa bo Mwana o moto. 38Ekahia ta masu ma boso bo pela enɛnɛ, bato bayakaka ko bamwakaka, baasɔnɔkɔ ko baasɔdjɔkɔ baana ba bobo mbunoko ta busa bokwea na Noa ta masuwa#24, 38 Boindja a Mba 6, 9-7, 6.; 39ko baidjebaka nongo eka emɔti ta modjɔ mopalaka bokɔɔmɔ mbunoko pela enɛnɛ edoa abadindedja ibo basusu#24, 39 Boɛngɛ Mba 7, 7-24.; edaabi oko mondumba momina momɔti ta bodoa bo Mwana o moto. 40Iboa bato babae bakadaabi ta gbie, omɔti atombamabi ko okina adikabi. 41bali babae bakadaabi bainda mbuma ta eboka, omɔti atombamabi ko okina adikabi. 42Ta tina emina sɛndjɛlɛni, modjɔ mo otadjebakadeani busa ndani bodoadea na Kumu o bino. 43Sipoani bopele bo: moswa ndako asoadjeba ngonga ebwani moibi bodoa na bulu, asɛndjɛlɛdea ko atadhimadea moibi abuke ndako e nde. 44Ta tina emina ino pongono daani mbuti, modjɔ mo Mwana o moto atadoadea ta ngonga elɛdjɛkɛdea ino.»
Mosali o iyɔngi ko na mosali o pɛpɛ iyɔngi
45«Omina odii mosali o iyɔngi ko o bowɛi nda? Iyona opa moswa nde kapita obodaledja basali ba nde bɛngi abapake leka loboyaka ta ehole ebwani. 46Mongandi ta dii mosali iyoyo otaneadea moswa nde, akɔɔ iboa. 47Naotɔndɔkɔdeani sooti mɛnɛ bo: moswa nde amoisadea kapita o leka lo nde losusu. 48Endelo ekadaa mosali mobe akasabalea ta molema bo: “Moswa mbi akɔkɔdea ekoka pɛpɛ bohula”, 49iboa aimeadea boboma bina nde ba mosala, ayakadea ko na amwakadea na bato bamilangoa. 50Moswa mosali omina ahuladea isu didaki iyo pɛpɛ bolɛndɛ ko ta ngonga edaki iyo pɛpɛ bodjeba; 51amobenganadea ko amoisadea esika emɔti na bato ba ndango e mongi; iho ayeadea bio ko akpɛkɛnɛdea miino.»
Currently Selected:
MATAYO 24: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
MATAYO 24
24
Yesu atɔndei bobedjama bo tepelo
(Boindja pongono a Mal 13, 1-2; Luk 21, 5-6)
1Iyana aimanaka Yesu ta tepelo, batingami ba nde basalinda mbuti na nde bɛngi bamoinedje mondumba motonga bo tepelo. 2Iboa, Yesu atomba kɔpi ko abasɔmbedja bo: «Oɛnɛkɛdeani midjɔ imimi misusu? Naotɔndɔkɔdeani sooti mɛnɛ bo: pɛpɛ nongo ibanga imɔti didikabi diko di mina du; masusu mabukeanadea.»
Ndjokwa ko na minɔngɔ
(Boindja pongono a Mal 13, 3-13; Luk 21, 7-19)
3Iyana adaaka Yesu na mobondo ta ngomba e mele mi Olive, batingami babatama mbuti na nde ko bamowadja na mbombi bo: «Lotɔndea ehole ndani eimeabi midjɔ mimina? Ko embete ndani einedjamabi ta bodoa bo wɛ ko ta suka e ngondo?» 4Yesu abasɔmbedja bo: «Tomadingani moto omɔti adae pɛpɛ boopengodjani. 5Modjɔ mo bato banɛnɛ badoabi na kombe e mbi ko babalabi bo: “Edii mbi Kilito!” Ko bapengodjabi bato banɛnɛ. 6Ookabini gala e bitumba ko na nungunungu e bitumba; pɛpɛ bobangani: modjɔ mo midjɔ imia misusu mitungi mikɔɔme, endelo iyena etadaadea pongono suka e ngondo. 7Modjɔ mo ekomi emɔti eanedjabi ekomi ekina, ko bokumu bomɔti boanedjabi bokumu bokina; ndja djikwabi dɔɔngɔ na dɔɔngɔ ko mikumano mi ngondo midaabi. 8Endelo imia misusu edii oko mbangi e epeko e bobotama bo mwana. 9Iboa bato baopundabini bɛngi baonɛdjeni saya ko baoowabini. Olonamabini na bikomi bisusu ta tina e kombe e mbi. 10Ta ehole emina, bato banɛnɛ basundolabi edhimeli e bobo; batɛkɛnɛbi ko basaokeanabi swɛ ibo na ibo. 11Batɛli banɛnɛ ba bokuta baimanabi ko bapengodjabi bato banɛnɛ. 12Ta mondumba mo bo bobe bonanganabi bobuke mɛnɛ, iboa epaeli e bato banɛnɛ egɔlɔbi. 13Endelo moto oikabi molema tiii mbunoko suka ahelabi. 14Bwɛndi ibubu Bopele bo Bokumu botɔndeamabi ngondo esusu bɛngi edae tati ta tina e bikomi bisusu. Iboa suka eso eimeebi.»
Mobedji onɔi na djɛti
(Boindja pongono a Mal 13, 14-23; Luk 21, 20-24)
15«Ta tina emina ehole eɛnɛbino iyoyo okabeebo “Mobedji onɔi na djɛti” adikami ta Esika Esɛnɔke, mondumba motɔndɔkɔ motɛli Danyɛlɛ#24, 15 Dan 9, 27; 11, 31; 12, 11., yɛɛ bo molangeli asipoe. 16Iboa, ibia badaabi ta Yudhea batungi batie ta ngomba; 17yɛɛ bo iyona odaabi ta mbalasani etonga bo diko di ndako adae pɛpɛ botita bɛngi atombe eka edii ta ndako e nde, 18ko iyona odaabi ta gbie adae pɛpɛ bosɔmbɔ ta dii iyo bɛngi atombe esendja e nde. 19Ta masu imia, ndjokwa edaabi na bali ibia badaabi na meemi ko na ibia banungeabi baana! 20Angɔnɔni bɛngi odaeni pɛpɛ botia ta ehole e piɔ epipo kaoko ta busa bo sabata! 21Modjɔ mo edaabi saya enɔɔke edaa pɛpɛ boɛnɛmɛ donga ta mbangi e ngondo mbunoko busa ibubu, ko etaenɛmɛbi naikina#24, 21 Boɛngɛ Dan 12, 1.. 22Ko Ndjakomba aso adaa pɛpɛ bokputodja masu mamina, pɛpɛ nongo moto omɔti obwani bohela; endelo ta tina e bato ba nde bahɔɔ iyo masu mamina makputodjamabi. 23Moto omɔti akabala na nu bo: “Kilito adii iyaya!” Kaoko: “Adii ibobo!” Pɛpɛ bodhimani. 24Modjɔ mo ba masiya ba bokuta ko na batɛli ba bokuta badoabi, bainedjabi bimbete binɛnɛ ko na bingengo bɛngi bapengodje bato, edae pongono ibia bahɔɔmɔ. 25Hokamedjani! Nasi bookebedjani.
26«Moto akabala na nu bo: “Adii ta etengelenge!”, Pɛpɛ bokɛɛni. Kaoko: “Adii ta esika e mbombi”, pɛpɛ bodhimani. 27Naboa oko mondumba mokakɔe mokalikali o diko ta dɔɔngɔ dikaimane modaakabusa mokaenɛme mbunoko ta pamba ekasame mo, bodoa bo Mwana o Moto adaabi mo oko iboa. 28Esika esusu esambi ebembe, bingbondo bakaputoane ena.»
Bodoa bo Mwana o moto
(Boindja pongono a Mal 13, 24-27; Luk 21, 25-28)
29«Ta ngɔngɔ dji masu mamina ma saya, na mbala emɔti modaakabusa moimeabi modidi, songe atangɛsɛbi naikina, ndjɔtɔ bakwabi bodonga o diko ko ngulu dji diko djikumanabi#24, 29 Boɛngɛ Isa 13, 10; 34, 4; Edk 32, 7; Yol 2, 10; 3, 4.. 30Iboa embete e Mwana o moto eimanabi o diko, bikomi bisusu bi ngondo bibakeabi mɔmɔ ta molo, ko baɛnɛbi Mwana o moto bodonga ta matute ma diko na ngulu enɛnɛ ko na ekumu#24, 30 Dan 7, 13.. 31Mondulɛ monɛnɛ mobomabi, ko alomabi babwɛndi ba nde bengi baputoanedje bato bahɔɔ iyo ta makono ma ngondo manɛi ko ta suka e diko ekina mbunoko ta suka e diko ekina#24, 31 Boɛngɛ Dit 30, 4; Djk 2, 10; Nem 1, 9..»
Eleho e mole mo pigi
(Boindja pongono a Mal 13, 28-31; Luk 21, 29-33)
32«Yɛɛ bo ekuanedji e mole mi pigi eoleheni: ehole eɛmbɛi tape ko kasa djibangi bobota, okadjebeni bo pela eimei mbuti. 33Na ino pongono, ehole eɛnɛdea ino midjɔ imia misusu, djebani bo Mwana o moto adii mbuti na midipe. 34Oko iboa naotɔndeakadeani sooti mɛnɛ bo: mbota iyeye etanɔɔdea pɛpɛ mɛko imia misusu mikɔɔme. 35Diko na kpɔtɔ djinɔɔbi, endelo mibalo mi mbi mitanɔkɔbi.»
Oko Ndjakomba iyo mɛnɛ okadjebe ehole e suka
(Boindja pongono a Mal 13, 32-37; Luk 17, 26-30.34-36)
36«Ta modjɔ moindji isu kaoko ehole, pɛpɛ nongo moto omɔti okadjebe, edae babwɛndi ba busa, edae Mwana; oko Sesa iyo mɛnɛ moto okadjebe. 37Naboa, oko mondumba mokɔɔmɔ ta masu ma Noa, oko mondumba momina mokɔɔmɔbi pongono iboa ta bodoa bo Mwana o moto. 38Ekahia ta masu ma boso bo pela enɛnɛ, bato bayakaka ko bamwakaka, baasɔnɔkɔ ko baasɔdjɔkɔ baana ba bobo mbunoko ta busa bokwea na Noa ta masuwa#24, 38 Boindja a Mba 6, 9-7, 6.; 39ko baidjebaka nongo eka emɔti ta modjɔ mopalaka bokɔɔmɔ mbunoko pela enɛnɛ edoa abadindedja ibo basusu#24, 39 Boɛngɛ Mba 7, 7-24.; edaabi oko mondumba momina momɔti ta bodoa bo Mwana o moto. 40Iboa bato babae bakadaabi ta gbie, omɔti atombamabi ko okina adikabi. 41bali babae bakadaabi bainda mbuma ta eboka, omɔti atombamabi ko okina adikabi. 42Ta tina emina sɛndjɛlɛni, modjɔ mo otadjebakadeani busa ndani bodoadea na Kumu o bino. 43Sipoani bopele bo: moswa ndako asoadjeba ngonga ebwani moibi bodoa na bulu, asɛndjɛlɛdea ko atadhimadea moibi abuke ndako e nde. 44Ta tina emina ino pongono daani mbuti, modjɔ mo Mwana o moto atadoadea ta ngonga elɛdjɛkɛdea ino.»
Mosali o iyɔngi ko na mosali o pɛpɛ iyɔngi
45«Omina odii mosali o iyɔngi ko o bowɛi nda? Iyona opa moswa nde kapita obodaledja basali ba nde bɛngi abapake leka loboyaka ta ehole ebwani. 46Mongandi ta dii mosali iyoyo otaneadea moswa nde, akɔɔ iboa. 47Naotɔndɔkɔdeani sooti mɛnɛ bo: moswa nde amoisadea kapita o leka lo nde losusu. 48Endelo ekadaa mosali mobe akasabalea ta molema bo: “Moswa mbi akɔkɔdea ekoka pɛpɛ bohula”, 49iboa aimeadea boboma bina nde ba mosala, ayakadea ko na amwakadea na bato bamilangoa. 50Moswa mosali omina ahuladea isu didaki iyo pɛpɛ bolɛndɛ ko ta ngonga edaki iyo pɛpɛ bodjeba; 51amobenganadea ko amoisadea esika emɔti na bato ba ndango e mongi; iho ayeadea bio ko akpɛkɛnɛdea miino.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)