YOANE 12
12
Malia asopei malasi ta mako ma Yesu
(Boindja pongono a Mat 26, 6-13; Mal 14, 3-9)
1Masu masamano boso bo Pasika, Yesu aimea ta Betania#12, 1 Boindja Mal 11, 1 ko na nase., esika edaka Ladjalo, moto iyo osisodjaka iyo ta bogwa. 2Iho, Malata amopaka mia. Ladjalo adaaka omɔti ta tei e bato ibia badaaka na Yesu ta mesa. 3Iboa Malia atomba mboka e molangi mo malasi ma motswiya monɛnɛ, makɔɔmɔ na nale epele ko amasuoa ta mako ma Yesu, ngɔngɔ amahakoa na swe dji nde#12, 3 Boɛngɛ Luk 7, 37-38. . Ndako esusu eluma na so e malasi. 4Iboa, omɔti o batingami ba nde na kombe e Yudhasi Isikaliote, iyona omokabadea, abala bo: 5«Tina edai na wɛ pɛpɛ botɛkɛ malasi mamina na pata dji palanga mikama misato bɛngi bo bapɛ na bakwali nda?» 6Aibalaka iboa modjɔ mo adaaka na ndjokwa na bakwali, endelo abala ndenge emina modjɔ mo adaaka moibi: adaaka mobanei o ibenga di palanga ko atombaka eka eisaka bo ena. 7Endelo Yesu abala bo: «Kinani bomotungea! Akɔi iboa tina e bobwana na busa boisabinibo ta ikila. 8Odabini na bakwali ta ndanda e bino masu masusu#12, 8 Boɛngɛ Dit 15, 11., endelo mbi, otadabini na mbi masu masusu.»
Bayudha batomba meko e boowa Ladjalo
9Emumu enɛnɛ e Bayudha eoka bo Yesu adaaka ta Betania. Baikɛkɛ iho oto elɔkɔ e Yesu, endelo bakɛɛ pongono bɛngi baɛnɛ Ladjalo iyoo osisodja Yesu ta yogo. 10Banganga ba Ndjakomba banɛnɛnɛnɛ batomba meko e boowa pongono Ladjalo, 11modjɔ mo Bayudha banɛnɛ babakinaka ta tina e nde ko badhimeaka Yesu.
Yesu akwei ta Yelusalɛmɛ
(Boindja pongono a Mat 21, 1-11; Mal 11, 1-11; Luk 19, 28-40)
12Ngɔngɔ dji busa bomɔti, emumu e bato banɛnɛ ibibi badoaka ta tɛkɛ e Pasika, eoka bo Yesu aimeaka ta Yelusalɛmɛ. 13Ibo basusu batombaka magbangu ma mabia ko baimana ta ngando enɛnɛ bɛngi bakɛe asongana na nde; bagamaka bo: «Odjana! Adjongoame moto iyona okɛkɛdea adoe ta kombe e Kumu! Adjongoame iyo odii mokondji o Isalɛlɛ#12, 13 Boɛngɛ Ndjem 118, 25-26. Ekumu: makomi imi ma mbangi edii na Odjana (boindja Mat 21, 9 ko na nase).!» 14Yesu atanea mwana o tito okabee bo ane ko akondaka diko di nde oko mondumba mo balakadea Makomi:
15«Pɛpɛ bobanga oko, ngando enɛnɛ e Siona!
Indja, mokondji o wɛ adoi,
abaki ta diko di mwana o tito okabee bo ane#12, 15 Djkl 9, 9..»
16Boso mɛnɛ, batingami ba nde baisipoaka mikɔ mi nde; ndelo ebolodja Yesu ekumu, batingami badoalɛdjɛ bo Makomi matɔndɔkɔ modjɔ momina ta tina e nde ko eka ebalaka Makomi tina e nde ekokedjamaka.
17Bato basusu ibia badaaka na Yesu ta ehole ebeaka yo Ladjalo aimane ta ikila ko iyana amoimanedja iyo ta tei e bato bago, batubanaka midjɔ miɛnɛ ibo. 18Ta tina emina, emumu e bato edoa asongana na nde: bato baokaka akɔkɔ embete iyena e bokamodja. 19Iboa Bapalisai basabaleana ta tei e bobo: «Oɛnɛkɛdeani obwanitini bokɔ eka emɔti: moto mosusu atingami ngɔngɔ dji nde!»
Ndambo e Bagɛlɛki bahombakadea Yesu
20Ndambo e Bagɛlɛki#12, 20 Bagɛlɛki: bato ibia bakɛkɛ ta pasika pɛpɛ bodaa Bayudha, babwanaka bodaa olongo bato bapalaka bikimana modumba mo boangɔnɔ mo Bayudha kaoko ibia bahombaka badhimia Ndjakomba o Bayudha. badaaka ta tei e bato ibia badoaka akumea Ndjakomba ta Yelusalɛmɛ ta ehole e tɛkɛ. 21Basabatea mbuti na Pilipo, moto o Betesaida ta Galileya, ko babala na nde bo: «Moomi, lodii na posa e boɛnɛ Yesu.» 22Pilipo akɛɛ atondea Andele modjɔ momina, ngɔngɔ djimina ibo basusu babae bakɛɛ atɔndea Yesu modjɔ momina. 23Yesu abasɔmbedja bo: «Ngonga ebwani esi boimea e bonie Mwana o moto abolodje ekumu. 24Sooti mɛnɛ, naotɔndeakadeani bo: mbuma emɔti e ble ekadikame oko mbuma emɔti emiti kwa ta kpɔtɔ ko emiti gwa. Endelo ekagwa, edii bobota mbuma djinɛnɛ. 25Iyona okapale bomɔ bo nde mɛnɛ amobungedjadea, endelo iyona opali bobungedja bomɔ bo nde iya ta ngondo iye abolodjadea bomɔ bo kɔbili#12, 25 Boɛngɛ Mat 10, 39; 16, 25; Mal 8, 35; Luk 9, 35.. 26Moto akapala bosaleani, asuseni; iboa, mosali o mbi adadea iya ta esika edii mbi. Sesa akumedjadea moto iyona osaleakadeani.»
Yesu abali tina e yogo e nde
27«Edɛdiye molema mo mbi motungeamakadea. Ko nabale bo? Sesa, otatingoani ta ehole iyee e saya? Endelo nadoa sooti mɛnɛ oko bɛngi naɛnɛ saya emina. 28Sesa, pa ekumu ta kombe e wɛ!» Kɔpi emɔti edonga ta busa ebala bo: «Nasia bo ekumedja ehele ko naekumedjadea naikina.» 29Emumu e bato edaka ena ko eoka kɔpi emina ebabalaka bo: «Yena edaka wɛtoko mogbulumo mo kake!» Bakina babalaka bo: «Andjelu amobalei!» 30Endelo Yesu abasɔmbedja bo: «Kɔpi emina eokamiti tina e mbi, endelo edii tina e bino. 31Edɛdiye edii ehole e bosambedja ngondo iye; edɛdiyeye, mokondji o ngondo bamobenganadea. 32Ko mbi, ehole eangɔdjɔbini bo ta kpɔtɔ#12, 32 Boangɔdjɔmɔ ta kpɔtɔ edii mobalo momɔti mobalami na mindumba mibae, oko mondumba mokabale Yoane mandɛli mandɛli (boindja 3, 3-8 ko na nase). Einedjakadea iya ndelo ekina boiwea bo Yesu ta ekulusu ko boiwea bo nde ta ekumu (boindja molɔngɔ mo 33; 3, 14-15; 8, 28)., natubabi bato basusu ta dii mbi.» 33Ta mibalo mimina, Yesu ainedjaka mondumba mo yogo egwabi yo. 34Emumu e bato bamosɔmbedja bo: «Lookaka ta Mobeko bo Masiya adikamabi kɔbili. Iboa, ndenge ndani ebwani wɛ bobala bo Mwana o moto atungi boiweama? Mwana omina o moto oni?» 35Yesu abasɔmbedja bo: «Bohu bodii oko ta ndanda e bino, endelo tina e moo ehole mokɛkɛ. Medalani ta ehole iye edii ino na bohu, bɛngi bo modidi modae pɛpɛ boimaneani, modjɔ mo moto iyona odalakadea ta modidi tadjebe esika ekɛkɛdea iyo akɛe. 36Dhimeani bohu ta ehole edii ino na bu, bɛngi oimeeni bato ba bohu.»
Bayudha baloni bodhimea Yesu
Ngɔngɔ dji bobala iboa, Yesu akɛɛ ko abolama bohali na bu. 37Nongo akɔɔ iyo bimbete bi bokamodja binɛnɛ ta boso bo bobo, baimodhimeaka. 38Oko iboa eka ebala motɛli Isaya ekokedjami:
«Kumu, omina odhimea bwɛndi bo biso nda?
Omina oinedja Kumu ebɔ ende nda#12, 38 Isa 53, 1 elangama bobwana na Bibele e gɛlɛki eyou. ?»
39Isaya abala pongono bo tina ndani bato ibi baihɔnɔ bodhima bo:
40«Adipa miso ma bobo,
apingedja milema mi bobo,
bɛngi bo miso ma bobo madae pɛpɛ boɛnɛ,
ko milema mi bobo midae pɛpɛ bosipoa.
Ko indja tina ndani, bata hombedjakadea milema ta dii mbi
bɛngi bo nabaheledje#12, 40 Isa 6, 9-10 elangama ta Bibele e gɛlɛki eyou..»
41Isaya abala iboa modjɔ mo aɛnɛ ekumu e Yesu ko abalak tina e nde.
42Ekahia, ta tei e bakondji ba Bayudha ibo bɛɛnɛ, banɛnɛ badhimea Yesu. Endelo, ta tina e Bapalisai, basabombaka, basakaababengana ta ndako e miɔngɔnɔ e Bayudha#12, 42 Boindja 9, 22 . 43Bapalaka ekumu edongi ta dii bato endelo te iyena edongi ta dii Ndjakomba.
Sambi ta ndjea e mibalo mi Yesu
44Yesu agama bo: «Moto iyona odhimeini, ta bosooti adhimeitini, endelo adhimei iyona olomani. 45Moto iyona oɛnini, aɛni iyona olomani. 46Mbi, nadoa ta ngondo olongo bohu, bɛngi bo iyona obwani bodhimeani adae pɛpɛ bodikama ta modidi. 47Moto omɔti akaoka mibalo mi mbi ko adai pɛpɛ bomiisa ta mosala, mbi nitamotitedjadea na ikambo, modjɔ mo nadoa ta tina e boheledja ngondo endelo te ta tina e boedumba na ikambo. 48Moto akalonani, ko adhimiti mibalo mi mbi adii bodia ena eka ndani edii bomodumba na ikambo: edii bileho bipa mbi bimodumbabi na ikambo ta busa bo suka. 49Modjɔ mo nabaliti na bopala bo mbi mɛnɛ, endelo Sesa olomani iyo mɛnɛ apani eka ebwani na mbi bobala ko boleha. 50ko mbi nadjebakadea bo: mibeko mi nde mikapɛ bomɔ bo kɔbili. Oko boa midjɔ imimi mibakadea mbi, namibalakadea oko mondumba molomani Sesa.»
Currently Selected:
YOANE 12: ngc
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
YOANE 12
12
Malia asopei malasi ta mako ma Yesu
(Boindja pongono a Mat 26, 6-13; Mal 14, 3-9)
1Masu masamano boso bo Pasika, Yesu aimea ta Betania#12, 1 Boindja Mal 11, 1 ko na nase., esika edaka Ladjalo, moto iyo osisodjaka iyo ta bogwa. 2Iho, Malata amopaka mia. Ladjalo adaaka omɔti ta tei e bato ibia badaaka na Yesu ta mesa. 3Iboa Malia atomba mboka e molangi mo malasi ma motswiya monɛnɛ, makɔɔmɔ na nale epele ko amasuoa ta mako ma Yesu, ngɔngɔ amahakoa na swe dji nde#12, 3 Boɛngɛ Luk 7, 37-38. . Ndako esusu eluma na so e malasi. 4Iboa, omɔti o batingami ba nde na kombe e Yudhasi Isikaliote, iyona omokabadea, abala bo: 5«Tina edai na wɛ pɛpɛ botɛkɛ malasi mamina na pata dji palanga mikama misato bɛngi bo bapɛ na bakwali nda?» 6Aibalaka iboa modjɔ mo adaaka na ndjokwa na bakwali, endelo abala ndenge emina modjɔ mo adaaka moibi: adaaka mobanei o ibenga di palanga ko atombaka eka eisaka bo ena. 7Endelo Yesu abala bo: «Kinani bomotungea! Akɔi iboa tina e bobwana na busa boisabinibo ta ikila. 8Odabini na bakwali ta ndanda e bino masu masusu#12, 8 Boɛngɛ Dit 15, 11., endelo mbi, otadabini na mbi masu masusu.»
Bayudha batomba meko e boowa Ladjalo
9Emumu enɛnɛ e Bayudha eoka bo Yesu adaaka ta Betania. Baikɛkɛ iho oto elɔkɔ e Yesu, endelo bakɛɛ pongono bɛngi baɛnɛ Ladjalo iyoo osisodja Yesu ta yogo. 10Banganga ba Ndjakomba banɛnɛnɛnɛ batomba meko e boowa pongono Ladjalo, 11modjɔ mo Bayudha banɛnɛ babakinaka ta tina e nde ko badhimeaka Yesu.
Yesu akwei ta Yelusalɛmɛ
(Boindja pongono a Mat 21, 1-11; Mal 11, 1-11; Luk 19, 28-40)
12Ngɔngɔ dji busa bomɔti, emumu e bato banɛnɛ ibibi badoaka ta tɛkɛ e Pasika, eoka bo Yesu aimeaka ta Yelusalɛmɛ. 13Ibo basusu batombaka magbangu ma mabia ko baimana ta ngando enɛnɛ bɛngi bakɛe asongana na nde; bagamaka bo: «Odjana! Adjongoame moto iyona okɛkɛdea adoe ta kombe e Kumu! Adjongoame iyo odii mokondji o Isalɛlɛ#12, 13 Boɛngɛ Ndjem 118, 25-26. Ekumu: makomi imi ma mbangi edii na Odjana (boindja Mat 21, 9 ko na nase).!» 14Yesu atanea mwana o tito okabee bo ane ko akondaka diko di nde oko mondumba mo balakadea Makomi:
15«Pɛpɛ bobanga oko, ngando enɛnɛ e Siona!
Indja, mokondji o wɛ adoi,
abaki ta diko di mwana o tito okabee bo ane#12, 15 Djkl 9, 9..»
16Boso mɛnɛ, batingami ba nde baisipoaka mikɔ mi nde; ndelo ebolodja Yesu ekumu, batingami badoalɛdjɛ bo Makomi matɔndɔkɔ modjɔ momina ta tina e nde ko eka ebalaka Makomi tina e nde ekokedjamaka.
17Bato basusu ibia badaaka na Yesu ta ehole ebeaka yo Ladjalo aimane ta ikila ko iyana amoimanedja iyo ta tei e bato bago, batubanaka midjɔ miɛnɛ ibo. 18Ta tina emina, emumu e bato edoa asongana na nde: bato baokaka akɔkɔ embete iyena e bokamodja. 19Iboa Bapalisai basabaleana ta tei e bobo: «Oɛnɛkɛdeani obwanitini bokɔ eka emɔti: moto mosusu atingami ngɔngɔ dji nde!»
Ndambo e Bagɛlɛki bahombakadea Yesu
20Ndambo e Bagɛlɛki#12, 20 Bagɛlɛki: bato ibia bakɛkɛ ta pasika pɛpɛ bodaa Bayudha, babwanaka bodaa olongo bato bapalaka bikimana modumba mo boangɔnɔ mo Bayudha kaoko ibia bahombaka badhimia Ndjakomba o Bayudha. badaaka ta tei e bato ibia badoaka akumea Ndjakomba ta Yelusalɛmɛ ta ehole e tɛkɛ. 21Basabatea mbuti na Pilipo, moto o Betesaida ta Galileya, ko babala na nde bo: «Moomi, lodii na posa e boɛnɛ Yesu.» 22Pilipo akɛɛ atondea Andele modjɔ momina, ngɔngɔ djimina ibo basusu babae bakɛɛ atɔndea Yesu modjɔ momina. 23Yesu abasɔmbedja bo: «Ngonga ebwani esi boimea e bonie Mwana o moto abolodje ekumu. 24Sooti mɛnɛ, naotɔndeakadeani bo: mbuma emɔti e ble ekadikame oko mbuma emɔti emiti kwa ta kpɔtɔ ko emiti gwa. Endelo ekagwa, edii bobota mbuma djinɛnɛ. 25Iyona okapale bomɔ bo nde mɛnɛ amobungedjadea, endelo iyona opali bobungedja bomɔ bo nde iya ta ngondo iye abolodjadea bomɔ bo kɔbili#12, 25 Boɛngɛ Mat 10, 39; 16, 25; Mal 8, 35; Luk 9, 35.. 26Moto akapala bosaleani, asuseni; iboa, mosali o mbi adadea iya ta esika edii mbi. Sesa akumedjadea moto iyona osaleakadeani.»
Yesu abali tina e yogo e nde
27«Edɛdiye molema mo mbi motungeamakadea. Ko nabale bo? Sesa, otatingoani ta ehole iyee e saya? Endelo nadoa sooti mɛnɛ oko bɛngi naɛnɛ saya emina. 28Sesa, pa ekumu ta kombe e wɛ!» Kɔpi emɔti edonga ta busa ebala bo: «Nasia bo ekumedja ehele ko naekumedjadea naikina.» 29Emumu e bato edaka ena ko eoka kɔpi emina ebabalaka bo: «Yena edaka wɛtoko mogbulumo mo kake!» Bakina babalaka bo: «Andjelu amobalei!» 30Endelo Yesu abasɔmbedja bo: «Kɔpi emina eokamiti tina e mbi, endelo edii tina e bino. 31Edɛdiye edii ehole e bosambedja ngondo iye; edɛdiyeye, mokondji o ngondo bamobenganadea. 32Ko mbi, ehole eangɔdjɔbini bo ta kpɔtɔ#12, 32 Boangɔdjɔmɔ ta kpɔtɔ edii mobalo momɔti mobalami na mindumba mibae, oko mondumba mokabale Yoane mandɛli mandɛli (boindja 3, 3-8 ko na nase). Einedjakadea iya ndelo ekina boiwea bo Yesu ta ekulusu ko boiwea bo nde ta ekumu (boindja molɔngɔ mo 33; 3, 14-15; 8, 28)., natubabi bato basusu ta dii mbi.» 33Ta mibalo mimina, Yesu ainedjaka mondumba mo yogo egwabi yo. 34Emumu e bato bamosɔmbedja bo: «Lookaka ta Mobeko bo Masiya adikamabi kɔbili. Iboa, ndenge ndani ebwani wɛ bobala bo Mwana o moto atungi boiweama? Mwana omina o moto oni?» 35Yesu abasɔmbedja bo: «Bohu bodii oko ta ndanda e bino, endelo tina e moo ehole mokɛkɛ. Medalani ta ehole iye edii ino na bohu, bɛngi bo modidi modae pɛpɛ boimaneani, modjɔ mo moto iyona odalakadea ta modidi tadjebe esika ekɛkɛdea iyo akɛe. 36Dhimeani bohu ta ehole edii ino na bu, bɛngi oimeeni bato ba bohu.»
Bayudha baloni bodhimea Yesu
Ngɔngɔ dji bobala iboa, Yesu akɛɛ ko abolama bohali na bu. 37Nongo akɔɔ iyo bimbete bi bokamodja binɛnɛ ta boso bo bobo, baimodhimeaka. 38Oko iboa eka ebala motɛli Isaya ekokedjami:
«Kumu, omina odhimea bwɛndi bo biso nda?
Omina oinedja Kumu ebɔ ende nda#12, 38 Isa 53, 1 elangama bobwana na Bibele e gɛlɛki eyou. ?»
39Isaya abala pongono bo tina ndani bato ibi baihɔnɔ bodhima bo:
40«Adipa miso ma bobo,
apingedja milema mi bobo,
bɛngi bo miso ma bobo madae pɛpɛ boɛnɛ,
ko milema mi bobo midae pɛpɛ bosipoa.
Ko indja tina ndani, bata hombedjakadea milema ta dii mbi
bɛngi bo nabaheledje#12, 40 Isa 6, 9-10 elangama ta Bibele e gɛlɛki eyou..»
41Isaya abala iboa modjɔ mo aɛnɛ ekumu e Yesu ko abalak tina e nde.
42Ekahia, ta tei e bakondji ba Bayudha ibo bɛɛnɛ, banɛnɛ badhimea Yesu. Endelo, ta tina e Bapalisai, basabombaka, basakaababengana ta ndako e miɔngɔnɔ e Bayudha#12, 42 Boindja 9, 22 . 43Bapalaka ekumu edongi ta dii bato endelo te iyena edongi ta dii Ndjakomba.
Sambi ta ndjea e mibalo mi Yesu
44Yesu agama bo: «Moto iyona odhimeini, ta bosooti adhimeitini, endelo adhimei iyona olomani. 45Moto iyona oɛnini, aɛni iyona olomani. 46Mbi, nadoa ta ngondo olongo bohu, bɛngi bo iyona obwani bodhimeani adae pɛpɛ bodikama ta modidi. 47Moto omɔti akaoka mibalo mi mbi ko adai pɛpɛ bomiisa ta mosala, mbi nitamotitedjadea na ikambo, modjɔ mo nadoa ta tina e boheledja ngondo endelo te ta tina e boedumba na ikambo. 48Moto akalonani, ko adhimiti mibalo mi mbi adii bodia ena eka ndani edii bomodumba na ikambo: edii bileho bipa mbi bimodumbabi na ikambo ta busa bo suka. 49Modjɔ mo nabaliti na bopala bo mbi mɛnɛ, endelo Sesa olomani iyo mɛnɛ apani eka ebwani na mbi bobala ko boleha. 50ko mbi nadjebakadea bo: mibeko mi nde mikapɛ bomɔ bo kɔbili. Oko boa midjɔ imimi mibakadea mbi, namibalakadea oko mondumba molomani Sesa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)