YOANE 11

Bogwa bo Ladjalo

1Moto omɔti na kombe Ladjalo akwa na epeko. Adaka ta Betania, ngando edikamaka Malia ko na ngɛnɛ e nde Malata#11, 1 Boindja Luk 10, 38-39. Ladjalo edaka kombe emɔti ebeamaka mɛnɛ na ngulu ta ehole e Yesu; edii mobea mo bokuedja mo kombe e Eleadjale (Ndjakomba amokamoi). Boindja Mal 11, 1 ko na nase.. 2Malia adaaka mwali iyona osopea malasi ta mako ma Kumu ko amahakoa na swee dji nde, ko edaka wɛtoko ngɛnɛ e nde Ladjalo moto opekaka#11, 2 Boindja 12, 3.. 3Ba ngɛnɛ i bato bali babae baloma moto omɔti atɔndea Yesu bo: «Kumu, moto opalaka wɛ adii na epeko.» 4Ehole eoka Yesu gala emina, abala bo: «Epeko e Ladjalo etamoowadea; ekɔdea bo einedje ekumu e Ndjakomba ko boinedja pongono ekumu e Mwana o Ndjakomba.» 5Yesu apalaka Malata na mwanango o mwali, ko na Ladjalo 6Enakoboa, ehole eoka yo babala bo Ladjalo apekakadea, adikama naikina masu mabae ta esika edaka yo, 7ngɔngɔ djimina abala na batingami ba nde bo: «Losɔmbeni ta Yudhea.» 8Batingami bamosɔmbedja bo: «Molehi, kanga pɛpɛ ekoka iya bahombakabi baoowoe na mabɔkɔ ko osɔmbe iho koko naikina?» 9Yesu asɔmbedja bo: «Edii na ngonga doomi na ibae ta isu dimɔti, te iboa? Ko moto akadala na busa boyake, abwaniti botaa ibaku, modjɔ mo aɛnɛkɛdea bohu bo ngondo iye. 10Endelo moto akadala na bulu, abwani botaa ibaku modjɔ mo bohu boditi ta tei ende.» 11Ngɔngɔ dji nde bobala modjɔ momina, Yesu abakea bo: «Minasu Ladjalo awɛi hiɔ, endelo mbi nakɛdea amosisodja.» 12Batingami bamosɔmbedja bo: «Kumu, ekada awɛi hiɔ, aheladea na epeko e nde.» 13Ta bosooti, Yesu abalaka tina e yogo e Ladjalo, endelo batingami balɛnɛkɛ bo abalaka tina e hiɔ dji momɛsɛno. 14Iboa Yesu adoi abatɔndea sooti bo: «Ladjalo agwi. 15Nadii na sepi tina e bino modjɔ mo mbi nadakiti iho, iboa odhimeadeanini. Endelo lokɛeni iho ta dii iyo.» 16Iboa Toma iyo obeaka bo na kombe e Ipasa abala na batingami bakina bo: «Iso lokɛeni pongono, logwɛ na nde engbanga emɔti!»

Yesu adii ipuso ko na mohelo

17Ehole eimea Yesu, aoka bo Ladjalo akɔkɔ masu manei ta ikila. 18Abo Betania edii mbuti na Yelusalɛmɛ mbuti na kilomɛtɛlɛ isato, 19Bayudha banɛnɛ badoaka ta dii Malata na Malia abaindja ta yogo e mwange bobo. 20Ehole eoka Malata boni e Yesu akɛkɛdea adoe, akɛkɛ asongana na nde; endelo Malia adikaka ta ndako. 21Malata abala na Yesu bo: «Kumu, osoodaa nasu iyaya, ka mwange mbi agwiti. 22Endelo edɛdiyeye nadjebi bonie Ndjakomba aopadea eka ndani emowadjadea wɛ.» 23Yesu abala na nde bo: «Mwangwao asisoadea ta bogwa.» 24Malata amosɔmbedja bo: «Nadjebakadea bonie asisoabi ta bopusoama bo bato bago, ta busa bo suka#11, 24 Boindja Dan 12, 2..» 25Yesu abala na nde bo: «Mbi nadii bopusoama ko na bomɔ. Moto iyoo odhimeini, nongo akagwa adabi na bomɔ; 26ko moto mosusu odii na bomɔ ko adhimeini atagwabi. Odhimi modjɔ momina?» 27Malata asɔmbedja bo: «Sooti, Kumu, nadhimakadea bo wɛ odii Masiya, Mwana o Ndjakomba, iyoyo obwanaka bodoa ta ngondo.»

Yesu ayei

28Ta mɛko mi mina, Malata akɛɛ abea mwange ende Malia ko amotɔndei na bopɛtɛ bo: «Molehi adii iyanao ko akambakadea bo okɛe.» 29Ehole eoka Malia iboa, angɔɔ ko apota ta boso bo Yesu. 30Enakoboa Yesu aipaka imea ta ngando, endelo adaaka oko ta esika esonganaka iyo na Malata. 31Ehole eɛnɛ Bayudha badaaka na Malia ta ndako ibibi badoaka amoindja Malia angɔi pɛpɛlɛ, bamokimana. Balɛdjɛkɛ bo iyo akɛkɛ ayea biyo ta ikila. 32Malia aimea ta esika edaaka Yesu; ehole emoɛnɛ iyo, asadumba ta mako ma nde ko abala na nde bo: «Kumu, osoodaa iyaya, ka mwange e mbi o moomi abwanakiti agwɛ.» 33Iya amoɛnɛ Yesu ayea biyo, ko na bato badoaka na nde engbanga emɔti. Yesu aoka pɛhɛ enɛnɛ ko saya ta molema, 34ko aso abawadja bo: «Amoisabino djɔ?» Bamosɔmbedja bo: «Kumu, doa ko oɛnɛdea.» 35Yesu ayea. 36Iboa Bayudha babala bo: «Indjani mondumba momopalaka yo!» 37Endelo bato bakina ta ndanda e bobo babalaka bo: «Iyo moto odipoaka miso ma moto o miso mago#11, 37 Boindja 9, 6., abwanakiti pongono bosia Ladjalo adae pɛpɛ bogwa?»

Ladjalo asɔmbi ta bomɔ

38Yesu aoka naikina pɛhɛ enɛnɛ ta molema ko akɛɛ ta ikila. Edaka mombɔndɔ, ta tei e mabanga ko ta monɔkɔ momina badipa ibanga imɔti inɛnɛ#11, 38 Ta palesitine ta ehole e Yesu, mimbɔndɔ mi makila milongeamaka seko na ebende emɔti epolu ta mabanga manɛnɛnɛnɛ ko badipaka na ibanga ikina dinɛnɛ di ikilingoana ko ibatatake. Boindja Mat 27, 60; Mal 15, 46; Luk 24, 2.. 39Yesu abala bo: «Dongedjani ibanga». Malata, ngɛnɛ e mowei, abala na nde bo: «Kumu, apɔɔbi ehele, modjɔ mo esi bokɔ masu manɛi.» 40Yesu amosɔmbedja bo: «Naotɔndeakiti? Okamadhima, oɛnɛdea ekumu e Ndjakomba.» 41Badongedja ibanga. Yesu angɔdjɔ miso o diko ko abala bo: «Sesa, naopi misakoa tina bo okaokeeni. 42Nadjebakadea bo okaokeeni ehole esusu, nabali iboa tina e bato ibibi bahikini, bɛngi badhime bo wɛ moto olomani.» 43Ngɔngɔ dji bobala iboa, agama na ngulu: «Ladjalo, imana iyana!» 44Mowei aimana, mɔmɔ na mako ma nde madaaka manangake na bipasa bi bisendja ko boso bo nde bohuamaka na esendja#11, 44 Boɛngɛ 2, 6-7. . Iboa Yesu abala: «Motingoani ko mokinani akɛe.»

Bayudha batombi meko e boowa Yesu

(Boindja pongono a Mat 26, 1-5; Mal 14, 1-2; Luk 22, 1-2)

45Bayudha banɛnɛ, ta tei e ibia badoaka adii Malia baɛnɛkɛ modjɔ mokɔɔ Yesu bamodhimea. 46Endelo bakina Bayudha bakɛɛ ta dii Bapalisai ko babatubana modjɔ mokɔkɔ Yesu. 47Iboa banganga ba Ndjakomba banɛnɛnɛnɛ ko na Bapalisai baputoanedja Ikita dinɛnɛ ko babala bo: «Lokɔe bo? Modjɔ mo moto iyoyo akɔkɔdea midjɔ mi bokamoa minɛnɛnɛ! 48Lokamokina akɔɔke iboa, bato basusu bamodhimeadea, ko pongono bakondji ba Baloma bakweadea, ko babedjakakadea tepelo e biso ko ekomi e biso!» 49Moto omɔti ta tei e bobo, kombe e nde Kaipa, iyo odaaka nganga o Ndjakomba o monɛnɛnɛnɛ ta yanga iyena, abala na bu bo: «Ino otasipoakadeani! 50Otadjebakadeani bo edii bopele moto omɔti agwɛ tina e bato basusu bɛngi ekomi esusu edae pɛpɛ bobeha?» 51Enakoboa aibalaka iboa tina e nde iyo mɛnɛ; endelo abo adaaka nganga o Ndjakomba o monɛnɛ ta yanga iyena, atɛlɛkɛ bo etungi na Yesu bogwa tina e ekomi e Bayudha, 52ko editi oko tina e ekomi emina, endelo tina e boputoanedja pongono esika emɔti bana basusu ba Ndjakomba ibia banangana. 53Bobanga busa bomina, bakondji ba Bayudha batomba meko e boowa Yesu. 54Tina emina, Yesu akina bosaɛnɛmedja ta miso ma Bayudha. Akɛɛ ta ngando emɔti mbuti na edhu, kombe eyu Epalaime#11, 54 Epalaimi: ngando emina ekadae seko ta kilomɛtɛlɛ tuku ibae ta pamba e sadiko ko na pamba ekaimane modaakabusa., adikama iho na batingami ba nde.

55Tɛkɛ e Bayudha e Pasika emeika mbuti, ko bato banɛnɛ badongaka ta ngando na ngando bakɛkɛ ta Yelusalɛmɛ tina e bosasɛnodja boso bo tɛkɛ emina. 56Iboa bahombaka Yesu ehole edaka bo ta tei e tepelo, ko babala bo: «Olɛdjɛkɛdeani bo? Aduadea ta tɛkɛ kaoko ngasa?» 57Banganga ba Ndjakomba banɛnɛnɛnɛ na Bapalisai bapaka mobeko bo moto omɔti akadjeba esika edaaka Yesu, abadjebedje bɛngi bamopee.

Currently Selected:

YOANE 11: ngc

Highlight

Copy